|
بصوا يا جدعان محدش يشد جامد من الأول بس برضه ما تقعدش تلعب وتسيب المذاكرة تماماً .. وياريت لو تقدر تلعب اى رياضة او تنزل Gym الحكاية دى هتساعدك قوى ... بالتوفيق ان شاء الله
|
اقتباس:
|
اقتباس:
|
اقتباس:
و على فكره انا فتحت بعد اذان العشاء بربع ساعه و اهو فاتح دلوقتى و مفيش حد يعنى انا ملتزم |
انا هناااااااااااااااااااااااااااااااا
|
عملتى بالجدول؟
|
اقتباس:
يعني العداء لايستهلك كل طاقته أول السباق لكن يزيد من جريه كلما اقترب من خط النهاية واللبيب بالإشارة يفهم :) |
اقتباس:
الواحد فعلا لازم يعمل كده |
اقتباس:
العفو بالنسبة للمجموع فانا الحمد لله جبت 98.05% وربنا يكرمك طبعا بأعلى من كده. بالنسبة للنصايح بقى ..هما شوية نصايح غالبا مفيش غيرهم. 1- اولا المذاكرة اولا بأول وان الواحد يعمل اللى عليه علشان يرضى ضميره وكل واحد بتكون ليه طريقته فى المذاكرة يعنى محدش يقول هو انا المفروض اذاكر ازاى؟ :) 2- لازم يكون عندك ثقة كبيرة ان ربنا مش بيضيع تعب حد وان ربنا بيختار الصالح لكل واحد وده عن تجربة فعلا ...فممكن حد يغلط كتير ويجيب درجة حلوة فى الامتحان او يقفل..عادى. اهم حاجتين بقى هما 3و4و5 اللى جايين ودول صراحة اهم من كل اللى قلته علشان دول فعلا اللى ضرونى 3- محدش يبص لغيره ذاكر ايه وخلص ايه؟ يعنى مثلا تكونى فى يوم مخلصة فصل قصة فى العربى وشوية انجليزى وفصل فيزياء بس....وتسألى واحدة صاحبتك تقولك انا خلصت انهاردة 4 نصوص ونص منهج الفيزياء ونص الكيمياء وباب احياء و6 وحدات انجليزى فتقولى لنفسك؟ كل ده؟؟؟؟؟؟؟ انا كده حفشل.. مش شرط ابدا مقدار اللى الواحد بيخلصه فى اليوم...اهم حاجة الواحد بيبذل مجهود وبيعمل اللى عليه وانا كانت مذاكرتى بطييييييييييييييئة جدااااااااااااااااااااااااااااااااااااااااااااا واللى ضرنى فعلا انى كنت اسأل زمايلى خلصت ايه انهاردة او حليت كام كتاب؟ ولما الاقيهم حالين ومذاكرين اكتر منى يصيبنى احباط شديد وبتوتر وده غلط 4- نيجى بقى للنقطة المهمة دى ...الامتحانات ...بالنسبة للامتحانات مش حتيجى معقدة..دى خلاص بقت قاعدة اساسية فى النظام االجديد ...الافكار اللى بتيجى فى الامتحان بتيحى فى صورة سؤال بسيط ..بيفتكر الواحد انه سهل ولكن لما يحله بيلاقى الاجابة مش جاية فى حين انه لو كان ركز شوية كان حيجيبها.. علشان كده لازم البعد عن التوتر فده حيقضى على التركيز اللى بيساعد الطالب اللى اقل من المتوسط انه يجيب الفكرة بتاعت السؤال لأنها بتكون بسيطة ودى برضه نقطة ضرتنى وبعدين ليه التوتر اصلا طالما الواحد عمل اللى عليه؟ 5- فى الدفعة بتاعتى كان فيه مجموعة من الطلبة اقل وصف ليهم هو العباقرة..الطلبة دول كنت اول مااشوفهم اقول لنفسى ده ياريتنى مادخلت ثانوى عام...انا اروح فين جنب العلماء دول؟؟؟؟؟ التفكير ده مكنش مجرد غلط....ده جرييييييييييييييييمة بحد ذاتها لأن ده كان مخلينى افقد الأمل وده خطر جدا...بس الللى اكتشفته بعد النتيجة ان ثانوية عامة مختلفة تماما عن باقى السنين...وكانت فيه مفاجأت فى الدرجات لأنى لقيت ناس جايبة درجات عالية مكنتش اتوقع منها ده وناس من العمالقة اللى قلت عليهم مجاميعهم نازلة فالموضوع بيختلف تماما اخر حاجة واسف للأطالة بقى ...ثانوية عامة اسهل بكتير من اولى وتانية ثانوى |
شكراااااااااااااااااااااااا اووووووووووى لنصايح حضرتك الرائعة بجد حضرتك جبت الخلاصة لان فعلا ده اللى بيحصل
وفعلا موضوع السوال اللى بيبقى بسيط اوووووووووووووى ونتيجة التوتر بتحله غلط ودى اكتر حاجة بتضايق لان الواحد داخل الامتحان وبيبقى فى باله ان الافكار هتيجى صعبة وانه لازم يتعامل معاها على كده مع ان الموضوع بيبقى بسيط وانا وقعت فى حاجات من دى كتير بس بجد اتعلمت منها اووووووووووووووووى وكمان موضوع التوتر الشديد والاحباط والكلام اللى بيجى من الاصحاب ده فعلا ياريت نبعد عنهم ونحاول نغير الموضوع لو اتكلموا فيه وياريت لا نسالهم ولا هما يسالونا لانهم بيبقوا هدفهم انهم يحطمونا بكلامهم وربنا معانا وهو فى الاول والاخر نصيب |
اقتباس:
اى خدمة :) |
نصائح رائعه يا دكتور
اقتباس:
ممكن يا دكتور تقلنا حضرتك كنت جايب أيه كتب خارجيه فى كل المواد ويريت بالتفصيل الممل |
اقتباس:
تمام ..بالنسبة للكتب الخارجية فى العربى كنت بذاكر من ورق الاستاذ بس كنت بكمل الجزئيات الناقصة من كتاب الاضواء..فعلا لو عاوز كتاب تذاكر منه يبقى من كتاب الاضواء بس ماعدا الادب اللى لو حبيت تقراه يبقى تقراه من كتاب المدرسة (كقرائة) وتحفظ اسئلة الاستاذ..كتدريبات بقى كنت جايب كتاب الامتحان بس مخلصتهوش كله وكان معايا كتاب المعلم فيه امتحانات الثانوية العامة السابقة فى الانجليزى اشتغلت مع المستر فى كتاب سيربرايز شرح وبعدين كتاب ذا بست مراجعة نهائية يعنى مش كتير...بس انا كنت بحل فى ذا بست شرح مع نفسى وببص على الاجابات من على ملف كنت منزله من على النت روحت جبت 49 امتحان من عمل مدرس تانى وحليتهم وكنت مصور اجاباتهم علشان اصحح لنفسى فى الفرنساوى كنت شغال عند مدرس بس سبته لانه كان بيغيب كتير ده حتى بسبب كده ملحقتش اخلص كتاب برافو الشرح وبعدين روحت عند مدرس جديد خلص معانا المنهج وجبنا برافو مراجعة نهائية عامل تمارين مكثفة جدا وفى الاخر بقى فيه 39 امتحان حلينا فيهم مع المستر 30 وكان جاى ملحق مع الكتاب فيه 24 امتحان ثانوية عامة سابقى ..يعنى حاجة فخيمة :d فى الكيمياء جبت كتاب الامتحان وحليت فيه شويات بسيطة جدا..اصلا الاستاذ بتاعنا ربنا يخليه كان مش مخلينا محتاجين كتب فيها وكان دايما يقولنا كتاب الامتحان ده اسمه كتاب التعبان :d لأن اغلب اسألته غير واقعية علشان كده وقفت الحل فيه. والحمد لله جبت فى الكيمياء 60 ...بس طبعا ده ميمنعش انك تجيب كتب خارجية وده بيرجع للمدرس وانا شخصيا ارشحلك كتاب الوسام ده كتاب رائع وكنت نادم انى محليتش فيه . فى الفيزياء جبت كتاب الامتحان بس وبعدين جبت كتاب الماسى 70 امتحان سنوات سابقة ده غير مذكرة المستر اللى كان فيها حاجات كويسة ده غير دليل التقويم وكتاب المدرسة طبعا فى الاحياء انا كتاب الامتحان ولو لحقت تخلص جيب كتاب نفيس شرح وبيكون معاه بنك اسئلة هو ده اللى مطلوب(انا عن نفسى مجبتهوش بس هو خطير) وبعدين فى المراجعة جيب ورقة النفيس الامتحانية وبكده تضمن النهائية فى الأحياء . فى الجيولوجيا انا جبت كتاب الامتحان والامتحان مراجعة نهائية....وهى غالبا مادة بتعتمد على الحفظ مش على كتر الحل لأنها سريعة التبخر ..وحليت شوية من دليل التقويم وكتاب المدرسة كله. وعلى فكرة مش شرط تخلص كتب كتير انت طالما عملت اللى عليك يبقى كده تمام حتى لو خلصت نص كتاب بس اهم حاجة الواحد يذاكر ويشتغل بضمير لأن خلى بالك انتو حيبقى عندكو 7 مواد وده بالتأكيد حيقلل من وقتك اللى كنت ممكن تديه لكل مادة ايام ماكان النظام 5 مواد بس والامتحانات مش محتاجة حل كتير قد ماهى محتاجة تركيز وعدم توتر يارب اكون افدتك :) |
اقتباس:
اقتباس:
|
اقتباس:
اوك هعمل بيها حاضر:) |
| جميع الأوقات بتوقيت GMT +2. الساعة الآن 06:10 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.