عايز امتحانات الترم الاول
 

ياريت اى حد يكلمنى يكون فى اولى بيولوجى ومعاه اى ماده من دول يقدر يفيدنى بيها عشان انا بجد ضااااااااااااااايع كيميا واحد او نبات واحد او رياضه واحد او حيوان اتنين

و عليكم السلام
اولا
لكل بيولوجى
محاضرة د. عمر الأخيرة فى الحيوان بكرة ان شاء الله الجمعة الساعة 2:30 بمدرج 5 و طبعا مش محتاجة اقولكم انها اهم محاضرة
كمان حنعرف فيها الأقسام و ان شاء الله اهم نقاط المنهج

مبدئيا
تم الغاء جزء ال Protozoa

و ان شاء الله بعد لما احضر اقول لحضرتك اهم الحاجات اللى اتقالت

ايه ده
المحاضره بقت الساعه 2 ونص
هي مش كانت 10
متاكده؟؟؟؟؟؟؟

ايوة متأكدة
فيه ورقة اتعلقت مكتوب عليها ان محاضرة د. عمر يوم الجمعة 2:30 بدلا من 10:30
و د. احمد مختار و د. داليا قالولنا امبارح ان محاضرة د. عمر مهمة اوى يوم الجمعة و قالزلنا انها الساعة 2:30

الورق متعلق فى الكلية
انتى مقريتيهوش ازاى؟

سلام عليكم..
ايه يا جماعة فينكوا..محدش بيرد؟!
عملتوا ايه في باقي العملي؟
حد فيكوا سلم الاستمارة بتاعت الرغبات؟...اصل انا خايف افضل مخليها معايا و انا لسه بفكر يطلع في معاد لتسليمها.
(هو رقم التسجيل اللي هو في ورقة زرقة اللي خدناه يوم التسجيل في اول الترم؟..و الرقم الجامعي اللي هو الرقم الكبير ده حوالي سبع ارقام؟).
l0vely girl و 3olom alex اهباركوا ايه في الفيزياء العملي و الكومبيوتر العملي؟
و يا ترى استقريتوا على اخر كلام في الرغبات؟
سلام..

hi ...how r u every one ??
استمارة الرغبات ممكن نسلمها في اول ايام الامتحانات ... يوم امتحان الكيمياء او البحته .. و الافضل منتأخرش عن كده .. هو مفيش يوم محدد لتسليمها .. ولو في حد اتأخر مثلا و جابها بعدين هيقولوا خلاص ماينفعش ناخدها !! اكيد لأه .... و غالبا هكتب اول حاجه كيمياء و بعدين فيزيا تاني رغبه ..لسه لغاية دلوقتي مش عارفه ... الرقم الجامعي بيتهيألي هو رقم الجلوس الجديد (بس عايزة اتأكد ) و رقم التسجيل ده معرفش قصدهم بتاع ايه ؟!! هبقى اسأل الشؤون .. بس ياريت لو حد يعرف يبقى يقولنا
امتحانات العملي كانت حلوة (فيزيا و برمجه ) ..جاتلي في الفيزياء تجربه الـــ watch glass
سلام

i'm fine thanks .. how r u
ممكن اعرف انتي معدلك كام(GPA) و مسجلة مواد اختيارية ايه؟
رقم التسجيل بيتهأيلي هو الرقم اللي خدناه لما سلمنا ملف التسجيل في اول الترم .. ورقة زرقة كده بس مش متأكد.
برمجة لو تقصدي الفورتران فعلا مش بطالة خصوصا اننا كنا حاسين اناا مش فاهمين حاجة و كنا قلقانين نشيلها.
الفيزياء العملي انا برضه جتلي watch glass
هي رخمة شوية بس انا شياف اني عملتها صح..الدكتور قال نكتب السؤال في اظهر الورقة و اللي مش هيكتب هينقص..انا شايف ان ده هبل .. كنت ناوي اكتبها بس انشغالي بالتجربة و اني قعدت لاخر الوقت خلاني انسى ربنا يستر و يطلع الكلام ده هجص.
سلام..

الحمد لله
انا جتلى فى الفيزيا تجربة ال surface tension

بالنسبة لاستمارة الرغبات انا حخليها معايا لغاية ما استقر ان شاء الله
دة مستقبل مش حاجة بسيطة
و الشؤؤن مش حيقولوا حاجة لو تاخرت هما حيعوزوها فإيه دلوقتى

ادعولنا بقى انا و هنووووود علشان عندنا امتحان ال pratical botany النهردة
و طبعا اكيد اللى حتى مش بيولوجى بيسمعوا عن النبات و غلاسته
المهم
ادعولنا بقى

بالنسبة لمحاضرة د. عمر
اولا
كانت من امتع و اهم المحاضرات فعلا

و ده اللى قاله عن الامتحان النهائى

4 اسئلة اجبارى كل سؤال مقسوم a,b,c كل وحدة 5 درجات يعنى كل سؤال 15 درجة يبقى الامتحان كله 60 درجة
+ 10 midterm اللى احنا امتحناه
+ 30 pratical
اللى منهم 5 امتحان العظم
و 25 امتحان الاخير دة

اهم الحاجات اللى نأكد عليها

, Ascaris
life cycles:toenia,fasiola
alternation of generation in cnidaria (obelia)
medusa in Aurelia

compare between: flame cell in plathelminthes & nephridia in Annelida
Strobalisation in toenia & metamerism in Allolobophora

General characters in Annelida
definitions: impact of insects
apiculture
forancinf entomology
بجانب التعريفات اللى فى اول المنهج طبعا

و اكد علينا ان ال protozoa اتلغت
و دخلتلنا بعد كدة د. ايمان عبد العليم رئيس قسم البيولوجيا الجزيئية و اتكلمت عن القسم
بس استأذنكم بعد لما ارجع من الامتحان حدخل اقلكم على اللى قالته
ادعولنا بقى يا جماعة

السلام عليكم و رحمة الله و بركاته

السلام عليكم .....
انا متشكر جداً لحضرتك على هذة المعلومات وأتمنى ان تكوني قد وفقتي فى الأمتحان وإنشاء الله بالتوفيق فيما قد مضى وما سوف يأتي بأذن الله . اشكرك جداً وفي إنتظار ردك .....
مع سلامة الله

السلام عليكم
لا شكر على واجب طبعا
و الحمد لله الامتحان كان كويس
الحمد لله

بالنسبة لدكتورة ايمان عبد العليم رئيس قسم البيولوجيا الجزيئية
اولا زى مانتوا عرفين القسم دة اول سنة يتفتح السنادى و كليتنا هى الوحيدة اللى بتدى بكالوريوس molecular biology
القسم مش حياخد اكتر من 25 طالب السنادى و الطلبة دول حيتخرجوا الوحيدين اللى فى المجال دة و حتكون فرص تعيينهم عالية جدا
مجالات العمل
شركات ادوية
وزارة البحث العلمى
مراكز الابحاث
من الحاجات التى ستدرس فيه
cell biology
genetics
DNA
RNA
proteins
Cancer
الامراض العصبية
(كل ما لا يرى بالعين)
هذا القسم ايضا موجود فى ال minors


معلومة صغيرة كدة انا لسا عرفاها يوم الجمعة و حبيت اقولهالكم
قسم
molecular biology
من اقسام الحيوان

اما قسم الbiotechnology

0التكنولوجيا الحيوية)
فهو قسم من اقسام النبات


و عالعموم اللى يعوز معلومات اكتر او اسئلة يطلع لدكتورة ايمان عبد العليم فى مبنى الحيوان الدور الثالث و على فكرة هى فعلا حتفيدكم جدا لأنها شخصية جميلة اوى

انا متشكر جداً وأتمنالك دوام الصحه والعافية والتوفيق بأذن الله
السلام عليكم ....

اخبار الكيمياء معاكوا ايه يا جماعة؟:blush:

الامتحان يعني!

الامتحان كان ساهل بس طويل جدا و كان محتاج 4 ساعات مش ساعتين رغم انهم ادونا ربع ساعة زيادة بس بجد كان طويل جداااااااااا
و انتوا يا جماعة عملتوا ايه
يلا بالتوفيق ان شاء الله
يوم الاتنين علوم بيئة

اخباركو ايه يا جماعة؟!
لو تسألوني عامل ايه هقولكو عملي اسود و مهبب.
تخيلو حد يسقط في مادة و يدخلها تاني و يسقط فيها تاني.
ده اللي بيحصل معايا في الرياضة البحتة..هو في امل اني انجح بس ده يتوقف عالدكتورة لو ترأف بينا شوية.بس مش باين لان لو كده كانت سهلت الامتحان شوية.
انا متضايق اوي و شكل الموضوع ده هياثر على باقي المواد.
ربنا يستر..
l0vely girl و 3olom alex عملتوا ايه في بحتة2؟

السلام عليكم
معلش بقالى فترة مبدخلش عشان الجهاز عندى كان عيان واظاهر مبقاش كويس غير لما عرف انى تقريبا خلص الامتحانات ومتبقليش غير عربى
اتمنى انكم جميعا تكونوا كويسيين واتبسطوا فى الامتحانات ومحدش جالو ضغط ولا سكر ولا ازمة قلبية ولا شلل رعاش .بس انا عايزة اعرف حاجة هو الترم ده ماله فيه ايه بالظبط من مناهج لامتحانات ما يعلم بيها الا ربنا ده غير النتيجة ربنا يستر
طبعا الواحد هيقل بس يارب ميقلش جامد عشان القسم
اتمنى لكا الاعضاء الجدد وغير الجدد نتيجة سعيدة
واحب اشكر nogha لانها الصراحة قالت بعض من الاسئلة اللى جت فى امتحان الحيوان
شكرا بجت ليكى وربنا يجازيكى خير دايما

اخباركم اية يا بتوع علوم اسكندرية خلصتوا ولا لسة
احنا الحمد لله خلصنا
والنتيجة كمان قربت تبان
واية اخبار الامتحانات صعبة ولا سهلة
اتمنالكم التوفيق ان شاء الله
اية يا فوكس مالك يا عم روق كدة مش كنت تدخل علوم المنصورة احسن
والله انا بقيت احب الكلية دى زى عنيا بالضبط

لا شكر على واجب يا حبيبتى
انا لم اقل الا ما قاله الدكتور
فأنا فقط ناقلة لكلامه
الحمد لله
و ان شاء الله بالتوفيق كلنا

الحمد لله
فيه ناس خلصت يوم 14 و فيه لسا حيخلصوا 16 (و انا منهم) و فيه حيخلصوا 18 على حسب المواد الاختيارية و توزيعها
الحمد لله
اهى هانت ان شاء الله

الامتحانات كانت عادية
الفيزيا كان دماااااااار بالنسبة لى
ربنا يستر
طمنونا يا جماعة عملتوا ايه فى كل المواد

بكرة ان شاء الله
العربى
و حقوق انسان (للى بيفتخر مثلى و طالع بيها)

ربنا يستر في الباقي
انا هخلص يوم 18
وشكلي مش هلحق اذاكر حقوق الانسان لاني لسه مذاكرتش العربي واتخنقت من المذاكره
يارب الترم ده يعدي على خير
ربنا يوفقنا ان شاء الله

اخيرا يا جماعة دخلتوا
للدرجادي الامتحانات مسيطرة!
يا ريت كل واحد يقول عمل ايه في المواد مادة مادة و هل سلم الرغبات ولا لسه و لو اني اعتقد ان مفيش غيري في الكلية اللي لسه مسلمهاش.
و استقريتوا على ايه؟
انا طلبت منكم كل واحد يقول عمل ايه في كل مادة .. لكن بالرغم من كده انا مش هقول... لكن باختصار انا اعتقد ان مفيش عامل زيي ..اكيد انا ترتيبي هيكون الاخير .... انا باختصار هشيل مواد بالجملة و اكيد هاخد اول انذار اكاديمي على بركة الله.. لان معدلي هيبقى زبالة.
و عليه فان تخصص الكيمياء يعتبر زيي فرص مصر في الفوز بكأس القارات(صعب جدا مالم تحدث مفاجأة) و انا برضه صعب جدا جدا مالم تحدث مفاجأة.على الاقل مصر بتلعب كويس و نتيجة وحشة , انا بلعب وحش و النتيجة كارثية.(و الله بدون اي مبالغة).
معلش انا طولت عليكم بكلام كله فشل و يأس بس قولت اقولكم مبدئيا عشان كله يتشجع و ميتكسفش يقول اي حاجة وحشة في امتحاناته لانه لما هيشوف كلامي هيقول لا ده انا ارحم بكتير و يروح باخخ كل اللي جواه.
يا معلم (اذكر الله) منصورة اسكندرية مش هتفرق .. لو تفتكر انا كنت عايز اسكندرية عشان الكيمياء و زي مانت شايف السنادي في نظام جديد بيخلي الواحد مش شرط يدخل الحاجة اللي عايزها..(قال يعني الطاقة العددية لقسم الكيمياء قلت عن السنين اللي فاتت!!..استهبال و الله!).
انا عندي بكرة امتحان عربي و ذاكرت معقول اهو اي حاجة نفلح فيها .. و بكده ابقى خلصت لكن مش هذوق طعم الاجازة.
ادخلو بقى و ردوا

كله بيعدى
بالطول و اللا بالعرض اهو حيعدى
اللى قدر يعدينا من ثانوية غامة قادر ان شاء يعدينا السنادى
ان شاء الله يارب


انا سلمت الاستمارة طبعا و اظن ان لازم تسلمها
الامتحانات بالنسبة لى انا قلت كانت عادية و لا سهلة و لا صعبة كلها عادية الا الفيزيا يارب اعدى فيها بجد بدعى اعدى فيها يارب

يا جماعة بلاش التشاؤم ده و خلى املكم فى ربنا كبير
و بالنسبة لموضوع التخصص
فثقوا تماما ان ربنا حيحط كل واحد فى التخصص اللى فيه الخير ليه و للجميع ان شاء الله

السلام عليكم
عاملين ايه يا جماعه
الحمد لله ععلى كل شئ اولا وربنا ان شاء الله هيدينا على قد تعبنا واللي نستاهله واعتقد ان مفيش حد متعبش الترم ده بالذات بغض النظر عن الترم الاول بس الخوف والقلق اللي بينسينا حاجات كتييييييير في الامتحان ربنا يستر ويسهلها معنانا ان شاء الله
بالنسبه الامتحانات:
الكيمياء : زفت الوقت مكفاش ده غير اني مفتحتهاش الا اليوم اللي قبلها بس لاني كان عندي امتحانات قبلها كتيييييييييييير وملقتش اي فرصه بس ان شاء الله اعدي

الفيزيااااء :زفت مع اني كنت باخد كورس وصميتها لدرجه اني قعدت عالنت قبل الامتحان وكنت مطمنه بس الكهرباء جت مش سهله وعايزين وقت.

علوم بحار وعربي :ان شاء الله اجيب تقدير فيها.


الحيوان :زفت وزفت و زفت وطين هههههههههه مع انه كان سهل بس الله اعلم ايه اللي حصل نسييييييييت كل حاجه كنت صماها ومراجعه عليها قبل الامتحان مع اصحابي بس ضاع من ايديا فعلا وده الماده اللي خايفه اطلع بيها ومرعووووووووبه.

حقوق الانسان :كتبتله صفحتين وربع المرادي وحليت سؤالين زي ما طلب وربنا ينفخ في صورته وميسقطناش.

صحيح
النبات:زفت بس ناجحه ان شاء الله وربنا يستر برضه.


باقي يوم الخميس انسان وبيئه وربنا يستر عليها بجد


ولازم تسلم الاستماره
انا حطيت كيمياء الرغبه الاولى ويااااااااااارب تيجي وربنا يقدملنا اللي فيه الخير
بجد لازم منزعلش لاننا عملنا اللي علينا

معلش طولت عليكم:) :)

انا ليه الشرف لانتمائى لعلوم المنصوره كيمياء خاص
faculty of death

عندك حق يا hanoooooooooooooda الامتحانات السنة دى زى الزفت بجد وامتحان الكيميا انا برده كنت زيك مكنش عندى الا يوم واحد عشان قبلها كان فى عملى حيوان ونبات
وامتحان النبات كانو وحش بجد اكتر امتحان عكيت فيه لانى لاسف ذاكرت من ورق د/ احمد سرور وتقريبا مجاش منه غير ثلث الامتحان حتى الحاجات اللى كنت مذكراها نسيتها ربنا يستر ومطلعش بيها

ربنا معاكي يا one way

هاى يا جماعة ازيكو كلكوا .... انا اخيرا خلصت امتحانات امبارح
يا رب تكونوا حليتوا كويس فى الامتحانات ... و ربنا معانا كلنا ان شاء الله فى موضوع النتيجة
على فكرة يا فوكس انت المفروض تسلم الاستمارة انت مخليها معاك لغاية دلوقتى بتعمل بيها ايه قدمها و خليها على ربنا
انا سملتها و اختارت رغبة اولى كيمياء بس شكلها كده حتبقى مجرد رغبة عشان الامتحانات الترم ده كانت زى الزفت
ربنا يستر
سلام

ازيك lovely girl
انا كمان خلصت امبارح و امتحان العربي كان حلو اظن بتاع دكتور فوزي طبعا.
و انا عارف اني اخرت الاستمارة بس سلمتها امبارح و توكلت عالله..و على فكرة كان في ناس برضه لسه بتسلمها.و بعدها رحت اقفش المكافأة.
و طبعا برضه الكيمياء اول رغبة .. بس انتي بجد متقوليش مجرد رغبة لان دي مبالغة يعني لو انتي مجالكيش و انتي جايبة جيد جدا في الترمالاول (اللهم لا حسد) يبقى انا اللي هيجيلي و انا جايب c في الترم الاول؟
بالمناسبة ابقي قولي بقى ترتيب الرغبات ايه.
انا بالنسبالي قولت حاسب و بعدين فيزياء و بعدين فيزياء حيوية و بعدين علوم بحار فيزيائية و طبعا معروف مين قبلهم و مين بعدهم.
و عملتي ايه في البرمجة الفورتران و السي بلس؟
اه و في حاجة مهمة ... يا جماعة نتيجة الكيمياء العملي متعلقة عند معامل الكيمياء للي معرفش و انا الحمد لله جبت امتياز(اهي تخزي العين) .
بالنسبة للـ icdl حد هياخدها الصيف ده في الكلية؟..اصل انا عشان هيبقى عندي سامر كورس عالاقل في مادتين اذا كانوش تلاتة و ممكن يبقوا ولا مادة لو سقطت في رياضة واحد تاني و طبعا مش هيبقى في غيري كده و مينفعش يتفتحلها سامر كورس فاخدها السنة الجاية.مش عارف ادخل icdlولا لا..و كمان في واحد اعرفه في صيدلة قال انه خدها في الترم التاني و مفهمش حاجة.
سلام..

Icdl حتبدأ ان شاء الله السبت 20/6 الساعة 10
و انا ان شاء الله حخدها الصيف ده من الكلية علشان اخلص يا عالم ممكن ابقى فاضية الاجازة دى بس بعد كدة انشغل و حتى لو طالعة بمواد مش اشكال حخدها برضه
مش فرقة كتير
و الحمد لله على كل شىء
ربنا يوفقنا ان شاء الله

هنوووود ابقى طمنينى عليكى فى امتحانك بتاع بكرة
ان شاء الله تحلى كويس و بالامتياز ان شاء الله

انا تمام يا فوكس انت ايه اخبارك ؟؟؟
طبعا امتحان العربى كان حلو بتاع فوزى التانى كان شكله كئيب اوى
و بالنسبة لرغبة الكيمياء يا ريت فعلا اكون بابالغ زى ما بتقول بس بجد الامتحانات كانت غلسة ... انا خلاص مبقاش فارق معايا لا تقدير و لا قسم انا بقيت عايزة انجح و خلاص ع العموم انا ترتيب رغباتى زيك بالظبط
امتحان البرمجة الـ c كان حلو و الفورتران كان غلس شوية بس عدى بردوه ده طبعا بعد ما اخدت فيهم كورس مراجعة قبل الامتحان
انا بردوه جبت امتياز فى عملى الكيمياء يعنى الحمد لله ضمنت حاجة امتياز من دلوقتى
بالنسبة للـ icdl هو فعلا زى ما قالت نهى حيبتدى 20/6 ... انا بردوه حاسة انه فى الكلية حيبقى ملهوش لازمة و زى قلته بس اصحابى بيقولوا انه ممكن يتاخد بره بس بردوه لازم تمتحن فى الكلية ... عموما انا غالبا مش حاخده الصيف ده حاجله شوية يكون حد جرب و يقولى ايه النظام
سلام

مبروك يا جماعة انكم خلصتم الامتحانات على خير عقبال يا رب النتيجة كده تكون خير ومنشفش وش الكلية الا فى حاجتين النتيجة والتنسيق
المهم انا شايفاكم بتتكلموا عن كورس icdl
انا اخدته فى اجازة نص السنة بس كان مرهق جدا لانه كان مكثف وكل يوم 5 ساعات فبنصحكم مقدما محدش ياخدوا مكثف المهم . فى اخر الكورس احتمال يكون فى امتحان تبع منظمة اليونيسكو
يا ريت لو حد منكم عرف ميعادها عشان ادخل امتحانها وربنا يجازيكم خير جميعا ويوفقكم فى الكورس

الحمد لله حليت كويس يا نهى
والكيمياء العملي جبت امتياز انا كمان,,,عقبال الباقي >>>>>>في الاحلاااااااااااااااااااااااااااااااااااااااام

وبالنسبه لل icdl
كان نفسي اخده السنادي بس للاسف مسافره وهرجع ان شاء الله علن نص سبعه ياريت لو ينفع اخده واخلص هاخده
هو ينفع ناخده بره الكليه؟؟؟؟؟؟ياريت لو حد يعرف اي حاجه يقولها

وهو بياخد فتره قد ايه؟
لاني سمعت انه بيطول اوي في الكليه
انا عايزاه في الاجازه بس مش في الايام الدراسيه عشان مش ناقصه زنقه مواد
ربنا يسهل ان شاء الله

الحمد لله انك حليتى كويس
و مبروك عالاجازة
انا كمان امتياز فى العملى (واضح ان الكل جايب امتياز فيه الحمد لله)

بالنسبة انك تخديه برة انا اظن ان فى الكلية يكون احسن
و زى ما قالت لافلى جيرل بس فى حالتك ممكن بقى لما ان شاء الله ترجعى على نص سبعة (لسا بدرى على بداية الدراسة) ممكن تشوفى اى حتة برة و تلحقى تخديها

هو فى الكلية حتكون كل يوم طوال الفترة الصيفية (منهم لله و ربنا عالظالم)
المهم
ممكن كمان تخديها فأجازة نص السنة فيه ناس خدوها فنص السنة و ادى وان واى خدتها و تروحى و ترجعى بألف سلامة
انتى مسافرة يوم ايه؟


لو قصدك معاد الكورس نفسه فيوم السبت 20/6 الساعة 10
اما لو تقصدى الامتحان امتى فمش عرفة حسألك و اول لما اعرف حقولك على طول ان شاء الله

انا متغظة بجد
يعنى الاجازة الصيفية 4 ايام فقط و فيه ناس يومين بس
و بعد كدة كل يوم فى الكلية و الله حرام بجد
هما فيه حد مسلطهم علينا و اللا ايه؟؟؟؟؟؟؟؟؟؟

الله يبارك فيكي يا نهى
معلش بس موقعش انهم هينتظموا كل يوم بجد يبقوا بايخين اووووووووووي بعد تعب السنه دي كلها منلاقيش اجازه بجد حراااااااااام
هسافر ان شاء الله يوم 27
وجايه يوم 16 ان شاء الله

حد يعرف امتى معاد النتيجه انا هتجنن لو سافرت من غير مااشوفها

دلوقتي الوضع اتغير ...واضح ان المفاجأة حصلت فعلا و مصر قربت من التأهل للدور النصف النهائي ... يا ترى تكون دي علامة تفائل على اساس اني شبهت موقفي بموقف مصر!!!......(يبقى لازم اروح اكسب ايطاليا انا كمان عشان ادخل كيمياء).:d
مش عارف العملية ليه قالبة كورة ... حتى موضوع الانذار الاكاديمي يعني كارت اصفر .. بس الاختلاف ان الكارت الاحمر عندنا من رابع انذار.
___________
انا كنت المفروض امبارح اخر فرصة عشان اروح احجز الـicdl بس زي ما تقولو كسلت و شكلي كده هنفضلها الصيف ده ...
سلام

ههههههههههههههههههه عندك حق في معجزات بتحصل احنا عايزين المعجزات دي
يا سلام لو تحصل معجزه ونجيب امتيازات

هاي يا جماعه ...ايه اخباركم ؟؟
اخيرا الاجازة جت و خلصنا التيرم التاني ..بس يارب يعدي على خير و تكون النتيجه كويسه ..مش عارفه ليه التيرم ده حسيت انو اصعب بكتييير من التيرم الاول ..مع اني كنت فاكرة انو هيبقى اسهل عشان هنكون خدنا على نظام الكليه و الدكاترة و طريقة الدراسه ..
بالنسبه للنتيجه ..هتظهر بسرعه زي التيرم الاول .. يعني كمان اسبوعين تقريبا او اكتر شويه ؟؟عشان الواحد قلقان بصراحه ...في الفورتران المعيدة قالت مرة في السيكشن ان دكتور هاني ممكن يسقط علطول لو حس من الورقه ان الطالب مش فاهم !!! و الامتحان ماكنش سهل اوي بصراحه ...
و الميكانيكا مثلا كان فيه كتييييير جدا التيرم الاول حاليين كويس اوي فيها و قالوا هيجيبوا تقدير عالي كمان ... و جابوا مقبول و فيه كتيير شايلنها ( مع ان الامتحان كان سهل )..
يعني بصراحه الواحد مش عارف الدكاترة بيعلموا الورق ازاي ..ممكن الدكتور ينجح حد مش مجاوب كويس ( و دي تبقى حلوة ) و ممكن برده يسقط !!! دكتور حقوق الانسان مشيل الماده كتيير اوي من الدفعه و انا منهم ..طيب ليه ؟!!!! ربنا يستر
مش عايزة اطول اوي في موضوع الامتحانات و النتيجه عشان نبعد شويه عن الضغط ..و ان شاء الله خير
بس هو فيه سؤال ...امته هنعرف الرغبه اللي جتلنا ..مع النتيجه و لا في بداية السنه الجايه عشان السامر كورس ؟؟
سلام

ازيك3olom_alex
صح عايزين نعرف النتيجة بسرعة تطبيقا لنظرية وقوع البلاء ولا انتظاره
بس عالاقل احنا لسه عايشين في الحلم ان الواحد يجيله رغبته .. اما ساعة النتيجة يكون الوقع اللذي لا يمكن تغييره...(ده احنا دفعة محظوظة اوي في موضوع الاقسام .. يجوا عندنا و يعملوا موضوع تنسيق الاقسام ده ... حرام عليكوا مش كفاية التنسيق بتاع ثانوية عامة احنا اتفرمنا ارحمونا بقى.
ربنا يستر

ايه ده؟
هو الدفع اللى قبل كدة كانوا بيدخلوا القسم اللى هم عاوزينه كدة من غير تنسيق؟

انا اظن ان كان كل قسم له تقدير لأن انا ليا ناس اعرفهم كبار و قالولى انتى لازم تحاولى تجيبى تقدير علشان تدخلى اللى انتى عايزاه (طبعا كانوا بيحلموا و انا كمان بصراحة حلمت معاهم)

اما بالنسبة للنتيجة
فأنا فعلا بجد مش عيزاها تطلع
و الله على اقل من مهلهم
ياريت تطلع لما هنووووووووووود ترجع ان شاء الله هههههههههههه

يا ستي خليها تطلع .. هيحصل ايه .. ما احنا ياما خدنا شلاليط في وشنا...اي نعم ده هيبقى اجمد واحد فيهم لانه مستقبل الواحد واقف عليه ... لكن كله محصل بعضه(من ورا قلبي دي).

حرام عليكي يا نهى
عايزاني استحمل كل ده ازاي
ده انا على اعصابي
ماانا لو حاله كويس مكنتش هبقى كده بس انا خايفه موووووووووووووووووت
انا نفسي تطلع النهارده قبل بكره
ربنا يستر

انا سألت انهردة مدير شؤون الطلاب عالنتيجة و قال انها بالكتير حتطلع الاربع او الخميس و قالنا تابعوا موقع الكلية يمكن تنزل عليه او يكتبوا ميعاد ظهورها

مع ملاحظة انى مجرد ناقلة لكلامه
و انتو عرفين شؤون الطلاب بقى
انا قلت اقولكم علشان هنووووود تفرح كمان
و يارب كلنا نفرح يوم النتيجة و نبارك لبعض ان شاء الله
(ربنا بيعمل المعجزات)

النتيجه بالكتير ممكن تظهر الاربعاء او الخميس ؟!!!! بالسرعه دي ...في ناس لسه ممتحنين احصاء النهارده ( يوم السبت ) معقول يلحقوا يعلموا الورق و ينزلوها في الكنترول .......انا خايفه و خلاص ..
ليه يعني هما مستعجلين اوي كده على انهم يطلعوا النتيجه !!!! ممكن عشان اللي هياخد سامر كورس ...التيرم الاول برده كنا اول كليه النتيجه بتاعتها تظهر ..قبل اصلا ما يبدأ التيرم الاول كنا عارفين ...ربنا يسهل في التيرم ده و ننجح ان شاء الله في كل المواد..

انا مش متخيلة ان النتيجة تطلع يوم الاربعاء او الخميس . انا عارفة انها هتطلع بدرى عشان السامر كورس لان التسجيل يوم 1/7 وبدء الدراسة يوم 15 اعتقد انها ممكن تطلع على الاسبوع اللى جاى .على العموم ياريت الناس اللى بتاخد كورس icdl يسالوا على الميعاد . وكمان بسم الله ما شاء الله موقع الكلية تقريبا فاضى ومعتقدش انهم ممكن ينزلوا النتيجة على الموقع والله لو عملوا كده تبقى معجزة

ربنا يسترها معانا ياااااااااااااااااااااارب

انا قصدى الناس اللى بتروح كورس icdl
يعنى بتروح الكلية تسال على ميعاد نتيجة الامتحان امتى
على اى حال شكرا على الرد