هو لا زم احسب المعدل مع معدل الترم الاول بالتفصيييييل ولا اخد رقم المعدل عالطول واجمعه مع معدل الترم التاني وخلاص
يارب يكون حد فهم حاجه:d

علوم اليكس .. هاردلك .. انا اكتر واحد عارف شعور ان الواحد يطلع بمادة ... الحمد لله على كل شيء و انصحك ما تخديش السي تاني لأنها ببساطة مش لازماكي مدام عايزة كيمياء ... و على فكرة انا حسبت معدلي لقيت اني زيك برضه جيد مش مرتفع يعني c+.
و الله انا برضه مش عارف ده يدخلنا كيمياء ولا ايه.... يا رب...نشتغل دعاء على طول.
لافلي جيرل الله يبارك فيكي متشكر و العفو... يارب تكوني عرفتي تحسبيه و قوليلنا كام بقى.
هنود مينفعش تجمعي المعدل الاولاني زي ماهو لازم تاخدي المواد من الاول .. يعني مثلا لما نوصل تالتة لو جمعنا المعدلات هتبقى اكتر من اربعة يبقى معنى كده ان الطريقة دي غلط.
هنقعد لغاية سنة رابعة نحسب من اول ترم في الكلية.
في ملاحظة بس ان اللي سقط في مادة و بعدين اخدها تاني و نجح فيها لما يجي يجمع عدد الساعات المعتمدة ميجمعش المادة دي مرتين هي مرة واحدة بس و دي من الحاجات الحلوة في النظام الجديد يعني كأنه بينسى انك سقطت في المادة دي بالنسبة للمعدل .. لكن في حاجة شبه صحيفة الحالة الجنائية كده هيتكتب فيها كل حاجة.مش هينسى حاجة.

انا مكنتش وخدة مدخل قانون اصلا الترم ده بس لقيتها نزلة فى مواد السامر كورس فحخدها ان شاء الله اخلص منها بس سمعت ان دكتورها مش كويس اوى
بس
حخدها اهى اقعد اصمها و خلاص رغم انى مش بحب القانون بس لازم
انا كنت عيزة احسن رياضة الترم الاول اللى كنت مقبول فيها و منزلوهاش اصلا فجدول المواد للصيف ده فحدخل مدخل قانون ارفع تقديرى

انا كدة معدل السنة كلها جيد مرتفع

مبرووووووك للكل و الحمد لله

علوم ****
انا اى نعم بيولوجى بس اصحابى اللى فعلوم طبيعية الحمد لله كلهم طالعين بالمادة دى و سألوا مدير الكنترول و د. سيد منصور و قالولهم نفس اللى قاله محمد فوكس

مبروك يا محمد فوكس و الحمد لله
ربنا يوفق الجميع
و الف الف الف مبووووووووووووك طبعا لهنوووووود حبيبتى
مبروووووك علوم ****
مبرووووك لافلى جيرل

ايوة عرفت احسبه يا فوكس و طلع 2.78 للسنة كلها ... هو كده المفروض تقديرى يكون ايه ؟؟؟
مع العلم ان الترم الاول معدلى كان 2.76 و حسبته اتاكدت منه لاقيته كده بس كان كان تقديرى b يعنى جيد جدا و المكتوب ف دليل الطالب ان 2.76 مش جيد جدا مش عارفة دى بقا غلطة مطبعية ولا ايه
لو حد فهم حاجة يا ريت يقولى رأيه ايه و يدعيلى تجيلى كيمياء (مش مهم اسم التقدير ايه )
سلام

مبروك للجميع و ان شاء الله كل واحد يدخل القسم اللي عايزه و هو تقريبا واحد الكيمياء.

تقديرك كده جيد مرتفع -b
2.76 مش جيد جدا هي جيد مرتفع برضه...مش عرف بقى ازاي كتبولك b يمكن يكونو نسيو علامة الماينس.
و على رأيك مش مهم اسم التقدير خالص المهم الكيمياء.
يا رب تجيلنا كيمياء.
سلام..

اقتباس:

لأن التقدير بعد السامر كورس مش هيتاخد بيه في التخصص .. هو ممكن ينفعك قدام في التخصص الفرعي.

انا سالت د. سيد منصور و قالى ان التقدير حيضاف لمعدلى الحالى و لو نتيجة الأقسام طلعت بيعدلوهالى و هى فالغالب حتظهر فأول الدراسة ان شاء الله
اسأل د. سيد منصور المرشد الأكاديمى و هو حيأكدلك كلامى
و شكرا بجد للنصايح ان شاء الله انتظم و فعلا كل الناس قالولى ان الدكتور ده صعب اوى

اقتباس:

واضح من كلامكسجيل ف ان التي السامر كورس بدأ .. يا ريت لو في اي حاجة مهمة تقوليهالنا يعني زي معاد بدأ الدراسة (كانو بيقولو 15).. انا عموما رايح بكرة اشوف ايه الكلام عشان بعدها هروح اصيفلي يومين تلاتة.

معاد بدء الدراسة من يوم السبت 11 كل مادة على حسب معادها فى الجدول
هما علقوا جدول بمواعيد المواد اللى نزلت سامر كورس و اسامى الدكاترة كمان
يعنى
لازم الكل ينزل الكلية يشوف الجدول بنفسه
عالعموم لو حد عايز مادة معينة مواعيدها و كدة يقولى و ان شاء الله لما اروح الكلية اشوفها و اقولكم

انا كده رحت في الباي باي بسبب سفري ده مش عارفه اتحرك ولا احسب المعدل ولا اسجل مواد في السمر كورس ياااااااااااااااربي
قوللهم يستنوني شويه ده ايه ده:d
بالنسبه لمعدلي الترم الاول كنت جايبه 2.49 انا فاكره كده بس للاسف معييش تقديراتي بتاعه الترم الاول سيباها في مصر في ورقه مرميه كده على جنب متوقعتش اني ممكن احتاج لها
والترم ده معدلي 2.90للاسف باقي حاجه بسيطه على الجيد جدا يعني الترم ده جيد مرتفع
والترمين مع بعض برضه جيد مرتفع تقريبا والله اعلم

دلوقتي بقى
انا عايزه اخد في السمر كورس مدخل قانون وعلوم بيئه بس خايفه من الدكتور بتاع مدخل القانون لاني هغيب اول ايام
وهل التسجيل مفتوح ولا هيقفل يعني موجود لحد امتى؟؟؟


والله يبارك فيكي يانهى ياقمره وبجد شكرا جدا جدااااااااااااااااا ليكي تعبتك معايا
والله يبارك فيكم كلكم

والف الف مليوووووووووووووووووووووووون مبرووووووووووووووووووووووووووووووك ليكم كلكم:) :) :)

تقبلوا تحياتي
واسفه على الاطاله...:) :)

هيييييييييييييه باركولي :d
لقيت تقديراتي بتاعه الترم الاول هنا في المنتدى وحسبت الترم الاول طلع 2.52 مش عارفه ازاي بس طلع كده وخلاص
والترم التاني 2.90 والترمين 2.71 يعني جيد مرتفع
والحمد لله على كل شئ :) :) :)

الحمد لله انا اجحت فى كل المواد بس المشكلة ان تقديرات المواد قلت اوى عن الترم الاول على العموم الحمد لله على كل شىء بالنسبة لموضوع المعدل التراكمى انا الترم الاول جبت 3.11 وجبت جيد جدا مرتفع مع ان جيد جدا مرتفع المفروض اجيب اعلى من 3.33 بس هما تقريبا بيحسبوها من بعد تقدير الرقم اللى بيكون موجود قدام التقدير يعنى جيد جدا 3 وانا عديت 3 فبقيت جدي جدا مرتفع الصراحة الموضوع ده محيرنى لانه هيفرق معايا اوى
لان انا لما حسبتها لنفسى فى الترمين لقيت نفسى جايبة 2.95 فمش عارفة هل هى جيد جدا ولا جيد مرتفع لان واحد من عشرة هيفرق كتيييييير اوى من قسم لقسم المهم ان هما قالوا هينزلوا التقدير العام تقريبا يوم الخميس والمفروض الطلبة اللى ناجحين فى كل المواد يستلموا النتيجة من المطبعة زى الترم الاول عشان يعرفوا تقديرهم
ربنا يستر وكل واحد يعرف تقديره بالظبط ويدخل القسم اللى نفسه فيه
والف مبروك للجميع معلش اذا كانت متاخرة

مبرووووووووووك ياجماعة ع النجاح

ومعلش هارد لك للي وقع بمادة او حاجة بس معلش الكلية كلها دي تقريبا معظم الدفعة واقعة بمواد واللي عدي نضيف يحمد رينا حتي لو تقديره قليل ومبروووووووووووووووووووووووك ليكم كلكم

انا في ولد اعرفه قالي انه عرف ان التقدير بتاع السامر كورس هيتضاف و هيتاخد بيه في موضوع الاقسام.
بس انا لسه مش متأكد لأني سألت دكتور علاء الدين رمضان ده بقى الكبير بنفسه و قالي لأ بعد محاضرة العميد بتاعت التخصص.يكون غير رأيه؟
انا رحت الكلية النهاردة و حظي حلو اني رحت لأن بكرة اخر يوم و انا مش موجود بكرة فمش هقدر اروح.
سجلت و دفعت و نقلت الجدول..بس انا كتبت المعدل بتاعي اللي حسبته في استمارة التسجيل من غير ما حد يقولي هو غالبا صح .. بس المفروض كنت سبتها فاضية زي معظم الناس.

يا جماعة على فكرة عند شؤون الطلبة بتاخد ورقة فيها تقديرات المواد فى الترمين و فيها الgpa & cgpa
بيتدفع 5 جنيه او بالنسبة للى داخل سامر كورس و معاه الوصل الاحمر يعنى دفع خلاص 5 جنيه للاستمارة بتوريهم الايصال و بتاخد الورقة دى او اللى هما مسمينها شهادة

و انا انهردة سألت دكتور سيد منصور تانى و سألت دكتور علاء رمضان بنفسه و الاتنين قالولى نفس اللى قلته
عالعموم اسألوا بنفسكم علشان الكل يبقى مطمن

بالنسبة لمدخل القانون حتكون الاحد و الثلاثاء من 4 ل5

بالنسبة لهنووود انا مش عرفة امتى آخر يوم بس حاولى لو قدرتى ترجعى بدرى شوية يكون احسنلك

:d:d:d
الحال من بعضه
قدر الله و ما شاء فعل

ادعووووووولي ادخل علووووووووووووم

اسكندريه

ياااااااااااارب تدخل اللى انت نفسك فيه و اللى فيه الخير و ان شاء الله مستنيين مشاركاتك معانا
احنا هنا اى حاجة محتاس فيها حنشاركك فى الحوسة مفيش مشاكل ان شاء الله و كل المشاكل لها حلول عندنا
:d

الله يخليكم و الله نورتونا و شرفتونا بس لا تكرروها هههههههههههه
عالعموم اهو السنادى كلنا حنسيبهالهم باللى فيها الحمد لله

ربنا يوفقكم ان شاء الله كلكم و ابقوا طمنونا برده احنا كنا فيوم من الأيام مستضيفنكم عندنا :049gc0:

دكاترتنا كلهم عظماء و عباقرة
و بعدين ايه بتوعنا دى؟:confused::confused::confused:
هما اصلا دكاترة علوم
يعنى دكتور جمال كان بيدينا zoology الترم 1 و خطفتوه مننا الترم 2 و غيره و غيره
قال بتوعنا!!!!!!!!
بكرة تروحوا تشوفوا دكاترتكم ان شاء الله بلاش نسبق الأحداث و تقولوا و لا يوم من ايام دكاترة علوم:stickjo4:
:)ربنا يوفقكم ان شاء الله لكل خير و ان شاء الله امتياز
و الله اسعدتونا و شرفتونا و نورتونا بس مصيركم ترجعه لكليتنا و دكاترتنا فيوم من الايام :d:d:d

ياررررب يوفقك وتدخل علوم اسكندرية طالما انته نفسك فيها قوي كده ويااااارب نعدي احنا منها علي خير

يارب ان شاء الله
ايه اخبار النتيجة يا einstein.2020؟؟؟
ان شاء الله تكون كويسة و تدخل اللى فيه الخير و ان شاء الله علوم اسكندرية


يارب آآآآآآآآآآآآآآآآآمين

هى نتيجة تنسيق الأقسام محدش يعرف عنها حاجة؟ ياريت لو حد يعرف اى معلومة عن معادها او حتى توقعاتكم السنادى

السلاااااااااااااااااااااااااااااااام عليكم

إزيكوا يا جماعه عامليين إيه

انا اعرف ان نتيجه تنسيق الاقسام هتظهر في شهر 9 والله اعلم
انا هروح الكليه يوم الاحد اسال عن كل حاجه
لو عايزيين تسألوا عن أي حاجه أنا موجوده قولولي متتكسفوش :d

و عليكم السلام
حمدالله عالسلامة يا قمر
انا كمان رايحة الكلية انهردة الاحد عالساعة 4 و نص خمسة كدة يارب اشوفك هناك
وحشانى اوى يا هنوووود:d

ياريت حد يقول نتيجة التنسيقامتى؟
عشان الواحد بقى على نااااااااااااااااااااار ومنديش ادنى استعداد عشان استنى لشهر 9

معلش يا جماعة بقالي كام اسبوع مش بدخل بس مكنتش في البيت ده غير ان النت قطع فترة.
ايه اخبار السامر كورس معاكو .. انا بالنسبالي تايه شوية لان كمان مفيش ورق كورسات زي الدراسة العادية.
و ايه اخبار نتيجة التخصصات .. انا عمال اسمع ناس بتقول هتطلع قريب و في نفس الوقت حد يقول بعدالسامر كورس
و اللي يقول الكيمياء هتاخد جيد جدا و محدش بيقول هو عرف منين؟
حد عنده حاجة جديدة؟
سلام..

الكيميا هتاخد من جيد جدا يا خرابىىىىىىىىىىىىىىىىىىىى
خلاص باباى يا كيميا واهلا بقسم حشرات

السلام عليكم ع فكرة نتيجه التخصصات مش هتظهر غير بعد نتيجه السامر كورس لان معايا نبات ولما سالت المرشد الاكاديمي هل الماده دي هيتاخد بيها في التقدير وكده علشان التخصصات قالي انه هيتاخد بيها طبعا ومش هتظهر نتيجه التخصصات غير بعد نتيجه السامر كورس وبالنسبه ان الكمياء تاخد من جيد جدا فده مش احنا اللي نحدده ده ع حسب كل سنه وع عدد اللي طالبين القسم ده فبلاش تقلقوا نفسيكم انشاء الله خير واللي ربنا عايزة هو اللي هيكون

كل واحد برأى
بس انا مش مستغربة
هذا ما تعودنا عليه فى كليتنا العظيمة
الكل لازم يفتى

يااااااااااااااااااااا ليه كدة؟
حشرات ايه بس حرام عليكى
ان شاء الله ربنا يعمل اللى فيه الخير و تدخلى اللى نفسك فيه يارب ان شاء الله



و الله انا ده اللى سمعته و بصراحة مقتنعة بيه كمان لأنهم لا يمكن يطلعه نتيجة الأقسام قبل السامر كورس ما تطلع نتيجته

شوية يقولوا قبل السامر كورس وشوية بعده طيب انا اعرف واحدة سالت العميد ذات نفسه فى مكتبه قالها من اسبوع ان النتيجة كمان اسبوعين يبقى ازاى بعد السامر كورس
بجد انا معنديش اى استعداد استنى لغاية شهر 9 عشان اعرف النتيجة حرااااااااااااااااام اعصابىىىىىىىىىىىى

ازيكوا ياشباب يارب تكونوا كلكم كويسين وبتقضوا اجازة كويسة ومفيش قلق ولا اي حاجة وبالنسبة لحكاية نتيجة الاقسام في ناس بتقول قبل السامر وناس بتقول بعد نتيجة السامر بس الكلام المنطقي انها بعد نتيجة السامر كورس لإن زمايلنا اللي معاهم مواد هيعملوا فيهم ايه مش هيدخلوهم اقسام يعني ولا ايه وده مستحيل فأكيد هيأجلوا نتيجة الاقسام لحد بعد نتيجة السامر عشان يكون كله طلع نضيف ومعهوش مواد

ايه ياجماعه انا لسه هدخلها حسستونى برعب منها ليه
ايه قولوا بصراحه ايه نظامها؟؟ وايه نظام الدراسه
بامانه متكذبوش
ومعلش هغلس عليكم واقولك عايزه حد يعرضلى منهج اولى كده بس عرض سريع بلييييز

هو بصراحة فيه قلق جامد شوية بس ربنا يقدم اللى فيه الخير و طبعا كلام منطقى 100%



لا يا حبيبتى انتى خايفة من ايه احنا قلقانين من نتيجة الأقسام يعنى لسا بعد لما تخلصى سنة اولى و اكيد اى حد فأى كلية بيكون قلقان و بصراحة نظام الساعات المعتمدة ده جامد جدااااااااااااااااااا

طبعا يا nogha نظام جامد جدا
بدليل انه على طول جايبلنا قلق ووجع الاعصاب
حسبى الله ونعم الوكيل

شباب ممكن طلب انا داخل علوم اسكندرية ان شاء الله
وكل اللى حوليا واقفين ضدى
فياريت حد منكوا يشجعنى ويقولى مميزات لها علشان انا قلقان جدا على فكرة انا كنت علمى رياضة

هاى nogha انا الحمدلله قبلت فى علوم **** وان شاء الله نكون فرندز وبالنسبه لسامى عزت ممكن معلش تقولى ازاىاشترك فى اتحاد الطلبه واعمل ايه باظبط ...... ؟؟؟؟؟؟

احب اقول لكل اللى داخلين علوم ان الكلية اكتر من رااااااااااااائعة للى بجد هيشتغل فيها من الاول بجد هيلاقى نفسه بيحبها وهى كمان هتحبه ازاى معرفش يعنى محدش يدخل يقول ان لسه طالع من ثانوية عامة وتعبان ادخل اريح الكلام ده مينفعش للى عايز يمشى فى علوم لكن للى هيعتبرها استراحة بعد ثانوية عامة هيلاقيها كااااااااااااااااارثة
انا الصراحة اكتشفت كده بس فى الاخر للاسف

اهلا بالناس الجداد اللي معانا ...
انا بس عايز أأكد على كلام one way لان انا برضه ريحت جامد في الترم الاول على اساس برتاح من الثانوية العامة بس ندمت.
لكن الحمدلله لميت نفسي شوية و قدرت اتدارك الموقف في الترم التاني و جبت تقدير مش بطال برغم اني طلعت بمادتين.
و الناس اللي قلقانة من الكلية عايز اقولهم الكلية فيها مجالات عمل (بس تشد حيلك في السنة الاولى عشان تدخل القسم اللي انت عايزه اللي ليه شغل و ما تبقاش عامل زينا مش عارفين هيدخلونا ايه) و كمان كلية برستيج و محترمة.
سلام..

شكرا جدا ياشباب على النصائح الغالية دى بجد انا عاجز عن الشكر لكم

طبعا ان شاء الله نتعرف
بس بصى
نصيحة لوجه الله من غير ما حد يزعل
سيبك من اتحاد الطلبة دة عالأقل فسنة اولى و الله تفرغى لدراستك حتى عالأقل لغاية ما تخدى على جو الكلية
و الله دى نصيحة من اخت ليكى كانت على وشك الوقوع بس الحمد لله
و شفت ناس اعرفهم دخلوا اتحاد الطلبة و مستواهم بقى وحش جدا رغم انهم شطار
هما فى الغالب مش بيحضروا كل المحاضرات و السكاشن و بقول فى الغالب
يعنى انا صحبتى مكنتش بشوفها فولا محاضرة
و طبعا محدش ينكر ان فيهم ناس افاضل و ماشاء الله شطار جدا
انا بتكلم عن الغالبية العظمى
عالأقل متفكريش فحاجة دلوقتى اول سنة استنى شوية لما تخدى عالجو الجديد
ربنا يوفقك يارب انتى و كل المجتهدين

انا دخلت علوم رياضه اسكندريه
انا كيموووووو ونفسى اتعرف عليكو كلكووووووووووووووووووو
انا فرحان اوووووووووووووى

مبروك يا معلم و اهلا بيك معانا..
انا رايح تانية علوم(المستوى الثاني) .. و الله اعلم شعبة ايه

السلام عليكم يا شباب
يار يت حد من اللى خلصوا اولى بيولوجى يشرحنا النظام الجديد عشان انا تهت خاااااااااااااااااااااااااااالص
يعنى اية المواد واية حكاية المواد الاختيارية
يا ريت حد يرد
وااااااااااااسف على الازعاج

اهلا بيك ياباشا انا برضوا معاك ان شاء الله علوم اسكندرية
وانا اسمى وليد

اهلا بيك يا وليد انا ايميلى موجود عندك تحت البروفيل لو تعرف تكلمنى يا ريت عشان نظبطو مع بعض
وان شاء الله موفقين كلناااااااا

اوك انا عملتلك اد عندى على الايميل
وان شاء الله نبقى اصدقاء فى الكلية وربنا يوفقنا كلنا بأذن الله

الف مبرووووووووووووك لأخواتنا و زمايلنا الجداد شرفتوا الكلية و نورتونا
اهلا بيكم
انا رايحة تانية بيولوجى ان شاء الله
و يارب اقدر افيدكم
بالنسبة للنظام
الترم الأول بيكون 15 ساعة معتمدة (كله مواد اجبارى مفيش اختيارى)
اخدنا رياضة كدة خفيفة اوى و سهلة
نبات
كيميا عضوية و غير عضوية
حيوان
لغة انجليزية
حقوق انسان
المواد دى كلها دخلة فى التقدير ما عدا حقوق الانسان
بعد كدة الترم 2 اخدنا بدل الرياضة فيزيا (برده تعتبر سهلة بالنسبة للبيولوجى مكنتش تقيلة زى الشعب التانية)
نبات
كيميا فيزيائية
حيوان

و عليك تختار مواد اختيارية من المواد التالية (بحيث تكمل 18 ساعة اظن ياريت لو كنت بقول ارقام غلط صلحولى) و منها:
لغة عربية ساعتين معتمدتين
علوم بيئة 2
علوم بحار 2
انسان و بيئة 1
مدخل قانون 1

طبعا من حقك متخدش المواد دى السنادى بس و انت حر تخدهم فأى وقت قبل التخرج بس طبعا الأحسن تاخد عالأقل المواد اللى بساعتين الترم 2
لغة عربية ساعتين معتمدتين
علوم بيئة 2
علوم بحار 2
عالعموم لما بتروح تقدم ورقك فى الكلية بتاخد دليل الطالب ياريت تقراه لأنه حينفعك جدا

و ده موقع كلية العلوم جامعة الاسكندرية عالنت
هو صحيح ميت بس ساعات بينفع هههههههههه
ادخلوه شوية و خده جولة فيه

www.sci.alex.edu.eg/Ar/index.htm

ياريت الباقى يدخل و يحاول يفيد بأى معلومة
هنووود و لافلى جيرل و محمد فوكس و وان واى و محمد المصرى الكل يدخل يلا و يصلحلى لو فيه حاجة غلط و يزود لو كنت نسية حاجة
و بقية الشعب ياريت تشرحوها يا جيولوجيا و يا علوم طبيعية
انا عملت موجز لبيولوجى اهو

مرسى يانوجه بجد ساعدتينى علشان انا كنت عايزه اعرف شويه حاجات بخصوص البيولوجى