بالنسبة للأزهر أنا لست مؤهلا للرد على اوائل الازهر فلا تنتظروا مني إجابة وقد أعلنت ذلك كثيرا يا إخواني ..

بالنسبة لأي مكان لم يسلم العمل للأوائل فيجب أولا اتاكد من أن الخطاب بالكشوف وصل للمكان وفي حالةوصوله يجب تقديم شكوى للتنظيم والإدارة بالقاهرة ..

بالنسبة لاستلام العمل القرار يوم 22 يناير ..

بالنسبة لتظلمات تنفع في نفس اليوم ولو حظك حلو هتخلصي الموضوع كمان في نفس اليوم وتبدلي جوابك ..

الله يبارك فى عمر حضرتك
جزاكى الله خيراااااااااااااا
انا بفضل الله خريجة كلية تربية وترتيبى ال17
ومكتوبلى اخصائى تدريس
فالكل بيرجح انى اكون مدرسة ثانوى لانى قسم علم نفس
اما بالنسبة للتوزيع فده الحاجة الوحيده اللى قالقانى لان لسه التوزيع شويه
كل فترة والتانية هنزل المديرية واسال ان شاء الله
والى حد قولهم معى بانهم بيحاولوا يوزعونا حسب الموقع الجغرافى
بحيث اتوزع على اقرب مدرسة من منزلى
شكرا يا حبيبتى على اهتمامك وسؤالك
جزاكى اله خيراااا

دكتور عبد الرحمن .....شكرا على اهتمام حضرتك و ردك على اسئلتنا و جزاك الله الف خير ....... بس معلش يا دكتور انا محتاجة توضيح اكتر من حضرتك فيما يخص العمل كمدرسة و العمل كادارية فى التربية و التعليم ... ما هو الافضل بينهم و الفروق بينهم....... معلش يا دكتور انا معنديش اى خبرة فى مجال العمل و عايزة نصيحة حضرتك ما الفرق بينهم و ما هو الافضل من جميع الجوانب...... احنا بنثق فى حضرتك يا دكتور عبد الرحمن
ولو سمحت يا دكتور هل لو عملت تظلم و طلبت العمل كادارية فى الجامعة هل يقبلوه.......و انا السادسة على الكلية
شكرااا

لوسمحت يادكتور انا كنت 8 على الكليه وانا خريجه تربيه لكنى لما مليت الرغبات كتبت محافظه تانيه اللى انا متجوزة فيها وكان ترتيبى على الكليه فى المحافظه دى الاولى فهيتم توزيعى ازاى
ثانيا
انا بشتغل حاليا مدرسه ونفسى اشتغل عمل ادارى هل ينفع بالجامعه ان اعمل تظلم لو جانى مدرسه
لان المدرسه اللى باعمل بيها بعيده عن محل سكنى

انا من رايي تقبل اهو اى وظيفة فى الحكومة وخلاص
احسن من اللى قاعد فى البيت من 8 سنوات
الا اذا كان عندك وظيفة احسن ممكن ترفض فى الحالة دى
ولو عايز تعمل تظلم استنى لما يوم التظلمات يفتح
بس انا رايى قول حااااااااااااااااااااااااااااااااضر وخلاص

يا جماعة يا ريت كل الى استلموا جواباتهم يعرفونا جالهم ايه

لو عايز تكون مدرس هيغيروا لك الجواب عادي

دكتور عبد الرحمن ........ نرجو من حضرتك الرد على اسئلتنا و كلها اسئلة مهمة و عايزين نعرف اجابتها ارجوك ........ من فضلك يا دكتور ترد علينا
مشرف تغذية فى الصحة .....افضل ولا مدرس بالتربية والتعليم .......وما هى مميزات كل منهما وما هى العيوب؟

السلام عليكم
الدكتور الفاضل العظيم دكتور عبد الرحمن يعجز الكلام عن اعطاؤك حقك من الكلام ...............
لاول مرة اوجه لحضرتك سؤال فارجو التكرم والرد عليه
انا من اوائل تربية الزقازيق واستلام الجواب يوم9/1فهل من الممكن زوجى يستلمه بدلا منى واذا لم يصح فهل يصح فى يوم السبت لان اليوم ده صعب جداااااااااااا على
برجااااااااااااء الرد للاهمية ولسيادتكم جزيل الشكر

دكتور عبدالرحمن بعد اذن حضرتك ليا سؤال

هو لو جالي جواب مدرسه هانتعين علي معلم ولا معلم مساعد انا سامعه انو تثبيت علي معلم مساعد هل ده صحيح
طب انا دلوقتي معلم مساعد بقالي سنتين وفيه ناس سمعوا من النحاس اني الاساسي بتاع الاوائل 160 مش هايقل عن175

طب لو جالي جواب مدرسه مثلا هابدأ من الصفر تاني مع ا ن الاساسي دلوقتي اكتر من كده وكمان انا معلم مساعد بقالي سنيتن وان شاء الله هاتثبت السنه دي
يعني دلوقتي لو جالي الجوا ب للمدرسه اقدمو وامشي ف الاجراءات ولا وضعي دلوقتي افضل

ياريت بعد اذن حضرتك قولي اعمل ايه انا هاستلم ان شاء الله يوم 9/1

دكتور عبدالرحمن لو سمحت انا بسال حضرتك بخصوص العشرين مكرر لانى كان ميعاد الاستلام يوم 2\1 وروحت ولم اجد اسمى ولما طلعت للدكتور النحاس وقلتله انى رقم عشرين مكرر وماتعينتش وخمسة من زمايلى نفس نستى كده اتعينوا وانا لا فقط لانى اسمى بحرف السين وعشان كده اصبحت عشرين مكرر قالى انهم بعتوا لمجلس الوزراء بخصوص المشكلة دى لان فى كتير ناس فى العشرين مكرر ومتظلمين وقالى انهم مستنين رده فهل حضرتك تعرف حاجة عن انهم ردوا عليهم ولا لا؟وانا قدمت تظلم والموظفين رفضوا يديونا صيغة تظلم او كعب للتظلم.. فسؤالى لو اتظلم ده معملش حاجة ورفعت قضية هل ممكن تنجح مع العلم ان خمسة نفس نسبتى ومنهم اتنين نفس مجموعى بالضبط اتعينوا؟وارجو نصيحة حضرتك فى الخطوات اللى مفروض اعملها؟

يا استاذه سما سامى رجاءا الانضمام الى جروب الاوائل المكررين فى كشوفات العشرين لهم حق فى التعيين وفعلا الكلام اللى قلتيه صح بس ان شاء الله احنا رايحيين يوم 11/1 الجهاز فى القاهرة وهنطالب بحقوقنا وياريت تكونى معانا وعلى فكرة فيه معانا على الجروب اخوات من كلية التربية جامعة طنطا نفس حالتك وان شاء الله خير

http://www.facebook.com/groups/34142...group_activity

هتتعيني معلم مساعد .. وانت دلوقت أفضل طبعا يعني مش هيقدم ولا يأخر ..

قدميه للإدارة واعلميهم بأنك على قيدهمفإذا لم يكونوا خصصوا لك درجة مالية حتى الآن يخصصولك الدرجة بتاعت التعيين الجديد ..


يا أخت أسماء أنا لست عظيما ولا أتكلم انتظارا لهذا .. إنما ارغب في دعوة منكم عن ظاهر الغيب ..

إدي لزوجك بطاقتك وهيستلم لك عااااادي جدا ..

هل الافضل العمل كمدرسة ام العمل كادارية فى التربية و التعليم........ ارجوكم افيدونى من فضلكم و جزاكم الله كل خير؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لو سمحت يا دكتور انا خريجه اداب وثائق ومكتبات وحاصله علي ماجستير وجواب الترشيح مكتوب فيه مدرس ماده مساعد بجامعه اسيوط
ما معني مدرس مساعد ؟؟؟؟ ووظيفتي ف الجامعه هتكون عملها ايه؟؟؟؟
وما الفرق بينها وبين اخصائي وثائق ومكتبات؟؟
ولك جزيل الشكر

مافيش أخبار عن إستلام الأول والثاني معيدين بجامعة الأزهر
بالله عليكم أفيدونا بالجديد
حيث أنني خارج البلاد
وقدمت أوراق المرحلتين
وبانتظار
خطاب الإستلااااااااااام

استاذ اياد للاسف وضع خريجي الازهر لا يسر احد .. حسبي الله ونعم الوكيل ...
ربنا ييسر الامور يارب

السلام عليكم

إلى الدكتور عبد الرحمن الفاضل ارجو منك تفسير بعض الاسئلة :

1- أنا حاليا أعمل بعقد مؤقت وإن شاء المولى عز وجل سوف استلم الجواب يوم 10 -1 وانا بعدها نوية علطول أخلي طرفي من المكان اللي أنا فيه لان حاصل معي مشاكل كتير مع المدير بتاعي وظلمني كتير اوي فهل هذا سيؤثر على العمل الحكومي اللي هياتي يعني هو لازم اكمل الرقم التأميني من الوظيفة دي الى الوظيفة دي يعنى لازم أفضل في الوظيفة المؤقته دي لحد ما استلم العمل في المكان الجديد عشان انا متأمن علي والله يا دكتور ا نا مش عارفة أوضح اللي انا عايزة اقوله إزاي .

قصدي اقول هل لو خليت الطرف بتاعي من المكان القديم وقعد مثلا في البيت حوالي شهر ثم استلمت العمل هيكون الوضع ايه .

2- هل ميعاد 22-1 هو ميعاد ثابت لإستلام العمل لكل الأوائل ولا الموضوع هيطول زي ما هما عمالين يقولوا على الفيس بوك .

3- آخر سؤال معلش يا دكتور لو جالي اعمل في وظيفة إدارية وانا مش عايزاها وعايزة أطلب أكون مدرسة ممكن هما يحولوا الجواب بتاعي يومها يعني في نفس اليوم لو انا عملت تظلم .

معلش يا دكتور عبد الرحمن انا تعبتك كتير من كتر اسئلتي واستفساراتي كتير بس والله عشمي كتير في حضرتك لأنك والله كنت بتريحنا كتير من حوالي سنة واحنا كنا صابرين .

انا معى ماجستير كلية علوم وجالى باحث بجهاز شئون البيئة بمحافظة المنيا هلى الوظيفة دى كويسه وايه التمييز ايلى فيها عشان الماجستير

[quote=د.عبدالرحمن المنياوي;4204319]هتتعيني معلم مساعد .. وانت دلوقت أفضل طبعا يعني مش هيقدم ولا يأخر ..

قدميه للإدارة واعلميهم بأنك على قيدهمفإذا لم يكونوا خصصوا لك درجة مالية حتى الآن يخصصولك الدرجة بتاعت التعيين الجديد ..


شكرا جدا لرد حضرتك علي سؤال وربنا يجازيك خير

بس هو ينفع اني اتثبت علي معلم مساعد وافضل زي منا ماشيه في السنه التالته
انا دلوقتي عقد معلم مساعد

[quote=د.عبدالرحمن المنياوي;4204319]هتتعيني معلم مساعد .. وانت دلوقت أفضل طبعا يعني مش هيقدم ولا يأخر ..

قدميه للإدارة واعلميهم بأنك على قيدهمفإذا لم يكونوا خصصوا لك درجة مالية حتى الآن يخصصولك الدرجة بتاعت التعيين الجديد ..


شكرا جدا لرد حضرتك علي سؤالي وربنا يجازيك خير

هو ينفع اني اتثبت علي معلم مساعد وافضل زي منا في السنه التالته
انا دلوقتي عقد معلم مساعد

يا دكتور لو سمحت أنا الثالثة على الشعبة والسادسة على الكلية وجالى أخصائى تدريس ممكن أعمل تظلم للعمل كأدارية فى الجامعة ولو عملته هيقابل بالقبول أم بالرفض ولو عملته أعمله عن طريق البريد وأيه الصيغة

سؤال هام للدكتور عبدالرحمن
المرة دى السؤال مش خاص بية
لى زميل تم تثبيته للعمل بمعهد ازهرى منذ ثلاثة ايام
1- هل يكون اسمه ضمن الاوائل
2- اذا كان له اسم ماذا يفعل بعد استلامه للخطاب هل يقوم بتقديم استقالته من العمل ام ينتظر لحين قبول جهة التعيين لاوراقه
3- وما هو الحل بخصوص رقم التامين الذى سيطلبوه منه
معلهش يا دكتور استحلفك بالله تقولى هو المفروض يعمل ايه بالظبط علما بانه خريج تربية عام

دكتور عبد الرحمن ........ نرجو من حضرتك الرد على اسئلتنا ..... من فضلك يا دكتور
مشرف تغذية فى الصحة .....افضل ولا مدرس بالتربية والتعليم .......وما هى مميزات كل منهما وما هى العيوب؟

لو الموظفين ماشوه عادي لكن لو غلسوا هتحتاجي فعلا توكيل رسمي


ماتخافش التأمين لا يلغي التعيين خليه مكانه لغاية مايجي استلام التعيين وبعدين يخلي طرفه



[quote=معلم مساعد 2011;4205649]
نعم هتتثبتي وتضمي الأقدمية عادي

معلش يا جماعة اللي بيسألني عن مشرف تغذية بالصحة طيب أنا أعرف منين الصحة .. بس اللي أعرفه إن اول مرتب فيها هيكون 630 جنيه يعني التربية والتعليم أحسن طبعا ..

ويا جماعة انا قلت أكتر من مرة الناس تعمل تظلم أما هيتم الموافقة عليه أم لا انا مش صفوت النحاس .. معرفش النتيجة !!

السبت عمل بالتنظيم الرئيسي بالقاهرة ..

شئون البيئة ممتازة طبعا ..

يادكتور عبد الرحمن أستعين بالله ثمبك وأستنجد بالله ثم بك أنا خلاص أستلمت الجواب أخصائى تدريس ثالث معنى كدة أنا رياض أطفال هاشتغل فى حضانة وأنا كنت عايزة أشتغل شغل أدارى فى أى حتة بعيد عن الحضانات أعمل تظلم عن طريق البريد ولا أعمل أأية مع العلم أنى رقم ستة وساوونى برقم عشرين وساوونى بكل الشعبة

لو سمحت يا دكتور انا خريجه اداب وثائق ومكتبات وحاصله علي ماجستير وجواب الترشيح مكتوب فيه مدرس ماده مساعد بجامعه اسيوط
ما معني مدرس مساعد ؟؟؟؟ ووظيفتي ف الجامعه هتكون عملها ايه؟؟؟؟
وما الفرق بينها وبين اخصائي وثائق ومكتبات؟؟
ولك جزيل الشكر

الإستلام بتوكيل ؟؟
 

اضمها ازاي يادكتور اعمل ايه علشان اضمها

معلش يا دكتور عبد الرحمن هو حضرتك ليه ما بتردش على اسئلتي ليه ارجو منك الرد

لو سمحت يا دكتور واحده صاحبتى جالها اخصائى تدريس فى مدريه التربيه والتعليم وهى خريجه تربيه لغه عرييه
ينفع لو جتلها مدرسه ثانوي تحول منها ولا كل واحد هيلتزم بالمدرسه اللي هتجيله؟؟؟

إلي د / عبد الرحمن المنياوي
 

السلام عليكم أعضاء المنتدي الكرام
وأخص بالتحية دكتور عبد الرحمن المنياوي
الحمد لله جالي زي ما انتا قولتلي قبل كدا وجالي تعييني في الضرائب
ولكن عايز أسأل حضرتك سؤال بما أنك علي علم بدرجة كبيرة بشئون المعلم المساعد
أنا دلوقتي معلم مساعد بقالي حوالي 4 شهور بالأجر وسنتين و5 شهور معلم مساعد يعني الإجمالي 3 سنوات وشهر أنا دلوقتي إن شاء الله لما أستلم هحتاج أضم الفترة دية كويس فهل هتنضم ولا لأه .
ولو هتنضم ، حضرتك عارف إن المعلم المساعد ببتخصم منه التأمينات ولكن لا يوجد له رقم تأميني فإيه العمل ؟
أخذ دلوقتي ورقة من الإدارة تثبت عملي لهذه المدة ولا أروح أخليهم يطلعولي رقم تأميني تبع التربية والتعليم ... أنا بصراحة مش عارف !!!!
أرجو من حضرتك الرد علي هذا التساؤل ضرور حتي يتثني لي التصرف لو كان الحل الحصول من الإدارة علي ما يفيد العمل هذه المدة ، وحضرتك أنا معايا ماجستير ياترا دوة يزود المرتب كام .. أرجو الإفادة
ولسيادتكم وافر التحية .
ووفقكم الله لما يحبه ويرضاه ، وجزاك الله خيرًا عن جميع أعضاء المنتدي
والسلام عليكم ورحمة الله وبركاته

شوف انت المده اللي هتضمها فقط هي منذ بداية التعاقد المميز ..
ودي بقى فيه استمارة اسمها 103 تقريبا في ملف التعيين اللي بتشتريه ودي تكتب مده خدمتك وتمضيها وتختمها من الإدارة وتروح شغلك الجديد تحطهافي الملف ..
الماجستير بيزود 100جنيه ..





أنا مش هاقدر أحمك مكانك لكن يا اختي والله أنا أعلم أنه لايمكن لموظف أن يدرس بالجامعة حتى لو كان موظف بنفس الكلية .. ده لو كانوا هيوزعوكي من الأساس على كليتك .. يعني ممكن تلاقي روحك خريجة آداب وتتوزعي على كلية هندسة إدارية .. قوليلي بقى هتدرسي إيه ؟!!!
بس أعتقد إن الموظفين عندك بيخمنوا وبس .. انت كنتي في الكلية .. شفتي قبل كده موظف شئون الطلبة مثلا دخل إدالكم محاضرة؟! والا مشئول رعاية الشباب جه مكان الدكتور يسليكوا وياخد أعمال السنة؟!!
أمال المعيدين والمدرسين المساعدين لزمتهم إيه؟!!!!!

انت من يقرر الفرق .. لكن إذا كنتي تعتقدي أن تعيينك في الجامعة ميزته أنك ستصبحين محاضرة للطلاب فهذا الكلام للتوضيح ..

تعينك بالجامعة ميزته المكان المريح نفسيا عن المدرسة والبهدلة .. لكن في نفس الوقت أعتقد لو تم اعتماد تعديل قانون كادر المعلم سيكون الأمر ناريا وغير مقارن ..

لو سمحت يا دكتور انا خريجه اداب وثائق ومكتبات وحاصله علي ماجستير وجواب الترشيح مكتوب فيه مدرس ماده مساعد بجامعه اسيوط
ما معني مدرس مساعد ؟؟؟؟ ووظيفتي ف الجامعه هتكون عملها ايه؟؟؟؟
وما الفرق بينها وبين اخصائي وثائق ومكتبات؟؟
ولك جزيل الشكر

بسم الله الرحمن الرحيميا جماعة مشكلتى هى نفس مشكلة الأخت فاطمة الزهراء و محدش رد عليها !!!المشكلة : انا متأمن عليا فى شغلى اللى انا فيه دلوقت انا قطاع خاص يعنى ليا رقم تأمينى , طب دلوقت ايه الخطوات اللى مطلوب منى أعملها بالظبط و هل التثبيت على طول يعنى هيتأمن عليا بمجرد استلامى العمل ولا بعد فترة , طب و لو الناس اللى فى شغلى الخاص ده ماطلوا و ملحقتش أخلص الرقم ده -لإنه اعتقد ان لازم مندوب الشركة هو اللى يفك تأمينى مش انا بنفسى - هل هيبقى فى مشكل ساعتها فى استلام الشغل الحكومى ولا ايه ؟؟؟جزا الله من يرد خير الجزاء .

يعني يادكتور عبد الرحمن لما نكتب مده الخدمه اللي اشتغلناها معلم مساعد في استماره 103
هاتنضم لينا تلقائي ولا لازم عن طريق المحكمه

الحمد لله المعطى الكريم الوهاب
 

باركولى انا هموت من الفرحة اخويا لسه طالع دلوقتى من الجهاز وبيقولى جت وظيفة اخصائى شئون تعليم فى الجامعة الحمدلله انى نفدت من التربية والتعليم رغم انه هيبقى المرتب فيها 1500 بس يغور,هههههه


انا التانية على الكلية بعد استبعاد اتنين من المعيدين,تخصصى تربية لغة عربية ودراسات اسلامية امتياز مع مرتبة الشرف والاولى على القسم 2009


شكرا ياد.عبد الرحمن على الكلام القيم اللى كتبته فى صفحة 320 واللى رجعلى الامل وفوقنى من الاكتئاب
اللى كان مسيطر على,وسؤالى لحضرتك مرتب الجامعة كام


مبروك للكل ربنا يفرحكوا ,لازم نسجد سجدة شكر لله

هروح اعمل الغدا عشان جوزى ميقولش من اولها اهمال ف البيت ,سلام مؤقت.

دكتور عبد الرحمن انا زعلانة منك جدا عشان انا نفسي ترد علي المرة دي وانا بعتلك السؤال مرتين والله انا عارفة اني انا رخمة شوية بس والله ده عشمنا فيك وكله بثوابه والله في عون العبد ما دام العبد في عون اخيه .

يا ريت يا جماعة تدعولي انا رايحه يوم الثلاثاء استلم ربنا يستر ويسهل ومبروك لجميع الأوائل اللي استلموا واللي لسه هيستلموا .

لو سمحتوا مرتب المعيد كام للاهميه

من فضلك د عبد الرحمن انا حاصلة على جيد جدا مع مرتبة الشرف +حاصلة على درجة الماجستير وترتيبي 21 هل ينفع اقدم ضمن تعيينات اوائل الخريجين حيث انني سمعت ان بعض الحاصلين عللى جيد جدا قدموا بالرغم من انهم مش من الاوائل