|
اقتباس:
بس بالنسبه لان كلام زمايلنا بيحيب احباط ..لا انا شايفه انه المفروض يشجعنا ويحفذنا اكتر مش يجيب احباط المفروض نتحدي نفسنا اننا نقدر نسبقهم ونبقي احسن منهم .....ولا ايه؟ |
شكرا ع النصائح الرائعه دى يا جماعه
|
اقتباس:
فيقولو اما احنا مذاكرناش حاجه عشان تهدى ف المذاكرة عندك او لما مثلا يكون درس صعب و انت مذاكره يقولو يا عم ده انا قريت الدرس بس و حليت سؤالين و تلاقيه عارف كل نقطه ف الدرس اما فى اصحاب هبل يكون كل هدفه انه يخلص و خلاص فيقولك انا ذاكرت و هو مكروت اصلا و ده بتكون نيته صافيه بس قولت عليه اهبل لأنه ممكن يجيب لنفسه الحسد ع الفاضى ارجو ان تكونى فهمتى اللى عايز اقوله:rolleyes: |
اقتباس:
بس هو كان بيتكلم عن ناس بتقول ذاكرت نص منهج كذا و4 نصوص وحاجات تشجع انك تبقي زيهم مش تجيب احباط انا كلامي علي النوع دا اللي انت بتقول عليه "اهبل" اما التانيين انا اعرف ازاي اعمل نفسي مش سمعاهم و عارفه انهم شاطرين في الكدب من زماااااااان |
بس انتى فعلا عندك حق لأن ممكن صاحبى يقولى انا خلصت اسئله الدرس ده فاروح البيت و احاول اعمل زيه حتى لو كان مستواه اقل منى بس ده بيحفزنى و حصل معايا الموضوع ده السنه اللى فاتت و قابلت النوعين صحيح النوع الشرير اثر عليا فى بعض المواد مش كلها بس بردو ف الاخر زعلت انى مشيت وراهم:bosyht9:
|
اقتباس:
و بقينا بنقولهم في وشهم انهم كدابين ومخلصين المناهج ومبيعرفوش يردو علينا خلاص كدبهم بقي مكشوف |
اقتباس:
|
لا خلاص بقي كفايه عك لعند كدا
زكر بقي وسيبك منهم يدخلو هندسه يدخلو تجارة ميدخلوش حاجه اصلا ملكش دعوه بيهم خلي كل واحد يقول اللي هو عايزه |
اقتباس:
هى ممكن تكون حاجة بتشجع بس فى نفس الوقت ممكن تبقى حاجة ضارة..ان الواحد يحاول يخلص اكتر دى حاجة حلوة....بس برضه الواحد فينا لما يكون مستغرب ازاى واحد زميله مخلص حاجات كتيرة ممكن علشان يبقى زيه يكروت فى المذاكرة علشان يبقى زيهم علشان ميسمعش من كلامهم المحبط يعنى مثلا انا كنت من النوع اللى كنت ببذل مجهود جامد بس مش بخلص زى الجماعة اللى باخد معاهم درس فلما يسألونى خلصت ايه انهاردة؟ اقلهم كذا وكذا وكذا بس..يروح واحد يقوللى : حرام عليك ياخى انت كنت بتضيع وقت؟ ده انا خلصت كذا وكذا وكذا وكذا وكذا ....الخ . هو ده الضرر اللى بتكلم عليه :) |
اقتباس:
وفي الاول او في الاخر لما تكروت بتبقي بتضحك علي نفسك مش عليهم لان انت بتبقي عارف انك مش مذاكرهم بجد عموما الف مبروك عليك نتيجة تعبك وربنا يبعد عننا كل واحد قاصده يحبطنا |
بصوا ياجماعة المذاكرة مش بالكم ولا بالوقت الكتير والدح كل واحد ليه طريقته يعنى فيه واحد يحب يذاكر بالورقة والقلم واحد تانى لا كل واحد ليه طريقته
فيه ناس تحب تقعد تذاكر الدرس وتحفظه من اول مرة مش تقرأه قراية عابرة مرة الاول أنا عن نفسى من النوع ايلى يجب يقرأ الدرس الدرس مرة قراية جرايد ده بيسهل المذاكرة اوى وبيخليك تاخد وقت أقل وياريت مش تشدوا اوى فى الاول عشان نفسيتكم وبلاش توتر والنبى لان التوتر ممكن يضيعكم اهم حاجة هدوء الاعصاب بس تذاكروا وتشدوا فى الاخر اهم حاجة المراجعة ايلى فى الاخر والله انا ما ذاكرت طول السنة جيت اخر 3 اسابيع قسمت المواد وحليت والحمد لله جبت 98.3 وبالتوفيق ان شاء الله :) |
حلوة فكرة الموضوع وربنا يوفق الجميع
طبعا ثالثة ثانوي محتاجة مجهود جامد ولازم انك تكون مدرك انك في سنة مصيرية في طلبة بيبقوا واخدنها بجد وفي غيرهم واخدها هزار بس المفروض ان السنة دي تتاخد جد لأن انت مش فيها لوحدك انت تقريبا داخل بعيلتك فعيب قوي لما ناس بتعمل كل اللي عليها عشان ترضيك ومترفضلكش طلب وانت مش فارق معاك حاجة وفيه فرق كبير بين واحد عمل اللي عليه بس ربنا اراته ان الطالب ده ميجبش مجموع كبير وبين واحد تاني واخدها لعب ومش فارقة معاه والمهم يعدي وخلاص وانا شايفة ان انت لو معندكش طموح لحاجة وهدفك هو انك تفشل فبلاش تؤذي اللي حواليك وتخيب آمالهم واقعد في بيتكوا احسن انا بزعل اوي لما اشوف طلبة بتاخد دروس كتير ومبتزاكرش ده بجد حراااااام وفي الآخر مش كل الناس زي بعضها من تجربتي في الثانوية العامة احب اقول كام حاجة: 1-ابعد عن اي صاحب ممكن يعطلك عن المذاكرة لان ده كده لا عارف مصلحته ولا مصلحتك 2-مرجعك هو كتاب المدرسة ومتسمعش كلام اي حد يقولك ده مش مهم بالعكس ده فيه اسئلة بتيجي منه بالنص 3-اي مدرس يختصر ويقولك ده مهم وده متذاكرهوش سيبه وامشي لان ده شغل ابتدائي مفيش الكلام ده في ثانويه عامة 4--حل كتير وفي اكتر من كتاب ووانت بتذاكر خلي جمبك ورقة تكتب فيها اي حاجة عايز تسأل عنها أو مش فاهمها عشان المدرس يشرحها ليك بعد كده 5-انك تاخد اكتر من درس في مادة واحدة ده تضييع وقت لان في فترة هتيجي عليك مش هتلاحق تذاكر ايه ولا ايه ومش هتلاقي وقت 6-(رحم الله امرئا عرف قدر نفسه)المفروض تبقى عارف قدراتك متبقاش ضعيف في الرياضة وتخش علمي رياضة ده اسمه هبل أنا في تانية ثانوي دخلت علمي علوم مرتحتش فصليت استخارة ودخلت ادبي والحمد لله جبت 97.56 7-بالنسبة لطريقة المذاكرة فدي بتختلف من شخص للتاني والوقت كمان ففيه طالب ممكن يذاكر عشر ساعات عشان يستوعب درس معين في حين ان ممكن طالب تاني يستوعب الدرس ده في نصف الوقت فده مش معناه كروته بس الموضوع نسبي ودي قدرات 8-وعن تجربة في الانجليزي احب انصحكوا بحاجة احفظوا كلمات على قد ما تقدروا لان الامتحان معتمد على حصيلتك من الكلمات الخارجية وده واضح في التعبير اللي بتكتبوا والترجمة والقطعتين ولو انتوا دخلتوا على قسم الانجليزي في المنتدى هتلاقوا الاساتذه حطين كلمات مهمة للترجمة صدقوني هتفيدوا جدا والله ومتغطوش على نفسكوا ولو عايزين تبدأوا من دلوقتي ابدأوا على خفيف احفظوا كل يوم كلمتين او تلاتة من كلمات الترجمة وحلوا مثلا قطعتين للترجمة واحدة عربي والتانية انجليزي هتلاقي نفسك ان شاء الله على اخر السنة perfect وفوق كده هتلاقي حصيلة كلمات عندك هتساعدك جدا في كتابة ال paragraph انا اسفة على الاطالة بس حبيت أساعد وربنا يوفق الجميع |
اقتباس:
نصايح قيمة ومش تعتذرى ع الاطاله لان الكلام دا فعلا مهم بس ممكن سؤال بما أنك خلصتى ! عاوز انزل اشترى ملخصات ومش عارف اشترى ايه ؟؟ بما انك مجربه تنصحى بأيه ؟؟ |
اقتباس:
انت قصدك ملخصات بالنسبة لايه بالضبط معلش يا ريت بس توضحلي؟؟ |
ربنا يوفقكوا جميعا
انا كنت ثانوية عامة الدفعة اللى قبلكوا |
| جميع الأوقات بتوقيت GMT +2. الساعة الآن 05:42 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.