انا عملت التماس من هندسه اسيوط لهندسه المنصوره
وهما طلبوا :
1.صوره من استماره النجاح
2.صوره من بطاقه الترشيح
3.وصل نور او مياه واغاز او تليفون بس يكون قديم شويه و150 جنيه

طب انا كنت عاوز اعرف حاجه انا تجاره اسكندرية و عاوز احول اداب اسكندرية بس انا قدمت فى تجاره ينفع

ينفع بعد ما التحويل يخلص تسحبي ورقك م التجارة و تقدمي ف الأداب

هل ينفع احول من حاسبات القاهرة الهندسه اى حته

يا ريت توضح معلومات عنك مجموعك مكانك و عايز تحول لفين

el natiga b3d 10 days X 3en shams we 15 days X el kahera mn awel youm mn el t5wel:078111rg3:

الوقتى انا لما جيت احول التحويل متمش وجالى الكلمة دى مكان خانة الكلية ناسف لا تنطبق شروط التحويل
وبعدين انا مكنتش طبعت بطاقة الترشيح الاولى قبل كده فالوقتى مش عارفة اجيبها منين رحت مكتب التنسيق برضه نفس الكلام

وكمان كنت عايزة استفسر ان انا كنت لسه عايزة اقدم التماس بس من مكان قريب لبعيد عايزة اروح كلية البنات وكمان كلية اعلى من كليتى الحالية ومجموعى جايبها فلسه عايزة اعمل التماس فالالتماس ده محتاج وصل نور او ايجار فانا اجيبهم ازاى اصلا اذا كنت من المنصورة

اذدك كلية البنات تربية ولا اداب عين شمس ؟ لازم تكون مش موجودة ف بلدك او ف بلد اقرب عشان تحوليلها ممكن توضحي جالك كلية ايه و عايزة تحولي لفين و مجموعك كام؟

ارجو الرد
 

انا جالى هندسة اسيوط بس انا من اسكندرية اروح الادارة بالورق اللى اولت علية ؟ ولا اعمل اية و هل فى chance انهم مايقبالوش طلبى ولا اية؟ طب واحد صاحبى جالو تربية بس هو عايز علوم بورسعيد عشان هو جايب مجموعها يعمل اية؟

طب انا عاوز احول من تجاره اسكندرية الى اداب اسكندرية ايه الاوراق اللازمه و ايه نظام الفلوس وكده

الورق المطلوب
1- صورة من شهادة النجاح اللي فيها الدرجات وش + ظهر
2- صورة من بطاقة الترشيح اللي فيها تم ترشيحك لكلية التجارة اسكندرية
3- 150 جنيه
4- صورة البطاقة
5- احتمال يطلبو وصل ميا او نور
--- حتاخد استمارة تملي فيها بيانات و عايزة تحولي منين لفين و كدة
حتروحي فرع مكتب التنسيق بالاسكندرية في مكتبة كلية الحقوق جامعة اسكندرية ف المجمع هناك يوميا من ص9-1 ظهرا
عادي ممكن تحولي بعد ما قدمتي لكن بعد ما التحويل يخلص حتسحبي ورقك من التجارة
و بالتوفيق

ايوة خد الورق اللي قولت عليه العنوان ف اسكندرية مكتبة كلية الحقوق و ان شاء الله كل التحويلات مضمونة
بالنسبة لصحبك هو لو من بورسعيد او اقرب علوم ليه بورسعيد ماشي لكن من اسكندرية مالوش غير علوم اسكندرية الا لو عيعمل عملية جراحية

التحويل الورقي
 

كل سنه وانتوا طيبين انا بس عايزه اعرف هو التحويل الورقي بيتقبل علطول ولا ممكن ناس متتقبلش وياريت الي يتكلم تكون معلوماته مؤكده