|
فيه حاجات كتير اوى بنقول عليها حب و هى اصلاً مش حب
مش معنى انك ارتحت فى الكلام مع شخص انك بتحبه لانك بمجرد ما هتلاقى شخص بترتاح معاه اكتر هتنسا الشخص ده مش معنى انك شايف الشخص ده حلوو اوى انك بتحبه عشان بمجرد ما هتلاقى الاحلى هتزهق منه الحب معناه عميييق اوى و مش سهل يكون موجود الحب يعنى ترتبط بروح الشخص مش نفسه بمعنى انك تحب الشخص لانه كده من غير مقاييس معينه فى دماغك زى الجمال او الذكاء او غيره بمعنى برده انك تحس بتآلف معاه روحى لدرجة انك تحس انك انت هو وهو انت الحب الحقيقى هو المتجرد من كل الشهوات هو اللى يخليك تحس انك مبسوط من غير سبب معين الحب الحقيقى هو اللى ميكونش فيه اسباب معينه سواء ذكاء او اخلاق او ا و متعرفش تقول سببه وده مش موجود اصلاً غير فى حالات نادره ومن امثلته حب الام لابنها |
النقد السلبى سببه الحقد
اى شىء فى الحياه بيتكون من ذرات و الذرات فيها موجب و سالب يعنى اى شىء ليه جانب حلو و جانب وحش مهما كاااان و الانسان بيقول النقد الحلو وقت ما تكون نفسيته مستريحه و رايقه و يكون نقده سلبى وقت ماينسى نفسه و يكون الحقد ماليه حتى لو فيه عيوب واضحه لو نفسيته كويسه هيقدر يوصل العيوب بشكل شيك جداً و ميبنش انها نقد + هيقول الايجابيات الاول + اسلوب الكتابه هيكون فيه رأفه مش حدة و عصبيه |
بكره الفلسفه بس واقع فى بحرها
نفسى ابطل اركز فى تفاصيل تافهه و اطنششش كل حاجه بقيت بفسر اتفه الحاجات تفسيرات ضخمه اوى و ادى مليون سبب لكل تصرف بسيط بجد الوحده وحشه جداً و الناس اوحش فلسفتى متعبه اوقات كتييير بس بتحسسنى انى انسان مش حيوان هفرق ايه عن الحيوان لو انا عمال بس اكل و انام و اطنش !! ربنا خلقلى عقل افكر بيه و اتفلسف بيه و انغوش بيه و ده سبب تكريمنا يبقى ازاى الغى وظيفته انا عارف الفلسفه الكتير متعبه و بتعرفنى اد ايه الواقع معفن بس لابد منها عشان هى سبب اتخاذى لقرارات مهمه و مصيريه و مفيده و من غيرها عمرى ما كنت هكون كده او حتى اقدر اعتمد على نفسى فى اى حاجه كل يوم افكر فى مليون حاجه و اتعب و يجيلى اكتئاب و اقول خلاص كفايه كده و ارجع تانى افكر فكرت اشرب خمره عشان الغى وظيفة عقلى بس مش مستعد اتشوى فى جهنم عشان راحه مؤقته بس واضح ان الحل الوحيد انى اقوى علاقتى بربنا و اتعامل ببساطه عشان بجد الدنيا احنا اللى بنصنعها احنا اللى بنخليها ضخمه واحنا اللى بنخليها صغيره عينك هى اللى بتحدد حجمها انا هفضل ابحث عن حقيقة الدنيا عن حقيقة ربنا عن حقيقة كل حاجه حوليا لغاية ما افهم و يزيد ايمانى و اعرف اعيش صح مش هقلد تقليد اعمى تانى مش هحاول الون شخصيتى عشان امشى ع الموضه انا كده و هفضل كده و هثوور على كل حاجه مش مقتنع بيها لحد ما اقتنع بيها هفضل متمرد هفضل ارفض اى حاجه مش فاهمها و مش هقبلها غير لما افهمها مش هذاكر و انا مش فاهم عشان شوية درجات لازم اقتنع و افهم و احس انى مش حيوان تابع لحد انا انسان مش حيوان ولا جماد |
i wanna scream n' shout n' let it all out
|
انتو فى مرحلة مراهقة والحاجات اللى بتحصللكو دى طبيعية اى مراهق بيقعد يفكر كتير ويحاول يستكشف الأشياء الغريبة اللى حواليه
الوحدة ف المراهقة من رأيي انها حلوة بس متكونشي زيادة عن اللزوم لأن المراهق اكتر شخص بيتأثر بيه وبيبقا شبهه ف تصرفاته وتفكيره هو صحبه فااما تصاحب حد يكون كويس ومحترم وتفكيره واعي ياما تكون لوحدك وتحاول تنمى شخصيتك للأفضل احساس انك مختلف او انك مش تبع الأغلبية ده كويس علفكرة لأنك كده بتكون مميز عنهم :) عموما ياجماعة انا بعتبركو زى اخواتى وحاسة انى مريت بالحاجات اللى بتمروا بيها دلوقتى اى حد عنده مشكلة من اى نوع يسألنى فيها وانا مش هتأخر عليكم بجد وهنصحكم بالنصيحة المفيدة :) ربنا معاكم ويهديكم للأفضل دايما :) |
يا دكتوره مياده انتى فى عز سن المراهقه ههههههههههه
المراهقه بتخلص فى ال21 كده |
لااازم تشربو كتييير ميه عشان ميجلكوش برد كتير
انا كنت فاكر فى الاحياء ان كرات الدم البيضا هى المسئوله عن القضاء عن الامراض او حاجه زى كده و الدم بيحتاج ميه عشان يتحرك و ينشط و كده و اصله نسبة كبيرة منه ميه انا عارف انها صعبه اوى عشان الميه بتحسسك بالسقوعيه و كتر الميه بيخليك ترجع بس لابد منها |
راى ده تتطفل علي حضرتك بس ده راي وعنوانى الصراحة
الصورة بتاعتك بتخوف وشكلها بيخض ولما بشوفها بحط ادمها 100 علامة استفهام |
الفلسفة الفلسفة قد ايه بكرهها
ده انا ما كنتش بفهم فيها حاجة تلاقي واحد يحط حوالي 100 نظريه في حاجات الواحد ماكنيش بيفهم فيها حاجة مع انى كنت حاسة انى لو فهمتها هعرف انها مهمة بكره الملل والتكرار بحاول انى ماكنش نسخة من حد بخاف اووووووووووووى من امتحانات الترم واخر العام بس اكيد ده طبيعى عند كل الناس مش عارفة ليه بحس ان الناس كلها بتتغير علشان مصالحها وملايين المواقف بتثبت كده اوقات كتيييييييييير بفضل اكون لوحدى امشى لوحدى وكده يعنى بس زمان كنت انا والبنت اللى كان صاحبتى علي طول مع بعض ده احنا حتى كنا اوقات بنام مع بعض يوم عندى ويوم عندها هههههههه اهى ايام اوقات كتييير بحن للايام دى واوقات كتتيييييييير بكرهها لانها بتفكرنى بمعاملة البنت دلوقتى معايا مش عارفة ليه انا بشغل بالى بيها؟؟؟؟؟؟؟؟؟؟؟؟؟؟ مع انىها من الماضى وتتعتبر شئ تافه بحب التفسيرات العلمية و الاراء والنظريات والعلوم بحس انى كويسة وانا وسط كتبى بحب اقرا واسمع عن كل ما هو غريب واخر الاختراعات وعلوم الفضاء انا صبعى وجعنى من الكتابه كفاية كده |
اقتباس:
بس انا كمان زهقت منها و هغيرها حالاً |
نفسى اكبر بقى عشان افهم تصرفات بابا المستفزه معايا
|
نفسى اهزم الفشل والكسل
نفسى دايما اكون انا وبس مش عايزة اجى على نفسى عشان حد مخافش على زعل حد زى طبيعة اى حد دلوقتى اثق فى نفسى |
اقتباس:
|
اقتباس:
بس قربتى فعلاً تخلصى منها انتم السابقون ونحن الاحقون |
اقتباس:
|
| جميع الأوقات بتوقيت GMT +2. الساعة الآن 11:23 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.