|
السلام عليكم يا جماعة الخير.. فينكم طولتوا الغيبة وحشتونا قوي.. عالعموم حبيت اقولكم رجأء اتعودنا عليكم لا تحرمونا منكم.. فينك ياندى ربنا معاكي اكيد مشغوله خلاص الحكاية فاضل عليها ايام بس ما تبقيش تنسينا.. ويا خوفي لا يبقى زي المثل القائل من لقى احبابه افتكر اخواته برضه.. خلال الايام القادمه هيكون مرت سنه على انضمامي لاحلى اخوات واخوة.. مرت بسرعه لان الاوقات الحلوة دايما بتمر بسرعه.. كل سنه وانتم بخير وبصحة وسعادة |
صياح الفل والياسمين علي جميع أخواتي بالمنتدي
وخصوصا مشتاقة وأنج ومحمود وأنتم وحشتوني جدا يا مشتاقة وانج وهاب يعني كده بعدتم عننا بقالكم فترة طويلة لم تدخلوا المنتدي عايزة أطمئن عليكم وعلي أحوالكم أحبائي أزيك يامحمود عامل أيه أيوة قربت أنزل مصر وفرحانة جدا جدا عشان هشوف أبويا حبيب قلبي وروحي مش عارفة يمكن عشان أمي متوفيه كل حبي وأشواقي لأهلي متجمعين عند أبويا وطبعا مش ناسيه أختي وأخويا بس أبويا ليه وضع خاص عندي وأنا أنانية لأن زوجي هينزل يقضي معانا العيد وهيخدني من أبويا فأنا شوية زعلانة عايزة الاجازة كلها مع أبويا بس بيسبني وبيروح المزرعة بتاعتة ولو ينفع كنت رحت المزرعة كل يوم معاه علي العموم أنا بعد الايام بشدة عشان أنزل ومعاك حق بقالنا حوالي سنة بالمنتدي فاكر يامحمود زي الايام الجاية كانت مشتاقة بدأت تنزل أسئلة وأجوبة عشان الكادر ( بس أنا لغاية دالوقتي مش عارفة أيه الاضافة الجبارة علمياً اللي أضافها لينا ) علي العموم أشكرت جدا يا محمود علي تواصلك الدائم بس مش عارفة أيه المواعيد اللي بتكتب فيها دي يعني أنت بترجع من شغالك في هذا الموعد ولا أنت أساسا بتكون صاحي عشان صلاة الفجر علي العموم ربنا يعينك فأنا عارفة الدوامات هنا بالكويت شكلها أيه ومرة ثانية وثالثة شد حيلك وأخطب فالايام هنا بتاخدك وبتنسي نفسك ولا الحاجة مش عايزة تفرح بيك ولك مني كل التحية |
شكراً ما قصرتم بارك الله فيك
|
السلام عليكم ورحمة الله وبركاته اخواننا فى الله ....... وعلى وجه الخصوص محمود وندى ومشتاقة
كل عام وانتم بخير اعذرونى على عدم الرد لانى فعلا عندى اشياء كثيرة ومشغولة ...... انا باكتبلكم وانا فى طريقى للسفر لزيارة اهلى ربنا يسلم طريقنا جميعا |
السلام عليكم ورحمة الله وبركاته
هلا وغلا بالغالية أنج وهاب وحشتينا يا ست الكل وربنا يعينك علي مشاغلك بس المهم أطمنا عليك والحمد لله وسلامنا إلي الأهل الغاليين ورجاء خليهم يدعو لنا جميعاً فهم أغلي الناس ودعوتهم إن شاء الله مستجابة أهديكي هذه الكلمات الحلوة فأنا قرأتها وتأثرت ببعضها عسي يكون فيها الفائدة لنا جميعاً فنحن في هذه الأيام في تخبط شديد مما يحدث في مصرنا الغالية تعلمت أنه في المدرسة أو الجامعة نتعلم الدروس ثم نواجه الإمتحانات ، أما في الحياة فإننا نواجه الإمتحانات وبعدها نتعلم الدروس . تعلمت أن محادثة بسيطة أو حواراً قصيراً مع إنسان حكيم يساوي شهر دراسة . تعلمت أنه لا يهم أين أنت الآن ، ولكن المهم هو إلى أين تتجه في هذه اللحظة . تعلمت أنه خير للإنسان أن يكون كالسلحفاة في الطريق الصحيح من أن يكون غزالاً في الطريق الخطأ . تعلمت أنه في كثير من الأحيان خسارة معركة تعلمك كيف تربح الحرب . تعلمت أن الحياة تشبه كثيراً مباراة للملاكمة ، لا يهم إذا خسرت 14 جولة ، كل ما عليك هو أن تسقط منافسك بالضربة القاضية خلال ثوان ، وبذلك تكون الفائز الأوحد . تعلمت أن العمل الجيد أفضل بكثير من الكلام الجيد . تعلمت أنه يوجد كثيرون يحصلون على النصيحة ، القلة فقط يستفيدون منها . تعلمت أنه عندما توظف أناساً أذكى منك ، وتصل إلى أهدافك ، بذلك تثبت أنك أذكى منهم . تعلمت أن المتسلق الجيد يركز على هدفه ولا ينظر إلى الأسفل ، حيث المخاطر التي تشتت الذهن . تعلمت أنه هناك أناس يسبحون في إتجاه السفينة وهناك أناس يضيعون وقتهم في إنتظارها . تعلمت أنه لا ينتهي المرء عندما يخسر ، إنما عندما ينسحب . تعلمت أن الإبتسامة لا تكلف شيئاً ، ولكنها تعني الكثير . تعلمت أنه إذا أمضيت وقتاً ممتعاً وأنت تلعب أي رياضة ، فأنت الفائز حتى لو خسرت النتيجة . تعلمت أنه يجب على الإنسان أن يحلم بالنجوم ، ولكن في نفس الوقت يجب ألا ينسى رجليه على الأرض . تعلمت أنه عندما تضحك يضحك لك العالم ، وعندما تبكي تبكي وحدك تعلمت أنه من لا يعمل لا يخطيء . تعلمت أن الشجرة المثمرة هي التي يهاجمها الناس . تعلمت أن السعادة لا تتحقق في غياب المشاكل في حياتنا ، ولكنها تتحقق في التغلب على هذه المشاكل . تعلمت أن الأمس هو شيك تم سحبه ، والغد هو شيك مؤجل ، أما الحاضر فهو السيولة الوحيدة المتوفرة ، لذا فإنه يجب علينا أن نصرفه بحكمة . تعلمت أنه أولاً وأخيراً أن أحمد الله على كل حال وأصلي على الحبيب المصطفى صلى الله عليه وسلم |
السلام عليكم.. هبدا بما انتهت به ندى.. الحمد لله على كل حال واللهم صل وسلم وبارك على سيدنا محمد - صلى الله عليه وسلم.. بقول لانج حمد لله على السلامه نورتي من تاني.. ورينا يعينك.. الحمد لله انك بخير وفي انتظار المزيد ان شأء الله.. المشتاقه : فينك.. يارب تكوني بخير احمد : وحشتنا يا ابو احميد.. يا ترى احنا كمان وحشناك ؟.. بس طمنا عليك.. يارب تكون بخير.. ندى : يارب يجعل لينا نصيب ونعمل بالهدية.. لان التاثر بس مش كفاية ويارب يجريكي خير عن كل اللي يعمل بيها.. برجع من الدوام متاخر اليومين دول علشأن ضغط الشغل قبل شهر رمضان .. علشان كده بكتب بعد ما اصلي الفجر.. بالنسبة لموضوع الخطوبة انا والله بدور بمساعدة الاهل طبعا.. وان شأء عن قريب تسمعي اخبار كويسة ووعد مني هعرفك على طول والف شكر لاهتمامك.. بقول لكل اخواتنا وحبايبنا مش هناخد من وقتك كتير.. كفاية علينا نشوف اسمك منور.. لان مفيش حد هيطمنا عليك غيرك.. كلمه منك هترضينا.. اهم حاجة تبقى موجود معانا ونفرح بوجودك ونطمن عليك « وما تقصرش » .. |
السلام عليكم.. :)كل سنه وانتم طيبين.. ورمضان كريم |
وعليكم السلام ورحمة الله وبركاته يا محمود دائماً تسبقنا يا محمود بالتهنئة أحبائي جميعاً وأصدقائي الأعزاء مع إطلالة الشهر الكريم أنتهز هذه الفرصة لأبارك لكم قدوم شهر رمضان المبارك. اسأل الله أن يبلغنا أياه وأن يعيده علينا وعليكم وعلى المسلمين عامةً بالخير واليُمن والبركات وأن يجعله شهر نصرٍ وعزة وتمكين للمسلمين. كما اسأله أن يجعلنا ممن يصومه ويقومه إيماناً وإحتساباً وأن يجعلنا ووالدينا وأهلينا وجميع المسلمين من عتقائه في هذا الشهر الفضيل. جعله الله شهر رحمه ومغفره وعتق من النار أسأل الله العلي القدير أن يتقبل منا ومنكم الصيام والقيام وسائر الاعمال، وكل عام وانتم بالف خير |
السلام عليكم ورحمة الله وبركاته ندى محمود مشتاقة
كل رمضان والامة الاسلامية بخير وبركات ندى.. اشكرك على سؤالك الدائم ربنا يبارك فيك الاخ محمود ربنا يديك الصحة ولك جزيل الشكر على سؤالك ومشتاقة ربنا يرجعك الى مصر بسلام :av4056bb7jp3::av4056bb7jp3::022yb4::022yb4::028ja 7::028ja7: |
الاخوة الاعزاء الحاضرين والغايبين كل سنه وانتم طيبين.. اخباركم في الصيام عاملين ايه.. مشكورة يا انج على سؤالك.. ويارب ما يحرمنا ابدا من دعواتك المخلصة.. ندى : يارب يجعل لينا نصيب من دعواتك الجميلة.. وبشكرك على السؤال والحضور.. ويارب منورة الصفحة دايما.. احمد والمشتاقه يارب يكون المانع خير وبإذن الله نطمن عليكم عن قريب.. اللهم اجعل لنا في رمضان فرصه لميلاد جديد نمحو به كل ما مضى من تقصير.. اللهم قر اعيننا فيه بعودة غائبنا وغائبتنا.. اللهم استجب
|
السلام عليكم اعزائي انج محمود مشتاقة
كل رمضان وانتم بخير جميعاً دعواتكم لي جميعاً فأنا مسافرة بكرة إن شاء الله واعذروني مقدماً في أي تقصير من الدخول بصفحتنا ومش عارفة اريد تقديم العزاء اولا لنفسي ولمحبي اللواء عمر سليمان فأنا فعلاً متأثرة لوفاة هذا الرجل المحترم وكنت أتمني أن يفتح كل الملفات التي لديه لنتعرف علي جزء مهم جداً في تاريخ مصر ومرة ثانية ربنا يرحمه ويغفر له ويكون في أعلي مرتبه إن شاء الله وسلامي للجميع وكل رمضان وأنتم جميعاً أحبائي بألف خير |
تسافري وترجعي بالسلامه ياندى ويارب يكتبلك في كل خطوة السلامه.. يارب اجعلها اجازة سعيدة.. طمنينا عليكي دايما.. دايما بتهدينا فرحة كل ما تطلي علينا.. يارب يفرح قلبك وينولك كل اللي تتمنيه.. :078111rg3: |
السلام عليكم ورحمة الله وبركاته
توصلى ياندى بالسلامة وضرورى تطمنينا عليك وعلى اهلك ان شاء الله تكونوا بخير والله يرحم اللواء عمر سليمان ويسكنه فسيح جناته عامل ايه فى الصيام يااستاذ محمود ربنا يقدرك على صيامه ويكتب لك حسن الجزاء مشتاقة حاولى تكتبى لنا |
وعليكم السلام يا انج.. الحمد لله انك بخير انا ولله الحمد بخير وفي زحمة الشغل والدوام الطويل بيبقى صعب تنظم الامور شوية مع الصيام بس الحمد لله ماشي الحال والف شكر على السؤال.. بقول لندى منتظرينك تطمنينا عليكي وتحكيلنا عن احوال البلد بعد العودة واخبار الاهل ويا ترى رحتي المنزلة والا لسه.. عقبالي يارب |
السلام عليكم اخباركم ايه.. ندى: عامله ايه فينك عارف ان العزايم وزيارات الربع والاخوان واخده كل وقتك.. يارب تكوني بخير.. بس حبيت افكرك ان الشهر الكريم اصبحت ايامه معدوده..عاوزين نشوف مشأركاتك عن قريب.. انج: مستنينك.. بوجودكوا رمضان احلى.. |
حد يعرف امتحان الكادر للمدرسين الاساسيين هيكون امتى
|
احبائي واصدقائي الاعزاء
اهديكم اطيب تحياتي من مصرنا الغالية انا بخير والحمد لله واشكركم علي اهتمامكم انج وهاب - محمود والأهل بخير والحمد لله هنا رمضان له طعم ثاني غير اي مكان اخر فمع العائلة والتجمع في وجبتي الافطار والسحور سحر خاص وربنا يديمها علينا وعلي المسلمين في كل مكان بالنعمة الايام بتمر بسرعة وخايفة ارجع وأكون لسه ما شبعتش من ابويا الغالي ومن اخوتي بس طبعاً مش قادرة اوصف لكم طعم الاجازة بمصر واللي مزعلني شوية إن أولادي زهقوا من مصر بسبب انقطاع الكهرباء المتواصل لدرجة أني كنت بالمستشفي والكهرباء انقطعت فعلا موضوع صعب وخصوصا أثناء الافطار أو قبله مباشرة والسنة دي المرور حاجة صعبة جدا مفيش نظام خالص بس برده مصر أم الدنيا وهتفضل حلوة في عيونا اسبكم دالوقتي وهبقي اكمل لكم يومياتي بمصر بس مش هنسي ابعث لكم سلامي وتحياتي وربنا يطمنا دائما عليكم احبائي |
السلام عليكم ورحمة الله وبركاته تحية طيبة في ايام كلها خير يارب يعيدها بالخير على كل مسلم.. حمد لله على السلامه يا ندى.. الحمد لله انك والاهل بخير.. والف سلامه يارب ما تشوفوا شر.. مصر ام الدنيا اخبارها كل يوم بتزيدنا قلق وخوف.. عاوز احافظ على شوية تفاؤل بس مش هخبي عليكم حاسس بمرارة من اللي حصل على الحدود لاخواتنا واللي بيزود الاحساس ده ان اللي عمل كده مش معروف.. يارب اكشف الغمه واحفظ مصر.. مشكلة الكهرباء في ايام الحر دي بتبقى صعب قوي ترشيد ايه لما تنقطع الكهربا في عز الحر على اطفال نايمين او عن مستشفى.. الله يكون عونكم.. ويارب يعدي ايام الحر دي في مصر على خير.. ندى: زي ما قلتي رغم كل المشأكل دي بس وجودنا وسط اهلنا وحبايبنا بيهون علينا كتير.. في انتظار يوميات ندى في مصر اللي يارب تبقى كلها سعاده وفرحة.. |
السلام عليكم جميعاً ورحمة الله وبركاته
اعزائي كيفكم وايه اخباركم شكرا يا محمود علي ردك وطبعاً الاخبار هنا مش عاجبة احد نفسي اسمع حاجة كويسة الناس متضايقة بسبب انقطاع التيار الكهربائي اللي اصبح حاجة عادية دالوقتي و اكيد زرت قبل كدة بورسعيد يا محمود وكنت بتشوف حركة البيع والشراء شكلها أيه أنا لما نزلت علي الاسواق والمحال التجارية لقيت الوضع صعب وربنا يكون في عونهم فبعد الحركة التي كانت لا تنتهي في الشراء حركة الاسواق راكدة والناس مزاجها وحش واصبحت عصبية وعلي اقل شي تتعصب ممكن تلاقي محلات مقفولة مكنتش اتصور انها في يوم من الايام تتقفل فعلا ربنا يسترها علي مصر عامة وبورسعيد خاصة بس زي ما قلت لك من قبل انا قلقانة الوضع مش مريح وخايفة من ثورة ثانية سلامي لانج وهاب ومشتاقة وربنا يطمنا عليكم |
السلام عليكم ورحمة الله وبركاته يارب يكون كل اخواتنا واحبابنا بخير ويارب تعود عليهم ايام الشهر بالخير والبركات.. ندى : يارب تكوني انت والاهل بخير.. بورسعيد في سنة 1998 كانت هي المدينة اللي فكرت اسافر ليها في اجازة الصيف علشان اشتغل وكمان تبقى فسحة علشان البحر و الاسواق اللي كل الناس بتحكي عنها كنت قبلها اشتريت من محل عندنا في البلد عجلة وكشاف شحن مع كاسيت بالتقسيط وكانت بورسعيد هي الحل.. كنت انا وواحد صاحبي لفينا في البلد اول يوم كتير بس قعدت وقت كتير اتفرج على القناة واركب المعدية اروح وارجع لما شفت بورفؤاد انبهرت.. دخلت صليت في مسجد كبير روعة قريب من المعدية.. علشان بحب البحر قوي لقيت اليوم خلص وما عملتش حساب حتى المكان اللي هنام فيه.. وما نمتش في الليلة دي خالص.. تاني يوم الصبح.. عدينا على محلات كتير نسالها على شغل.. اكمل بقى المرة الجاية.. |
السلام عليكم ورحمة الله وبركاته يارب يكون اخواتي حبيابنا بخير.. ندى: يارب تكوني انتي والاهل بخير.. احداث كبيرة بتمر على مصر اليوم.. طبعا فرحان للتغيير وكان لازم منه لان طنطاوي ورفاقه انا شايف انهم ما عندش عندهم جديد ولابد من فتح جميع الملفات معاهم اللي ليهم واللي عليهم.. اسمحولي اكمل حكايتي مع بورسعيد بعد اللف والدوران على شغل في اليوم التالي لوصولي بورسعيد.. كان محل البان الصفا بحي الازهار قريب من شارع الامين هو المكان المنتظر.. اشتغلت فيه لمدة ثلاث شهور كان العمل فيه لفترتين مساعد في تجهيز الحلويات زي الارز باللبن والمهلبية واساسا في عمل الزبادي الفريش حتى الساعة 3 صباحا.. كان في راحة الغداء لمدة ساعتين كنت اقضيها في الذهاب مشيا مرورا بالاستاد متوجها الى البحر والعودة بالذهاب الى الى شارع الحميدي والتجاري حركة لا تتوقف.. بضاعة اشكال والوان.. كنت في كل مرة اشتري هدايا لاسرتي بس طبعا في حدود المرتب مائتان وعشرة جنيها فقط لا غير.. كان السكن في بدروم والمرتبة عبارة عن عدد لا باس به من الكرتون باقي تفاصيل السكن لا داعي لذكرها بس كنت يوميا انام مجبرا على صوت اغنية وحيده كنت القهوة المجاورة تشغلها طول الليل هي تفرق كتير لفيروز.. ذكريات كثيرة حدثت لي في هذا المكان اتذكرها بالتفصيل.. وجميع اللي اشتغلت معاهم اتذكرهم جيدا رغم انقطاع الاتصال معهم بعد ترك بورسعيد.. انا متاسف للرغي الكتير ده.. بس ندى وكلامها عن احوال بورسعيد حاليا اعاد ذكريات جميلة عشتها هناك.. ندى: يارب ترجع بورسعيد زي الاول وارجع ازورها تاني.. في انتظار مشاركات اخواتنا الغايبين.. يارب يكونوا بخير.. |
السلام عليكم اخواننا ندى ومحمود ومشتاقة والله انا بقى لى فترة ما دخلتش ولا قعدت على النت بنتى ورثتنى بالحياة اخدت الاب بتاعى وانا مش راضية ازعلها غير انى ماليش قابلية ان اكتب وانا الان فى حالة صمت من كتر ما الواحد بيفطر سياسة وبيسحر سياسة كل واحد بيعبر عن رايه بردوا الواحد بيفضفض شوية من كتر الاحداث المتلاحقة وربنا يرفع الغمة عن مصر ويرجع الامن والامان اليها ويحل مشكلة الكهربا معلش رمضان هذا العام صعب شوية وربنا يقدرنا جميعا وعن بورسعيد انا لم اذهب اليها ولكن ذهبت الى الاسماعيلية بس من فترة ليست بالقليلة بس اعجبت بها كثيرا ويارب ما تكون اتغيرت كتير عن ما شفتها لانى بحب البحر والاسماك ولاانسى ايامى الجميلة فى الاسكندرية مسقط راسى وسنوات تعليمى الى الجامعة فعندى عشق شديد للمدن الساحلية عكس زوجى الصعيدى والى لقاء وكل عام وانتم بخير |
السلام عليكم ورحمة الله وبركاته.. كل عام واخواتنا انج وندى ومشتاقه واحمد بخير.. وعيد سعيد عليكم وعلى كل اهلنا في مصر.. مر الشهر بسرعه جدا زي الحلم.. يارب يكون شاهد لينا مش علينا.. كل سنه وانتي طيبة يا انج وانا معاكي بلدنا فيها اماكن جميلة قوي زي بورسعيد واسماعيلية وسينا وكل المدن الساحلية ولو في تخطيط صح في الوزارة بتاعتنا او في البلد بصفه عامه يكون مسألة تنظيم زيارات منظمة بجد لاطفال المدارس لكل المدن دي ويعرفوا تاريخها وبطولاتها في اماكنها على الطبيعة اكيد المعلومه هيبقى ليها طعم تاني وهتسيب اثر اكبر في الطفل من صغره بدل ما نخلي حادثة في ماتش كورة تشوه صورة مدينه ومحافظة عظيمة زي بورسعيد.. انا شايف ان من حق كل طفل انه يشوف كل مكان في بلده على الطبيعة مش مجرد صور لا تثمن ولا تغني من جوع.. اخبارك ياندى: كل سنه وكل الاهل بخير ويارب عيد سعيد عليهم كلهم.. المشتاقه : اخبارك ايه.. مفتقدينك جدا.. ونفسنا نطمن عليكي في اقرب وقت يارب يكون اللي مانعك عننا خير.. مهما حصل طول ما اهلنا وحبايبنا بخير بإذن الله هنعيد.. |
السلام عليكم ورحمة الله وبركاته كل عام وانتم بخير وصحة وسعادة.. اخبارك يا ندى وحشتنا يومياتك قوي.. احمد متشكرين على المعايدة وفي انتظار مشاركاتك وحشتنا جدا.. انج : خلاص المدارس قربت عاوزين نشوف مشاركاتك قبل العودة والمشغوليات وما الى ذلك.. مشتاقة: ربنا معاكي يعينك على الغربة.. حاولي تطمنينا عليكي ولو بكلمة.. تقبلوا خالص ودي.. |
عيد سعيد اصدقائى الاعزاء محمود وندى ومشتاقة :022yb4::022yb4::022yb4::022yb4:يارب يعيده علينا وعلى الامة العربية بالخير |
وانتي بالف خير يا انج والاسرة الكريمة ويارب يعيده علينا وعلى مصر وهي بخير بامن واستقرار .. ارجو من الله ان يكون اخواتنا وزملاءنا ندى ومشتاقه واحمد بخير.. اللهم امين |
السلام عليكم ورحمة الله وبركاته ندى وانج ومشتاقه واحمد وحشووووووووووني اوي اوي اوي طولتو الغيبة يارب تكوتوا بخير طمنوننا عليكم |
اقتباس:
|
هلا وغلا بأصدقائي الاعزاء مشتاقة محمود انج
وحشتوني كتييييييييييييييير بس انا عارفة انكم بتعذروني خلاص اجازتي مع الاهل اوشكت علي الانتهاء فبإذن الله هكون بالكويت علي يوم الاربعاء الايام الحلوة مع أبويا وأخواتي قربت تخلص أنا زعلانة جدا دعواتي لكم بالصحة والسعادة طول العمر |
السلام عليكم احمد : الحمد انك بخير وطمنا عليك دايما ندى : الحمد لله انك بخير وربنا معاكي.. انا مجرب وعارف الاحساس ده لما ايام الاجازة الاقيها بتعدي بسرعة.. وبقعد اقول لنفسي يارب قويني اتحمل وانا بسيب اهلي وانا بودع الناس بيحبوني وبيخافوا علي.. يارب احفظهم يارب اجعل لي نصيب اشوفهم على خير تاني.. بشوف كل واحد منهم مخزن في عينيه دموع ومتحمل بس راسم ابتسامه على وشه علشان ما ازعلش.. اللهم انت وحدك تعلم كم احب اهلي.. اللهم احفظ ارواحا سكنتني.. اللهم احفظ اهلي واهل ندى واهل اصدقائي وكل من احببتهم فيك.. اللهم املأ ايامهم سعادة وارزقهم صحة وطمأنينة وستر من عندك يا كريم.. اللهم استجب.. |
السلام عليكم ورحمة الله وبركاته محمود وندى وأ.احمد ومشتاقة الحمد لله انكم جميعا بخير وربنا يطمنا على مشتاقة والله يا استاذ محمود بتحسسنا ان الدنيا لسة فيها خير ربنا يبارك فيك وانت ابن بار بأهلك يارب اشوف ابنى فى مثل اخلاقك ربنا يقويك ويصلح حالك ويا ندى ربنا يكمل اجازتك على خير وترجعى الى وطنك الثانى بسلام وأ. احمد شكرا على تواصلك معنا ومش عارفة هيظبطوا لنا الترقيات ازاى بعد ما كلنا قدمنا فى المرحلة الرابعة وشكرا للجميع |
مكتوبلى فى الاخطار مصطفى كامل من شارع الشيخ ريحان 22
مركز اختبارات الرخصة الدولية ممكن حد يوصف العنوان ده بالظبط |
مكتوبلى فى الاخطار مصطفى كامل من شارع الشيخ ريحان 22
مركز اختبارات الرخصة الدولية ممكن حد يوصف العنوان ده بالظبط |
اخواتى واصحابى بجد وحشتوووووووووووونى جد جد جد جد جد والله غصب عنى غيابى سفرى و اللى احنا فى والبلد خله الواحد مش قادر انا قريت كل مشاركاتكم واطمنت عليكم ويارب يسمعنا عنكم كل خير ندى وحشتينى خااااااالص والله ازيك و ازى اخبارك ؟؟؟واولادك ؟؟؟ انج ايه اخبارك واحسن الله عزاءك فى اللواء عمر سليمان معلش رد متأخر ربنا يرحمه ويجعل مثواه الجنة ايه اخبار بنتك؟؟ محمود ايه اخباركم عامل اية ؟؟ ويا ترى هنفرح بيك امتى ؟؟ اما انا مشغوله لانى لوحدى طبعا مع الاولاد وتجهيز المدارس وشويه ضغط فى الشغل جااااااامد حبه اقصد حبتين وقبل كده رمضان كنت تفطر تسحر والنهار يا دوب مشوار وتموت من التعب ربنا يتقبل منا ومنكم يا رب انا عايزة منكم طلب تدعو لى بجد مضايقة شوية ومحتاجه دعائكم ربنا ييسر لى حالى متقلقوش عليه يعنى مسئوليه الاولاد وغياب الزوج مصعب الحياه ومحدش بينفع حد ربنا ما يحوجنا لحد لو المشكله فلوس كانت تبقى سهله بس المشكله نفوس ربنا يعنا يا رب |
السلام عليكم ورحمة الله وبركاته مشتاقة ندى محمود أ.احمد مشتاقة حمدا لله على سلامتك كتبت لكم مرتين والسيرفر مشغول والكتابة كلها كانت على الفاضى عموما انا بجرب |
:av4056bb7jp3::av4056bb7jp3::av4056bb7jp3:
مشتاقة ربنا يصلح حالك وحالنا جميعا انا عيزاكى ماتتأثريش ان حد مش قادر او مش فاضى يساعدك اعتمدى على الله اولا ثم على نفسك .انا ربيت اولادى بدون مساعدة من احد هى المشكلة ال وقفت قصادى هى وجود بنتى بمفردها فى مصر ولا عم ولا خال وكانت فى المدينة الجامعية وكلنا اتحملنا سنتين بكل ثوانيهم و دقايقهم الى ان مرت الايام والشهور وبنفتكر كل هذه الايام ونقول الحمد لله على تجمعنا مرة ثانية وانت الحمد لله ولادك معاك يارب ما تتحرمى منهم وربنا يقويك واستغفرى كتيرا زى ما كنت بتقولى لنا وكل واحد من الاهل عنده مشاكله غير انه اقلم نفسه على وضعه الجديد وربنا يعينك ويساعدك اللهم امين |
ندى اتمنى انك تكونى قضيتى وقت ممتع فى مصر وعقبال الاجازة الصيفية وانت بخير وسعادة انا عارفة انك مشغولة ببداية العام الدراسى والترتيب وتجهيز الشقة كأنك لسة جاية البلد من جديد يارب يساعدك ويساعدنا ويا استاذ محمود انت فين ؟؟؟؟ سلامتك لعلك بخير طمنا عنك |
اصدقائي واحبائي في الله انج مشتاقة محمود
كيفكم جميعاً برجاء التمسوا لي العذر في عدم تواصلي معكم فأنا نفيستي شوية تعبانة ولأول مرة منذ أن جئت للكويت أكون كده فكل مرة بأخذ يومين وبتعود علي حياتي تاني لكن المرة دي حالي متغير بس بحاول ان اعتاد علي الوضع صعبان عليا والدي جدا جدا جدا وابكي كثيرا رجاء اعذروني |
السلام عليكم ارجو من الله ان يكون احبابنا واخواتنا ندى وانج ومشتأقه واحمد بخير حمد لله على السلامه يامشتاقه ويارب يفرج كربك ويزيل همك انج :انا والحمد لله بخير وشكرا على سؤالك ويارب ما يحرمنا منك ابدا.. احمد : الحمد انك بخير ويارب يجعلك من دعائك لي نصيب ندى : مفتقدينك قوي ومقدرين الظروف ويارب يطمنك دايما على اهلك وكل ما تلاقي فرصة كلميهم وتواصلي معاهم واكيد ده هيهون عليكي كتير.. انا كمان اليومين دول حزين جدا والدتي مريضة وحاسس بضيق وغم مش بفكر في اي حاجة دلوقتي الا هي اسالكم الدعاء.. |
السلام عليكم ورحمة الله وبركاته محمود وندى ومشتاقة واحمد اتمنى من الله العزيز الكريم ان تكونوا بخير ويفك كرب المهمومين ويارب اشفى مرضانا ومرضى المسلمين اللهم اشفى وعافى ام محمود وابعد عنهما الهم والحزن اللهم امين واصلح حال ندى ومشتاقة والناس اجمعين |
السلام عليكم اخى العزيز الاستاذ محمود والاخت الفاضلة انج امنى من الله ان يشفى والدتك اخى محمود وجميع امهات المسلمين واتمنى ان تكون فى افضل حال واتمنى ان يجعل للاخت انج نصيبا من دعائها وان يفرج هموم جميع المسلمين وان يصلح احوالنا جميعا
|
السلام عليكم شكرا لكل من دعا لأمي.. أختي انج وأخي احمد عاجز عن الشكر هي الان تتحسن والحمد لله وذلك بفضل دعواتكم المخلصة.. |
اعزائي انج وهاب محمود مشتاقة
السلام عليكم جميعا ورحمة الله وبركاته اختي العزيزة والقلب الكبير انج وهاب أسأل الله تعالي أن تكوني في أطيب وأحسن حال - تأثرت كثيرا حين اخبرتينا بأنك كنت في مكان وأبنتك في مكان بعيد عنك وعن أخواتها وأهلها فهو أصعب شي أن تكوني في مكان وأحبائك في مكان أخر وخصوصاً الأبنة فلو كانت موجودة مع الأقارب أهون والحمد لله أن عدت هذه الأيام بكل قلقها . عارفة أنا خلال الفترة الماضية فكرت أني أنزل نهائي بس يجي زوجي ويخوفني عن الاوضاع في مصر وأن أولادنا لسه في بداية مراحلهم الدراسية والمشوار لسه طويل فأتراجع وخصوصا أني تربيت في بيت يقدس الحياة الأسرية وأن الزوجة يجب أن تكون مع زوجها حتي ولو في جزر القمر بس صدقيني صعب جدا جدا فراق الأهل وخصوصاً أني شعرت خلال هذه الأجازة بأن والدي كبر ولم تعد الأمور كما تركتها وفقدان الوالدة يصعب الأمر فنحن هنا أنا وأختي الكبيرة وأسرتها وأخي فأبي مع أختي الصغري وأخي الأصغر ووالدي يرفض أن يأتي إلي الكويت وبصراحة أنا نفسي أشوفه تاني وأشتقت جدا جدا أن أراه بس مش عارفة أعمل أيه معلش طولت عليكي الاخ العزيز محمود انا عارفة اني مقصرة وخصوصا لأني لم أسأل عن الحاجة رغم أنك لم تقصر معانا بس أعذرني والتمس لي العذر المهم كيف حال الوالدة الأن - محمود ضعها في عينيك فهي الجنة علي الأرض ونظرة أو دعوة منها أحسن من أي حاجة ثانية في العالم كنت أتمني أن يطول العمر بوالدتي فهي الغالية والحبيبة والقلب الحنون ومهما قلت عنها الان فلن أوفيها حقها رحم الله أمواتنا وأموات المسلمين وجعل مثواهم الجنة الاخت الحبيبة مشتاقة ازيك مشتاقة عاملة أيه وحشتيني ربنا يعينك ويقويكي ونسمع كل خير عنك دائماً حبيبتي سلامي لكم جميعاً ورحمته وبركاته |
اخوانى الاعزاء انج وندى ومحمود واستاذ احمد كل عام وانتم بخير وعيد مبارك ان شاء الله معلش يا جماعه النت فصل عندى فترة والحمد لله رجع بالسلامة ندى ربنا يريح قلبك ويطمنك على والدك ووالاتصال بى كتير اكيد هيريحك ويفرحه ربنا يلم شملكم يا رب انج وحشتينى وووحشنى كلامك ايه اخبارك واخبار اولادك ؟؟ كلامك صحيح طبعا والحمد لله انا من الناس اللى بعتمد على نفسى جد جد وتقريبا من كتر اللى بعمله بقيت عامله زى الماكنه الشغاله اللى من كتر سرعتها لما تبطليها برضو تفضل شغاله بالدفع الذاتى هههههه بجد والله بس بتتحطى فى مواقف لازم تحتاجى لحد من المسئولين عنك بدل الزوج لان دى الاصول وليس عجز منى او تواكل عليهم لكن الاصول عااد يا حسنين هههه وخصوصا دى اول مرة ابقى لوحدى فى ظروف اللى كنت فيها لكن الحمد لله دعواتكم ودعوات امى ربنا يخليها ليه ربنا استجابلكم والحمد لله انا افضل الان بكثير وفعلا انا افتكرت الاستغفار ربنا يجزيكى عنى خييييييييير محمود ربنا يطمنك على ولدتك يااارب واسأل الله العظيم رب العرش العظيم ان يشفيها ويعافيها ربنا يصلح حالنا جميعا ياارب ويمتعكم بصحتكم وراحة بالكم يااااااااارب عيد مبارك |
عندما تحل الاعياد.. يتذكر الواحد منا أناساً لهم في قلبه مكانة .. ولهم في وجدانه دلالة .. فيقول : يا رب اجعل عيدهم سعيد .. وعمرهم مديد .. اعزائي مشتاقة – انج وهاب – محمود أتذكركم اخواتي في العيد فلم أنساكم فأنتم اصدقائي الذين لم أرهم ولكني أحس بمشاعرهم وأمنياتهم الطيبة لي خالص دعواتي لكم ولأسركم الكريمة بكل الخير دائماً |
1 مرفق
قبل ان يرحل العيد نتقدم اليكم بأسمى آيات التهاني والتبريك مقرونة بخالص الأماني الطيبة بمناسبة حلول عيد الأضحى المبارك ندعو الله تعالى لكم بكل الخير أحبتي .. كل عام وانتي بخير يا انج :078111rg3: كل عام وانتي بخير يا ندى :078111rg3: كل عام وانتي بخير يا مشتاقة :078111rg3: كل عام وانت بخير يا احمد :078111rg3: |
كل عيد وقلوبنا بالحب في الله أنقى كل عيد وأرواحنا بذكر الله أنقى كل عيد وصفحات أيامنا بحب الخير ترقى كل عيد وعلاقتنا بأحبائنا بماء الود تسقى كل عام وانتم بالف صحة وسعاده عيدكم مبارك ربنا يديم عليكم فضله وراحة البال يااااااااارب كل سنه وانت طيبين |
|
كل عيد وانتم طيبين |
1 مرفق
السلام عليكم.. الملف المرفق 87148لا أدري من اين ابدا و اي الكلمات اختار لتصف فرحتي بعودة مشتاقه للتالق من جديد.. جزأكي الله الخير كله لدعائك لامي.. يارب اجعل لاختي مشتاقه واسرتها من دعائها لنا نصيب واحفظها واولادها وزوجها من كل سوء وردهم الى مصر سالمين.. ندى : ولا يهمك انا مقدر الظروف وكفايه دعائك ويارب يطمنك دايما على اهلك.. الشقيقة الكبرى انج : بتوحشينا دايما يارب تكوني بخير.. ابو حميد : اخبارك ايه.. كنت دايما بتعرفنا الاخبار الجديدة بخصوص المدرسين احوالهم وكادرهم والحاجات دي.. وحشتنا قوي.. يارب تكون بخير.. مع خالص الاحترام والود والتقدير |
| جميع الأوقات بتوقيت GMT +2. الساعة الآن 12:19 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.