انا لسة بسمى فى علوم البيئة
بس انا شايفة ان تفسيرك صحيح. طالما ان السؤال ضغط فى الاونة الاخيرة
فدا ليه علاقة بالبشر وزيادة عددهم وبالتالى المصانع والمنشئات والمبانى الى بيبنوها بتاثر بردو

ماشي ياحبيبتي

iاستغلي دا انك تبداي تراجعي مع نفسك لو تقدري
عشان لما يبقوا يبداوا يراجعوا تبقي انتي مظبطة نفسك

ممكن حد يديني تعليق نص النسور من فضلكم لان بحتار ف التعليق

النضارة الالكترونية الحديثه , ذات تصميم هندسي رائع صنعت في اليابان من قبل طالب في المرحلة ما قبل الاخيرة من الدراسه لعدم تمكنه من المذاكرة او الحفظ
( النضاره بتكون شبه الطبيه بالضبط لن يتم ملاحظتها نهائي ) آلية عمل النضاره
النضاره بتكون فيها حاجه اسمها coin ودي عامله زي الكارت الميموري بالضبط , بس بتكون خاصه بالنضاره
بتربط الكوين بجهاز الكمبيوتر او اللاب توب وبتصتب البرنامج بتاعها عادي , هتلاقي في البرنامج جزأين ( جزا لاسئلة الفهم ) وجزء لاسئلة الحفظ , هتدخل علي الجزء بتاع اسئلة الفهم , هتنزل عليه كل المعادلات والقوانين اللي موجوده في المنهج بتاعك ودي مثلا بتجبها من النت لو مش هتقدر تكتبها والجزء الخاص باسئلة الحفظ بتحط فيه المنهج كله سؤال واجابه وشرح وكل حاجه في المنهج بتنزل مثلا مذكرات من النت وتحطها في البرنامج ,
لم بتلبس النضاره والامتحان ادامك بيكون فيه سينسور مرتكز في عدسة النضاره , شفاف لا يري , لم تشوف السؤال بعينك السينسور بيبدأ يعمل عملية مسح ضوئي للسؤال وبعد كدا بيدخل السؤال للبرنامج والبرنامج بيقوم بحل السؤال حلآ منطقيآ نموذجيا , وبعد كدا بتطلع اشعه تحت الحمراء علي هيئة اجابة للسؤال امامك علي الورقه او علي الشيء اللي باصص عليه , الاشعه تحت الحمراء لا يمكن ان تري بالعين المجرده , انت بس اللي هتشوفها لانك لابس النضاره , هتلاقي الاجابه ادامك علي هيئة اشعه تحت حمراء ,
يمكن للنضاره حل كافة الامتحانات حلآ كاملآ ونموذجيآ ( اللغه العربيه - انجليزي - فرنساوي - الماني - رياضيات بفروعها - فيزياء - كيمياء - تاريخ - جغرافيا - جيولوجيا -احياء - علم نفس ----- الخ
وفيه في النضاره زر صغير جدااااااا بيكون فوق اذنك علشان لو المراقب شك وقربلك بضغطة زر علي الذرار دا بتقفل كل حاجه وبتتقلب النضاره عادية جدا جدا جدا ولا يمكن فتحها او رؤية شيء بها , وعلشان ترجع للوضع الاصلي للنضاره هناك حركة سريه لا يعرفها سواك :)
دا كان شرح كامل للنضاره

لطلب النظاره يرجي مراسلتي علي الفيس بوك

https://www.fb.com/AhmedBrokers

نضارة ايه وميموري ايه بس
فين ايام الغش الجميل ايام البرشام و المذكرات اللي بتتحط في الحمام :d

رجاله ثانوي ايه اخباركم

بداتو مراجعه ولا لسه

لو عاوزني انزلكم طريقه تراجعو بيها وتنظمو نفسكو في الفتره دي او يعني اللي كنت بعمله انا

تمام انا دلوقتي فاضياالكو اي حد يعوز مسااعده في اي ماده الا الاحياء والجيولجيا يعني :d انا موجوده

احنا في نص المنهج تقريبا
ازاي نوفق بين المذاكرة والمراجعة على القديم ؟

ايزة ياريت تقوليلنا نستغل الفترة دي ازاي وبالتفصيل
واحنا معظمنا ان شاء هيخلص المناهج علي 2او اول3
وياريت بقا تقوليلي حل لمشكلة النوم دي اعمل فيها ايه
انا ايام انام 4ساعات وايام6 وايام13
والله بظبط 2منبه وبقوم اطفيهم وانام ومش بصحا غير لما ابقي شبعت نووم
وبردو قوليلنا نبدا نحل دليل التقويم امتي والمراجعات النهائية والكتب الخارجية العديدة

التعليق يا نور اقرئيه من كتاب المدرسة وروحي شوفي الاسئلة اللي عليه ولخصيه بنفسك
لو عاوزاني اصورلك الاسئلة اللي المستر عاملهالنا عليه شبه الكتاب بالضبط قوليلي

نفس مشكلتي النوم مضيعني
بتوصل ل 14 ساعه
اكتر من نص اليوم نوم

ياريت معلش هتعبك معايا حبيبتي

طيب تمام اول حاجه انتو ماشيين كويس جدا متقلقوش

ثانيا بقى وده المهم انتو المفروض تبداو تراجعو في الانجلش لانه تقريبا اكتر حاجه بتتنسي لو محلتش عليها كتير فاحنا نمسك كتاب محلناش فيه قبل كده ونبدا نراجع ونحل كتيير جدا لان الانجلش معتمد ع الحل الكتير

لو عاوزين باقي المواد تراجعوها اتفقو مع اساتذتكو انكو تمتحنو ع القديم يعني انت مثلا في الرياضه سااي خلصت فرع من الفروع وانت ماشي في فرع تاني وقربت تخلصو يبقى تمتحن ع الفرع القديم واول ما التاني يخلص تمتحن عليه برضه تقريبا في الفتره دي الاستاذ بتاعي خلانا نمتحن ع الديناميكا وبعدها الجبر وبعدها التفاضل وفي نفس الوقت بنحل امتحانات ع الاستاتيكا سواء سنين قبل كده او امتحانات هو عاملها لينا الرياضه انا اللي خلاني انقص فيها 3 درجات ونص اني جيت في الفتره الاخيره من اول 3 يمكن وانا بطلت احل امتحانات خاالص

الفيزيا برضه انت دلوقتي في الفصل التالت او الرابع امتحن على اول اتنين
الكيميا لو بدأت بالعضويه يبقى امتحن عليها لو بادئ كيميا غيرعضويه برضه امتحن عليها

وهكذا في باقي المواد
امتحن ع اللي فات عشان تربط الماده ببعضها وان شاء الله على 3 كده تبدأ المراجعه اللي بجد
دي تعتبر مراجعه جزئيه كده عشان تتشجع وتحس ان المنهج في ايدك مش ناسيه

وانا رايي بجد حاولو تاخدو اسبوع اجازه عشان متفصلوش انا الاساتذه ادوني اسبوع اجازه اخدو بجد لاني لو كنت ذاكرت فيه كنت هفصل الا لو انت حاسس انك مضيع وقت بما فيه الكفايه من اول السنه فمينفعش تضيع وقت زياده عن كده وابدأو بجد وربنا معااكو هاانت حطو هدفكو قدامكو علطول عشان تفكرو نفسكو انتو بتتعبو دلوقتي ليه

طيب تمام انا شرحتلكو في الكومنت اللي قبل ده ازاي تستغلو الفتره دي

ركزو في اللي بتاخدوه وامتحنو ع اللي فات عند الاساتذه

ثانيا بقى بالنسبه للنو فانت كانك بتحكي عني في الفتره دي انا كنت متبهدله في النوم

طيب النوم ده ايه سببه النوم ده هو الحل بالنسبه لمخك انك متذاكريش وفي نفس اوقت ضميرك مرتاح بمعنى انه الهروب المثالي لمخك من كل المذاكره اللي عليكي وفينفس الوقت انتي مش حاسه انك بتضيعي وقت
او ممكن برضه عشان منظلمش المخ ان يكون برد الشتا هو السبب

طيب اولا لازم تظبطي معاد للنوم ومعاد للصحيان يعني تظبطي الساعه البيولوجيه بتاعه جسمك يعني لو انتي من النوع اللي بينام ويصحى بدري متناميش في النهار حتى لو تعبانه خليكي صابره لغايه معاد نومك ونفس النظام لو انتي من الكائنات الليليه زيي متناميش قبل معاد نومك عشان جسمك يظبط نفسه حددي لنفسك 8 ساعات مش اكتر ولا اقل

وانتي بتذاكري لو حسيتي النوم كبس عليكي قومي سيبي المذاكره ولفي حوالين نفسك شويه وابعدي عن اي حاجه فيها حفظ لانها هتزود الطينه بله ومش هتقدري متناميش ممكن تقعدي تحلي التفكير هينشط مخك ممكن تحلي انجلش مش محتاج مجهود كبير فرنساوي حاجه خفيفه كده طيب لو مفيش مفر ولازمتقعدي نحفظي عندك امتحان مثلا امسكي الكتاب وبصوت عالي ولفي حوالين نفسك وانتي بتقري صدقين هتفوقي ومش هتنسي اللي بتذاكريه متكترش من المنبهات هيجيلك مناعه وهتشربيها وتنامي صدقيني انا بشرب القهوه وبنام علطول
فكري نفسك علطول بهدفك انا كنت حاطه ورقه ولازقاها ع المكتب قدامي وكاتبه فيهمحوالي عشرين سبب انا ليه بذاكر وممن فوق كاتبه النتيجه اللي كنت عاوزاها 98% وربناا كرمني بيها الحمدلله وكنت كل اما اتعب ابص للورقه واقراها بتحفز بشكل رهيب اني اكمل جددي نيتك علطول وانتي بتذاكري شيلي كل المشتتات عن المذاكره ومنهم الموبايل والتلفزيون وخديهم كجائزه انك خلصتي مذاكره


وبرضه حاجه مهمه جدا متقليش ابدا عن 8ساعات يعني اربع ساعات دي بنفس ضرر 13 ساعه على جسمك لان جسمك محتاج راحه عشان يجدد نشاطه وتقدري تركزي لان المذاكره دي بتستهلك من طاقتك ممكن 6 ساعات لو انتي حاسه انك مش منجزه ووراكي حاجات كتير لكن بالله عليكي بلاش اقل من كده

بس كده لو اي حدمنكو عاوز مساعده في اي ماده في اي جزئيه مش فاهمها انا موجوده وانا فاضيالكو دلوقتي

ربنا يجازيكي خير يارب ريحتي قلبي والله
طب وبالنسبة لدليل التقويم لسا مفتحتوش ف اي مادة ..ومش عارفه ابدا اشتغل فيه امتي
وبالنسبه للانجلش كان فيه ناس بتقولي انها حلت فيه 4كتب و5 كتب ..هو دا فعلا بيحصل