|
اقتباس:
بص هو من غير تعقيدات او شروحات طويلة انا عارف دا كويس والدكتور ابراهيم الفقى قال دا كتير .....بس حكاية انى متشاءم دى انا خدت عليها وبيتهيئلى مش هى المشكلة |
دكتور تيموووووووووووووووووو طبعا يعنى مش عااارف اقولك ايه انا بئيت حاسس انك بتفتح المنتدى تقرا موضوعى اول حاجة شكرا ع الاهتمام اوى يا معلم بس عشان خاطرى خد بالك الناس اللى بتدخل هنا وترد دى بتحاول تساعدنى ونا مأقبلش ان اى حد بيساعدنى يدخل يلاقى كلمة تزعله حتى لو كانت فحدود الادب هى قالت رأيها ونتا قلت رأيك ونتو الاتنين على دماغى من فوق بس عشان خاطرى لو هتقول حاجة قلهالى انا مش لحد تانى وشكرا يا بوب على المرووووور والرد وكل حاجة مبقتش عارف اقولك ايه هههههههههههه
|
اقتباس:
عادي والله بص انا حاولت اقولك اسرع حل في اقل وقت طب بس جاول وجرب اصل الاربع اشهر دول لو ذاكرت فيهم هترتراح سنين كتير ورا حاول وصلي ركعتين كدا واقرأ قران وشوف الاحوال وربنا معاك |
ميرسى جدا اتفضله
وربنا يوفقك |
يا جماعه انا مش عارفه المشكله اللى قبلى خلصت ولا لأ
بس معلش انا هبدا احكى لانى بجد عايزه اتكلم انا زمان وانا فى ابتدائى كنت فى مدرسه مشتركه وكان معايا فى الفصل واحد زميلى حبيته جدا ومتقولوش ازاى هو ده اللى حصل وكنت حاسه انه هوكمان بيحبنى المهم فضلت بحبه طول فترة ابتدائى ولما دخلت اعدادى سافرنا لبلد تانيه وهو كمان سافر لبلد تانيه غير اللى انا فيها وفضلت 6سنين انا مابشفوش خالص بس للاسف مازلت احبه لحد دلوقتى مش قادره اتخيل حياتى مع حد تانى غيره خايفه تكون اللى فى دماغى دى اوهام وهو ولا فاكرنى ولا حاجه لحد دلوقتى انا لسه عندى امل انى هشوفه تانى انا كل مره ازور اهلى فى البلد يبقى عندى امل اننا خلاص ممكن المره دى اشوفه لانه برضه بيرجع زيارة اهله فى الاجازات بس للاسف ماحصلش انا هتكلم بصراحه اكتر من كده انا خايفه ييجى اليوم اللى يتقدملى فيه حد هيكون موقفى ازاى ساعتها لاننا حتى مابشفوش علشان اعرف موقفه ايه منى |
اقتباس:
نصيحة شيليه من دماغك خاااالص لانك بقالك 6 سنين مش بتشوفيه ولسه فكراه يعنى زمانك دلوقتى شايفاه ملااااااااك ومفيهوش عيوب خااالص وطبعا مفيش ملايكة ع الارض ولما تتفجئى بكده هتخدى صدمة جاااااامدة جدااااااا وهتكرهيه وتكرهيى نفسك وهتفقدى ثقتك فى الناس ده اذا شوفتيه اساسا ولو مشفتهوش حاجة من اتنين هتحصل ياما تنسيه لوحدك ياما هتفضلى عايشة فى وهم ومصدقاه وكمان انتى لسه سنك صغير اوووى ومش دى نهاية الدنيا يعنى jasy |
ربنا معانا كلنا انا بحاول ابدا اشد من اليومين دول
|
[quote=dandony;1968015]ربنا معانا كلنا انا بحاول ابدا اشد من اليومين دول ربنا يستر
|
ياااارب اقدر
|
اقتباس:
بغض النظر عن المسافة وعن المدة وعن الزمن وعن كل حاجة كل اللى انتي بتقوليه حتى الآن "حاسة" إنه كذا يعني لا شفتي ولا عرفتي ولا كلمتي يبقى بدون مناقشة ده وهم وبفرض إنه صحيح ايام الابتدائي بتبقى الناس حاجة ولما بتكبر بتبقى حاجة تانية كل الناس تفكيرها بيتغير حتى اللى بيحبوا نادر جداً لما يفضلوا زي ما هما من ابتدائي ده بعيد ما نتكلم في الدين وصحة او عدم صحة الموضوع لكن منصحكيش تفكري في اي موضوع حب حالياً إلا لو نويتي على جواز ! |
حبيبتي أنت دلوقتي في سن مشاعر فيه متغيرة ومش ثابته يعني مش مشاعر حقيقية دا هينتهي من مرور الوقت عجبني رد دكتور ولاء ياريت تشوية هيفيدك اقتباس:
|
بجد شكرا ياجماعه على الردود الجميله دى
اصل بتبقى حاجه حلوه اوى لما الواحد يلاقى حد حاسس بيه ده بيريحنى اوى |
السلام عليكم و رحمة الله وبركاته
ربنا معاك و معانا كلنا انا طالبة زيك مش عارفة انظم المذاكرة بتاعتى بس هو الرياضة مش بتتذاكر هى بتتفهم من المدرس و بعد كده بتهل عليها و ممكن تحل مسئل قبل كل مادة فى حدود ساعة او نصف ساعة اما العربى ده مش بيتذاكر غير قبل الدرس و لو ما لحقتش اكيد هتلمو فى اسبوع قبل الامتحان اما الكيمياء و الفرنساوى لو سمح حد يقولنا دول بيتذاكروا ازاى و كيف نحصل على 50 من 50 فى هاتين المادتين وياريت الدكتور timo mido يقولنا على طريقة لان هو عدى من هذه المرحة فأكيد هيكون عنده خبرة كبيرة و ياريت يكون الرد بسرعة لان مش فاضل غير 90 يوم من فضلك ضرورى |
ههههههههههه حد يقولنا المادتين دول بيتذاكرو ازاى .....................عشان تعرفو يابنى ادمين حالتنا بئت عاملة ازاى....طب انتى حليتى حكاية الرياضة والعربى ونا مش عارف احلها بالاضافة للكميا والفرنساوى والله بدأت افكر جديا انى مأدخلش الامتحان السنادى
شكرا ع المرور يا انسة |
السلام عليكم ورحمة الله وبركاته
يا جماعة متهولوش المواضيع كده دول كلهم خمس مواد يعني مش قصة لو ذاكرت اسبوع واحد بجد هتخلصهم كلهم ومش هتبقي بعدين غير مراجعة وبعدين اربع شهور فترة مش قصيرة ولو انو كان لازم المذاكرة من الاول بس الفترة دي بجد مش قصيرة خالص دي تخلصوا فيها 3 مناهج مش واحد ابداو من دلوقتي واستعينوا بالله واكثروا الدعاء (وقال ربكم ادعوني استجب لكم)بس لازم توضوحوا اهدافك وتحققوها وفيه بيت شعر جميل بيقول لا تقل فات الاوان وانطلق فالوقت حان ان اردنا وانطلقنا بالمني جاد الزمان يعني ما تياسوس انا اسفة طولت علكم السلام عليكم ورحمة الله وبركاته |
اقولك حاجة
كملها طناش مش مهم تذاكر بلاش حكاية الطب والهندسه والحاجات دي وخليك كدا دور ع شغل وسيبك من المزاكره بقي :d |
السلام عليكم و رحمة الله و بركاته
ممكن تقوليلنا يا dr.marwaازاى نخلص المواد كلها فى اسبوع ممكن تردى علينا بسرعة |
انا اول ماشفت التوبيك ده كنت ف الامتحانات
قولت انت بتقول فاضل 4 شهور وقلقان وانا فاضلى كام ساعه وانا لسه مذاكرتش حاجه (ياسلام ع برودى) ما علينا خلينا ف المهم بعيد عن المثاليه والكلام ده فالطبيعى انك تبقى قلقان كلنا كنا بنبقى قلقلانين ومهما نذاكر كنا نقول ان احنا مبنذاكرش لازم يبقى عندك تقه ف نفسك ومتفضلش تقول انا مش هنفع ياعنى انت مش معقول ماكنتش بتذاكر حاجه خالص طول الفترة اللى فاتت والله كمان الفترة اللى جايه لو ركزت فيها هتوصل للأنت عايزه حبه تركيز صغيرين بس والسنه دى أخف كتير م 3 وموادها لذيذه ياعنى لو خدت ماده ماده وفكرت هتلاقى الموضوع سهل لو فصصناها براحه كده العربى لو انت مذاكرتش حاجه خالص سيبك منه دلوقتى مش هتسيبك خالص سيبك م اللى فات وابتدى مع الجديد ذاكر اللى هتاخده مش لازم مذاكرة جامده أوى بس تبقى عارف بيتكلم ع ايه ياعنى ع أقصى تقدير لما تشوف سؤال ع اللى ذاكرته تبقى عارف الحل بتاعه ابه ومكانه ايه حتى لو انت مش حافظه بس تبقى عارف ان السؤال ده حاله هيبقى كده وسيب الحفظ لقبل الامتحان انت كده كده هتسيب 10 للعربى قبل الامتحان انت يادوب هتحفظ صيغه الحل بس ف ال10 ايام اللى قبل الامتحان بس بردك حاول تحفظ شويه الادب ده بقى لازم تحفظه م دلوقتى هو ادب 2 أخف كتير م 3 وحفظه أسهل بس ضمان أحفظه دلوقتى والقديم كمان أحفظه دلوقتى خلاصه الكلام ف العربى انك متهملوش خالص وف نفس الوقت متذاكروش جامد اوى لان ع كلامك انت لسه مذاكرتش حاجات كتير فخلى الوقت ده لحاجات أهم انا استهبلت و سيبت العربى خالص ف 3 ولا كنت بحل واجب مش هقول مكنتش بذاكر انا اصلا لو جيت سألتنى بعد الدرس خدتى ايه ؟هقولك معرفش ووقفت درس العربى م بدرى أوى يجى م اول 5 كده وجيه ع دماغى ف الاخر لانى قبل الامتحانت ب15 يوم تعبت اوى ومكنش ينفع اخد دروس ولا حاجه ومكنش فيا دماغ أركز أًصلا ياعنى ف تالته دى نقصت توتال 4 درجات 3 منهم عربى بس ال10 اللى قبل امتحان العربى مهمين جدا وممكن تذاكر المنهج مرتين ع الاقل لو انت عايز الفرنساوى انا مكنتش فرنساوى بس اللى اعرفه ان الفرنساوى طويل فحاول تخلص فيه حد غيرى يفيدك ف الموضوع ده الانجلش أظن ماده بسيطه ياعنى لو ركزت ف الدرس كويس مع شرح الجرامر يادوب تحفظ الكلمات (و ياريت بلاش تضيع وقت كتير في حفظ الكلمات بس تحفظها بس ماتدهاش وقت أكتر م حجمها ياعنى ) و مع بصه بسيطه ع الجرامر طالما انك مركز ف الدرس هتحل ع طول ان شاء الله القصه دى بتبقى مضمونه ان شاء الله فلازم تحفظها دلوقتى علشان الحاجه الوحيده اللى هتبقى ضامنها ف امتحان الانجلش هى القصه غير كده ممكن تلاقيه عاكك وجايبلك حاجات غريبه والقصه كمان بتاعه 2 بيتهيقلى كانت سهله نخش بقى ف اتقل مادتين الرياضه والكميا اخلى الكميا للأخر علشان دى حبيبيتى الرياضه مش فاكرة المنهج كان بيتكلم ع ايه بس كان فيه جا و جتا وحاجات كده المهم طبعا لازم تذاكر و تتفهم و تحل فيها كويس وهتلحق تخلصها قبل الامتحان ان شاء الله ياعنى الرياضه ميزتها انها مش محتاجه مذاكرة يادوب حل بس ياعنى ممكن بين كل ماده وماده ف مذاكرتك تحللك كام مسأله رياضه و ف الاخر طبعا حل الامتحاانات هيديك ثقه كبيرة ف نفسك بس ياريت لما تيجى تحل بلاش تيأس بسرعه وتقول مش عارف وتقلب الكتاب تشوفها م الحل ع طول لأ فكر كأنك ف الامتحان وانت هتعرف تجيبها وان بتقول انك كويس ف الرياضه فإن شاء الله مش هتبقى مشكله الكميا بقى ماده لذيذه جدا ع فكرة واحسن ماده علميه هتاخدها ف ثانويه عامه وكمان مش صعبه لا العكس لذيذه اوى اوى والعضويه اللى اول ما حد يسمع انك بتاخد كميا يقعد يخوفك منها وتسمع كلام عجيب كده بالعكس لذيذه جدا بس نصيحه منى ماتحطش الكلام ده ف دماغك اناكنت راحه أول حصه عضويه وانا قانعه نفسى انها صعبه ومش هفهم حاجه وبتاع م كلام الناس وف الدرس الكل عمال يحل وانا مش عارفه أعمل حاجه علشان انا حاطه ف دماى انها صعبه مع انى لما روحت وذاكرتها لقيتها سهله جدا لو لسه مابدأتهاش يبقى أبدأها حصه بحصه والله هتبقى عامله زى الرياضه حاول تستمتع بيها الكميا الغير عضويه بقى بردك سهله اوي و ع ما أتذكر مش كل الفصول متراكمه ع بعضها ياعنى لو حاجه فاتتك ممكن تكمل ف الجديد م غير مشكله بس تبقى فاهم الاساسيات وفيه الفصل بتاع المسائل ده بيتهيقلى كان ال6 سهل أوى الكميا فهم أكتر منها حفظ فمذاكرتها غالبا مش بتاخد وقت كبير بس انت تركز القديم طبعا لازم تذاكره ومتسبهوش للأخر علشان مش هينفع لازم تذاكرها وتراجعها قبل العربى وصدقنى هتلاقى وقت تذاكر كويس وتحل وتلعب وتقعد ع النت كمان ف ثانويه عامه هتزهق م كتر م المدرسين بتراجع فمتقلقش لو حاجه فاتتك دلوقتى المدرسين هيرجعولها تانى فبلاش يأس خالص لأن لسه ف وقت عامه ياعنى ف مذاكرتك
هذاكر فصل قصه انجليزى_ فصل كمياء وهكذا تحتت بعض كده وتانى يوم ان شاء الله حاول ماتنمش غير لما تخلص اللى انت كتبته خلصته بدرى ولٌعدت تلعب بعدها قعدت تلعب ف النص المهم انك ماتنمش غير وانت مخلصه وده هيديك ع فكرة ثقه كبيرة ف نفسك وهكذا كل يوم بقى
وبردك تحط لنفسك عقاب ياعنى مثلا تقول لو مخلصتش جدول الناهرده مش هقعد ع الكمبيوتر (عادى بردك مش هيحصل حاجه لأنك بدام ماخلصت أكيد كنت قاعد ع الكمبيوتر :022yb4:) بس المهم ياعنى تكون قدرت تفهم أنا عاوزة أوصل لأيه
ياعنى تقول انك مثلا هتخلص الماده دى ع أذان الظهر م ساعه ماتصحى لحد الظهر وتقوم تصلى وتفك شويه وتبدأ ف اللى بعدها لحد العصر أكون خلصت كذا وكذا وهكذا بس يارب بقى ماكونش طولت (هو أكيد طولت ياعنى) بس يارب تكون استفدت اى حاجه ولو صغيرة م اللى كتبته وربنا معاكو كلكوا ان شاء الله حاجه اخيرة معلش خلى الجمل دي دايما ف دماغك واقتنع بيها
علشان انا مش مقتنعه بالنظريه دى خالص:giljotiiniug3: رربنا معاكو |
اقتباس:
بجد يا جماعة زي ما قولتلكم الموضوع مش مستاهل الاسبوع 7 ايام لو قسمتي مادتين ومادتين ومادة يبقوا كده خمسة تمشي بقي مزاكرة في اول مادتين تاخدي فصلين من المادة الاولي وفصلين من التانية وهكذا لحد ما تخلصي المادتين دول وبعدها تدخلي علي المادتين التانيين برضوه نفس النظام بحيث انو يكون واحدة صعبة والتانية سهلة بالنسبالك هيفضل معاكي مادة واحدة تذاكريها لوحدها وكده خلصتي المواد في اسبوع ولو مش فهتي دا مثال : اول ما دتين : (كيميا وانجلش )تذاكري 2فصل من الكيميا -و2 وحدة من الانجلش وهكذا لحد ما يخلصوا تاني مادتين:(فرنش ورياضة) تذاكري درسين فرنش -ودرسين في الرياضة في اي فرع بالترتيب وهكذا لحد ما يخلصوا اخر مادة:العربي عشان كذا قسم يبقي لوحدوا برضوه تبداي فيه مثلا بجاني حفظ وجانب فهم يعني مثلا تذاكري القراءة والادب وبعدين بلاغة وبعدين نصوص وبعدها نحو واخر حاجة القصة ويبقي كد ه الف مبروك خلصتي المنهج:078111rg3: |
وبكده المنهج مش هيبقي معاكي غير مراجعة مش هتاخد وقت بس لازم تحطي في دماغك لو عاوزة تخلصي في اسبوع انو يا الاسبوع دا يا خلاص لو عاوزة يعني
واولا واخيرا يا جماعة بالله عليكم ما تنسوش ربنا الموفق الذي ليس بعد توفيقه شيئ وجزاكم الله خيرا والسللام عليكم ورحمة الله وبركاته |
بص زي ما أنا قلتلك قبل كدا أن الثانوية العامة دي سهلة ومش تتعب أعصابك عشانها وفي نفس الوقت مش تهمل صدقني 4 شهور كمان كثيرة ع الثانوية العامة حتي لو فاضل يوم واحد ذاكر ومش تيأس ما لا يدرك كله لا يترك كله ع العموم ربنا يوفقك شوف الموضوع دا يمكن يفيدك هنا |
انا عندى مشاكل كتيرررر اوى واتمنى ان اى حد يساعدنى و يقف جنبى هبدأ باول مشكلة انا اليومين دول مكتئبة جدا وزعلانة اوووى لانى حاسة انى لوحدى ومدش حاسس بيا خااالص من اقرب حد ليا لحد الناس اللى معرفهاش حتى يعنى ماما مثلا دايما مطنشانى ومش فى دماغها خااااص ويمكن كمان بتكرهنى (طبعا ده كدب لان مفيش ام بتكره بنتها ) بس انا مبحسش خاالص بحبها ده يعنى مثلا لما تبقى فيه حاجة مضايقانى بدل ما تخفف عنى لاء تقعد تزعقلى وتقوللى اتفلقى احسن كده يعنى ولما اطلب منها طلب لازم تنساه فى حين ان لو اخويا طلب منها طلب مش بتنساه و كمان انا بكره شغل البيت جدااااااااااااااااااااااااااا ومع ذلك لما بساعدها فيه وانا مش طايقاه وهى عارفة جداا حتى مش بتقولى شطورة شكراا اى حاجة ولما اخويا الكبير يرخم عليا او يزعلنى واقولها مبتعملش حاجة ولو زع***وا او قلتلو بس او كفاية تقعد تزعقلى انا وتقوللى انتى قليلة الادب واخويا الكبير دايما يرخم عليا و كل ما اقعد ع الكمبيوتر يقومنى او يقعد هو وانا قاعدة ده غير انى لما ابقى قاعدة فى حالى ومبعملش حاجة وكافية خيرى شرى برضه ييجى يرخم عليا سواء هو او اخويا الصغير وبابا دايما شايف انى غبية ( مع ان كل عيلتى واصحابى ومدرسينى والمدربين بتوعى بيقولوا انى ذكية )
انا عارفة كويس جدااا انهم بيحبونى اوووووى لكن انا مش حاسة بحبهم خااالص وكمان مش مصدقاهم خالص يعنى عاوزاهم يبقوا حنينين اكتر ويعملونى على طفلة صغيرة لان هما شايفنى كبيرة وانا شايفة انى صغيرة جدااا مش عارفة اعمل ايه اه دى مشكلة واحدة بس من ضمن مشاكلى لما تحلوها هقول ع المشكلة التانية بس ارجوكم بجد متتأخروش عليا |
موضوع جميل جداااااااااااااااااااااااا
|
نغم ومروة وتسابيح مش عارف اقلكو ايه بس بجد ألف شكر على الاهتمام ونتو اول ناس هقلها نتيجتى(لو كويسة بس)...بس طلب صغير يا د/نغم...عشان خاطرى بلاش كلمة الكميا مادة لزيزة دى تانى عشان انا هيجيلى شلل منها وعمالة تقولى سهلة ...ههههه مش عارف ليه مش مصدقك يا انسة....وبالنسبة لمروة حكاية مزاكرة الاسبوع دى فكرة كويسة اوى ...بس فى حاجة بئا انتى بتقولى الكميا فصلين.....يعنى انتى عاوزة بنى ادم له دماغ واحد وعنين اتنين وايدين اتنين يذاكر ويحفظ ويفهم بابين كميا فيوم واحد...دى القوللى اٌقرب
|
محبط ومش عارف تذاكر ؟؟ ... أدخل هنا لتعلم كيفية المذاكرة الصحيحة</STRONG>
السلام عليكم ورحمة الله وبركاته في كتير من الطلاب وأنا أولهم ... بيجيلهم لحظات إحباط وقلق بشأن المواد الدراسية وكثافتها :(... وأكيد الإحباط والقلق ده ... مش هينتج إلا عدم القدرة على المذاكرة والتحصيل ... :confused: وكذلك في ناس كتير عندها قدرات عالية وأذكية بدرجه كبيره ومع ذلك ... مش متفوقين ... على النقيض تلاقي ناس تانيه عاديه جدا ً... ويكونوا متفوقين جدا ً .... يا ترى أيه السر فيه كده .... بص يا سيدي ... أولا ً إقرأ الموضوع ده كلمه كلمة ... وأعقد النيه على أنك تحاول بقدر إمكانك أنك تنفذ كل اللي فيه .... ومألوف جدا ً أنك تحس بصعوبه بس في الأول ... عشان كل حاجه بتبقى صعبة في الأول ... لكن بالتعود ... أن شاء الله بتبقى سهلة وجميله ويصعب الإستغناء عنها ... الموضوع ده عجبني جدا ً ... وبحاول أنفذه ولاحظت أن ثماره بدأت تنضج ... قولت أنزله هنا مع بعض التعديلات الغير مخله عسى أنه يفيد زملائي الكرام ... :078111rg3: ينقسم الموضوع إلى 4 أقسام : - عمل جدول مذاكرة. -كن متأهبا ً للإمتحان. -كيف تكون ناجحا ً متفوقا ً؟ -إرشادات عامة للطلاب. --- نبدأ على بركة الله --- :: أولا ً : أعمل جدول مذاكره لو مكنتش عامل ... :: مواصفات جدول المذاكرة : - يجب أن يزيد عدد المواد في جدول المذاكرة في اليوم الواحد عن ثلاث مواد دراسية فقط إضافة إلى العملية إن وجدت. - ترتيب المواد في الجدول يعتمد على ظروفك، فمثلا مواد الفهم كالاجتماعيات ومبادئ الفلسفة ومواد الحفظ كالنصوص والقوانين العلمية ومفردات اللغة الأجنبية يجب استذكارها بصفاء ذهني قي مكان هادئ أما مواد الحل كالرياضيات والكيمياء فتستطيع مذكراتها في أي وقت ومكان حتى عند سماع المذياع أو وجود أحد الضيوف. - ابدأ بمذاكرة المادة التي تتطلب منك وقتا أقل، وانته بمذاكرة المادة التي تتطلب منك وقتا أطول لكي تتفرغ لدراستها. - تذكر دائما أنه ليس المهم كم من الساعات تذاكر ولكن الأهم هو كيف تذاكر. - كن واقعيا عند تصميم الجدول فلا تخصص وقتا طويلا جدا للمذاكرة بل نظم وقتك بحيث يكون هناك عدة فرص للراحة. ولا تنس أن تستمتع بعطلة نهاية الأسبوع فذلك يساعدك على تجديد نشاطك. - يفضل أن لا يزيد زمن مذاكرة المادة الواحدة عن ساعة إلا نادرا. - يجب تنوع مواد الدراسة عند تنظيم الجدول فليتبع دراسة اللغة الإنجليزية مثلا دراسة مادة الرياضيات التي تختلف عنها كلية وذلك منعا لتشابك المعلومات وتداخلها في ذهنك. - لا يكون الجدول الدراسي نهائيا عند تصميمه، فقد تستجد بعض الأمور التي تتطلب منك وقتا احتياطيا لمواجهة أي ظروف طارئة مثل الاستعداد لاختبار ما. - ليكن الجدول سهل المنال كأن يكون ملصقا بكراس المذكرات الدراسية أو ملصقا أمامك وأنت تذاكر في غرفتك. كيف تصمم جدول المذاكرة? - لكي تنظم وقتك وتحدد ساعات المذاكرة، قم بإتمام الجدول التالي : - حدد زمن الأنشطة التي تقوم بها يوميا في حياتك العادية ولمدة أسبوع. - ثم اخصم عدد ساعات تلك الأنشطة من عدد ساعات الأسبوع الكلية وهي 168 ساعة، لكي تعرف الساعات التي ينبغي لك تخصيصها للعمل الجاد والمذاكرة المركزة. الجدول التالي يبين تفاصيل يوم واحد فقط كمثال : الوقت المستغرق النشاط نوم أعمال منزلية روتينية أكل حياة اجتماعية التزامات عائلية تمرينات قراءات خاصة (بما في ذلك الجرائد والقصص الخ) مشاهدة التلفزيون مسليات أخرى هوايات التزامات شخصية (اهتمام بالملبس وبأشياء خاصة) أشياء أخرى أجمالي الوقت المستغرق الوقت المتبقي للعمل والمذاكرة = 24 ساعة - إجمالي الوقت المستغرق :: كن متأهباً للامتحان :: أولا: التغلب علي التوتر والقلق:- بعد أسابيع من بدل الجهاد والأجواء المشحونة يدخل بعض الطلبة الامتحان والخوف يملأهم لإحساسهم بأن الامتحان هو محاكمة ستقضي بإخراجهم من عالم الدراسة في حالة الفشل وهذا كله وهم , فالامتحان ما هو إلا تقييم لمدى معرفتك واستيعاب المادة. فما عليك إلا التقدم بثقة نظرا لقضائك فترة لا بأس بها في المراجعة وتنظيم المادة,كما أن جميع الامتحانات القصيرة طوال الفصل الدراسي لم تكن إ عداد للامتحان النهائي. ولهذا عليك أن تكون شاكرا للمدرس الذي يكثر من إ عطائك الاختبارات لأنه بالفعل يحاول تعليمك وتدريبك قبل الامتحان النهائي. فلا تدع للخوف أو التردد مجالا في نفسك لأنهما يقللان من جودة أدائك ويعطيانك الفرصة لإلقاء اللوم علي أمور أخري حين لا تجد الأداء فما عليك إلا الوصول بوقت كاف إلي مكان الامتحان ولا تتناقش في نقاط درستها مع الآخرين, بل تبادل حديثا وديا بعيدا عن قلق الامتحان استرخ لتبعد عن التوتر وتؤدي امتحانك بكل ثقة وثبات. ثانيا: استعد لما هو متوقع منك:- إن من أسباب انخفاض أداء الطلبة في الامتحانات هو عدم فهمهم لما هو متوقع منهم فإلي جانب الجهود والتركيز يجب عليك أن تستوعب التالي: الملخصات التي تعدها بطريقتك الخاصة لكل مقرر. نماذج حلول أسئلة الامتحانات السابقة. الكتب المقررة. التمارين التي قمت بحلها خلال الفصل الدراسي. بالإضافة إلي ما سبق توجد بعض القواعد الهامة التي تساعدك في إتقان استعدادك للامتحانات: حاول أن تستفيد من أخطائك في الاختبارات السابقة. حاول أن تستفيد من توجيهات المدرس لك. حاول أن تسأل الطلبة الذين حصلوا علي معدل أعلي منك عن طريقة إجابتهم للأسئلة . لا تهمل أداء واجباتك المدرسية حتى لو كانت بسيطة والدرجة المحددة لها صغيرة لأن كل درجة محسوبة لك أو عليك. ج- استعن بأحدث نماذج أسئلة الاختبارات حاول الحصول علي نسخ اختبارات آخر سنتين سابقتين لك ,إن حصلت علي أقدم من ذلك فلربما تضيع وقتك لأنك ستري نماذج قد تم تغييرها فنيا أو علميا. أنظر في الاختبارات السابقة لتتعرف علي الجوانب السابقة لتتعرف علي الجوانب التي غطيت في كل اختبار الأسئلة. حاول أن تجيب علي أسئلة الامتحانات السابقة كما لو كنت تؤدي امتحانا فعلا وتلتزم بتنسيق الإجابة والوقت المحدد لها . لا تركز فقط علي الموضوعات التي ترد باستمرار في الامتحانات السابقة فقد يحدث أن يغير المدرسة هذه الموضوعات. إن قانون أداء الامتحانات هو: " كن متأهبا "وذلك يعني أن تكون مستعدا لمادة الامتحان ونوعه, كما أن تكون أيضا مستعدا للإجابة . :: كيف تكون ناجحا متفوقا ً؟ :: هل تحضر جميع حصص المادة؟ هل تراجع كل ما يختص بالمادة بنفس اليوم؟ هل تطلب المساعدة عند الضرورة؟ هل تحضر للمادة؟ هل تراجع بانتظام؟ هل تقوم بعمل جميع الواجبات والتمارين وتسلمهم بالموعد المحدد؟ هل تأخذ التعليمات والنصائح التي يقدمها لك المدرس حول جهدك؟ هل تستجيب لتعليقات ونصائح مدرسك حول عملك ؟ هل تكرس وقتا كافيا لجميع جوانب المادة التي ستمتحن بها؟ هل تبذل جهدا كافيا؟ إذا كان الجواب ( نعم ) فأنت في مأمن من الرسوب. ماذا لو فشلت ! ! ؟ إذا فشلت في الامتحان، فلا تحاول إيجاد الأعذار والمبررات، ولا تلق باللوم على الآخرين ، بل تعرف على الخطأ ثم ضع الأمور في مسارها الصحيح عند الإعادة. لا تتسرع بل خذ إجازة راحة أولا ثم أنظر إلى موقفك وأعرف مكانك ووضعك ثانيا فربما تحتاج إلى أن تقوم برسم خطة دراسية جديدة. :: إرشادات عامة :: - أخي الطالب . . أختي الطالبة. . - نقدم لك إرشادات هي طريقك للنجاح بإذن الله. . 1) كن واثقا بنفسك واعتمد على نفسك أثناء المذاكرة. 2) هيئ لنفسك ظروفا صحية للدراسة كالمكان الهادئ المريح والمرتب على أن يكون ذا إضاءة كافية . ولا تذاكر وأنت مرهق . 3) رتب أدواتك المدرسية ووفر كل ما تحتاجه دون الحاجة إلى الاستعارة من الآخرين. 4) حدد وقتا للمذاكرة وابدأ على أن تنته بأسرع ما يمكن ، وأنة مذاكرتك في الوقت المحدد لها وذلك بوضع جدول للمذاكرة والتقيد به وإلا كنت متأخرا دائما. 5) زد من ثروتك اللغوية واستعن بالمكتبة وتعلم أن تسرع من قراءاتك بالتمرين والقراءة المكثفة لما يسليك ويمتعك. 6) سجل الملاحظات الضرورية والهام منها والتي تعتبر بمثابة مذكرات . 7) اسأل مدرسك وزملائك داخل وخارج الفصل ولا تخجل من الاعتراف بالجهل وتعلم ما هو جديد عن طريق الاستعانة بالكتب والناس والعالم من حولك. 8) ممارسة الأنشطة المختلفة تساعد وتعين على النجاح في الدراسة فطور اهتمامك خارج نطاق الدراسة. 9) تقبل الامتحانات على أنها وضعت لغرض معين وكن هادئ النفس مطمئن عند تأديتها |
يااااااااااااااااااااااااااااااااااااااااااااااااا اااااااااااااه
بس ده صعب تنفيذه اوى على العموم التوفيق مش بالمذاكره الكتير ده بالنيه وكله امر ربنا وانا هحاول امشى عليه |
اقتباس:
انا شايفة انك لو كلمتى اهلك هيفهموكى و بعدين كل ده بيعملوه عشان بيحبوكى وانتى عارفة كده كويس يبقى فين المشكلة قوليلهم ع مزعلك وربنا يوفقك |
اقتباس:
(حيجيله يومه :d) ودي حاجة منتشرة جداً ومش حاجة تزعلك ده برده اخوكي الصغير من ناحية عايزة يعاملوكي على إنك طفلة حظك كده لازم تشيلي جزء من مسؤولية البيت منتي الكبيرة بقى :d نعاملك احنا هنا على إنك صغيرة مش مشكلة :d من ناحية الشكر فدايماً حطي قدامك قاعدة "اعمل الخير وارميه في البحر" لما والدي بيجيبلنا العشا في البيت بناكله وخلاص لما والدتي تغسلي هدومي بلبسها وخلاص برده لما اروح انا اشتريلهم حاجة بيستخدموها وخلاص برده العرف السائد إنه كله بيخدم بعضه مش مستني كلمة شكر اي نعم هي بتشجع الواحد اكتر والكلام الروتيني ده بس العادي بتاعنا مش بنستنى كلمة شكر يعني إنتي بتخلقي مشاكل من لا شيء عارفة لو بصيتي على مشاكل الناس التانية فعلاً حتعرفي إننا بندلع بس مهما حصل الواحد مبيرضاش على حاله مهما كان مرضي ! |
سوري يا جماعه عندي امتحانات مهمه ومش عارف ادخل علي النت (بندح بقي )
يومين هخلص وابقي معاكوا |
يا جماعه انا والله بحسدكم بقي 5 مواد ومش عارفين تذاكروا....
انا والله والله العظيم مش عارف عندي كام ماده بس هاحاول اقولهم 1- نحو 2- صرف 3-بلاغه 4- ادب ونصوص 5-فقه 6- توحيد 7-تفسير 8- حديث 9-كيمياء 10-فيزياء 11-أحياء 12- e 13-قران14 -رياضه وبمتحن (جبر وهندسه فراغيه لواحدهم .. الميكا نيكا -الاستاتيكا والديناميكا - .............. يعني :stickjo4:15 ماده ومش عارف اذاكر ايه ولا ايه يعني انتم مفروض تقولوا (اللي يشوفوا مصيبته تهون عليه مصيبه غيره ) من كلامي أكيد عرفتم أني 3 ثانوي أزهر علمي ... ع فكره العلمي عندنا شامل يعني بأخد كل المواد ياريت دعواتكم والسلام عليكم |
السلام عليكم ورحمة الله وبركاته
انا مشكلتى انى مستوايا التعليمى متوسط ولما دخلت اولى ثانوى بدات العب ومش بذاكر وكل ماجى اذاكر وامسك الكتاب افتكر البنت اللى بحبها انا بحبها بقالى اربع سنين وبكلمها فى الموبايل وشاغله بالى جدا لحد دلوقتى انا شيلت ملحقين فى الترم الاول وجايب 60 من 132 يعنى احتمال اسقط انا خايف اسقط فى اولى ثانوى بجد مرعوووووووووب ياريت حد يقولى اعمل ايه انا ضعت خالص نفسى ابقى كويس واذاكر بس حاسس ان فات الاوان وانى هسقط مش عارف اعمل ايه مع انى فى الدرس ببقى بفهم المعلومه وبحل بس لما اروح واجى امسك الكتاب بيجى فى بالى حاجات كتييييييييير وافكر فى حاجات كتير وممكن اسيب الكتاب واقوم ومعنديش حد بيشجعنى على المذاكره ياريت حد يلحقنى ويقولى انجح ازاى والمشكله انى واخدها منازل فى اولى ثانوى يعنى مش معايا اعمال سنة يعنى احتمال كبير جدا اسقط يا جماعه ياريت حد يقولى اعمل ايه .؟.؟ |
اقتباس:
بص بلاش تشغل نفسك بيها كتير وافتكر ان اللى يطارد عصفورين مع بعض بيفقدهم هما الاتنين فخلى هدفك اولا المذاكرة وبعدين هى يعنى طالما مش لاقى حد يشجعك ع المذاكرة لما تذاكر وتلاقى نفسك راضى عن نفسك ابقى كلمها ولو لاء خالص اقفل الموبايل ووانت كمان بتذاكر خليك قافل الموبايل لان هى مش هتحبك ابدا لما تلاقيق مش شاطر أولاً - تحديد الهدف لماذا أتفوق؟ فيجب أن أتفوق لــ : أرضي ربي .. فالتفوق طاعة لله رب العالمين وأرضي أهلي .. فما أحب المتفوقة لأهلها وأرضي طموحي .. فما أقرب أن تنال المتفوقة حلمها، وما أعجز أن تحقق الكسولة هدفها فهيا نصنع مستقبلنا بتفوقنا ثانياً - معوقات التفوق السرحان الحلول: ابدأي المذاكرة بالصعب ارفعي صوتك ورددي بصوت مرتفع عدم الرغبة في المذاكرة الحلول: تذكري هدفك من المذاكرة تذكري يوم الامتحان .. ووضعك وسط زملائك وأهلك الملل الحلول: غيري شكل مكان المذاكرة كل فترة الترفيه عند الانتقال من مادة لأخرى النسيان الحلول: كرري حفظك، أكثِري من الكتابة لا تذاكري وأنتي مجهدة، واختاري وقتاً تكوني فيه مستريحة ثالثاً - هيأ نفسك معنوياً أفضل أوقات المذاكرة بعدصلاة الفجر، وبعد صلاة العصر، حيث يكون الجسم قد أخذ قسطاً من الراحة احرصي على رضا الوالدين .. فهو فعلا طريق السعادة تعلمي أن تتذلل لربك وتستعين به .. ووضوح نيتك في المذاكرة .. تجعلكي صاحبة همة عالية احذري صديقات السوء .. واجعلي صديقاتكي من المتفوقات .. صديقات الأخلاق العالية، فالمرء يُعرف بأصحابه رابعاً - الدعاء سلاح المؤمن فالدعاء .. هوالشي الفعال في علاقة المسلم بربه، وعندما تقولي يارب، يرد مولاك "لبيك عبدي" ، فأكثري من الدعاء والوقوف على باب مولاكي (وَإِذَاسَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ) (البقرة:186) قبل المذاكرة: "اللهم لاسهل إلا ماجعلته سهلا، وأنت تجعل الحزن إذا شئت سهلا" بعدالمذاكرة: اللهم إني استودعك إياه - أي ما ذاكرته - أمانة عندك، فرده إليّ وقت حاجتي إليه عندالنسيان: "اللهم ياجامع الناس ليوم لا ريب فيه .. اجمع عليّ إجابتي" خامساً - تذكريوم النتيجة فأسعد يوم في حياة الطالب يوم يجد نتيجته ناجح ومتفوق وأتعس يوم في حياة الطالب يوم يجد نتيجته راسب وله دور ثان من تعب وكد وسهر .. كان من الناجحين .. فما أسعده ومن ضيع وقته على المقاهي، وأمام التليفزيون وصحبةالسوء .. كان من الراسبين .. فما أتعسه والكل يسأل سؤال واحدا : ماذا فعل فلان؟ .. الأهل والأقارب والجيران والزملاء يسألون عنك .. ماذا كانت نتيجتك؟ |
الحب وسنينه
الحمد لله الواحد مقابلهوش كان زمانه بيحط مشكلته هنا :d ايه يا جماعة موضوع الحب اللى شغالين فيه ده وياريتكو بتوصلو في الآخر |
تيموووووووووووووو ايوة يعم دح دح هههههههههههههههههه عينى عليك باردة يعنى مش باردة اوى نص نص هع هع هع هع ...متجيش نحية الكمبيوتر يعم لغاية ما تخلص واحنا هنستناك يعم بس ركز ف اللى انتا فيه ربنا معاك يا رياسة
|
احمد من الكويت وربنا منا عارف ازعل على اللى انا فيه ولا ازعل عليك...........بجد وربنا انتا أغلب من الغلب ربنا معاك انا مش هقدر اقولك
نصيحة للمذاكرة لأنى مش عارف انصح نفسى بس كل اللى هقلهولك اعمل اللى تقدر عليه ونا ليا صحاب من ازهر بسم الله ماشاء الله ممتازين ربنا يزيدهم يا رب.......بالتوفيق يا احمد |
انا عندى مشكلة بجد مخليانى مرعوبة جداااااااااا
انا اتفصلت من المدرسة بس مجاليش جواب انا انا اتفصلت ولما روحت المدرسة اتفاجات انهم فصلونى بتاريخ 15/12 ومش راضيين يعملولى اعادة قيد ومش عارفة انا كدا هبقى منازل ولا هيبقة مصيرى ايه ؟؟؟ ياريت اللى عدى عليه مشكلة زى دى يقولى او حد اكبر منه حصوله كدا يقولى هوه عمل ايه علشان اعمل زيه |
اقتباس:
عادي جدا تبقي منازل وبتمتحني نفس الامتحان عادي خالص بس ممكن تمتحني ف مدرسه تانيه بس السؤال المهم انتي ف ثانيه ثانوي ولا تالته؟ |
ميرسى جدا على ردك
انا فى تانية ثانوى ايه الفرق لو كنت تانية او تالتة ؟؟ |
وبالتوفيق ليك يا لوفا
انا كان قصدي اقولك كده عشان اخفف عنك شويه :frown:عشان تحس ان في ناس بردوه كتير زي حالتك انت مش لواحدك يعني...:slap1qk6::039uw8: |
بصي لو كنتي ف تانيه ثانوي وبقيتي منازل هتبقي ف ثالته برضه منازل وتمتحني ف مدرسه تانيه
لو كنتي ف تانيه بتروحي عادي وتالته بس هيا اللي منازل بتمتحني مع مدرستك وزمايلك عادي جدا وف الحالتني يعني مش فارقه كتير خليكي منازل بس تفضلي ف البيت تذاكري كويس اوي وتجيبي مجموع كبير وتفرحيني |
انا عندي مشاكل كتير اوووووووووووي في حياتي بس دي اكتر حاجه تعباني ومضايقاني انا مكنتش بقتنع بحاجه اسمها حب وبعدين كنت نقلت في بيت جديد واول ما نقلنا كان قدامنا ولد اكبر مني وانا بصراحه اول ماشوفته حبيته من غير ما نتكلم خالص ولا كنت اعرفه وبعد اسبوع هو كلم اختي وقالها انه بيحبني وانه عايز يكلمني ولسه قدامه سنه وبعدين هيسافر ويرجع يخطبني انا رفضت في الاول ورجعت ضعفت ووافقت اكلمه وكنت بحس انه بيحبني بجد بس كانت المشكله انه عايز يشوفني بره اخرج معاه يعني وانا مقدرتش اعمل كده واخون الثقه اللي اهلي اعطوهاني وكنت بحس كتير بندم عشان يكلمه من ورا اهلي المهم وفضلنا نتكلم يجي7شهور علي الحال دا وبعدين فضل 3 شهور ميكلمنيش ولا اعرف حاجه عنه غير ساعات اشوفه في البلكونه ورجع كلمني وقالي انه كان مشغول وتاني مره قالي اني انا اللي جرحته واننا مش هينفع نكمل مع بعض وخلاص الموضوع دا من 8شهور وعرفت انه كان بيكدب عليا في سنه بس انا لسه بحبه ومش قادره انساه وهو قدامي ليل ونهار مش عارفه اعمل ايه بجد يا ريت تساعدوني انا بصلي وادعي ربنا اني اقدر انساه او يهديه ويحفظه ويجعله من نصيبي
|
تسمحيلى اقول رائيى..فالموضوع ده..ولو كان مش هيعجبك فبجد انا ولد وعارف اللى بيحصل ده واللى هوه عمله ..ببساطه انتى كنتى ليه مجرد لعبه....عجبتيه..فقال يتسلى شويه اهو منه تضييع وقت ومنه تسليه....والحمد لله انك عرفتى انه بيكدب عليكى..وعشان كده مخدش اى خطوه فعليه..قرايه فاتحه او حتى خطوبه....ولما لاقاكى بنت كويسه ومش عاوزه تخرجى معاه وكده ..زهق وافتعل اى مشكله عشان يحسسك انك انتى اللى غلطى وهو "يخلع" بس هو ده اللى حصل...اعرفى انه لو كان بيحبك بجد كان خاف عليكى بجد وعمره ماكان طلب تعملى حاجه من ورا اهلك...وهتلاقى كتيييييييير قدام زيه واحسن منه واسوأ منه...بس المهم تكونى اتعلمتى من تجربتك السابقه.....,..وهتنسيه هتنسيه.....وفيه طريقتين..ياما هتنسيه مع الوقت وكل ماهتشوفيه هتستحقريه...واما هتتالمى شويه ..وبعدين هتنسى كل ده ...وربنا يوفقك بحياتك ودراستك
|
وبما انه مافيش حد معندوش مشكله..وادام جيت هنا يبقى لازم احط مشكلتى
انا بقى تانيه ثانوى ..كيميا... والمشكله مشكله وقت ....يعنى بحس ان وقتى بيضيع اولا انا بشتغل.....وولاسف الشغل كله عليا انا ومينفعش اسيبه لانى هعطل المصنع كله لحد مارجع تانى...وبرضه مينفعش حد يمسك مكانى....ولو سيبته كده وانقطعت شوف بقى الكلام اياه والمسئوليه و و و و ....... ثانيا ..انا مقدرش اتخيل حياتى من غير انترنت...يعنى لو حتى ساعه فاليوم..اشوف اخر اخبار الشغل والعالم .. ثالثا .دلوقتى وقت المدارس ورجعونا تانى.."غصب" عننا وهنروح يعنى هنروح..يعنى 6 ساعات راحو فاليوم ليمكن ماده او مادتين بس اللى هيدخل مدرس عنده ضمير يشرح بيه.......والباقى.."قاعدين"........ رابعا....انا وافد فلسطينى...واعفونى من اللغه الاجنبيه الثانيه وخلصت من الموال ده والاوراق بتاعته...بس المشكله انا عاوز اعرف انا هعمل ايه فيوم امتحان الفرنساوى ده......وهل التنسيق هيبقى عادى ولا تنسيق خاص بالوافدين ... خامسا..انا طولت اوى اعذرونى بس مفيش مكان تانى اتكلم فيه...لكم ودى واحترامى وجزاكم الله كل خير |
جزاكم الله خيرا على الموضوع الهادف ده وربنا يوفقكم لمساعده الناس
|
بصوا ياجماعة انامشكلةكبيرة اوى وهى عدم الثقة بنفس هتموتنى بشوف نفسى على طول وحشة وغلط فى كل تصرفاتى وحاسة انى هموت قريب
|
لم اجيب بلامتحان
انا طالبه اولى ثانوى فى التيرم الاول كنت ببقى مذاكرة وعارفه الاسئله واجابتها اللى فى الامتحان ولكن فى الامتحان اقراء الاسئله وكانى اراها لاول مرة وبنفس الطريقه ضاعت منى اسئله كتير لم اجيبها وضاعت منى درجات كتير بس نجحت الحمد لله
لكن المشكله مش فى اولى ثانوى انا خايفه المشكله دى تتكرر فى تانيه وتالته ثانوى ارجوكم قولو لى ايه الحل بارك الله فيكم وعايزة كمان اعرف نظم وقتى واركز اكتر لانى نفسى ادخل كليه طب دعواتكم لى بالتوفيق وتحقيق املى وجعله فى ميزان حسناتكم |
محدش رد عليا ليه :angry2::angry2::angry2::angry2::angry2::angry2::a ngry2::angry2::angry2::angry2::angry2:
|
انا عندى مشطلة انى مش عارفة اذاكر من شهر ونص علشان انا تعبانه وخطر فى بالى انى ااجل ومش عارفه ده صح ولا غلط وانا قبل ما اتعب ذاكرت الامنهج وراجعته 3 مرات ودلوقتى لجى اراجع مش فكرة اى حاجة ارجوكم ساعدونى
|
اقتباس:
اسمحيلى يا سلمى ممكن ارد عليك انا كنت بحس نفس احساسك زمان اول ما اتعرضت للمشاكل زمان وفكرت فى الانتحار والاشتغالات دى كلها وكان من كتر ما قبلت غدر فى حياتى كنت بقول مش معقول كلهم غلط وانا اللى صح وشكيت فى نفسى لكن لما جيت احسبها فى دماغى الانسان مش المفروض يشوف نفسه صح على طول ولا يشوف نفسه غلط على طول فى الصح وفى الغلط انا ممكن ناس كتير يعارضونى فى الحته دى بس بتهيالى بعد تجربه ده الصح متحاوليش تيجى على نفسك وتظلميها لانها الحاجه الوحيده اللى هتفضل معاك لحد متموتى كله هيسيبك الا هيه مينفعش تسيبك لحظه وحكايه مفيش عندك ثقه فى نفسك لو انت اللى قلتيها يبقى هيا عندك لو حد تانى قلهالك يبقى برضه هيه عندك اقعدى مع نفسك واحسبيها |
فكرة الموضوع كويسة وممتازة لكن في بعض المشاكل والهموم محتاجة لدكتور نفساني بس يارات تستمر المشاركات في الموضوع
|
| جميع الأوقات بتوقيت GMT +2. الساعة الآن 10:52 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.