|
اغيثــــــــــــــونى حياتى أليه للسقوط !!!!!!!!
السلام عليكم
انا طالبه بالصف الثالث الثانوى الازهرى عندى مشكله كبيره اووووووووووى انا تعبانه اوى يا جماعه فاضل 3 اشهر ع الامتحانات وانا مش بذاكر بقالى شهرين بذاكر يوم وعشره لاه مع ان حياتى كلها متوقفه ع شهادتى السنه دى بس انا من كتر الاضغوط اللى حوليا كل طوموحاتى اتكسرت خلاص مبقتش عاوزه جامعه وكرهت الدراسه وبقيت اذاكر بالغصب انا حاسه انو خلاص حياتى راحت واتدمرت انا يأسه جدا حتى الدروس مبقتش منتظمه فيها والرياضه والانجليزى والفيزيا نسيتهم مش عارفه اعمل ايه انا بجد تعبانه اوى ساعدونى ارجوكم اتصرف ازاى انا من النوع الحساس اوى اى كلمه بتقطعنى مش لاقيه اى تشجيع بالعكس دول بيهدونى اكتر واكتر انا تعبت خلاص ونفسى اموت انا خلاص مبقاش عندى اى طموحات!!!!!!!!!!!!! :( |
6 مشاهدات محدش حتى دعالى شكرا اوى
|
بسم الله الرحمن الرحيم
أنا دخلت على هذا الموضوع فوجدتك يائسة جدا لا أدرى لماذا؟ أنا أرى أن ما عندك هو مجرد قلق كان يحدث لنا واحنا طلبة أنت تتوهمين اطرحى هذا التوهم جانبا وابدأى المذاكرة الجيدة ولا تستسلمى لوساوس الشيطان الرجيم استعينى بالله فالتوفيق والخير كله بيديه والشر ليس إليه سبحانه وتعالى لا تلتفتى لمن يحبطوك أو يعنفوك فلربما يرون أن ذلك فيه المصلحة لكى وفقكى الله وهداكى ورعاكى أسأل الله لكى المجموع العالى ودوام التوفيق والنجاح والفوز فى الدنيا والآخرة قال الله تعالى(فإن مع العسر يسرا إن مع العسر يسرا) فلن يغلب عسر يسرين قال الشاعر عسى الكرب الذى أمسيت فيه*** يكون وراءه فرج قريب وقال آخر: عسى فرج يأتى به الله إنه **** له كل يوم فى خليقته أمر إذا لاح عسر فارج يسرا فإنه ***قضى الله أن العسر يتبعه اليسر |
على فكره انا زيك بالظبط بس ده شئ عادى
القلق من الامتحان بيعمل اكتر من كده بس انتى قدامك فرصه وانا كمان قدامى فرصه زيك ابدأى مع الاستاذ يعنى تحاولى تتابعى الدررس الجديد وتذاكرى معاه درس من القديم هتلمى ان شاء الله اهم حاجه ابدأى كل يوم 10احاديث مثلا ومعاهم فصل احياء او فيزياء او كيمياء وابداى بالعكس يعنى من الاخر للاول واهم شئ تعملى لنفسك جدول مراجعه مع المدرسين وهنا فيه ملخصات مفيده جدا ممكن تنزليها وتطبعيها وتستفادى اهم شئ تجيبى كتب المرشد علشان مبسطه جدا وكمان تحلى كتاب الامتحان فى اللفيزياء والكيمياء وكتاب الاول 2500سؤال احياء تحليه لحد ما تخلصيه وربنا معاكى ومعايا ومع كل اللى فى الثانويه الازهريه وخلى بالك حطى تحت الكلاب اللى هقوله مليون خط السنادى فرصه لا تعوض مفييش ثانويه عامه وكمان فيه مرض انفلونزا الخنازير اقسم بالله الى مش هيلحق نفسه السنادى هيضيع لان السنه دى سنه ذهبيه لن تعوض |
اقتباس:
ربنا يستر شكرا لحضرتك |
والله ربنا يستر انتم طمنتونى جدااا:mad:
بس انا عارفة موضوع التعب ده بس ساعات بيكون مجرد وهم لو سيطر على اى شخص ممكن يقتله الوهم اشد من المرض والله حتى لو الواحد تعبان بيوهم نفسه انه تمام علشان اى وقت ممكن يضيع منك مش هتلاقيه انا بحاول انظم وقتى كل يوم بطريقة بس فعلا حاسة ان حياتى متلخبطة :giljotiiniug3:وبنسى كل شىء ربنا يستر هانت كلها 3 شهور ونخلص ان شاء الله:av4056bb7jp3: |
ربنا معاكى يا يويو ويوفقك ولا تلتفتى الى اى شخص يحبطك او حتى يشجعك انسى كل حاجة وخليكى فقط مع ربك وثقى ان الله لايضيعك ابدااا واخلصى النية لله
|
باسم الله ماشاء الله
جزاكم الله كل خير. |
شكرا على مروركم جميعا .
هذا الجدول قد وفقنى الله تعالى لوضعه وأتمنى من الله سبحانه وتعالى أن يجعله سببا فى تفوق زملائى فى الثانويه الأزهريه. |
بصراحه أنا عاوز أضيف اقتراح وهو ان كل واحد وفقه الله سبحانه وتعالى فى اتمام الأسبوع الأول من الجدول يدخل ويخبر زملائه بذالك لعل ذالك يكون باعثا على الاستمرار والمداومه عليه باذن الله تعالى الى يوم الامتحان.
|
اقتباس:
|
جزالط الله خيرا وربنا يوفقنا ياااااااااااا رب
|
السلام عليكم ورحمة الله
عاوزة اقلك حاجة يايويو انا زيك بالظبط ويمكن اكتر منك بس لازم تزاكرى لان والله الواحد لما بيذاكر ويحس انه مخلص حاجة حماسه بيزيد وتركيزه كمان ودا بيساعد كتير وكمان بايدك انك ما تخلى حد يجرحك وهم طبعا فى البيت بيعملوا كدا علشان مصلحتك وخيفين عليكى فحاولى تزاكرى علشان تفرحيهم والكلام دا مش بقولو ليكى لوحدك بقولوا للكل واولكم انا وربنا يكرمك ويكرمنا معاكى وشدو حيلكم |
ايه رايكم لو نشترك فى جروب على الفيس بوك ونعمل مراجعات مع بعض؟؟؟ عموما لوحد عجبته الفكرة ده جروب ل3ث ازهر
http://www.facebook.com/profile.php?...d=338861759270 |
رد
:blush:ربنا معاكي وحولي تذاكري تااااااااااااااااااااني:blush::blush::blush::blush :
|
ياجماعة انا مشكلتى كبيرة انا السنوات اللى فاتت كنت بحفظ كويس بس مش عارفه ليه السنادى مالى كده وفى البيت حاطين عليا امل كبير انا قلقانة جدا وخلصت كل المواد بس حاسة انى نسياهم اعمل ايه وكمان القلق و التوتر بيضيع المعلومات وبخاف من الامتحانات جداااا وحالتى النفسية وحشة بسبب قرب الامتحانات
|
ايه ياجماعة محدش رد عليا دا انا اول مرة اكتب توقيع معاكوا هنا افيدونى من فضلكم
|
اه المرشد حلو في المواد العربيه بس وحل الامتحانات
|
يا سارة اراى انك ما تحطى فى بالك الامتحان خالص
انا عن نفسى مش بحط الامتحان فى بالى اخر حاجة افكرفيها لان دا بيزيد من التوتر ومتذكريش علشان الامتحان وبس وكمان راجعى باستمرار ماتخافيش ان الله لا يضيع اجر من احسن عملا |
شكرا على هذا التعليق وربنا يوفقنا جميعا وكل واحد يحقق امله ويعدى السنادى على خير
|
جزاك الله خيرا ورزقك كل ما تحبه وترضاه وربنا يوفقنا جميعا
|
على فكرة انا مش عارفة اشوف الجدول مش بيتحمل عندى خالص
|
السلام عليكم ورحمه الله وبركاته
انا مشكلتى بقى انى مش مخلص المواد وحاسس ان السنه ضاعت اعرف ناس كتير مخلصه وناس لسه مش مخلصين بس المشكله بقى انى كل ما يقرب الامتحان والاقى نفسى مخلصتش بتعب اكتر على العموم ربنا يستر فى حاجات انا لسه مفتحتهاش زى الفقه _ والميراث _ التوحيد بس الفقه والتوحيد سهلين اكيد ان شاء الله هخلصهم اما موضوع الميراث دا معرفش بقى باقى المواد شغال فيهم لسه وكمان المستوى الرفيع مش عارف دا اعمل فى ايه لو حد يقدر يقلى اعمل فيه ايه اكون متشكر اوى ليه ربنــــــــــــا معانــــــــــــــا كلنا ان شاء الله |
ياااااااااه الحمد لله انا كنت فاكراهم 30 حديث بس اول مرة اعرف انهم 31
على العمو مجزاكم الله خيرا |
يا محمد المستوى الرفيع ليه ملخص
والمرشد بردو فى المستوى الرفيع وما تحولش تفكر كتير وذاكر كويس ما تفكرش الا فى المذاكرة وبس مش فى المخلصين علشان تخلص زيهم والميراث والله جميل بس حاول انك تحبه شويه وحب ما تعمل حتى تعمل ما تحب وفى اخر السنة المدرس فى الفصل بيقول على اسم الملخص والوحد المقررة فيه لان فى الدرس محدش حيسال فيك |
بص يا اخ محمد انا ما كنتش فاهمة حاجة فى الميراث بس الحمد لله دلوقتى ماشية كويس احفظ الكام اية اللى بيتكلموا عن الميراث فى سورة النساء وهيبقى سهل انشاء الله واهم حاجة احفظ التعريفات كويس وكمان اصحاب الفروض ومشكلة الخوف من الامتحان عندى انا كمان يالا ربنا معانا كلنا
|
انا كمان ذاكرت 30 حديث مش 31 حديث الحمد لله انى عرفت المعلومة ده جزاكم الله كل خير
|
جزاكم الله خيرا انا كنت فاكرهم 30 بس
|
جزاكم الله خيرا يادكتور أحمد
|
جزاك الله خير الجزاء ونفع الله بك
|
ربنا يبارك فيك
بجد جدول رائع جدا ومش تقيل ولا حاجه |
جزاك الله خيرا
بس المشكله ان احنا لسه ما خلصناش كل المناهج ذى الفيزيا مثلا احنا لسه فى الليزر الحمدلله ربنا يوفق الجميع |
شكر وثناء واقتراح
السلام عليكم ورحمة الله وبركاته
جزى الله خيرا القائمين على هذا المنتدى الكريم وجعله الله فى مميزان حسناتهم وأخص يالشكر والثناء أستاذى الحبيبين الأستاذ أحمد بهدر والأستاذ حسن التندى ربنا يكرمهم ويبارك فيهم اللهم آمين . الإقتراح يا إخوانى : الإمتحانات على الأبواب فلو يكون فى موضوع مثبت نحط فيه جميع المراجعات النهائية فى جميع المواد الشرعية وإمتحانات السنين الماضية مع الأسئلة المتوقعه للإمتحان يعنى من الآخر المرجع الأخير للطالب بس يكون تحت إشراف أساتذه مختصين يا ريت الإقتراح يعجبكم وجزاكم الله خيرا |
جزاك الله خيرا وجعله في ميزان حسناتك |
السلام عليكم ورحمه الله
توكلى على الله ولاتيأسى
|
توكل على الله ولا تعجز
ربنا معانا كلنا |
أنا قرأت كل مشاركتكم يا جماعه وانا زيكم فى ثانويه أزهريه بس أحب انى أضيف حاجه
ياجماعه انتم واخدين الحكايه بشكل تانى يعنى كل واحد قلقان وبيقول أنا مش هعرف أخلص المواد والمواد كتيره بس يا اخوانى هذا كله من الشيطان .......يعنى احنا لو خدنا الأمور ببساطه هنذاكر ان شاء الله فمثلا بعضكم قال ان هو كان شاطر قبل كده وكان متفوق بس السنه دى مش عارف يذاكر وده كله علشان الضغوط اللى على الواحد يعنى اللى كان شاطر قبل كده هو لسه شاطر بس علشان قبل كده مكنش حاطط فى دماغه ان يجيب مجموع فعلشان كده كان بيذاكر من غير ضغوط وكان بيجيب مجموع وربنا بيوفقه فياريت لو ناخد الموضوع ببساطه ومن غير ضغوط هنذاكر ونجيب مجموع ان شاء الله وربنا يوفق الجميع. |
اقتباس:
|
السلام عليكم ورحمة الله
يا جماعة انا سالت الاستاذ فى المعهد امبارح وقلى 30 حديث مش 31 وعلى العموم الاختلاف على حديث واحد مفهاش حاجة لما ناخده معانا من باب المعرفة بالشىء وشدوا حيلكم الامتحنات بكرة |
ايه رايكم انى هذاكر 33 حديث
الاحتياط واجب بردو |
[quote=ضياء الحريف;2072337]ايه رايكم انى هذاكر 33 حديث
الاحتياط واجب بردو [/quote هههههههههه لو منك اذاكرهم 60 |
تنبيه هام جدا (سلم الرقم القومى )
تنبيه:
على طلاب الشهادة الثانوية الأزهرية ضرورة تسليم الرقم القومى الخاص بكل طالب لإدارة المعهد التابع له حتى يتمكن من الانتفاع من التنسيق الإلكترونى لجامعة الأزهر لهذا العام . صرح بذلك فضيلة الشيخ/ جعفر عبدالله على رئيس كنترول الشهادة الثانوية الأزهرية |
لو سمحتم اي حد يكتب الجدول
|
جزاكم الله خيرا
لكن الرقم القومى ده يعنى البطاقة؟؟ |
نعـــــــــــــــم
|
لكن لم يطلبوه وقد اخدته بالفعل معى ولكنهم رفضوا اخده
هما اخذوا شهاده ميلاد الكمبيوتر والذى اعرفه ان هذه الشهاده يستطيع الشخص استخراج الرقم القومى منها او بمعنى اخر الرقم القومى مكتوب فيها والله اعلى واعلم شكرا لك استاذى جزيت خيرا ..... بوركت |
بارك الله فيك يا اخى
انا اخوك فى الاسلام قى الصف الثالث الثانوى العلمى الازهرى |
اقتباس:
وبالتوفيق والتفوق دائماااااااااااااااا |
ياريت لو جدول لادبي ضروري ولا احنا مناش نصيب اخوك محمد
بيسسسسسسسسسسسسسسسسسسسسسس يا ماااااااااااااااااااااااااااااااااااااااااااااان |
شكرا جدا على الاجدول لكن انا ادبى لو ممكن جدول لمراجعة مواد القسم الادبى وان شاء الله هستفيد من الجدول ده فى الشرعى وممكن ابدل المواتد العلمية بالمواد الثقافية
|
| جميع الأوقات بتوقيت GMT +2. الساعة الآن 09:11 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.