سورى
انا كنت اقصد لما نتيجة المرحلة الاولى تظهر يعنى
ساعتها تقدر تبنى استنتاجات افضل ليها
والاقتراحات تكون مجدية اكثر
انا بس لما جيت اكتب (نتيجة تنسيق المرحلة الاول ) نسيت كلمة الاولى :D

واصلة وجهةنظرى؟

واصله ياستي .. المهم توصلها هيا !!

لو سمحتوا انا عايز اعرف عدد الطلبة المقبولين في كلية تجاره 2007 يعني السنه اللي فاتت ارجو ان حد يفيدني في الموضوع دا

بص يا سيدي ..

اناهاكلمك عن تجارة القاهرة

تجارة انجليش .. تقريبا واخده 1500 راس !! (حلوة راس دي) !! :D

اما تجارة عربي .. ففيها 6 مجموعات ..(على حسب النظام القديم ، هوا اتغير السنه دي)

3 انتساب و3 انتظام .. كل مجموعة من دول فيها حوالي من 2000 ل 2500 راس

يعني دفعة سنة اولي بس .. بالقريب كدا يوصلهم حوالي 12 الف او يزيد ..

بس عادي جدا يعني .. المدرجات كبيرة وبتشيل هناك

انت متاكد ان عدد (الرؤوس):D دول في القاهره وبس؟

في تجارة جامعة القاهرة .. اه شور

و بالنسبة لحقوق انجلش تقريبا تبدأ من كام فى عين شمس او القاهرة ؟

بالنسبة للكليات مافيش حاجة اسمها كلية سهلة

فيه انتا عايز ايه وهاتعرف تتعامل معاها ولا لأ

انتا اللي متاحلك والله اعلم .. حقوق واداب وتجارة بيتهيألي

لو عايزني ارشحلك واحده من التلاته ممكن اختارلك تجارة ..

ماعنديش فكرة عن حقوق انجليش دي .. بس سمعت انه فيه قسمين هناك لانجليش وفرنساوي ..

وبيتهيألي انها في مصاريفها في حدود 6000 على مافتكر .. لإني انا سالت عليها فعلا قبل كدا

بس والله بجد مش فاكر بالظبط ..

حقوق انجلش انا ابن خالتى فيها بيدفع 3500 جنيه بس هوا فى بورسعيد مش هنا فى القاهرة

اه يا استاذ فامبير سؤال لو سمحت

انتا بتقول ان المقبولين فى تجارة انجلش فى القاهرة 5000

و انا روحت عين شمس النهاردة قالولى ان اللى بيتقبلو من مدارس حكومية نسبة 5%

يعنى لو قولنا 5000 مثلا زى القاهرة يبقا تقريبا 250 واحد اللى هيقبلوهم بس من المدارس الحكومية

فياريت لو تعرف عدد المقبولين فى تجارة انجلش عين شمس عشان اعرف فيه امل ولا لاء :D


بس انا اللى غاظنى ان و انا بسأل على المصاريف قالولى المصاريف للكلية 3102 قولت اهوه نزوء ماشى

بس بعد قالولى فى كتب ب 1300 جنيه :mad:

مش فاهم انا كتب ايه ديه اللى ب 1300 :mad:


هيا غالبا هترسى على تجارة عربى و الواحد يريح نفسه :D

انا قولت اللي مقبولين كانوا 1500 مش 5000 ..

وبعدين انا السنه دي ماعنديش معلومات اوي عن حكاية لاتنسيق دي .. لإني انا مش في ثانوي زيكوا

انا مجرد بس اللي بيسأل في اجراءات او نصايح او معلومات عن كلية معينة .. بقول وبجاوب

لكن اللي ماعرفوش مابفتيش فيه

طب ماهو دا شئ معروف .. تجارة انجليش القاهرة .. مصاريفها 4500 بالكتب طبعا .. الكتب لوحدها ب1500 !!
عندك حق .. كتير من الناس مايبقدرش يغطوا مصاريفها .. فا بيلجأوا للعربي وخلاص .. ربنا معاك

انا جايبة 77.3 ينفع ادخل اداب ؟؟

والله ممكن بس مش هايبقي مرحلة اولى .. ممكن يا تانية يا تالته

بس دا طبعا امر غير مضمون .. لإنهم ممكن يستكفوا من المرحلة التانية

والله اعلم .. بس غالبا ممكن تتقبلي ان شاء الله بنسبة 80 في الميه

لو ادبى تبقى مرحلة تانية ان شاء الله
علمى بقى ،، معنديش خلفية بقى :wink:

لو سمحت هندسة السنة الجايه اثل حاجة ممكن تاخد كام

السنه الجايه ؟؟؟ !!

يااااااااه دانتا متفائل اوي .. بص هيا هندسة ماعتقدش انها بتزيد عن 95 .. ويوم ميضربها الدم تبقي 96 وكسر

انتا اعمل اللي عليك والباقي على ربنا

يا جماعه تجاره انجلش القاهره بتاخد 550 طالب بس و من جميع المدارس حكوميه او لغات عادى يعنى ودى انا روحت هناك و سالت
اما حلوان و عين شمش اعتقد انها بتركز على المدارس اللغات و التجريبيه

طيب هو الدراسه فى كليه فنيه عسكريه عذاب وكده وايه نظام الاجازات فيها وهل لو معايا واسطة كويسة وفلوس وجسمى كويس اخشها بسهول وشغلها حلو ولا لا......................... ادينى اهو مش متفائل خالص

يا جدعان انا جايب 83 وعاوز ادخل اداب اثار ينفع

ازيكم ياجماعة انا بقى نفسى اسأل سؤال
اانا خلصت 3 ثانوى وجايبة 77% ونفسى اعرف انا ممكن ادخل اية فى جامعة المنصورة
وياريت تفيدونى اى كلية احسن اداب ولا حقوق

على فكرة انا كنت ادبى
ارجو الافادة؟؟؟؟؟؟؟؟؟؟؟؟؟؟؟؟؟؟؟؟؟ظ

والله انا كل اللي اعرفه ان المدينة الجامعة اوضها مترين في مترين .. يعني علبة سمنه من الاخر

واسمع كمان انك بتدفع 50 جنيه شهريا .. مدعم يعني لو كنت هاتسكن في المدينة

بس بيتهيألألي ممكن تستحمل وتسكن في المدينة وخلاص ..

لإن الشقق بتبقي غاليه شوية

الدراسة هناك .. زيها زي كلية الهندسة العادية .. يعني عشان تخشها تبقي علمي رياضة ..

بس الفرق انها كلية عسكرية .. يعني طابع عسكري.. اوامر وما الي ذلك

بالنسبة للاجازات .. ماوعدكش اني اعرف حاجة عنها !!

شغلها .. مضمون لإنك هاتشتغل في الجيش .. ومعاك رعاية صحية مش موجوده في اجدع مستشفيات مصر (مستشفي القوات المسلحة) .. ومعاك انشطة وعضوية في نادي القوات المسلحة

دا انا ياللي مش تبع القوات المسلحة بستفيد بيها عشان عمي هناك !! .. يبقي انتا مش هاتستفيد .؟!!

بالنسبة للالتحاق بيها .. طالما جسمك حلو ولياقتك عالية .. هاتعدي ان شاء الله من الاختبارات

اما الواسطة فدي بتعديك من اختبار الهيئة اللي هوا اخر حاجة ..

انتا متأكد ان الشققق فى المنصورة غاليه ؟؟
طب بغض النظر عن الفلوس و الاسعار انتا ايه رايك فى النقاط الى ذكرتها و هى ان المدينة الجامعية مش هعرف اذاكر فيها كويس ؟؟ او بعنى اخر هل هتبقى امدينة احسن من حيث انى اريح دماغى من موضوع الاكل ولا ايه؟

والله انا اعتقد انك هاتبقي مرحلة تانية

وساعتها مش هايبقي متاحلك غير كليات اداب وحقوق ولو ممكن تجارة بس هاتبقي انتساب

لو متاحلك تجارة .. خشيها .. كويسه .. بس عايزالها شوية مجهود شوية

اما اداب فهاتخشيها على اساس اعلي درجة جيتبيها في المواد الادبية اللي عندك (تاريخ-لغة عربية-فلسفة-علم نفس)

حقوق دي بقي .. مسمينها في جامعة القاهرة الجبلاية .. مش عارف ليه صراحة !!

بس انا اعرف ناس في اداب وحقوق في المنصورة عندك .. ومقضينها عادي يعني

هيا مش فارقة من الاخر .. الاتنين كليتين نظرية .. والاتنين هاتطلعي مش هاتعرفي اصلا تشتغلي في مجالك الا بقي لو كان عندك واسطة او حد يقدر يشغلك

هل فى فنية عسكرية يلزم النظر يكون تمام ولا ينفع اكون لابس نظارة ؟؟؟

السلام عليكم ورحمة اللة وبركاتة

انا لسة مخلصة الثانوية العامة ومستنية التنسيق

بس انا عايزة اسأل عن كلية الاداب هو قسم اداب اعلام او قسم علم النفس بياخد من كام ؟؟؟

انا جبت 340 ومجموعى فى اللغان 131 ونص فعايزة اعرف انا شفت انهم بياخدوا الحد الادنى فى مجموع اللغات من 140 الى 130

فافالكلام دة صح ولا ايه ؟؟؟؟؟؟؟؟ يا ريت حد يقولى !!!!!!!!

والله انا الناس اللي ساكنين في المدن الجامعية دي .. قالولي ان احنا بنذاكر في الجنينه او الاستراحة تحت

انما بقي لو على الاكل فانتا فعلا مش هاتشيل هم الاكل .. بس اعتقد ان اكلهم يعني مش كويس اوي

بس هاتاخدلك ربع فرخة كل يوم !!

اما عن الشقق في المنصورة فانا مش عارف بقي صراحة ماقدرش افيدك لإني مش ساكن هناك

اها الكلام دا صح

بس دا لو على اداب اعلام .. لكن لو قسم علم نفس بيتبهيألي دا هاتخشيه لو كانت اعلى مادة في الثانوي من المواد اللي انتي امتحنتيها كانت علم النفس

السلام عليكم
انا جبت استمارة 2 جند النهاردة بتاعة التاجيل وادانى ورقتين بجنيه فاضين هم اللى بيملوها؟ونتيجة التنسيق بتبان بعد انتهاء كل المراحل ولا بعد انتهاء المرحلة الاولى؟

انتا دلوقتي مرحلة اولي .. اول ماهايخلص ميعاد تسجيل الرغبات .. غالبا هاتستني اسبوع ولا حاجة على حسب مايحددوا

بتخش في ميعاد تحديد نتيجة التنسيق بتاع مرحلتك .. على الموقع بتاع التنسيق .. وتتعامل زي ماهو بيقولك

هاتستني يومين كدا وهاتتلاقي جواب التنسيق جايلك على البيت مكتوب فيه اسمك وعنوانك والكلية اللي تم قبولك فيها ورقم الرغبة اللي نتا كنت حاطط فيها الكلية دي

مستعجل ؟ .. روح هاتها من المكتب البريدي بتاعكوا ..

يعني كل مرحلة منفصلة عن المرحلة اللي قبليها .. المرحلة الاولي بتبدأ وتنتهي وتظهر نتجيتها .. بعد كدا تبدأ المرحلة التانية وتخلص وتظهر نتيجتها .. وهكذااااااااا

لو سمحت انا عايزة اعرف ايه الجامعات الى بتطبق الصيدلة الاكلينيكية؟
وهل هى خاص ولا حكومى

تسمح لي يا vampire بعد أذنك أصحح المعلومة ديه
هو السنه ديه الوزير قال بطاقة الترشيح لن يتم إرسالها إلى الطالب كما كان يحدث في السنوات السابقة بل على الطالب أن يدخل إلى موقع التنسيق الإلكتروني و يطبع بطاقة ترشيحه بنفسه حتي يقدمها إلى الكلية المرشح لها لأستكمال إجراءات قيده بالكلية

بالنسبة لنتيجة المرحلة الأولى حتظهر بعد مرور 48 ساعه من غلق المرحلة الأولى

يعني حوالي الساعه 5 مساءاً يوم الأحد القادم

صحح ياسيدي

ياسبحان الله على الاختراعات العظيمة بتاعة مصر .. ياراجل دا الجامعة الامريكية نفسها اللي بيضربوا بيها المثل في مصر هنا .. اما بتتقبل بيبعتولك جواب محترم ومرسوم عليه شعار الايه يو سي النضيف والبنبط العريض كدا كلمة Acceptance !!

انا لما قولت وشرحت ، شرحت بنظام السنة اللي فاتت .. وانا اما بقول بقول من خبرتي واللي مريت بيه

> اي مستجدات بقي انا مش مسئول عنها

كل دا عشان يوفروا ورق على الحكومة والوزارة ؟!! .. والله فعلا عمار يا مصر يا صاحبة الاختراعات !!

طب كويس خييييييييير ..

لو سمحتو انا عايزة اعرف كلية الزراعة الدراسة فيها بالانجلش ولابالعربي

اصله صنع فى الاردن فعاوزين يوفروا شوية بقى :d


هسأل لك وارد عليكى
بس اعتقد بقية الكليات بتبقى ع حسب الجامعة
واعتقد عربى او انجلش مش هتفرق
معرفش ليه ناس بتخاف من الانجلش رغم انه احسن
وناس مش عاوزة العربى ،، بس اعتقد ممكن يتعوض بالكورسات
او دراسات عليا او حرة
وجهة نظر مش اكتر بس هشوف لك وارد عليكى

السلام عليكم و رحمة الله و بركاته
اولا شكرا جدا على المعلومات المفيدة دى كلها و يا رب يجعلها فى ميزان حسناتكم
ثانيا انا ممكن اطول شوية فيرات تستحملونى
انا طالبة علمى علوم جبت فى السنتين التوتال 94.39% كنت عايزة ادخل صيدلة بس طبعا مجموعى ده مش حيجيب اى صيدلة خالص
كنت عايزة اسأل بقى عن كلية علوم هل هى صعبة جدا زى ما بسمع عنها؟؟ و مجالات العمل بعد التخرج ايه ؟؟ و هل علوم احسن و لا تجارة انجلش من حيث المستقبل و فرص الشغل ؟؟ انا عارفة انهم مختلفين تماما بس كنت عايزة اعرف معلومات عن الاتنين و بالنسبة لتجارة انجلش ايه شروط التنسيق الداخلى و امتى بيتم التقديم فيه حيث انا جايبة فى الانجليزى 48.5 من 50 و المستوى الرفيع مشش انجليزى و كمان عايزة اعرف بالنسبة لتجارة انجلش بردو جامعة القاهرة احسن و لا جامعة عين شمس علما بان جامعة عين شمس اقربلى و بردو ايه مجالات الشغل بعد التخرج فى تجارة
شكرا جدا لمساعدتكم مقدما و اسفة جدااا للاطالة

لصديلة دي ياستي على ما سمعت قبل كدا

كدراسة موجوده في القصر العيني وجامعة طنطا وعين شمس وحلوان والمنصورة

اما كممارسة فيه معهد الاورام اللي في القصر العيني ومستشفي الدمرداش ومستشفي طنطا الجامعي

بس سمعت ان جامعة الزقازيق بتقدم دراسة في المجال دا وبتبقي دراسة مستوفية وذات كورس منفصل عن كلية الصيدلة

وشغالين هناك بالنظام الاميركان برده اللي هوا نظام الـ GPA

ومع ذلك .. ابقي اسألي وشوفي .. دي المعلومات المتاحة ليا دلوقتي

اما ييجي اخويا هابقي اسألهولك هوا طبيب امتياز دلوقتي واكيد عارف في المجال دا

معلش اسفة فى حاجة كمان نسيتها
انا سمعت ناس دخلت علوم و سنة او اتنين و حولت صيدلة هل الكلام ده ممكن و لا الحكاية دى اتلغت
و الى يجيلو كلية اقاليم ممكن يحول لنفس الكلية بس فى محافظته حتى لو مش جايب مجموعها بدون قضاء سنة هناك و لا الحكاية دى اتلغت بردو
و شكراااااا

اولا .. العفو ياستي ..
ربنا معاكي .. انا عارف ان مجموع زي دا علمي علوم لا يطول السنة ولا يطول الارض ..
كلية علوم انا ليا صحاب فيها .. قالولي انها تخنق وغبية .. اما عن مجالات العمل لو ربنا فتح عليكي ممكن تشتغلي في معامل .. كل واحد بقي على حسب تخصصه
خليني صريح معاكي .. على حسب انتي واسطتك ايه !!
معلومات دي بقي تقدري تخشي موقع اي كلية علوم في اي جامعة وتشوفيها وهاتتلاقي معلومات مستوفيه
http://science.cu.edu.eg/arabic_inte..._interface.htm كلية العلوم جامعة القاهرة
http://commerce.cu.edu.eg كلية التجارة جامعة القاهرة
تجارة انجليش هيا عبارة عن تجارة عااادية جدا .. بس بتدرس كل مواداها بالانجليش ومافيش ولا كلمة عربي
> شروط تنسيقها .. انك تكوني جايبه مجموع تجارة القسم النظامي ..
وتكوني جايبه كمان 80% من الانجليش في الثانوية العامة ..
التقديم بيتم في حالة حصولك على جواب التنسيق .. بأي طريقة بقي تحصلي عليه .. المهم يكون في ايدك
ملحوظة : عايزة تخشي تجارة انجليش .. تكتبي في الرغبات تجارة انتظام كرغبة اولي

بعد كدا اما بتتقبلي ان شاء الله بتروحي الكلية واما تيجي تقدمي في شئون الطلبة هناك بتقوللهم انا عايزة التحق بالقسم الانجليش عندكوا .. وهما هايتعاملوا بقي ..
انتي كدا وبعون الله مقبولة ميه ميه في تجارة انجليش ..
الاتنين تقريبا واحد .. بس اللي اسمع عليه ان جامعة عين شمس في التجارة اصعب .. عشان الدكاترة بيقولوا هناك رخمين .. بس المواد طبعا هيا هيا .. وكدا كدا لو عايزة تيجي القاهرة المترو موجود يعني .. نوبروبليم

كتيييييييييييير .. انا بيتهيألي لو عرضوا على بتاع تجارة يشتغل دكتور هايشتغل !!
فعلا طولتي انتي والله .. :mad:

مضطرين نستحمل !! :D

والله بالنسبة لعلوم والتحويل لصيدلة انا دي اول مرة اسمع عنها

بس انا فيه واحد اعرفه بيعمل معادلة للصيدلة في جامعة مصر للعلوم والتكنولوجي MUST

بس هوا ماعملهاش الا اما خلص دراسته في كلية العلوم نهائي وحصل على شهادة التخرج كمان

اما عن التحويل من كلية في منطقة لكلية في منطقة تانية .. فانا برده سمعت عن الحكاية دي

وانا اعرف اتنين واحد حول من تجارة المنصورة لتجارة القاهرة .. بس دا عشان كان هوا ساكن في القاهرة

وواحد تاني حول من حقوق شبين الكوم لحقوق القاهرة ودا برده عشان كان ساكن في القاهرة

بس العملية دي مش مضمونة .. وبيطلع فيها عين الواحد .. فيستحسن بلاش ونخلينا في المضمون احسن

ياااااا جماعة .. عشان يبقي ردنا رسمي وماحدش يقول انتوا بتألفوا

انا جايبلكوا لينكات من موقع التنسيق ذات نفسه .. عشان يكون دليل ليكوا ..

واللي مش فاهم الكلام .. ممكن نشرح ونفهم بعض ..

http://www.tansik.egypt.gov.eg/application/Dalel/14.htm دا اللينك بتاع دليل التوزيع الجغرافي

http://www.tansik.egypt.gov.eg/application/Dalel/10.htm دا اللينك بتاع معرفة نتيجة الترشيح في اي مرحلة من المراحل (اولى ، تانية ، تالته) .. ولو فيه رابعة وخامسة وميه .. هايبقي برده نفس الطريقة !!

http://www.tansik.egypt.gov.eg/application/Dalel/11.htm دا اللينك بتاع اما نتيجة تنسيقك تظهر تعمل ايه .. وكيفية الالتحاق بكليتك اللي مكتوبة في جواب التنسيق بتاعك .. بالبلدي كدا .. هاعمل ايه بجواب التنسيق اما ربنا يوفقني واحصل عليه !

http://www.tansik.egypt.gov.eg/application/Dalel/18.htm ودا اللينك بتاع الشروط الاضافية لبعض الكليات .. اللي انتوا بتشتكوا منها ودايما الاسئلة بتبقي عليها

يارب اكون افادتكوا بالكام لينك دول .. وكل سنة وانتوا وانتوا والثانوية العامة طيبين :cool:

يا مان أنا مش قصدي أحرجك أو أعدل على كلامك أنا عارف من مشاركاتك السابقة في الموضوع ده أن أنتا في ال Auc ومش ثانوية عامة دفعة 2008 و بالتالي عارف أن أنتوا كان عندكوا نظام في التنسيق غير بتاع السنه ديه
ياريت مش تزعل مني

:rolleyes: :rolleyes: فضحتني !!
لا عادي انا مش زعلان ولا حاجة .. دا بالعكس .. انا مبسوط ان فيه ناس بتعدل على كلامي .. ودا في حد ذاته مشاركة ايجابية منكوا .. في وقت التوبيك دا كان ميت فيه!! .. بدل مالوحد يقول في معلومات غلط ويضيع الناس ...

thank u so much for ur illustraition

التوبيك جميل لانوا بيساعدنا انا بقى عايزة اسال على نظام التحويل من كلية فى النطاق الجغرافى لكلية خارج النطاق الجغرافى
انا جبت 406 ونص وطبعا كلية طب اللى ادخلها حسب نطاقى الجغرافى المنصورة وبعدها الزقازيق وانا كان نفسى لروح عين شمس للقاهرة بيقولوا الدراسة هناك اسهل كتير من المنصورة هل ده صحيح ولو كده هل هقدر احول بعد سنة اولى

والله انا اول مرة اشوف حد بيجيب مجموع ويبقي عايز يغرب نفسه في منطقة تانية .. في الوقت اللي هوا يقدر يخش فيه كلية معينه في نفس منطقته !!

اولا .. اعتقد ولست اجزم .. بان الموضوع دا مش نافع .. لإن مافيش اي نص صريح او حتى اشارة ليه انه ينفع

اقري كدا قواعد القبول الجغرافي واحده واحده

· تعتبر الإدارة التعليمية أكثر دقة في التعبير عن موقع سكن الطالب.
(أظن دي واضحة ومش محتاجة شرح)

· تتبع الإدارة التعليمية الجامعة الأقرب لها وتدخل ضمن الحيز الجغرافي لهذه الجامعة.
(يعني شوفي انتي ادارتك بتجيب منين لفين يعني حدودها الجغرافية ايه .. وشوفي جامعتك موقعها منين من الحيز دا)

بعد كدا اما تيجي تكملي باقي القواعد .. تلاحظي انه كاتب وبكل وضوح .. قواعد تقلييييييييل الاغتراب
مش قواعد الاغتراب !!

واما تنزلي تحت شوية هاتتلاقيه بيقولك وبكل وضوح نصه الاتي :
(القبول بالكليات غير المتناظرة (كليات لا يوجد لها مثيل بالجامعات مثل كلية الاقتصاد والعلوم السياسية أو كلية الإعلام أو كلية هندسة البترول والتعدين بالسويس ... الخ) متاح أمام جميع الطلاب من جميع محافظات الجمهورية دون التقيد بشروط التوزيع الجغرافي أو الإقليمي.) ..

وانتي في حالتك دي .. من الممكن انه يتم قبولك طب المنصورة او طب الزقازيق على حسب مجموعك بقي هايوديكي فين ..

لكن غير متاح ليكي انك تخشي القاهرة .. الا اذا كانت الكلية فريدة من نوعها او مش موجوده في اقليمك ومنطقتك

يارب تكون نظريتي وصلت ..