طيب شوفي حضرتك انا ان شاء الله حفتح في المعاد ده برضو يا ريت بس نفتح الساعة 12 بالظبط مع بعض وانا ححاول افتح 7 برضو لو حد حيفتح معايا نحل مع بعض

يا جماعة حد قاتح فى كذا شءال مش عارفاه فى الكيميا ؟

اكتبيهم طيب وحاولي تفتحي الساعة 12 نحل احياء مع بعض

طاب تمام
1- ما الدور الذى يقوم به : أزاج الالكترونات الحرة فى تحديد نوع الرابطة الكيميائية ؟
2-لاختر :ايمكن أن يوجد المستوى الفرعى _____ فى اى ذرة (2s \2p\2d\4f )
3-وضح الاكسدة والاختزال فى التفاعل الاتى : اللى هى المعادلة بتاعة سوبر اكسيد البوتاسيوم والتخلص من ثانى اكسيد الكربون

اول حاجة متعتمديش علي اي حاجة حقولها :D
الروابط كلها لو حنقسمها كيمائية وفيزيائية حتبقي تساهمية وايونية وتناسقية وهيدروجينية وفلزية . الأيونية الزوج الحر مش حيأثر فيها لانها تجاذب كهربي بين الأيونين يبقي نستبعدها و التساهمية بين ذرات بالمشاركة يعني الالكترونات علي قد الذرات تقريباً فمش هيفيض الكترونات حرة انما التناسقية بتتم بين ذرة مانحة وذرة مستقبلة الذرة المانحة ليها الكترونات حرة هي اللي بتروح للاوربيتال الفارغ اللي فالذرة المستقبلة . الروابط الفلزية بقي بتنشأ بين ذرة هيدروجين مرتبطة في رابطة قطبية مع ذرة تانية فيها زوج الكترونات حر يبقي اه الرابطة الهيدروجينية كمان بيأثر فيها زوج الالكترونات الحر . أخر رابطة بقي الفلزية دي أساساً بتنشأ من سحابة الكترونات التكافؤ الحرة المحيطة في أيونات الفلز الموجبة اللي هي الالكترونات اللي ذرة الفلز فقدتها فاتحولت لايون موجب يعني أساس الرابطة الفلزية هو الالكترونات الحرة .
السؤال التاني حيكون 2d لان المستوي d بيبدأ من الدورة الثالثة بس . الدورة التانية فيها S , P فقط .
السؤال الثالث المعادلة بدون وزن ( لأنه كده كده مش بيفرق في الأكسدة والاختزال ) KO2 + CO2 ---> K2CO3 + O2
مركب KO2 عدد تأكسد الأكسجين فيه - 1/2 ( عشان سوبر أكسيد ) و البوتاسيوم +1 . ال CO2 بقي الأكسجين حيكون فيه الطبيعي -2 و الكربون +4 . النواتج K2CO3 البوتاسيوم +1 و الأكسجين -2 لو حنحسب -2 × 3 = -6 و +1 × 2 = 2 يبقي الكربون +4 زي ما كان الأول و ال O2 دي ذرة من عنصر واحد يعني عدد تأكسدها صفر الحاجة اللي اتغيرت هي الاكسجين اللي كان - 1/2 مع البوتاسيوم حصله اكسدة و بقي صفر اما طلع عنصر انما البوتاسيوم زي ما هو و الكربون زي ماهو فكده مفيش حاجة حصلها اختزال بس ممكن نقول ان الاكسجين اللي كان - 1/2 وبقي -2 في كربونات البوتاسيوم برضو حصله اختزال فمش عارف ممكن يكون هو هو حصله اكسدة واختزال نشوف بقي بقية الناس حتقول ايه ومعلش صدعتك معايا

في حاجة تانية برضو الk2co3 الاكسجين فيه -2 طلع 0 كعنصر يعني اكسدة يبقي ممكن نقول ان الاكسدة في الزيادة دي والاختزال بقي ال-1/2 اللي في السوبر اكسيد اما بقي -2 في كربونات البوتاسيوم

لا انت تمام وشكرا استفتدت جدا
بس حتة الرابطة الفلزية دى ازاى هو بيقولك اى دور ازواج الالكترونات الحرة فى تحديد نوع الرابطة الكيمائية
أظن فى حاجة بس مش قادرة اوصلها

يلا نحل احياء ورياضة بقى

طيب ما الرابطة الفلزية اساسا تعريفها رابطة تنشا من سحابة الكترونات التكافؤ الحرة الموجبة فعشان كده انا قلت كده لكن انا مش مقتنع اوي برضو
معاكي كتاب 100 % ؟

منا فاهمة بس لو اصده كدة كان قال دور ازواج الالكترونان فى تحديد نوع الرابطة الفلزية فاحنا نقول انه بزيادة الالكترونات بتقوى الرابطة الفلزية لكن هو بيقول فى تحديد الرابطة الكيميائية
عامة انا هسال المدرس بتاعى ان شاء الله بس لسة حصة ليلة الامتاحن الاسبوع الجاى

تمام شوفي عايزة تبداي بجبر ولا تفاضل ولا احياء ؟ ومعاكي كتب ايه فيهم

اللى انت عايزه
فى الاحياء معايا الامتحان والرياضة معايا الماهر
هو عامة الرياضة انا مش مديلها اهتمام اوى لانى مش ناوية علمى رياضة

تمام بما انك ناوية علمي علوم خلينا احياء نقي اي امتحان احياء قوليلي صفحة كام كده ونحل سؤال بسؤال يعني مثلا نحاول نحل السؤال الأول كله علي مره واحدة بعد كده نتناقش فيه وهكذا ونحاول نحل بسرعة شوية

وممكن نعمل ******* كل شوية عشان نشوف التعليقات اسرع عشان نحل اكتر من امتحان

ماشى فكرة حلوة هو انت كمان علمى علوم