|
السلام عليكم ورحمة الله وبركااتة اصحابى والله وحشتووووووووونى جد جد جد والله لم يمنعنى عنكم الا المسئوليه اللى كنت فيها والحمد لله ربنا وفقنى تصورو اول ما دخلت المنتدى لقيته اتغير افتكرت انى كتبت اسم المنتدى غلط ولولا ان اسم الاكونت بتاعى مكتوب اعلى الصفحه لانى مسجلتش خروج اخر مرة كنت قفلت وقلت المنتدى ضاااااااع يا ولاد الحلال المهم ايه اخباركم انتم ندى ؟؟ ازيك وازى اولادك ؟؟ وعمرة مقبوله عقبالنا ياااااارب جميعا محمود ؟؟ ربنا يوفقك ويصلح لك الحال ويوقفلك ولاد الحلال زى ما ماما بتدعيلى انج ؟؟؟ انتى فييييييين ؟؟؟ وايه اخبارك ؟؟ كلكم والله نفسى اسمع اخباركم واحد واحد ربنا يصلح لكم الحال كلكم وربنا يوفقكم انا سافرت ليبيا وجيت اول مارس وحصلت لى حاجات كتير من ساعة لما جيت نفسى احكى لكم عليها اولا انتم عارفين انى معلمة رياض أطفال و دخلت مسابقة المعلمه الفعاله ولانى معنديش خبرة عن المسابقة دى ولا حد من مدرستى لان مدرستى صغيرة ومش بتدخل مسابقات يعنى كافيه خيرها شرها هههههه اختكم مشتاقة صعب عليها ترجع للعمل بعد الثورة وكلها حماس وتفوت المسابقه دى وخصوصا انى محتاجه لتوضيح صورتى بشكل جيد امام التوجيه لموضوعات قديمه لا اقول عندما اتذكرها الإ حسبى الله ونعمه الوكيل صليت صلاة استخاره علشان ادخل المسابقه دى ولا لأ المهم شديت حيلى ورحت علشان اعرف موعد المسابقه وفوجئت انها بعد سبع ايام منهم 4 ايام عمل فقط فقررت الاعتذار بسبب ضيق الوقت وانى لسه هفهم الموضوع عايز ايه ؟؟ ولكن الموجه قالت مينفعش الاعتذار خلاص هاتى سجلاتك الخاصه بشغلك وحضرى يوم بانشطه ووسايل وخلاص قلت وانا هلحق دا انا الحمد لله مش فاهمه حااجه خاااالص وعمال ما افهم وابدأ كان عدى شهر مش اسبوع ههههههههه وسألت بعض زملائى من مدارس اخرى وظبط دماغى على المسابقة والمفروض فى المدارس المدرسات بيقفو جنب بعض فى الموضوع ده وبيساعدو بعض فى تجهيز الوسايل والسجلات ولان البنات عندى يعنى هقول معندهمش خبرة كافيه وقلولى كفايه اسمك يكون ضمن المدرسات اللى فى المسابقه ده يديكى سمعه طيبه فى التوجيه لان احنا لما ندخل معلمه من عندنا يبقى دى افضل ما لدينا من المعلمات وانا اللى فى بالى مادمت دخلت المسابقه لااااااااااااااازم اثبت وجودى وخاصة انى والحمد لله شغل ايدى فى الوساايل تحفففففففففففففففففه والله مش كلام وخبرتى النفسيه فى حل مشكلات الاطفال كويسه فحرام كل ده يضيع فقررت العزم انى اضحى بكل وقتى لعمل المطلوب فى المسابقه بطريقة جيده جدا جدا ومش هكون كذبت عليكم لو قولتلكم انى منمتش الست ايام اللى قبل المسابقه حتى فى البيت وانا مع اولادى فى المطبخ كنت بشتغل للمسابقه والله ده بدون مبالغه ده وكانو فى المدرسه ميدركوش انى مقطعه نفسى فى البيت علشان اظهر بما يليق بى واقولهم انا مش عايزة اللجنه المحكمه تقولى مين اللى جاب دى فى المسابقه ؟؟ وفى وسط التجهيز والله كنت بتصل بماما واقولها ادعيلى مش علشان المسابقه علشان ربنا ينصرنا على من ظلمنى فى عملى من قبل واراد بى سوء وبسمعتى فى التوجيه وحدثت اشياء عجيبه من تساهيل الله فى تجهيزى للمسابقة وكان بعض اصحابى من خارج المدرسه يتصلو بى ويلفتو نظرى لبعض الحاجات فعلا مكنش اخده بالى منها طبعا بسبب عدم الخبرة عن المسابقه دى والحمد لله جئت يوم المسابقة واخذت اعمالى وسجلات التى سهرت عليهم طويلا وذهبت الى المدرسة واول ما فاجئت زميلاتى عندما شاهدو كل ما سهرت عليه من اعمال ووسائل وتزيين سجلات وافكار ابداعيه وجماااااااال قالولى ايه ده ؟؟؟؟؟؟؟ ومالك مرتبكه ليه دا انتى عامله شغل بيتكلم وواحد من اصحابى قالتلى والله انا كنت اروح معاكى علشان اوصلك بس وادنى جايه لانى عافه اننا مش هنلحق نعمل المطلوب بطريقة كويسه بس دلوقت اروح معاكى وافتخر كمان ده كان رد فعل زميلاتى فى المدرسه وبعدين اخذت باقى الشغل من المدرسه وذهبت انا وصحبتى الى المسابقه وبعد لما دخلت التقييم الاول سألتنى احدى المقيمات عن اسمى وانا لا اعرفها وفوجئت بها تقول لى انتى فلانه اللى كنت فى مدرسه كذا (مدرستى الاولى )قبل الاجازة وكان فيها بعض المشاكل فاستغربت لمعرفتها لى وماذا سمعت عنى ؟؟ فسألتها ومين حضرتك ؟؟ قالتلى انا كنت وكيله بالمدرسه بعد ما مشيتى من المدرسه فزاد استغرابى فقلت فى نفسى وتتذكرين اسمى بعد مرور اكثر من اربع سنوات فماذا سمعتى عنى ولكنى لم اطيل فى تفكيرى فكل تركيزى فى ما عملت فى المسابقه وطلبت منى الاعمال التى فعلتها وفوجئت ان اللجنة المقيمه تقريبا هما الموجهين اللى ماسكين المدرسه القديمه التى ظلمت بها قبل سفرى لليبيا من اربع سنوات ولكن ميعرفوش غير اسمى ولا يعرفون شكلى وما ان رأو اعمال الا انهم كانو ينظرون لبعض كلما عرضت عليهم سجل او عمل وشكرو فى اعمالى التى استطيع ان اقول بهرتهم رغم اخفائهم ذلك لان اعجابهم كان عبارة عن ايماءات بهز الوجه هههه ولكن لم يطيل اخفاء الاعجاب لما اظهرت اخر انشطتى والتى كانت اجمل ما ابدعت عن نشاط بصرى سمعى للاطفال عن الاسنان وكيف شدهم هم الكبار بطريقه مبهرة لدرجه ان من فى القاعه من لجان تحكيم انصرفو عن التحكيم لينظرو الى ويصورونى بالموبيلات وانا اقدم نشاطى الجميل وبوسيلته المبهرة البارعه والذى لو حكيت لكم كيف أتت لى الفكرة لاستغربتم وكيف نفذتها المهم قالو اذهبى للجنه التى بالحجرة التانيه وانا معنديش خبرة يعنى ايه الحجرة التانيه يعنى انى اتصعد للتحكيم للجنه النهائيه اللى هطلع المراكز على مستوى محافظتى قلت لعله خير وذهبت للجنة التحكيم انهائى وسلمت عليهم ومكنتش اعرف انى اول واحده ادخل الحجرة دى وجاء رجل يظهر عليه الوقار عرفت فيما بعد انه مندوب الوزارة فى اللجنه واثناء عرض اعمالى على اللجنه تدخل مندوب الوزارة ليظهر دورة ويسأل المتسابقة اللى هو انا وقال ايه عايزنى اركز وهو يسأل قالى قولليلى ايه الانشطة اللى بتقدميها فى الروضه اختكم بلمت ايه الراجل ده انشطة ايه بالظبط ما احنا شغالين انشطه لما طلعان عنينه هو عايز ايه ؟؟؟ المهم صاحبتكم مانمتش من ست ايام وعمال لما فهمت السؤال قلتله نشاط زى النحل حشرة مفيده وبيدينا العسل وو...و.., الراجل قالى طيب لو جالك طفل رخم كده وانتى بتشكرى فى النحل وقلك يا ميس النحل مش كويسه زى ماأنتى بتقولى النحله قرصتنى هتقوليلو ايه؟؟؟؟؟ الله هو الطفل اللى غلس برضو وبعدين استجمعت نفسى لانى مكنتش اعرف ان المسابقه فيها اسأله ورديت قولت له انا بعرف الطفل ان ربنا بيدى كل واحد طريقه يدافع بيها عن نفسه وربنا خله النحله تدافع عن نفسها لما انتى قربتلها فقرصتك المندوب قلى كويس كويس طيب قوليلى لو طفل ضرب طفل وشد شعره هتعملى ايه ؟؟؟؟ الله الله هو الموضوع مطول مش سؤال واقلب الراجل عايز الاجابه قولت له والله من خلال خبرتى بالاطفال فى الروضه هعرف مين المخطىء واخليه يعتذر قالى المندوب لأ لأ مقصدتش الطفل ده ضرب ده وزعل ده وشتم وخبط ده وشقى يعنى كل شويه شكوى منه تعملى ايه للطفل ده ؟؟؟؟ انا بصراحه اتلخبط لانى مكنتش مستعده للاسئله والمندوب زى ما يكون مصدق يلاقى حد يحل له مشاكل احفاده ههه المهم فضلت اقوله فعلا انت بتثبت ليه عنصر طفل واحد وكده وانا دماغى بحاول تجمع تركيزى فقولت له الطفل ده من كتر ما الكل بيقوله انتى وحش انتى شقى انتى .... الولد عنده مشاعر سلبيه عن نفسه انا بركز فى اظهار الجانب الايجابى عند الطفل ده امام نفسه اقوله انتى شاطر انت مؤدب طيب ينفع حد مؤدب يشتم صاحبه . ينفع ولد شاطر ميسمعش كلام المس فالطفل يخاف على صورته اللى انا اظهرتها له فيبدأ فى تحسين سلوكه ولقيت المندوب بيقولى الله ينور عليكى كأنى حلتله مشكلة كانت مؤرقاه واعجب جد جد باجاباتى واكملت باقى عرضى للانشطه ونشاط الاسنان السابق الذى عرضته وخرجت وكل من فى اللجنه مبهورين والحمد لله لحد هنا كويس جد جد والحمد لله وانا راضيه على الشكل الجميل اللى انا ظهرت بيه والله لو قلت لكم انى من جوايه سعيده بمجهودى وانى وااااااااااااثقه تمام الثقه بانى هكون من الناس اللى هيختارو منهم المركز الاول والتانى على مستوى المحافظه لانى انا عارفه مستوى شغلى بس بامانه كنت هحتار لو اترشحت على مستو ى المحافظه انى ادخل مسابقه الجمهوريه وخصوصا انى مدرستى ليس بها امكانيات بس اللى حصل انهم فعلا اختارو بنتين من اكبر مدارس محافظتى للمركزين الاول والتانى القرار ده مزعلنيش لانى عارفه التصعيد للجمهوريه يلزم له مدارس كبيرة وقالت لى الموجه كفايه انك من الوحيده اللى شكر فيها جد مندوب الوزاره ولكن جالى احبااااااااااااااااااط فووووووووووووق الوصف لمده 48 ساعة ليه؟؟؟؟؟؟؟؟؟ طيب انا مختش مركز اول ولا تانى بسبب امكانيات مدرستى بس فى توجيه وفى حاجه اسمها شهادة تقدير بلاش شهاده تقدير اسماء الناس اللى تميزت تتقال حتى فى النتيجه المعلمات فلانه وفلانه وفلانه تميزه بس احنا اخترنا فلانه وفلانه علشان امكانيات المدارس لمسابقه الجمهوريه مجرد ذكر اسمى كان يرضينى اااااااااااااااااااااه بجد تعبت واحبط بس لم استسلم للاحباط وقررت العمل باستماته مع الاطفال لان هم من يستحقون تعبى والله كنت متأكده من جواااايه انى عملت شغل فى المسابقه محدش عمل زيه بس اه اه اه التوجيه محبط جد جد انتو عارفين مين اللى قال للبنت اللى فازت بالمركز الاول انتى فوزتى ؟؟؟؟ انا اتصلت بها لاقول لها مبروك لانها بنت فعلا مجتهده قالتلى ليه ؟؟؟ قولت لها علشان انتى فوزتى بالمركز الاول فاستغربت جد فلم يخبرها احد !!!!!!!!!!!!!!!!!!!! شوفت الاحباط حتى اللى فزت متصلوش بيها يقوللها حتى مستكتريت علينا الفرحه !!!!!!!! المهم من خلال علاقتى بالبنت الفائزة بالمركز الاول عرضت عليه مساعدتى واتصلت بها مرارا لعرض مساعدتى لها فى مسابقه الجمهوريه وقالت لى انهم طلبو منها اعاده بعض الاعمال مثل ورقة العمل للمسابقه لانها عملتها بطريقه خاطئه فقلت والمطلوب يتعمل ازاى ؟؟؟؟ قالت لى كذا كذا قلتلها انا كنت عاملاه كده واحسن كمان انا هبعت لكى ورقة العمل بتعتى وشوفيها فلقتها بتتصل بيه بعده وصول البحث لها وبتشكر جد جد جد فيها واااااضحه ومنظمه وجد وواضح ان اللى عاملها واحدة فاهمة وقالتلى ربنا يكرمك والله وفرتى عليه وقت وجهد كبير وانتى عارفه مدى انشغالى وفضلت تدعى لى بجد لحد دلوقت مازال الاحباط يمتلكنى بعض الشىء رغم انى بحاول اهرب منه قولولى اعمل ايه ؟؟؟؟؟؟؟؟؟؟؟؟ |
Quote=ندي محمد ابراهيم المليجي;4333172]السلام عليكم جميعاً ورحمة الله وبركاته
زملائي وأصدقائي الأعزاء انج وهاب - مشتاقة - محمود - احمد ماهر - هني كيف حالكم جميعاً وحشتوني كتييييييييييير أنا بخير والحمد لله أنا رجعت من العمرة الأسبوع اللي فات وكانت عمرة فيها روحانيات كثيرة وحاسة بتغيير كتيير في قلبي وعقلي فأصبحت أكثر هدوءاً يعني علي رأي أبويا عقلت شويه ( خذوا بالكم من شوية ) يعني من وجهة نظر أبويا حبيب قلبي لسه ناقصني كمان شويتين . المهم أنا دعوت لي ولكم جميعاً بكل خير وأن يعطي لكل واحد مننا كل ما يتمناه ولكل المسلمين والمسلمات ...أمين يارب العالمين أيه أخباركم وأخبار أحوالكم أيه طمنوني علشان أنا حجزت ونازلة علي مصر بمنتصف شهر 7 وزوجي بيقول ليه ألغي السفر وأعملي دعوة لأبويا وأختي الصغري وأخويا أحسن من القلق اللي حاصل بمصر فبصراحة أنا مش قادرة أقتنع ليه ألغي سفري وهل مش من حقي أني أنزل بلدي وأشوف أهلي وليه مفيش أمن وأيه مواضيع الخطف دي وكمان أنا بقالي فوق 10 سنوات لم أري خالي وأولادة لأنهم عايشين بأمريكا ودي المرة الوحيدة اللي ظبطت أجازتي معاهم علشان أشوفهم ( رغم أني هسافر ليهم علي المنزلة ( أحدي محافظات المنصورة ) علشان أنتم عارفين أنا من بورسعيد وصعب في الظروف دي نتقابل بالقاهرة لأن كمان زوجي مش نازل معانا فأنا فعلاً قلقانة هل أنزل ولا ألغي سفري وخصوصاً إن أبويا الحبيب مش هيرضي يجي الكويت لأنه بيحب بورسعيد جداً ومابيحبش أي بلد يرحها غير بورسعيد ( اللي في ظروف اقتصادية صعبة جدا ) بسبب الأحداث الأخيرة معلش بشارك أحبابي في همومي بس ارجو الافادة والاطمئنان عليكم جميعاً .[/quote] ربنا يصلح لك الحال ويريح قلبك لا اخفى عليكى البلد هنا ربنا يعنا بس الوضع مش مؤساوى لدرجه الغاء سفرك فانا سافرت ليبيا ورجعت والحمد لله فى الظروف دى وعاما السفر فى بولمن او اتوبيسات بيكون اكثر امانا وبلاش تتقابلو فى القاهرة تعالو عندنا الاسماعيليه اهى اقرب برضو تشرفونا وتنورونا والله وتقريبا الظروف الصعبه اللى فى بورسعيد خلصت دلوقتى ربنا يصلح لك الحال يااااااااارب وتنورى مصر وتفرحى بوجودك وسط اهلك |
الف حمدلله على السلامة.. الحمد لله انك بخير يا مشتاقه.. كنا قلقانيين عليكي قوي.. ولا يهمك بخصوص الجأيزة لانك عملتي اللي عليكي.. واللي نعرفه عن المشتاقة ان هي واثقة في نفسها وعارفة قدراتها صح.. ما تخليش الاحباط يقرب منك.. وخليكي قوية دايما.. مدرستك صغيرة والواسطة كمان بتلعب دور.. اكيد باذن الله هتيجي الفرصة.. لي طلب عندك: حاولي ترفعي صور من الوسايل والشغل اللي عملتيه لاني اشوف حاجة منه ومتاكد انه شغل جأمد ويستحق التقدير.. وانا بالنيابة عن كل اخواتنا وزملاءنا هنا بهديكي المركز الاول عن جدارة وسيبك من الحج اللي حفيده مزهقة ومطلع عينه ومش عارف يعمل معاه ايه ههههه.. بقولك تاني انتي وحشتينا واشتقنالك قوي قوي وما تغيبيش عننا تاني ابدا ابدا
|
هلا وغلا بالغالية مشتاقة
فينك يا مشتاقة يعني بتتقلي علينا ولا أيه وفعلا يا محمود مشتاقة وحشتنا قوي قوي قوي واشتقنالك قوي قوي وأنا من أول سطر كتبتيه توقعت أنك تفوزي بالمركز الأول وفي الأخر جاء ليه أحباط وكأنني أنا اللي خسرت بس هوه مش خسارة بقدر ما هو مكسب لكي لتقوي وتقفي علي أرض أكثر صلابة بس معقوله لسه فيه كوسة ووسايط أنا كنت فاكرة إن الثورة شالت كل هذه المساويء اللي كنا عايشين فيها منذ زمن . بس سيبك المهم نورتي مكانك تاني يا غاليتنا وزي محمود ماقالك نزلي الوسائل دي نشوفها ويمكن ألطش منها حاجة عشان أولادي ( بعد أذنك طبعاً ) بس قولي ليه هيه اللي فازت كان شغلها متفوق عليكي في أيه ده أنتي كنتي عاملة اللي ما أتعملش وهل هيه من مدرسة مركزها قوي يعني ولا أيه ؟ لأني اللي أعرفه بيكون في هذه الأمور مجاملات أكثر منه شغل . وأنا حاسة بكل كلمة كتبتيها ففيها معاناتك وتعبك ولكن الخيرة فيما أختاره لنا ربنا ومحدش عارف الخير فين أو أمتي كلنا بنتوكل علي الله وإن شاء الله المرة الجاية فائزة بإذن الله . وربنا يخفف عنك كل زعلك يا مشتاقة وهو مش سهل يروح بسرعة بس أرمي وراء ظهرك وبصي دائماً للأمام ففيه الأمل والمستقبل والنجاح . بس المهم أحنا اللي كسبنا لأننا معانا مثلك يا مشتاقة وابتسمي دائماً صح يا انج ياغاليتنا الغائبة بقالها فترة عننا ووحشتينا جدا |
اقتباس:
الاستاذ محمود اشكرك جد جد على كلامك وبجد هون عليا كتير ووالله تصور مكنتش اخده بالى من موضوع الوسطه ده خالص ولسه زميله ليه موضحالى الموضوع ده انهارده ياللا معلش هنعمل ايه اصل المدرستين اللى اخده المركزين فعلا مدارس كبيرة تجريبيه ومجمع تعليمى وفيهم امكانيات جاااااامده وعيب اووووى لما مدرسه صغيره زى مدرستى تاكل منهم الجو بس ده ميمنعش ان البنت بتاعت المركز الاول كويسه وشغلها كويس بس بصراحه وبجد مش افضل منى ممكن يكون فى مستوايا والدليل انى ساعدتها بورقه العمل اللى انا عاملاها وهى انطلبت منها اعادتها وتصحيحها وانا كنت عاملها افضل من تصورهم كمان بس ربنا عارف قدرات مدرستى والتعب اللى كنت هتعبه لو اتصعدت على مستوى الجمهوريه وانى كنت هنحت فى الصخر لوحدى الحمد لله على كل شىء اشكرك مرة تانيه وان شاء الله هنزلك صور بعض اعمالى بس يارب تظهر بجمالها وروعة الوانها انت تأمرنى |
اقتباس:
ندى اختى العزيزة وقارئة رغى الكتييييييييييييييييييير اوووووووووووووى ههههههههههههههههه والله وحشتينى جد جد و بجد اشفقت عليكم لما رجعت وقريت كلامى اللى كتبته ده كتيييييييييييييييير جد اصل انا مشفتوش لان النت كانت عندى معوووووووووقه وتقيله جد جد جد لدرجة انى رديت عليكم ومنزلش الكلام بعد لما ارسلته بس معلش كفاااااااااااااااااااايه رغى الستات دول يا ساااااااااااااااااتر يحبو الكلام بشكل هههههههههههههههه انتى تأمرينى يا قمر وانا ابعتلك الوسايل مش تلطشيهم ياللا معلش انهارده حصل حاجات فى التوجيه لما الموضوع يخلص يبقى ادوشكم بيه هههههههه اصلى لسه معرفش اخرت الناس دى ايه ؟؟ وانا بضحك اهوه علشان انتى قولتى ليه ابتسمى :d:d:d:d:d |
السلام عليكم ورحمة الله وبركاته أسعد الله مساء الناس الحلوين.. الغايبين.. يارب تكونوا بخير وبصحة وسعادة هبدأ بالاخت الكبيرة انج : مش متعودين تاخيرك علينا بالشكل ده يارب يكون المانع خير.. وحشنا كلامك قوي.. ندى : أخبارك إيه واخبار الأولاد ايه واخبار الشغل ايه واخبار مصر اللي طبعا مركزة معاها قوي دلوقتي ايه ومش متواجده زي الاول ليه ليه ليه ؟؟؟ احمد: عامل ايه يا ابو احميد عندك حق حال البلد بقى صعب قوي بس لازم يبقى فيه مساحة تفاؤل ولو صغيرة جدا والا هنقعد مكاننا ومش هنتحرك وبإذن الله فرجه قريب.. المشتاقة : عدت.. ففرحنا.. ولكن الان أين أنت ؟ .. ( بالبلدي كده ) فينك وفين الصور والوسائل.. شوقتينا نشوفهم .. وعلى فكرة ممكن تبعتيهم لينا على الرسائل الخاصة.. أدعو الله أن يحفظكم وألا يحرمني منكم أبدا.. تقبلوا خالص ودي واحترامي |
معلش يا جماعة مش فاكرة انزل الصور ازاى على المنتدى انا مش شايفة مكان مكتوب عليه تحميل صور ممكن حد منكم يساعدنى اصل من يوم ما المنتدى شكله اتغير وانا مش عارفه راسه من رجله :rolleyes::rolleyes::slap1qk6::slap1qk6: |
3 مرفق
السلام عليكم جميعا
المشتاقة : بخصوص ارفاق الملفات زي الصور وخلافه اليكي هذه الصور: الملف المرفق 77764 والمرحلة التانية الملف المرفق 77765 والاخيرة الملف المرفق 77766 |
السلام عليكم ورحمة الله وبركاته محمود ندى مشتاقة واحمد والله وحشتونى جدا وحمدا لله على سلامة مشتاقة ويارب ينولها ما تتمنى وندى حبيبت قلبى كيف حالك و اشكر سؤالك الدائم عنى والسلام الكتير لمحمود ويارب يبارك فيه ويعطى له الصحة وسلامى للاستاذ احمد وبقول له ربنا يصلح حال البلد ..... معلش انا غبت عنكم الفترة ال فاتت كنت فى حالة احباط من ال بيحصل فى التربية والتعليم على وجه الخصوص تصوروا ان المدير العام والحاكم بأمره متجاهل وكيل وزارة التربية والتعليم والموجهين التابعين للمديرية التعليمية التابعة لمحافظتى النايمة وبيعمل تعاقدات للخريجين من تخصصات مختلفة يسكنهم فى اى تخصص مثلا خريج اداب يدرس رسم وهذا الخريج السابق يدرس حاسب وتجد تعاقد اخر له فى المدارس الفنية ذات اليخصصات المختلفة واصحاب التخصصات الاصلية مش لقين حد يعبرهم ويعمل لهم عقد صحيح .اكيد ما عندهمش واسطة والموجهين ليس لهم حول ولاقوة ..... (غير موجهين مشتاقة ) و تضامنت معهم وكتبنا شكاوى على مستوى الجمهورية ولاحياة لمن تنادى وعندما تجد مسؤل وتشتكى له من ال بيحصل وتقول له التعليم رايح فين اين الشخص المناسب فى المكان المناسب يقولك معلش ... دربوهم طيب فترة الدراسة كلها ما فائدتها وتلف الشكاوى وترجع للشخص الغير مسؤل السابق الاشارة له والله انا متفائلة بطبعى بس ده اسمه ايه ؟؟ مش عارفة ( سمك لبن تمر هندى ) دى حاجة بسيطة جدا من ال بيحصل فى نظرية لتطوير التعليم |
فينكم يا حلوين يا مقطقطين ؟؟؟؟؟؟؟؟؟؟؟؟؟ |
أسعد الله صباحكم جميعاً بكل خير أحبتي أنج وهاب - محمود - مشاقة
حبيبتي الغالية أنج صباح الفل والياسمين ....... أزيك أنج عاملة أيه وأخبارك أيه وما كنتش عارفة اللي معطلك عننا أيه فأنا زعلت لما قرأت علي الصعوبات اللي مازالت موجودة بمصر والكوسة والروتين اللي أصبح كابوس دائم في حياتنا عارفة تحسي إن فيه ناس موجودة بس عشان تعكنن علينا وعلي حياتنا ولومفيش أي حاجة هيه تتصرف وتعقد الموضوع يعني أنا لما نزلت أخر مرة مصر أختي كانت بتطلع رخصة السيارة تخيلي يطلبوا منها شهادة ميلاد أمي جابت ليهم شهادة الوفاة يقولوا لها لألألأ عايزين شهادة الميلاد وطبعاً في وسط القلق ده معرفتش تسافر البلد عشان تطلع مستخرج من شهادة الميلاد وبعد كده لما أنا رجعت هنا أتصلت بيه وقالت ليه الأمور مشت يا حلاوة متقلقيش وطبعاً أنتي عارفة أزاي ......فمازالت الأمور اللي تحت الطربيزة موجودة ما أختفتش من حياتنا . فربنا موجود وماتزعليش نفسك فلا يضيع حق وراءه مطالب أبداً فأكثري من الاستغفار وأنا عارفة أنك في الأمور مش محتاجة أقولك عليها . المهم أخبار الخطوبات أيه والأفراح والليالي الملاح طمنينا دائماً عليكي يا أنج وهاب وربنا يفرحك دائماً . غاليتي مشتاقة صباحك قشطة يا مشمشة أزيك عاملة أيه وأخبار أولادك أيه وأنا معجبة جدا بأصرارك دائماً للنجاح حتي ولو بمحاولة الدخول بشرف التجربة ... وده بيدل علي أنك أنسانة ناجحة يامشتاقة وصدقيني إن شاء الله هتنجي وهتوصلي بإذن الله وزي محمود ماقالك ممكن تبعتي لنا شغلك علي الخاص لأنه شغل متعوب عليه وحرام يأخذه أحد علي الجاهز . طمنيني عليكي دائماً يا مشتاقة . الأخ العزيز محمود أسعد الله صباحك بكل خير وأنا متشكرة علي سؤالك الدائم عننا بس أنا بدخل بصفة منتظمة علي النت بس بكون أحياناً مش عارفة أكتب كلمة فأولادي ممنوع أجي جنب النت إلا بعد ما يخلصوا لعبة المزرعة السعيدة اللي جننوني بيها وأخرها أبني النهاردة الساعة 6 صباحاً بيقول ليه أيه رأيك أشتري دجاجة نحطها في البيت تبيض لينا بيض بدل ما كل شوية تشتري بيض من الجمعية . فده اللي بيخليني ما أعرفش أتواصل معاكم . وأنت فعلا معاك حق فأنا مشغولة بأخبار مصر دائماً فالأمور تسير للأسوء ......هات ليه حاجة واحدة بقت كويسة كل حاجة أصبحت غالية والآزمات المتكررة في السلع الاساسية وحال بورسعيد اللي واقف فهناك أهلنا ويصعب عليا لما أسمع عن بعض العائلات أصبح دخلهم معدوم وعدم وجود محافظ لغاية دالوقتي يعني مفيش أمن بالبلد . بس اللي مفرحني شوية إن فيه خطوبة أخويا كمان 10 أيام وكان نفسنا نكون معاه بس أنا هنزل في رمضان وباقي أخواتي في أخر الصيف وطبعاً لازم تتعمل الخطوبة عشان خالتي مسافرة أمريكا علي شهر 6 فهتكون واقفة مكان والدتنا الحبيبة . وأنا مش عارفة أقول لك أيه عقبالك ولا أنت مخطوب ولا خاطب بس المهم الفرحة حلوة جدا لأعز الناس وهم الغائبين عننا ....... ومعلش طولت عليكم بس فعلا لما يكون ليك أصدقاء تحس أنك أهلك معاك فأنت هنا عارف كل واحد مشغول يعني أخواتي معايا بس ممكن نشوف بعض علي الطاير مرة كل أسبوع . وشكرا علي تواصلك الدائم معانا يا محمود فأنا بفرح لما بدخل علي الموقع وألاقي أحد مننا متواجد وبيسأل علي الكل . ولكم مني أصدقائي الاعزاء ألف مليون سلام |
السلام عليكم ورحمة الله وبركاته ندى محمود مشتاقة احمد الله يفرح قلبك يا ندى ويتمم خطوبة اخوك ويسعده ويسعد بباكم بيكم ويكمل رسالته على خير امين يارب العالمين ويسعد اخونا محمود ويفرح قلبه بالزوجة والاولاد الصالحين اما عن خطوبة اولادى فربنا يهىء لهم الزوج والزوجات الصالحين انا ابنى ما بيفكرش فى اى شىء من هذا القبيل يعتبر صغير الى حد ما ولكن المشاكل الان فى بنتى الكبيرة بترفض اى حد يتقدم لها بحجح واهية ويارتها بتعرف تختار عموما لما تخلص تعليمها على خير تكون نضج تفكيرها وربنا يصلح حالنا جميعا ومشتاقة مشغولة بالمسابقات وما بتسألش على احد ربنا يوفقها الى ما فيه الصالح |
اقتباس:
انج انا لا انا مشغوله ولا حاجه والله بدخل كل يوم تقريبا على المنتدى ازور الموضوع واقرى شويه حاجات واخرج ربنا يسمعنا عنك كل خير يا قمر وربنا يهدى لك بنتك كل البنات كده فى السن ده بس انتى حاولى تقربى منها وتسمعى منها اللى جواها :friendsxs3: خليها تتكلم وتحس ان فى حد بيسمعها ويا سلام لما تكون ماما حبيتى ثانيا متفرضيش عليها رأيك (عارفه هتقوليلى مبفرضش ) بس اقصد لو عايزة توصللها معلومه او طريقة للتفكير الصحيح ميكنش بطريقة مباشرة اعطيها من خبراتك حكايات كأنك بتحكى معها ووتتكلمى على انها سهرايه وركزى انتى عايزة توصللها ايه من غير ميكون باين مش علشان نضحك عليهم ابدا علشان نساعدهم على التفكير ونعنهم على مواصلة الطريق وده ما يمنعش شويه حبكه وذكاء دا احنا اوواااااريييب ههههه ما احنا ساعات بنحط الدواء لاولدنا فى العصير :d علشان ميحسوش بيه وربنا يشفيهم ربنا يعينك ويقويك واسفه لو كنت تدخلت فى امورك ندى مصر هتنور امتى بيك يا ستى ؟؟؟ ربنا يفرحك بوجودك وسط اهلك على فكرة انا منستش صور الوسايل بس والله الوصله بتاعت الموبيل بايظه هجيب غيرها وانزل الصور ان شاء الله استاذ محمود ايه اخبارك ؟؟ طمنا عليك ؟ ربنا يرزقك الصحه والعافيه وينولك اللى فى بالك |
اقتباس:
انج انا لا انا مشغوله ولا حاجه والله بدخل كل يوم تقريبا على المنتدى ازور الموضوع واقرى شويه حاجات واخرج ربنا يسمعنا عنك كل خير يا قمر وربنا يهدى لك بنتك كل البنات كده فى السن ده بس انتى حاولى تقربى منها وتسمعى منها اللى جواها :friendsxs3: خليها تتكلم وتحس ان فى حد بيسمعها ويا سلام لما تكون ماما حبيتى ثانيا متفرضيش عليها رأيك (عارفه هتقوليلى مبفرضش ) بس اقصد لو عايزة توصللها معلومه او طريقة للتفكير الصحيح ميكنش بطريقة مباشرة اعطيها من خبراتك حكايات كأنك بتحكى معها ووتتكلمى على انها سهرايه وركزى انتى عايزة توصللها ايه من غير ميكون باين مش علشان نضحك عليهم ابدا علشان نساعدهم على التفكير ونعنهم على مواصلة الطريق وده ما يمنعش شويه حبكه وذكاء دا احنا اوواااااريييب ههههه ما احنا ساعات بنحط الدواء لاولدنا فى العصير :d علشان ميحسوش بيه وربنا يشفيهم ربنا يعينك ويقويك واسفه لو كنت تدخلت فى امورك ندى مصر هتنور امتى بيك يا ستى ؟؟؟ ربنا يفرحك بوجودك وسط اهلك على فكرة انا منستش صور الوسايل بس والله الوصله بتاعت الموبيل بايظه هجيب غيرها وانزل الصور ان شاء الله استاذ محمود ايه اخبارك ؟؟ طمنا عليك ؟ ربنا يرزقك الصحه والعافيه وينولك اللى فى بالك |
"اللّهُمَ آجْعلٍنيَ وأَحْبَابي مِنْ آعّظَمٍ خَلقِكَ نَصيٍباً فِيّ كُلَ خَيٍر تَقُسِمَھ،وَفِيّ كُلَ نُوَرٍ تُنْشٍرهَ، وَفِيّ كُلَ رِزَقٍ تَبْسٍطهَ، وَفٍيّ كُلَ ضُرَ تُكِشَفهٍ، وَفٍيّ كُلَ بَلاًءَ تَرْفَعهٍُ صبحكم اللهُ بفضله وجوده وكرمه وعفوه وإحسانه:)
|
اقتباس:
اللهم آآآآآآآآآآآآآآآآآآآآمين يا استاذ محمود ويكون هذا الدعاء فى ساعة اجابه ربنا يجزيك خير :) |
اللهم امين جزاك الله خيرا |
اللهم أمين
للمسلمين والمسلمات والمؤمنين والمؤمنات الأحياء والأموات إلي يوم الدين |
مساء الفل والورد والياسمين على الناس الحلوين.. ويارب دايما في الصفحة منورين.. حمدلله على السلامة يا انج وعلى فكرة الكوسة والواسطة والمحسوبية شكلها كده لسة ليها شوط تاني محدش عارف هيخلص امتى.. والمصيبة ان التعليم واخد اكبر نصيب وربنا يسهلها والحاجأت دي تختفي ا واحنا على ضهر الدنيا.. ندى/ الف مبروك خطوبة اخوكي وعقبالي يارب.. على فكرة انا كمان بحب لعبة المزرعة السعيدة قوي.. المشتاقة/ فين الصور ما تبقيش بخيلة قوي كدة.. وربنا يوفقك مش عارف ليه عندي احساس بيقول انك أروبة قوي فاهماها صح ومش من الناس اللي بتكسرهم الظروف وبيعلقوا الشماعات يارب تجيلك الفرصة وتتحقي النجأح اللي تستاهليه فعلا.. بعد يومين هيبقى مر على سفري المرة دي 4 شهور وحاسس انهم 4 ساعات يلا بقى علشأن هنام تصبحوا على خير
|
السلام عليكم ورحمة الله وبركاته محمود ندى و مشتاقة ىشكرا استاذ محمود على ردك الجميل المبهج اسبوع ونخلص :022yb4: الان عندنا امتحانات نهاية العام الدراسى وهننهى هذا العام بحلوه ومره وربنا يديك الصحة وعلى خير عند العودة نرى ما افسده هؤلاء قبل خروجهم على المعاش لم يتركوا ذكرى بل قطعوا كل شىء فى سبيل ارضاء محاسيبهم المهم احنا عايزين نفرح فيك او بيك :022yb4: مشتاقة انا شاكرة على ردودك الجميلة التى تعبر عن جمال ما بداخلك وحبك للخير والكلمة الطيبة صدقة شعارك المعروف وما نتحرمش ابدا من ردودك وربنا يوفقك ندى حبيبتى وحشنا كلامك وربنا يصلح الحال ويوفقك فى رحلتك الى مصر والعودة بخير وسلام ... طالما ابنك مسك الجهاز وعرف اللعب كده انت مش هتكتبى لنا الا قليلا ونصيحتى تشترى لنفسك جهاز خاص بك وربنا يوفقك ويوفق الجميع الى ما يحبه و يرضاه ملحوظة انا بجرب اللون الاورنج فيكم لانى عايزة الون به شقتى |
ياريت امتحان كادر تخصص عربى
|
السلام عليكم ورحمة الله وبركاته.. اخواتنا الاعزأء ندى ومشتاقة واحمد وحشتونا قوي وعاملين ايه يارب تكونوا بخير.. الاخت العزيزة انجي شكرا للكلام الحلو ويارب ما نتحرم من طلتك ابدا واللون البرتقالي ودرجأته انا بحبه قوي بس خليه فاتح علشأن ينور مع الاضأءة كويس.. تقبلوا خالص ودي ومحبتي لكم في الله ويارب يحفظكم..:d
|
اللهم احفظنا فوق الارض وتحت الارض ويوم العرض عليك |
اللهم آمين |
اصدقائي الأعزاء
السلام عليكم جميعاً ورحمة الله وبركاته اخباركم أيه ؟؟؟؟؟؟؟؟؟؟؟؟؟؟؟؟؟ معلش مش قادرة اقول لكم علي مدي زعلي علي أوضاعنا بمصر فيه أيه مفيش يوم بيعدي من غير لما نسمع اخبار محزنة سواء من داخل مصر أو علي مصريين من خارج مصر حد يفهمني فيه أيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
انج ندى محمود اسعد الله اوقاتكم ايه اخباركم ؟؟ والله وحشتونى ولم يمنعنى عنكم غير مرضى ادعو الله ان يشفينى ويشفى مرضى المسلمين ولكن اطمئنكم فانا اليوم والحمد لله عال العال والفضل لله سبحانه وتعالى انج ربنا يوسع عليكى ويرزقك وتلونى البيت بالوان كلها فرح وهنا يااااااااارب ندى حال مصر من سىء الى اسوء حسبى الله فى من اراد بها سوء ويجعل كيده فى نحره والله يا جماعة وحده الدعاء لمصر فى كل صلاة اللهم احمى مصر واجعل من اراد بها سوء كيده فى نحره واهدى اهلها واهديهم سواء السبيل وحسبنا الله ونعم الوكيل اللهم امين انا بدعى الدعاء ده تقريبا كل صلاة وخاصا فى قبل الفجر |
شفاك الله وعفاك يا مشمشة ناللهم اشفى مرضانا ومرضى المسلمين |
اقتباس:
|
السلام عليكم أعزائي مشتاقة - انج - محمود - الغائب منذ فترة أحمد ماهر
اعتذر منكم لأني في ردي الأخير كنت شوية مكتئبة بسبب الأوضاع بمصر مشتاقة يا مشتاقة سلامات وحمدالله علي السلامة وربنا يشفيك ويشفي مرضي المسلمين أجمعين وطمنيني علي أولادك خلصوا امتحانات ولا لسه . إن شاء الله ولادي علي أخر شهر هيخلصوا الامتحانات والحمد لله فأنت زهقت من المذاكرة بصراحة . طمنينا علي أخبارك دائماً وربنا يجعل دعائك في ميزان حسناتك وماشاء الله عليكي مواظبة علي صلاة الفجر فهذا أحسن شيء لأن صلاة الفجر خير من الدنيا ومافيها فربنا يجعلنا سباقين دائماً إلي رضاء الله علينا . انج وهاب كيف حالك أختي الحبيبة وعلي البركة فعلاً كما قال لكي محمود اللون الأورانج لون حلو فأنا بطبيعتي مثلك بحب الألوان المبهجة الفاتحة فهل هتصبغي البيت كله بلون واحد ولا كل غرفة بلون مختلف ولا كل جنب من الحيطة بلون لأني مررت بهذه التجربة في نصف السنة الماضي لأني صبغت البيت عندي بألوان مبهجة وطلعت حلوة . وربنا يجعل أيامك مبهجة دائماً فالتجديد حلو يا جميل . محمود أزيك يا محمود أخبارك أيه طلعت زي البيه أبني من محبي المزرعة السعيدة اللي جنني بيها ولو تعرف شفرات المزرعة السعيدة أبعتها ليه لأني دخلت قبل كده ومعرفتش أفعلها أزاي واستخدمها . وبعدين شكرا علي تهنئتك بمناسبة خطوبة أخي أحمد وعقبالك إن شاء الله عشان نفرح فيك فهو قدر ومكتوب مهما تهرب منه وربنا يديم عليك الصحة والخير دائماً يامحمود أنا لم أكن أنوي أتكلم عن أحوال مصر بس هل ما يحدث يرضي أحد وكما قال الأخ الفاضل أحمد ماهر أدعو لمصر فهي في محنة ومحتاجة إن الجميع يقفوا ويفكروا بتعقل أيه أخره ما يحدث في مصر ماهي النهاية اللي أعداءنا عايزنها لبلدنا اللي ملناش غيرها ؟؟؟؟؟؟؟؟؟؟؟ ربنا يهدي الجميع ويعرفوا قيمة بلدهم كويس ..................... ولكم مني كل الود والحب والتحية |
مشكووووووووووووووووووووووووووووووووووووووووووووووو وووووووووووووووووووووووووووووووووووووووووووووور
|
ياحى يا قيوم برحمتك استغيث فاصلح لى شأنى كله ولا تكلنى الى نفسى طرفة عين
اللهم عافنى فى بدنى اللهم عافنى فى سمعى اللهم عافنى فى بصرى لا اله الاانت |
ياترى انتخبتوا مين ؟ |
اللهم ولى من يصلح |
اعزائي وأحبائي وحشتوني كتتتتتتتتتيييييير
كنت مشغولة بالفترة السابقة وما زال العرض مستمر بالامتحانات مع أولادي بس الحمد لله بنتي الصغيرة نجحت وطلعت الثانية علي ukg وطالبة هدية نجاحها أي فون مع أني وعدتها وبشدة إن شاء الله هجيبه لها لما تتدخل الجامعة يعني كمان بعد أشي خمشتاشر شتاشر سنة كمان المهم وحشتوني كتييير علي العموم أنا نازلة دالوقتي علي السفارة عشان النهاردة أخر يوم بالانتخابات عندنا . دعواتي لكم بكل الخير والهنا ولي لقاء أخر معاكم أحكي بأستفاضة |
بسم الله والحمد لله رب العالمين .. سبحانك لا اله الا انت السميع المجيب بسم الله الرحمن الرحيم ، بسم الله خير الأسماء ، بسم الله الذي لا يضر مع أسمه أذى ، بسم الله الكافي ، بسم الله المعافي ، بسم الله الذي لا يضر مع أسمه شي في الأرض ولا في السماء وهو السميع العليم ، بسم الله في نفسي وديني ، وبسم الله على أهلي ومالي ، بسم الله على كل شي اعطانيه ربي ، الله أكبر ، الله أكبر ، الله أكبر أعوذ بالله مما أخاف وأحذر ، الله ربي لا أشرك به شيئا عز جارك ، وجل ثناؤك وتقدست أسماؤك ولا إله غيرك ، اللهم إني أعوذ بك من كل جبار عنيد ، وشيطان مريد ، ومن شر قضاء السوء ومن شر كل دابة أنت أخذ بناصيتها ، لا اله إلاانت الحليم العظيم .. لا اله الا انت رب السماوات ورب الأرض ورب العرش الكريم لا اله الا انت وحدك لا شريك لك .. لك الملك ولك الحمد وانت على كل شي قدير اللهم لك الحمد والشكر كما ينبغي لجلال وجهك وعظيم سلطانك اللهم لك الحمد حتى ترضى .. ولك الحمد اذا رضيت .. ولك الحمد بعد الرضى اللهم لك الحمد عدد خلقك .. ورضا نفسك .. وزنة عرشك .. ومداد كلماتك اللهم لك الحمد على الاسلام .. اللهم لك الحمد على أن هديتنا .. اللهم لك الحمد والشكر على جميع النعم التي أنعمت بها علينا .. |
أصدقائي الأعزاء
وحشتوني جدا جدا وزعلانة منكم عشان منذ زمن لم تدخلوا المنتدي طمنوني عليكم ولا الانتخابات مأثرة عليكم وبعد لما تخلص نرجع للمنتدي زي الأول عايزة اطمئن عليكم وعلي أحوالكم |
أنج وهاب
حبيبتي الغالية أنا أنتخبت أحمد شفيق وفي الأعادة هنتخبه مرة ثانية إن شاء الله |
اقتباس:
انتم عاملين ايه ربنا يطمنى عليكم انا كمان من مؤيدين الفريق شفيق بس للاسف مفيش عندنا قنصليه ولا بريد فى ليبيا ربنا يحفظ مصر يااااااااااااااارب ويجعل كل من اراد بها شرا كيده فى نحره |
أحبائي أنج وهاب - مشتاقة - محمود
السلام عليكم ورحمة الله وبركاته يعني كده بتغيبوا عننا أحنا مش بنوحشكم علي العموم أنتم بتوحشونا وبنفتقدكم فين التواصل . بس طمنوني عليكم فأنتم وحشتوني أنا مبسوطة إني أطمأنيت عليكي يا مشتاقة وكمان عشان أنتي هتنتخبي الفريق أحمد شفيق . عارفة أنا لما أقول لحد أني هنتخب الفريق أحمد شفيق كأني نطقت كفر فلماذا مصادرة الرأي الأخر الناس لم يعد لديها مجال للنقاش . هما بس الصح وأحنا الغلط وياريت يعطوني مبررات قوية زي اللي أنا بعطيها لهم عشان أقتنع بس كلمتهم الأساسية فلول وأتحداهم إذا كانوا فاهمين معناها . وهل كل الفلول فاسدين أليس فيهم من يعرف الله ومحترم . كنت أتمني إن حد فيهم يقنعني ويغير رأي عشان أقتنع بس بالعكس خلوني أصمم علي رأي وبزيادة . وعلي فكرة الأيام القادمة هتظهر حاجات كانت خافية عننا وهذا هو أحساسي والعلم عند الله دعواتي لكم بكل خير وصحة وسلامة |
إلي أحبتي في الله اقدم لگم أعتذاري إن قصرت يوماً في حقكم ، أو إن جرحتگم بگلمة او زلة أو موقف أو إي شيء آذاگم مني دون قصد بعد إيام قلائل سندخل علي شعبان يوم حصاد الاعمال مدار السنه يوم ترفع صحيفتي الي الله ،، يوم يراها الله عزوجل ولا أعلم بمايقضي بها.. حللوني فأنا أشهدگم باني قد عفوت وسامحت وصفحت. |
أبداً أنا مش مسمحاك بقالك شهرين مادخلتش علي المنتدي
|
السلام عليكم سامحوني على الغياب الفترة اللي فاتت.. بس والله غصب عني.. والله العظيم ربنا يعلم انا بحبكم قد ايه.. اخبارك ايه يا ندى وسافرتي مصر والا لسه ؟ سامعك - اكيد بتقولي في سرك سافرت مين والناس نايمين ده انا قربت ارجع ههههه.. عاوزك تسامحيني في المشأركة الجأية باسرع مايمكن.. لاني والله رغم اني عارف انك بتهزري بس والله العظيم دمعت لما شفت ردك دلوقتي مش عارف ليه.. سامحوني اذأ كنت قصرت في حقكم او زعلتكم مني.. وبعدين معاكم.. ما تسامحوني بقى ده المسامح كريم.. |
والله يا محمود مش زعلانه منك بس برجاء عدم التقصير وأنا لسه لم أسافر بعد إن شاء الله هسافر في رمضان ( شفت إنك مش متابع الحلقات السابقة ) فأنا قلت قبل كده هسافر برمضان وربنا يتقبله مننا إن شاء الله وكمان عايزة أقول لمشتاقة وانج وهاب وحشتوني .... وحشتوني ....... وحشتوني قصه و عبره كان هناك رجل عجوز يعيش لوحده .. رغب أن يزرع ارضه و لكنه لا يستطيع لكبر سنه ... فارسل لابنه الأسير والمحبوس منذ فتره رسالة هذه الرسالة تقول : ابني الحبيب ايها الثائر العظيم على الظلم والقهر تمنيت أن تكون معي الآن وتساعدني في حرث الحديقة لكي أزرعها فليس عندي من يساعدني بعد فترة استلم الأب الرسالة التالية : أبي العزيز ........ أرجوك, إياك أن تحرث الحديقة لإني أخفيت فيها شيئا مهما...رجاء يا ابى لا تهدر تعبى وتجعله هباء عندما أخرج من المعتقل سأخبرك ما هو (ابنك الثائر) لم تمض ساعة على الرسالة و إذ برجال الإستخبارات و الجيش يحاصرون المنزل و يحفرون الارض شبرا شبرا فلم يجدوا شيئا فغادروا الارض وصلت رسالة للأب من ابنه في اليوم التالي : أبي العزيز....... أرجو أن تكون الأرض قد حُرثت بشكل جيد اعتقد ان الارض ستصبح اجمل بستان فهذا ما استطعت أن أساعدك به و إذا احتجت لشيء آخر أخبرني و سامحني علي التقصير............ اللهم يا باعث النور .. يا باني البيت المعمور يا سامع من في القبور .. اسعد ووفق واحفظ قارئ هذه السطور اللهم زد وجهه نورا .. واجعله في يومه مأجورا .. وادخله الجنه مسرورا اللهم امين ... اللهم أمين ... اللهم أمين |
ألسلام عليكم اخواتي الاعزأء جدا.. يارب تكونوا جميعا بخير وسلام.. ووحشتوووووووني جدا جدا في البداية بشكرك يا ندى من قلبي بجد وقصة الفلاح دي اخدت منها درس اثر في بجد.. انك مش لازم تعمل كل حاجة بالاضأفة ان ده كمان مستحيل.. الاهم انك تعمل ولو حاجه صغيرة جدا من الاخر (ما تقصرش) .. بقول بعد فوز الدكتور محمد مرسي الله اكبر ولله الحمد.. اللهم قد ارتفع بقدرتك من ينوي اعلاء كلمتك.. اللهم انا نحسبه صالحا فاعنه على نصرة دينك ورفع الظلم عن عبادك.. اللهم ثبته على الحق والعدل.. اللهم اجعله عند حسن ظننا به.. اللهم امين.. اللهم امين.. |
الاستاذ الفاضل / محمود
السلام عليكم ورحمة الله وبركاته اشكرك علي ردك ودعني أنضم إليك في دعوتك إلي مصر وأهلها الطيبين رئيسنا ..............اللهم وفقه, اللهم سدده, اللهم أعينه, اللهم وفقنا لبناء مستقبل كريم, إنك ولي ذلك والقادر عليه ومبروك يامحمود أنا لم أكن أعرف أنك من مؤيدي محمد مرسي يعني كنت مخبي علي العموم المهم عندنا ريس دالوقتي بس تعتقدكده الأمور أنتهت ولا لسه فيه مفاجأت ؟؟؟؟؟ |
:bosyht9::bosyht9::bosyht9::bosyht9:
|
السلام عليكم ورحمة الله وبركاته.. وانجي والمشتاقه واحمد وحشتونا قوي يارب تكونوا بخير.. ندى : الله يبارك فيكي.. مبروك علينا كلنا وبصراحة كنت بحلم ان يجي في يوم رئيس قوي ويحكم بما يرضي الله ويتقي ربنا في الغلابة وشوية شوية يقل الفساد والرشوة.. يمكن مكتوب لنا نفرح شوية الله اعلم.. الواحد لو اتمنى الخير ينوي ويبدا ويقول لنفسه باذن الله هقدر ويصدق نفسه واكيد هيوصل.. وزي ما انتي بتقولي ان دلوقتي في رئيس ودي حاجة كويسة في حد ذاتها.. بالنسبة لتوقعات الاحداث والمفاجأت بقول يارب استرها معانا.. يارب عاوزين فرحه |
السلام عليكم
انا عايز اسئلة لغة عربيه وانجليزيه واجاباتها وياريت اسئلة كتير مش اربع اسئله بس اللي منتشرين ملحوظة : انا مدرس مادة العلوم |
| جميع الأوقات بتوقيت GMT +2. الساعة الآن 12:54 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.