ربنا يسهل وتلاقوا كراسى فاضيه على القهوة تكفيكم
بقولك اوعى تيجى تقعد على القهوة تقعد على الشاى خلى بالك

سبحان الله ليه الحقد ده من الناس علينا

ياخى حب لاخيك ما تحب لنفسك


وان شاء الله خير للكل اللهم لاتشمت فينا الاعداء

محدش عارف حاجة الى الأن

بس ياجماعه لا اعتقد انهم هايمشونا يعنى

انا سامع ان ممكن تثبيت او تعديل العقد ويتم التثبيت بعد 6 شهور

لكن نمشى دى صعبه شويه

ولا بعد ما مسك رئيس هانمشى ويبقى اول القصيده كفر مثلا

والله وحشنا صوتك من زمان يابو منة

معنى كده العقد هايتجدد ولا يتغير ونلف من الاول تانى ولا ايه نظامهم بعد ما مسك مرسى

يا اخى والله مافيش حقد
بس انا لما الاستاذ بيقول لو محدش جاء هنطر نقعد على القهوه شويه
وعلى العموم انا اسف لو احساسك انجرح
وعلى فكره انا كمان متعاقد عقد مكافئه شامله
بس انت عارف ان لسه البلد لم يتم تظبيطها بعد
ربنا يصلح الحال
والله فى اشد الاحتياج الى التثبيت والاستقرار

] انا خايف احسن يغيروا العقد باخر لا يعطينا حق التثبيت بعد ست شهور واحنا كملنا سنه بالعقد ده غير السنيين اللى قضيناها بالحصه لان ده هيبقى ظلم لينا انا دفعة 2000 يعنى دفعة قديمه وفي ناس كتير مثلى

ايه ياجماعه اخر الاخبار مفيش جديد النهارده اول سبعه محدش عنده جديد

الله يبارك فيك .. أنا تحت النظر ديما

خد الجديد على لسان زميل وكلام ثقة

حسبنا الله ونعم الوكيل في مديرية التربية والتعليم بأسيوط علشان يعملوا عقود علي بند 2 / 2 أجور موسميين للمدرسين والناس كانت تحسب أنها علي الباب الأول للأجور ولها الأحقية في التثبيت بناءا علي قرارات مجلس الشعب بتثبيت كل من أمضي 6 شهور من وجوده علي الباب الأول للأجور وعند السؤال يتضح يا سادة ان هؤلاء المتعاقدين ليسوا بالفعل علي هذا البند وانما علي بند 3 / 10 الذي يصرفون منه مستحقاتهم المالية طوال سنة كاملة ولما تسأل في شئون العاملين في المديرية يقولوا منتظرين رد جهاز التنظيم والأدارة علشان يحولكم علي بند التثبيت ومن شهر 5 السابق والجهاز لم يرد علي المديرية بشئ لحد وقتنا هذا وعندما تدخل مكتب السيدة مديرية الشئون المالية والأداريةلا تفيد الناس بشئ عن وضعهم وفي النهاية لا تجد أمامك سوي مكتب وكيل الوزارة صاحب الابتسامة المشهورة والكلام المعسول فيرد علي اي استفسار بكلمتين حلوين وفي النهاية يقولك لا تخافوا يا أبنائي سوف يتم تثبيتكم ولكن الجهاز المركزي للتنظيم والأدارة لم يرد علينا لحد الآن فانتظروا وبعد هذا العرض لوضع كثير من الناس المتعاقدة في هذا الائتلاف أود أن أسال سؤال وهو :-
من المتسبب في هذا الوضع ؟
1 - المتعاقدين الذين لم يحاول الا قلة قليلة منهم البحث عن حقه
2 - المديرية التعليمية
3 - الجهاز المركزي للتنظيم والأدارة
وبعد كل هذا الناس متنظرة ايه علشان حقها يرجع هل منتظرين يرون زملائهم في المصالح الحكومية الاخري يثبتوا وهما منتظرين الفرج أم منتظرين رد الجهاز علي المديرية اللي شكلهم كده مش عاوزين يردوا ولا ايه بالضبط

[QUOTE=abu_ menna_13;4614893]الله يبارك فيك .. أنا تحت النظر ديما

خد الجديد على لسان زميل وكلام ثقة

[/QUOTE
لسه لم تتضح الرويا بعد
فى انتظار الجديد

مفيش اخبار جديده ياجماعه
اخبار نتيجه الدبلومه
اخبار التثبيت
ميعاد المكافاه
سمعت ان المكافاه بقيت 1960
وبعدين سمعت انهم عاوزين يخصموه منها
مش عارف ايه الصح

واخرتهاااااااااا
 

مافيش جديد يا متعاقدى اسيوط اللى عنده اى معلومه يقولها من فضلكم

النهاردة 4 فى الشهر ومش عارفين ايه اللى هايحصل

ايه ياجماعه الجديد خلص ومش عارفين راسنا من رجلينا امبارح قابله واحد فى الاداره قالى انهم مستنيين التثبيت يجى لتعاقدات 1/7 1/9 خلال اسبوع ممكن مش صح ولا ايه الظاهر ان مفيش جديد خالص حد عنده

يا جماعة إحنا هنفضل كده نايمين

مشفاهم حاجه يعنى ايه هايتغير العقد ولا ايه ولا هانمشى ولا ايه الواحد تاه خالص

لازم يكون لينا رد جماعى كفاية الذل اللى شفناه طوال السنين اللى فاتت

ايه الحكايه خلاص بقينا مش عارفين ايه مصيرنا روحت الادارة النهارده محدش عارف حاجه
العقد هايتجدد ولا ايه او هايتغير
ايه رايكم لونعمل يوم نتجمع فيه عند مكتب وكيل الوزارة ويمكن لما يلقونا كده يتحركو ا وكل واحد يقول لحبايبه ونتجمع لان الظاهر ان الناس دى وحشتها الاعتصامات او احنا وحشناهم ايه رايكم خلينا نتحرك شويه وهما كمان يتحركوا معنا لانهم مش هايجوا غير بكده

خبر أكيد مليون المية
النهاردة كنت فى ادارة اسيوط فعرفت ان مطلوب شهادة الدبلومة التربوية لغير التربويين تعاقد 7/2 للتثبيت
والاشارة دى وصلت الادارة من المديرية يوم الخميس
وانا شوفت الاشارة بنفسى.
فعلى اى احد معه شهادة الدبلومة يتوجه بها الى ادارة اسيوط ويسلمها فى قسم التعيينات او توجيه قبل يوم 7/14

والله انا قرأت 7/2 واحتمال يكون كاتبين بتوع تعاقد 9 بس بصراحة انا مهتمتش ومش اخدت بالى لأن كنت بحاول اقرء بسرعة
وعلى العموم اكيد اللى هيسرى على 7 هيسرى على 9

يا استاذي الفاضل هناك تعاقد 2008م ولم ياتي لهم التثبيت بالرغم استكمال الشروط ( دبلومة و نجاح في الكادر ) و انا منهم الدولة دي محدش عارف فيها حاجة

يا أخى العزيز الكلام ده تروح تقوله لوزير التربية والتعليم هو انا مالى
انا بقولك اللى حصل والكلام ده على مسئوليتى لو طلع غلط والكل من الممكن يتأكد من الكلام ده.
لكن انك مش تحب الخير لغيرك ده يبقى كلام تانى
( ملحوظة ) انا مش معايا المؤهل التربوى بس قولت الخبر حتى يستفيد منه الجميع " حب لأخيك كما تحب لنفسك "

جزاك الله كل الخير
عقبال كل المتعاقدين بالمنوفية

النهاردة سلمت الافادة التربوية فى التوجيه حتى يسلموها الى قسم التعيينات
كل من لم يحصل على الدبلومة التربوية بأمكانه تقديم الافادة كما فعلت

الافادة دى بتجيبها من كلية تربية قسم الدراسات العليا ودى افادة بتؤكد انك قدمت فى الدبلومة التربوية.
لا الادارة دلوقتى اضطروا يقبلوها بسبب الاعداد الكبيرة المقيدين بالدبلومة ولسه مش معاهم الدبلومة.
الاول فعلاً كانوا رافضين يأخدوها لكن الوضع الان اتغير وانا نفسى قدمتها النهاردة.

شكرا جزيلاً على خبر التثبيت ان شاء الله اللى أنا أول مرة أسمع الخبر ده من حضرتك هنا وبالفعل فى المدرسة قالولنا ان شهادة الدبلومة مطلوبة فى الادارة وبالفعل النهاردة الحمد لله سلمتها فى قسم التعيينات

هو حضرتك تعاقد مميز بتاريخ كام؟؟

السلام عليكم
انا سمعت انهارده من احد الزملاء فى المدرسه ان المحافظ ادى قرار بتجديد العقد تلقائيا لمدة سنه لحين استيفاء الشروط ما مدى صحة هذا الكلام وهو يقول انه شاف القرار بنفسه والله اعلى واعلم



لو الكلام ده صح تبقى مصيبه لاننا لانعلم هذه الشروط اصلا

هو صافى المرتب هيبقى كام

ومفيش جديد ولا ايه لحد دلوقتى مفيش اى اجراء رسمى سواء بالتثبيت او تجديد العقد

ياريت لو حد عنده معلومه يفيدنا

مفيش اى اخبار ولا فى الاداره ولا فى المديريه

مفيش اى اخبار ومحدش عارف اى حاجة

فى انتظار الجديد

إيه يا جماعة مفيش أى أخبار جديدة ؟؟؟

كلنا نايمين على الموضوع وربنا يستر واضح اننا هنفضل زى ماكنا اللى يقبض شهر سبعه يبقى يقول ايه الاخبار

فى ناس قبضت امبارح والمرتب 621
النهارده فى المدرسه طلبوا منى شهاده icdl عشان نتحول من معلم مساعد لمعلم
وفى ادارات تانى طلبوا منها الدبلومه عشان التثبيت
مش عارف كل اداره على حسب مزاجها ولا ايه
ياريت لو حد عنده جديد او معلومة يفيدنا
وكل سنه وانتم طيبيبن رمضان كريم

انتم من المنقطعين اللى رجعوا ولا ايه بالضبط
احنا فى المنوفية ما خدناش ال 15% ولا اى حاجة

على راس العمل
واخدنا ال%15