![]() |
السلام عليكم ورحمة الله وبركاته ..
إزاي إخواني وأخواتي اللي في المنتدى واللي وحشوووووووووووووني جدااااااااااااااااااااااااااااا جداااااااااااااااااااااااااا معلش كان عندي ظروف طارئة منعتني من المشاركة معاكم الفترة اللي فاتت لكن دلوقت أنا رجعت تاني علشان استفيد منكم وأسعى لتقديم أي شئ ممكن يفيد ............ أكرر أسفي وفي انتظار استفسارات الإخوة الأعزاء ............... أخوكم د. عبدالرحمن المنياوي |
مسابقة لتعيين125 ألفا في وظائف طبقا للاحتياجات الفعلية
كتبت ـ ماجدة عطية: أعد الجهاز المركزي للتنظيم والادارة تقريرا لعرضه علي رئيس مجلس الوزراء يتضمن اقتراحا بقيام الجهاز باجراء مسابقة للتعيين في125 ألف وظيفة وفقا للاحتياجات الفعلية لكل جهة علي الدرجات الخالية بموازنة وحدات الجهاز الاداري للدولة وتجدر الاشارة الي أن عدد الوظائف بالدولة تصل الي أكثر من6 ملايين وظيفة, والوظائف المشغولة فعليا نحو5 ملايين و700 ألف وظيفة والباقي وظائف خالية وذلك اعتبارا من موازنة العام المقبل أول يوليو2011 كما يتضمن تعيين أوائل الخريجين بالجانعات. ويقوم الجهاز حاليا بجهود مكثفة للانتهاء من تثبيت نحو400 ألف من العمالة المؤقتة علي مستوي الدولة حيث تقوم الجهات الادارية والمحليات بارسال كشوف المتعاقدين للجهاز تباعا لمراجعة العقود وشهادات التخرج والأوراق للتأكد من استيفاء الشروط تمهيدا لصدور قرار التعيين وقد تم تثبيت أكثر من4 آلاف متعاقد بالاضافة الي50 من المعاقين وجاري تثبيت الباقي تباعا فور الانتهاء من مراجعة الأوراق. وأوضح مصدر مسئول بالجهاز أنه بالنسبة للعقود التي لاتتبع نوعيتها لفرصة التثبت, وتصل الي نحو مليون متعاقد فانه تقرر تحرير عقود جديدة تتيح لهم التثبت في وظائف دائمة بعد مضي3 سنوات علي تعاقدهم مع الاحتفاظ لهم بأقدميتهم بعد التثبيت وفقا لما يقرره القانون. وبالنسبة للمتعاقدين علي الصناديق والمشروعات بالمحافظات والجامعات والوحدات ذات الطابع الخاص والذين ليس للدولة صلة لهم ولاتتحمل صرف مرتباتهم ولايحق لهم التثبت بالجهاز الاداري للدولة أو تحرير عقود جديدة لهم فان الجهاز قرر انشاء شركة مساهمة قابضة بالقاهرة للخدمات ولها مشروع بالمحافظات بعد موافقة رئيس الوزراء علي هذا القرار بتأسيس هذه الشركة. جريدة الأهرام 11 5 2011 http://www.ahram.org.eg/Egypt/News/77475.aspx |
الاستاذ الدكتور عبد الرحمن
اولا احى سيادتكم على على المجهود الرائع والاحترام والاهتمام فى الردود جعلة الله فى ميزان حسناتك باذن الله ثانيا كان ليا استفسار عن اخر الاخبار فى التعيين هل شالو المعيدين من الكشوف وهل فعلا تم وضع اوائل الاقسام وهل فعلا فيه نيه ان التعينات ممكن تبقى فى القطاع الخاص اعذرنى لانى مش متابع مستمر نظرا لظروف عملى ولكم جزيل الشكر والاحترام وانهى كلامى بحديث أخرجه ابن أبي الدنيا عن الصادق المصدوق صلى الله عليه وسلم قوله: (إن لله عباداً اختصهم بقضاء حوائج الناس،حببهم إلى الخير،وحبب الخير إليهم،هم الآمنون من عذاب الله يوم القيامة ) |
السلام عليكم جميعا
ازيك يا دكتور عبد الرحمن واخبارك ايه؟حمدا لله على سلامة حضرتك ايه رأى حضرتك مش شايف ان الموضوع شكله نام او مات؟؟؟؟ وموضوع المنح مفيش اى اخبار عنه؟؟؟؟؟؟؟ والاخوة والاخوات فى المنتدى وانا معاهم فقدنا الامل |
|
السلام عليكم اريد من الاخوة الكرام اعضاء المنتدى من الأزهريين ان يفيدوني هل هناك أخبار عن موضوع تعيين المعيدين
يا رب يكونوا صادقين معنا بالنسبة لهذا الموضوع وينفذوا الفاكس الي من ساعة ما ارسلوه والكليات ارسلت لهم الاسماء مسمعناش حاجة جديدة او مفيدة عن هذا الخبر بالنسبة لنا وايضا الاخوة من التربية والتعليم وعلى الله قصد السبيل |
اقتباس:
|
ربنا يوفقكم جميعا
هل من جديد؟؟؟؟؟ |
يااااااااااارب وفقناااااا جميعااااااااا
|
أعضاء المنتدى من الازهريين : هذه آخر أخبار الاعتصامات
كتب : حسام صبري ـ | 25-05-2011 01:53 إذا كانت مصر قد شهدت ثورة الخامس والعشرين من يناير التي من الله بها علينا لتخرجنا من ظلمات النظام السابق، فإن جامعة الأزهر تحتاج إلى ثورة مباركة تطهرها من الفساد الإداري والظلم البين. وقد عانى أبناء الأزهر من هذا الظلم على مدار سنوات طويلة، وآخر حلقات هذا الظلم البين ما تعرض له مجموعة من صفوة أبناء الأزهر وهم أوائل جامعة الأزهر من دفعة 2002 إلى 2010 وقد حرموا من حقهم في التعيين في الجامعة لكن أبصروا بصيصًا من الأمل مع مجيء رئيس الجامعة الجديد الدكتور أسامة العبد الذي أعلن مع توليه مهام منصبه الجديد أنه جاء ليرفع الظلم عن أبناء الأزهر ووعد بتعيين جميع الحاصلين على تقدير امتياز وجيد جدا مع مرتبة الشرف من عام 2002 إلى عام 2010، فاستبشر الأوائل خيرًا لكنه كان استبشارًا مشوبًا بالقلق خاصة بعد أن تم حصر جميع الحاصلين على تقدير امتياز وجيد جدا مع مرتبة الشرف عن هذه الفترة فبلغ عددهم 22 ألف شخص وتم إرسال طلب لجهاز التنظيم والإدارة بهذا العدد، دون أن تتم تنقية الكشوف ممن لديهم درجات مالية أو ممن تم تعيينهم بالفعل، فاستشعر الأوائل القلق حيال هذا الأمر، فخاطبوا رئيس الجامعة ومجلس الوزراء والمجلس العسكري ورفعوا إليهم مظلمتهم واقترحوا أن تتم تنقية الكشوف وطالبوا بتعيين الأول والثاني من كل قسم أو شعبة على أن يتم تعيين الباقي في الجهاز الإداري للدولة حسبما يتوفر من درجات مالية. وطلب جهاز التنظيم والإدارة من الجامعة حصر احتياجات كل كلية من المعيدين. لكن الجامعة انتهجت سياسة المماطلة والتسويف مما حدا بالأوائل إلى تنظيم اعتصام مفتوح في مبنى إدارة الجامعة بمدينة نصر بعد سلسلة من الوقفات الاحتجاجية ووعود عديدة من هنا وهناك بحل فوري لمشكلتهم، لكن شيئا لم يحدث فدخل الأوائل في اعتصام مفتوح منذ الاثنين الماضي 16 مايو حتى الآن وأضربوا عن الطعام حتى ساءت حالتهم الصحية وتم نقل البعض إلى المستشفى، علاوة على ما تعرضوا له من معاملة سيئة من جانب المسؤولين في جامعة الأزهر وإهانات بالغة لا لشيء إلا لأنهم يطالبون بحقهم في التعيين وبتطبيق آلية عادلة تراعي جميع الأوائل منذ عام 2002 إلى الآن. وقد توجه إلى المعتصمين نهاية الأسبوع الماضي مندوب رئيس الوزراء المستشار أحمد عبد المقصود واستمع إلى شكوى المعتصمين ووعد بحلها في أقرب فرصة، وقد عادت الكهرباء التي تم قطعها عن المعتصمين مع زيارة المستشار، فمتى يعود الحق لهؤلاء المظلومين؟ جدير بالذكر أن الجامعة تصر على أن الأمر بيد جهاز التنظيم والإدارة وأن الأمر خارج عن سيطرة الجامعة، لكن المفاجأة التي صدمت أوائل جامعة الأزهر ودخل على إثرها بعضهم في غيبوبة وانهيار عصبي أن الخطاب الذي وجهته الجامعة للتنظيم والإدارة يطلب درجات مالية لا تصل إلى 2000 درجة مالية وهو ما يقضي على آمال الأوائل وذويهم في أن يجدوا من ينصفهم ويرد حقهم المهضوم، فمتى ينتهي الظلم في جامعة الأزهر. المصدر : عن جريدة المصريون |
بالــــــــــــــــــــــــنوفيق
|
لا حول ولا قوة إلا بالله
|
مفيش اخبار ولا ايه؟
|
يا جماعة اسماء الاوائل نازلة علي موقع اكاديمية البحث العلمى بس جامعة دمنهور نازلة غلط بالله عليكم قولولى اتصرف ازاى ربنا يكرمك يادكتور عبد الرحمن قولى اعمل ايه؟
|
التعيين للعشرين الاوائل فقط على الكلية كلها و ليس على القسم فقط ( على الرغم من ان الكلية بها العديد من الاقسام )
و كشوفات العشرين الاوائل موجودة بشئون العاملين بكل كلية و اللى عايز يعرف يروح الكلية بتاعتة و يسأل فى الشئون وتقريبا هايطلبو منه اوراق معينة . |
ياجماعة انا استغربت لما ببحث عن الموضوع لقيته في الصفحة التانية اعتقد اخبار حلوة زي دي تستاهل ان الموضوع يهتم به وياريت الدكتور عبد الرحمن المنياوي ينور الصفحة علشان يشارك الناس فرحتهم ويرد على استفسارتهم كما عودنا
الف مبروووووووووك للجميع وعقبال الازهر |
ألف مبروك لأوائل كليات التربية والتعليم ويا رب في الأزهر حتى ياخدوا قدوة بيكوا ويعينوا العشرين الأوائل بدل الي إحنا سمعينوا ده انهم حيخدوا الأول والتاني بس ودا سبب إحباط للكثير
|
ارجو الرد انا من اوائل الخريجين 2004 واعمل معلم مساعد
وامتحنت كادر ولسه النتجه التعين حيكون فى نفس المكان علشان انا خريجه كليه عمليه ونفسى اشتغل فى اى مكان اخر غير التربيه والتعليم |
إمتى التعيييييييييييييييييييييين يا جماعة الواحد زهق
السلام عليكم ورحمة الله وبركاته
والله ياجماعة الواحد لما سمع الخبر فرح جدا ولكن فين ده بقالهم شهرين ولا حس ولا خبر وبصراحة كده أنا زهئت من كتر الإنتظار كل يوم بحلم إن يجيلي جواب التعيين فأرجو من أي شخص لو عنده معلومات يدلنا إمتى التعيين وهل الكلام ده صحيح ولا لأ . |
يا جماعة انا خريج جامعة كفر الشيخ 2006 ومش لاقى كشف الدفعة 2006 بتاعتنا ولا فى طنطا ولا فى كفر الشيخ.....وده حسب الكشوف اللى موجوده فى موقع اكاديمية البحث العلمى......ياريت حد يفيدنى لو سمحتم
|
يا جماعة هي الأسماء اللي نازلة في موقع أكاديمية البحث العلمي دي فعلا هتتعين وهما إمتى نزلوا الأسامي دي عشان لو هما نزلوها قريب يبقى خلاص التعين بقى قريب .
|
والله يا أستاذ رامي أنا عماله أحمل الموقع مش نافع معاي فهل الموقع بيحمل فعلا كل الدفعات ولا لأ
|
اقتباس:
|
بص ياعم رامى وربنا يابنى الحظ عارف صحابه
مشكلتك زى مشكلتى انا خريج تجاره 2005 بس للاسف كفرالشيخ مش بعتت غير من 2007 بس اما باقى الدفعات من 2003 ل 2006 تم ارسالهم من جامعة طنطا هاقولك خلاصة الكلام احنا اتظلمنا ف الموضوع ده لو تعرف معاك ناس كمان كتير 5 او 10 من الاوائل برضه دفعات 2005 و 2006 نجمع بعض ونطلع على المحافظة بطلب تظلم ونشوف ايه رايك ارجو الرد للاهمية ياريت تبعتلى ميلك برسالة خاصه لان لو واحد او اتنين راحو للمحافظ مش هايعمل حاجه انما لو مجموعه هاعمل والله اكيد ايه رايك ولا هاتسيب حقك يضيع |
ياسيد رامى طنطا بعتت اسماء من 2003 ل 2010 بس على مستوى الجامعة
يعنى من 2003 ل 2006 على مستوى جامعة طنطا كلها سواء فرع او جامعة وانا شفت اسماء التجاره بنفسى بس للاسف صعب جدا تكون من اوائل الجامعة من كفرالشيخ الا الاول بس هوه اللى عنده امل منهم لله احنا مالنا بالكلام ده كله فرع وجامعه حسبى الله ونعم الوكيل |
فاطمة الزهراء
لو انتى اسمك فيهم يبقى مبروك ان شاء الله خير وقريب جدا هاينبعتلك جواب تعيين فى الحكومه وهاينطلب منك الاوراق بتاعتك يعنى على حسب كلامهم قبل 1 يوليو ان شاء الله مليون مبروك |
بعد ما الدكتور أسامة العبد أصدر القرار الخاص بتعيين أوائل الأزهر معيدين وجدد إلتزامة مرة بعد الأخرى يوصل الحال إلى هذه الدرجة حتى فقدان الأمل التام وتطالب الاوائل بتعيين الأول والثاني فقط من كل قسم معيدين في حين ان في التربية والتعليم بدؤا في تفعيل القراربتعيين 48 ألف طالب بمعدل العشرين الأوائل على كل دفعة في الجامعات والشركات , بينما العدد الذي ارسلته كليات الازهر كان 22ألف يعني نصفهم تقريبا , والسؤال : ليه دائما الازهر مهدور حقه مع انه أعرق وأقدم جامعة ؟؟؟؟؟
وربنا يوفق الجميع لما يحبه ويرضاه |
أسئلة أريد الرد عليها ممن لديهم العلم
الحمد لله على كل خير بس أنا عايزة حد لو عنده علم يعني يقولي هي الأسامي اللي نازلة في موقع أكاديمية البحث العلمي نازلة من زمان يعني من أول ما قالوا الخبر ولا نزلت الأيام دي .
سؤال تاني معلش لو الواحد متعين موظف مؤقت في الحكومة ولسه مكملش سنة في التعيين وهو من الأوائل هيعنوه إزاي , طيب لو هو عايز يبقى في مجال تخصصه يعنى مثلا هو متخرج من كلية التربية إنجليزي ونفسه يكون مدرس إنجليزي بس هو دلوقتي متعين موظف إداري مؤقت وخايف لحسن يقوموا يثبتوه في الوظيفة ديه وهو نفسه يتوظف في تخصصه لأن الوظيفة اللي هو فيها مش تخصصه لكنه لما جاءت مسابقة قبل كده أضطر وتقدم ليها طبعا لأن مفيش تعيينات . أرجو ممن لديه معلومات أكيدة يرد علي وأرجوكم محدش يقول كلام هو مش متأكد منه . |
اقتباس:
|
اقتباس:
غدا ثورة غدا |
انا مش عارفه اشوف اسماء خالص من الاكاديمية
حد يقولي اعمل ايه لو سمحتم |
السلام عليكم ورحمة الله وبركاته
اخوكم معتز عبدالكريم وانا العاشر على دفعت وخريج العام الماضى انا كنت ناوى اشتغل فى شركه معينه قبل الثوره وطلعت رخصة قياده درجه ثالثه وطبعا دفعت تامين لكن الى حصل فى البلد اكيد مرحتش اشتغلت وانا الان دون عمل واحمل تلك الرخصه لغاية ما قرات الخبر الخاص باستثناء من لديهم تامين اجتماعى سارى الرجاء من حضراتكم الافاده ولكم خالص الشكر والتقدير ضرورى بالله عليكم انا اعمل ايه عشان مترحش عليه التعيين وشكرا |
معلش عارف انى بتقل عليكم ولسه جديد معاكم واسئلتى كتيررررررررررر انا اسف بس بجد محتاج للرد
**بالنسبه للناس الى اتخرجت 2003و2004وغيره فيه ناس منهم سافرت الخارج للعمل هناك لانكم انتم جميعا عارفيين ظروف البلد كانت ازاى وكانت الناس كلها بتمشى الوضع بالنسبه للناس دى هيكون الوضع ليهم ايه وايه الى المفروض يعملوه ***ونفسى اعرف لما جواب لتعيين هيتبعت للناس هيكون ايه المطلوب الرجاء الرد على هذيين السؤاليين والسؤال الماضى الخاص بى ايضا ولكم جزيل الشكر والتقدير والعرفان ولكم فى ميزان حسناتكم اخوكم معتز عبدالكريم |
يا جماعه
بالله عليكم حد يعبرنى انا بجد محتاج لردكم |
بالله عليكم تردوا عليه عشان انا بجد محتاج لردكم
|
اولا السلام عليكم ورحمة الله وبركاته وأهلا بك أخي الكريم بين إخوانك وأخواتك في أسرتك أسرة المنتدى
ثانيا بالنسبة لخريجين 2003 و2004 ومسافرين أو أي خريج من الأوائل في الفترة المحددة ومسافر هيوصلهم جواب التعيين إلى البيت عن طريق البريد وهيكون فيه مدة يجهزوا أوراقهم ممكن تكون أسبوع أو أسبوعين وهما أكيد عرفوا أسمائهم وبالتالى المفروض يستعدوا للنزول من الآن لأن التعيين هيكون على طول وممكن أهلهم يقدموا أوراقهم على ما ينزلوا ولازم ينزلوا علشان الفرصة ما تروحش عليهم هو التعيين طبعا مش معيدين لكن اهو تعيين وخلاص على الأقل اسمها وظيفة حكومية ولما يحبوا يسافروا تاني يستلموا الشغل لمدة 6 شهور وياخدوا أجازة بدون مرتب ويسافروا لكن المشكلة إن فيه ناس متعاقدة ف الخارج ومش ينفع تنزل دلوقت أعتقد إن ممكن يرسل لهم صورة من الجواب اللى هيجي للبيت ويقدموه في شغلهم علشان يعرفوا ينزلوا أو أهلهم يسألوا بقى ف الجزئية دي بعض المسئولين. لأن أنا سمعت إن اللى مش هيقدم ورقه ف المدة المحددة ويستلم تعيينه يبقى مش له تعيين فالحل النزووول أما بالنسبة لسؤال حضرتك الأول مادام 10 يبقي تقدم ورقك لما يجيلك الجواب وبالنسبة للشركة لو جاتلك فرصة تاني وينفع تشتغل فيها فترة تانية لو دا ينفع ويناسبك توكل على الله والرخصة هتفيدك أكيد إن مكنش علشان الشركة دي هتفيدك ف حاجات تانية وبقت حاجة طبيعية لكل الشباب بيطلعوها فهي حاجة كويسه يارب اكون قدرت افهم المطلوب واوضحت بعض إبهامه ولو فيه حاجة أنا فهمتها غلط ياريت حضرتك تذكرها ولو عندي معلومة لها هقولها وألف مبرووووك للجميع وربنا يوفقنا كلنا في رعاية الله |
بارك الله فيك يا رحيق
|
ماا هو عنوان الموقيع الذى يوجد عليه الاسماء ؟
|
لوسمحتوا انا معلم مساعد من سنتين ومن اوائل الخريجين
التعين حيكون فى نفس المكان اصل انا قالى الموجه انتى كده متعينه وحيتم استبعادك من تعين الاوائل هل وظيفه معلم مساعد تعين ارجو الرد لو سمحتوا |
اقتباس:
جزاك الله خيرا |
اقتباس:
واختار اول توبيك ثم اضغط على اوائل الخريجين هتظهر كل الجامعات تختار الكلية واضغط go وانتظر ثواني للتحميل وهتوصلك الاسماء بالتوفيق |
اقتباس:
يااستاذتي الكريمة حضرتك مش متعينة صح؟ وحتى لو متعين واسمك من الاوائل بيجيلك الجاوب وساعتها حضرتك بتقدم اوراق انك متعين ف المكان كذا... لو عاوز نفس المكان خلاص المهم يكون المكان قريب من السكن و هيقولولك اكيد ع اجراءات تعملها علشان يتأكدوا وتتأكد انك استلمت تعيين ومش يشغلهم المكان دي حاجة بعد كدا المهم انك تستلم لانه تعيين مباشر وساعتها تبقي تشوف بقى التحويل من مكان لمكان وانا رآيي المتواضع ان لما يجيلك التعيين دا استلمه وهما هيسألوا حضرتك انت متعين ولا لأ ومفيش حاجة اسمها استبعاد حد اسمه نزل مع الأسماء إلا برغبته وإن شاء الله خير |
السلام عليكم ورحمة الله وبركاته ازيكم جميعا واسفة لعدم الدخول من فترة بس والله الكمبيوتر كان بيتصلح الفترة دى كلها اخباركم ايه؟ انا عرفت بموضوع الاسماء اللي نزلت والف مبروك لنا جمبعا حاولت ادخل المنتدى امبارح بس كان مشغول جدا طبعا علشان موضوع نتيجة الكادر ازيك يارحيق يا حبيبتى عاملة ايه؟ معلش يا حبيبتى قرأت رسالتك ومتحرمش منك ابدا انتى رحتى اسكندرية طبعا انا اسفة والله لسة قرأتها امبارح الرسالة ومبروك علشان لقيتى اسمك.
اما يا جماعة بالنسبة للتعين انا كمان قرأت الخبر بتاع استبعاد المؤمن عليهم السؤال هنا الاغلبية مننا بتشتغل بالحصة من سنتين زى كدة او بالعقد موقفنا ايه بقى ياريت لو حد يعرف يقولى علشان تبقي كارثة لو متأمن علينا واستبعدونا والله الحكاية مش ناقصة مش كدة ولا ايه؟ يارب يوفقنا ويطمنا جميعا . |
شكرا يا اخت رحيق على اجابتك ووصلت المعلومه بالنسبه للسؤال عن الناس الى مسافره
لكن حضرتك مفهمتيش قصدى فى السؤال التانى وزى ما اكدت عليه صحبتك الى بتقول انها مدرسه بالحصه فممكن يكون متامن عليها وهى مش واخده بالها فطبعا تروح الوظيغه مننا ومنها و الاخبار بتقول ان الناس الى فيه تامين مفتوح ليها هيستبعدوهم وانا بقولك عمل رخصه درجه ثالثه مهنيه وليها تامين ودى بيقولوا تعتبر وظيفه فانا بحاول الغى الرخصه لكن لسه الامور متوتره شويه يارب اكون قدرت وصلت ليكى سؤالى |
ردوا علي
يا جماعة ليه محدش بيرد على أسئلتي أرجوكم ردوا علي :
أنا عايزة حد لو عنده علم يعني يقولي هي الأسامي اللي نازلة في موقع أكاديمية البحث العلمي نازلة من زمان يعني من أول ما قالوا الخبر ولا نزلت الأيام دي . سؤال تاني معلش لو الواحد متعين موظف مؤقت في الحكومة ولسه مكملش سنة في التعيين وهو من الأوائل هيعنوه إزاي , طيب لو هو عايز يبقى في مجال تخصصه يعنى مثلا هو متخرج من كلية التربية إنجليزي ونفسه يكون مدرس إنجليزي بس هو دلوقتي متعين موظف إداري مؤقت وخايف لحسن يقوموا يثبتوه في الوظيفة ديه وهو نفسه يتوظف في تخصصه لأن الوظيفة اللي هو فيها مش تخصصه لكنه لما جاءت مسابقة قبل كده أضطر وتقدم ليها طبعا لأن مفيش تعيينات . أرجو ممن لديه معلومات أكيدة يرد علي وأرجوكم محدش يقول كلام هو مش متأكد منه . |
ياريت حد يطمنى على اخر اخبار الى متامن عليهم من اوائل الجامعات والحل اية؟
|
هو ليه مفيش حد راضى يرد علينا يا جماعه معظم الناس متأمن عليه فى وظائف ملهاش لازمه والباقى مطلع رخصه درجه ثالثه ودافع تامين ياريت حد يقوللن ايه الحل عشان انتم بتقولوا التعيينات هتكون اول شهر سبعه وموضوع ازالة التامين بياخد وقت
وممكن احنا متجيش لينا جوابات التعيين طالما متأمن علينا ويروح علينا التأمين من غير ما نأخد بالنا خالص لازم حد يرود علينا وبرده لازم الدكتور عبدالرحمن المنياوى يرد علينا فى موضوع الى متأمن عليه يعمل ايه وهل فيه ضرر دلوقتى والا لا |
اقتباس:
|
يا جماعه حد يعبرنا
|
مافيش جديد
|
جميع الأوقات بتوقيت GMT +2. الساعة الآن 11:38 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.