اقتباس:
لكن مش توصل لدرجة مخدرات ورقص واعيش الحياة والكلام الفاضي ده الهروب من المشكلة ليس حلاً للمشكلة الواحد لو متعرضش للصدمات في حياته مش حيتعلم منها النهاردة اضحك عليا في اتنين جنيه من صاحبي بكره يضحك عليا في الفين جنيه لكن لو اتعلمت الدرس مش حثق في كل حد بعد كده موضوع الثقة ده عندي شبه منعدم بس بحاول اتغلب عليه في الحاجات البسيطة انتي دلوقتي راضية عن اللى بتعمليه ولو إنه مش متماشي مع الحياة حواليكي بس صدقيني لو مشيتي في سكة تانية ممكن تعاصري اللى حواليكي بس مش حتكوني راضية عن نفسك اقتباس:
لأنه مش الناس بتعرف تكتم في قلبها كتير مش لازم يكون الشخص ده بس اللى بتثقي فيه على الأقل معتقدش إنه حيكون مناسب لأسباب جانبية يعني لازم تشوفي واحدة تكون قريبتك صاحبتك تكوني بتثقي فيها في الفترة الحالية عالاقل اقتباس:
يبقى أي حاجة بيعملها اكيد من خوفه عليكي يمكن انتي شايفاه بيضغط عليكي بس ده خوف زيادة عليكي العملية نفسية مش اكتر وانتي تقدري تغيريها موضوع اخوكي ده عادي جداً تقريبا بيحصل في كل البيوت انا كنت مستغل فترة الثانوية عشان اسيب اخواتي الصغيرين هما اللى يعملو كل حاجة ويجيبو الطلبات وانا اقعد عالكمبيوتر :d مش موضوع تهميش شخصية ولا حاجة بس هما بيعتبرو دايماً الاخ الكبير المفروض إنه عاقل أي نعم ده بيغيظني بس امري لله :d والصغير لازم نحايله ومش عارف ايه اتمنى ان اكون عرفت اخفف عنك حاجة وانا تحت امرك في وقت إن شاء الله |
اقتباس:
ازيك ياقمر بصي اول مشكله دي غريبه عليا شويه بس بجد انا احترمت جدا فيكي شجاعتك انك قادرة تواجهي نفسك بمشكلتك واحترمت فيكي اكتر تمسكك بمابدئك بس عايزة اقولك حاجة انتي بتفكري تبقي مش كويسه عشان صحابك دايقوكي او خانوكي طيب فكري كده معايا هما هيخسرو ايه لو انتي اتغيرتي لاقدر الله هيفضلو يعيطو يعني ويقولو احنا السبب :d اكيد كل ده مش هيحصل والعكس هيحصل اول حاجة هتخسري نفسك واهلك كل الناس هتنفر منك ومحدش هيبقى عايز يتكلم معاكي مستقبلك هيضيع واصحابك دول هما هما هيقولو كويس اننا سبناها دي كذا وكذا وكذا كل ده مش هيحصل اكيد ان شاء الله بس انا بحط ادامك كل اللي هيحصل عايزاكي بقى اول ماتيجي ف دماغك فكرة زي دي حطي ادامها الفكرة المقابله ليها هتلاقي نفسك واحده واحده لما تبدأي تفكري ف اللي هيحصلك بتكرهي التفكير ف الموضوع ده خالص لان محدش بيحب يفكر ف حاجة مش بيحبها المهم كل ماتفكري ف اللي عايزة تعمليه فكري ف اللي هيحصلك من وراه انتي بجد حاسه ان جواكي كويس من احساسك بالذنب والخوف في حته تانيه بالنسبه للصدمات اللي بتتعرضيلها خاولي تغيري نفسك بحيث تتكيفي مع العالم اللي حواليكي مش تغيري العالم عشان يتكيف معاكي بمعنى انك تبقى مستعده لاي حاجة من اي حد انتي مش عايشه مع ملايكة ومتسلميش قلبك بسهوله لاي حد حاولي تختاري اللي هتصاحبيهم وتختبريهم مش اي واحده تتحط ادامك ف نفس الديسك معاكي مثلاى او كده خلاص تبقى صاحبتك هكمل رد باليل مستنينك تاني ياقمر:friendsxs3: |
اقتباس:
انتي شكلك صغيره اصلاً وانتي اللي فيها دي فترة مراهقه بحس ان الناس ف فترة المراهقه دي بيبقى عندهم كميه حب رهيبه عايزين يطلعوها ف اي حد ادامهم انتي حاولي تملي حياتك بقرايبك واهلك واصحابك وحاولي تشغلي دماغك بااي هوايه والمذاكرة بردو تنفع :d اصله معروف ان حب المراهقه ده اي كلام حاولي تتغلبي ع مشاعرك وتكوني اقوى منها اخر حاجة بالنسبه لباباكي هو اكيد مش بيقولك ذاكري وكل ده غير عشان عايز مصلحتك وعايز يشوفك احسن واحده ف الدنيا يعني عندك انا مثلا ماما كانت كل يوم تصحيني بخناقه وخناقه خناقه يعني اتحدف بكتاب مثلا وانا نايمه :d اصحى الاقي بابا وماما بيشتمو عليا ف الصاله:friendsxs3: مثلا مرة ماما اتخنقت من قله مذاكرتي رمتلي الكتب وورق الدروس وكل حاجى واتفرشو كده ف الارض بس كان يوم سعيد للقطه تجري تجري وع الورق وتتزحلق وترجع تاني وتجري تجري وهكذا يعني :d من الاخر يعني هما خايفين عليكي اعملي اللي عليكي عشان يرضو عنك وبالتالي ترضي عن نفسك وبعدين هي الثانويه عايزة النظام اللي بابكي عايزه مش مبالغ يعني :) اخر حاجة بالنسبه لاخوكي ده اخوكي الصغير يعني حاولي انتي تحتويه وبعدين دلع العيال الصغيره ده معروف اكيد اخر العنقود او الولد الوحيد بردو اخوكي والدور من ناحيتك انتي انتي حاولي تقربي منه وتشاركيه ف اهتمامته تذاكري معاه مثلا تتفرجي ع كرتون معاه كده يعني بحيث تبقو حاجة واحده مش يكون هو مصدر ديقك كل ده بمشاركتك لاخوكي واهلك هينسيكي الافكار اللي مدايقاكي هينسيكي قريبكم ده هيعيشك ف حياه كويسه بس بصي للنص المليان من حياتك يارب اكون قدرت اساعدك ولو في حاجة مش واضحه ف ردي قوليلي :friendsxs3: |
الحقيقة الموضوع هادف جدا ومميز .....ربنا يبارك فيكوا....
|
السلام عليكم
انا مش بعرف انظم وقتى خاااااالص ودايما بضيع فى وقتى ليل ونهار قدام الكمبيوتر ومش بذاكر والسنة دى بالنسبة لى سنة مهمة جدا وكل ما ادور ع حاجة تفيدنى القي رغى رغى رغى وكل ما اجى اقول خلاص هقعد اذاكر اجى ازهق اقول خلاص هقعد الكمبيوتر شوية وبعد كده اقوم اكمل مذاكرة والوقت يسرقنى واقعد امام الكمبيوتر اليوم كله انا خايف لحسن اجيب مجموع قليل السنة دى وفى نفس الوقت مش قادر اسيب الكمبيوتر خلاص هجنننننننننننننننننننننننننننننن ياريت لو حد يساعدنى اخوكم فى الله |
متشكر جدا ياجماعة ان محدش عبرنى ولا رد عليا
واسف لو كنت وثقت فيكم واعتبرتكم زى اخواتى |
18-11-2009, 03:37 pm
19-11-2009, 02:01 am الموضوع بالكاد اكمل 12 ساعة معظمهم في نطاق الاهتمام بالمباراة وإن كان صبرك ضيقاً إلى هذا الحد فإنه من الطبيعي جداً أنك لا تصبر على الكتاب وطول ما هو الكمبيوتر حل قدامك لكده ثق إنك دايماً حتزهق بسرعة ومش حتمسك كتاب |
شكرا ليك يا بانزر
بس ازاى اقدر امنع نفسى من الكمبيوتر انا لو ماقعدتش ع الكمبيوتر اجنن |
اقتباس:
ده بقى مش في مجالي ده بايدك انت حسب عزيمتك وارادتك وطموحك في الثانوية العامة وموازنتك بين مستقبلك والنت |
أنا آسفة على التأخير الناس كلها اليومين دول مش بتدخل إلا الرياضى و العام بانزر الله أكبر عليه شغال فى كل حته :d ::::::: حتة تعلقك بالكمبيوتر دى مش هتتحل إلا بنفسك لازم يكون عندك إصرار أكتر و عزيمة أقوى من كده و حط فى عقلك دايماً إنك لو ماذاكرتش مش هتلاقى مستقبلك و هيضيع منك بسهولة و لازم تفتكر دايماً إن الكمبيوتر مش هيفيدك زى ما انت هتفيد نفسك بالمذاكرة و لازم تدرب نفسك على البعد عن الكمبيوتر و إمسك نفسك شوية سيدنا عمر بن الخطاب قال : أ كل ما إشتهيت إشتريت ؟!! مش كل حاجة نفسنا فيها و رغبتنا فيها كبيرة ننفذها بسهولة .. النفس أمارة بالسوء هتندم ندم عمرك لو فضلت كده حاول تمسك نفسك و تبعد أكتر عن الكمبيوتر و شيل حبك ليه و حطه فى القراية أو المذاكرة و أنا ملاحظة إنك مش عندك صبر فا دى مشكلة أكبر .. لازم تصبر على نفسك و انت بتذاكر ماتقمش على طول اول ما تقعد تذاكر و ربنا يوفقك |
اقتباس:
يعنى المشكلة كلها فى الكمبيوتر بص يا سرى جدا المشكلة فيك انت انت لو حاطط ادامك هدف هتوصله وهتشيل الكمبيوتر دا من دماغك خالص انما مشكلتك انك بتكسل نفسك بنفسك انا كنت زيك كدا السنة اللى فاتت مع انى كنت فى اعدادى هندسة ودى اصعب سنة فى هندسة كنت بقعد علىةى جهاز خارجى فىسيبر كنت بوصل لخمس ساعات فى اليوم ودا من سيبر مش من جهاز فى البيت بس ربنا ستر وعديت السنة اللى فاتت السنادى الحمد لله بدخل مرة او مرتين فى الاسبوعع مع انى مدمن نت وكمبيوتر بس شوية اصرار وعزيمة منك ان شاء الله هتقدر تبعد عنه حاول تنظم وقتك محدش قاللك متقعدش ادام الكمبيوتر بس الكلام دا ميبقاش على حساب مزاكرتك زاكر وخلص مزاكرتك وحدد وقت معين للكمبيوتر ساعة ساعة ونص بالكتير اوى ساعتين فى اليوم دا فى الاول بس انما لما تدخل على الامتحانات حاول تمنع نفسك منه خالص ربنا يوفقك ان شاء الله |
شكرا لمساعدتكم ويارب اقدر ابعد عن النت والكمبيوتر واركز شوية فى المزاكرة
وادعولى ربنا يهدينى وابعد عن العصبية اللى موديانى فى 00000000 الواحد مش ملاحق ع المذاكرة ولا ع الجزاير ولا ع الوزير بتاع التعليم شكرا ليكم جميعا |
اقتباس:
نفس المشكلة عندي |
اقتباس:
أعتقد إن حضرتك لو فتحت اللينك د هتلاقى نفس المشكلة وحلها أو أجزاء من حلها إتفضل اللينك : http://www.thanwya.com/vb/showthread.php?t=168666 |
حقيقى انا مش عارفة اقولك ايه بس السؤال انت قريب من ربنا؟
انا مش عايزه اعرف الاجابة بس عايزاك انت تواجه نفسك وتعرفها وان شاء الله هاتستريح . فكرة انك تروح للدكتور دى انا مش متحمسلها قوى بس هى اكيد طبعا مش غلط وده لان انت مش عندك القدرة انك تواجه مشكلتك اللى انت خايف تبعدك عن دينك وبتفكر فى الانتحار اللى هو اساسا ذنب بترتكبه فى حق نفسك وهيكون مدخلك للنار ربنا يقينا منها. ازاى هاتقدر تواجه الدكتور وتحكيله اللى فى نفسك بصراحة كأنك قاعد امام المراية وبتشوف نفسك فيها . ماحدش هايقدر يحل مشكلتك الا انت ولكن احنا بنقولك مجرد اراء تساعدك . ماتحسس نفسك ان مشكلتك كبيرة وملهاش حل وكمان لا تستهين بها .اقعد مع نفسك وفكر واعرف ايه مشكلتك الحقيقية ولا تضخمها وحاول تتكلم مع والدك ووالدتك صدقنى هيفيدوك كتير صدقنى لانهم اكتر ناس حاسين بيك وفاهمينك. ومتحاولش تهرب من مشكلتك بالانتحار لان ده هايكون بداية المشكلة مش حلها . اى مشكلة فى الدنيا مالهاش الا حل واحد ارجو ان تتخذه حلا وهو اللجوء الى الله سبحانه وتعالى صلى وادعى واذكر ربنا وصلى على محمد _صلى الله عليه وسلم _صدقنى وبقولها عن ثقة بالله عز وجل هتكون احسن بكتير ونصيحة اخيرة لما بالحاجات اللى بتحسها دى بسرعة قول لا اله الا انت سبحانك انى كنت من الظالمين صدقنى دايما بقولها فى كل وقت وبحس براحة كبيرة وبعد كده قول الاذان علشان تبعد عنك الشيطان وبعد كده قوم صلى ركعتين لله بس يكون ده كله فى خشوع تام ولما تحس النتيجة اشكر ربنا وياريت تتابعنا باخبارك وانا دايما هاتبعك بالرد |
الموضوع لذيذ
|
انا عندي مشاكل كتير محدش فيكو اصلا يفكر فيها لأنها عمرها ماتيجي علي باله انه يعملها
اولا : شرب السجائر 2-شرب المخدرات (الحشيش-البانجو -الحبوب المنشطه) 3-الخمور (براندي- بيرا بجميع انوعها -ويسكي-فوديكا) 4- الزني 5- السرقه 6-حفلات مشبوهه 7-عدم الصلاه 8-ادمان الافلام الاباحيه 9-ادمان الكذب انا محتاج اي حد اكلم معاه انا تعبت وخايف جدا من ربنا |
طب ممكن اسألك سؤال وليك حق عدم الرد
اهلك فين من كل ده ؟ |
اقتباس:
دنتا واصل :d طيب الحاجات التانية دي ممكن تلاقيها كتير لكن من 3 لستة كده انت بجد في مرحلة الخطر وفوق طاقتنا كلنا :d انت تلاقي حد تتكلم معاه سهلة لكن يحللك مشكلتك صعبة ومينفعش اي حد يساعدك اولاً انت مدمن مخدرات وبالتالي لازم جتسرق ثانياً انت مدمن افلام اباحية وحبوب منشطة وطبيعي لازم حتوصل للزنا يبقى كده كله مترتب على كله ومش حينفع اقولك بطل منهم حاجة دلوقتي موضوع الزنا ده اوقفه تماماً مش قادر وعايز تتفرج وعايز تعمل اللى اعمله بس بعيد عن الزنا بشكل مباشر تاني حاجة انت محتاج لمراكز تأهيل علاج عشان موضوع المخدرات ده لو موضوع المخدرات قل يبقى السرقة حتقل يبقى حتبطل تكدب حتبطل تشرب والامور تتحسن إن شاء الله بس اهم حاجة تكون ناوي سكة اللى يرجع وميروحش تاني وتكون توبتك صادقة ولو إنه الزنا من الكبائر ومعرفش طريق التوبة بتاعه بيكون ايه بس كله وله طريقة |
مش عارفة أقول لحضرتك إيه؟
بس بجد وسورى فـ الكلام د نا مش مصدأه حضرتك |
كل تقديرنا على جهودك المضنية
|
اقتباس:
انا ليا تعليق الاول على الاستاذ بنرز الراجل مجهوده ما شاء الله جبار و 100 100 بس انت بتقوله ان من 3 لحد 6 هما الاخطر يا راجل و المخدرات دول عادى لما تلاقى واحد بيحشش تحت كوبرى امبابة ده يبقى على حافة هاوية دى هى سبب كل اللى هو فيه السجائر عادى مصر كلها بتضرب كليوبترا و نكست انما المخدرات هى اس المشكلة فى كل حاجة مهو بيبقى غايب عن الوعى تماماً فممكن يعمل التالى : 4 - الزني 5- السرقة 6-حفلات مشبوهه و الحل هو الذهاب لاحد مستشفيات علاج الادمان و ده بييجى عن قدرة و عزيمة و الايمان بربنا و لكل حاجة سبب و سبب انك ادمنت المخدرات اللى هى سبب فى كل مشاكلك انك بعدت عن الصلاة لانك مستحيل هتدمن و انت بتصلى ( الصلاة تنهى عن الفحشاء و المنكر ) بس طبعاً لا يجدى البكاء على اللبن المسكوب و ان انت ادمنت خلاص فيبقى العلاج هو اقرب حل و بعد كده تتمسك بصلاتك اما عن 8 و 9 ادمان الافلام الاباحية ممكن تحلها بالصبر بص انت كل ما تروح و نيتك انك تعمل حاجة كويسة على الكمبيوتر حاول متشتتش افكارك عشان متفتكرش الافلام دى و حاول البعد عن العزلة و تنزيل البرامج اللى بتمنع الحاجات دى ...... امال الكذب بقى معرفش افيدك فيه لان اليومين دول صعب انك تلاقى حد صادق و البتالى صعب تلاقى حد يصدق كلام حد و الدليل شوف بقى انى مش عارف انك صادق و شاكك كمان بس قلت اشارك و تذكر دائماً ان الله يراك .... قبل ان يراك الناس و برده متعملش بكلامى إلا لما تسمع كلام الاستاذة اسيل الرزق هى اعلم منى لان ده مجالها ..... و شكراً |
اقتباس:
فى ناس بتعمل كل ده و مقتنعين إنه عادى أو مش حرام بمعنى أدق مبدأياً علاجك بالنسبة للمخدرات و الخمور لو وصلت فيهم لدرجة الإدمان يبقى لازم تدخل مستشفى تتعالج منهم الأول بالنسبة للمشاكل اللى عندك دى كلها ممكن تتحل بحاجتين بس .. إنك زى ما بتعود نفسك على سهر و المنكر و غيره لازم تغلب شيطانك و تعود نفسك على الصلاة و قراءة القرآن الكريم ساعتها بس هتحس بإحتكار شديد لأى شىء يغضب ربنا و هتلاقى نفسك بكل سهولة بتبعد عن كل الأفعال دى الحاجة التانية الإدارة الشديدة منك على التغيير .. مفيش حد بيتغير لمجرد إنه عايز يتغير .. التغيير الحقيقى محتاج إرادة قوية و أولاً و اخيراً لازم تتوب لربنا لإنه الوحيد اللى هيحاسبك على افعالك و هو الوحيد اللى يقدر يساعدك و يرجعك للطريق المستقيم و ياريت تقرا كتب عن عذاب القبر علشان تحس قد إيه إن رضا ربنا علينا نعمة كبيرة أوى و طبعاً اصدقاء السوء دول الفساد الأكبر اللى بيعيش فيه الإنسان ضالل طريق ربنا إبعد عن أصحابك اللى بيساعدوك على الأفعال دى و إبدأ صفحة جديدة مع ربنا و أول هدية هتجيلك من ربنا هى أصحاب الحق اللى هيكملوا معاك طريقك لرضا ربنا سبحانه و تعالى و ما تيأسش من رحمة ربنا .. أكيد هتتعب فى تغيير حياتك بس لازم تعرف إنك فى الآخر كسبان صحتك و فلوسك و ثقتك بنفسك و فوق كل ده كسبان ربنا سبحانه و تعالى وربنا يكرمك و يوفقك و يعينك على التغيير |
اقتباس:
كان فيه زمان راجل الراجل دا قتل 99 شخص وكان عايز يتوب فراح لواحد من الرهبان فقاله:: هل لي توبة وقاله له قصته .. فالراهب قاله:: لا انت مش ليك توبه ....راح قاتل الراهب دا ... المهم فكر ان يروح لحد تاني يسأله راح لراهب بس كان حكيم شوية وحكي له كل شيء وسأل الراهب :: هل لي توبه ... قاله :: أيوة ليك توبه ... بس بشروط ... لازم حالا تسيب الأرض اللي انت عايش عليها وتروح كمان تاني فأرض الله واسعه .... المهم تاب توبة نصوحة لله وقرر انه يسيب البلد دي ويروح بلد تاني وفي طريقة وهو خلاص قرب يوصل للبلد الثاني مات ...مات في مكان بين البلدين البلد اللي مش كويسة والبلد الكويسة فالملائكة النار ...قالوا لا هيدخل النار... وملائكة الجنة قالوا لا هيدخل الجنة .... فربنا رحمته كانت وسعه وفعلا الرجل كانت نيته خالصه انه هيتوب عن المعصية دي فربنا تقبل منه وفعلا دخله الجنة .... ..... أولا // أنا بحكي القصة دي لعدة أسباب ان أقول ربنا _سبحانه وتعالي_رحمته واسعة أوووي وهيرحمك ويسامحك بس لو انت فعلا عايز ترجعله لو نيتك صادقة وكمان مش هترجع للذنب تاني ثانيا..لو قدرت تسيب بيتك وأي مكان يفكرك بالحكايات المؤسفة دي سيبة وروح مكان ولو لمدة شهر المهم انك تبعد عن الجو يمكن الجو دا هو اللي وقعك في كل الحاجات دي _ربنا يحفظنا جميعا_يمكن تقدر تستعيد نفسك من تاني ثالثا... وهو دا المهم انت دلوقتي مدمن سواء سجاير او مخدرات أو الخمر فطبيعي انك مش مسيطر ع نفسك فأي واحد مش قادر يسيطر ع نفسهأكيد مش هيصلي أو مش يكذب أو مش يسرق؟؟!! أكيد لازم يعمل كل الحاجات دي فهو من في واعية أصلا أنسان فاقد السيطرة ع نفسه لانه لو متحكم في نفسه عمره ما هيعمل حاجة زي كدا يبقي لازم تتعالج وبعد كدا فكر في كل الحاجات الثانية ..والعلاج بيبقي ف أماكن بتتميز بالسرية التامة بس ع ما أظن رابعا...الفلوس اللي انت هتيجيب بيها أي حاجات مش كويسة هات بيها شرايط دينية للشيخ محمد الصاوي أو محمود المصري أو محمد يعقوب أو حازم صلاح أبو إسماعيل وسمعها وتعلم منها وحاول تطور نفسك محدث هيهمه مصالحتك غير نفسك .... الناس مش بتسامح مع انها مليانة عيوب بس مش هتسامح لكن ربنا بيسامح قرب منه عشان يسترك زي ما سترك لحد دلوقتي خليك عندك ارادة وعزيمة وانك مش هتعمل أي حاجة تغضب ربنا فكر كدا ... ان بتتفرج ع أفلام مش محترمة ونقبض روح هيبقي منظرك أدام أهلك ايه ..!! بلاش أهلك ... هتقول لربنا ايه !!! افتكر كدا وانت في القبر وكل الناس سبتك وانت لوحدك وهتتحاسب لوحدك هتستحمل العذاب!! حد أيدك ع البوتاجاز لمدة 5 دقائق شوف هتستحمل حتي لو استحملت هتسحمل ان كلك يبقي في النار!!!فكر في كل الحاجات دي ..!!! فكر في جسمك اللي ربنا مخليه أمانة عندك وانت مش حفظت ع الامانة لما شربت سجاير والحاجات الثانية!! فكر في نفسك اللي ممكن تكون فقدت شيم كثيرة عشان نزوات دنياوية ..... فيه حاجة مهمة لازم تأخذ بالك منها انك لازم تشغل وقتك بأي طريقة بحيث انك مش تفكر تعود للطريق الغلط مرة ثانية اوعي تخلي ثانية واحدة تكون فيها لوحدك اشغل نفسك بكل حاجة .... صاحب ناس تعرف ربنا كويس ....روح الجامع وصلي الوقت بوقته ... كلمة أخيرة ...ربنا رحمته كبيرة أوي مش تيأس من رحمة ربنا... الحق نفسك بسرعة محدش ضامن عمره ... ربنا يهدك يارب ويعفو عنك ويرحمنا برحمته |
دمياط
ارى ان الفهم وحل الاسئلة يجب ان يربط بينهما رابط واحد وهو النجاح
|
ازيكم عاملين ايه :
انا معايا ماجستير وامنية حياتى انى اعيد الثانوية العامة وادخل صيدلة لظروف حصلتلى منعتنى ادخل صيدلة والدى اتوفى قبل الامتحانات بيومين ووالدتى صممت انى ادخل الاتحان المهم روحت علشان اقدم منازل واعيد الثانوية العامة فرفضوا وقالولى كل واحد مالوش الحق غير مرة واحدة فى دخول الثانوية العامة طالما نجحتى فيها اعمل ايه انا بجد مخنوقة |
السلام علكيم
انا اعرف انه عادي ينفع تعيدي الثانويه بس من اولها التلات سنين يعني حاولي تسألي ناس خبرة مش اي حد وخلاص ف الادارة عندكو ف شؤن الطلبه وكده وربنا يوفقك يارب ويقدملك اللي فيه الخير |
السلام عليكم ممكن صديق متفوك او الاستاذ انا عندى مشكة انا فى الصف الاول الثانوى وانا عامل ونفسى اكمل التعليم انا اساف على الازعاج
|
معلش يا جماعه حتي لو معرفناش نحل مشكلة سري بس واضح ان المشكلة اكبر من فضفضه اسئل سؤال سهل شويه المفروض طالب 2 ثانوي يذاكر كام ساعه في اليوم الي ما عندوش في اي حاجه يعني فاضي خالص؟؟
|
انا بحب بنت ومش عارف اصارحها بحبي اعمل ايه ؟؟؟؟؟؟؟؟؟؟؟؟؟؟؟؟؟؟ظ
|
السلام عليكم
لا JusT DreaM ماينفعش اعيد الثانوية العامة تانى انا من اسكندرية وروحت كل الادارات فى اسكندرية علشان اتاكد وكلهم قالولى مالكيش الحق فى الاعادة طالما حصلتى عليها مرة حتى سالت وهيتعرف اذاى كلهم ردوا عليا نفس الرد من الكمبيوتر وعلى فكرة انا بعمل ماجستير وقربت اناقشه بس نفسى ادخل صيدلة |
بسم الله الرحمن الرحيم بالنسبة لـ maha10137 تسمحيلى ان ارد عليكى مع اول مشاركه ليه فى الموضوع ده وعلى فكرة موضوع هايل جدا دايما كل واحد فينا بيجيلو وقت ويبقى مخنوق وعنده مشكله ومش لاقى اللى يسمعه اما هنا فى المنتدى بسم الله ما شاء الله كله بيسمعه وبيحاولوا يحلولوا مشاكله دى اضافة جميله للمنتدى وتجعله فى مكانه مرموقة بين المنتديات اما بالنسبة لمشكلتك حضرتك بتقولى انك سألت على الموضوع ده كتير اعتقد انه مفيش غير حل واحد هو انك تذهبى إلى وزير التربيه والتعليم او ترسلى اليه ببرقية وفيها مشكلتك واعتقد انه هو الوحيد اللى يقدر يحللك مشكلتك وربنا معاك اما فلو محصلش نصيب فمش كل اللى نفسنا فيه بنلاقيه وده نصيبك ولازم ترضى بيه |
باقى من الزمن اربع شهور
من اربع شهور عملت موضوع عن قلة مذاكرتى وانى مش هعرف اكمل فى الثنوى وكنت قلقان جدا وناس كتيرة ردت وقالت افكارها وردودها ومرت الايام وعدت وباقى ع الامتحان 120 يوم اربع شهور وتخلص الحكاية :giljotiiniug3: :frown:
ودلوقتى الحال مبئاش غير الحال ولا حاجة مبذاكرش وحتى الرياضة اللى كنت كويس فيها اتراكم عليا دروس كتيرة منها ومبئتش عارف فيها حاجة وحتى المذاكرة سيرتها بئت تغم النفس وتقفل اليوم والنظام اليومى تلفزيون ونت ودروس ونوم وهكذا دواليك :frown: ضاقت بيا الدنيا اوى وبئيت حاسس انى مفيش فايدة حتى من مجرد المحاولة وان عمرى ما هدخل الكلية اللى انا عاوزها.......انا قلت اجى اقول اللى كابس على نفسى بقالو شهوووور وهستى ردوووووووووووووووووووودك :frown: |
والله العظيم والله العظيم والله العظيم
انا كنت اسؤ من كده بكتير جدا لدرجه اني ما ذاكرتش غير في شهر 5 و نص 6 يعني شهر ونص والحمد لله انا طالب في كليه الطب البشري جامعه قناه السويس يعني عايز اقولك انت لو متعرفش حاجه في اي حاجه وهتذاكر من دلوقتي بنظام هتعدي 98% بسهوله |
اولا شكرا على ردك ومرورك ثانيا تعلالى هنا بئا ازاى طب بشرى ونتا مذاكر اخر شهرين تقريبا طب قولى نظامك كان عامل ازاى انتحارى بئا ومذاكرة ليل وصبح وكداا؟
|
اقتباس:
اقتباس:
السلام عليكم .. بصراحه عندك حق .. الانسان ممكن يعمل اي حاجه هو عايزاه بس هي لو ف ارادته فعلا .. انت ممكن تعمل المستحيل عشان تحقق اللي انت عايزه .. بس الموضوع ف الاخر توفيق من عند ربنا .. ولكن .. من جد .. وجد .. إنت شد العزم وانوي وإن شاء الله ربنا هيكرمك .. بس اتعب وانت هتلاقي .. وحاول تغير نظرتك للمذاكره شويه .. يعني انا مش بذاكر عشان يجي الامتحان اطلع كل اللي ذاكرته ومع السلامه .. لأ .. انت بتذاكر عشان تستفيد وتفيد غيرك .. ربنا يوفقك .. |
اقتباس:
مش انتحاري ولا حاجه والله بس كنت بنجز بسرعه وبشوف امتحانات السنين اللي فاتت وكنت بقرا ملخصات واركز في المراجعات وكده والله الموضوع اسهل مما تتخيل ده انا في الايام اللي بين الامتحانات كنت بروح التمرين عادي جدا يعني انت دلوقتي تحاول تركز وتنجز في الحاجات اللي انت مش عارفها وتركز وتظبط نفسك وتيقن تماما ان مفيش حد هيفيدك انت الوحيد القادر علي التعامل مع نفسك |
التوأم شكرا على مروركم واغلى التحيات......... المشكلة انى كل لما انوى وابدأ اذاكر الاقى انى فايتنى كتيييييييير جدا وغير بدأ فى المراجعة وفاضل اربع شهور حاسس ان الوقت عدا من جمبى وهو بيطلعلى لسانه
|
تيموو شكرا على متابعتك يا مان تخيل 52 مشاهدة ومفيش غيرك انتا والتوأم اللى ردواا شكرا على اهتمامك يا نجم ونا كل يوم انوى اذاكر والله بس ييجى تااانى يووووووووووووووووم كأن انسان تااااااااااااااااااااااااانى خالص
|
مين قالك ان الوقت ضاع منك !!!!!!!!! ده انا لسه ما امتحنتش التيرم الاول يعني لسه نص السنه ما خلصتش ؟؟؟؟
|
امممممممممم انا مليش امتحان تيرم انا بمتحن امتحان واحد بس هو الفاينل بتاع السنة كلها
|
علي فكرة انت تقدر تلحق نفسك
بص انا يمكن اصغر منك بسنة بس انا عملت كدا وجيت ضعت قبل امتحان الترم بس كان فاضل اسبوع انما انت منهجك اكبر بس برضوا الوقت اطول يعني ممكن تلعب عالوترين انت ممكن تعمل جدول زي كراسة المربعات وجنبه ورقة فيها المواد الي هتتذاكر وعدد ساعاتها وتبدا تسدد الخانات الي في كراسة المربعات دي بحيث ان انت توفق بين حاجاتنين مهمين جدا المذاكرة والنوم وممكن ساعة ترفيه يعني تصحي بعد الفجر تذاكر لغاية اقرب ميعاد درس اوك وتيجي بعد ميعاد الدرس وتاخد الساعة الترفية وتكمل تاني لغاية عالساعة 10 كدا وتبدا تنام وبكدا تبقي حاولت تلم المنهج ومن غير ما تجهد نفسك لان انت لو اعدت تقول ال4 اشهر دول مش هلحق اعمل فيهم جاجة فعلا مش هتلحق تعمل حاجة انما لو اخدت اي خطوة ايجابية من دلوقتي هتبقي حاجة كويسة ودا مجرد رأي واسفة اني طولت علي حضرتك |
اقتباس:
هههههههههههههههههههه انا عارف بس انا قصدي ان نص المده لسه معدتش فهمت؟؟؟؟؟؟؟؟؟؟؟؟ |
اقتباس:
ياريت نسبنا يا جماعه من الشعارات والحاجات اللي ما بتقدمش دي الراجل عايز حل عملي وبأختصار نحن - المصريين - لا نستطيع تطبيق جدول بنظام لفترات طويله بص يا سوبر مان انت تحاول تنجز دلوقتي وفكك من حوارات المنهج الكبير والكلام ده .... ده انت عندك اربع شهور .... ده احنا بنبقي عايزين نخلص حاجات في يومين وكمان بنروح الكليه مش بنقعد في البيت يبني ده احنا بناخد المنهج بتاعكوا ده في اسبوع واهي ماشيه والحياه فل وكله بيعدي المهم انت في وقت عادي جدا ومش فتره امتحانات يعني المفروض تبقي اهدا من كده بكتير امال هتعمل ايه في الامتحانات يعني تحاول |
ركز كدا وانت ان شاء الله تحقق اللى بتتمناه
اهم حاجة تتوكل على الله وخليك مصر انت توصل اللى بتتمناه وربنا يوفقك |
اقتباس:
انا بقوله علي طريقة عملية وهي تقسيم الوقت علي المدي البعد بحيث ان هو ميذاكرش المذاكرة الانتحارية الي هي 24 ساعة علشان دي بتجيب نتايج عكسية |
كل اللى دماغك بتفكر بيه حيتحقق
طول ما في دماغك إنك فشلت - ولسه قدامك الوقت -حتفشل طول ما في دماغك إنه المادة اتراكمت ومش حتلحق تخلصها عمرك ما حتخلصها الاحباط والتفاؤل سلاحين نفسيين محدش بيعرف يستخدمهم صح مفيش فاشل مكنش محبط ومفيش ناجح مكنش متفائل |
اقتباس:
ههههههههههههههه كل اللى اسمهم ريهام من اللى انا اعرفهم بنفس طريقتك دى يا ريموس على فكرة يارب مش تطلعى عصبية زيهم لحسن هخاف اكلمك تانى انا قريت ردك وهى بجد طرق فعالة وعلمية بس انا جربتها قبل كدا وادينى زى ما انا اهووو وتيمو بيناقش بس ولانو اكبر مننا فهو عارف سيكلوجية الشعب المصرى اكتر مننا .....اى خدمة يعم تيمو انقذنك كان زمانها جيالك بالساطور دلوقتى :078111rg3: :blush: |
شكـــــــــــــرا يا انجل على مرورك وردك وكلووو على الـلـــــــــــــه
|
ما ندمت على سكوتي مرة ولكن ندمت على الكلام مرارا...................عجبنى توقيييعك اوى ع فكرة
|
جميع الأوقات بتوقيت GMT +2. الساعة الآن 07:58 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.