السلام عليكم ورحمه الله وبركاته
اليوم انتهت امتحانات الثانويه العامه
امتحاناتي يعني :) :) ادعولنا بالتوفيق ف النتيجه
وانتو ربنا معاكو ياشباب
لو في اي اسئله اتفضلو ان شاء الله هرد
وبالتوفيق ان شاء الله :)

يلا يا جماعه مين عاوز اى حاجة ف الرياضة

شكرا لحضرتك وجزاكي الله كل خير
وربنا يوفقكم جميعا
واكيد لو في حاجة هنستعين بحضرتك :)

بقولك يا زعيم
اخبار امتحانات الرياضة كانت ايه معاكم

هو انت لسه طالب داخل سنة تالته؟؟؟نصيحة شيل كلمة مهندس من الاسم عشان متقطعش و هيا كلها سنة يا عم و ابقى حطه تانى

زى الفل بس ساعات بتلاقى مسائل محتاجة شوية تكير و تركيز خاصة ان الصيام ممكن تخليك تهيس حبتين

ياعم دي حاططها عادي يعني
متقطعش ايه بالظبط ؟
وانا لسة داخل 3 علمي رياضة

قصدى متقاطعش و بعدين براحتك
احنا جلنا الديناميكا فيها شوية افكار هى تعتبر اصعب امتحان اما الباقى كل امتحان فيه فكرة او اتنين و الباقى متوسط
مع ان الديناميكا فى مذاكرتها هتلاقيها حلوة و ممتعة و هتحس انك بتذاكر فيزيا اولى ثانوى بتوسع اكتر بس كلها مسائل
و ربنا يوفقك

ياريت تقوليلنا ايه افضل الكتب الخارجيه في كل المواد:) وربنا يوفقك في النتيجه

لا شكر علي واجب
استفدت كتير من المنتدي وحبيت افيد علي قد مقدر
ربنا معاكم :)

بالنسبة للرياضة لامى حلو جدا و المعاصر فى الميكانيكا بس

امييين يااارب :)
بالنسبه للكتب اللي كنت بذاكر منها
العربي: الرساله وكان عندي الاضواء بس محبتهوش خالص صراحه واوعي تحفظ ادب من اي كتاب خارجي
كتاب المدرسه فقط بيجي منه بالسطر لازم لازم انا قولت اهو :angry2:
الانجليزي: من الافضل تجيب اتنين واحد من المتوسطين والتاني افكار انا جبت جيم كان جميل جداا وكتييير جدا اشتغلو منه ولو عاوز جنبه توب بس صعب :)
الاحياء:صراحه حفظتها من كتاب المدرسه لان النماذج بالحرف برده منه ولو عاوز خارجي الامتحان
الفيزياء والكيمياء :كنت بذاكر من ورق المستر بصراحه لن يخرج عنه امتحان بجااانب حل مسااائل الامتحاان كلهاااا وتختار مدرس ثقه وشاطر
الجولوجيا: كتاب الامتحان وياريت تروح عند حد بيتابع بامتحانات وكده المدرس بتاعي كان كل حصه بلا استثناء اول ثلث ساعه امتحان تتفرق كتيير الله يكرمه
انا كنت الماني معرفش انت ايه ولبتوع الالماني كتاب ستار رهيب شرح ومراجعه
والاهم ف اي ماده الحصه مذاكره اول باول متركنش اهم حاجه واللي هتفرق معااك اوووووووي وكمان الحل اول باول
وربنا يوفقكم يااارب :av4056bb7jp3::av4056bb7jp3:

شكراااااااااا:022yb4:

العفو
شدو حيلكم واي استفسار احنا ان شاء الله موجودين :)