كل الشكر لحضرتكم على المشاركة والاجابة المتميزة

ولكن السؤال هنا
ما الذي يجعل الزجاج ليلا سطحا عاكسا ونهارا نافذا للضوء؟
كل الشكر لحضرتك مرة أخرى

ما الذي يجعل الزجاج ليلا سطحا عاكسا ؟؟؟؟؟؟؟؟؟ونهارا نافذا للضوء؟؟؟؟؟

لما يسقط الضوء على الزجاج ينعكس جزء وينفذ جزء منكسرا
ولما يكون في الخارج ظلام تكون شدة الضوء النافذة من الخارج الىالداخل منعدمة
عشان كده بنشوف صورتنا بفعل الجزء القليل المنعكس
ولما يكون الضوء في الخارج قوي ينفذ أكبر من الضوء المنعكس لذلك يصعب رؤية الصورة

شكرا لمرورك ولكن الزجاج غير كاسر للضوء خاصة الزجاج الشفاف المستخدم فى الشبابيك
ومازلنا فى المحاورة العلمية وأستاذ شفيق الأخضر يتابع..حصريا
شكرا

السؤال ده سؤال مش سهل
لكن هاحاول اوضح فكرتي عنها
الضوء كاسر و عاكس و ممتص للضوء
بدليل ان درجة حرارته بترتفع في الشمس و لما يكون الضوء قليل بيكون تأثير الانعكاس واضح
اما لما يكون الضوء كتير و قوي زي ضوء الشمس تأثير الانعكاس بيكون غير واصح بالمرة
ثم انا لو نظرت الي الزجاج في الصباح هايكون في انعكاس لكن هايكون في المقابل داخلي اشعة الشمس من الجهة المقابلة مش هاتتيح لي اني اشوف الانعكاس ده لان شدتها بتكون اعلي بكتير من الاشعة المنعكسة
اما بالليل فالاضاءة بتكون قليلة علشان كده اللي بينعكس بيكون واضح الي حد ما
و الاضاءة الخارجية بالليل قليلة فالتشويش اللي بيحصل علي صورة الانعكاس بيكون اقل علشان كده الانعكاس بيكون ظاهر
نسيت اقول ان الزجاج كاسر للضوء لكن معامل الانكسار بتاعه صغير جداً
لاني اظن ان مفيش مادة بينفذ فيها الضوء يكون معامل الانكسار بتاعها صفر
لكن ممكن يكون قريب جداً منه
دي وجهة نظري
و منتظر تعقيب حضرتك

غبت عن المنتدي كتير
و رجعت لقيت الموضوع متوقف برضه و مافيهوش اسئلة جديدة
ياريت الاهتمام
لان ده ممكن يكون من المواضيع الكبيرة في المنتدي لو خد اهتمام اكبر

معلش كنا مشغولين برمضان والتلاوة والقيام
ربنا يتقبل منا جميعا ان شاء الله

الاجابة عن السؤال السابق
نهارا
يسقط لضور من وسط مرتفع في درجة الحرارة " كثافة أقل لوسط بارد كثافة اقل فينكسر
ليلا
يسقط الضوء من درجة حرارة منخفضة " كثافة أكبر " لدرجة حرارة اعلى " كثافة اقل " فينكسر عدة انكسارات حتى يسقط بزاوية سقوط أكبر من الزاوية الحرجة فينعكس كليا في نفس الوسط "
نفس فكرة السراب
وكل الشكر لمن شارك في اجابة السؤال
بارك الله فيكم جميعا

سؤال جديد
اذكر الفكرة العلمية؟ واستخدام ؟
الألياف الضوئية

شكرا لجهدكم المتميز يامستر شفيق الأخضر
وكل عام وأنتم بخير

شكرا على المعلومات المفيدة

الاول كل سنة وحضراتكم طيبين
الالياف الضوئية دي عبارة عن شعيرات من الزجاج عالي النقاء
كل شعرة منهم برفع شعرة الانسان وبتتركب من
قلب وغلاف
القلب من الزجاج :هو اللي بينقل الضوء
والقشرة من الزجاج برده بس معامل انكساره غير معامل انكسار القلب
وبيطحطله غلاف بلاستيك من بره بيحميه
الفكرة العلمية
ظاهرة الإنعكاس الداخلي الكلي
دي بتعتمد علي احتلاف معامل انكسار مادتين الزجاج بتاعت القلب والغلاف
ده بيخلي الضوء ده ينعكس بالكامل ومينكسرش
وبيعتمد ده علي ان معامل انكسار القلب الزجاجي اعلي من القشرة
كمان لازم زاويه السقوط اكبر من الزاوية الحرجة (اكبر من 48.6 ودي عندها الضوء الساقط بينعكس بالكامل)
بس وطول ما الضوء ماشي بيتكرر انعكاس عالجدران
والقشرة مش بتمتص الضوء ده اللي بيخليه يمتد مسافات بعيد(بس لو في شوائب حيمتص)

وهي بتستخدم في كاميرات المناظير الطبية
وكمان كاميرات فحص اللحام
وبيستخدموها في الطيارات عشان تبقي زي مجسات للضغط الواقع علي الاجنحة والوجسم الطيارة
وطبعا اهم حاجة انها بتستخدم في ويرات الكمبيوتر

مقدرش اقول اكتر من كده:blush:
لكن متتعوديش كتير اني اتأخر في مروري علي الموضوع:d
السؤال اللي بعده من فضلكم

الشكر لله وحده
وكل عام وحضرتكم بكل خير

الشكر لله وحده
كل الشكر لمروركم بالموضوع

بارك الله فيكم
اجابة وافية
وشكرا لسرعة الرد