والمشكله اللى عندك دى تحمدى ربك عليها يا بسنت.........غيرك ايديه بتعرق لما بيتوتر وبيبهدل الدنيا.......واعصابة بتسيب...... وورقه الاجابة بتتبهدل........يعنى بيشوف سواد.......بتبقى ايديه لوحدها عقبه........يعنى استحمل التوتر دة واحمدى ربنا......غيرك اديه بتبقى ناقص تغسل الورقه........ودة مش ذنبه......يعنى نصبر باه اهى سنه وتفووووت......وبكرة نقول توووووووت.....انا بقيت دكتور يا كتكووووت

اعلان دعاية فاشل عن كريازى:p "زى الاعلانات اللى بتبقى موجودة ف اول كل صفحه"

رغى بدون لزمة
و ده كتكوت مسلوع:p:p:022yb4::022yb4:
تلاجات ايه و كتاكيت ايه بس يا بنتى انتى كنتى شربة بريل قبل ما تكتبى المشاركات الطلاسم دى:slap1qk6:
خير الكلام ما قل و دل و الحقيقة البنت كانت بتسأل سؤال بسيط و انتى ما شاء الله رديتى ف 3 مشاركات و قولتلها مواصفات التلاجه اللى عندك احنا مالنا بقى:p

بريل:mad: .......... لا شاربه بيبسى............وبعدين انا بكلم بسنت ايه دخلك فى النص.........وعلى فكرة انت جرحتنى بكلامك دة........لان انا بعانى من اللى كتبته.........ولو كنت مش شايفه مهم.........انا شايفاه كده ........يعنى الحمد لله ربنا يعنى واستحمله باه.........واسفه لو ازعجتك:(

واظن انى مش اجرمت لما كتبت المشاركت دى يا اخ احمد.......انا حاولت اخد الموضوع حبه هزار.......ونقدر نحله...مش قلبتها اعلانات........يعنى لان معظم البنات بتعانى منه........يكون دة جزائى تريقه......اوك شكرا

طيب أنا هقولك الحل واللي أنا كنت بعمله :)
طبيعي الواحد يبقا قلقان .. حتى لو كان في امتحان رخصة قيادة :d دي هي النفس البشرية
لكن يبقا قلقان بشكل طبيعي بحيث يحفزه على المذاكرة ويحس بالمسئولية
انما حكاية برود الأعصاب أنا أقصد بيها أن الواحد يعني ما يقلقش كتير أنا شوفت واحد كان بياخد أكتر من درس خصوصي في الفيزياء وفي الأخر محصلة مذاكرته من المادة كانت قليلة لأنه كان متوتر حتى في ايام الامتحانات كان بيروح هنا وهناك ويجيب مذكرات أساتذة تانيين وياخد درس هنا وهنا وجرايد وملخصات وفي الأخر أنتو عارفين النتيجة

يعني باختصار الواحد يبقا هادي ويحس بالمسئولية ويحاسب نفسه ... وكمان يكافئ نفسه كل ما يخلص درس كبير أو صعب من مادة لأن ده هيعطيه طاقة ايجابية :)
بس مش لحد التراخي

دي نصائح عشان الواحد ما يبقاش قلقان في الامتحان (أنا طبقت أغلبها وفي نصائح تعلمتها بنفسي)

1- أوعا تقرأ الأسئلة كلها، اقرأ السؤال اللي أنت هتجاوبه دلوقتي لأن لو نقطة كانت صعبة شوية هتشغلك عن باقي الإمتحان ومش هتحل كويس
يعني في العربي ابدأ بسؤال التعبير الوظيفي ثم الابداعي أو ممكن تسيبه للأخر لو انت عايز ، لما تدخل على سؤال القصة خد نظرة سريعة على القطعتين واختار الأسهل بعد كده تدخل على سؤال القراءة تعمل نفس الكلام ، وبعدين الصفحة التانية تدخل على سؤال الأدب بتحله وبعدين البلاغة والنصوص والنحو
وكذلك الحال في باقي المواد ، يعني ما تبصش على اسئلة السؤال الجاي أبدًا
وحكاية الوقت اتكلمت عليها

2- في يوم ليلة الامتحان صلي الفروض اللي عليك لأن ده هيعطيك طاقة ايجابية زي ما سمعت عن الدكتور مصطفى محمود

3- أوعا تذاكر المنهج كله ليلة الامتحان لكن ذاكره قبلها عادي :) ويوم ليلة الامتحان بتذاكر الحاجات اللي انت شايفها صعبة أو بتغلط فيها كتير وأوعا تحل امتحانات تجريبية في ليلة الامتحان لأن ده هيأثر على نفسيتك وياريت ما نعتمدش على التوقعات والكلام ده

4- لما تقابل صحابك أوعا تتكلم معاهم عن المذاكرة أو ما تذاكرش معاهم لأن لكل واحد فينا محصلته وكل واحد معاهم مقدار من الأفكار الصعبة

5- مهم جدا جدا جدا ..أنك تنام بدري وأوعا تعمل زي حد بيصحا للفجر وبيراجع الصبح بدري
واصحا الصبح براحتك لأن الامتحان هيكون الساعة 9 يعني لازم تاخد حقك من النوم (8 ساعات)

6- بعد الامتحان روح على بيتكم على طول وإياك إياك تراجع الامتحان مع حد إذا كان استاذ أو طالب زيك، لأن طبعًا كلنا بنغلط حتى لوغلطة بسيطة ممكن تأثر على نفسيتك للامتحانات الجاية
امال تعمل ايه عشان تتأكد انك حليت صح ؟
أقولك أنا
لما تروح البيت بتجيب ورقة وبتحل الامتحان زي ماحليته في ورقة الاجابة بس باختصار يعني :d وتخلي الورقة دي معاك لحد ما الامتحانات كلها تخلص ، وبعدين دور على الانترنت على نموذج الاجابة الرسمي بتاع الوزارة أو اسأل مدرس المادة عليه أو ادي الورقة دي للأستاذ وهو هيصححها بنفسه
انا عن نفسي توقعت هجيب 98% قبل ماتظهر النتيجة والحمد لله :)

ياجماعة بلاش الأفكار السلبية دي أنتم حتى لسه مادخلتوش في السنة :)
وباختم بمقطع حلو على اليوتيوب

www[dot]youtube[dot]com/watch?v=LS03SDk7M30
استبدل [dot] بـ .

نصايح جميلة و الفيديو اجمل
جزاك الله كل خير :)

انا مصدقاك فى كل دة.........لان اخواتى كانو بيعملو كده.......واكيد هعمل كده .........وشكرا على النصايح دى وربنا يوفقك يااااااااااااااااااااااااااا رب فى حياتك :)

انا مش عارفة ادخل على الفيديو ممكن تحط اللنك تانى :)

واتي طيبه =)
كلامك يشجع والله
بس بلاش خناق بالله عليكي
داحنا بتكلم عن البرود حتي
=)

فكرة حلوة اوى ياريت نكمل للاخر

اوك هسكت عشان خاطرك يا بسنت....... وعشان مش هتخانق وانا صايمه

ان شاء الله هتكمل بنهايه جميله وكل واحد فينا فى الكلية اللى يتمناها قولى يااااااا رب:friendsxs3: