السلام عليكم ورحمة الله وبركاته
وده الى هيحصل بالفعل ان شاء الله
وبأذن الله الاوائل قرروا الذهاب يوم الاثنين القادم25/7/2011 الساعه العاشره صباحا أمام مجلس الوزراء لعمل وقفة محترمه سلميه من أجل مقابلة رئيس الوزراء أو وزير التعليم العالى للوقوف على الميعاد المحدد للتعين بوضع اقصى توقيت للتعيين وكذلك لمعرفة مدى صحة الاخبار بتعيين الخمسه الاوائل فقط وكذلك لمعرفة اليات التعيين والحمد لله الاعداد بيتزيد يوميا والاخوه الافاضل بيفعلوا كل ما يستطيعون عليه من جمع اكبر عدد بس بجد محتاجين لاعداد اكبر من ذلك حتى نستطيع انهاء كل شئ
واحب اقول اذا كان الخبر بتاع المصرى اليوم بيجس نبض الاوائل فاحنا رايحين يوم الاتنين
واذا كان خبر متفبرك فاحنا رايحين يوم الاتنين
واذا كان الخبر صحيح فاحنا برده رايحين يوم الاتنين
وربنا معانا والناس بجد لازم تتحرك
والسلام عليكم ورحمة الله وبركاته

سلم يا الله

الأستاذه الفاضله أم هف بعد التحية
هذا ماأردت أن اوضحه لكم لأننى الأن بين قرارات حصرية وليست تنفيذيه يعنى عباره عن دائره وهذا ما احببته أن اوضحه للجميع وهذا ما تم الاستفسار بخصوصه وقلت أن الكلية بالنسبة لقسمى ان الأمر فى أيديها ويبدأ من عند رؤساء الأقسم بتحديد احتياجاتهم لكن المشكله من التلاعب من جديد والتباطؤ المقصود كما اننى سعيت لأحصل على نسخه من القرار لكن دون جدوى قياريت الا عنده القرار يرفعه وكفايه لعب باعصابنا لأنه بصراحه الموضوع اصبح له أكثر من وجه لن القرار التعيينات يكون وااضح وصريح فى مضمونه لذا يجب علينا التوحد والوقوف يد وحده حتى نحصل على ما نريد وياريت اختى الفاضله أم رهف لكى منا كل الشكر وللآستاذ رامى والجميع لكن والله الى الآن الجامعه نفسها فى حيره وكله مجرد تعليمات قياريت كلمة انه تم التوقيع بالفعل على القرار فهذا ليس صحيحا بل تم اصدار تعليمات تحت الدراسة وحسب الاحتياج وعلى التنظيم والادارة التنفيذ لذا اتمنى من الله أن تقف الجامعه من شيخ ورئيس وعمداء ورؤساء اقسام وشئون خرجين معنا ولا يخذلون لآن الفرصه لا تآتى الا مره واحده

السلام عليكم
الف مبروك لاوائل الازهر وربنا يوفقكم

السلام عليكم
يا دكتور عبد الرحمن
مفيش اخبار عن تعيين اوائل الاقسام في الجامعات العامه

اخي الفاضل جزيت خيرا
الذي قلته انت هو مااردت توضيحه
جايز اختلف المسمى لكن هو ده بالضبط مقصدي
يارب يعيننا على المرحلة القادمة لانها محتاجة نكثف الدعاء لانه هو السلاح اللى بايدينا
ربنا يهديهم في الجامعة والتنظيم والادارة ويفتحو احضانهم لهؤلاء المتميزين والمتفوقين لكي ترقى الجامعة على ايديهم
الله المستعان
وكل عام وانتم بخير
اللهم لا تجعل الدنيا اكبر همنا ولا مبلغ علمنا ولا الى النار مصيرنا واجعل الجنة هي دارنا
اللهم لاتجعل الدنيا في قلوبنا واجعلها في ايدينا

السلام عليكم يا أختي العزيزة أم رهف الاحوال مضطربة كده ليه ربنا يستر

معلش يا جماعة مفيش حاجة في تعيينات الأوائل اسمها العشرة معيدين والباقي إداريين أو الخمسة معيدين والباقي إداريين مسألة التوزيع لسه لم يصلوا لحل فيها يا أخت tota .. وكل دي اجتهادات والناس بتلف حواليها من عمايل الحكومة .. ولو عاوزة الجد ومن التطورات اللي شايفها قدامي ومن احتكاكي المباشر مع الوزير السابق عمرو سلامة ومع الدكتور ماجد الشربيني باقول ان الحكومة بتحاول تراضي الجامعات ويكون التعيين فيها مش تكليف لأ بإعلان .. أما لو اضطروا لذلك هيكون تعيين الجامعة في الأولى لطلاب المنح والحاصلين على الماجستير والدكتوراة ..

طيب انت ياعبد الرحمن مع الاعتصام والا لأ ؟!!!!! طبعا ياجماعة أنا مع كل شئ ممكن يخلي الناس توصل لحقها وتعرف راسها من رجليها .. بس أنا كان ليا رأي في الموضوع ده يا جماعة أنا كنت على جروبات الأوائل امبارح على الفيس وكنت باقول احنا لازم أولا نستنى إن الحكومة الجديدة تحلف اليمين ويطلع المؤتمر الصحفي الأول الخاص بوزيري المالية والتعليم العالي ولما مايجيبوش سيرة الموضوع يقوم وفد محترم مكون من 4 إلى 5 أشخاص وياخذ موعد من الدكتور عصام شرف وآخر من وزير التعليم العالي ونقابلوا بكل احترام ونقولوا احنا مفوضين عن اكثر من 43 ألف خريج من أوائل الخريجين وبنتكلم بتحضر وعاوزين نعرفراسنا من رجلينا ولو ماديتوناش عقاد نافع هنعمل اعتصام من بكره .. واحنا لينا حق واضح بقرار مجلس الوزراء .. وأعتقد إن ده حل منطقي وسليم ومفهوش مشاكل .. ساعتها بقى لما نعتصم هتلاقي كل الناس واقفة معانا والعدد هيكون كبير لأننا عملنا اللي علينا لآخر لحظة .. وباكرر طبعا إن ده مجرد رأي شخصي لا غير واللي عاوز وناوي يعمل حاجة يعملها ..

بصراحة أنا كنت شايف الناس على الفيس مؤيده كده امبارح بس مش عارف ايه اللي قلب الدنيا تاني .. عموما ربنا يوفق الناس في أي خطوة ياخدوها بس أصل انا مهري اعتصامات وبقيت خبير حكومة من ساعة الثورة .. وعارف تقريبا وقاري اللي هيحصل بس مش هاتكلم انا بس هادعي لهم وربنا يوفقهم ..

انا كنت اتمنى أكون معاكم يوم الاثنين بإذن الله تعالى ولكن تمنعني ظروف لان محمد ابني تعبان جدا ومش حعرف اسيبه ولكن أدعو لكم ان يوفقكم الله ولو انني ممكن اشارك معاكم باقتراح ممكن حضرتك توصليه لاخونا هناك بس مش عارفة حيلقى القبول ولا لأ وهو ان من ينال شرف هذه الوظيفة وهي التدريس في الجامعة فمن البديهي ان يكون طبعا متفوق وليس معيار التفون بالسنة النهائية فقط وانما طوال مدة الدراسة سواء اربع سنوات او خمسة ومعنى كلامي ان لازم ميقلش تقديره عن جيد جدا طوال هذه السنوات يعني لازم في الاخر يكون معاه مرتبة شرف فلو الاسماء الي وصلت عند التنظيم والادارة استثنوا منها من لم يحصل على مرتبة شرف طبعا الاعداد حتقل كتير وفي نفس الوقت حيكون المتفوق طوال الاربع سنوات هو الي يتعين ..................طبعا ده اقتراح وانا مستنية رأيك فيه

أولا : ألف سلامه علي محمد..شفاه الله وعافاه.
أنا معااااكي مني في كدا؟؟؟ بس خللي بالك 6000 دا قليل علينا أصلا فإحنا لو تنازلنا عن جزء من حقنا مش عارفين ممكن يحصل إيه بس ان شاء الله خير
ونا توقعاتي وبقول كمان مره توقعاتي إنهم لو لجؤ لحل الأزمه دي ؟ 1-يكتفو بالأول فقط أو 2-هيشيلو اللي مش معاهم مرتبة الشرف... أو 3- حسب إحتياج الكليات والأقسام

التعيين قرب ياجماعه والأليه مش عارفينها إزاي كان المفروض دفعة 2010 اتكلفت في شهر 6 يعني التعيين ان شاء الله قرب ومش هيعدي نصف 8 إلا وقرار التمكين صااااادر... بس المشكله هيا في الأليه في التعيين ..إزااااااااااااي

يااارب سلم سلم

وخللي بالك حكومتنا دي مش ساهله بمعني ؟؟؟ انهم فعلا ممكن يشيلو اللي مش معاهم مرتبة الشرف
ويبقو كدا ضربو عصفورين بحجر ..بحجة عدم المقدره علي توفير الدرجاااات..

يااااااااااااارب وفقنا جميعا