عارف الاحياء خلصنا درس وبدانا ف التاني انبارح والجيلوجيا تلاته بس كده

الاخين محمد ومحمد
حولم علوم احسن بلا ميكانيكا بلا بتاع مادة مؤرفة اصلا كنت بكرها وجبت فيها 18.5 تعالوا عندنا التنسيق بتاع 99% بس :022yb4: :022yb4:022yb4:

علوم ازاي ، و بالنسبة للجملة اللي تحت اسمي دي مش باينة ؟ :o اقولهم يكبروها شوية طيب ؟
براحة عليا الاول بس
اولا انا لسه مابدأتش ميكانيكا
ثانيا في التفاضل احنا لسه واخدين التطبيقات الهندسية بتاع ميل المماس و كدا
انت بقي فهمني ازاي وصلتوا للمعدلات الزمنية و خدتو استاتيكا كمان !!!

يا اخ محمود مش بيقولك حب ما تعمل حتي تعمل ما تحب ؟

شكرا لحضرتك استاذ احمد

استحمل منهج الرياضة في سبيل التنسيق و الكلية

العيب على النظر معلش :022yb4:
ايوة انت لحد هنا الدروس زي الفل المعدلات الزمنية بقي ده بيعتمد على حفظك لقوانين الكرة و حاجات كده حتاخد مجهود عشان تلمها تاني و معظمه لفظي و المشكلة في انك تحوله لمعادلة تحل بيها
الاستاتيكا اول درس جميل عادي تاني درس مش صعب جدا جدا يعني هو متوسط بس انا كنت قافل دماغي جدا فيه وما زلت تقريبا فالمعاصر استاتيكا نزل حجيبوا وربنا يسهل ان شاء الله

حد اخد توصيل المقاومات ؟ وايه رايكم فيه لو اخدتوه ؟

خدته انهاردة اه بس تقريبا مش كامل
محتاج حاجة فيه ؟

حليتم مسائل المرسومة ؟

حاجات بسيطة يعني مرتقتش لمستوى مسائل الامتحان والوسام لسه بنقول يا هادي يعني
انت اتعمقت يعني ولا لسه في الاول ؟
لو في الاول وفي حاجة هات كده وربنا يسهل

المعاصر استاتيكا عظيم سيبك من الطاقة السلبية اللي اديتهالك دي ابدأ بيه على طول هتلاقي الدنيا جميلة جدا عقبال ما بقية الفروع تنزل
الدرس فيه ما بين 40 ل 60 سؤال مش كفاية كده ولا حنجيب لامي كمان ولا ايه ؟

انا بتعمق اهو وبغرق 😂😂😂
بس المدرس لسه متعمقش هو لسه بيهظر

انا المدرس بتاعي اداني حصه كامله عن تلات سطور ف كتاب المدرسه
بس عرفنا التعريفات وازاي اجيب القوانين من غير حفظ او اجيب التعريف من غير حفظ وكده
لاكن مش فاهمه اي حاجه من الي بتقولوه ده كله

احنا دفعه كسوله جدا
يا جماعه زي notsomeما قالت نتفق ع معاد نذاكر فيه سوا
مش نبدي اراءنا في المناهج

انا حاولت اتعمق في التوالي والتوازي وانا بحل في كتاب الامتحان نهقت

المدرس اللي باخد عنده قال 100% احسن واحد
بس هو عموما المعاصر اللي مالقيتش عليه اختلاف يعني
انا من رأيي طالما جبت المعاصر يبقي تسأل مدرسك علي الكتاب اللي تجيبه تاني بالنسبة لل 60 مسألة دول اكيد مش هتخلصهم في يوم او اتنين او حتي اسبوع ، لأنك كدا اكيد هتهمل المواد التانية و مش هتاخد حقها

متنزلوا اسئلة يا جماعة عشان نتناقش فيها احنا هنقضيها دردشة عالمنهج
عايزين نعمل زي دفعة 2016

Speaker :
-Your license , please.
Here you are. What's wrong
-You'll be fined for not buckling your seat belt

Place :
Speaker A:
Speaker B :
Function :

Place ممكن Street عادي
A : traffic officer ظابط المرور اسمه كده صح ؟
speaker B : Driver / Car's owner
function : ممكن ask and answer ؟

معاك حق فعلا

احتملات
place :street
speaker a:traffic officer
speaker b:citizen
function: polite request/ask for information

ايه احسن ملخصات للانجليزى ، انا معايا توب و المعاصر . فيه حاجة تانية ممكن اجيبها ؟

ملخصات بمعني ايه ؟ ملخص ملخص يعني ولا كتاب خارجي ؟
لو بتتكلم عن كتاب خارجي Gem حلو ومعقول طبيعي يعني لكن المعاصر بيحب يزودها حبتين
المعاصر عظيم جدا في الnovel
لو قصدك ملخصات حاجة مش كبيرة يعني انصحك بدول
http://www.thanwya.com/vb/showthread.php?t=673966
http://www.thanwya.com/vb/showthread.php?t=677424

محمد ممكن تصورلي بس اول فصل ضرروووووري جدا
اول فصل من قصه المعاصر

حاضر ثواني وهرفعمهلك

شكررااااااااااا

#‏حاجات_ممكن_تعملها_هتحببك_في_المذاكرة‬:
1- ترتب اوضتك كويس والمكتب اللي بتذاكر عليه عشان تحس بالنظام والتفاؤل.
2- تشرب مسكنات كتير وأفضلهم الشاي او القهوة لانها بتقوي تركيزك جداً في المذاكرة.
3- يفضل تناول بعض الحاجات الحلوة اللي ممكن تديك طاقة كبيرة زي اللبن او الشوكولاتة او العصائر.
4- حاول تخلي اوضتك فاضية شوية ، يعني متملهاش طرابيزات وكراسي علي الفاضي عشان تأخد راحتك في المذاكرة والحركة.
5- يا ريت تكون اضاءة الغرفة بتاعتك قوية عشان نظرك ميضعفش بعد الثانوية العامة.
6- كل ما تحس بالاحباط او ضيق النفس فالحل هو الوضوء ، فإن لم يجدِ فعليك بالاغتسال ، هتحس انك مولود من جديد.
7- حاول انك ترفه نفسك كل يوم بسماع ربع صغير من القرآن أثناء تناول الاكل ، هتحس بدفعة تفاؤل رهيبة.
8- واظب علي صلاة الفجر في ميعادها ، ففيها الخير والبركة ، وبتحسسك بالثقة والطمأنينة .
9- استخدم الألوان
10- حاول تنفض اي مشاكل في البيت وخليك في حالك ، فالوقت من ذهب وكل يوم هيعدي عليك هتتحاسب عليه بعدين.
#2017

شكراا جدا لحضرتك
جزاكي الله خيرا
بس انا عايز سؤال بس
العربي ذاكرتيه من اي كتاب وازاي عشان عاملي مشكلة كبيرة

شكرا يا دكتوره على النصائح .

لكن عندى ملحوظه يريت نبعد عن رقم 2 نهائيا

اولا ربنا يحققلك حلمك السنادي ان شاء الله يا دكتور واهم حاجة الثقة ف الله وتتوكل ع الله وتشتغل ع نفسك ف المواد كلها ومفيش مادة ع حساب مادة بس طبعا ف مواد محتاجة مجهود اكبر
بالنسبة للعربي فهو درجته كبيرة ومهم جدا سهل يروح فيه درجات جدا وبردو سهل تجيب فيه درجة عالية ان شاء الله
انا عايزة حضرتك يا دكتور تهتم بكل فروع العربي يعني لو فرع مش فيه كويس تحل فيه اكتر وتشتغل عليه لحد ما تظبط المادة
انا كنت بذاكر من الرسالة وجبته مراجعة كمان وحليته منه والامتحان
نشوف كده كل فرع ونظامه
التعبير بالنسبة للتعبير الوظيفي الرسالة والحاجات دي سهلة بتبقي موجودة ف الكتب بتعرف شكلها وطريقتها انا عرفتها قبل الامتحان
اما التعبير الابداعي ده تكتب اربع صفحات وتخلص ف نص الصفحة الرابعة كده هتكتب الافكار تعمله نظام فقرات وتمهد للموضوع ف كام سطر كده ببداية كويسة انا جايلنا القراءة بدات بايات من سورة العلق واتكلمت عنها وتكتب عن الافكار حاول تزود الافكار 8 كده حتي لو مش هتكتبهم كلهم وتستشهد ع قد ما تقدر وحاول تقرا موضوعات تعبير مكتوبة وتكتب جمل فيها تصوير كده يعني ممكن تخد من دروس القراءة جمل وتتدرب كل فترة كده وتكتب موضوع وتوريه للمستر التعبير مهم جدا والاستهتار فيه ليه نتيجته
النحو عليه 20 درجة عايز تدريب يعني ميتركنش متجيش فترة وتركنه حل فيه قطع الثانوية قطع من كتاب الامتحان تحل ع الدروس اللي ف الامتحان بالحل الكتير هتلاقيه ممتع
النصوص انا كنت بذاكرها من الرسالة ركز ع الايحاء احفظ التعليق من كتاب المدرسة مهم جدا وابقي بص ع التعليق اللي قبل الاسئلة ف كتاب الامتحان النصوص هتيجي معاك بالتكرار والمراجعة متقلقش لو بتنساها راجعها وهتثبت وحل اسئلة الثانوية فيها عشان الاسئلة بتتكرر سواء مقالي او معاني
القراءة سهلة احفظ الدرس كويس وحل عليه من الامتحان
القصة اقراها من النص نفسه وهي بردو سهلة بس متبخلش ف الاجابة فيها وشوف بعدها سؤال وجواب براحتك بقي
الادب ده مهم جدا تحفظه صم من كتاب المدرسة عشان بيجي من بين السطور وابقي استشهد بالابيات اللي ف المدارس وهو مكنش بيثبت معايا بس مع التكرار والمراجعة ع الاخر هتلاقيه اتحفظ
ولما تيجي حضرتك تراجع النص راجعه بمدرسته ف الادب
البلاغة انا كنت بحفظ من ورق المستر هي اسئلتها محددة وليها طريقة اجابتها بس ف الاسبوع الاخير نزلت ورق لمستر اسامة عز الدين وحفظت منه اجابات البلاغة اسلوبها جميل ف الاجابة
اخر السنة تعمل للعربي اسبوع لوحده مراجعة وتحل فيه امتحانات عشان تتدرب لان الامتحان بيبقي طويل
نصيحة متبخلش بالاجابة ف العربي حاول تقفل ع المصحح يقولك العاطفة تسيطر عاطفة التفاؤل والنشوة والامل ومرادفات والايحاء نفس الكلام
حاول تراجع العربي باستمرار لان دورك اكبر من المدرس بكتير ف العربي اعتمد ع نفسك فيه ومتهملهوش عشان تضمنه ومتنقصش فيه
اخر حاجة سيبك من العربي صعب تجيب فيه درجة عالية اووي الموضوع بسيط جدا وناس كتير بتجيب فيه وادعي ربنا كتير
دي تجربتي ف العربي والحمد لله جبت 79.5

عقبالنا ياارب

شكرااا جد ليكي على النصائح الجميلة
وان شاء الله هعمل بيها
ربنا يبارك لك يا دكتورة المستقبل

ادعي ربنا كتير يا دكتورة نورهان ركعتين قيام ليل هتلاقي اليوم كله اتظبط معاكي وربنا يباركلك فيه باذنه واقري ولو بس صفحة قران وتدبري معانيها قبل ما تبدئي مذاكرة وقبل ما تدخلي اوضتك تذاكري ارمي كل حاجةوراكي سمعتيها من صحابك لان هتلاقي ناس عايزة تعمل منك نسخةكربون فاشلة زيهم خليكي بمبدا عيش اصم الناس بتسرق حلمك:)

ع ايه بس يا دكتور ربنا معاكم ويوفقكم
يعني العربي فيه لسة حاجة عايز تستفسر فيها عشان انا عايزة ان شاء الله 80 او 79.5

ان شاء الله يا دوك و شكرا علي النصائح دي
انا كنت عايز اسأل بس في القصة هل لازم الاجابة تكون زي نص القصة بالظبط ولا اعبر باللي انا فاهمه عادي ؟
اصل من فترة شفت ناس بتقول لازم علي قد ما اقدر الاجابة تكون قريبة من نص القصة عشان اضمن الدرجة من المصحح و عشان فيه اسئلة بتيجي من بين السطور

هل الكلام ده صح ؟

و حاجة كمان , المستر قايلنا لازم نقرا الفصل من كتاب الوزارة او نجيب القصة من علي النت دلوقتي لحد ما نستلم الكتب و في الكتاب بتاعه جايب ملخص الفصل و شوية معاني و قطعتين او تلاتة واجب علي الفصل و مش جايب س و ج
النظام ده كدا كويس ؟

ع حسب السؤال فيه اسئلة بتبقي محددة زي اول فصل لم كان يرجح فيه تلات اسباب لازم تبقي كاتبهم والا اجابتك هتكون ناقصة مش لازم بالكلمة والحرف يعني بس لازم تكتبهم وفيه سؤال بيبقي مفتوح براحتك زي اللي بيتكلم عليه ف صفحة ابقي لخصه بحيث تكون اجابة منطقية انا كنت مجاوبة القصة زي الكتاب بالنص وبعدها كمان عبرت باسلوبي شوية انا كنت عموما ف المواد بتعب ف الحفظ ف الاول شوية بس اول مرة لو الحاجة تعبت فيها وحفظتها كويس اول مرة ف اي مادة هتبقي بعد كده حاجة تافهة يعني القصة انا ف الاخر مخدتش حاجة ف المراجعة وخصوصا الجزء الاول عشان راجعناه كتير
نظام المستر بتاعنا كان مختلف عن الباقي كان بيقري معانا النص ويدينا اسئلة ع كل فقرة وتحاول من الفقرة تجمع اجابة كويسة تكتبها والقراءة بردو لازم تقرا النص عشان بيجي الفقرة مثلا من الجزء الاول ونقطتين من التاني سؤالين علل وساعات بيجوا من بين السطور

طب كدا من الواضح انه لازم استعين بأسئلة س و ج
كنتي بتحفطيها منين معلش؟

شكرااا جدا عالنصايح و هحاول باذن الله اجيب زي حضرتك فالعربي بالذات وان شاء الله نبقى في كلية وحدة وجامعة وحدة
كلنا منصورة 😂

ان شاء الله يا دكتور حضرتك قدها اعمل اللي عليك ع قد ما تقدر وادعي ربنا كتير ف السجود وان شاء الله ربنا هيكرمك اخر كرم

انا زي ما قلت كنت ماشية بطريقة المستر دي من اولي اعدادي بس اهم حاجة لازم فعلا تقري النص بتركيز عشان ف اسئلة بتيجي من بين السطور

انا كنت بفكر اقرا القصة من علي النت ( لحين ما نستلمها ) و اعمل انا اسئلة علي كل فقرة و اجابتها من نص القصة برضه بس بطريقة تناسبني طبعا عشان تبقي اسهل في الحفظ ، ولا الافضل احفظ الاسئلة دي من اي كتاب خارجي ؟

لا حضرتك الطريقة الاولي افضل

اني أعمل انا الاسئلة ؟

بالظبط كدا يادكتور..
عامة كل ماتتعب نفسك في المعلومة كل ماتثبت اكتر
بس ميمنعش بردو ان فيه اسئلة في القصة مهمة و بتتكرر كل سنة دي لازم تحفظها زي ماهي مع الأسئلة بتاعتك.. هتلاقيها في ملزمة مستر عبدالعزيز كويس في قسم العربي.. لو ملقتهاش هنا في المنتدى خليك وراها لحد ماتلاقيها عشان تضمن سؤال القصة

مفيش حد هنا ملخص احياء. كيمياء . جيولوجيا . فيزياء في كشكول مثلا يورينا عمل ايه مثلا صور يعني

فكرة حلوة بصراحة :078111rg3:

تجربتي زيك بالظبط انا بردو جبت 79.5 وموضوع التعبير ابتديت بآيات من سورة العلق انا حاسس ان انا اللي بتكلم والله
انا بس عايز أضيف حاجة اللي بينقص الناس كتير في العربي عدم التركيز يا ريت قبل الامتحان تنام كويس بدري وتتأكد انك حالل السؤال كله بكل جزئياته وتخطط تحت أدوات الاستفهام في السؤال

والله يا دوك العربي انا حاسس انه اكبر مادة واكتر مادة بتاخد وقت فالمذاكرة
ربنا يستر واعمل بنصائحكم ومنقصش فيه اكتر من درجة