ايه الاخبار؟؟؟؟؟؟؟
معلش يا جماعة انا اصلى كنت مسافرة
و بالنسبة للكورس فأنا بقالى مرتين مرحتش اللى هما الاتنين و الاربع
ان شاء الله اروح يوم السبت و اقولكم الاخبار
و طبعا اللى يعرف اى حاجة يقولنا
و مبروك مقدما

النتيجه هتظهر امتى بقى
يااااااااااربي
انا هسافر بكره الظهر ان شاء الله
ربنا يستر

النتيجة ان شاء الله الثلاثاء او الارعاء بالكتير
ومن يوم الاحد فى الكنترول بالتوفيق لينا جميعا

بالسلامة ان شاء الله
بصى
اول ما حتظهر اكيد حيينزلوها على موقع الكلية
حبعتلك بالايميل اللينك
لو منزلوهاش حبعتلك ان النتيجة ظهرت و حاخد رقم جلوسك و اجبهالك مفيش مشاكل

اوكى؟

و طبعا على قد ما تقدرى ادخلى المنتدى طمنينا عليكى اكيد

صحبتى سالت رئيس تالحرس قالها عالاسبوع الجاى
كل واحد براى فى الكلية دى و كأن حرام يقول معرفش
حاجة غرييييييبة
عالعموم انا ريحة انهردة لأن عندى icdl و حسأل و اقولكم

انا مستنيه
يا مسهل يااااااااااااااارب

لا حتستنى كتير
سألنا العميد و سألنا كمان السكرتيرة بتاعته عن النتيجة قالولنا على آخر الاسبوع حيبقوا يفكروا حينزلوها امتى

المهم انه من ساعة ما خلصنا و هما بيقولوا على آخر الاسبوع
هو الاسبوع عندهم ملوش آخر و اللا ايه؟
يلا
العجلة من الشيطان و الصبر جميل

مش هيخلصونا بقى في موضوع النتيجة ...ياللكاعة
اخر الاسبوع طب الحمد لله انا كنت ناوي اروح النهاردة او بكرة كده بقى هسيبهم لما يخلصوا في سنتهم دي

يا جماعة ما هو انا اصلا بروح الكلية سبت اتنين و اربع اول ما حتظهر حقولكم ان شاء الله تروحوا تجبوها

بصوا ناس كتير انهردة و منهم العميد قالوا انها اما الاحد او الاتنين ان شاء الله

يارب
شكلك كدة حترجعى ان شاء الله و النتيجة لسا مظهرتش ههههههههههه

والله حرام كل شوية ياجلوها انا زهقت بجد
ده الواحد لو كان فرخة كان زمانه باض كفاية بقى قرفونا فى كل حاجة طول السنة حتى كمان النتيجة حراااااااااااام

يااااااااااااااااااااااااااااااااااااربي
الواحد في الكليه دي لازم يبقى عنده بروووووووود اعصااااااااااااااااااااب
حسبي الله ونعم الوكيل
ده اللي نقدر نقوله

تصدقينى لو قلتلك انى حسة انى خيفة من النتيجة دى اكتر من الثانوية العامة
مش عرفة ليه
و كل ما يأجلوها انا اترعب اكتر
بس يارب يكون آخر الصبر خير ان شاء الله

نحاول نمسك نفسنا شوية و نحط اعصابنا ففريزر
لما نشوف آخرتها

[quote=Nogha;1373146]تصدقينى لو قلتلك انى حسة انى خيفة من النتيجة دى اكتر من الثانوية العامة
مش عرفة ليه
و كل ما يأجلوها انا اترعب اكتر
بس يارب يكون آخر الصبر خير ان شاء الله


فعلا انا خايفة جدا اكتر من الثانوية العامة بكتييييييييير لان كل يوم يقولوا النتيجة بكره وليلتها بفضل سهرانة لغ
اية الصبح من القلق يعنى تقريبا بقالى اسبوع مش عارفة انام
يارب النتيجة تطلع على خير عشان انااااااااااااااام انا زهقت

أزيكوا ياجماعة انا محمد زميلكم في كلية العلوم جامعة الاسكندرية

علي فكرة ياجماعة انا رحت يوم الاربعاء اللي قالوا هتظهر فيه ومكنش في اي حاجة ظهرت وسألت قالولي مش هتظهر قبل يوم 6

ربنا معانا ياااااااارب ونعدي علي خير من الكلية ديه وتظهر النتيجة بقي ويبطلوا يقلقونا اكتر من كده عشان الواحد مش ناقص كفاية الامتحانات وقرفها مش ناقصة تعب اعصاب !!!!!!!!!

...السلام عليكم ...
ازيكم يا جماعه عاملين ايه ,,
اصبرا اصبروا
على فكره بقولكم اصبروا وانا على نااااااااااااااااااااااااااااااااااااااااااااار
ربنا يسترها معانا ويصبرنا ويشرنا بالخير إن شاء الله,,
وإن شاء الله كلنا نفرح ياااااااااااااااااااااااااااااااب...

:d:d:d
يعنى الحمد لله طلعنا فى الهوا سوا
انا كمان قلقانة لدرجة انى بنام بصعوبة
ربنا يستر بجد


ههههههه
طب اصبرى انتى الأول و احنا حنصبر بعديكى
:d:d

يا جماعة صحيح امال فين لافلى جيرل ؟؟؟؟؟؟؟
بقالها مدة مش بتدخل؟ يارب تكون بخير

اهلا و سهلا بحضرتك

يعنى صح كدة على يوم الاتنين ان شاء الله
يارب
من ساعة ما خلصنا و هما عمالين يأجلوا النتيجة


يا جماعة
أكثروا من الدعااااااااااااء
و ان شاء الله ربنا معانا

بجد حرام اللى بيحصل فينا والله ده
كل يوم حد يقولى يوم مختلف اللى يقولى اكيد الاحد واللى يقولى من هتتعلق قبل يوم الاثنين واللى يقول لا يمكن قبل يوم الثلاثاء
احترت والله انا عايزة يزم اخير لا واخر نكتة يوم 10 /7 اللى هو يوم الجمعة لا فعلا نكتة والواحد مش مستحمل هزار اكتر من كده لان بجد بقى دمهم تقيل

شكل النتيجه مستنياني لما ارجع من السفر

يارب سترك

هيييييييييييييييييييييه
بقيت عضو مجتهد

ههههههههههههههههههههههههههههههههه
شفتوا النتيجه بتعمل ايه
ههههههههههههههههههههه

بصوا
هو انهردة كان فيه شواهد على انها حتكون يوم الاتنين
انا المرة دى مصدقة انها الاتنين او التلات بالكتير ان شاء الله

و من ناحية دمهم تقيل فهما دمهم مش بس تقيل دة سم كمان
حسبى الله و نعم الوكيل

شفتى بقى ما انا قلتلك
يلا بالتوفيق يارب

عقبال ما نكون كلنا كدة فى الكلية هههههههههههه

ازيكوا ياجماعة علي فكرة هي النتيجة بالكتير هتكون يأما الاحد او الاتنين بالكتير ان شاء الله لان يوم التلات هيبقي تسجيل مواد السامر كورس فلازم تبقي النتيجة ظهرت قبليها

الســــــــــــــــــــــــــلام علــــــــــيكم..

يا جماعه
ايه رايكم نغير الجو ومود النتيجه ونغير الموضوع ده عشان اتخنقت منه

انا عندي سؤال
هو احنا السنه الجايه ان شاء الله هنبقى في انهي فرع من فروع الكليه؟؟؟

ولا حسب التخصص؟؟
يعني مثلا الكيمياء هيبقى في طريق الحريه ولا ايه(انا بكررررره الكليه دي)

يارب
بالتوفيق للجميع ان شاء الله


اقتراح راااااااائع من رواااااائع هنووود الكثيرة
معاكى حق و الله

انا كل اللى اعرفه اننا حنكون فى محرم بك
بس معرفش هل كل الوقت هناك و اللا فيه حتت تانية حيودوهلنا هههههه
بس اغلب الوقت فمحرم بك

كلية طريق الحرية اللى انا عن نفسى بعتبرها مدرسة دى لا يمكن تكون كلية محترمة بالمنظر البشع ده هههههههه
الكلية دى مخصصة للكيميا و تخصصاتها و برده معرفش لو اتخصصنا كيميا حنروحها و اللا لأ

حلوة اوى فكرة تغيير الموضوع بس برده بنتكلم على اماكن هنقرر احنا فين لما نعرف النتيجة
المهم احنا تقريبا دايما هنكون فى محرم بك والامتحانات بتكون فى الشاطبى معرفش ليه
وبتوع كيميا المعامل بتاعتهم دايما بتكون فى طريق الحرية الصراحة بيتبهدلوا مابين طريق الحرية ومحرم بك
وللعودة مرة اخرى لاسف الى سيرة السامر كورس فبداية الدراسة يوم 15 فبراحتهم قوى عشان يطلعوا النتيجة لان معتقدش ان ان التسجيل هياخد وقت قبل كده
وبالمناسبة فى واحدة صحبتى سالت فى الكنترول قالولها اكيد على يوم الثلاثاء ده اليوم النهائى
على العموم تطلع الثلاثاء قبل الثلاثاء انا مبقتش عايزاها بقالى اكتر من اسبوع مستنياها والله ولا نتيجة الثانوية العامة

طيب
يعنى قربنا اهو ان شاء الله
انا زهقت بقى بجد

ههههههههههههههه
خلاص هانت ان شاء الله
و لعل آخر الصبر خير بإذن الله
علأقل بتوع ثانوية غامة بيقولولهم على يوم النتيجة و بيكونوا عرفين هى امتى
مش احنا اللى سايحين من اول ما الامتحانات خلصت و كل مرة يقولوا على آخر الاسبوع ده
بجد حاجة تطهق
بس و الله انا مش عرفة ليه انا المرة دى مصدقاهم و مش حتتأخر عن يوم الثلاثاء (احساسى عمره ما خاننى هههههه)

هاى يا جماعة ازيكوا كلكوا
وصلتنى اخبار انهارده من اصحابى راحو الكلية و سألوا ان النتيجة حتتعلق انهارده فى الكلية ع الساعة 4 او 5
يعنى بكرة حتكون موجودة فى اى وقت ( والله اعلم )
مع العلم ان موقع الكلية مهجووووووووور
ربنا يستر

سلام عليكم..
ازيكو يا جماعة انا مش بشارك كتير لأني معنديش الا كلام يزود التوتر و خلاص لكن معلومات مفيش.
انا اعتقد ان النتيجة هتكون في خلال السنادي ان شاء الله.
كل شوية يوم الحد لا الاتنين لا اكيد التلات خلاص مفيش غير الاربع الخميس اخر كلام ...
على رأي يهاب توفيق ياما قالي ياما قالي على (معاد النتيجة) و برضه مبصدقهوش .. يحلف و انا ليه حاسس في عينيه بحاجات بتقول ما آمنلهوش.
لايقة اوي على شئون الطلبة.
على فكرة يا نهى انتي بقالك اسبوع ممشيانا باحساسك خلينا نمشي بشعورنا احنا بقى .. ههههههههههه..لا بس و الله كتر خيرك انتي بتقوليلنا الاخبار و احنا قاعدين في بيوتنا.
و بالنسبة لهنود معاكي في حتة تغيير الموضوع لكن اننا نفكر هنبقى في انهو مبنى ده هيرجعنا هندخل قسم ايه و ده يرجعنا للنتيجة..مفيش فايدة.
لافلي جيرل ازيك .. فينك؟ انا فكرت انزل الكلية دلوقتي من كلامك انها تتعلق النهاردة بس النتيجة مش هتطير خليني عايش في جو الماتش شوية ادخل في مود الهزيمة ابقى مهيأ للنتيجة.
و موقع الكلية بدخل عليه كل يوم و هو فعلا في وادي تاني .. عمالين بس يحطو اعلانات عن حاجات عجيبة كده دراسات عليا..طب يهتموا بالدراسات السفلى شوية.
ربنا يستر ... سلام

ما شاء الله
يعنى احتمال على كدة بكرة من اول اليوم نلاقيها
كويس
انتى بتغيبى و بتختفى و اول ما تظهرى بتيجى بأخبار مفيش بعد كدة ههههههههه
ربنا يكرمك و يجازيكى كل خير و يوفقك


:d:d:d

لايقة جدا ايه ده هههههههههههه

انا كنت مجرد بنقل اللى بيتقالى و بس
انما المرة دى انا فعلا متأكدة انها بكرة ان شاء الله
بس يارب ميخيبوش ظنى احسن انا شكلى لو مكنتش بكرة حضربهم و حتضربونى انتم بعد كدة

يلا
امشوا بشعوركم و لا برجليكم اهو كله حيبان و الصورة حتوضح و ربنا يستر


هنووووود تحب دايما تمشينا فدواير مغلقة زى اللايف سايكل فى الحيوان كدة
اصلها بتحبهم اوى

موقع الكلية دة بصراحة قلته احسن

يا جماعة النتيجة ظهرت فى الكنترول النهاردة و كاتبين فى منتدى الجامعة انهم شافوا نتيجتهم و بالنجاح ان شاء الله

السلام عليكم ..ايه اخباركم ؟؟
(( النتيجة مش هتطير خليني عايش في جو الماتش شوية ادخل في مود الهزيمة ابقى مهيأ للنتيجة )))
..........
فوزنا في المبارة الحمد لله ,, يــ3 صفر ...و مادخلناش في مود الهزيمه .. يارب النتيجه تكون حلوة بقه

:
:
النتيجة مش هتطير خليني عايش في جو الماتش شوية ادخل في مود الهزيمة ابقى مهيأ للنتيجة.

مش راضيه تظبط معايا اني اعمل اقتباس !!!!!!!!!!!!!
مش عارفه ليه
المهم ..صحابي كانوا في الكليه النهارده و سألوا عن النتيجه ..و قالولهم هي ظهرت في الكنترول بس مش هتتعلق الا الاسبوع الجاي !!!!!
هو احنا المفروض نسأل مين بالظبط بدل ما اي حد بيقولنا اي حاجه و خلاص ...
سلام

نتيجة اولى علوم جيولوجيا

ظهرت النهارده في الكلية صح وغلط

وصحابي جابوها

واللي عرفته انه تقريبا بكره تظهر كلها بالتقديران

:078111rg3::078111rg3:

باقي اقسام اولى لسه وصيدلوة واسنان برضه

اه والله بايخ اووووووووووووي

شكرا عالافادة
ربنا يكرمك ان شاء الله و يوفقك


انا اهو نزلة الكلية و ان شاء الله ارجعلكم بأخبار حلوووووووووة:d:d:d

ها يا جماعة طمنونى النتيجة ظهرت ولا لسة ؟؟؟؟ وعقبالنا احنا كمان صيدلة بتبان متأخر اووووووى

النتيجه ظهرت واخيرا
الحمد لله على كل شئ

هاى يا جماعة ازيكوا
النتيجة اخيرا ظهرت وانا الحمد لله نجحت
اللى يدخل يطمنا عمل ايه
سلام

يا سلااااااام؟
كل واحد حيدخل يقول النتيجة ظهرت و انا نجحت
محدش حيطمنا
ماشى

النتيجة ظهرت و انا نجحت :d

طيب هو ليه مش مكتوب التقدير العام ؟؟ عشان نطمن اكتر و نعرف هنروح اي قسم
انا حسبت المعدل بتاعي بس عايزة اتأكد ...

هاى علوم اليكس
مبروك ع النجاح
ممكن تقوليلى حسبتى المعدل بتاعك ازاى عشان انا كمان عايزة احسب المعد بتاعى ؟
و مبرووووووووووك لينا كلنا

مبروك على النجاح وعقبالنا ان شاء الله
هو يا جماعة جيولوجيا هى بس اللى ظهرت ولا بيولوجى كمان ظهرت

الحمد لله النتيجة ظهرت و انا نجحت....ههههههههههههه
و ما طلعتش بحاجة. اهو انا طمنتكوا ....انتو ايه الكلام بقى؟
انا ما روحتش الكلية الا بعد لما هنود كتبت انها عرفت النتيجة..روحت عالساعة 6 كده.
مبرووك نهى و هنود و لافلي جيرل و و علوم اليكس و وان واي مش عايز انسى حد.
لافلي جيرل المعدل طريقة حسابة موجودة في الدليل بس انا هقولهالك ببساطة.
كل رمز من رموز التقدير معناه عدد معين من النقاط يعني مثلا a يعني 4 و d يعني 1 و هتلاقي نقاط كل رمز في الدليل و لو مش عندك قولي و انا اكتبهملك.
طريقة الحساب بقى.
تضربي عدد الساعات المعتمدة للمادة ×نقاط التقدير+نفس الكلام للمادة اللي بعدها +اللي بعدها.
و تقسمي المجموع ده كله ÷ مجموع الساعات المعتمدة.
مثال بسيط كده هنفترض طالب جايب امتياز في كل مواد الترم الاول(اللهم احفظنا) و امتياز يعني 4 نقاط.
يبقى معدله الميكانيكا ساعتين و تقديرها امتياز يعني 2×4 و البحتة 3 ساعات و تقديرها امتياز يعني 3×4 و الكيمياء النظرية 3 ساعات و تقدير برضه امتياز يبقى 3×4 و الفيزياء 3 ساعات يبقى 3×4 و الكيمياء العملية ساعة واحدة ×4 و اللغة الانجليزية ساعتين×4
نحسب المعدل = [(2×4)+(3×4)+(3×4)+(3×4)+(1×4)+(2×4)]÷(2+3+3+3+1+4)
طبعا في الحالة دي هيطلع اربعة لأن واحد جايب امتياز في كله يبقى المحصلة امتياز.
طبقي ده على معدلك في الترم الاول عشان تتأكدي انك صح.
لكن لما تيجي تحسبي المعدل الجديد بتدخلي مواد الترم الاول من جديد يعني سيبك من المعدل الاولاني .. احسبي مواد الترمين بنفس الطريقة دي.
طبعا شرح زبالة .. بس الموضوع اصلا مش صعب خصوصا لو معاكي الدليل ..
يلا كل واحد يحسب و يقولنا كام.
انا لغاية دلوقتي محسبتش.

مبروووك ليكوا كلوا عالنجاح ... بس انا بالنسبالي للاسف شاليه مواد ...الميكانيكا و برمجة السي !!
مش مصدومة اوي بصراحه من البرمجه لاني كنت عارفه اني ماحلتش كويس فيها في العملي و الميد تيرم و الفاينال كمان ... بجد يارتني ما اخترتها .. بس الحمد لله على كل حال.. الميكانيكا بقه هي اللي حرمتني بجد من فرحتي بالنتيجه ..مع اني ذاكرتها كويس و كنت باخد فيها كورس كمان !! مش قادرة اتخيل اني هرجع اخد المنهج الخنيق ده في الصيف ..

طريقه حساب المعدل التراكمي فوكس شرحها كويس .. ببساطه يا لافلي جيرل تضربي نقاط التقدير في عدد الساعات المعتمده ..كل ماده لوحدها ..و بعدين تجمعيهم .. و تقسمي على العدد الكلي للساعات المعتمده .. بس ده هيكون المعدل بتاع التيرم التاني بس .. يعني مش المعدل التراكمي بتاع السنه كلها ..

لو عايزة تحسبي التراكمي ضيفي عليهم مواد التيرم الاول بنفس الطريقه ..

انا معدلي قل في التيرم التاني .. وبكده بقيت جيد ( مش مرتفع ) مش عارفه اذا كان ده كويس ان يدخلني قسم الكيمياء ..

سلام

مبروك يا فوكس ع النجاح و الحمد لله انك عديت
و مبروك ليكى يا علوم اليكس و معلش بالنسبة للميكانيكا و تعوضيها ان شاء الله
مبرووووووووووك لكل الناس عشان منساش حد
ميرسى يا فوكس و يا علوم اليكس على شرحكم و انا حاحسب معدلى و اقولكم
و انتو كمان ابقوا قولوا معدلكوا كام
سلام

الف مبروك ليكوا كلكوا :)
ادعولنا بقي علشان احنا مرعوبين جدااااااااا

الله يبارك فيكي
وربنا يوفقكوا ياااااارب ويبشركم بالخير