|
هى كام حلقة
عقبال ماتخلصى هكون مت و الحمدلله و هروح اسكن فى قصر البارون مع اللى ساكنين هههههههه |
موضوع يجنن يا سندي و كلنا متابعين معاكى بس حد يلحقنى لأنى قربت اتجنن من الخوف
|
يوووووووو يا سندريلا
انتي كده بتشوقينا اكتر للموضوع هتحطي الحلقة الجاية امتي علي فكرة انتي علي متخلصي الحلقان اكون انا مت من الرعب ده انا بقرأ الكلام ده و حاسس ان انا اللي بغامر ( و ده طبعا عمره مهيحصل):D:D:D:D مستنين الحلقة الجاية علي نار |
سندريلا بجد الانتظار كده طول قوى
يلا بقه عايزين الحلقه الجايه انا كل يوم افتح واقراهم من الاول للاخر على امل انك تجيبى الحلقه الجايه سندريلا كفايه الى عملوه فينا فى الامتحانات هتبفى انتى وهما |
اقتباس:
ده كفايه ان انتي اسمك علي اسمي :p وربنا يهيدكي وايانا:) اقتباس:
مرسي لمرورك يا قمر اقتباس:
طب كويس انكو نبهتوني:p ابقي افكر في موضوع الاوسكار ده :D وابقي اجيبك تخرجه ان شاء الله :D اقتباس:
ده الموضوع جميل بيكم بجد اقتباس:
يعني نا صعب عليا اقوللك خدي اللينك اهوه وتقلبيهم كلهم مره واحده وساعتها منلاقكيش بقي هنزللك الحلقه السادسه دلوقتي يا جميل |
يا جماعه هو مين المشرف؟
الموضوع عدى الالف فى المشاهدات و عدى اليه فى المشاركه مش المفروض يتثبت ولا انا غلطان؟ يا ريت يا سندريلا تسألى عن الموضوع ده لان ده حرام |
اقتباس:
مرورك اجمل اقتباس:
ليه لا مش هتيجي معانا رحلة القصر وللا ايه ده احنا هناخد اللمنتدي كله معانا قصدي معاكم اصلي رجعت في كلامي اقتباس:
هحطها حالا |
اقتباس:
اللي يهمني انكم تستمتعوا وخلاص وبعدين اعتبره مثبت مانا الحمد لله بدخل كل يوم الاقيه في الصفحه الاولي شكرا لاهتمامك |
تعبتوا من الانتظار انا اسفه ليكم بجد والله كنت مشغوله شويه وكمان الجهاز كان مخرف بيعد يعمل ريستارت لوحده كده ودلوقتي هسيبكم مع الحلقه السادسه مشوقه جدا جدا جدا مش هطول عليكم لان انا عارفه اصلا انكو بتسيبوا كلامي وبتدخلوا ع طول من بعد رقم الحلقه الحلقه السادسه دخلنا القصر تانى لكن بقلب اجمد ...ماحنا هانشوف اخرتها بقى ..وعدينا من جنب اول حمام من غير ما نبصلة ..وطلعنا الدور التانى ودة المكان اللى عبدة الشيطان كانوا بيعملوا حفلاتهم فية ..مدخل الدور هتلاقى فية دم على الحيطان وهتلاقى ممر كلة متغرق دم ..عدينا فى الكلام دة عادى ماحنا بنشوفة كل مرة لكن لاقينا اخر الممر مقفول ..اول مرة يتقفل والكلام دة يا جماعة فى الظلمة ومعنا الكشافات والساعة حوالى 10 بالليل حسينا بشعور وحش قوى بجد قولتلة ان حاسس ان حاجة هاتحصل ..قاللى وانا بس هانعدى وهانشوف كل حاجة ..ومشينا لحد مكان فية حمام ..الحمام دة جيت افتحة فى مرة وكان معاى الحارس قاللى ماتفتحش استغربت وقولتلة لية ؟سكت وماردش ولما سالتة لما مشينا قاللى اصلة فية خفافيش....قررنا اننا نفتحة فى الزيارة دى ..تعرفوا لاقينا اية ؟ دة المكان اللى لاقوا واحد ميت فى البانيو لاسباب غير معروفة ...دخلت وقعدت على البانيووشوفت الدم بس بعد التمحيص ماعتقدش ان الراجل اتقتل ..الصراحة الحمام مقبض جدا لكن مافيهوش خفافيش كنا بنحاول نهرج علشان نغير الموود ونشوف نوع السيراميك المصنوع منة الاحمام كليو باترا ولا سيراميكا الامير؟ (ياسلام على الروقان) المهم طلعنا وكملنا مشى ودخلنا الغرفة اللى كلها دم وقعدنا نحكى ونتكلم كاننا فى مكان عادى وكنا واقفين فى البلكونة ولا كاننا فى بيتنا..كان فى مراية متكسرة وعليها دم فى الاوضة دى وكنت واخد منها تذكار ..حتة صغيرة ..ماكنتش اعرف ان الدم دة كان بقايا لطقوس سحر (ودة اللى اتاكدت منة من اللى حصل معاى بعد كدة )كلة هاييجى فى وقتة المهم خرجنا من الاوضة وطول ماحنا ماشيين كل واحد حاسس ان فى حاجة هاتحصل طلعنا الدور التالت ودة خطر لان السلالم من غير سور ومش مترممة بس المهم طلعنا السطح وقعدنا نهرج ونلعب فوق ونتصور ونبص على مصر الجديدة من فوق ...المنظر فوق جامد بس خطر لانك مكشوف من قصر الرئاسة وفندق البارون والعمارات المجاورة وكنا بنراقب الحراس من فوق علشان نتاكد انهم مش هاييجوا علينا وفجاة سمعنا صوت تك تك على السلم الخشبى اللى بيوصل للسطوح هتلاقية فوق فى الصور قولت دة اكيد بيتمدد لاننا طلعنا علية وهو قديم فالخشب بياخد وضعة تانى بعد الضغط علية لكن لا دة صوت حد طالع وخطوات منظمة وصوت رجل تقيلة جرينا استخبينا فى اوضة على السطح واحنا بنقول خلاص احنا اتمسكنا وكنا بجد هنموت من الخوف (مين اللى بيجيب مية ؟؟؟؟) وكنا مستنيين نشوف مين اللى طالع لكن انتظارنا طال ومافيش حد ظهر جريت اشوف الحراس من فوق لاقيت العدد مكتمل وكلة بيتفرج على التلفزيون واخر تمام قولنا لا كدة بجد مش طبيعى الساعة بقت 12 الاربع بالليل والحاجات بدات تلعب معانا بجد الصوت دة معناة انا جى اهو لكن انت مش شايفنى احنا فى السطح يعنى لو شفنا اى حاجة مش طبيعية ماحدش هايسعف التانى لان قدما المشوار اللى طلعناة هننزلة جرى نزلنا فعلا جرى وجوانا رعب بجد ماقدرش اوصفة ماعرفش ازاى خرجنا برة القصر فى ثوانى وكنا بنجرى فى الجنينة واحنا بننط لبرة من على السور قولتلة (احنا مجانين....اللى حصل دة هاتحكية لولادك) كنا فاكرين ان القصة خلصت انت قريت اول سطر فوق بتاعcomplex EQ? كدة خلصت الجزء الحقيقى واللى اقدر احكية على المنتدى لكن ماكنتش اتوقع ان القصة ممكن تمتد معانا لبرة القصر ودة اللى كان الرعب بعينة واتفقت مع اصحابى (كريم وفهدودول حصل معاهم نفسالكلام لانهم دخلوا معى ا فى مرات مختلفة )ان اللى حصل مع كل واحد فينا اعتبرة ملف مقفول لان كل واحد مننا شاف العجب بعد اللى حصل وماكنتش تهيؤات وقررنا اننا مانتكلمش فية ولما فى مرة حكيت الكلام اللى قولتة دة لواحد صاحبى معانا فى الكلية (هو فى ميكانيكا حاليا) قاللى لاااااا لازم تكمل باقى القصة قولتلة لا بلاش احسنلك كان مصرررر انة يسمع الباقى لدرجة انى قولتلة (بص يا اسلام انا مستعد احكيلك القصة اللى حصلت بعد الكلام دة لكل واحد بس بشرط) قاللى اية هو ؟؟ (هاحكيهالك فى حمام جوة قصر البارون ) قولتلة كدة علشان اخوفة لكن كان ردة غير متوقع .... ولانى كنت مجنون وهو عندة استعداد قوللنا هانفذ الجملة دى (هاحكيهالك فى حمام جوة قصر البارون) |
يا سندريلا هو محور القصه دى بيدور حول اللى حصل لاحمد على لما دخل القصر ولا محورها بيدور حول اللى حصله بعد ما خرج منه؟
|
واخرة التنقيط دا اى؟
كدا مش عارفين نعرف اى حاجة حصلت على بعضها حطى فى اليوم كذا حلقة معلش يا سندريلا |
فى الاخر هيقول اللى حصل ولا لا
|
يا سلاااااااااااام بجد رائع بس ارجوكي كملي
حطي انهردة كمان واحد وتسلمي يا قمر |
سندريلا هو الي دخل القصر ده احمد علي صح ؟
|
سندريلا كفايه تشويق والنبى عايزنك تزودى عدد الحلقات فى اليوم
بس بجد كملى موضوع رائع جدا بس انا بعد ماقراء الموضوع بحث بحاجات غريبه بحث ان فى حد معايا فى الغرفه مع ان كل الى فى البيت بيكونوا نايمين جايز يكون عفاريت القصر جولى فى البيت متكسليش ويلا الحلقه السابعه بسرعههههههههههه لا هتغمض هتغمض متقلقش بس هتصحي علي ايه دي المشكله روتانا سينما مش هتقدر تصلي الفجر لا لو على الصلاه يبئه هقدر ان شاء الله بس انتى متاكده انى هغمض عنيا بس المشكله فى الاحلام او بمعنى اصح الكوابيس المهم كملى وعايزين الحلقه السابعه بسرعهههههههه |
| جميع الأوقات بتوقيت GMT +2. الساعة الآن 08:01 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.