طب انا كنت لسه هطلب منك كبريت عشان نولع الفحم دلوقتى اعمل ايه؟

عايز كبريت كمان؟؟؟؟
دا داخلين كدا على طمع بقا

ايه دة انتو قلبتو الموضوع هزاااار............طب السلام عيلكم

محنا لازم نهزر شويه كده علشان نسخن فى الأول ............. طب وعليكم السلام

سلام علييكم
اناا اسمى شيمااء وان شااء الله اناا دااخلة السنة الجااية 3 ث علمى علووم وان شااء الله هبقى معااكم
بس فى الاول كنت حاابة استفسر منكم ع حااجة هو انا لازم اجيب مذكرات المستشارين و الاسااتذة الكبيرة اللى بتبقى ناازلة فى المكتباات ؟؟ ولو هجيبها تنصحوونى باى مذكرة بس بحيث تبقوا مجربينها محدش يدينى اى رد وخلاص
واسفة ع الاطالة

بصى يا شوشو والله انا سالت فى الموضوع دة قالولى اعتمدى على كتاب واحد بس فى المذاكرة وهاتى بقيت الكتب والمذكرات شوفى الاسئله اللى فيها ......... ملحوظه كله ناقل من كله .....يعنى ريحى نفسك وهاتيهم عشان بس نفسيا تكونى مرتاحه........اه ومش تسيبيهم ديكور لالالالالالالا كده مش صح ....بعد ماتذاكرى اى درس شوفيه فى كل المذكرات والكتب او كل مرة تراجعى حلى عليه من كتاب مختلف .........كده هتكونى عملتى حاجه ............ اه وبالنسبه للنصايح انا ماما نصحتى نصيحه(اتعبى سنه وارتاحى العمر كله ...........او ارتاحى سنه واتعب العمر كله )..........بس انا عندى مشكله فظيعه انا اساسا بحب الرياضه وببدع فى حلها وطول عمرى بقفلها.....ومع ذلك داخله علمى علوم عشان ماما عايزة كده والمشكله انى بكرة الكيميا اعمل ايه !!!!!!اه وكمان مش بعرف احفظ الكلمات بتاع الانجليزى وخصوصا كلمات الترجمه

حكاية حفظ الكلمات دى مشكلة بتقابل اى حد بس حاولى تكونى مركزة و انتى بتحفظيهم و كل شوية راجعى عليهم بالقراءة فقط و شفوى و هتلاقى نفسك فكراهم و اللى تكونى نسياه احظيه تانى و هكذا
بالنسبة لكرهك للكيمياء انتى بتكريه انك تحفظى فيها ولا بتكرهيها كلها
و بعدين ما انتى ممكن تدخلى رياضة و تقنعى مامتك بكده عشان تنسيق علمى علوم بيبقى عالى جدا

النهارده 15 /6 باقي شهر و نصف بالظبط علي بداية الدروس. :)

الله يطمنك

انا هبدا كمان ساعه ونص ادعولى

انا مش بفهم كميا اصلا انا بحفظ وبس:angry2:

The Same Problem. :mad:

نفس المشكلة عندي مبطقش الكمياء دون عن بقية المواد ... حد يقولنا نتعامل معاها ازاي ونذاكرها ازاي لأنه حفظها كتير و رخم وكلام كله مبيبقاش مفهوم من تعريفات و تعليلات و معادلات وعندي سؤال تاني ايه افضل كتاب خارجي فيها انا هكتب كل الكتب الموجودة وحد يرتبها حسب الافضل ( الامتحان - الوسام - المثالي -مندليف - المعلم ) ياريت حد يرتبها حسب الافضل

انا الحمد لله بحب الكمياء ^_^
لو اخدناها على انها مش حفظ بس هنحبها
يعنى مثلا تعريفات اقطعها وافهمها جزء جزء لو فهمتها جزء جزء اقدر احفظها على بعضها عن طريق فهمى والحفظ مش بيكون بالقراءه فقط :) بيكون قراءه وكتابه ده بيساعد جدااا
والتعليلات طبعا بتعتمد على فهمك للمادة أكتر من الحفظ بكتيير
بالنسبه للمعادلات دى بقى بتحتاج انك تعلميها بحاجة
يعنى تربطى المعادله بحاجة تخيليه فى دماغك بتنجح الفكرة دى كدا :)
علشان اقدر احفظ معادلات الباب الرابع بتاع الكمياء فـ تانيه ثانوى علّمت المعادلات وربطها ببعض واقعدت احفظ مثلا فى اول المعادلة فى كذا وفى الاخر كذا متكرر واعلمها باى حاجة حتى لو كانت كرتون :D :d :romarioxp6:
وضرورى طبعا تحفظ التكافؤات وكدا ده بيساعد على الحفظ علشان بدل متحفظ تعرف تحل يعنى مثلا مش ضرورى احفظ ان H2So4 " ان الH معاها اتنين طالاما انا عارفه ان تكافؤ So4 تنائى ^_^ يارب يكون قصدى وصل :)
مش صح انى احفظ بردك الوزن لا اكتب المعادله كلها وبعدين اوزنها اى نعم فى معادلات غبيه فى الوزن بس ممكن احفظ حته ضغيره من الوزن لو صعب اعمله واكمل الباقى لانه هيبقى سهل :)
يارب اكون افدتكم ولو حاجة بسيطة :rolleyes:
أما بقى بالنسبه لموضوع الكتب فنا هنتظر معاكم حد يفيدنا :D :friendsxs3::022yb4: