|
انا يمكن عشان بنام متاخر
مبصليش الظهر |
واحنا مش ملاك
فيمكن عشان في اجازة وعايزين نعمل حاجات كتير فبننسي طاعة ربنا لكن هي فترة وبتعدي |
اقتباس:
مثلا احنا كلنا هنا بنطمح نبقى أطباء ملتزمين ننفع الاسلام و ننفع الامة ونرتقي بيها ممكن تبقى دراستنا و مذاكرتنا عبادة لو فعلا دي نيتنا ممكن يكون أكلنا عبادة لو احنا نوينا به التقوي على الطاعة و قيسي على كدة حاجات كتير عن أمير المؤمنين أبي حفص عمر بن الخطاب رضي الله عنه ، قال : سمعت رسول الله صلى الله عليه وسلم يقول : ( إنما الأعمال بالنيّات ، وإنما لكل امريء مانوى ، فمن كانت هجرته إلى الله ورسوله ، فهجرته إلى الله ورسوله ، ومن كانت هجرته لدنيا يصيبها ، أو امرأة ينكحها ، فهجرته إلى ما هاجر إليه ) . رواه البخاري و مسلم في صحيحهما . |
انا حاسة مستهترين بدينا يعنى لو الواحد فاتته صلاه عادى بالنسبه ليه اما لو فاته فيلم اوحتى ماتش كورة يبقى متضايق
مش كده؟؟؟؟ بس احنا بنحاول نذكر بعض ده رمضان خلاص على الابواب |
وكمان احنا بنعتبر
الاجازة فترة عشان نستريح فيها من مذاكرة طول السنة لكن لما تبدأ الدراسة اكيد هنلتزم اكتر من كده |
اقتباس:
وانا زيك بالضبط من ساعة اما دخلت تانية ثانوى كانت نيتى انى ابقى طبيبة ملتزمة ومسلمة |
لا يا د\زيدان معلش انا مش معاك لو احنا الشباب مش حنخدم دينننا امال مين اللى حيخدمه
|
وجميل ان رمضان قرب
علشان نقرب من ربنا اكتر ونترك المعاصي |
ربنا يوفقنا لخدمة الدين و جزاك الله خير على التذكرة
بس هو فين الاقتراح |
الاقتراح ان احنا نتتعاهد من دلوقتى ان مافيش حد منا حيسيب صلاه وحنعاون بعض على الخير ونكتر الاعضاء اللى حيدخلوا المعاهدة دى وانا عندى اقتراحات كتيرة محتاجة شباب وبنات
ايه رايكم؟؟ |
اقتباس:
مستنيين باقي الاقتراحات |
انا موافق
واول حاجة هاعملها هقوم اصلي الفجر حالا في المسجد سلام |
جزاك الله كل خير د\ زيدان هو ده اللى عاوزه الاسلام من شبابه ربنا يثبتك
|
اقتباس:
جزاكى الله خيرا خلاص احنا اتعاهدنا نبقى مع بعض بس اول حاجة لازم اعملها حنقل الموضوع لقسم "رمضان كريم" عشان هومش مكانه هنا واقابلكم بعد الصلاه عنوان الموضوع حبقى "يلا عاوزين نشوف همم والبنات اقتراحات راائعة " |
على فكره انا منكن افيدكم كتير فى الدعوه دى لانى طالبه ازهريه ومش معنى كده انى بفرض نفسى عليكم لو عايزنى اكتبولى الرد وانا فى الخدمه لان دى رساله ولازم اقبلها
|
وانا معاكم ان شاء الله
|
حد يسمع عن حاجة اسمها icdl
|
ايوه اكيد
دي اختصار معناه الرخصه الدوليه لقياده الحاسب بتسالي عنها ليه |
انا عندي طلب من الدكاتره
يا ريت اللي عنده قاموس طبي يبعته او يبعت اللينك اللي منزله من عليه |
لا دى مفروض اننا ناخدها عشان الكليه
|
ياسمين مستنيينك في موضوع جينا في قسم رمضان كريم
د/ريهام icdl ممكن تاخديها في أي سنة بس لازم تكون معاكي عند التخرج د/الاء هدور ان شاء الله و لو لاقيت هجيب الرابط |
السلام عليكم اذيكو يادكاتره عاملين ايه يارب تكونوا بخير ان شااء الله :wub:
|
أنا الحمد لله معاكوا في المنصورة
بس داخل أولي طب بشري |
يا جماعه يا ريت اللي عنده القاموس الطبي يبعته
او يبعت اللينك اللي منزله من عليه |
ف هنا ف القسم الطبى ف الصفحات الاخيرة
|
فى فعلا كذا قاموس هنا فى المنتدى
دول لقيتهم فى مشاركه ... القاموس الطبى للمصطلحات الطبية انجليزى عربى.. القاموس الطبى "Free Medical Dictionary Software" قواميس المجموعة الطبية >>> من هناا القاموس الطبى الحديث وممكن لو بحثتى تلاقى اكتر |
الكشف الطبي بكره بالنسبة لاسنان المنصورة
في كلية الحقوق للطلبة والتجارة للبنات المعلومات دي صح؟ لو صح وفي اي حد هيروح ياريت يقول لنا عشان نشوفه هناك :039uw8: |
هاقول لكم قصه بس يا ريت تسمعوها للاخر وتفهمو معناها "كان فى مره ملك ماشى فى الصحراء وتايه وبعدين لقاه واحد فقير ودله على الطريه وبعدين الملك حب يكفئوه فاخده القصر بتاعه وفتح له كل الخزائن والاملاك بتاعته وقال له خد منها ما تشاء بس عندك 6 ساعات بس وانا هدخل انام واول ما اصحى مش عايز اشوفك هنا فالرجل دخل فوجد اكل مما تشتهيه النفس وتلز الاعين فجلس الرجل ياكل وقال دول 6 ساعات هاعمل فيهم ايه وبعدين قال انام كمان ساعه مش هيحصل حاجه يعنى لسه فى وقت كتير وفعلا نام الرجل وبعدين صحه على صوت الحارس يقول له الست ساعات خلصم والملك صحه وهوقال لك اوعه اشوفك لما اصحى ياله بسرعه امشى من هنا قبل ما يشوفك الملك وطلع الرجل بسرعه يجري قبل ما يشوفه الملك وما اخدش اى حاجه من الخزائن " هو ده ربنا ولله المثل العلى الملك والرجل الفقير حضرتك والكنوز دى رمضان فهل يا ترى هنضيعه فى الاكل والشرب والنوم ومشاهده التلفاز وننسى العباده ال هى الكنوز والممتلكات بتاعت الملك يا ريت تفهمو المغزى الحقيقى للقصه وما تمرش عليكم مر الكرام وشكرا
|
مجرد رأي
اقتباس:
وهذه دعوة مني لكل فرد : أن نتعاون من أجل استغلال شهر رمضان بعيد عن كل السيئات و الشبهات و ان نعيش رمضان كما اراد الله عز وجل ولكن نتعاون من أجل ذلك لان الذئب يأكل من الغنم القاصية ..... وارجو من الجميع تقديم بعض المقترحات حول استغلال شهر رمضان ورمضان كريم:078111rg3: |
كان فيه موضوع حول استغلال رمضان بتاع dr-Gina
بس محدش رد على الموضوع عشان كده اكيد هى وقفت بس فيه اقتراحات رائعة |
يلا يا جماعه حضرواا نفسكوا
الكشف الطبي بكره ودفع المصروفات بعد الكشف بس فيه استماره طلب كشف طبي بتجيبوها من الكليه وتاخدوا صوره ليكوا معاكوا |
اذيكم
عاملين ايه؟؟ |
الحمد لله رب العالمين وانت عامل ايه ياد\زيدان
|
محدش فيكم يعنوا هياخد اى قرص ف انجليزى او كمبيوتر
|
اقتباس:
معانا برضه في اسنان؟؟؟؟؟؟؟ |
لأ امال انا دكتور عظام لييييييييييه؟؟؟؟؟؟
المهم انت داخل اولى اسنان |
اقتباس:
|
و لايهمك انا فعلا قصدى اعدادى
اخبارك مع ربنا ايه |
ليههههههههههه
|
لان رمضان على الابواب ها جهزت
|
يابني انا طول عمري Ready for everything
|
ايه يا جماعه انتوا غيرتوا عنوان التوبيك ولا ايه
ممكن نتكلم عن رمضان ف القسم الخاص بيه ا حنا عاملين التوبيك علشان نستفيد من بعض دراسيا المهم ايه اخبار الكشف الطبي |
ايه رايكم في الكشف الضبي النهاردة كان شيء ممتع جدا أنا كنت خايف يكون في زحمة بس الحمد الله ماكنش فيه
لكن احنا دلوقتي بعد الكشف والمصروفات حنستلم الكارنيه امتى او حتى هنعرف محاضراتنا ؟؟ |
اولا يا دكتوره الاء الامور الدينيه مقدمه على كل شى وبعدين التذكره شى مهم وضرورى جدا ولا بد منه
|
رمضان كريم
وكل سنة وانتم طيبين و لنتحد جميعا ضد النفس الأمارة بالسوء و نترك المعاصي فرمضان فرصة لن تعوض DR Ahmed Hawass |
ما تزعليش يا دكتوره الاء مش هندايق حضرتك تانى بالمواضيع ال خارج التوبيك بس ده رساله ولازم اقوم بيها وعلى العموم شى كويس انك بتهتمى بالكليه بتعتك كده وربنا يوفقك وعلى فكره ال عايز يشوف التذكرات الدينيه انا ان شاء الله هعمل توبيك خاص بكده وهقبل اى حد عايز يشارك فى الموضوع ده لاننا لازم نقوم برسالتنا فى الحياه وخاصتنا انى طالبه ازهريه ولى الفخر
|
السلام عليكم ورحمه الله وبركااته
|
وعليكم السلام ورحمه الله وبركاته
|
ع فكره انا لقيت قاموس طبي كويس ف منتدي اسمه الطبي
وانا جيبتهولكوا اهو بس يا رب تستفيدوا منه ويعجبكوا The Arabic Medical Dictionary - Altibbi |
شكرا ليكي يالاء :romarioxp6:
|
| جميع الأوقات بتوقيت GMT +2. الساعة الآن 09:52 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.