الامتحانات ان شاء الله هاتبتدى على مستوى الجامعة عموما 13/6

لكن كلية تجارة تحديداً لسه ماتحددش الميعاد النهائى

لا مقبول يعنى ناجحة .. كل شئ طبيعى يعنى

مقبول دا بداية التقدير من النجاح ..

لكن السقوط انها تجيب ضعيف او ضعيف جدا .. لا قدر الله يعنى

بتاخد محاسبة ورياضة وادارة واقتصاد وقانون تجارى .. حاجات كويسة يعنى

المنهج عموما بيبقى متقسم كذا شابتر ..

مابين احتمالات واستنتاج رياضى ومصفوفات وبرمجة خطية ودوال وشوية تفاضل فى الآخر كدا

اذا ممكن اي شخص يساعدني

انا حاب اعرف المعيدين اللي يدو سكاشن لسنه

ثانيه مجموعه ج لكليه تجاره جامعه القاهره

لكل المواد اكون شاكر له

السلام عليكم ..

ممكن مساعده انا في اولى تجارة نظامي جامعة القاهره وعايز معيد يفهمني المنهج لجميع المواد اللي في الترم التاني ..

ممكن احد يساعدني وانا طالب عربي ..

ممكن أعرف نتيجة امتحانات الميد تيرم

لسنة أولى مميز هتطلع امتى في جامعة القاهرة

لو سمحت فامبير انا فى اولى تجارة انجلش وفيه أولاد اصحابي فى تجارة عربي بيقولوا انت تاعب نفسك على الفاضى ويقولوا العربي زى الانجليزي بس الفرق انك بتتعب فى قلبك فى دفع الفلوس وخلاص وكلها محصلة بعضها بمعنى ان انت لو خدت تجارة عربي وشوية كورسات كده احسن من تجارة انجلش . صـــحــــيــــح؟!!؟؟؟!!!

هوا ان كان على التخصصات ماحدش بيختلف على ان المحاسبة هيا احسن تخصص تقدر تاكل منه عيش

غير كدا انتا لو طلعت محاسب تقدر تدرس اي مجال تجارى معاه وهاتبقى تمام فيه برده

لكن انك تدرس محاسبة بعد التخرج وانتا اصلا خريج ادارة او تأمين او اقتصاد هايبقى شئ صعب شوية

فيه بقى تخصصات انا عارف ان بعض الناس هاتقولى ايه اللى انتا بتقول عليه دا

بس انا بقول وخلاص .. اهو على الاقل برده بعرف اللى مايعرفش

فيه تخصصات الماركتينج والاى تى بيبقوا جامدين جداااااااا

يكفى اقولك ان فيه قسم مخصوص فى الايه يو سى اسمه Integrated marketing

هوا اي نعم تابع لكلية اعلام هناك .. بس من الاخر هوا قسم جامد اخر حاجة

دا انتا بتدرس فيه كل حاجة عن التسويق ..

وبجد بجد المجال دا جميل جداااااا وواسع ودمااااغ .. بس المشكلة انه مش واخد حقه

وعشان توصل فيه لازم تتعب وتكون سكتك مفتوحة

برده فى الاى تى المجال واسع .. ومافيش شركة ماشية من غير الاى تى دا

عشان كدا بتتلاقيه مطلوب فى الشغل .. غير كدا انتا بيبقى اسمك IT engineer

غالباً بتبقى فى نص شهر 5

اه ان شاء الله هايتطبق على دفعة الثانوية العامة الجديدة اللي داخلة الجامعة بدءاً من العام الدراسى 2010/2011

أى حد فى انتساب السنة دى سواءا اولى / تانية / تالته هايفضل زى ماهوا فى الجامعة طبيعى جدا

مافيش اى حاجة هاتتغير .. واى حد من اولى هايسقط السنة دى (لاقدر الله) هايتسمر انتساب برده

عشان انا سمعت فيه ناس قالت انهم هايتحولوا للتعليم المفتوح !! .. الكلام دا غلط كليااااااااا

السؤال دا كتير من الناس بيسألوه ..

والناس مشكلتها انهم واخدين فكرة عن ان تجارة انجليزى يعنى شوية انجليزى وخلاص

اتس اوكى ماشى فى المواد النظرى زى الاقتصاد والقانون بيبقى ترجمة للمضمون اللى بالعربى

لكن بتيجى بقى فى أهم مواد واللى هيا عصب الكلية نفسها .. زى المحاسبة والرياضة هاتلاقي الوضع مختلف

تجارة انجليش بيدرسوا الكلام دا بطريقة تانية .. المحاسبة عندهم ميالة للطريقة الأمريكية المودرن نوعا ما

عشان كدا هاتلاقوا حاجات مختلفة عن عربى .. وكذلك فى الرياضة برده

هوا انا اه تجارة عربى .. بس مش عشان انا تجارة عربى يبقى هاقلل من قيمة تجارة انجليزى

لا طبعاً .. تجارة انجليزى احسن من عربى

هل انتا تقارن اللى بيدفع 5000 فى السنة + لو حسبت الملازم ممكن توصلها 500 جنيه

بواحد فى تجارة عربى كل اللى بيدفعه لا يتجاوز الـ 200 جنيه مصاريف الكلية ؟!

هل انتا هاتقارن واحد بيدرس مواد بالانجليش طوال اربع سنين ومطحون فيها بواحد بيدرس بالعربى ؟

هل انتا هاتقارن واحد قاعد فى كلاس اقصى عدد بيحضر فيه 40 طالب بواحد بيحضر فى مدرج يتعدى الـ 2000 طالب ؟!

هل انتا هاتقارن واحد يدوبك بيذاكر عشان يخش امتحان الفاينال بواحد بيذاكر من اول السنة عشان فيه ميدتيرم فى النص ؟

طبعا انا فى الحالات اللى فاتت دى بقارن بين طالب مجتهد من تجارة انجليزى بطالب مجتهد من تجارة عربى

عشان بعيد عنك فيه ناس فى تجارة انجليزى بتبقى عايشة فى الدور شوية ويحسسك انه فى الايه يو سى !!

ههههههههه للاسف ..

درجة تطور التعليم فى مصر لسه ماوصلتش للمرحلة اللى تخلي الجامعة تضيف القسمين دول لكليات التجارة

ومع ذلك .. الـ integrated marketing دا زي ماقولتلك مش هاتلاقيه غير فى الجامعة الامريكية

الـ IT دا بتدرسه على هيئة دراسة جانبية .. او تبع كورسات بره

اذا انتا بقى عايز تخصص محترم فى كلية تجارة .. فيه قسم اسمه قسم العلوم الاكتوارية

دا موجود فى جامعة القاهرة .. والتخصص فيه من سنة تانية

عشان تخشه لازم تكون جايب جيد على الاقل فى سنة اولى .. وتمر بامتحان تحديد المستوى بتاعه

الامتحان بيبقى فى الماث والانجليش ..

والقسم دا مش هاتلاقيه غير فى جامعة القاهرة والجامعة الامريكية

الكلام دة تماموز جدا :( كلنا مطاحين :(:(

:huh: اية ده هو الاقتصاد نظري !!
اومال مليان مسائل وحجات رخمة اوي كدة لية :(

السلام عليكم ..
اخي فامبير هل الملزمه بتاعت الجمعية العلمية نزلت في اتحاد الطلبة بتاع اولى انتظام جامعة القاهره ؟؟

وهل الامتحان ما بيخرجش منها ؟؟؟ وتحتوي على كام صفحه وشكرا لك .

فيه جانب نظرى وجانب عملى .. فى تجارة عربى بيبقى الجانب النظرى اكتر شوية

فى تجارة انجليزى بيبقى الجانب العملى تقريبا قد النظرى والامتحان بيتقسم نص عملى ونص نظرى

وطبعا كله على حسب الدكتور

بس بصرف النظر عن اي حاجة .. الاقتصاد دى مادة دمااااااااغ .. كنت بحبها جدا وجايب فيها امتياز http://l.yimg.com/us.yimg.com/i/mesg/emoticons7/4.gif

للاسف لسه مافيش حاجة نزلت .. اتأخرت اوى السنة دى مش عارف في ايه

ماتقدرش تقول ان الامتحان مابيخرجش منها

لكن تقدر تقول ان الاسئلة المكررة اللى بتيجى فى الامتحانات

بتبقى نسبة تكرارها فى الامتحان اللى انتا هاتمتحنوا كبيرة جدا

لان كل دكتور دماغه بتبقى ماشية فى اتجاه واحد فى الامتحانات بالذات

وبيبقاله اسئلة معينة كدا بيركز عليها كل سنة .. فانتا ابقى ركز ع الاسئلة اللى بتتكرر دى

مع مراعاة انك ماتنفضش لباقى المنهج برده ..

عشان فيه "بعض" الدكاترة بيخدعوا وبيجيبوا اسئلة غير متوقعة

ازيكم يا جماعة عاملين اية يارب تكونو كلكم بخير
انا كان عندى سؤالين ياريت لو حد عندة معلومات يرد عليا
اولا اية اخبار نتيجة ال iti اصلها اتأخرت اوى والموقع بتاعهم مفيهوش معلومات
ثانيا نتيجة الالتمسات ظهرت بس مش كاتبين حاجة عن تجارة انجليزى متجهلينها عالاخر انا ساعت بحس انهم عملو الشعبة دى ونسيوها هى نتيجة الالتمسات بتتعلق فين؟ ولا اروح اسئل فى الشئون

انقذنى فامبير انا محافظة الشرقيه وفى اولى تجارة انجليزي اسماعيليه وهامووووت كده علشان احول الزقازيق السنة الجايه وفيه ناس بيقولوا مش تعرف تحول من كلية لاخري عشان انت فى انجليزي ولو حولت هه هتشيل مواد فى سنه تانيه كفرق تحويل طب المشكله فى ايه ؟! المشكله ان انا بع ماشيل مواد فى تانيه مش هعرف اختار التخصص اللى انا عاوزه فى سنه تالته اللى هو اكاونتنج يعني الكليه هى اللى بتختار هـــــــــــــل ده صـــحـــــــيـــــــح؟ وهعرف احول اصلا ولا ايه؟ بسرعه افدنى00 السلم عليكم

اكيد لا طبعااااااااا .. انتا ليك الحرية انك تختار والكلية عمرهااااااا ماهاتختارلك القسم اللى على مزاجها

دا مين اللي قالك المعلومة دي اصلا ؟!!!

يابنى انتا لو شيلت مادة ولا مادتين برده هاتعدي السنة وهاتختار التخصص

لان التخصص انتا اصلا بتختاره من وانتا بتمتحن امتحانات السنة قبل التخصص

يعنى مثلا احنا عندنا في القاهرة سنة التخصص من سنة رابعة

فانتا مثلا عشان تخش تخصص محاسبة بيوزعوا عليك بطاقة رغبات فى امتحانات سنة تالته وتحدد فيها انتا بنفسك

والتالى انتا اللى بتختار غصب عن اي حد .. حتى لو شيلت مادتين ..

برده هاتطلع بيهم وهاتخش القسم اللي انتا اختارته وهاتمتحن فى المواد اللي انتا شيلتها مع السنة بتاعتها

لكن تخيل لو انتا بقى ماشى بالمبدأ بتاعك اللى هوا ان الكلية هيا اللي تختارلك القسم

يبقى معنى كدا انه اولى ليك وافضلك انك تتعمد تسقط

وتعيد السنة عشان تطلع صافى وتختار قسمك بنفسك !! .. بالذمة دا كلام ؟!!

حكاية التحويل دى بيبقالها قصة مع نفسها انا ممكن اقولهالك بس هاتقعد تقرا كتير

فالملخص المفيد ان زي ماقولتلك قبل كدا انك مش هاينفع تحول تجارة انجليزى .. لكن ممكن تخش تجارة عربى

وبالتالى انتا قبل ماتحول هايمضوك على تنازل من جامعة الاسماعلية اللي انتا فيها حاليا

بس قبل ماتعمل الحوار دا اضرب مشوار لجامعة الزقازيق واسأل هناك فى شئون الطلبة الاول

هل بيقبلوا التحويل من جامعة الاسماعلية ولا لأ ..

عشان مش تمضى التنازل وبعد كدا تلاقي نفسك مافيش تحويل للزقازيق ..

وبالتالى يبقى لاطولت بلح الشام ولا عنب اليمن !

بعد كدا هاتسحب ملفك من جامعة عين شمس وتمضى اخلاء طرف

وبعد كدا هاتروح لجامعة الزقازيق اللى انتا هاتحولها وتاخد اذن تحويل من مدير رعاية الشباب

وتروح للشئون وتديلهم الملف كاااااااملا وهما هايأيدوك فى الكشوفات ساعتها

(دا ان مطلعلكش واحد يعكر عليك الاجراءات !)

وساعتها هوا هايعرفك انتا هاتشيل مواد ايه

(طبعا دا عشان فروق المواد بين جامعة وجامعة مش بلطجة يعنى)

وتتصرف عادى بقى .. تدفع مصاريف وتطلع كارينهك وتماااام كدا

اي خدمة يا ريـس

اهي ظهرت يا سيدى .. ان الله مع الصابرين

فى انجليزي عندكوا هيا بين حاجتين ..

ا تسأل فى الشئون يا تستنى لغاية ماتتعلق على باب المبنى عندكوا (دا ان اتعلقت اصلا)

مرجعة تفاضل ومثلثات
 

عاوزة مراجعةتفاضل ومثلثات مرحله اولى ثانوى مننننننننننننننننننننننننننننننننننننننننننننننننن ننننننننننننننن فضلكم

اي اخبار عن المعادلة من فضلكم
 

:022yb4:لو سمحت فامباير نتيجة الجامعات بتظهر امتى ؟ مع العلم ان انا اولى تجارة انجلش جامعة الاسماعيليه

حد عنده فكره متى راح تنزل النتائج لكليه تجاره جامعه القاهره

لو سمحت يا فامباير

انا كنت عاوزة اسأل عن درجات الرأفة

وامتى ناخدها

ومعلش على التعب

ممكن تجمع لطلاب التجارة الجامعة المفتوحة جامعة القاهرة

الف شكر يا برنس عالموضوع الرائع والافادة الجميلة دى بس انا لما جيت اكتب الرغبات لاقيت ان فيه تجارة انجلش ونجارة بس يعنى مكتوب اتنين تجارة اسكندرية مرة تجارة اسكندرية ومرة تجارة انجلش اكندرية وكذلك طنطا مرتين انا استغربت لان المفروض ان كله تجارة وبعدين بتروح تسحب استمارة شعبة لغة وكدة لو عندك تفسير لده ياريت الافادة وشكراااا

انا من دمنهور هل لو مجموعى جاب تجارة انجلش اسماعيلية او حلوان او اسيوط او اى حتة ممكن يودونى ولا الموقع الجغرافى هيمنع ارجو الافادة سريعا لو حد عارف

لو سمحت vampire انا ان شالله داخل اولى تجارة انجلش انا جايب 85 و40 ونص فالانجليش بس كنت عاوز اسال هل ممكن اجيب تقدير من غير كورسات لو ذاكرت مع نفسى من المحاضرات وكدة لانى بصراحة يدوبك هوفر مصاريفها بالعافية فهتطلعلى كمان الكورسات مش هينفع ياريت تفدنى فدى وجزالك الله خيرا على معلوماتك

لو سمحت يا فاميبر كنت عاوز اسالك بردو هل هقبل تجارة انجلش ولا لا مع العلم اننا فسنة الفراغ والمجاميع ضاربها السلك ياريت ترد عليا

النظام الجديد السنادى ان شعبة اللغة تبقى رغبة مستقلة ودة طبعا مصلحة بدل ما تعمل اللفة الى كنا بنعملها وتسحب استمارة وتستنى التنسيق الداخلى كانت شغلانة ما يعلم بيها الا ربنا


بالنسبة للتوزيع الجغرافى مقدرش افيدك قوى لكن الى اعرفة انك لازم تكتب الجامعة الاقرب ليك الاول وبعدين تكتب الجامعات التانية ولو مجموعك مجبش الجامعة الى فى محافظتك من حقك تروح اى محافظة تانية


بالنسبة للدراسة فانت مش محتاج كورسات ولا حاجة الموضوع بسيط والدراسة مش صعبة زى ما انت متصور كفاية انك تركز فى المحاضرات والسكاشن وتذاكر من ورق الشرح الى بيتباع فى المكاتب الى حوالين الجامعة

85% انا شايف انة مجموع كويس بالنسبة للدفعة العجيبة دى انا سامع ان هندسة هتاخد من 89 % فا ان شاء اللة تقبل وتبقى زميلنا فى شعبة اللغة

معلش هو انا جبت فى تانيه 80% وكنت علمى علوم
فدلوقت بفكر فتجارة اسهل ينجاب مجموعها من علمى رياضه ولا ادبى هو فكل الحالات محتاجه مجهود كبير عشان اقدر احصلها بس من انهى اسهل وممكن احصلها ولا لا

ممكن تكملى علمى رياضة فى حالة انك بتفكرى فى هندسة خاصة لكن غير كدة انا شايف انك فى ادبى تقدرى ترفعى مجموعك وتدخلى كلية افضل وا فى النهاية القرار ليكى

يا جماعه النتائج متى ؟

يعني دلوقتي خلاص اللي جاله في ورقه الترشيح (تجاره انجلش ج القاهره) خلاص بيتقبل من غير تنسيق داخلي ولا الحوارات دي ولا ايه يا ريت الاجابه علشان اطمن و عايز اعرف برضوا ايه موضوع الانترفيو ده؟؟؟؟؟

السلام عليكم ابنى جاب فى المرحلة الأولى علمى 81.6فى المائة وسوف يحول أدبى لأن أملى الوحيد المتبقى أن يدخل كلية تجارة إنجليش هل ياترى ممكن يتحقق وعلى فكررة هوجاب 20.5 فى الأنجليزى وماهى الكلية الى بتأخذمجموع أقل فى الأنجليزى وشكرَ أرجو الرد بسرعة

أم حزينة من قلبها
هل التجارة فى الأدبى يتأخذ مجموع أقل من العلمى


شكرَا

السلام عليكم ابنى جاب فى المرحلة الأولى علمى 81.6فى المائة وسوف يحول أدبى لأن أملى الوحيد المتبقى أن يدخل كلية تجارة إنجليش هل ياترى ممكن يتحقق وعلى فكررة هوجاب 20.5 فى الأنجليزى وماهى الكلية الى بتأخذمجموع أقل فى الأنجليزى وشكرَ أرجو الرد بسرعة

أم حزينة من قلبها
هل التجارة فى الأدبى يتأخذ مجموع أقل من العلمى


شكرَا

هو فعلا تجاره انجلش او تجاره بتاخد بمجموع اققل من علمي و هو كمان لازم في السنتين يبقي جايب في الانجليزي فوق ال40 درجه

للحصول على النتيجه


http://result.commerce.cu.edu.eg/Login.aspx

بس لسه ماظهرت

لوسمحت انا كنت عايزة اعرف انهى كلية احسن من خيث الشهادة والدراسة
جامعة فاروس ولا جامعة بيروت؟؟؟؟؟؟؟؟؟؟

بسم الله الرحمن الرحيم
حضراتكم انا نفسى ادرس فى كلية التجارة تعليم مفتوح وابقى رجل اعمال كبير ومش عارف ادرس اى قسم بالتحديد محاسبة ولا ادارة اعمال ولا تسويق ولا تامينات طبعا اكيد استاذ فيكم هايقولى ادرس ادارة اعمال طيب ياريت اعرف ادرس اى فرع فيها واى استاذ عايز يضيف اى حاجة ياريت مش يبخل عليا واخد ايه كورسات مع الكلية عشان ابقى جدير انى اشتغل بسرعة للعلم انى تقريبا كبرت فى السن وعايز حاجة تنجز معايا وادرسها وانا بدرس فى نفس الوقت فى كلية التجارةوياريت اعرف كل قسم وكل فرع بالتفصيل ومجال شغله ايه فى اى حتة ممكن واكون شايل جميلكم داااا على دماغى عشان انا بصراحة مش عارف اعمل ايه وخلاص تعبت من كتر التفكير
واخر الكلام احلى سلام

النتائج ظهرت

ومبروك للجميع

للحصول على النتيجه


http://result.commerce.cu.edu.eg/Login.aspx