|
ازيكم يا جماعه وحشنى والله فينكم وفين الناس ايه ده هو رمضان صحيح اخد الناس والا ايه ازيك يا نور حمد لله على السلامه فينك من زمان ازيك يا بشمهندس رفاعى كويس والله انك لسه متابع يا ريت يا جماعه نتواصل تانى ونرجع اقوى من الاول سلام وكل سنه وانتم طيبين
|
بسم الله الرحمن الرحيم كل سنة وانتوا طيبين وإن شاء الله رمضان يكون عدى على خير علينا جميعاً كان عندي سؤال للبشمهندس الزعيم أنا ناوي إن شاء الله أدخل كهربا فحابب أستفسر منك عن القسم، لأن الصراحة واحد كان في آخر سنة اتصالات السنة دي كرهني في القسم وقاللي ماتدخلوش القسم مش كويس ومافيهوش معيدين وكده فياريت لو تقدر تفيدني في النقطة دي |
كل سنه وانتم طيبين ياجماعه
والله يسلمك ياياسمين وربنا يتقبل منا رمضان اللهم آمين ويارب التوبيك يرجع احسن من الاول |
انا ان شاء الله داخله هندسه وعايزه اعرف ايه القسم الافضل
|
اهلا بيكى يابشمهندسه ساره
هندسه كلها هتنور بوجودك بس استنينا شويه كده اما الناس تفوق من رمضان وان شاء الله هنجاوب على كل اسألتك ممكن تبصى على التوبيك من اوله وأكيد هتلاقى حاجات تفيدك وربنا يوفقك |
اقتباس:
|
وحضرتك طيب يا بشمهندس رفاعى وربنا يتقبل منا ومنكم جميعا يا رب والله رمضان كان ضيف خفيف خالص علينا وايامه كلها جميله الحمد لله
فعلا والله يا ريت نرجع نتفاعل نتانى حتى علشان ال لسه داخلين الكليه وكده يعنى ال عايز منهم حاجه ولا حاجه |
اقتباس:
|
السلام عليكم ورحمه الله وبركاته ازيكم يا بشمهندين ويا بشمهندسات ازيك يا ياسو عامله ايه ازيكم كلكم ازيك يا ساره هتنورى كليه الهندسه وجامعه الازهر كلها بس انتى ليه مستعجله اوى كده براحه شويه بس انتى خليكى ف اعدادى الاول وان شاء الله تخلصيها على خير واحنا كلنا على المنتدى معاكى واى حاجه تحتاجيها ان شاء الله نقدر نفيدك وتخلصيها على خير |
نسيت اقولكم كل سنه وانتم طيبين بمناسبه العيد وربنا يجله عيد سعيد على كل المسلمين ويتقبل رمضان منا ومنكم يالا سلام |
لا حظت ان كثير من الاخوة بيسئلونى عن قسم كهربا فقررت اعمل الموضوع فى صورة سؤال وجواب يمكن اقدر افيد اخواتى فى المنتدى س- ما هو أفضل الاقسام؟ السؤال ده غلط لان أفضل الاقسام عملية متفاوتة فقد يكون قسم افضل بالنسبة لشخص وفى نفس الوقت سيىء بالنسبة لشخص اخر. ولكن قد نسئل السؤال بطريقة أخرى س- كيف اختار القسم وخصوصا مع كثرة الاوقاويل؟ اختيار القسم امر مهم جدا ويحتاج الى تركيز واتخاذ قرار سليم ويوجد نوعين من الطلبة 1-طالب داخل هندسة علشان قسم معين فهذا لاتواجه مشكلة اختيار الاقسام 2-طالب زى حالتنا مكنتش متوقع هندسة بس ربنا قدر ودخلها ونجح فى اعدادى. وده نقول له النصايح الاتية أ-اختار القسم المناسب ليك .بمعنى ان كانت لك رغبة فى الرسم وتملك خيالا واسعا ولاحظت تفوقك فى مادة الرسم والوصفة ولم تكن محب للرياضة فيمكن ان تختار (ميكانيكا او عمارة او مد نى او تخطيط) ب-حاول ان تنظر الى الامام بالنسبة لك هل تعرف مجالا متاحا لك بعد النتهاء من الكلية .بمعنى قريب لك يمكنه مساعدتك بعد التخرج فحاول دخول القسم المناسب لهذا المجال ت-لا يوجد قسم سيىء او غير مرغوب يجب ان يكون بداخلك ان القسم الذى ستدخله هو افضل الاقسام س- ما هى مميزات قسم كهربا؟ قسم كهربا يحتل المرتبة الثانية وفى بعض الاحيان الاولى عن قسم بترول وتعديين وهذا وان دل فانما يدل على كثرة الراغبين فى القسم للاسباب التالية 1-مجال كهربا بعد التخرج مجال مفتوح ومع تطور اى بلد لا بد من تطوير قطاع الكهربا 2-بعض من الطلبة لايحبون الرسم لذالك يدخلون كهربا لان الرسم فيها ترم واحد فقط وهو رسم بسيط (مسامير) 3-سهولة المواد الدراسية نسبيا بالنسبة لميكانيكا ( ليس معنى هذا السهولة المطلقة) 4-يتم دراسة الرياضة سنتين فى القسم وليست رياضة صعبة س- ماهى المواد التى يتم دراستها فى القسم؟ اول سنتين فى القسم ليس لهم علاقة بكهربا شوية رياضة على مادة من مدنى ومادة من ميكانيكا ورسم ودوائر كهربية و 000 يمكن او ارتباط بالواق يكون فى سنة ثالثة ومن احد عيوب القسم او بمعنى اصح عيوب التعليم فى مصر ليس له علاقة بالواقع يمكن دى الاسئلة الشائعة اللى تذكرتها لو فيه حد عندو اسئلة ياريت يسئل ونقدر نخدم بعض معلومة مهمة موضوع الشغل والفلوس ده بايد ربنا بلاش تشغل نفسك بيه اعمل اللى عليك واختار الاصلح ليك واترك الامور للمولى عزوجل اتمنى ان الناس تستفاد وياريت لو حد عندو سؤال يسئل وانا هجاوب على قد معلوماتى |
جزاك الله خيرا
حمد لله على السلامه الاول كفاره ياراجل |
جزاك الله خيرا يابشمهندس الزعيم
ربنا يجعله في ميزان حسناتك وعايزين نتفاعل اكتر لو حد عنده معلومه عن تنسيق الاقسام السنه دي يقولنا وجزاكم الله خيرا |
رفاعى باشا هههههههههههه كفارة انت ياعم م. على اعتقد ان المفروض ورقى الاقسام اتعلقت والمفروض ان الجميع يكون عرف قسمه بجد الناس هنا وحشتنى ويلا الكل يستعد الدراسة هتبدا والتعب هيرجع تانى |
اه هتبدا
الواحد كان نايم واكل شارب لاعب خارج قاعد براحته جينا بقى للصحيان البدرى و المذاكره ههههههههههههه بفضفض مع نفسى |
تنسيق الاقسام امتي
لحد دلوقتي لسة مظهرش هندسة الازهر القاهرة ربنا يوفقنا جميعا وكل سنة وانتم طيبين بمناسبة عيد الفطر المبارك اعاده الله علي الامة الاسلامية بخير وجزاكم الله خيرا ياريت لو حد قريب علي الكلية يشوف لنا التنسيق بتاع الاقسام :slap1qk6::av4056bb7jp3::049gc0::028ja7: |
وانت طيب ياعلى ابو حجر
الحقيقه معرفش النسيق امتى بس هانت بعد العيد بقى وعليك خير واول اسبوع بيكون اسبوع التحويلات للى عايزين يحولوا وربنا يوفقنا كلنا يارب |
ازيكم جميعا وكل سنه وانتم بخير ويا رب يكون عيد سعيد عليكم وعلينا
حمد لله على السلامه يا بشمهندس جاد ايه بس ال زعلك مننا وخلاك تزعل مننا كده اكيد البشمهندس رفاعى ههههه بهزر طبعا حصل خير وشكر على المعلومات دى ايه يا بشمهندس رفاعى مالك كل ده من الدراسه لما انت تعمل كده امال ال لسه داخلين يعملو ايه ربنا معاهم ومعانا ومره تانيه كا سنه وانتم طيبين وما تنسوش العيديه بتاعى مش هتنازل عنها |
كل السنة والاخوة كلهم بخير انا مقدرش ازعل منكم لانكم اخواتى بس انتوا عارفين ان الوقت فى رمضان بيعدى بسرعة المهم الحياة هترجع تانى والدراسة هترجع مكدبش عليكم انا زهقت من موضوع الدراسة ده يارب تكون اخر سنة علشان انا خلاص فعلا جبت اخرى ادعوا ليا ياجماعة انا فعلا محتاج دوعاؤكم كل عام وانتم بخير |
كل سنه وانتم طيبيين ياجماعه
انا جيت متأخر بقى فين عيديتى:028ja7: مخدتش :040vk0: |
عيدية ايه ياعمى رفاعى ايه الطمع اللى انت فيه ده هو احنا لاقيين حد يقول لينا كل سنة وانتوا طيبين مش عارف انا عندى احساس غريب ياحج رفاعى البنات فى اليومين بتوع العيد بيتغيروا؟ انت فاهمنى ولا فاهمنى؟ انا ياعم حبست نفسى فى البيت ولا انت رايك ايه؟ |
كل سنه وانتوا طيبين وعيد سعيد عليكم ربنا يوفقكم ويكرمكم :) الدراسه هتبدئ شدوا حيلكم بئه ربنا يوفقكم :):) |
ههههههههههههههههههههههههههه
لو محدش قالهالك قولها انت لنفسك:p يابنى دول ظهروا فى رمضان بطريقه فظيعه والالوان بقى واقولكش عايزهم فى العيد يبقوا عاملين ازاى ياعنى انا كمان مخرجتش اتمشيت فى المنطقه بتاعتنا دى وخلاص على كده بس محبست نفسى يعنى ليييييييييييييييه يعنى بس هو الواحد كانت نفسه مقفوله اليومين دول :frown: او يانى زى متقول كنت مخنوق شويه ماعلينا محمد(o) وانت طيب ويارب يكون كان عيد سعيد عليك وربنا يوفقنا يارب |
السلام عليكم
انا عندي سؤال ياشباب بعد ظهور نتيجة الاقسام في القاهرة بيكون ممكن التحويل من القاهرة الي قنا وجزاكم الله خيرا |
السلام عليكم
انا سالى ان شاء الله داخلة هندسة القاهرة دى اول سنة ليا ممكن اعرف الدراسة فى الكلية حتبدأ امتى |
السلام عليكم
احلي سلام علي احلي بشمهندسات واجدع بشمودسين اقدم لكم نفسي انا البشمهندسه هبه ايه رايكم في المفجأه دي
|
ههههههههههههههههه ازيك اخيرا مبروووووووووووووووووووك كتير يا هبه يا رب تكونى اقتنعتى بهندسه والكليه هتنور بيكى انا كمان هكون معاكى فى نفس المبنى السنه دى لان اعدادى وكهربه فى نفس المبنى مبنى ميكانيكا بنين اشوفك هناك
|
ازيكم يا شباب ها استعدتو للدراسه من تانى يا رب تكون سنه سعيده عليكم وال نفسه فى حاجه يحققها انا الحمد لله جالى كهربه خلاص يا بشمهندس جاد بقينا زمل ههه
اهلا بيكى يا سالى منوره التوبيك وهتنورى الكليه ان شاء الله انا ياسمين معاكى فى الكليه قسم كهربه اى خدمه هتلاقينى ان شاء الله ومره تانيه اهلا بيكى |
مش عارف فيه حاجات غريبة مو فاهمها 1- dr.saly ازار دكتورة وانتى دخلتى هندسة القاهرة ! اعتقد مهندسة تبقى أفضل 2- مهندسة هبة سؤال صغنن بليز يعنى ايه ( بشمودسين) ده مصطلح هندسى جديد 3- انتوا سكنتوا مدينة خلاص ؟ دى تبقى كوسة اهلا اهلا بالزمل الجديد مهندسة ياسمين بس لازم تعملى اختبار الاول علشان تتاكدى من كهربا بصى هاتى سلكين كهربا وامسيكهم بحيث ميكونش بينك وبين الارض حائل وفيه احتمالين 1- انك تتكهربى وبالتالى اعرفى انك هتنفعى فى كهربا جدا 2- انك مش هتكهربى وكده اقدر اقولك للاسف الكلام ده من خبرات واقعية ومعملية اربع سنين فى كهربا يلا مبروك وربنا يوفق الجميع |
باركولى انا دخلت هندسه
|
الف مليون مبروك يا ساره هتنورى الكليه
|
ههههههههههههههه ماشى يا بشمهندس الزعيم كده انا اتاكدت انك مرحب بيه جدا فى القسم وادخل وانا مطمنه للدرجه دى عايز تخلص منى ماشى انا هشتكى للبشمهندس رفاعى وهو يتصرف معاك وكمان البنات الجدد ولا اقول البشمهندسات بقى خلاص. بس بمانك اكبر منى وفاهم يبقى لازم تورينى عملى التجربه دى يعنى تعملها ادامى علشان انا اجرب بعدها ولا ايه ههههه
صحيح هى الدراسه هتبدا يوم السبت ولا اطنش اول اسبوع مش عارفه افيدنى يا كبير |
اقتباس:
جزاكى الله خيرا يابشمهندسة ياسمين والكلية والله منورة بأهلها الى هم انتو طبعا ومبروك انك دخلتى قسم كهرباء وبالتوفيق باذن الله وان شاء الله نبقى زى الاخوات واكتر اتشرفت بمعرفتك والله |
ازيكم ياشباب يارب يكون عام سعيد واتمني للجميع النجاح
انا هدخل عمارة ان شاء الله |
ههههههههههههههههههه طيب بما انك الان اصبحتى بنت القسم فخلاص حاولى تظبطى التيار والجهدومقاومتك للاقسام الاخر على فكر انتى مش هتكهربى لان سلك الكهربا مش متوصل اصلا بمصدر بصى من ناحية المحاضرات فالقسم بناعنا بياخد شهر على ما يشتغل يعنى الشغل كله اخر الترم لكن حاولى تروحى ولو يوم وبعدين انتى ساكنة مدينة يعنى قاعدة مرتاحة روحى اتفسحى اليومين دول علشان تفصلى عن اعدادى ولو مروحتيش مفيش اى مشاكل نهائيا بالتوفيق ليكى ولكل المهندسات الجدد |
السلام عليكم....ايه اخباركم يا بشمهندسين الازهر
عذرا علي الانقطاع الفتره اللي فاتت...بس انا رجعت تاني وان شاء الله نقدر السنه دي نساعد مهندسين اعدادي عموما...تنسيق الاقسام عندنا نزل وهقولكم علي المفيد 1-البترول والتعدين 1198 يعني حوالي 70.4% ودا اعلي حاجه كالمتوقع 2-مدني 1138 يعني 67 % عليه اقبال كتير اوي السنه دي 3-كهربه 1054 يعني 62 % ودا نفسي مجموعي بالظبط بصراحه معرفش ترتيب الاقسام بعد كده ايه ... بس دول اعلي 3 اقسام والاقسام اللي بايقه اقل من كده طبعا ... اللي يهمني فيهم *نظم وحاسبات 949 يعني 55.8% والحمدلله دا القسم اللي انا كنت عايزه...وربنا وفقني ودخلته بس عندي استفسارين بعد اذنكم.... اولا:عايز اعرف لو واحد جايب اقل من قسم معين بدرجات قليله جدا يعني حوالي 9 درجات ... فطبعا مالحقش القسم بس لو فيه ناس حولت من القسم ده وبقي فيه اماكن فاضيه ممكن يعرف يحول ولا لأ؟؟؟ ثانيا:ياريت لو اي حد يعرف حاجه عن جدول نظم يفدني يعني اجازتنا ايام ايه واهم حاجه الدراسه عندنا هتبتدي امتي ان شاء الله وعلي فكره الاخوه المهندسين اللي دخلو مدني عندهم محاضره بكره الصبح ان شاء الله والسلام خير ختام |
الله الله الله
كده ياياسمين انتى وجاد هتعملوا قفله فى التوبيك ياريت ماتكلموش مع بعض لا السلوك تلمس ههههههههههه الف مليون مبروك لكل اللى دخلوا هندسه ومبروووووووووووووووووك ليكى ياياسمين عشان اتكهربتى ومبرووك لعلى ابو حجر العماره لانها للمواهب انا رحت النهارده وذى ما روحت زى ماجيت ومش رايح بكره وبتوع اعدادى الاسبوع اللى جاى مش الاسبوع ده وربنا يوفق الجميع وعاوزين ياجماعه نساعد بتوع اعدادى احسن من السنه اللى فاتت لان العدد كبر وماشاء الله المهندسين والمهندسات منورين هنا عاوزين التوبيك يرجع احسن من الاول اما بالنسبه للتحويلات انا اللى اعرفه انك لازم تجيب مجموع القسم اللى انت عاوز تخشه وتدفع 70 جنيييييييييييييييييه 70 جنيه عشان يشيلوا اسمك من الورقه دى يحطوها فى الورقه دى ماعلينا احنا فى مصر بشرط ان الكلام ده اول اسبوع وبعد كده مفيش تحويلات اما بالنسبه لموضوع الناس اللى حولت وممكن حد يدخل مكانهم حتى لو مجابش المجموع اعتقد ممكن بس انا مش متأكد روح وجرب واسأل الشؤون اللى عند عماره جرب يمكن اختم بقى بمبرووك للبشمهندسات ساره وهبه وسالى بس ياريت سالى دى تبقى eng بلاش dr مش عاوزين لخبطه وعايزين الهمه يابنات عشان اعدادى مش للعب وكل سنه وانتم طيبين |
انا رايح الكلية انهاردة ياشباب اشوف النظام ايه وهحاول اخلص ورق الاشتراك دعواتكم معايا |
كل سنه وانتوا طيبين انتوا بداتوا ولا ايه انا لسه انا مجبتش مجموع هندسه الازهر بسبب ظلم التصحيح بس دخلت هندسه خاصه ايه رايكم تفتكروا حاجه كويسه ولالا !! انفع ابقى وسطكم بقا :(:bosyht9: انا الصراحه خايف جدا ولسه مرحتش ومعرفش اى حاجه ولا هدرس ايه بالضبط مبروك الكهربا يا بشمهندسه ياسمين ع فكره يمكن ادخل كهربا ان شاء الله بس تعدى السنادى ع خير :( ومبروك العماره للبشمهندس على حجر ومبروك للفارس المتالق ع قسم نظم وحاسبات وللبشمهندسات الجدد( هبه وسالى وساره ) ربنا يجعله عام سعيد للجميع ربنا يوفقكم ياااااااااااااااارب |
اقتباس:
|
اقتباس:
اه طبعا مش هتكهرب مهو لازم تكون الدايره مغلقه مهو انا مش ميح للدرجه دى ان بحب الفيزياء برضو ههههه مدينه! مدينه مين؟ اصل انتم ما تعرفوش المهزله ال انا شوفتها دا والله كنت خلاص بغكر ما اروحش الجامعه دى خالص اصل ايه بتوع تالته ورابعه يدخلو مدينه بجيد لكن تانيه واولى يفوتو علينا بعدين اصل مفيش لينا اماكن ليه اصل فى وفد ليبى ووفد افريقى فى المدينه فمفيش اماكن لينا علشان نقعد احنا ولاد الازهر وولاد البلد لا. لكن الاغراب يتفضلو احنا نتمرمط وهم يتهننو والله انا خلاص هناك من الساعه 9 الصبح وكل شويه اولى وتانيه بعد الظهر وبعدين على ما نوصل للشباك يقولو جيد يفوتو علينا بعدين اصلنا رايحين نشترى لبن هههه والله حاجه تضحك حسبى الله ونعم الوكيل لما تكون انت وغيرك فى نفس الكليه ونفس التقدير وهم يدخلو وانت لا تعمل ايه عمركم شفتو تنسيق مدينه بينزل لبتوع تالته ورابعه وتنسيق لبتوع تانيه واولى عادى على رائ البشمهندس رفاعى احنا فى مصر والله ال بيحصل بيفكرنى ببيت شعر لشاعر جديد بيقول عشتنا متهانه واللقمه باهانه بتخلفينا ليه لما انتى كرهانا وحسبى الله ونعم الوكيل دى كفايه عليهم |
بالتوفيق للبشمهند الفارس المتالق فى قسم النظم كمان رشا لو تفتكرها دخلت نظم يعنى انتم الاتنين من الاول ونفسكم فيه والحمد لله دخلتوه يا رب يكون وشه حلو عليكم يا رب والف مبروك خلصنا من اعدادى عقبال ما نخلص من الكليه كلها ومن القاهره خالص علشان نرتاح
|
اقتباس:
|
اختم بقى بمبرووك للبشمهندسات ساره وهبه وسالى
بس ياريت سالى دى تبقى eng بلاش dr مش عاوزين لخبطه بصراحة يابشمهندس انا كتبت dr عشان انا نفسى احضر دكتوراره فى الهندسة مش اكتر وعادى يعنى مفيش مشكلة نكتب eng المرة الى جاية :bosyht9: |
بصى ياسمين لو عايزة تمشى فى كهربا انسى عمارة خالص.اوك انا هقولك على حاجة من ضمن المهازل فى تسكين المدينة عندنا اصلا فى سنة اولى وتانية التكسين بيكون من جيد جدا وانا اترميت برة سنتين علشان تقديرى كان جيد والكليات الشريعة واللى مفيش فيها حضور تلاقيهم ساكنة مدينة متخليش الواحد يتكلم انتى لسه هتشوفى مستوى التعليم فى مصر ازاى ما علينا |
والله يابشمهندسة سالى فكرتينى بنفسى قبل ما ادخل اعدادى هندسة كنت بقول انى هبقى دكتور فى هندسة و.... بس الحمد لله انا راضى بالنجاح هههههههههههههههههه قضية التقديرات انا من رائيى انها قضية نسبية انا مثلا السنوات اللى فاتت كنت متوقع تقدير عالى وكنت بجيب جيد السنة دى خفت اروح اجيب النتجية وجبت جيدجدا وبنسة كويسة كمان ربنا معاكى يابشمهندسة ولو احتاجتى حاجة اخواتك هنا فى المنتدى |
مش عارف انهاردة حصلت ليا حاجة غريبة ياجماعة روحت الجامعة علشان اخلص ورقة الاشتراك وطبعا مخلصتهاش المهم لقيت زمايلى بيتصلوا ان فيه دكتور وصل روحت احضر المحاضرة طبعا العدد قليل خالص الدكتور يدوب اتكلم ربع ساعة وانا هموت وانام كل ما يتكلم عايز انام اكتر والمشكلة العدد قليل يعنى هيشوفنى وانا حاسس انو بيتكلم فى حاجات غريبة اووىمش عارف عندى احساس انى مش هقدر اكمل معاه محاضرة كاملة ربنا يستر وحكاية النوم دى متبقاش مستمرة الحمد لله اتفقنا معاه يبدا الاسبوع الجاى وينسانا الاسبوع ده انا بكتب دلوقتى وانا بنام هههههههههههههههههه انا خايف تاناموا وانتوا بتقرؤا كلامى بجد اجمل حاجة فى الدنيا تلاتة النوووووووووووووووووووووووم |
هههههههههههههههههههههههههههههههههههههههههههههههههه ههههههههههههههههههههههههههه
انا كنت هموت من الضحك من اخر مشاركه للبشمهندس الزعيم انا نمت خلااااااااااااااص وطبعا انا دخلت تعدين كالمتوقع حمدا لله وبشره خير من الناس اللى حوليا ان فى مناجم دهب مكتشفه قريب فى مصر ياعنى ان شاء الله هنلاقى شغل يامسهل يارب مين عارف مش يمكن الخير هنا ويابشمهندسه ياسمييييييييييين انتى فى مصر بلد الديمقراطيه مش كده برضه ياريت متنسيش الحته دى كل اما تلاقى قدامك مصيبه من المصايب اللى بنشوفها تقريبا يوميا افتكرى انك فى مصر ويابشمهندسه دكتوره سالى ربنا يعينك والله الطموح ده حاجه كويسه جدا وانا مش هاقول اكتر من ربنا يعينك حاولى بس ياريت تغيريها برضه مش عايزين لخبطه وللبشمهندس محمد(o) كل شئ نصيب وبجد معلش والله ياعنى لو ليك طموح عالى لهندسه وشايف نفسك هتبقى حاجه فيها مفيش اى مشاكل بس الخاصه الشغل بيبصلها نظره مش ولا بد شويه بس مجرد ماتشعبط فى اى شغل محدش هايسأل هو معاه ايه ولا خريج ايه وخاصه اما تاخد خبره هتبقى زيك زى اى حد انت امسك شغل فى ايدك بس وربنا يسهل وبعد كده ان شاء الله خلاص وياحبيبى انت وسطنا من غير اى حاجه وتنورنا وتشرفنا كمان وكل شئ نصيب معلش |
بسم الله الرحمن الرحيم حتى هنا كمان هشام الجخ موجود !! :) ................... كهربا إن شاء الله تكون سنة كويسة وتعدي على خير |
اقتباس:
فعلا كل واحد بياخد الى كاتبهوله ربنا وعسى ان تكرهوا شيئا وهو خير لكم ربنا يوفقك |
| جميع الأوقات بتوقيت GMT +2. الساعة الآن 06:17 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.