|
لو سمحتو ياجماعه في الديناميكا كتاب الوزاره في قانون نيوتن الثاني مسأله 15 صفحة 207 تمرين 3-3 بالون كتلته 1050 كجم يتحرك بسرعه منتظمه رأسيا الي اعلي سقط منه جسم كتلته 70كجم .اوجد العجله التي يصعد بها البالون بعد ذلك واذا كانت سرعة البالون قبل سقوط الجسم 50سم/ث اوجد.... 1-المسافه التي يقطعها البالون بعد ذلك في 10 ثواني 2-المسافه بين البالون والجسم بعد هذه المده عاوزه اعرف لما البالون يكون طالع ويسقط منه جسم هل الجسم هيتحرك مسافه الاول لاعلي لانه كان واخد سرعة البالون لحد ماتبقي سرعته بصفر وبعدين ينزل ولا هينزل علي طول؟ هي هتفرق معايا النقطه دي ولا ايه؟ |
اقتباس:
احم احم احم مش فاكر حاجه خالص خااااااالص :( :( هو انا ممكن اشوفلك الحل بتاعها لكن انى افتكر ايه اللى بيحصل (( إهئ إهئ )) |
اقتباس:
:d انا كمان مش فاكر حل المسألـة دي :( .. لكـــن فاكـر لغـز المسألـة . كانت جت ف امتحان 2006 أو2007تقريبا كدا:rolleyes: اقتباس:
اها... دي مش هتتحـــــــل اساسا غير ب النقطــــــة دي .. ربنا معاكو |
انا لغات, ممكن اجبلك الحل بالانجليزى و احاول اترجمهولك و تشوفى انتى :p
اوك؟ |
اقتباس:
مش مشكله ياهندسه كتر خيرك انك حاولت:078111rg3: انا راحه للاستاذ بتاعي بعد صلاة المغرب عشان يحلهالي هي وواحده كمان فيها عك كده;) ربنا يستر اقتباس:
هنشوف الحل ونعرف انا كنت فكرت في الفكره دي بس مش عارفه اطبقها ازاي ألف شكر ياهندسه ومنتحرمش ابدا من مساعداتكم اقتباس:
هههههههههه طب وانا اجيبهالك بالانجلش ازاي دي؟:d وحتها لو جبتها هعرف حلها يعني وفكرتها؟:006et4: هو انا فاهمه العربي لما افهم الانجلش؟:blush: روح ياعم الله يسهلك خلينا في العربي بتاعنا الاول:) |
بالتوفيق لكم جميعا ان شاء الله
|
لا مش هيتحرك مسافه ولا حاجه هينزل علطول تحت تاثير وزنه |
اقتباس:
اهاااا ماانا عرفت هجيب المسافه اللي الجسم اتحركها من قوانين الحركه عادي خالص واجيب مسافة البالون هو كمان بنفس الطريقه واجمع المسافتين شكرا علي اهتمامكم بالموضوع:) |
يااااااااه كـل التعب ده على بالون !!!! خلاص عندى انـا البالون ده :p الله يكـون فـ عونكم .. ده انتـو شغالين بلالين مـ الصبح ^_^ |
اقتباس:
اهااااااااااااا شوفت بقي ده انا لو شوفت البالون ده افرتكه بدبوس بس مهما عملنا هيجيبولنا مسائل عليه هيقولولك بالون كتلته كذا وماشي بسرعة كذا واحده بنت حلال شكته بدبوس فاصبحت سرعته كذا وكان فيه راجل ونط فاصبحت كتلته كذا احسب واحسب واحسب عشان تعذرونا ياعم مارك من الويل اللي بنشوفه بالتوفيق لينا كلنا:) |
اقتباس:
يااااااااه كـل ده عـ البالون الغلبان ده :o و مـاله .. ماحنـا كمان كـ طلاب ادبـى بندرس مواويـــل :( و بـ المناسبه دى عندى لـ طلاب ثانوى " رياضه 2 " .. كام نصيحـه كده طبعا مش انا اللى كاتبهـم دول لاقتهـم و قولت امـا احطهم هنـا يارب تعجبكـم هتلاقوهـا فـ الكومنت اللى جـاى علطول . . :) |
تنبيـه : مش انـا اللى كـاتب الكلام ده .. عشان انـا ادبـى ^_^ بس لقيـت ممكـن تكون مفيده ليكـم بالتوفيق . . . :) نبدأ . . :mellow: ريـاضه 2 كونك واخد رياضيات معنى كدا انك ناوى ان شاء الله هندسه أو حتى عشان تثبت لنفسك انك متفوق أوعشان بتحبها أو لسبب تانى فبالرغم من ان امتحان الرياضيات بتاعنا كان زى ما الناس بتقول صعب جدا لكنها هيا الماده الوحيده الى أنا بقفلها الخمسين وأى حد فاهم الرياضيات وحاببها يقدر وبكل سهوله يقفلها ولكن أولا رياضيات تالته غير تانيه تالته الرياضيات بتاعتها طويله حبه فعندك 3 فروع الميكانيكا ودى فيها استاتيكا وديناميكا والتفاضل والتكامل والجبر والهندسه الفراغيه أحب فرع ليا فازاى تذاكر الرياضيات أولا الرياضيات فهمى ليها هوا انها قوانين انت بتحفظ القوانين دى وبيجيلك مسائل على كل قانون انت بتعرف هوا عايز أى قانون من المطلوب وانت بتحل المسأله باستخدام القانون والمعطيات الى ف المسأله لكنك فى الدرس أول ما هاتبدأ مع المدرسين فى الدروس غالبا هوا هايبدأ معاك بالتفاضل وممكن يشتغل معاك فى الكتاب المدرسى فلما تشوف كتاب التفاضل وكتاب الميكانيكا وكتاب الجبر والهندسه هاتخاف من الحجم وتقول أمال فى الامتحان هايجيبلى ايه من كل دا لكنك هاتكتشف فى الأخر ان امتحانات الثانويه العامه فى الرياضيات نفس الكلام الى فى تانيه وانت شوفت بنفسك الأسئله بتتكرر فكرتها لكن الأسلوب و الأرقام بتتغير فمذاكرتك أول بأول مع مدرسك من البدايه هايساعدك فى النهايه وفى المراجعه واهتم بالقوانين وطرق الحل وانت ان شاء الله هتقفلها وهيا ماده من 3 مواد الخمسينات يمكن هايجى وقت وتقول الرياضيات دى صعب قوى انى أقفل الخمسين فيها ...علشان تلت فروع ..وكل فرع صعب والكلام دا... لكن انت جزأها ماتبصلهاش على انها كدا كبشه واحده...خد كل فرع لوحدوا ..وذاكره واديلها الاهتمام..وشوف ملخصه للقوانيين ايه..وحل عليه امتحانات كتيير وانت هتبقى تمام التمام ان شااء الله أى ماده من مواد الخمسينات اديلها اهتمامها الكافى لأنها مواد بتفرق كتيير فى المجموع أولا الميكانيكا الميكانيكا بتتكون من استاتيكا وديناميكا يمكن انت هاتسمع الكلمتين دول تانى فى منهج تالته ثانوى فى ماده غير الرياضيات وهاتعرف ان الاستاتيكا يعنى الثبات والديناميكا يعنى الحركه الميكانيكا فى الامتحانات بيكون فرع من فروع الرياضيات ال3 ودا أكبر فرع فى الدرجات عليه 20 درجه يمكن الديناميكا هيا الى اصعب شيويه من الاستاتيكا فاديها اهتمام اكبر وفى الامتحان لم بيحب يقرص فى ماده الرياضيات بيقرص فى الميكانيكا بالزات..لأنها كبيره وممكن يتوهك ...رعبتك كدا أنا ؟؟ بس ياعم والله والله لو مذاكر وفاهم ..لو عمل الالى حتى قدامك هاتيجبها وتقفلها..انا مش بقول انها صعبه بالعكس سهله وكل حاجه ويمكن كمان امتحانها يجى أسهل من التفاضل والهندسه...بس وليه ..حصن انت نفسك فيها ذاكر الفرع دا أزيد شيويه من الفروع التانيه فى الرياضيات...وحل ليه امتحانات كتيير ...والكتاب المدرسى جايب تمرينات وحلولها على كل قانون...أول ماتغلط فى مسأله فى اى امتحان على اى قانون ..ارجع تانى لكتاب المدرسه الجزء الى على القانون دا..واقرا هوا بيقول ايه وعاوز ايه..وحل عليه المسائل المحلوله الى فى الكتاب ..وارجع تانى للمسأله هاتحلها انشاء الله ذاكر مع مدرسك ومن المذكرات .. اقرأ القوانين كويس وحل عليها مسائل كتيير واغلط فى الأول وبعدين هاتحل صح وتتعود على الاجابه الصح ان شاء الله ثانيا التفاضل والتكامل التفاضل والتكامل التفاضل لو بنترجمها باللغه العربيه يبقى هانقول التفريق والتكميل فتقريبا الاتنين عكس بعض تفاضل يبقى طريقه تانيه ثانوى بتاعت المشتقات ...وتكامل يعنى ترجع المشتقه الى أصلها يعنى لو التفاضل بيطلع للأمام التكامل بيرجع للخلف التفاضل والتكامل امتحان عليه 15 درجه معظمه التفاضل والتكامل هوا الجزء الأصغر فيه ثالثا الجبر والهندسه الفراغيه هيا الفرع التالت فى الرياضيات وعليها 15 درجه فرع سهل جدا وانا بعتبره أسهل فروع الرياضيات ..يمكن فى ناس يتشوفه انه صعب علشان المسائل وكدا لكن صدقنى والله طول فتره الشرح وكدا ...انت ممكن تحس بانها صعبه ..لكن فى وقت المراجعه والامتحانات..هتلاقى ان المسائل تقريبيا كلها أفكار واحده وبتتكرر فى معظم الامتحانات..لأنه مش هايجيبلك من برا ..هوا هايجيبلك على القوانييين الى عندك... يعنى لو فرع زى الجبر والهندسه دا...فى الامتحان هتلاقى الجزء الأول هوا أكمل....شوف تلت امتحانات بس..هتلاقى أكمل دى كلها متكرره..وبعدين سؤال هوا بيقولك انا محددلك الجزء الى هايجى فيه..وهوا السؤال الى على النظريات الى عندك الأربعه..يبقى كتر خيره ..هوا بيقولك انا هاجيبلك فى الامتحان سؤال عن دى ..يبقى تحفظهم بقى وسيبك من التوقع فى حاجه مضمونه زى دى...وبعدين الأسله الى بعدها ..على القواعد والنظريات الى انت أخدتها..وهتلاقيها كلها نفس النهج..السؤال الاخير بيكون عن قاعده واحده وكدا ...كل دا بحل امتحانات كتيير ..وبردوا مش تحل امتحانات كتيير .. الامتحانات والمراجعات فى المراجعه بقى ان شاء الله هتلاقى ان كل ماده من دول لها تلخيص بسيط للقوانين الى فيها وطريقه الحل بصراحه حلك للامتحانات ممكن تستغنى عنه فى كل المواد الا ماده الرياضيات الامتحانات شىء لابد منه عشان الرياضيات مسائل وعايزه حل ولازم تتدرب على حل المسائل ودايما ابدأ بامتحانات محلوله واسمح لنفسك انك تشوف طريقه الحل وبعدين حاول تحل من نفسك وتشوف حلك صح ولا غلط ومش مشكله انك بتغلط كتير فلازم انك هاتتجه للصواب بعد كل خطأ |
اقتباس:
وااااااااااو جميل جدا يامارك تسلم يارب فعلا نصائح جميله جدا ربنا يجزيك ويجزي اللي كاتبها كل خير بالتوفيق لينا كلنا يارب:) |
اقتباس:
يعنـى انا عملت ايه :blush: ربنـا يوفقنـا جميعــا . . . :) |
أولا : شكرا لمارك على النصايح الجامده دى فعلا كلام سليم 100% ثانيا : أخبار الرياضه معاكم إيه يا بتوع ثانوى أعتقد إن الناس خلصت أغلب الفروع وأعتقد إللى ناقص هى الديناميكا و الفراغيه لأغلب الناس يعنى طيب إيه الأخبار ... طبعا أسهل فرعين تكامل وجبر واستاتيكا نوعا ما كويسه ممكن إللى يكون مغلس هى الديناميكا بس على فكره الديناميكا مش حتبقى سهله غير لما تفنشوا المنهج خالص لغايه ما تأخدوا طاقه الوضع والحركه وكده يبقى باى باى ديناميكا وساعتها حتحسوا بمتعه الديناميكا فعلا ثالثا : فيه حاجات مهمه كده كنت بعملها _ الميكانيكا ( إستاتيكا + ديناميكا ) :: كتاب المدرسه ثم كتاب المدرسه ثم كتاب المدرسه ثم الدليل (( مهم جدا )) ثم الإمتحانات ثم ال 20 إن شاء الله _ التفاضل والتكامل :: كتاب المدرسه ثم كتاب المدرسه ثم كتاب المدرسه ثم الدليل بس فيه ملاحظه : كتاب الدليل حلو فى النهايات والاشتقاق ومعادله المماس و العمودى والقيم العظمى والصغرى المحليه والمطلقه نيجى بقى لـ ( تطبيقات القيم العظمى والصغرى المحليه والمعدلات الزمنيه المرتبطه ) دول فى كتاب الدليل مسائلهم صعبه جدا يعنى او تحس انها مفتلعه زياده عن اللزوم (( نظام تعقيد )) نوعا ما التكامل من الدليل كان حلو جدا ثم الإمتحانات ثم ال 15 إن شاء الله _ الجبر وىالفراغيه :: الجبر : ملهوش أى لازمه من كتاب المدرسه مسائل مش بتيجى خالص فى الامتحانات وكذلك فى الدليل إنما الفراغيه : كتاب المدرسه جميل جدا فيها والدليل برده فيه بعض المسائل الجميله وخصوصا المسأله الاخيره فى الامتحان غالبا ما بتيجى من الدليل ثم الإمتحانات ثم ال 15 إن شاء الله فيه بقى بعض الامتحانات فى اخر كتب المدرسه فى ال فروع كلها دول حلوهم فيهم افكار حلوه نوعا وكويسه يا ريت تبقوا تحلوهم وبرده فى الدليل فيه امتحانات من ورا كويسين جدا برده إللى برده عايز أوصله هو إن : كتاب المدرسه مينفعش يتساب فى بعض الفروع وكذلك الامتحانات مهمه جدا جدا جدا لان فيه افكار مش حتقابلوها غير وانتوا بتحلوا امتحانات (( دور أول ودور تانى )) وخاصه من 2006 لــ 2012 *** فيه برده كتاب اسمه 100% ده بيحل اسئله كتاب المدرسه كلها على كل درس فى كل الفروع وبيحل المسائل الصعبه اللى فى الدليل . بس فيه عيب : ساعات كتير بيحل غلط يعنى يتلغبط فى رقم يكتب رقم غلط من المسأله وكده يعنى لكن حالل كل المسائل من المدرسه وبعض الافكار الصعبه من الدليل *** أحيانا كتاب الدليل بيبقى فيه غلطات فى الاجابات من ورا ... فعشان متعانوش نفس معاناتى وكنت بشد فى شعرى لما احل مسائل سهله ويطلع هما إللى غلطانين فى الحل مش أنا فدى كانت من أكتر الحاجات إللى بعانى منها فانتوا بتحلوا طلع الناتج مش هو إتأكد من المستر أو من أى حد بيحل عشان الحاله النفسيه والثقه فى النفس متقلش وبنكون إحنا الصح إن شاء الله وآسف على الإطاله :( :( |
| جميع الأوقات بتوقيت GMT +2. الساعة الآن 07:49 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.