عندى مشكلة فى البوربوينت
انا عامل شرح لاحد المواد بالبوربوينت وعامل الانتقال بين الشرائح عن طريق الازرار ( السابق والتالى والفهرس وهكذا ) بس المشكلة اللى عندى انى لما بعمل عرض الشرائح لما اجى الف البكرة بتاع الماوس أو الضغط على الاسهم الموجودة فى لوحة المفاتيح بلاقى الشرائح بتتعرض تلقائى . عايز الغى الخاصية وخلى الانتقال بالازرار فقط . ملحوظة :علما بانى بلغى علامة الصح من امام ( عند النقر بالماوس وتلقائياً بعد ) |
السلام عليكم
كنت عاوزه اخد الاى سى دى ال بس عاوزه اعرف هو الاوفيس اتغير ولا لا وكمان ايه احسن طريقه اذاكر بيها عشان اروح امتحن وايه هو احدث اصدار للاسئله ياريت حد يفهمنى لانى محتاجه اعرف ضرورى عشان عاوزه اخدها |
الأخ حوده
لازم العرض بين الشرائح يكون عند الضغط على الفأرة أو تحريك البكرة مهما حاولت غير ذلك |
رفيف :
حاليا المنهج المعمول به هو Windows XP + Office 2003 لكن فيه منهج جديد لسه مش عافين امتى يبتدي العمل به Windows Vista + Office 2007 واحسن طريقة تتعلمي إذا كان لديك فكرة كويسة عن استخدام الكمبيوتر ( فكرة عامة ) ممكن تذاكري بنفسك أما إذا كانت فكرتك العامة قليلة لازم تعتمدي على مدرب |
جزاك الله كل خير للرد انا بالفعل عندى فكره وكنت ذاكرت قبل كده الاى سى دى ال من سنتين بس فانشاء الله ناويه اذاكر لوحدى واروح امتحن بس يعنى كده المنهج اللى عندى ده عادى اذاكره واتدرب بعد كده على الاسئله وخلاص وكمان طب هو المنهج الجديد ده مش موجود دلوقتى يعنى اذاكر على اساس القديم ولا ايه عشان امتحن الفتره دى
|
المنهج الجديد كمنهج موجود وانا رفعته في نفس الموضوع ده في الصفحات السابقة
بس مش عارفين امتى سوف يتم الاعمل به انتي لو عاوزة تمتحني الأيام اللي جاية يعني قبل بداية السنة الجديدة ذاكري المنهج الحالي المهم تحاولي تمتحني قبل بداية 2011 مش عارفين ممكن يحصل تغيير في السنة دي ولا لأ |
ان شاء الله باذن الله جزاك الله كل خير للرد وربنا يعينى واخده وانجح ان شاء الله
|
الف شكر استاذ محمود احمد حجاج تم التحميل والتسطيب ربنا يبارك فيك ويكتر من امثالك
|
لو سمحت يا أستاذ telenet :-
أنا امتحنت اليوم موديول النت و حصلت على 97% وشكيت فى السؤال ده إنى غلطت فيه مع إنه سؤال سهل http://img266.imageshack.us/img266/56/picture1plq.png الأسئلة اللى بذاكر منها بتختار دايمًا أول إختيار بعد الضغط على السهم الصغير http://img828.imageshack.us/img828/3033/picture1ic.png ولكن أثناء الإمتحان لما وجدت إن الصفحة الحالية هى نفس أول إختيار فى القائمة قمت باختيار الإختيار الثانى هل إجابتى صحيحة أم لا ؟؟ وجزاك الله خيرًااااااااااااا |
الأخ محمود احمد حجاج
لازم يكون الموقع الموجود او المعروض على المتصفح اول اختيار فلابد من انك تختار الثاني يعني اجابتك صحيحة |
السلام عليكم ممكن اعرف ايه احسن الاماكن اللى ممكن اروح امتحن فيها بعلم انى طالبه وايه شروطها
|
والله عاوز اعرف انا خد icdlعربى عاوز اعرف اية الفرق بينة و بين الانجليش يعنى معترف بية و ممكن اقدمة فى اكادبمية المعلمين ينقيل و الشهادة لسة مطلعتش يعنى بتكتب بالعربى و لا بأنجلش
|
رفيف :
انا مش عارف انتي منين علشان اقولك الأماكن اللي ممكن تمتحني فيها بس ادخلي على الرابط ده واختاري المحافظة اللي انتي منها واعرفي اي مكان من دول اقرب لك لأن كل المراكز تقريبا زي بعض الرابط : http://www.icdlegypt.gov.eg/Governorates_ar.aspx |
الأخ مصطفى :
الأكاديمية لا تفرق بين الشهادة العربي أو الانجليزي نهائيا بس هوه بره يعني في الخارج لو عاوز تطلع لأي بلد لابد ان يكون معاك الشهادة باللغة الانجليزية لكن في مصر مش مهمه |
اقتباس:
الأول الأوفيس اللي عندك لو 2007 Slide Show tab>Set Up group>Set Up Slide Show Button>Click Browsed at a kiosk (full screen)>Ok ولو الأوفيس قبل 2007 Slide Show Menu>Set Up Show>Click Browsed at a kiosk (full screen)>Ok وقولي عملت إيه |
.أستاذ telenet أنا امتحنت windows وword بس مش عارفة امتحن ايه بعدهم ياريت حضرتك تكتبلى افضل ترتيب للموديلات
|
الأخ احمد الشافعي
لقد حاولت العملية مرارا وتكرار لم تنفع إلا مع اوفيس 2007 |
افضل ترتيب للمديولات الترتيب الطبيعي
يعني امتحني اكسل - اكسس - بوربوينت - انترنت - it وممكن تمتحني اكسل - بوربوينت - اكسس - انترنت - it |
جزاك الله كل خير لسرعة الرد
|
أي خدمة للأخت اية الحياة
على فكرة مديولات الوورد والاكسل والبوبوينت والاكسس فيها حاجات كتير متشابهة جدا تقريبا ربع الامتحان زي بعض مثل اسئلة الحفظ والفتح والتبديل وتغيير الخط واللون والحجم والطباعة ومعاينة ما قبل الطباعة وحاجات كتيرة جدا فالمفروض تمتحني المديولات دي وراء بعض |
استاذي واخي الكبير / telenet_2007 كل عام وانتم بخير لايسعني الشكر علي مجهوداتكم وفقكم الله لما يحبه ويرضاه لي طلب ورجاء وارجو ان ينال الموافقة ويشرفني قبولكم له وهو سماحكم لي بعرض اعمالكم في قسم الICDL بالمنتدي الخاص بي منتدي عبدالنبي الحداد ولكم مني جزيل الشكر اخيك عبدالنبي الحداد معلم اول بيلا كفرالشيخ |
الأخ : عبد النبي الحداد
انا سعيد بده ومفيش مشكلة عندي بالعكس مستعد اتواصل مع رواد منتداك والاجابة على اسئلتهم بالكامل |
اشكرك اخي الفاضل علي الاستجابة
ولاتسعني كلمات الشكر والثناء في الرد علي قبول سيادتكم لطلبي وجزاك الله كل خير وبارك الله فيك |
أخي الفاضل تلنت
أريد منك شرحا عن كيفية عمل برامج المحاكاة ( الامتحان التفاعلى ) سواء ببرامج الفلاش أو غيره مثل محاكاة الأستاذ عصام فؤاد وبرامجك الرئعة في محاكاة الاي تي في انتظارك |
العفو استاذ عبد النبي وانا ان شاء الله حأطل سريعا على المنتدى بتاعك وربنا يوفقك
|
fizom
بالنسبة لبرنامج الاستاذ عصام فؤاد ده شغل كتير وتعب وبصراحة ما حاولتش اجربه اما بالنسبة لموضوع برنامج it فالبرنامج انا وضعته في الصفحات السابقة وبه كيفية الشرح |
رقم الصفحة ؟
|
مش فاكر تقريبا في الصفحات بعد الصفحة 15 اسم البرنامج QuizCreator
|
لو سمحت هو فى امتحانات دلوقتى شغاله ولا لا
|
الأخ : محمد الفخراني
لو تقصد امتحانات مراكز الامتحانات اكيد شغالة يعني مثلا في محافظتي المراكز كلها شغالة بس سمعت ان فيه مراكز معينة خاصة على مستوى الجمهورية وقفت الامتحانات بسبب دخول شهر رمضان مش علشان حاجة تانية علشان فيه مراكز بتقول ان الامتحانات موقوفة من اليونسكو الكلام ده خطأ لأن فيه ناس بأدربها حاليا وبتمتحن |
سررت بتشريفك وبمرورك الكريم وتصفحك لمنتداي المتواضع واامل من الله تعالي ان يحقق الفائدة والنفع واشكرك لسماحك لي بالرفع وتقبل تحياتي ووافر احتراماتي http://img101.herosh.com/2010/08/25/127463208.gif |
شرح كيف يمكن عمل اسطوانة لالى اختبار ببرنامج الفلاش
الاخ telnet برجاء شرح كيف يمكن عمل اسطوانة لالى اختبار ببرنامج الفلاش وذلك لامتحانات للطلبة فى المدرسة
|
الأخ عبد النبي :
ربنا يوفقك ويبقى منتدى متميز ان شاء الله |
الأخ عبد الناصر :
البرنامج ومرفق معه شرحه موجود في الصفحات السابقة وهوه مصمم اساسا لعمل اختبارات للتلاميذ موجود تقريبا بعد الصفحة 15 في نفس الموضوع وزي ما قلت مرفق معه شرحه |
أخي الفاضل تلنت أشكرك على البرنامج الرائع
وأحتاج برنامجا لحماية الأسطوانات من النسخ مع الشرح |
|
ان شاء الله موجود به برنامج مع الشرح لطريقة تشفير محتوى الاسطوانة
|
على فكرة انا اسمي محمد بدل ما تكتبوا telenet
|
هل جربت البرنامج يا أستاذ محمد ؟
|
شكرا الاخ محمد
بس ياترى ليه يعنى علشان رمضان ولا الناس مش بتحب تشتغل فى رمضان هو دة السبب يعنى |
fizom :
والله ما حاولتش اجربة خالص مش مهم عندي حكاية المادة العلمية او الحفاظ عليها باعمل حاجات كتير وارفعها عادي يعني مش محتاج تبقى عندي حصري علشان كده ما جربتوش |
الأخ محمد الفخراني :
زي ما بتقول بسبب الكسل بس مش اكتر |
جزاك الله كل خير اخى محمد
|
ما معنى حالة المتقدم has sc
الاخ محمد
ما معنى حالة المتقدم has sc فى صفحة الرخصة الدولية |
الأخ عبد الناصر :
معناها انه تم التسجيل من قبل المركز اللي بتمتحن فيه يعني همه سجلوا بيانات الكارت تمهيدا للتنشيط وبعد فترة لا تزيد عن 10 ايام سوف تجدها Download اي تحميل ومعناها ان تم تنشيط الكارت الخاص بك وتم تحميل امتحاناتك من قبل وزارة الاتصالات ومستعد للامتحان في اي وقت |
الاخ محمد اشكرك على الرد
ملحوظة الساعة لاتعمل فى برنامج عمل الاختبارات |
الأخ عبد الناصر
مش عارف تقصد ايه وضح |
ظهور الساعة فى برنامج الامتحانات ص 15 اثناء الامتحان رغم ان يوجد علامة صح فى المربع الخاص بالوقت
|
ان شاء الله حاشاهد البرنامج تاني واشوف الغلط فين
|
السلام عليكم فى الحقيقه انا نزلت من هنا اسئله كتير بس مش عارفه دى فيها الاسئله الجديده ولا لا هو مفيش هنا موضوع فى الاسئله كلها مع الاسئله الجديده لحد دلوقتى اصلى عاوزه اتدرب على اسئله كتير قبل ماامتحن وكان فى سؤال فى الاى تى ل***ه اجابتين مختلفين
reduce the risk of eyes strain by 1-sitting approximately 12 from mointer 2having your eyes level with the top of your mointer- |
جميع الأوقات بتوقيت GMT +2. الساعة الآن 12:08 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.