![]() |
السلام عليكم ورحمة الله وبركاته انا مدرس رياضيات ابتدائى خريج تربية اساسى بتقدير مقبول وارغب فى تكملة كلية العوم قسم الرياضيات فما هو المطلوب برجاء الرد الله يكرمك
|
انا عاوزة اعرف هو الى عاوز يتعين معيد فى الكلية لازم ياخذ تقدير الاربع سنين ولا كام سنة واية هو التقدير المطلوب بالنسبة لجامعة عين شمس
|
اقتباس:
|
شباب
لو سمحتوا انا عندي استفسار هو ينفع ادخل طبيعة من علمي علوم ... ولا لازم رياضة علما بان انا جامعة اسكندرية ان شاء الله و انا سمعت ان في ورقة بتمضي عليها عشان الموضوع ده |
اولا انا فى مرحله اولى السنه دى عاوز اعرف التنسيق السنه دى لكلية علوم بيقبل من كام ويا ترى السنه الجايه هينزل ولا هيفضل زى ما هوه ارجو الرد بسرعه وشكررررررررررررررررررررررررررررا
|
اقتباس:
وتنسيق كليه علوم بيختلف من سنه لسنه ساعات بتاخد من 95 وساعات من 96 زى 2004 و2007 وساعات من 93 زى 2005 وساعات من 94 وساعات من 92 زى 2008 |
أنا قرأت إن فى سنة أولى بيتقسم طلبة كلية العلوم مجموعات على أساس درجات الثانوية أنا قلقانة يعنى مثلا لو أنا جايبة درجة وحشة فى الأحياء ماقدرش بعد كده اتخصص بيولوجى ولا إيه أفيدونى جزاكم الله خيرا
|
اقتباس:
البيولوجى دة شعبه عامه تاهيليه وبعدها يبدا التخصص وفي كليات بتبدا بالتخصص علي طول من سنه اولي |
جزاك الله خيرا يا دكتور clinical chemist لكن أنا مش فاهمة برده يعنى لو عايزة أكون دكتورة تحليل وحبيت أدرس كيميا حيوية وميكروبيولوجى وأنا جايبة درجة وحشة فى الأحياء ده هيكون مسموح لى ولا لأ ولو التخص بيكون من أول سنة هل ده يعنى إن التخصص هيعتمد على درجات الثانوية ولا برغبتى
|
اقتباس:
فيه جامعات بتعملها بدرجة الثانويه وفيه جامعات سايباها بالرغبه ولو التخصص من اولي بردو بيبقي احيانا كدة واحيانا كدة وممكن تتغير القواعد دى من سنه لسنه وبالنسبه للتخصصات فيه ميكروبيولوجى اسبيشيل وفيه كمياحيويه اسبيشيل وفيه كمياحيويه وميكروبيولوجى وفيه كمياء وميكروبيولوجى والتخصصات دى تختلف من جامعه لجامعه بردو ممكن تلاقي جامعه فيها التخصص المزدوج بين الكميا الحيوى والميكروبيولوجى وممكن تلاقي جامعه فيها التخصص المزدوج بين الكميا والميكروبيولوجى وممكن تلاقي جامعه مفيهاش تخصص مزدوج وممكن تلاقي جامعه فيها التخصص المزدوج والتخصص الاسبيشيل و اغلب الجامعات كدة |
انا طالب ازهري وشكلها كده علوم يريت تقولي
ايه احسن الاقسام انا كنت نفسي ادخل قسم في فزياء او رياضة بس ناس كتير بتقولي اني لو دخلت اي قسم من دول بعد متخرج حشتغل مدرس وبيقوليلي ممكن تدخل جولجيا يريت تقولي ايه رايك ويريت اعرف هما بيدرسو ايه في قسم الجولوجيا |
أنا عاجزة عن الشكر يا دكتور clinical chemist طيب دلوقتى أنا جايبة درجة وحشة فى الأحياء ودرجة حلوة فى الكميا هل تخصص كيميا حيوية بس ممكن أطلع منه دكتورة تحاليل ولا لازم أدرس ميكرو بولوجى وإيه هى التخصصات اللى ممكن أطلع منها دكتورة تحاليل
|
اقتباس:
اخصائي التحاليل الطبيه ممكن يكون كميائي طبي وهو اي قسم كيماء(كميا سبيشيل او كمياحيوى او كيما مزدوج) ومعه دبلومه كمياءحيويه ميكروبيولوجى بس لازم يكون كميا وميكروبيولوجى او كمياحيوى وميكروبيولوجى او كيما مزدوج وياخد دبلومه في الميكروبيولوجى وممكن يجمع ما بينهم الاتنين اذا كان تخصصه تخصص مزدوج زى الكيماء والميكروبيولوجى وزى الكيماء الحيوى والميكروبيولوجى |
اقتباس:
مش عارفة المواد وتقسيمها لكل كليات علوم ام بتختلف على حسب الكلية . |
بس انت مجاوبتنيش علي سؤالي هل لو دخلت قسم رياضة او فزياء ده ليه مستقبل وليه مجالات شغل
ولا ادخل احسن قسم جيلوجيا.............. |
اقتباس:
وهى قسم الحاسب وقسم الجيولوجيا وقسم البترول وقسم الجيوفزيا وقسم الكميا وقسم الجيوكميا دى كلها اقسام تمام |
يا ترى فى كلية علوم إسكندرية التخصص بيكون إزاى يعنى فى أول سنة وتانى سنة وتالتة ورابعة بيتم التقسيم إزاى ياريت أى حد يجاوبنى بالله عليكم وهل قسم العلوم الطبيعية له شروط خاصة
|
اقتباس:
|
اقتباس:
و قسم الجيولوجيا فيه تخصصات كتيرة. ولكن فى النهاية الشغل رزق من عند ربنا وكل انسان بياخد نصيبه . |
انتي عندك حق بس لازم ناخد بالاسباب
|
لازم ناخد بالاسباب بس انت يعنى لو دخلت قسم معين عشان درجتك فى الثانوية العامة ومينفعش تحول من القسم ده والقسم ده مفيهوش شغل محدد
ايه هتعمل فى الحالة دى؟ |
اقتباس:
|
هو انتي في قسم ايه؟؟؟؟؟؟؟؟؟؟؟؟:confused::confused::confused::conf used::confused:
|
لو سمحتم حد يفدني انا لسة دخلة كلية علوم و عيزه اسال هل ينفع بعد مخلص علوم ادخل طب و اي قسم اقدر ادخله عشان اكمل درستي
|
اقتباس:
لان هما ذات نفسهم مش لاقيين شغل فبالتالي مش عايزين العدد يزيد ............................. اما تكميل دراستك فدة موجود في الدراسات العليا سواء دبلومه الدراسات العليا او الماجستير او الدكتوراه وممكن تحضري في الكمياء الطبيه الاكلنيكه وهو علم الكمياء المسئول عن تشخيص الامراض سواء كان كبد او كلي او قلب او سرطان واورام الخ او ممكن تحضري في الميكرةبيولوجيا الطبيه الاكلنيكه والمناعه وهو علم الامراض الميكروبيه سواء كانت بكتريا او فطريات او فيروسات سواء كانو في الجلد او الشعر او المخ او الرئه او الكبد او الكليه الخ |
هو علوم / رياضة قسم حاسب بيدرس ايه فى الحاسب بالضبط وبيطلع ايه وله فرص عمل حلوة ام لا
ولك جزيل الشكر |
اقتباس:
وممكن يشتغل مبرمج في شركات الكمبيوتر |
انا الحمد لله دخلت علوم شبين الكوم
وكنت عاوز اعرف ايه الاقسام الموجوده في الكليه وياريت حد ينصحني ادخل اي قسم .... وبالنسبه لقسم الكيميا سبشيل والميكرو خصوصا |
اقتباس:
|
ممكن حد يرد عليا من فضلكم
|
أستفسار بسيط
هل من حق طالب كلية العلوم جامعة الأزهر أنه يحول لجامعة اسيوط العامة
وذلك لأني حاصل علي ترتيب عالي (الثالث) وأريد تعليم أكثر دقة وشهادة معتمدة أرجوا منكم السؤال عن ذلك في شئون الكلية وأفادتي بالجواب في أسرع وقت |
اية هو احسن قسم فى علوم من حيث فرصة العمل بعد التخرج
|
لوسمحتم اية هو احسن قسم فى علوم من حيث فرصة العمل بعد التخرج
|
اقتباس:
بس افضل الاقسام الاقسام الكمياء المزدوجه زى كيماء وميكروبيولوجى ومعاهم قسم الكميا سبيشيل ومعاهم قسم الحاسب ومعاهم قسم الجيوفزيا وقسم البترول:bosyht9: |
سؤال مهم جداااا؟
السلام عليكم...
هل عند تحديد القسم سيعتمد هذا على الدرجات اللى انت جايبها فى الثانوية العامة فى المواد العلمية (كيمياء_فيزياء_احياء_رياضيات2)؟ وشكرا لو سمحتو رد بسرعة من خبير فى الادارة وشئون الطلبة؟ السلام عليكم ... |
السلام عليكم
لوسمحتم هل ينفع الواحد يعمل تظلم في ماده وإعاده تصحيح في الكليه؟؟ هل المدبلر بيبقي تقديره في سنة الدبلره إيه؟؟ |
لو سمحتم ممكن تفيدونى انا لسة اول سنة علوم وكل اللى اعرفة عنها اشياء بسيطة جدا
|
اقتباس:
1-قسم كيمياء سبيشيل (يشمل دراسه الكميا التحليله والعضويه والفزيائيه والغير عضويه و الكيمياء التطبيقيه و الصناعيه و الكيما ءالحيويه والكميا الصيدليه ) الشغل: كميائيين في مصانع الادويه والكيماويات و شركات مستحضرات التجميل شركات اصباغ وبلاستك وحديد وصلب و 1-مصانع الزيوت والدهون والصابون والمنظفات الصناعية والصناعات المتعلقة بها – المواد الوسيطة والأصباغ العضوية – المذيبات ومشتقاتها – مواد الصباغة – صناعة الجلود – المواد العطرية – الزيوت الطبيعية أو البترولية – مواد مستحضرات التجميل – تكرير البترول ومشتقاته والصناعات البتروكيماوية – الراتنجات والكاوتشوك والبلاستيك واللدائن – المبيدات – المواد الغذائية والجيلاتين – عمليات التبييض والصباغة والطباعة والتجهيز للألياف الطبيعة والصناعية – صناعة الألياف الصناعية كالحرير الصناعي والنايلون – الأسمدة العضوية – عمليات التخمير – تكرير السكر والصناعات المتفرعة منه – حفظ الأغذية والمشروبات – استخلاص السليلوز- وصناعة الورق – تقطير الفحم والقطران و صناعة الكوك – الجلود الصناعية – كيميائيات التصوير الفوتوغرافي - الكيماويات المعملية وغيرها من الصناعات التي تدخل في أي فرع من الفروع السابقة وتطبيقاتها – الكيمياء التخليقية التي تدخل في مجال صناعة الأدوية أو الصناعات الأخرى التي لم يرد ذكرها عاليه أو ما يستحدث في علوم الكيمياء 2- صناعه البطاريات الجافة والسائلة وبطاريات و خلايا الوقود - الطلاء الكهربي بأنواعه المختلفة – استخلاص المعادن بالطرق الكهربائية – صناعات التحليل الكهربي لتحضير العناصر المختلفة مثل الكلور والصوديوم والألمنيوم – تحضير الغازات الصناعية المختلفة – المعالجة الأنودية والتلوين – تنقية المياه وصرف المصانع بالطرق الكيميائية والكهروكيميائية في الأمن الصناعي - تنقية الهواء – تكنولوجيا المساحيق واستخدام العوامل الحفازة – مراقبة و تأكيد الجودة وتطبيق الجودة الشاملة - التعرف على التآكل ومسبباته فى الأجواء المختلفة خاصة فى المنشآت والتجهيزات المعدنية الصناعية والبترولية والبحرية – تحضير مثبطات التآكل واستخدامها فى الصناعات المختلفة مثل الصناعات البترولية والمراجل البخارية والمبادلات الحرارية والصناعات المعدنية مثل صناعات الحديد والصلب بأنواعه المختلفة – السبائك وأنواعها المختلفة وصناعة النحاس والألمنيوم – متابعة سرعة التفاعلات الكيميائية وآلياتها. 3-صناعة الأحماض والقلويات، الأملاح بجميع أنواعها – نواتج تفحيم الخشب وتثبيت النتروجين والصناعات المتعلقة به – الأسمدة الكيميائية بأنواعها المختلفة – مواد الطلاء المعدنية والبويات – صناعة الزجاج والخزف والصيني والحراريات ومواد البناء (اسمنت، جبس .. الخ) – صناعة الحديد والصلب واستخلاص المعادن بالطرق المختلفة – صناعة المطروقات – صناعة السبائك – صناعة الوقود الصلب والسائل والغازي وكذلك صناعة المواد غير العضوية المختلفة التي تدخل تحت أي فرع من الفروع السابقة أو تطبيقاتها – العمليات الكيميائية في الصناعات التي لا تدخل تحت بند الصناعات الكيميائية 4- تحليل الخامات والمواد الأولية والوسيطة والمنتجات النهائية في الصناعات السابق ذكرها – مطابقة مواصفات المنتجات للمواصفات القياسية – التعرف على المكونات الرئيسية للمواد الكيميائية بالطرق التحليلية الكيميائية والفيزيائية المختلفة – تحديد نسب الشوائب والملونات في النواتج الكيميائية الصناعية – تحلية وتحليل المياه ومعالجتها المستخدمة في الصناعة والتعرف على انسبها للعمليات الصناعية التي تدخل فيها – تدوير النفايات الكيميائية – تحليل عينات من الهواء والماء والتربة في البيئة – التحليل الكمي للمواد الغذائية ومواد التلوين والإضافات الكيميائية في نطاق المواصفات القياسية المعمول بها – الإسهام في تقدير الجودة للمنتجات الكيميائية في نطاق المواصفات القياسية المعمول بها – الإسهام في تقدير الجودة للمنتجات الكيميائية المختلفة وتقرير مدي مطابقتها للمواصفات المقررة ومدي مناسبتها للاستخدام في الأغراض المختلفة – متابعة سرعة التفاعلات الكيميائية أو آلياتها عن طريق تحليل النواتج المناسبة أثناء حدوث التفاعل في مفاعلات الإنتاج (تحليل السوائل تحليل الغازات) أو عن طريق اخذ عينات دورية من نفايات الإنتاج – التحليل الكيميائي والبكتريولوجي للمواد الكيميائية والأدوية والمحاليل والبول والدم والمصل وفقا للشروط المتطلبة في القائمين بهذه التحاليل – التحليل الدوري للآثار والمقتنيات الفنية للتعرف على مقدار ما قد يكون قد أصابها من تلف تحت الظروف التي توجد فيها والإسهام في صيانتها وترميمها والمحافظة عليها – تحليل السموم والمخدرات وآثار الجرائم المختلفة وأعمال التزوير والتزييف في نطاق الأدلة الجنائية والنظم القانونية والشرعية. 5- إجراء البحوث ورصد الملوثات المختلفة وقياس نسبها ومقارنتها بالمعايير القياسية المحددة لها ، ووضع المعايير للمكونات المختلفة للهواء والماء والتربة والمخلفات الصناعية ومعالجتها ، وتقدير مدي الأضرار على البيئة المحيطة والكائنات الحية الموجودة بها (إنسان ، حيوان ، نبات) وكذلك الاشتراك في وضع المعايير المشار إليها وتحليلها ومقارنتها بالمعايير القياسية عن طريق التحاليل الكيميائية المشار إليها تحت بند الكيمياء. 2-قسم الكمياء الصناعيه والتطبيقيه (يتم فيه دراسه علي الكميا الصناعيه والتطبيقيه ) الشغل ككميائيين في المصانع السابقه 3-قسم الكميا الحيويه (يتم فيه دراسه الكيما الحيوه وخوصوا الكيما الحيويه والاكلينيكه) تخصص الكمياء الحيويه الاكلينيكه ( السريريه ) وهو علم الكمياء المسئول عن تشخيص الامراض الكيمائيه مثل وظائف الجسم المختلفه من كلى وكبد وقلب ودهون ومعادن ودلالات الاورام السرطانيه وبيولوجيا السرطان وكل التحاليل الكيمائيه الموجودة في جسم الانسان الشغل : كميائي طبي اكلينكى(دكتور تحاليل)(اخصائي تحاليل طبيه) تخصص في التحاليل الطبيه وهو العلم الخاص ببيولوجيا السرطان ودلالات الاورام وانزيمات الكبد وانزيمات الكلي وانزيمات القلب والهرمونات واالامراض الخاصه بيهم والتحاليل الخاصه بيهم بالاضافه الي كل التحاليل الكميائيه في كل سوائل الجسم وممكن تتخص في الماجستر في فرع منهم في في السرطان ودلالات الاورام و بيولوجيا السرطان ودلالات الاورام يوجد كشعبه من شعب الكيماء الحيوه في الماجستير والدكتوراه واثناء الماجستير بتنزل مستشفيات وتتعاملي مع مرضي وتسحبي منهم عينات دم او بول او ايا من سوائل الجسم ممكن بعدها تفتح معمل تحاليل طبيه خاص بتحاليل الكميا الاكلينيكه ووممكن تحضر ماجستر ودكتوراه في التحاليل الطبيه في تخصص الكميا الاكلنيكه وممكن تبقي دكتور في في كليات العلوم او الطب سواء المصريه او الاجنبيه 4- قسم الميكروبيولوجي (يدرس بالبكتريا والفطريات والفيروسات والطحالب والمناعه) يدرس الميكروبيولوجى الميكروبيولوجيا الاكلنيكه والميكروبيولوجيا التطبيقيه والعامه فمثلا مجال الميكروبيولوجيا الاكلينكيه الطبيه وهو تخصص اخر في التحاليل الطبيه ودة بيبقي خاص بدراسه الامراض الميكروبيه سواء بكتريه او فطريه او فيروسيه والتحاليل الخاصه بيهم سواء كانت في اي منطقه من الجسم واثناء الماجستير بتنزل المستشفي وتتعامل مع مرضي وتاخد منهم عينات البكتريا والفطريات والفيروسات واحيانا بتبقي رساله الماجستير في مستشفي معينه واحيانا بتلف في كذا مستشفي علي مستوى الجمهوريه عشان تلاقي مريض عنده المرض دة وممكن بعدها تفتح معمل تحاليل طبيه خاص بتحاليل الامراض الميكروبيه وبيبقي اسمه ميكروبيولوجى طبي اكلنيكى ( دكتور تحاليل) (اخصائي تحاليل طبيه) ووممكن تحضر ماجستر ودكتوراه فيها وتدرس في كليات العلوم او الطب سواء المصريه او الاجنبيه وفيه دكاترة تحاليل من كليات العلوم في تخصص الميكروبيولوجيا الطبيه دكاترة في كليات برة في امريكا وفي اوربا بردو ............................................. و مجال الميكروبيولوجيا التطبيقه 1- زى مجال تصنيع الادويه ودى بتشمل انتاج ادويه كتيرة جدا منها المضادات الحيويه والفيتامينات و الادويه الخاصه بالسرطان والادويه الخاصه بالجلطات والادويه الخاصه بالهضم وانتاج اللقاحات والامصال من البكتريا والفطريات المختلفه وممكن منها تشتغل في مصانع الادويه في قسم الميكروبيولوجى وممكن الواحد يربط بين الميكروبيولوجيا الاكلينكه الطبيه بالميكروبيولوجيا التطبيقه يعنى يعمل رساله ماجستير في مرض وعلاجه مثل مرض التنيا وانتاج مضادحيوى ليه 2- زى تنقيه الميه من البكتريا والفطريات ومنها ممكن تشتغل في شركات الميه 3- زى انتاج المواد الحافظه والانزيمات ومنها ممكن تشتغل في شركات الاغذيه 5- قسم البترول والغاز الطبيعى ( قسم خاص) وهو موجود في بعض الكليات مثل القاهرة والاسكندريه والسويس وهو قسم خاص بفلوس بحوالي عشرة الاف جنيه في السنه الراعي للقسم دة اكبر شركات البترول في مصر وفي اوربا ومنها شركه شلمبر والاوائل بيتم تعينهم في شركات البترول المختلفه الشغل : مهندس بترول شركات البترول المختلفه 6- قسم الجيولوجيا وهو قسم يدرس طبقات الارض ويتعرض ايضا لدراسه البترول ويدرس كل ما في اعماق الارض الشغل : جيولوجى في قطاع وزارة البترول وقطاع وزارة الري 7- قسم الجيوفزياء وهو قسم يدرس الاعماق الارض من الناحيه الفزيائيه وهو قسم جديد في كليات العلوم وبيببقي وظيفته في مواقع حقول البترول نفسها في الكشف عن البترول وايضا في الكشف عن المياه الجيوفيه الشغل : جيوفزيائي في شركات البترول المختلفه 8-قسم علوم الحاسب وتكنولوجيا المعلومات وهو قسم يدرس الحاسب بكل فروعه والبرمجه وهو مثل قسم علوم الحاسب في كليه حاسبات ومعلومات وسواء قسم علوم حاسب من كليه علوم او قسم علوم حاسب من كليه حاسبات ومعلومات فهم تابعيين لنقابه العلميين الشغل كمبرمج في شركات الكمبيوتر المختلفه 9- قسم الرياضه والاحصاء وهو قسم يدرس كل ما يتعلق بالرياضيات الشغل اما يشتغل كاحصائي في الشركات المختلفه او كمدرس رياضيات 10-قسم النبات (يدرس كل ما يتعلق بالمملكه النباتيه) ويختص بدراسه كل ما يتعلق بالنبات سواء تقسم او تشلايح او فسيولولوجى او سلوك او مورفولوجى الخ الشغل في مراكز البحوث المختلفه 11-قسم الحيوان(يدرس كل ما يتعلق بالمملكه الحيوانيه وعلي رائسها الانسان) يدرس كل ما يتعلق بالمملكه الحيوانيه وعلي رائسها الانسان فيدرس الفسيولوجى اي علم وظائف الاعضاء والامبريولوجى اي علم الاجنه والهيماتولوجى اي علم امراض الدم والسيريولوجى اي علم المناعه والاناتومى اي علم التشريح والباراسيتولوجى اي علم الطفيليات الشغل : ممكن يشتغل في التحاليل الطبيه اذا حضر دراسات عليا في الطفيليات او في الهيماتولوجى اي امراض الدم وممكن يشتغل في اطفال الانابيب اذا حضر دراسات عليا في علم الاجنه وممكن يشتغل في اي مركز من مراكز البحوث المختلفه 12-قسم الفيزيا ء -قسم الفزياء الالكترونيه -قسم الفزيا الحيويه مش عندى معلومات عنه كافيه لكن للي متاكد منه ان قسم الفزيا الالكترونيه بيشتغل في مصانع الالكترونيات وقسم الفزيا الحيويه الطبيه بيبقي شغله علي الاشعه والاشعاعات واثرها علي الخلايا وقسم الفزيا الاسبيشيل بيبقي شامل كل حاجة عن الفزيا 13 قسم البيوتكنولوجى و يدرس التكنولوجيا الحيويه اي الدى ان ايه وتحاليله وكل ما يتعلق بيه الشغل في معامل التحاليل الكبيرة للي فيها تقنيات تحاليل الدى ان ايه ومراكز البحوث المختلفه 14- قسم الكيما والميكروبيولوجى وهو قسم يدرس نص مواده كمياء ونص موادة ميكروبيولوجى وله الحق في اخد الصفتيين ككميائي او كميكروبيولوجى وله الحق ان يصبح كميائي تطبيقي في الشركات والمصانع او ميكروبيولوجى تطبيقي في الشركات والمصانع وله الحق في ان يكون كميائي طبي(اخصائي تحاليل طبيه) وميكروبيولوجى طبي(اخصائي تحاليل طبيه) 15-قسم الكميا الحيوى والميكروبيولوجى وهو قسم يدرس نص مواده كمياء حيويه ونص موادة ميكروبيولوجى وله الحق في اخد الصفتيين ككميائي حيوى او كميكروبيولوجى 16-قسم الكميا والحيوان نصف مواده كميا ونص موادة علم الحيوان(فسيولوجى -مناعه -هيماتولوجى -امبريولوجى-تشريح-تقسيم) 17-قسم الكيما والنبات نصف موادة كميا ونصف موادة علم النبات مصدرالمعلومات :من مواقع كليات العلوم ومن قانون مزاوله المهن العلميه ومن جمعيه العلميون المتحدون |
>>>>>>>>>>>>>>>>>>>>>>>>>>>>>>>>>>>
|
ممكن اعرف ايه الفرق بين اقسام الكيمياء فى كلية العلوم والهندسة الكيميائية فى كلية الهندسة
|
معلش هاتعبك معايا ...سؤال اخر....ممكن الواحد بع ما يخلص كلية علوم قسم كيمياء سبيشيل يعمل دبلومة تحاليل
|
شكرااااااااا كتير على المعلومات الفيدة دى ومعلش على التاخير
بس معلش هتعبك معايا كان عندى سؤال اخر 0000هو قسم كميا حيوى موجود فى كل الجامعات؟؟؟؟؟! وشكرا |
اقتباس:
|
اقتباس:
|
اقتباس:
|
لو سمحتم انا علوم اسكندرية نظام ساعات معتمدة ورايحة سنة تانية والمفروض عندنا تسجيل اقسام الميجور بس انا مش عارفة اية افضل الاقسام فى الكلية ياريت لو حد علوم اسكندرية يتكلم شوية عن الاقسام المتاحة؟؟؟؟؟
|
انا رايح تالته وجبت فى تانيه ثانوى 66 % التنسيق السنه دى قبل من كام لكلية علوم واى محافظه بس اقل تنسيق شكرا
|
ممكن تردو عليه لو سمحتم انا متوتر ذياده متضعفوهاش عليه
|
انا جبت فى تانيه 66 % لازم اجيب كام فى تالته عشان ادخل علوم اقل تنسيق واى محافظه ارجو الرد بسرعه وايميلى ع الياهو للى عايز يكلمنى خاص sheko_rem انا فاتح ع طول بس offline بسرررررررررررررررررررررررعه بجد انا متوتر
|
اقتباس:
https://www.tansik.egypt.gov.eg/appl...LimitE2010.htm ده تنسيق القسم العلمي هتلاقي فيه الحد الادني لكل كليات العلوم في الجمهوريه للسنه دي بس السنه الي جايه اعتقد هيكون التنسيق اعلى من كده بكتير نظرا لان السنه دي كانت سنه فرااغ |
جميع الأوقات بتوقيت GMT +2. الساعة الآن 04:15 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.