|
قصيده متواضعه جدا نظمتها على استعجال قبل الفطار يا رب تعجبكم:
المتعاقد ليه ينزل ..............هو يهودى ولا منحل ليه بنهينوا ...ليه بندوسه ...........هو مفيش غيره تذله المتعاقد اب وزوج............ليه بنعامل بقلة ذوق تعب سنوات الكليه.........وخد الوظيفه من غير نقديه زميله ابو واسطه وكوسه.....مكانته فى العين محروسه ممشاش ورا الهجره الشرعيه............وقال اشتغل فى وظيفه حكوميه صان الشغله واكل العيش..........بعد انهارده مفيش تطنيش حقى هيرجع مهما يكون..............يثبتنى اكون ممنون...........يرفتنى اكون مجنون |
ماشاء الله
جميل جدا |
السلام عليكم و رحمة الله و بركاته
ممكن حد يفيدني يعني همه مش حيجددوا العقود المؤقته خلاص أنا من اسكندرية و عقدي من 9-2008 لغه انجليزيه و همه حولوا كله مميز لكن انا اسمي سقط وقالولي على العام الجديد دلوقتي رحنا نجدد قالولنا تعالوا على 15-9 همه بيضحكوا علينا كده ميش تجديد ولا ايه ارجو الافاده و لكم جزيل الشكر |
اقتباس:
كدا عندنا 2 شعراء للحملة يا ريت ما نبخلوش علينا كما بمشاركتكم وافكاركم |
أستودعكم الله عندما وفقنى الله لفكرة هذه الحملة بذلت قصارى جهدى كى تحقق أهدافها بكل ما أوتيت من قوة وحرصت أن تسير فى خطوات منظمة ومدروسة ومخطط لها مسبقاً بعيداً عن التهور أوالإرتجال وتعجل النتائج ثم وفقنا الله تعالى جميعاً بأن أنجزنا سوياً الخطوة الأولى والثانية بنجاح ملحوظ ثم قام الوزير أحمد درويش بالرد على فاكساتنا فى تصريحه الصحفى بالأهرام المسائى وأعقبه بالرد على الإيميلات عن طريق إدارة المتابعة بالوزارة التى أقرت حقنا فى التثبيت لمن توافرت فيه الشروط فى حالة طلب السلطة المختصة هذا الأمر والآن وبعد أن اتضح الطريق كثيراً وبدأت فى الإعداد للخطوة الثالثة والكبرى فى مشوار الحملة بدأت الحملة تتجه إلى العشوائية وعدم الوضوح فى الرؤية بعض الشئ واستعجال النتائج من خلال الدعوة المبكرة من بعض الزملاء إلى لقاء المسئولين قبل اكتمال الخطوات التمهيدية ودون تخطيط أو إعداد مسبق أو حتى بدء الدراسة أو التنسيق مع وسائل الإعلام كما اتفقنا فى البداية والإصرار على ذلك مما ينذر بصدام مبكر وتعنت من المسئولين وهذا ما حاولت تجنبه منذ اللحظة الأولى لإنطلاق الحملة لذلك أتقدم إلى كل أخ وأخت وزميل وزميلة بالشكر على الوقت الطيب الذى أمضيناه معاً وحققنا فيه قدر ولو ضئيل من أهداف الحملة ، ويكفينى شرفاً إنشاء هذه الحملة مع (قسم خاص بالمدرسين المتعاقدين) الذى جمعنا معاً من كل مكان ليوحد كلمتنا وأذكركم بقول الله تعالى (وَلاَ تَنَازَعُواْ فَتَفْشَلُواْ وَتَذْهَبَ رِيحُكُمْ) كملوا المسيرة بنفس روح الشباب اللى اتعودنا عليها ومعاكم هنفذ كل خطوة هتتفقوا عليها كأنى موجود بالظبط شكراً لكم أتمنى لى ولكم التوفيق والسلام عليكم ورحمة الله |
انت كدة غلط اية دة مش معقول تثير فينا كل الحماس واننا احساس واحد وبعد كدة تهدم كل دة قلتلك قبل كدة التغيير مش بيجى من خطوة عيب تكون انت اللى فجرت الموضوع وبعد كدة تكون اول واحد بتتخازل ثم الحوار عملوة لية انت المفروض قبل ما تاخد قرار تشركنا فية
ارجع لصوابك والصورة اللى احنا رسمنهالك |
سبحان الله
اعجب والله من واحد يبدأ مشوار ويبدأ يجمع الناس حواليه وتتشجع لفكرة رائعة ولمجرد إن واحد أو اخرون قام بإبداء الرأي يزعل ويقول لأ أنا مش هاكمل ويرجع للخلف ويسيب كل اللي عمله ( وكان لازمته إيه من الأول يأخ متعاقد ) طرح الموضوع من الأول وترجع دلوقتي عايز تسيبة كدا غللللللللللط واحنا بنتشاور في الموضوع ( وامرهم شوري بينهم ) محدش قال يالا بكره نروح نقابل المسئولين وانا اسف / انا لا اري هذا الا خذلان ارجوا منك الرجوع للصواب اخ متعاقد كما تعودنا منك الفكر السليم |
سلام عليكم جميعا:
الاختلاف فى الراى مش عاوزينة يفرقنا ياجماعة والى رائد الحملة ارجو ان لاتتعجل فى قرارك دة مجرد اراء والكل بيقترح ارائة ويتم مناقشتها والصح بنتفق علية طبعا لما نصدر ايميلات الى الصحف دة افضل من عمل اضراب على طول كدة وبعدين الفترة اللى احنا فيها فترة استرخاء مفيش دراسة لكن لما تبدا الدراسة هيبقى فية اعداد كبيرة وهيكون لها صدى كبير وكدة يبقى مشينا صح ومحدش يقع فى غلط وضعنا مطالبنا ووضحناها ويبقى صدى المشكلة اتضح امام المسئولين وعرفوا مشاكلنا. بس بطلب من رائد الحملة يوضح للجميع الخطوات اللى هيتبعها حتى تتضح للجميع الفكرة وانة ماشى بنظام وخطوات مدروسة وبالتوفيق للجميع |
معاك اخى فى هذه الخطوة وارجو تاجيل الاجتماعات والاحتجاجات لبعد استنفاذ الطرق الرسمية عشان اما نوصل للاعلام نجد تعاطف ومحدش يقول طب ليه ماخاطبتوش الجهات الرسمية واما يجيبوا الجهات الرسمية يقولوا اول مرة نسمع عن الموضوع وسيتم دراسته وابقى قابلنى!! انما كده نقولهم بعين مليانة احنا عملنا كذا وكذا وبعتنا فاكسات ومحدش رد يبقى مالهمش حجة انتم معايا ولا مع الناس التانيين!!! اقتباس:
|
لالالالا استاذ محمد لن تنجح هذه الحملة الا بمجهودك انت بدات ويجب ان تكمل الطريق ومش معقولة كل واحد يجد عقبات فى طريق الخير ان يصده ذلك ان يكمله لا والف والا كان الرسل والدعاة تركوا الطريق من اول خطواته!!! ارجوك يجب ان تكمل ما بداته واشتاذن من كل اخ دخل الموضوع واقولهم بالبلدى المركب اللى ليها ريسن تغرق محدش يتدخل ويفرض رايه انت تقول استشارتك والقائد يقبل او لا لاننا لو معملناش كده هنفضل عاملين زى فتح وحماس فى اسرائيل والمستفيد الاول اليهود فسنظل ننازع بعضنا والمستفيد الحكومة!!! وشكرا اقتباس:
|
ايه دا يا استاذ متعاقد اسيب المنتدى واروح مشوار اجى الاقيك سايبنا وماشى
انت عارف انك اخى وحبيبى وصديقى العزيز ومش هقولك عشان انت بادت المشوار ولكن لانك ذو عقل مستنير وفكر سديد وراى صائب واخوانك المتعاقدين محتاجينك ودى رساله يا جماعه ان النظام مطلوب وان لاخ مدرس متعاقد هو بدا الحمله بفكر معين كلنا وفقنا عليه يبقى نتابع معاه على نفس النهج ومش كل واحد براى وكل واحد يزعل وعاوز ينفذ كلامه وخلاص .احنا اجتمعنا كلنا على فكرته يبقى وراه للنهايه والنهايه خير ان شاء الله |
[quote=مدرس متعاقد;1572862]
أستودعكم الله عندما وفقنى الله لفكرة هذه الحملة بذلت قصارى جهدى كى تحقق أهدافها بكل ما أوتيت من قوة وحرصت أن تسير فى خطوات منظمة ومدروسة ومخطط لها مسبقاً بعيداً عن التهور أوالإرتجال وتعجل النتائج ثم وفقنا الله تعالى جميعاً بأن أنجزنا سوياً الخطوة الأولى والثانية بنجاح ملحوظ ثم قام الوزير أحمد درويش بالرد على فاكساتنا فى تصريحه الصحفى بالأهرام المسائى وأعقبه بالرد على الإيميلات عن طريق إدارة المتابعة بالوزارة التى أقرت حقنا فى التثبيت لمن توافرت فيه الشروط فى حالة طلب السلطة المختصة هذا الأمر والآن وبعد أن اتضح الطريق كثيراً وبدأت فى الإعداد للخطوة الثالثة والكبرى فى مشوار الحملة بدأت الحملة تتجه إلى العشوائية وعدم الوضوح فى الرؤية بعض الشئ واستعجال النتائج من خلال الدعوة المبكرة من بعض الزملاء إلى لقاء المسئولين قبل اكتمال الخطوات التمهيدية ودون تخطيط أو إعداد مسبق أو حتى بدء الدراسة أو التنسيق مع وسائل الإعلام كما اتفقنا فى البداية والإصرار على ذلك مما ينذر بصدام مبكر وتعنت من المسئولين وهذا ما حاولت تجنبه منذ اللحظة الأولى لإنطلاق الحملة لذلك أتقدم إلى كل أخ وأخت وزميل وزميلة بالشكر على الوقت الطيب الذى أمضيناه معاً وحققنا فيه قدر ولو ضئيل من أهداف الحملة ، ويكفينى شرفاً إنشاء هذه الحملة مع (قسم خاص بالمدرسين المتعاقدين) الذى جمعنا معاً من كل مكان ليوحد كلمتنا وأذكركم بقول الله تعالى (وَلاَ تَنَازَعُواْ فَتَفْشَلُواْ وَتَذْهَبَ رِيحُكُمْ) كملوا المسيرة بنفس روح الشباب اللى اتعودنا عليها ومعاكم هنفذ كل خطوة هتتفقوا عليها كأنى موجود بالظبط شكراً لكم أتمنى لى ولكم التوفيق والسلام عليكم ورحمة الله أ/ متعاقد ارجو منك ان تعدل عن موقفك لما فية صالح الجميع والاختلاف في الراي لا يفسد للود قضية واحنا هنا كلنا اخوه و في مركب واحد اما ننجو كلنا او تغرق بينا السفينة كلنا وانته بصراحة انسان محترم جدا كفاية انك الوحيد اللي جمعتنا علي كلمة واحده واحنا بصراحة ماشيين بتعليماتك وبنفذها بالحرف الواحد يمكن فية ناس متعاقدين بس معندهمش نت لاكن الكل بينفذ اللي احنا بنتفق علي وفي النهاية اتمني انا اراك تشارك في الحملة مرة تانيه في اسرع وقت مع عظيم شكري |
دا نتيجه مجهودك يا استاذ متعاقد
ودا اكبر دليل على نجاح حملتنا جريده المساء.اخبار المساء: اخبار اخرى الأثنين 17 رمضان 1430هـ - 7 من سبتمبر 2009 http://www.almessa.net.eg/ "المالية" مع كبار الأزهر.. وضد "الغلابة"!! خفض مرتبات المتعاقدين.. بحساب العلاوة علي الأجر المجرد كتب حسام حسين: شكا العاملون بنظام التعاقد بالمعاهد الأزهرية من تخفيض مرتباتهم الشهرية بعد تعليمات وزارة المالية بحساب العلاوات علي الأجر المجرد وليس الأجر الأساسي الشامل كما هو متبع في وزارة التربية والتعليم. أكدوا ل "المساء" أنهم فوجئوا بتعديل قيمة العلاوات المضافة لمرتباتهم عن سنوات "2007. 2008. 2009" مما أدي لانخفاض مرتباتهم بحوالي 50 جنيهاً. قالوا: يحدث ذلك في الوقت الذي تسمح فيه وزارة "المالية" بالبقاء في الخدمة حتي ال 65 ل 600 من الكبار بالأزهر رغم عدم احقيتهم لذلك وفقاً للقانون 103 لسنة ..1961 موضحين أن هؤلاء يكلفون الحكومة ملايين الجنيهات سنوياً. وكأن "المالية" ضد محدودي الدخل الغلابة من أمثالنا!! يشترط القانون 103 لسنة 1961 للبقاء في الخدمة حتي ال 65 القيد بالمعاهد الأزهرية قبل 10 يوليو 1961 "تاريخ العمل بالقانون 103". وقد ثبت من الأوراق أن كل دفعة 1961 التحقت بالمعاهد بعد 10 يوليو 1961 حيث إن مسابقة القبول في هذا العام بدأت في شهر أغسطس. |
صوتكم مش واصل دمياط -قولولى ممكن اساعد ازاى-احنا ارسلنا 2 فاكس للنيابه الاداريه وبها امضائلات المئات من المتعاقدين
|
الإخوة الزملاء الأفاضل كلامكم دة دين فى رقبتى لا يمكن أوفى حقه والله يشهد إن كل حرف قريته وجعنى فى قلبى من كتر الألم ، لما قررت أنى أبعد شوية كنت ناوى أتابع الحملة بنفس الحماس ومكنش قصدى أزعل حد منى أو حتى أعمل نفسى زعلان لأنى والله ما كنت زعلان كل الحكاية إن الأفكار والخطوات اللى كنت مرتبها وحاسبها ومجهزها حسيت فى لحظة إنها هتروح فى ثانية بسبب عدم التنظيم أو سوء الفهم للترتيب بتاعها ودة طبعاً مش معناه إن الأفكار دى أحسن من غيرها أو لا تقبل النقد حاشا لله ، ولكن كل الحكاية هو أهمية التسلسل والتدرج فى الخطوات دى عشان تجيب نتيجة ويعلم الله إنى من 12 يوم بالظبط لا أخرج من البيت نهائياً لأنى ليل نهار قدام الكمبيوتر بجهز فى الحملة وفى تفاصيلها لدرجة إنى فطرت المغرب أكتر من مرة قدام الشاشة أثناء إرسال الرسائل الخاصة لحضراتكم لأنها رسايل كتير وبتاخد وقت اللى عايز أقوله إننا كلنا إيد واحدة مش عايزين حاجة تفرقنا عن هدفنا ولازم ننفذ مع بعض كل كلمة اتفقنا عليها بكل دقة وحماس وبدون تهاون أو تراخى لأن الجدية سر النجاح ، وعايز أقول كمان إنى أقل واحد فى الحملة دى وأحب أكون كدة ومعنديش أى مشكلة فى دة وبرحب برأى وفكر أى حد من الزملاء على راسى من فوق وفى النهاية بقول للكل أنا آسف على تعطيل الحملة الكام ساعة اللى فاتوا يلا نكمل المشوار |
اقتباس:
واهلا بك كقائد لنا جميعا وهذا افضل قرار انت اتخذته |
الحمد لله والله معنا
|
اقتباس:
انا عشمي كان فيك في محلة ويالة بينا نكمل المشوار اللي بدأته بفكرك ومجهودك |
اقتباس:
السلام عليكم هو دا الكلام المظبوت اخي متعاقد مش تقول اسيبكوا بقي مرحبا بعودتك قائدا حكيما ان شاء الله واحنا كد نسينا ايه الخطوة الجايه ممكن تفكرنا |
حسبى الله ونعم الوكيل حتى حتة المرتب الجربان الى ما يوكلش عيش حاف بصين فية ؟؟؟؟؟؟؟؟؟؟؟ ياجماعة البلد دى مش بتاعتنا انتو عارفين انا قررت اسيب البلد؟؟؟؟؟؟؟ اعمل اة ياعنى مستنى التثبيت من سنة 2006 ولا فية تثبيت ولا نيلة ولا أقول الا حسبى الله ونعم الوكيل وربنا معاكو
|
السلام عليكم
ياستاذ |
السلام عليكم
ياستاذ متعاقد ازاى تكون القائد وتياس من او لاختلاف اكيد هنختلف كتير ونتكلم كتير بس فى الاخر بنجمع من كل الافكار اكتر من فكرة كويسه تنفعنا ونستفيد منها مفيش مانع من الاقتراحات والافكار المهم الى يتتنفذ ايه واهم حاجه لازم نكون كلنا يد واحده وعايزه اقول حاجه الاهم من الانتشار الاعلامى انتشار الحملة بين المتعاقدين انفسهم هناك تقريبا اكتر من 50%لا يعرفوا شىء عن الحملة وانا اقترح اننا نعمل مطبوعات فى كل ادارة اكيد كل المتعاقدين بيروحوا يخلصوا ورقهم عشان نبدا صح ونعمل طرق اتصال اخرى غير النت لان معظمهم مش عندهم نت ارجو تقبل الفكرة ومعلش الرد بيتاخر النت بيفصل عندى من بعد الفطار |
حمداً لله على عودتك
طبعا الحملة مستحيل تنجح بدون قائد همام زيك ممكن تكون المشاركات هنا بسيطة لكن بنتابع الخطوات وبنفذها وبنشجع الاخوة المتعاقدين فى المنتديات الاخرى على الانضمام للحملة وبالنسبة للرابط اللى الادارة بتلغيه فممكن نبعته عادى فى الرسائل الخاصة للاعضاء اللى نعرفهم وهما بيبلغو بعض |
انا معاكم
ايوة ليه الظلم الللى بيقع علي المتعاقدين هم فئة تانية ولا ايه؟؟ والله بالعكس لو نظرت ليهم هتلائيهم كلهم اوائل دفعات ادعو الله انهم يعاملوا معاملة الادمين وحسبي الله ونعم الوكيل في اليل فكر ونفذ يقلل من مرتبنا (متعاقدين الازهر) مفيش حاجة بخصوص الموضوع ده؟؟ |
السلام عليكم ورحمة الله وبركاته السادة والسيدات أصحاب المنتدى الرائع أتقدم للأخ العزيز " عضو متعاقد " بكامل الأسى لرده بترك الحملة مع أنه كاتب " للجادين فقط " فيا أخي إذا كنت تقصد اقتراحي " للخطوة الثالثة " بأنه عشوائي ومستعجل .. فأنت أول من أثنيت عليه ورحبت به وطلبت مناقشتي فيه وأنا رددت عليك وشرحت .. وقلت لك اعطني رقم تليفونك لكي أنسق معك عملنا ولم تكتبه وأنا كنت جاد وكتب رقم موبايلي في مشاركتي دعوت الناس للاتصال بي ولكن دون جدوى فأين الرجال الذين لا يخافون الناس ولا يأخذون شعار " خليك جنب الحيط " .. وأنا قد قمت بعمل موضوع على منتدى الأزهر بتثبيت المتعاقدين منذ أكثر سنه وطلبت من المير عمل قسم خاص بالتثبيت لكن لم يسمح بذلك لأن المنتدى تابع للحكومة .. وكان لموقع الحسام نصيب من رؤيتي وعملت قسم خاص بالحملة القومية للتثبيت وكنت أنا مراقب عليه ممكن تزوروه وممكن تكتب موقع الحسام في جوجل وهو يوصلك وهذا كان قبل حملتكم هذه ولكن عندما بحثت في المنتديات لكي أدعوها معي لكن وجدت منتداكم فاشتد اعجابي به وكملت معكم مشواري واقترحت الخطوة الثالثة لكن بعد ما شاركت معكم في الخطوة الأولى والثانية وحاذتا إعجابي الشديد ولكن رأيت من الأمثل أن يكون هناك جزء عملي بالتنسيق الجماعي والمباشر ولذا كنت أود التحدث مع الأخ متعاقد لكي أنسق معه لأنه صاحب الحملة وأكرر أسبابي للعمل المباشر : أرجو من الجميع القراءة المتأنية اولا: هل تسمتع أكثر عندما تستمع للشيخ محمد حسان أم عندما تجلس في حلقة علمه مباشرة وتراه عينا .. بمعني أنه عندما يكون لقاء مباشر يكون أكثر تفاعل وتشاور .. ويكون دليل على الجدية منا " لا الخوف من الحكومة " وكل لبيب بالإشارة يفهم . ثانيا : يكون هناك اتفاق على نقاط محددة وتقديمها للوزير المختص .. حتي يكون على علم أننا فريق منظم وبكل أدب ننقاشه بالحجة القوية والبرهان الصادق .. واهدار حقنا وكذلك نبين له كذب درويش في المساوة بين المثبت والمتعاقد . ثالثا : عملنا الفعلي يكون بجانب حملة الفاكسات وكذلك ايضا عندما نذهب للجرائد ووسائل الإعلام وجها لوجه يكون أكثر ضغط ويكون تلبية طلبنا في إثارة موضوع التثبيت أكثر جدية .. وكذلك نختار متحدث لبق منا لكي يحاور المذيع أو الكاتب بناء على مذكرة مدروسه منا ومن هنا أنصح واكرر " بعمل مندوبين من المحافظات " رابعا : يكون العمل أكثر تنظيما على الأقل عندما ننشره لزملائنا في المحافظات يكون كلام مدروس ومنظم " لا كلام فردي وتحرك عشوائي " خامسا : أنا لا ادعو للتظاهر لأننا يجب أن نكون قدوة للحكومة أولا وكذلك عدم ترك المدارس والمعاهد لأن يكون الضحية هي الأطفال والتلاميذ . سادسا : نحن اخترنا الذل بنفسنا ونجري ونلهث وراء التعاقد ونرضى بالشروط أليس كذلك ؟ فحملتنا تكون تصحيح أوضاع ومطالبة بتثبيت من تنطبق عليه نصوص الدستور .. " ولذلك عندما يكون لنا مندوبين يتسنى لهم المطالبه بلقاء مع النائب العام ، وزير العدل ، نقيب المحامين ، كذلك لإمكانية رفع دعاوى قضائية ومدي صحتها .. عندها نقوم بجمع تبرعات للقضية من كل متعاقد في جميع المحافظات عن طريق المندوب للتسهيل والسرعة .. أرجو أن يكون وجه نظري وضحت للجميع ... كما أكرر أن الخلاف في الرأي لا يفسد للود قضيه يا استاذ متعاقد .هذا إن كنت تقصد مقترحي للخطوة الثالثة وأتمني منك ومن الجميع دراسة ردي هذا والشرح المفصل للخطوة الثالثة بإذن الله .. وأكرر دعوتي بعمل استفتاء للرد على الاقتراحات من منطلق " وأمرهم شورى بينهم " حتى تنجح حملتنا والتي أكرر أنها إن لم تنجح هذه المرة لم تنجح بعد ذلك أرجوا التفاعل مع المتعاقد ومعي والبعد عن مقوله " عيش جبان تموت مستور " أرجو التمعن في القراءة وأكثر من مره |
اخونا مدرس متعاقد
احنا معاك خطوة بخطوة انا بقيت افتح النت كل يوم عشان اتابع الحمله دي فتوكل على الله ونحن معك يدا بيد |
اولا حمدا لله على سلامتك استاذ متعاقد
ثانيا الاستاذ محمد انت كلامك جميل جدا ومدروس لكا انا اعتقد ان الخطوة دى الافضل نخليها الرابعة بعد انتظار رد الفعل على الخطوة الثالثة وهى ارسال الفاكسات المكثغة لجهات العمل(التربية والتعليم والازهر) |
اقتباس:
أنا ممكن أتفق معاك يا استاذ عيسى أو إساوي ونخليها الخطوة الرابعة ولكن يهمني رد الجميع وأستاذ متعاقد المهم نتشاور جميعا |
بالتوفيق ان شاء الله
وفى انتظار الردود من الجميع وعلى فكرة انا اسمى هشام |
الأخ محمد لا يوجد إختلاف على أهمية إقتراحك الأكثر من رائع وأكرر الأكثر من رائع ولكن هذا لايعنى التوقف عن إرسال الفاكسات والإيميلات فى المرحلة الأولى من الحملة لضمان إعلام جميع الجهات الرسمية وغير الرسمية والصحف الكبرى كى نجد من يقف بجوارنا فى الخطوات القادمة ويتفهم مشكلتنا ومطالبنا أنادى معك بتجميع أكبر عدد من زملائنا المتعاقدين فى جميع المحافظات كى نصنع قاعدة شعبية للحملة تنادى بمطالبنا فى جميع المدارس والمعاهد الأزهرية وتقود الحملة بحماسها حتى نحقق معاً أهداف حملتنا المشروعة التنسيق مهم وأساسى وضرورى من الآن وأنا أفعل ذلك وأنت وعدد غير قليل من الزملاء المشاركين فى هذه الحملة ولكن ما نريده هو التفاعل الكبير ونشر هذه الحملة فى كل مكان وجمع زملاءنا وإخبارهم بل وإجبارهم على المشاركة فى هذه الحملة بكل قوة أدعو نفسى والجميع بتنفيذ كل كلمة فى إقتراحك الفعال والإستعداد لبدء الخطوة القادمة والتى سوف تنطلق يوم السبت القادم بإذن الله تعالى والتى أصفها بأنها الخطوة الكبرى فى مشوار حملتنا والتى سوف تفتح لنا أبواب أمل كبيرة بعد العيد إن شاء الله |
فى الانتظار باذن الله
والاجمل انها تتصادف مع افضل ليالى العام العشر الاواخر فندعو الله فيها ان يوفقنا ويسدد خطانا |
هام جداً إنتظروا آخر عناوين الإيميلات الليلة فى تمام الساعة 11 مساءً |
السلام عليكم
ان شاء الله ربنا هبوفقنا طول ما احنا متفقين مع بعض على كلمة واحده واحييك يااستاذ محمود على افكارك وخصوصا التنظيم اما المسئولين فعلا لازم نكون منظمين وعارفين بنقول ايه وجزاكم الله كل خير |
اقتراح حضرتك يا استاذ محمد00اقتراح رائع وفعلى والمفروض نستعد بيه من دلوقت لكن التنفيذ يكون بعد معرفة
نتيجة الفاكسات والاميلات علشان كمان نحدد خطوات فرعية لفكرتك وجزاكم الله خيرا |
احنا عاوزين نبعت فاكسات لرئاسة الجمهورية
|
انا معاكم انا وكل زاميلى بس لالاسف اغلبنا ما عندهوش نت او مابيعرفش فى النت ولكن احنا ان شاء الله معاكم وربنا ان شاء الله يوفقنا وبنتابع اخبار الحملة اول باول وبنفذ الخطوات معاكم اول باول فى انتظار الخطوة الثالثة استاذ متعاقد وما تزعلش من قلة ردوودنا .
|
يا جماعة مش عاوزين نختلف على راى مين الصح المهم اننا نكمل الحملة مش مهم مين القائد
كلنا راينا صح بس وفق للخطة بنحدد اولويا للترتيب الاراء المهم منبعدش عن هدفنا الرئيسى |
انا شايف ان احنا نستمر على الفاكسات والايميلات ونشوف مردودها ايه الاول بعد كده نفكر فى اى مرحله تانيه حسب التطورات الناتجه من الخطوات الاولى
والاختلاف فى الراى لا يفسد للود قضيه واحنا قضيتنا واحده |
بشري ساره
اخواني الاعزاء وخصوصا استاذ متعاقد من اعمالي الصغيرة لسه حالا مقابل الاستاذ/ حسن وهو صحفي في جريدة الخميس وله تحقيقات صحفية فيه واخبرته عن الحملة وقد نصحني بعمل جروب ع الفيس بوك وطلب مني ان اكتب له الموضوع وطلبتنا وارسله له وهو سوف ينشر الموضوع العدد القادم باذن الله لذلك اطلب من احد اللبقاء مثل ( استاذ متعاقد ) بكتابة الموضوع ونرسله له معلش دا اللي قدر اعملة |
الاستاذ / مدرس متعاقد
انا محمد حسين معهد فارس لو كنت موجود أحب اكلمك |
اقتباس:
بقولك اية تعالى نعتبر اللى حصل زوبعة فى فنجان ونبدأ من جديد اية رايكم؟ وربنا يكرمنا جميعا |
عودا محمودا مدرس متعاقد واوعى تعملها تانى
|
اقتباس:
|
المهم يا جماعه يارب نترك خلافاتنتا جانبا ونركز شويه ايه المطلوب منى دلوقتى حالا
|
ان شاء الله مفيش اى خلاف حاتم دة مجرد حماس زايد وبس
|
ممكن سؤال يا شباب ؟ من بداية الحملة ايه اللى حصل فى جديد ؟ ياجماعة احنا بالقلم الرصاص يعنى فى اى لحظة ممكن يمشونا ؟ وخلينا واقعييين وبلاش احلام
|
نفسى حد يرد على ويقول اخر نتائج الحملة دى؟
|
على فكره انت سلبى جدا يا حضرى
|
لو سمحت يا استاذ احمد حضرى مفيش حاجة بتتغير من يوم وليلة خلى عندك امل كل الحاجات الكبيرة كانت فكرت اتولدت
|
انت تعرف ان موظفى الكهرباء علمو اضراب لحد ما تثبتو واحنا اللى أكتر من 100000 مش عارفين نعمل حاجه
|
| جميع الأوقات بتوقيت GMT +2. الساعة الآن 03:19 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.