|
كل حاجه فى الدنيا لازم تدفع تمنها
مش هتخف من الشك و القلق غير لما تتعب فى القرايه والبحث يمين شمال و باصرار عن وجود ربنا لو كسلت و اتعبت هواك هتفضل مخنوق و مش مرتاح نفسياً و عباداتك كلها هتبقى من غير طعم و هتفضل جبان و خايف من حاجات كتير عشان ايمانك مزعزع متفتكرش محاضره عند الشيخ الفولانى و لا سؤالين للشيخ اللى فى الجامع اللى جنبنا هيزرعو فيك الايمان وهتبقى مؤمن اوى و هييصه لا يا صديقى الموضوع مش بالسهوله ديه ابداً لازم تتعب وتدور و تشوف كل حاجه و تحكم برايك انت مش راى حد تانى عشان ممكن كل الناس اللى قرت قبلك شافت من منظور غلط و انت الوحيد اللى تشوفه صح و لو مصبرتش على ملل القرايه هتتعب من احساس الشك و القلق و الخوف و الجهل |
اخطر بنت ممكن تلعب بيها هى البنت الوحشه
|
اكبر دايره وهم ممكن يدخل الانسان نفسه فيها هى دائراه الاحتياج ,
او انك محتاج لحد عشان تبقى سعيد او حد عاشن تفضفله او تحس بسعاده معا هتتعب كتير قوووووووووى , اينعم دى فطره وكل واحد بيحتاج لحد يكون جمبه ويفضفض معاه بس لاسف لما تفكر كويس هتلاقى ان حتى الشخص دة لو وجد مش هيدومللك فمتتنظرتش كتير تستناه حاول اعتمد على نفسك وربنا ومتفكرش كتير فى انك محتاج لحد جمبك عشان تكون سعيد عشان متدخلش دايره التوهان دى |
عندك حق
بس تعرفى انادايما لما اكون عايزه احكى مليش حد جمبى بس اكتشفت انك لما تقول يارب افضل مليوووون مره لما تقعد تتكلم مع حد يعنى عندى كلام كتير نفسى اكتبه هنا س مش عارفه او بقول هيطلع كلام تافهه اوكده ههه بس انتم كل كلامكم تمام امممممم هحاول اكتب صحيح ورايا امتحان كيميا اى حد هيقرا كلامى ومش هيدعيلى هضربه ههههههه |
اقتباس:
|
هههههه
شكرا شكرا اخيرا لقيت حد ردت عليه فى المنتدى ده والله فرحتينى |
تفائلو بالخير تجدوه
الخير فى الحديث مش لازم يكون الخير اللى انت فاكره مثااااااال وانا بذاكر تفائلت ان هيحصل خير لاقيتنى جبت درجه مش تمام اوى و دخلت كلية علوم مثلاً فين الخير ؟! انا تفائلت ربنا ظلمنى ........الخ الخير سعاتك انك لما دخلت الكلية حبيتها و اكتشفت انك مرتاح فيها جداً و بعد كام سنه بقيت معيد عرفت الخير ايه هوووو ؟! الخير من وجهة نظر ربنا غير من وجهة نظرك تفائل ان حاجه كويسه هتحصل ومتحددش ايه هى بالظبط متقلش انا متفائل انى هجيب 50 من 50 لا قول انا متفائل انى لو تعبت ربنا هيوفقنى و يعوضنى و يدينى على قد تعبى حتى لو متاخر شويه |
يمشي الفقير وكل شيء ضده ... والناس تغلق دونه أبوابها
وتراه مبغوضا وليس بمذنب ... ويرى العداوة لا يرى أسبابها حتى الكلاب إذا رأت ذا ثروة ... خضعت لديه وحركت أذنابها وإذا رأت يوما فقيرا عابرا ... نبحت عليه وكشرت أنيابه |
النهارده كان عندي امتحان فلسفه وبما ان عندي اامتحان فلسفه
وانا طبعا فليسوفه عصري وزماني اتفلسفت النهارده في الامتحان وكتبت حاجات من عندي وظبط الدنيا من الاخر كده ههههههههههه يعني اللي هيصحح ورقتي هيقول يخربيت اليوم اللي خلوني فيه مصحح ربنا يوفقنا كلنا ادعولي بالله عليكم وربنا معاكم |
بتضايق اوى لما اقعد اكتب اد كده فى قضيه و اشرح رايي بالتفصيل و اقرا بالصدفه و الاقى كاتب مشهور قديم كتب فى نفس القضيه بس بكلمات قليله اوى و معبره اكتر
بحس انى لو قريت كان هيبقى احسن من التعب فى الكتابه بس اكتشفت ان معظم الناس بيجى فى دماغها افكار واحده بس بيعبرو عنها بطرق مختلفه و ده على حسب قوة لغتك بقى |
انا نفسى بجد فى مكانين اعيش فيهم بقية حياتى
يا اما فى جزيرة يا اما فى بيت وسط الطبيعه الاوروبيه وبطرق بدائيه بحته متعرفوش ببقى اد ايه فرحان لما اشوف كرتون او فيلم بيتكلم عن حد عايش فى المكانين دول اد ايه بجد متعه رهييييييييبه اتحدى اى حد يقعد هناك اقل من شهر و يبقى لسه عنده امراض نفسيه النفس البشريه حساسه و بتتاثر باى حاجه حوليها و الجمال بيخليها تبقى فريش اكتر ومرتاحه بس الازعاج و القبح و غيره بيخليها مريضه |
لما تيجى تقرا حاجه اول مره هتفهم حاجه
لما تيجى تقراها مره تانيه هتفهم حاجه تانيه لما تيجى تقراها تالت مره هتفهم اللى كتبها قصده ايه بالظبط |
. «البعض يفسر أدبك على أنه "خوف" لأنه لا يعرف الموّدة بدون مُقابل، والبعض يُفسر طيبتك أنها "غباء" لأنه لم يتعود إلا على سواد قلبه!»
|
يا من قد وهى شبابه، وامتلأ بالزلل كتابه، أما بلغك أن الجلود إذا استشهدت نطقت!!، أما علمت أن النار للعصاة خلقت!، إنها لتحرق كل ما يُلقى فيها، فتذكر أن التوبة تحجب عنها، و الدمعة تطفيها.
|
|
((عَنْ أَبِي هُرَيْرَةَ رَضِيَ اللَّهُ عَنْهُ أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ مَا مِنْ يَوْمٍ يُصْبِحُ الْعِبَادُ فِيهِ إِلَّا مَلَكَانِ يَنْزِلَانِ فَيَقُولُ أَحَدُهُمَا اللَّهُمَّ أَعْطِ مُنْفِقًا خَلَفًا وَيَقُولُ الْآخَرُ اللَّهُمَّ أَعْطِ مُمْسِكًا تَلَفًا)) ،،،
|
مش عارف ليه شايف ان الانانيه هى سبب كل مشاكلنا
كل واحد فينا مسؤل عن نفسه و بيهتم بيها اكتر حاجه انا مش هقولك يا سيدى تثرهم على نفسك و لو بك خصاصه بس على الاقل تفكر ولو شويه صغيره فى غيرك ملهاش دعوه بالكرامه لما تيجى على نفسك شويه انا اكتشفت ان مشاكلى سببها انانيتى و كنت بسميها كرامه و عزة نفس و هبل نفس كرامتك ديه لما حد يهينك بس لما تتنازل عن بعض حقوقك عشان خاطر حد تانى ده موضوع تانى مش لازم طول الوقت تبقى كل حاجه على مزاجك و مش لازم تسال كل واحد انت بتعمل كده ليه ومش لازم تعلق على كل حاجه مش عاجباك عشان انت برده هتتحط مكانه فى يوم من الايام و للاسف كل واحد فينا بيشيل من التانى و ينتقم منه و هكذا و مش هنخلص حد غلط التمسله عذر و اقفل الموضوع انت متعرفش نيته ايه و لا ظروفه ايه الحياه قصيره لو قعد نتلكك و ندور على المثاليه هنموت قبل ما نعيش اصلاً |
لكل شيء زينة في الورى ----- وزينة المرء تمام الأدب
|
شكلي كدة هشترك معاكم
|
أنفق بقدرٍ ما استفدت ولا * تسرف وعش فيه عيش مقتصدِ
من كان فيما استفاد مقتصداً * لم يفتقر بعدها إلى أحدِ |
إنَّا لفي زمنٍ تَركُ القَبيحِ بهِ *** مِن أكثرِ الناسِ إحسانٌ وإجمالُ
|
يامن تحن إلي غد في يومه قد بعت ما تدري بما لا تعلم ~~~
|
عارفين ليه لما حد نقرب منه اوى اوى بيبعد عننا ؟!
عشان بكل بساطه انت بتديله و تقدمله حاجات كتير اوى و هو شايف انه مش هيقدر يديك كل الحاجات ديه عشان يا اما هو عاوز يديها لحد تانى او انت متستهلش فى نظره عشان كده حاجاتك اديها باعتدال للى يقدرك و الحاجات ديه اقصد بيها الاهتمام و التقدير و الحب و خلافه انت ليك شخص واحد بس هو اللى هيحبك بجد و عشان توصله لازم هتمر بتجارب فاشله كتير و اكيد فى يوم هتلاقى الشخص ده بس متستعجلش |
stop thinking about what the future have and think about how to enjoy your present
|
اياك لما تكون على حق تتمادى فى الكلام
|
تلاته صعب تهزمهم واحد علمه غزيرواحد غباءه غزير واحد كداب اوى |
اى حد قرا حاجه و تعمق فيها بيحاول لما يتناقش انه يحول الكلام و يخليه عن الحاجه اللى هو قرا عنها عشان يضعف اللى ادامه وخلاص
انا شايف انه صح انه يتكلم عن الحاجه اللى هو قرا عنها بس ضد انه يحول الكلام و يخليه عنها قصد عشان يبين ثقافته و خلاص |
لو عاوز تقنع حد وتأثر فيه و يتقبلك ( ضحكٌّه)
|
الحياه عبارة عن لعبة على النت و كلنا بنلعبها اجبارى
كل واحد فينا خد سلاح معين و على اساس السلاح خد مهمه معينه يعنى فيه ناس خدت سلاح القوه الجسديه لكن خدت مهمه كبيره و فيه ناس خدت سلاح الذكاء و خدت مهمه كبيره برده و فيه ناس معاها اسلحه ضعيفه بس خدت مهمات ضعيفه برده و اللعبه مستمره لحد ما اخر واحد يموت هتلاقى فى اللعبه حاجات كتير توقعك زى الشهوه و اصحاب السوء و الشياطين مهمتك انك تحاربهم و تهزمهم و لما يتغلبو عليك و يوقعوك تقوم من جديد و تستجمع نقاط قوتك من تانى و تحارب اللعبه محتاجه استراتيجيه ذكيه عشان تكسبها محتاجه اصرار محتاجه يكون عندك صبر ممكن تستعين بلاعيبه بيلعبو معاك عشان تتبادلو منفعه وخلاص بس علقتك بيهم بتكون مؤقته و بتخلص بعد تبادل المنفعه العبها صح و خليك فخور ان ربنا اختارك تكون فى لعبه كبيره و شيقه زى ديه و مخلكش عدم |
فيه حجاب بين عقلك و بين انه يفهم موضوع الانسان مسير ام مخير
اتحدى اى حد يفهم الموضوع ده و يرد رد مفحم انا مبكتبش حاجه غير لما اكون شفت كل حاجه عنه و تفحصت كويس عقلنا قاصر عن مواضيع غيبيه كتير و ده منها انا عقلى بيؤمن بالملموس زى الخشب و المحسوس زى الكهربا بس مش بيؤمن بالغيبيات القلب هو المسؤل عن الايمان مش العقل للاسف محدش بياخد باله ان فيه فرق بين وظايف العقل و وظايف القلب العقل قاصر تماماً عن فهم حاجات ربانيه كتير و القلب هو اللى بيفهمها بس للاسف الملحدين عاوزين يحكمو العقل بس فى كل حاجه عشان كده يهفضلو تعبانين وانت كمان هتتعب لو عاوز تحكم عقلك بس |
هل تعلم من هو المثقف الفارغ؟
A hollow literateperson is the person that reads a lot of books about different ofsubjects and on his shelve a Quran that he didn't touch in a long time! |
يفعل القلم ما لا يفعله البشر و يفعل البشر مالا يوصفه قلم
|
اقتباس:
قال مثال انت مثلا قاعد مع حدا وراح هو بعت ولد يجيب حاجه ساقعه مثلا او يشترى شئ ووقت منت قاعد معاه راح قللك معلش الولد دة اتاخر اصله تلاقى بيلعب دلوقتى مع الواد فلان ومرحش الدكان لسه ولما يجى الولد تاسله تلاقى فعلا زى مراجل قال هل يترى الرجل دة قال للولد روح العب ا لعيال واتاخر و اجبره يعمل كدة ولا هو هو عارف بحكم المعرفه او التجربه بكدة ؟ نلاقى انه هو عارف بس مجبرهوش اه نفس الكلام ولكن لله المثل الاعلى الرجل دة علمه مش يفينى ممكن يطلع غلط لكن ربنا بقا علمه يقينى |
اقتباس:
بس برده مش رد مفحم و نهائى فى الموضوع لان ربنا استحاله نشبهه بكده و كمان حتة ان ربنا سبحانه وتعالى علمه يقينى ده يخلى المثال ملوش لازمه عشان كده يبقى انا مش مخير تماماً فى اى حاجه لان اى حاجه هعملها هيكون ربنا متاكد منها |
اقتباس:
ربنا عالم اننا هنعمل كده وهنوصل لجنه او نار دة شئ وكونه ان اجبرنا على كده دة شئ تانى وعموما هو اكيد الموضوع كبير وليه ناسه الى تتناقش فى وترد عليه بس الى عجبنى فى مثال اشليخ الشعاروى انا بسيط بالاضافه نى مركز وصغير |
اقتباس:
و ان شاء الله ربنا يشرح قلبنا و نفهم صح مش غلط عشان انا لاحظت انى لما باجى ابحث وانا نيتى اطلع غلطات وخلاص مش بلاقى جواب لاى حاجه بس لما ببحث و نيتى انى افهم بجد و ايمانى يزيد بلاقى اجابات مقنعه كتير يعنى ممكن تلاقى اجابه مقتنع بيها ناس كتير و ناس كتير مش مقتنعه بيها وده عشان كل واحد بيستقبلها بطريقه مختلفه عن غيره |
هضطر اكون تقليدى ممل عشان اريح دماغى من سوء ظن الناس
|
ليه اللى بنرتاح ليه بيتكبر علينا ؟
|
مش عارف ليه لما انصح حد من قلبى و ابقى مهتم اوى بيطنشنى و لما انصحه بكبرياء بيبقى مهتم !!
|
الواجبات نظام غبى هدفه يجبر الطالب على المذاكره لكن اللى بيحصل انه بيخلى الطالب يلغى استخدام عقله و يعمل عصف ذهنى
|
اكتشفت ان مفيش مقاييس محدده للنجاح تنفع لكل الناس و ان الموضوع نسبى تماماً
كل واحد فينا عنده قدرة ربانيه على عمل حاجات معينه باتقان ومن غير مجهود و فيه حاجات تانيه لازم يتعب عشان يكتسبها يعنى مثلاً فيه ناس جسمها قوى و سهل بالنسبالها تلعب اى رياضه وتتفوق فيها لكن لما تيجى تذاكر بتبذل مجهوود كبيييييييير اوى عشان تجيب درجه كويسه وفيه ناس عندها ذكاء و تقدر تذاكر بسهوله بس جسمها ضعيف ومحتاجه مجهود كبير عشان تبنى جسم قوى و ده مثال بسيييييط جداً جداً قيس عليه قدرات تانيه كتير النجاح انك تقدر تتقن حاجه بره مجال قدراتك مش حاجه انت اصلاً ممتاز فيها و سهله بالنسبالك |
الدكاتره النفسيين هيعرفوك عندك مرض ايه بالظبط ويدوك ادويه ملهاش علاقه بمرضك و تعتبر زى مهدئات و هيوهموك بالعلاج
العلاج الحقيقى هو القرب من ربنا انا شايف ان كل الامراض النفسيه اساسها الاوهام و البعد عن ربنا و الاستسلام للوساس انت اصلاً لما تبقى عارف ان فيه حد ماسك الكون و يقدر يقول للشىء كن فيكون و انت بتقرب ليه و بيتعمل اللى هو بيحبه ده فى حد ذاته هيخليك مطمئن اوى اللى عليه امتحانات و عمال يعيط و مرعوب فين ايمانك ان ربنا عمره ما هيخذلك و هيديك جامد اوى على قد تعبك اللى زعلان و مخنوق عشان حاجه وحشه حصلتله فين ايمانك ان فيه اله قادر يخليك فرحان طول عمرك لو قربتله بجد اللى حاسس بالظلم و عمال يلعن و يسب و كاره نفسه فين ايمانك ان ربنا هيجبلك حقك اللى واللى واللى ايمانك هيهون عليك الدنيا كلها بقرفها و عكها |
اقتباس:
|
كل واحد فينا حياته مقسومه نصين
نص راحه ونص تعب بالتساوى الى حد كبير لو هربت من وقت التعب لما كان اختيارى هيجيلك اجبارى مثااال لو انت مذاكرتش فى ثانويه عامه و لعبت هتبقى مجبوور لما تكبر انك تشتغل اكتر من شغلانه عشان تعوض نقص المرتب و تكون نفسك و تتجوز ودلوقتى بقى اللعب مش هينفعك وهتبقى مجبر عشان تلاقى تاكل فانا شايف انى لما امر بلحظات تعب مدورس على مهرب و ابقى قد المسؤوليه و اتعلم الدروس و كده كده الراحه وقتها جاى لكن كل واحد عاوز حياته كلها راحه وبس و مش عارف انه قبل ما يموت لازم يعيش فترة التعب اللى ربنا كتبهاله الحياه مزيج من النار والجنه بندوق النار و ندوق الجنه بالتبادل و الفكره من كده انك تبقى مُهيأ للاخره و تحدد مكانك فيها انت اللى هتبنى مكانك فى الاخره مش حد تانى وربنا سابلك الدنيا زى مووول كبير تجهز بيه بيتك فى الاخره |
اقتباس:
|
عندك حق ياريت الناس تفكر زيك
|
ياه لو كل واحد فينا فكر في كلامه قبل ما يتطفه او قبل ما يجرح حد والحفد اتشال من القلب
وكل واحد في حاله هيكون للدنيا شكل تاني |
متحكمش على حد من تاريخه عشان ممكن اى حد تتغير مفاهيمه فى لحظه و يفوق برده فى لحظه
و انا بعترف انى مازلت بغلط و هغلط و ان شاء الله هصلح غلطاتى اول باول عشان احنا متولدناش ملايكه و لا شياطين والحياه ملهاش طعم لما يبقى عندك بقع و تقعد تغسل فيهم و تتعب لغاية ما تنضف و تقابل ربك نضيف |
مفيش مانع تكون ذوق ولذيذ و محترم و ابن مامى المهذب اللى عمره ما بيغلط الملاااااااك
بس فيه مانع كبير اوى تبقى متكتف و تتصرف بتصنع و مثاليه كدابه زياده عن اللزوم مفهاش حاجه لما تقول اللى انت عاوزه باحترام و متتكسفش من حد طالما انت مقلتش ادبك او اتعديت على حد انا بحب الناس البيور التلقائيه الطيبه اوى اللى تتكلم بعفويه من غير تزيين و تكتيف و عك كلنا من طين يا بشررر |
بلاحظ فيه ناس كتير بتعرض حياتها للخطر كتير فى مواقف عبيطه و يسموها جرأه و شجاعه و حب مغامره
حضرتك ربنا مش خلق روحك عشان تخاطر بيها فى الحاجات التافهه سعاتك انا اخاطر بيها فى حاجه تستاهل زى انى انقذ حد من الموت او ادافع عن دينى او ما شابه من الحاجات الكبيره اوى لكن مخاطرش بيها فى تجربه مجنونه للمتعه وبس روحك مش لعبه ربنا ادهالك |
| جميع الأوقات بتوقيت GMT +2. الساعة الآن 01:46 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.