المشاركة الأصلية كتبت بواسطة الأستاذة أم شاهندة (المشاركة 2539237)

حبيبتى الغالية
أكرمك الله
تقبل الله منا ومنك صالح العمل
وياريت أكون فعلاً على قدر المسئولية فى تقديم يد المساعدة
فغاية فرحتى حتى أتمكن من تقديم خدمة أو مساعدة أو معلومة لأحد


موضوعك رائع
وعنهم حق فعلاً إعلامية ناشئة متميزة
خسارة أنك كلية تربية قسم إنجليزى
كان مفروض تدخلى إعلام
موفقة إن شاء الله

المشاركة الأصلية كتبت بواسطة shimaa2009 (المشاركة 2539274)

اقرائى لنا بطاقتك الشخصيه *(اختيارى براحتك يأستاذه )

ليسانس أداب لغة عربية
مدرسة سابقة لمادة اللغة العربية والتربية الدينية
تركت العمل بعد الزواج للتفرغ للمنزل
زوجى طلب وأنا وافقت بصراحة
أنا أعيش بالاسكندرية
لكن جذورى ريفية من محافظة البحيرة
وهناك منزل هناك نجتمع فيه مع إخوتى فى العيد لزيارة عائلتنا هناك
متزوجة وعندى شاهندة بالصف الرابع الابتدائى
وندى سنتين ونص

-ماهى الصداقة من وجهة نظرك؟
هى الأخوة غير الشقيقة
أفضل أن تكون بين نفس الجنس
ليس معنى هذا عدم وجود صداقة بين الولد والبنت ولكنى أفضلها فى حدود عندما تكون بين جنسين مختلفين




اية هى اكتر حاجة بتميز اصحابك القريبين ليكى عن غيرهم؟؟

الوضوح
والصدق
لا أحب الطرق الملتوية
الصريح قريب جداً إلى قلبى

-اية اكتر حاجة مش بتحبيها فى الاستاذه ام شاهنده ونفسك تغيريها..واية اكتر حاجة بتحبيها فى الاستاذه ام شاهنده؟؟
أكتر حاجة مش بحبها فىّ الانفعال والصوت العالى وقت المناقشة
(طبقة صوتى عالية ودى وراثة من الوالد وهو كان مدرس على فكرة برضه )
أكتر حاجة بحبها فى صفاتى والحمد لله مش بحب حد يكون زعلان منى
أموت لو عرفت أن حد زعلان منى وأفضل أزن وأتحايل لحد ما يسامحنى (ده لو أنا اللى غلطانة )

-اية اكتر حاجة بتحبيها هنا ف المنتدى؟واية الحاجة اللى حاسة انها ناقصة المنتدى؟
أكتر حاجة حبتها فى المنتدى روح العطاء عند الكثير من الأعضاء
وخاصة المعلمين طبعاً
حسسونى أن المعلمين لا زال فيهم الإنسان الذى لا يبخل بجهده على الغير

-قوليلنا10 اعضاء بتحبيهم وياريت بالقاب..
الموضوع ده صعب شوية لأن 10 فقط عدد قليل لكن ححاول
طبعاً أستاذ ممدوح ده أستاذى فى المنتدى وأخى الكبير
والعضوة زمردة أول صديقة لى فى المنتدى جمعنا سوياً خدمة تقديم النتائج
الأستاذة نداء الجنة أخت عزيزة وشخصية محترمة جداً
ومسيو منتصر أخ وزميل يعتمد عليه
أستاذ عوض على يتمنى تقديم يد المساعدة للجميع
ومستر رضا الغريب مثال للعطاء بلا حدود
والأستاذة أية كمال انسانة ممتازة وأخت رائعة
وأستاذ محمد عبد الحكم أخ وزميل وشعلة نشاط
وكتكوت ابنى وأخى الصغير
عاشقة الطفولة افتكرت عيد ميلادى وعملت لى موضوع بالتهنئة
وناس تانية كتير بجد هم إخوة وزملاء أفاضل وبحترمهم جداً وبتمنى تواجدهم فى المنتدى أكتر وأكتر


-ازاى الاستاذه ام شاهنده بتطور من نفسها فى حياتها وشخصيتها ودراستها؟؟
القراءة والاطلاع والمعلومات فى كل المجالات
هواية بحبها جداً والحمد لله أؤمن أن الثقافة أن تعرف شئ عن كل شئ أفضل من أن تعرف كل شئ عن شئ
وبحب أراجع نفسى كتير ولا أجد خطأ فى الإعتذار وإعترافى بخطأى لو وقعت فى أى خطأ
الكمال لله وحده

-اكتر مرة حسيتى فيها بالفرحة والسعادة؟؟
الحمد لله على نعمه
بس تفوق شاهندة وحصولها على المركز الثانى فى الصف الثالث الابتدائى كان فرحة كبيرة لى
وأيضاً خبر حملى بندى بنتى الصغيرة كان يوم عيد ميلادى يعنى يوم عيد ميلادى عرفت إنى حامل يومها قلت دى هدية ربنا لى خصوصاً إن زوجى نسى يومها أنه عيد ميلادى فقلت له بكل هدوء

" ربنا بعت لى هدية مش عاوزة من بشر هدايا"


-اكتر مرة حسيتى فيها بالانكسار؟؟
يوم رحيل والدى رحمة الله
ولا زال هذا الانكسار يكسرنى حتى الآن
رغم مرور 7 سنوات على رحيله رحمه الله

-ليكى كام صاحبة انتيم..وحاسة اية الحاجة اللى ناقصة بينكوا؟؟
واحدة
للأسف بعد المسافة فهى متزوجة وتقيم بالقاهرة ومشاغل الدنيا بقى
لكن أمى وأختى هما صديقاتى اللاتى لا يشغلهن عنى شيئاً

-عرفتى المنتدى ازاى؟

كنت ببحث عن مواد دراسية على النت فى العام الماضى لشاهندة لأن خلال النصف الأول من العام كانت خوفاً من أنفلونزا الخنازير لا تذهب للمدرسة
فحاولت أبحث عن طرق تساعدنى فى توصيل المعلومة لها
(لأن تدريس الأب أو الأم للأبناء صعب شوية مش عاوزها تغلط خالص )

-اية رايك فى الصداقة بين الولد والبنت..انتى من مؤيديها ولا من معارضيها؟؟ ولية؟
سبحان الله
أعتقد إجابتى حتكون واضحة من البداية لأنى ذكرت مثل هذا
لا أعارضها على الإطلاق ولكن لابد أن تكون بحدود شديدة من الطرفين
ومش ولد وبنتبس لا حتى لو رجل وإمراءة
لأن التعود قد ينقلب إلى حب
وخوفاً من أن يكون غير متبادل أو يكون فاتحة لشئ يغضب الله أو أن يظلم أخرين يفضل أن يكون بحدود
أو أن يكون مع الأخوة مثلاً
فأخى صديقى إلى أبعد الحدود
وأنا كنت صديقة جداً لوالدى رحمه الله




-ماذا تمثل لكي الاشياء الاتيه
شاهنده فص قلبى وندى أختها طبعاً بس شاهندة البكرية زى ما بيقولوا
بابا ( ضهرى اللى اتكسر ) أتمنى أكون معاه لأنى متأكدة أنه فى الجنة
ماما قدوة نفسى أكون زيها وهى نور عينى
اخواتك أصدقائى والحمد لله
بلدك بحب أزورها واستجم هناك وأزور قبر بابا وأتكلم معاه
منزلك حمايتى
غرفتك طمأنينة
قلمك صديقى المستمع الأخرس
ورقتك فضفضة
السماء تفاؤل
القمر اتضح أنه صخور صعبان عليا الشعراء الذين تغنوا به :d
النجوم الأمل فى أن يزول الظلام

15-هناك مقوله تقول لا تعطي النساء كل شئ فان الطمع يغمي عن عيونهن ايه رايك في الكلام دا؟


بصراحة فيه ستات فعلا بتطمع
وكمان فيه رجالة كدا
بس أنا أعتقد أنك ممكن تأسر المرأة بالحنان والاحتواء
وأعتقد أن الرجل كذلك
يبحث كلا الطرفين عن الدفئ والمحبة عند الطرف الأخر
طبعاً لكل قاعدة شواذ
ولكنها ليست مقياس
فالرجل يبحث عن حبيبة وأم
والمرأة تبحث عن حبيب وأب
طبعاً قصدى بحبيب هنا زوج مش حاجة تانية
طبعاً دى وجه نظرى



كفايه اووى كدا
بس اكيد لينا بااك ان شاء الله

المشاركة الأصلية كتبت بواسطة الأستاذة أم شاهندة (المشاركة 2539411)

كل ده ولسة فيه باااااك

هههههه ايوه اكيد دا احنا لسه بنقول بسم الله

يا نهارى
هههههههههه



بس بجد برافو عليك
الله يخليكى




فكرتينى بنفسى وأنا فى الثانوى كنت رئيسة جماعة الإذاعة وحتى وأنا مدرسة كنت بحضر الإذاعة للطلبة وبنعمل لقاءات مع المدرسين فى إذاعة الصباح
كان نفسى أدخل إعلام لكن الوالد رحمه الله قالى مهنة صعب على فتاة فى مجتمعنا والبيت والأولاد والحمد لله على التدريس نعمة :bosyht9:








أتمنى أكون أجبت على الأسئلة كما طلبتى وحقيقى تحدثت بصدق وعفوية ودون تحضير والله على ما أقول شهيد
:022yb4::022yb4::022yb4:

المشاركة الأصلية كتبت بواسطة الأستاذة أم شاهندة (المشاركة 2539424)

كدة يا شيماء عصير وجاتوه
اللهم إنى صايمة
ههههه

طيب أخدهم ديلفيرى بقا


ماشى دا انا اجيبهم انا لعند حضرتك فى اسكندريه بس جهزلنا قاعده على البحر علشان حق المشوار هههههه
وأكمل على اللى عندى للفطار


مشكورة على كرم الضيافة يا شيمو





عزومة مراكبية دى على فكرة

المشاركة الأصلية كتبت بواسطة shimaa2009 (المشاركة 2540598)

شفتى انا جيت بسرعه ازاى ؟
هههههههههههه
هسال حضرتك سؤال صغنون كده علشان مش اتقل عليكى
لو مرة انتى ماشية فى الشارع رايحة امتحان اخرالسنة و بعدين قابلتى واحدة صحبتك و صحبتك دى تعبت و اغمى عليها و انتى لسه قدامك خمس دقايق على ميعاد الامتحان هتعملى ايه ؟؟؟
هل هتسيبى الامتحان علشان خاطر صحبتك ؟
ولا هتسيبى صحبتك و تروحى تلحقى الامتحان ؟
ارجو الاجابة بكل صراحة
و يا رب مش اكون ازعجتك دى حاجة بسيطة بس كده زى ما بيقولوا مسحة زور لحد ما ارجع تانى

المشاركة الأصلية كتبت بواسطة الأستاذة أم شاهندة (المشاركة 2540697)

بصراحة مش حسيب صحبتى
لأنى لو وقفت معاها ربنا حيقف معايا
ححاول أسعفها أو اتصل بحد من أهلها
وأنا بعمل كدة حكون متأكدة أن ربنا كمان حيقف معايا
المراقب حيرضى يدخلنى
أو يطلع الامتحان سهل
وبعدين صديقة لى أتركها مغمى عليها
طيب يا عالم ممكن يجرى لها إيه
وإزاى اقدر أروح وأجاوب وأنا مش عارفة مالها


احاول افوقها ونروح الامتحان سوا
وربنا يكرمنا احنا الاتنين

يااااه نعم الصحوبيه والله بجد صاحبه ماتتعوضش وعند حضرتك حق فى كل كلمه قولتيها


خلصنا مسحة الزور
ربنا يستر على اللى بعد كدة

ههههههههه




شيماء هو لسة كتير ؟
ههههههههه