|
ايه ياجماعة هوا الموضوع وقف عند كده ولا ايه
انا عجبانى فكرته اوى وقريت كل اللى كان مكتوب فيه ياريت تكملوا |
انا معاكي يا golden flower انتي امتبي اللي عايزاه وهتلاقي اكيد مشاركات معاكي
|
انا مخنووووووووووقه قوي
وحاسه ان مش المفروض ان اجي الدنيا دي الدنيا دي وحشه جداااااا يا رب طلعني منها علي خير |
ليه بتقولى كده
ف حياتك هتقبلى ناس كتييير و حشه اوى و هيئزوكى بس طول ما انتى قويه و قريبه من ربنا هتقدرى تقفى على رجلك من جديد كمان فى ناس كويسه جدا هتستغربى من طيبتهم و هم و الله موجودين و هيقفو ا جنبك كتييير مش لازم لما نتعرض لأزمه او نتصدم ف حد يحلنا كده بس هقولك على حاجه لو انتى اتصدمتى ف حد متزعليش و عيشى حياتك عادى جدا و اعتبريها حاجه عاديه حتى لو انتى مديئه من جواكى خليكى مؤمنه من جواكى انك هتنسى و هتعيشى محدش بيموت عشان اتخدع ف حد وو انتى شكلك مش ضعيفه يعنى] |
mok3bat انا متشكره ليك قوي
فعلا انا مش ضعيفه انا استحملت وبستحمل حاجات كتير بس انا لما كتبت كده كنت في نوبه غضب ولحظه انهيار من حاجه حصلتلي يلا الحمد لله انا هديت نفسي شويه ربنا يعيني انا بجد متشكره ربنل يوفقك ادعولي ربنا يحقق ليا حلمي وادخل كليه الهندسه |
ربنا يوفقك يار ب
و انتى شكلك بجد مش ضعيفه و هتعرفى تعدى اى حاجه و توصلى لهدفك انشاء الله |
شكرا لمساندتك ليا
انا عجباني قوي رح الاخوه اللي بين الاعضاء هنا بحسهم بجد خايفين علي بعض يا رب يا mak3tob اوصل لهدفي بجد وربنا يساعدني واهدي شويه لان انا حاسه اني هتجنن فعلا خلاص دماغي بجد وجعتني يا رب يا معين يا الله |
السلام عليكم انا باختصار مشكلتى حتخلص بعد يومين بس مش قايلها علشان عايز حل انا قايلها علشان افضفض انا خلصت من هم امتحانات الثانوى وارتاحت نسبيا والنهارده وانا بتفرج على الماتش مع واحد صاحبى قالى ان النتيجه يوم الجمعه بليل من وقتها وانا مرعوووووب بس مش رعب امتحانات مرعوب رعب زى مكون فى خطر انى اموت زى مكون بقع من على جبل مثلا الى يجنن اكتر من كده انى مش خايف من المجموع اطلاقا انا لو جيبت 50 فى الميه بالنسبالى عادى انا خايف انى اشيل لانى عاكك بغباء فى الجبر والتفاضل عااااااكك بمعنى الكلمه ثانى مشكله بقى انا وسط اصحابى صايع وضايع وكوميدى وبحب الهزار و الحياه حلوه لكن قدام حد معرفوش او قابلته اول مره ببقى زى البنات بالظبط مؤدب كده ووشى احمر وقاعد مع نفسى وبجاوب على اد السوال وحالتى بالبلا ولو بنت معرفهاش فكرت تتهور وتسلم عليا حيبقى يوم ابويا اسود حنيل الدنيا وحتهته وحضرب خالص واحتمال اطلع اجرى كمان ( حته الش شويه ) الفكره باختصار انى مش اجتماعى بنكله مع انى عندى محل بتاعى انا واخويا وانا شغال فيه وبختلط ب مئات الناس يوميا بس مش لاقيلها حل مشاكلى بسيطه بس عويصه بالنسبالى |
بص حكايه الرعب بتاع النتيجه انا شيفه ان دى مسأله طبيعيه
و اللى تخاف منه ميجيش احسن منه اما موضوع الخجل و الكسوف دى مش حاجه وحشه بس مش حلوه ف كل الاوقات انا كبنت بكره الولد اللى مبيكسفش و فى بنات تكره الولد اللى بيكسف بس فى اوقات بجد مينفعش فيها كسوف اكيد انت عارفها مينفعش مثلا تكسف و انت بتطلب حقك بس هقولك حاول تواجه نفسك و تواجه العيب ده كأنه واحد مثلا عايز يضربك كل متلاقى نفسك هتكسف تخيل ان فى حد بيحاول يضربك او يقضى عليك و انك لازم تواجهه بجد لو دربت نفسك على كده مشكلتك هتتحل |
السلام عليكم
كويس إن الموضوع دا لسه شغال لانه تقريباً من أفضل موضوعات المنتدي أحب أرحب بيك أولاً يابيتا قبل ما ندردش وأقولك منور المنتدي تعالي نتكلم بقى بالنسبة للنتيجة أنا مش هكلمك فيها لإن اللي حصل حصل وكل واحد عارف عمل ايه اسوأ الحالات هتشيل مثلاً ؟ ( لا قدر الله ) بردو خير نيجي للأهم في نظري مُشكلة الخجل تندرج تحت الرهاب الإجتماعي وغالباً ما بيكون الرهاب الإجتماعي هو خوف ناتج عن تجربة شخصية سابقة سواء في مرحلة الطفولة او في فترة معينة من حياتك أثرت عليك بالسلب بس هي مشكلة بسيطة جداً وحلها أبسط الأول اسأل نفسك انت بتتكسف ليه او بتصيبك حالة الخجل دي ليه ؟ ياتري من لبسك ومظهرك مثلا ً ؟ طريقة كلامك مثلا عندك بعض الحروف اللي مش مظبوطة او مشكلة في جهاز النطق قلة قدراتك يعني مثلا مبتمارس رياضة علي الأقل مش متابع الدنيا من حواليك مبتعرفش تتكلم مع مجموعة من الأشخاص بيتكلموا في موضوع معين أو أي سبب إنت شايفه في نفسك وتبدأ تعالجه شوف الحاجات السلبية عندك لو لقيتها حاجات مش هتقدر تتغلب عليها ( ودا بنسبة ضعيفة ) حاول تقوي الإيجابيات عندك جداً .. خليك عندك ثقة بنفسك وانت بتتكلم مع الناس .. ردد مقطع اغنية مشجع مثلاً وانت بتتعامل .. انا كان عندي مشكلة اني لما بزهق او بصاب بالخمول ضهري بينحني فبيبقي شكلي وحش ساعتها كنت بحب اردد اغنية ( منتصب القامة أمشي - لمرسيل خليفة ) اغنية ثورية كدا بس كانت مفيدة جداً بالنسبالي :d لو معتقد إن الناس بتراقبك انت لوحدك بس تبقى غلطان لإن فيه بشر كتير في الإطار اللي انت عايش فيه .. خليك علي راحتك وطبيعتك اللي يقبلك يقبلك واللي ميقبلكش يبقى مع السلامة .. خلي الناس تتأقلم عليك ياجميل متعملش العكس وخدها من اخوك مش هتعجب الناس مهما عملت ركبت الحمار مشيت جنبه مش هتعجبكم فشيل الحمار واعمل زي عمنا جحا :) يارب اكون قدرت اساعدك بدردشتي |
GooooooooooooooDD
|
مشكلة الخجل دي مشكلة صعبة قوي انا حاسس بيها لاني واحد من الناس اللي بيخجلوا جدا
مثلا لما اكون في الفصل والاستاذ سأل سؤال انا بكون عارفه كويس بس مقدرش اقوم اتكلم في الفصل مع اني معنديش خجل من الاستاذ خالص بس ممكن اكون خايف لاتكلم فاغلط فبفضل السكوت دايما فيريت الحل |
عندى مشكلة الخوف
يعنى انا ولله الحمد كان مستوايا حلو جدا فى اعدادى\بس منن اولى ثانوى وانا اساسا مش بفتح الكتاب وانا دلوقت رايحة ثانية وخايفة لانى جبت مجموع وحش يعنى خايفة من عدم الثقة فى نفسى |
اقتباس:
انتا اسمك اسلام و بتقول خايفة؟؟ مش مشكلة يمكن مش الاكونت بتاعك عامة الافضل تحطي في دماغك ان الثانوية مش هزار لا دي بتحتاج شغل و تعب و حكاية الثقة دي حلها انك تتفوقي في دروسك و تكوني احسن من اللي معاكي هاترجعلك الثقة دي تاني و الدرجات مش مقياس للمستوي زي ماقلنا قبل كده و ربنا يوفقك |
اقتباس:
بس لما ببقي عارف اجابة حاجة و الاقي الكل رافع ايده مش برفع ايدي لان ملهاش لزمة لكن متقلقش الحكاية دي عايزة حل بسيط و هو انك تجاوب بثقة و لو غلطت في الكلام او غيره تقلب الموقع بطريقة كوميدية او هزار ممكن يخرجك من الموقف ده بس تكون بتعرف تعمل قفشات حلوة ده اسلوب بستعمله لما يحصل حاجة من دي ولا يهمك |
طيب بقي انا عندي مشكلة
مش عارف تعتبر مشكلة ولا لا الحكاية حكاية ثقة زيادة في نفسي و سبب الثقة هاقوله و انتوا تحكموا انا من و انا صغير مش باخد دروس و كنت شاطر في الرياضة و سريع جداً في الحساب لدرجة اني بعد ما سبت المدرسة الابتدائية فضل استاذ الرياضة بتاعي يحكي عن تفوقي سنتين بعدها و دخلت اعدادي و اختفيت و ظهرت في تالتة اعدادي بقوة لما طلعت من الاوائل و طبعاً بسبب الكمبيوتر (كنت جامد في البرمجة و مازلت) كنت باخد في تالتة درس علوم و مدرسة العلوم قالت لوالدتي اني احسن طالب درستله في حياتها لما دخلت اولي ثانوي دخلت امتحانات الفائقين و طلعت في اول فصل من فصول الفائقين طول السنة دي مخدتش دروس و دخلت و ذاكرت الرياضة لوحدي و في الترم الاول كانت اول مرة افهم الجبر ليلة الامتحان و نقصت اتنين من عشرة و الهندسة و الكيمياء نقصت فيهم علشام لغبطة في الحاجات اللي اتلغت الترم التاني كان عندنا فيزياء و فلسفة و الحمد لله من غير مساعدة قفلتهم الفرنساوي كنت ضايع فيه و بمذاكرة ليلة الامتحان نقصت في الترم الاول تمانية من عشرة و المجموع كان درجتين نقصتهم بالاضافة اني قريت كتب كتير في الفيزياء و شرحت نظريات منها لطلاب في الجامعة و جت في دماغي افكار لابحاث رائعة فعلاً ممكن يكون ليها دور في تغيير حاجات كتير في الجيولوجيا و الفلك لكن معرفتش اعملهم بسبب نقص الكتب المتخصصة و مرة جاوبت علي اسئلة طالب استاذ جامعته تهرب منها بس مش مصري هو عربي بالاضافة اني بعرف ارسم و كويس جداً و دي ادتني ثقة في نفسي اكتر كل ده اداني ثقة بأن مفيش حاجة صعبة علياً خاصة و علي طالب الثانوية عامة ده خلاني اعارض اني اخد دروس نهائياً في ثانوي لكن اهلي ارغموني اني اخد دروس في بعض المواد هل اللي عملته ده يعتبر غرور زي ما اهلي قالوا ولا ثقة في محلها ولا ثقة زايدة ولا كده هاتكحرت ولا هايبقي ايه نظامي ياريت تقولولي علشان احاول اغير من نفسي و معلش طولت عليكم لكن يارب تقدروا تساعدوني لاني ممكن اضيع فعلا بالثقة دي |
بليزززززززز ساعدوني مش عارفه اعمل ايه
انا مشكلتي اني بقيت اكره المذاكره
مع اني كنت ممتازه في ابتدائي:006et4: كنت دايما بذاكر وفي الاجازه بروح المكتبه يعني كنت بحب اجمع معلومات من كل حاجه وانا في ابتدائي سموني الدحيه وعبقرينو والمثقفه واسماء تانيه كتير جدا :slap1qk6: ودا المفروض حاجه حلو بس انا لما كنت في ابتدائي محدش كان راضي يصحبني كل ده عشان انا عبقرينو ودحيحه و محدش كااااااااان صاحبي و كنت عادي مش ببقي مغروره خالص ففي 6 ابتدائي طلعت الاولي علي المدرسه والتانيه علي الاداره كنت جايبه 99% بعدها قعت افكر ليه انا مش ليا صحاب عااااادي زي باقي اللي في الفصل فققرت لما اروح اعدادي اخفف شويه من حكايه الدحيحه فبطلت اروح المكتبه وكسلت من المذاكره في 1 و 2 اعدادي بس كنت بذاكر بس مش زي ابتدائي بقي عندي صحاب كتيررررررر فقررت ارجع لحكايه الدحيحه شويه فرجعوا يسموني ابو العريف وخصوصا في درس الرياضه فاغلب المساءل الصعبه اللي بيدهلنا المستر بحلها ومحدش بيعرف يحلها في مجموعات مستر الرياضه كلها غير واحد او اتنين غيري وكمان في حاجه تاني اني مش بحب اتفرج علي افلام عربي ومتشات كوره و المسلسلات فبالتالي معرفش اي حاجه في الحاجات ديه خاااااااااااالص انا بس بتفرج علي كارتون:romarioxp6:( معرفش ليه بس بحبه اوي ) وشويه افلام انجليزي واغاني بردوا انجليزي فانا معرفش اي حاجه ولا عن ممثلين ومغنين مصرييين غير كام واحد اللي بسمعهم بيتكلموا عنه و حتي الاجانب معرفش غير كام واحد بردوا فلما يتكلموا في اي حاجه انا طبعا مش عارفه حاجه خالص:o:blink: و بعدها يقولي انتي الدحيحه متعرفيش اي حاجه غير الرياضه والمذاكره وكل شويه يقولي كده و طلعوا عليا اسم تاني بس مش لازم اقوله بس اسم بارررررررد فبقوا ينادوني بيه واي حد من صحابي يشفوه يرحوا قالينه :mad: وكلوا بقي يقلي الاسم دا ماعدا اتنين من صحابي هما مش بيقلولي كده خالص :friendsxs3:والكمان الاسم ده وصلوا للمستر اللي بيدينا كمبيوتر واول ماعرفه بدا يقولوا بعدها المستر سال صحبتي الانتيم قالها هي بتزعل لما حد يقولها كده قالتوا اه فبدا يخف يقولوا ومش بيقلوا الا لما يكون البنات اللي قالوا الاسم موجدين وانا بجد اتخنقت وحاجه تاني انا بحب اروح النادي :028ja7: علشان بتمرن سله فا بدوا علي الحكايه ديه كمان و كلام وصلي انهم بيقلوا عليا( هي البنت ديه مش بتضيع اي حاجه حتي الاجازه بدح فيها) وقصدهم اني بدح فيها انهم عرفوا ان اللي بيلعب رياضه بيضفولوا درجات لو هو عاوز يزود مجموعه بس انا واللهي بحب العب باسكت مش عشان الدرجات فا من كتر الكلام اللي بيطلعوا عليا كرهت المذاكره ولغيت فكره اني اذكر ذي الاول فابالتالي جبت في اعدادي 94ٌ% وفي نااااااااااااااااااااااااااااااااااس كتيييييييييييييييييييييييييير بتحبطني فانا مش عارفه اعمل ايه مخنوقه بجد خالص لدرجه اني كرهت المذاكره خالص فانا داخله اولي ثانوي فمعرفش هعمل ايه:wacko: ؟ وانا كمان نفسي اخش طب بس وانا كاره المذاكره مش هعرف اخشها ياريت حد لو يعرف يساعدني واسفه اني طولت عليكم |
اقتباس:
و باين اوي ان البنات صحابك بيغيروا منك و بعضهم بيحقد عليكي و ده علشان انتي معرفتيش تختاريهم كويس انا زيك لا بشوف افلام عربي ولا ماتشات كورة ولا اعرف حاجة عن الدنيا دي و بنزل مكتبات و بدور و بقرأ كتير لغاية ما بقي عدد كبير من صحابي يقولولي انتا مش عايش في الدنيا معانا ملكيش دعوة بيهم و ذاكري و اوعي حد يحبطك و احنا في اجازة دلوقت و الافضل تبدأي تقري بتعمق شوية في المجال اللي بتحبيه يعني لو بتحبي الفيزياء مثلا اقري فيها و لو بتحبي الرياضة شوفي منهج كلية العلوم هنا علي المنتدي طالما عندك مصادر سواء مكتبات او غيرها اقري لانك ماتعرفيش في ناس عندها افكار قد ايه و مش عارفة تنفذها علشان معندهاش مراجع كفاية انا عندي امل اني اكون عالم في يوم من الايام و ياريت يكون ده هدفك برضه لانك عننندك قدرات كفاية انا عندي تخمين ياريت يكون صح انتي اكيد بتعرفي ترسمي و بترسمي كويس بس ده مجرد تخمين انا فعلاً سعيد اني رديت عليكي لان ده شرف كبير ليا اني ارد علي انسانة زيك;)يا دحيحة:d(بهزر مش قاصد اضايق يعني) |
اقتباس:
وشكرا تاني لانك ردت عليا |
اقتباس:
انا نفسي اكون دكتور فيزياء في جامعة كبيرة و تكون لابحاثي دور في توحيد قوانين الفيزياء و صياغة نظرية متكاملة و علي فكرة انا برضه رسمي كله كرتون و انمي بالذات و برضه كنت بجيب درجات اقل من اللي مبيعرفوش يرسموا و كان اهلي بيذلوني بالحتة دي اما حكاية عرفت ازاي انك بتعرفي ترسمي لاني بعرف ارسم ;)و رسام انمي كمان و كمان انا عارف النوعية من الناس اللي انتي منهم و الي حد ما باعتبر نفسي منهم ملحوظة: coody اسم مفرد مذكر |
اقتباس:
لو انت بتفهم من المدرسه ومش محتاج دروس خلاص متخدش انا قولت لماما اني مش هاخد قالتي عادي براحتك بس المهم تجيبي مجموع يعني لو هتقدر تجيب المجموع اللي نفسك فيه ومش هتحتاج دروس يبقي متخدش وعلي فكره الثقه في النفس حاجه جميله جدا انا ثقتي في نفسي زيك بالظبط بس بدات تقل به من الاحباط اللي بيحصل معايا بس بجد استمر فيثقتك في نفسك لو انت مش محتاج دروس حاول مع باباك وممتك بحكايه الدروس لو حاسس انها هضيعلك وقتك |
اقتباس:
وعلي فكره هتلاقي كل الكلام اللي باقي بصيغه المذكر علي فكره انا غيرتها اوك متزعلش |
اقتباس:
بالاضافة اني مش بفهم حاجة في الفصل و مش بكون مركز انا الوحيد اللي بفهم منه هو انا لما بذاكر حاجة بفهمها حتي لو لوحدي ولو كانت رياضة او فيزياء او اي حاجة مش محتاج شرح اكتر من شرح الكتاب الخارجي لكن اعمل ايه حكم القوي |
ااه صح ايه رايكك اخد ماده النشاط ايه رسم ولا موسيقي
|
رسم طبعاً
في مسابقات رسم كتير علي مستوي الادارة و و انا في سنك رسمت رسمة شايفها في نظري تعبانة و مش مقتنع بيهاو جابت مركز ثم الموسيقي هاتضطري تتعلمي من الاول خالص يعني مش هايكون فيها مساحة للابداع الافضل رسم و شوفي موضوع بنت من المنصورة في قسم الفنون الجميلة و شوفي الرسمة اللي جابت بيها المركز الاول علي العالم مش عايز اقولها .. هاتشفقي عليها و هاتشجعك علي الرسم |
اقتباس:
|
طيب ماتيجي تنضمي لمجموعة فنك امانة هنا علي المنتدي؟
انا لسه منضمتش قلت انزل رسمة ليا الاول علشان يتأكدوا اني بعرف ارسم بما انك رسامة يعني ماتيجي تنضمي معانا ارسمي رسمة واحدة حلوة كده و حطيها في موضوع في الفنون التشكيلية بعد كده روحي للمشرف Mohamed Helme و قوليله انك عايزة تشتركي في المجموعة انا معرفش هاتعمل ايه بس بحاول يعني افيدهم بموهبتي |
اقتباس:
|
الموضوع دة جامد جدى
|
الفكره حلوه بس محدش هيقدر يقول بجد هو ماله
لان ممكن ناس كتير تستهتر بيه وكده ياريت الموضوع يبقي بجد |
كل سنه وانتم طيبين :022yb4: |
كل واحد يعمل اللى عليه ويسيب الباقى على الله لان كل واحد مستقبله بيد الله
|
وصلت لطريق مسدود
اولا كل سنه وانتم طيبين
انا اسفه يا جماعه انى عملت تسجيل جديد لانى جربت اللى انتو حطيتوه ومش شغال وانا مش قادره اتحمل نفسى افضفض بجد اسفه جدا بالله عليكم تحاولوا تساعدونى وتحسوا بيا انا عندى مشكله كبيره اوى من الاخر كده ملهاش حل انا الحمد لله ربنا هدانى من فتره تقريبا سنتين الحمد لله بس انا عايشه فى بيت مش قادره اوصفلكم قد ايه انا حاسه بعذاب بسببه اولا امى مش بتصلى نهائى واخويا الكبير برضه نفس الكلام وافظع وابويا الحمد لله تقدر تقول محافظ ع الصلاه بس هو مش موجود معانا على طووول فى البيت وانا خفت عليهم وبدأت انصحهم واقولهم والنتيجه انهم مش بيبطلوا استهزاء بيا وكلام اكيد انتو عارفينه طبعا مع انى والله مش متشدده خالص فى اسلوب الكلام والله يا اخواتى ان مفيش حد فى الدنيا كلها مقدر المر اللى انا عايشه فيه بسبب الموضوع الحمد لله انا اخويا ده لما اقوله ع الصلاه بيرد بكلام بيخلينى اعيط بالايام لما اقول انا عايزه اروح تحفيظ ترد امى عليا بكلام يثبطنى ويضايقنى اوى ولما اقولها اسمعى لشيخ م الشيوخ تقولى ملكيش دعوه بيا انا يا بنتى داخله جهنم والله انا عيشتى عذاب فى عذاب ولما اقولهم عن اخويا الكبير والمفروض انهم ينصحوه ع الصلاه وغيره يقولى ما هو لسه صغير مع العلم انه باقى سنه ويتخرج ويقولولى كمان بكره غصب عنه هيدخل فى الحياه وهيعرف الصح م الغلط ويعرف بنات كتير ومعاه صور ليهم كمان والموبايل بتاعه اغانى للصبح ممكن يبقى سهران قدام الاغانى والافلام والمسلسلات للصبح وما يهزوش صوت المؤذن لصلاة الفجر وقلت ما علينا انا المفروض اركز دلوقتى اهتماماتى على امى لانها لو ربنا كرمها البيت كله هيصلح فأقولها يا امى صلى تقولى اللى بيصلوا اساسا مش بيصلوا بذمه ما اعرفش اتكلم مع حد منهم واوصل لحل ابدا فى حين انها تقعد ع النت وتجيب مسلسلات تركى والمسلسل منهم يبقى 200 حلقه تخلصه فى اسبوع انا فى امتحاناتى السنه اللى فاتت حصلت مشكله جامده جدا كانت هتخلينى اعيد السنه بسبب نفس الموضوع بس ربنا ستر انا ليل نهار بفكر فى الموضوع ده لدرجة ان مستواى الدراسى قل عن السنين اللى فاتت انا بجد والله وصلت لطريق مسدود معاهم انا مفيش يوم بيفوت عليا غير وانا فى مشاكل بسبب الموضوع ده انا الحمد لله ربنا رزقنى بواحده صاحبتى متدينه اوى وبنت شيخ مشهور وبيتهم كله تقوى وايمان والتزام دايما ابصلها واقول فى نفسى انها اكيد مش مقدره مقدار النعمه اللى هيا فيها ولما بروح صلاة التراويح اول لما ادخل المسجد افضل اعيط ودعيت كتيير اوى لما خلااااااااااااااااااااااااااااااااااااااااااص تعبت بمعنى الكلمه بالله عليكم حسوا بيا والله يا جماعه انا لما اشوف شاب بيصلى بستغرب وبقول معقول فيه حد لسه بيصلى اقسم بالله انا لما بشوف شاب بيصلى بدمع انا بقيت بكرهم بجد والله مش كده وبس انا بقيت بكره جنس الولاد كلهم بسبب اخويا بدعى ربنا لو فى موتى هدايه ليهم يا رب اموت وهما ربنا يهديهم والله اقعد اقول لصحباتى ادعولى ربنا يخفف معاناتى ومش بحكى لحد منهم حاجه لان دى حاجه مينفعش تتحكى ده غير ايه بئه لما اقعد اسمع لشيخ من الشيوخ على قناه دينيه تلاقيهم اتعصبوا وامى تفضل تفزعفيا بطريقه غريبه جدا وتقولى ما تكبتيناش احنا زهقانين وكلام ما يتقالش والله مش ببالغ ومليش وسيله غير انى اعيط الحياه دى مفيهاش اى حاجه تفرح حاولت كتييييييييييييييييير اوى انا خلاص حاسه انى نفسى ارتاح واموت بجد مفيش حاجه فى الدنيا حلوه تستاهل ان الانسان يعيش مبقاش ليا اى طموحات ولا احلام فى حياتى انا حياتى بقيت مره اوى يا سلام لو حد يحس بيا انا فى كليه كل واحده اهم حاجه مذاكرتها يعنى مفيش وقت للكلام وبيعتبروه مضيعه للوقت والطاقه وكل واحده لما بتحب تتكلم مع حد بتكلم مامتها وانا مبقتش طايقه الكلام معاها انا اسفه ع الاطاله والله بجد يا اخواتى انا تعبانه بالله عليكم ردوا عليا وادعولى ربنا يريحنى انا عايزه اسأل سؤال لو سمحتوا |
اقتباس:
بصراحة الموقف بتاعك صعب جداً وانا أحييكي بشدة لاستمرار ثقتك ومحاولاتك لحد دلوقتي رغم كل ده وثقي تماماً إنه ده ثوابه كبير جداً عند ربنا بإذن الله ومتيأسيش ادعلهم بالهداية في كل صلاة في كل افطار بعد صيام في كل وقت مبارك ومستجاب دعوته متزهقيش حاولي كتير الحل هنا هو الهداية من عند ربنا الناس لسه فيها خير كتير وفي اللى بيصلو كتير لازم تتكلمي مع صاحبتك دي كتير كنوع من الفضفضة طبعاً ومعينة على الطاعة بصفة اساسية لإنها في بيت ديني نوعا ما وحتساعدك تقربي اكتر من ربنا اهم حاجة ثقي إنه كل مجهود وكل دمعة عشان خاطر اسرتك ثوابهم كبير عند ربنا محدش يطول يعيط وياخد ثواب اهو :) بس أهم حاجة متيأسيش بسرعة حتى ولو الموضوع طول وبإذن الله خليكي على ثقة بربنا وطول منتي خالصة لوجه الله حتلاقي المخرج بإذن الله |
اقتباس:
بجد ردك ريحنى كتيييير جزاك الله حيرا وانا اسفه ان كل حاجه اطلعلك فيها مشكله بس زى ما قولت انا عايزه افضفض |
موضوع فعلا جميل ومفيد جدا
|
انا ححاول اسعدك علي قد ما ربنا يقدرني
بصي في بدايت الكلام اهم حاجه متيأسيش خلاص وافتكري انبي عليه الصلاه والسلام قد ايه تعب هو وبيدعو قومه لتوحيد الله وافتكري قول الله تعالي ( اإِنَّكَ لَا تَهْدِي مَنْ أَحْبَبْتَ. وَلَكِنَّ اللَّهَ يَهْدِي مَنْ يَشَاءُ ) يعني انت لازم تدعي ربنا علي طول ومتيأسيش من رحمه ربنا وخليكي عارفه ان ربنا قادر علي هدايتهم وحاولي انتي وبتكلميهم علي الصلاه تفكريهم بالعذاب اللي ممكن يحصلهم في الاخره و تكثري من ذكر الموت زي ما قال الرسول عليه الصلاه والسلام انو هادم للزات وتفكريهم بعذاب القبر واهم حاجه تفكريهم بالموت وانو ممكن يجي فجأه والواحد علي معصيه واهم حاجه تكوني بتدعوهم بالرفق زي ما الله تعالي قال للرسول ( وَلَوْ كُنْت فَظًّا غَلِيظَ الْقَلْبِ لَانْفَضُّوا مِنْ حَوْلِك ) شوف الرسول نفسو الله تعالي بيقولو الكلام ده واستحملي اي اهانه تحصلك علشان خاطر ربنا وبعدين علي شان خطرهم يعني ميتعذبوش وانا مجرب حكايه التريقه والاهانات وكل الكل جربه بس الواحد بيستحمل علشان خاطر ربنا و شغلي برضو شرايط الدعوه .........ألخ كتير في البيت زي ما هما ممكن يشغلو اغاني انت شغليلهم الشرايط دي وفي شيخ اسمو شيخ خالد الراشد ده شيخي جميل جدا واسلوب جميل وهو كان من اسباب هديتي بعد الله سبحانه وتعالي وان شاء الله ربنا يكرمك اهم حاجه متنسيش تبري والدتك مهما كانت الظروف اتمني اني اكون قدرت اساعدك |
اقتباس:
بداية من امه فجده فعمه ابي طالب وحتى بقية اقاربه وقبيلته بغض النظر عن كام فرد كسيدنا علي والعباس عمه ... ويوم القيامة محدش حيقلق على حد كل واحد حيقول يلا نفسي حتى ولو المستنجد به امه او حبيبه ! لكن طبعاً في الدنيا احنا مطالبين نعمل كل اللى نقدر عليه وبخصوص نقطة انه الشخص ده مفهوش خير فأكيد فيه خير يمكن يكون مبيصليش ومبيحش يقرا عن الدين كتير بس اكيد الخير موجود فيه ولازم نطلعه ولو بصورة غيرمباشرة اكيد بتصوم وبتلطع صدقة او زكاة واكيد بتعمل كذا وكذا الخير مدفون محتاج يتنشط بس |
uote=H.A.K;2607297]انا ححاول اسعدك علي قد ما ربنا يقدرني
بصي في بدايت الكلام اهم حاجه متيأسيش خلاص وافتكري انبي عليه الصلاه والسلام قد ايه تعب هو وبيدعو قومه لتوحيد الله للاسف خلاص انا يئست وكرهت الدنيا بجد النبى صلى الله عليه وسلم تعب اوى علشانا تعب جدا جدااااااااا انا محستش الموضوع ده غير لما كبرت وافتكري قول الله تعالي ( اإِنَّكَ لَا تَهْدِي مَنْ أَحْبَبْتَ. وَلَكِنَّ اللَّهَ يَهْدِي مَنْ يَشَاءُ ) يعني انت لازم تدعي ربنا علي طول ومتيأسيش من رحمه ربنا وخليكي عارفه ان ربنا قادر علي هدايتهم والله يئست وزهقت ومعدتش قادره اتحمل لدرجة محدش يتخيلها ابدا وحاولي انتي وبتكلميهم علي الصلاه تفكريهم بالعذاب اللي ممكن يحصلهم في الاخره و تكثري من ذكر الموت زي ما قال الرسول عليه الصلاه والسلام انو هادم للزات وتفكريهم بعذاب القبر واهم حاجه تفكريهم بالموت وانو ممكن يجي فجأه والواحد علي معصيه حضرتك مش عايش الحكايه معايا خالص ولا حاسس الموضوع انت كده بتحلم دى بتكره الشيوخ كلهم بطريقه غريبه ولما اجيب سيرتهم تقولى انابكرهم دا الشيخ اللى انتى بتسمعيه ده متجوز 3 اقولها طب وايه المشكله مش حلال خلاص هو حر حياته وهو حر فيها تتنرفذ اوى واخويا قام من النوم مره لقانى مشغله شيخ معين يعنى قالى اقفلى الراجل اللى يخوف ده ده صفته كذا وفيه كذا وكذا واهم حاجه تكوني بتدعوهم بالرفق زي ما الله تعالي قال للرسول ( وَلَوْ كُنْت فَظًّا غَلِيظَ الْقَلْبِ لَانْفَضُّوا مِنْ حَوْلِك ) شوف الرسول نفسو الله تعالي بيقولو الكلام ده والله انا اسلوبى هادى ومش بتعصب النتيجه انها بيوقفولى ع الواحده اوى يعنى مثلا واحده صحبتى قصيره لبست جزمه بكعب امى تقولى بطريقه فيها تريقه هو الكعب العالى مش حرام ولا ايه يا شيخه طب بالله عليكم انا ذنبى ايه انها لبست بكعب ومن ده كتير واستحملي اي اهانه تحصلك علشان خاطر ربنا وبعدين علي شان خطرهم يعني ميتعذبوش وانا مجرب حكايه التريقه والاهانات وكل الكل جربه بس الواحد بيستحمل علشان خاطر ربنا ربنا يقدرنى و شغلي برضو شرايط الدعوه .........ألخ كتير في البيت زي ما هما ممكن يشغلو اغاني انت شغليلهم الشرايط دي وفي شيخ اسمو شيخ خالد الراشد ده شيخي جميل جدا واسلوب جميل وهو كان من اسباب هديتي بعد الله سبحانه وتعالي وان شاء الله ربنا يكرمك اهم حاجه متنسيش تبري والدتك مهما كانت الظروف اه اكيد طبعا دى حاجه ودى حاجه تانيه جزاك الله خير ع النصيحه اتمني اني اكون قدرت اساعدك ربنا يخليك اسعدنى ردك كثيرا سبحانك اللهم وبحمدك اشهد ان لا اله الا انت [/quote] |
اقتباس:
ومتشكره اوى ع الردود بتاعتك جميييييييييله جدا جزاك الله خيرا واثابك الجنه |
بصراحة انا لما شفت موضوعك اثر فيا و خلاني افكر بجد ازاي ممكن احاول اساعدك
ربنا قال "ليس عليك هداهم ولكن الله يهدي من يشاء" صدق الله العظيم و مع انك حاولتي بكل الطرق و فشلتي يبقي في حل وحيد او حل ممكن يساعد يعني اخوكي شاب و بيحب الحياة و طالما شاب و عايش حياته يبقي اكتر حاجة هايحتاجها حالياً هي الفلوس احنا دلوقت هانلعب معاه لعبة كان ابائنا كانوا بيعملوها معانا زمان انتي دلوقت تبدأي تجمعي مصروفك يغاية مثلاً ما تكمليهم اربعين او خمسين جنيه مثلاً يعني و تيجي تقوليله "انا معايا عشرين جنيه (او حسب ما تحوشي) تقريباً فايضين عن حاجتي ، انا ممكن اديهملك بس علي شرط اني اشوفك يومين تلاتة ملتزم بصلاتك" او اسبوع بقي بس يبقي مبلغ معقول لما يبدأ يصلي كده احتمال كبير ربنا يهديه في مرة من المرات و برضه ابدأي شجعيه علي قراءة القران بنفس الطريقة او بغيرها اما الست الوالدة فممكن تعملي معاها نفس الحوار مثلاً تتفقي معاها انك هاتمسكي شغل البيت كله لمدة اسبوع في مقابل انها تصلي فروضها كلها في الاسبوع ده و برضه لما تلاقيها بتلتزم تبدأي تزودي المدة علشان تستحلي الموضوع و اخوكي نفس الحوار حاولي تنسقي مع والدك في الموضوع ده لانه اكيد هايلاقي طريقة يساعدك يعني مثلاً هو ممكن اللي يديكي الفلوس اللي تديها لاخوكي او يقنع والدتك او ما شابه بس المهم تتابعيهم كويس في الموضوع ده و تشجعيهم انا بس بحاول اساعد و اكون مفيد لو عندك تعليق علي كلامي اكون سعيد لو سمعته و جزاك الله كل خير و اسكنك في رياض الجنة |
اقتباس:
لا واللهي حاسس بالموضوع وعارف قد ايه انتي مدايق بالموضوع بس هما بيقولو كده من وره قلبهم طب طلاما هما كده هاتيلهم احاديث صحيح 100% من احديث رسول الله صلي الله عليه وسلم عن الصلاه ولازم تكون صحيحه ميه في الميه علشا ميدخلوش عليك من حته الضعف وكده وبالنسبه لباباكي فكلميه برضو علشان يساعدك انا عارف انو مش موجود علي طول بس كلميه خليه يسعدك انت لما تكوني مشغلا قناه دينيه او اي حاجه لشيخ ليه يكلموكي طب ما اخوكي بيشغل اغاني علي طول ومامتك بتسمع مسلسلات تركيه يعني كل واحد ليه الحق انو يسمع اللي هو عايزو وانت برضو قوليلهم كده ان كل واحد حر في انو يسمع اللي هو عايزو يا THE CodeR انا شايف نصحتك كويسه بالنسبه للام ونتيجه نجحه كبيره بس بالنسبه للاخ مش كبيره اوي يا ريت لو يبقي في طريقه تانيه تبقي افضل |
اقتباس:
هى فكره كويسه اوى فعلا بس انا حاسه ان هتبقى حاجه تقييييييييييييييييله اوى على نفسى انى اعمل كده لانى اتكسف انى اقول حاجه زى كده بصراحه اتكسف اوى انى اعمل كده وتانيا انا لو عملت الموضوع ده ونجح وهو وافق هو هيصلى يوم او بكتيره يومين ده لو انتظم وبعدين مش هيكمل يعنى ايام الدراسه اصحى من النوم اقوله صلى قبل ما تمشى علشان انت ماشى على طريق ما تضمنش حياتك يصلى وهو ماشى ع الكليه الصبح بس ويرجع ميصليش باقى الاوقات وفضل ع النظام ده كتيييييييييير اوى يصلى الصبح بس وهو ماشى ع الكليه وفى الاجازه مابيصليش الصبح ممكن لما تكون النزعه الايمانيه شديده اوى اوى يصلى 3او4 ايام وبعدين مايصليش انا عايزه اقولك على حاجه ان تأثير الاغانى والافلام والمسلسلات بيضيع اى حد بسهووووووووووووووله جدا جدا لو ربنا هداه يومين يرجع تانى بسبب الاغانى والافلام والمسلسلات وتأثيرهم ما ينفعش موضوع بابا ده لانى والله اتكسف اوى اتكلم معاه فى الموضوع ده ما اعرفش ليه بس هى دى الحقيقه انى اتكسف اوى اكلمه على ماما بس لما كلمته على اخويا قالى انا تعبت معاه وبكره يكبر ةيعقل طب انا اخويا ده بابا قالى انا عايز اخطبله وبعدين قعد يتكلم معايا ويقولى على واحده صحبتى قلتله لأ مليون مره مش هتدخل فى حاجه زى دى الا لو التزم لانى انا ما ارضاش لنفسى حاجه زى كده يبقى ما ارضهاش ليها قالى بكره هى تخليه ملتزم وتاخد بايده قلتله افكر بس من جوايا مش عايزه |
لا واللهي حاسس بالموضوع وعارف قد ايه انتي مدايق بالموضوع بس هما بيقولو كده من وره قلبهم طب طلاما هما كده هاتيلهم احاديث صحيح 100% من احديث رسول الله صلي الله عليه وسلم عن الصلاه ولازم تكون صحيحه ميه في الميه علشا ميدخلوش عليك من حته الضعف وكده ماشى احاول فى الموضوع ده ان شاء الله وبالنسبه لباباكي فكلميه برضو علشان يساعدك انا عارف انو مش موجود علي طول بس كلميه خليه يسعدك انا بتكسف اتكلم مع بابا فى الموضوع ده اوى يا جماعه صعب اوى عليا حاسه انه تقيل على نفسى المفروض ان الام الى تنصح مش البنت اللى تنصح امها وادخل كمان بابا فى الموضوع دى حاجه صعبه اوى بالاضافه لانهم علطوول فى مشاكل وبيتكلموا مع بعض بحذر يعنى صعب شويه النقطه بتاع بابا انت لما تكوني مشغلا قناه دينيه او اي حاجه لشيخ ليه يكلموكي طب ما اخوكي بيشغل اغاني علي طول ومامتك بتسمع مسلسلات تركيه يعني كل واحد ليه الحق انو يسمع اللي هو عايزو وانت برضو قوليلهم كده ان كل واحد حر في انو يسمع اللي هو عايزو ما دا المفروض بس هعمل ايه بئه مثلا انا بحب الشيخ _----- جدا جدا تفضل تقولى كلام يضايقنى عنه وانا للاسف مش بحب اتكلم كتيييير فى موضوع الشيوخ منعا للمشاكل مش اكتر يا THE CodeR انا شايف نصحتك كويسه بالنسبه للام ونتيجه نجحه كبيره بس بالنسبه للاخ مش كبيره اوي يا ريت لو يبقي في طريقه تانيه تبقي افضل [/quote] |
بجد والله انا مزهقاكم اوى بمشكلتى دى
بس والله انا نفسى اوى من زمان اتكلم مع حد فيها وافضفض براحتى والحمد لله انى لقيت الموضوع ده وعلشان كده انا بتكلم براحتى وبزهقكم اوى معايا معلش انا اسفه |
اقتباس:
انا سعيد اني بحاول معاكي اني الاقي حل للمشكلة دي ان اقعدت افكر في شوية افكار وكل اما اوصل لفكرة هاقولهالك يمكن تساعدك هل جربتي تتفقي مع والدك انه يحرم اخوكي من المصروف طالما هو مش بيصلي يعني الفرض اللي يفوته بحرمان يوم كامل من المصروف اما عن الطريقة فدي ممكن تكون الي حد ما سهلة "ازيك يا بابا عامل ايه كل سنة و انتا طيب ينفع كده يا بابا الواد اخويا من ساعت ما رمضان بدأ لا شفته بيصلي ولا بيركعله ركعة ولا لمس المصحف من ساعت ما رمضان بدأ يرضيك كده يا حاج؟؟ ماتيجي نفكر نعمل حاجة في المشكلة دي كده يعني ده برضه مهماً كان ابنك ولازم نشوف مصلحته " و اتفقي معاه علي كده اما بالنسبة لوالدتك طالما الفكرة عجبتك يبقي انتي تيجي وقت الاذان تشدي الفيشة بتاعت التلفزيون و تقولي هانطفيه لغاية الادان ما يخلص او سيبيها لغاية اقرب فاصل ولا حاجة و قوليلها "يلا بقي نقوم نصلي كده زي الحلوين اللي بيحبوا ربنا" اه شوية دلع كده ممكن يجيبوا نتيجة انا خايف اقولك حاجة تروحي تجربيها الدنيا تخرب علي دماغك لكن بحاول قدر الامكان اني اساعد في فكرة تانية بالنسبة لاخوكي لكن مش ضامن نجاحها و مش متأكد من صلاحيتها لو تعرفي اي واحدة من صاحبات اخوكي اللي بيقدرهم و بيعزهم تقدري تصاحبيها و تبقوا حبايب بعد كده تحاولي تأثري عليها علشان تخلي اخوكي يبقي كويس و منتظم اظن ان دي هايكون تأثيرها مؤثر اوي برضه ها..ممكن اسمع تعليقك؟ |
اقتباس:
وحضرتك مأجبرتيش حد يدخل ... وبالتالي محدش فينا حيتكلم عن زهق أبداً ولاحظت في الرد الاخير انك بتقولي بيصلي الفجر معظم الايام دي في حد ذاتها نقطة بداية جميلة جداً وعلى الاقل فيها امل في كتير بيصلو بس مش مواظبين اوي وللصراحة ... انا عن نفسي بتضيع مني صلوات كتير برده :d بس بما إنه بيصلي ولو فرض في اليوم فكده في امل وفي مليون طريقة بإذن الله |
اقتباس:
هو مش كان راضى يعملى ايميل ابدا وبعدين انا كنت عايزه اكلم خالتى فى بلد بره ع النت قالى اتكلمى من ايميلى وفى يوم لقيت واحده بتتكلم معايا على انى انا هو الباشا وبتدلع بطريقه غريبه وبتدلعه فى اسمه وكدا يعنى فبعدين انا قلتلها انا اخته مش الباشا وحسستها ان دى حاجه عاديه وصاحبتها واتعرفت عليها وبعد ما خدت عليا شويه قلتلها هو انتى ليه بتكلمى ولاد ع الشات انتى ما تعرفيش ان ذنوب السر عاقبتها وحشه اوى راحت شايله الاضافه بتاعة الايميل وما رجعتش تتكلم تانى معاه ابدا يعنى ما كانش ليها اثر عليه هو بس ممكن احاول فيها برضه بجد انا مش عارفه اشكركم ازاى انكم تعبانين معايا كده والله لو الموضوع ده تم والله ربنا يجعله فى ميزان حسناتكم بس دعواتكم معايا بالله عليكم |
اقتباس:
ربنا يطمنك ويزيل عنك اى شدائد جزاك الله خيرا بس متضيعش اوقات بالله عليك ماااااااااشى ؟؟؟؟؟؟؟؟؟؟ |
موضوع والدتك ده هافكر فيه بإذن الله و هاحاول الاقي فكرة حلوة تساعدك
لكن متحرميناش من اننا نعرف التطورات اول بأول و متحرميناش من دخولك المنتدي و اطلالاتك علينا يعني و اعرف بإذن الله انك جيتي المكان الصح علشان تناقشي مشكلتك و بإذن الله هانحاول نلاقيلك حلول جذرية بس وقت بس |
| جميع الأوقات بتوقيت GMT +2. الساعة الآن 12:31 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.