|
اقتباس:
بشجع فيكى انك مش بتكابرى وانك معترفة ان دا غلط على فكرة دى اول خطوة ف حل المشكلة دى وتانى خطوة المفروض تخديها انك تغيرى اصحابك اللى بيكلمو ولاد ببنات مش بتكلم لان الصحاب بجد ليهم عامل اساسى ف المشكلة دى وصدقينى المشكلة دى هتتحل بس خليكى معانا واحنا هنحلها ومتزعليش امسحيها فيا ياستى وخليكى معانا انا هفتح الموضوع تانى وهنتناقش فية ونحاول نوصل لحل |
انا لو مكنتش عوزه اتحسن مكنتش بقيت جريئه وقولت اني بكلم ولاد
وان شاء الله ربنا هيهديني علي اديكم باذن الله وعلي فكره انا عمري ومبحبش اصلا ازعل من حد ولا حد يزعل مني بس كلمه مش متربين ديه زعلتني وهي طبعا اللي قالتها مش قصدها تجرحنا وان شاء الله ربنا هيسمحها واكيد طبعا ان شاء الله هبعد عن اصدقاء السوء والله انا لقيت في المدرسه بنات كتير محترمه ربنا يثبتهم يارب ونصحوني كتير وقالولي انتي باين عليكي مودبه ابعدي عن صحابك دول عشان وحشين بس للاسف انا مسمعتش ربنا يسمحني ويبارك فيهم وفيكم جميعا اللهم امين وانا هفضل معاكم باذن الله لحد ما التزم وجزاكم الله خيرا وربنا يبارك لكم ويجزيكم خيرا اللهم امين |
ربنا يخليكى ياحبيبتى بس صدقينى انتى بدأتى ف اول خطوة ف التغيير وهتبقى احسن وهتشوفى وعايزة اقول لكل البنات ياريت نفتح موضوع مصاحبة الشباب دا تانى ونحاول نشجع اختنا على التغيير |
حبيباتى عندى الاجابه
السلام عليكم
اهلا بالبنوتات الحلوين انا بنوته زيكم برده بس الحمد لله المهم السبب ان البنت بتصاحب الاولاد او بتصادقهم هو شئ واحد الشعور بالوحشه الداخليه:سببه المعاصى والبعد عن الطريق المستقيم الشعور بعدم الاؤنس:سببه عدم الاؤنس بالله والتمتع بمناجاته والتعبد له فى جوف الليل لانه يشبع القلب من كل شئ من الاؤنس بالله والاستغناء عن الخلق الشعور بعدم السعاده:الم يقال الله سبحانه وتعالى "ومن اعرض عن ذكرى فان له معيشه ضنكا ونحشره يوم القيامه اعمى"طه 124 وهكذا هى لا تكون شاعره بالسعاده فتبحث عنها باللهو واللعب والتحدث مع الاولاد كذلك عدم الثقه فى النفس: هى لاتكون شاعره بقيمتها التى تريد فتبحث عن من يعطيها هذه الثقه انها جميله انها ذكيه انها لبقه .... والحل كله فى شئ واحد قال الله تعالى" ان الذين آمنوا وعملوا الصالحات وأقاموا الصلاه وأتوا الزكاه لهم اجرهم عند ربهم ولا خوف عليهم ولا هم يحزنون"البقره277 واخيرا اقول يا بنوتات يا حلوين بلاش تغلطوا فى البنات ابدا مهما صحبت وعملت وعلى فاكره انا الحمد لله ملتزمه ومنتقبه وزيى كله اسود فضفاض ولكن دائما اذكر قول الله كذلك كنتم من قبل فمن الله عليكم نعم لم اكن يوم كذلك لكن لم نكن ملائكه على طول الزمان هم مؤدبات ولكن استعملهم الشيطان ليكونوا من جنوده ولابد ان نكون كلنا من جنود الله تقبلوا مرورى |
فعلا والله ده اللي انا بحس بيه
جزاكي الله خيرا انا دائما كنت بحس بعدم الثقه في النفس واني مخنوقه دائما ربنا يبارك فيكي ويثبتك |
الموضوع اللى انا كنت عاوزة اعرضه
لو عندك صاحبتك وكانت محترمه جدا وانتى بتحبيها اوى اوى ومش هتقدرى فى يوم انك تنسيها ومشيت فى سكه مش كويسه وهى انها بدات تكلم ولاد كتير وتمشى معاهم فى المدرسه وتكلمهم فى الموبايل وبدات الناس تشوفها وتتكلم عنها وبدات الناس تقولك وتنصحك انك تبعدى عنها وانتى نصحتيها وهى مستجبتش لنصحيتك ..... تعملى ايه تبعدى عنها ولا ايه؟؟؟؟ مستنيه ردودكم يا بناااااات |
اقتباس:
بسم الله الرحمن الرحيم جزاكم الله خيرا على اثارة الموضوع لانه هام جدا ويمس كل بنت مسلمة هدانا الله واياكم |
اقسم بالله الكلام ده مش بكدب فيه
ان الموضوع ده حصل معايا وانا والبنت ديه صحاب من واحنا في حضانه وبعد ما دخلنا الاعداديه كل واحده بقت في فصل بس في الفسحه بنبقي مع بعض وبنعمل كل حاجه زي بعض وبعد ما دخلنا اولي اعدادي ترم ثاني هي اتغيرت كتير اوي وبدات تقع في اخطا كتيره وانا كنت برصه بمشي معاها بس مش في المعاصي بمشي معاها واحنا مراوحين وناس كتير اوي في المدرسه حظروني من البنت ديه وقالولي سمعتها وحشه اوي بلاش يا هند تمشي معاها وانا قولتلها لازم تصلحي من نفسك عشان سمعتك وهي ولا سمعت كلامي وانا بصراحه معجبنيش الحال اللي هي فيه وانا بعدت عنها وبرضه نصحتها كاذه مره وبعدين هي مستجبتش واحده قالتلي خلاص انتي نصحتيها كتير وخلاص بس برضه انا عشان بحب الناس كلها والناس الحمدلله بتحبني واحده كانت في المدرسه بتعملنا كلنا بادب واحترام وبعد ما وقعتني في شر اعمالي اكتشفت انها بنت مش كويسه وربنا يهدي اسفه طولت عليكم |
باركك الله أختى العزيزة
|
ارجوكم ادعو لى اموت شهيده
|
السلام عليكم يا بنات أنا بنوتة فى 3 إعدادى
وأنا شايفة إن الموضوع الى أنتم قلتوه موضوع رااائع بجد و بالنسبة للأسئلة الى فى بداية الموضوع 1. لا مش مصاحبة أولاد والحمد لله 2. ولا عمرى صاحبت أولاد 3. أنا شايفة أن البنت الى بتصاحب ولد مش شرط تكون وحشة لكن ممكن تكون مش فاهمة خطورة هذه المصاحبة 4. أنا أعتقد أنه عشان نلاقى الحل لأى مشكلة لازم إننا نفهم كويس أوى يبب المشكلة وأسباب المشكلة دى كتيرة أوى يمكن أكون عارفة بعضها عن البنات الى فى سن المراهقة لأنى مراهقة طيب ممكن يكون التغيرات النفسية الى بتحصل فى فترة المراهقة حيث أن الولد أو البنت بيكونوا عايزين يبينوا أنهم عندهم شخصية وعايزين يعملوا زى الكبار حتى لو كانوا مش فاهمين خطورة الموقف وأعتقد أن الشعور ده بيحس بيه كل المراهقين لكن لازم الكبار يتكلموا مع المراهقين ويفهموهم كويس وأنا الحمد لله أول لما بدأت أدخل فى طور المراهقة وجدت أمى تحدثنى عن مشاكل المراهقة وأيضا المدرسات كانوا بيكلمونا عن المراهقة بصراحة فترة المراهقة فترة صعبة شوية لازم الواحد يجاهد نفسه ويمنعها عن أى سوء وشكرا على الموضوع وأنا كنت عايزة أنضم معاكوا وأسفة طولت عليكوا |
اقتباس:
وعليكم السلام بجد شكرا يا قمر على ردك الجميل دا انتى نورتى الموضوع وفعلا كلامك صحيح جدا يارب نستفاد كلنا منه ونحاول نعمل افعال كفاية كلام لازم نبدأ بخطوة لازم نغير من نفسنا وانا اولكم مين عايزة تتغير معايا؟؟؟؟ بجد اسعدنى مرورك الجميل حبيبتى |
اقتباس:
بصى ياحبيبتى انا عارفة انك بتحبيها اوى ومتقدريش تسيبيها بس معلش الحكاية بقت سمعة مينفعش تضيعى سمعتك عشان حد انا عارفة انها ممكن تكون كويسة ومش معنى كلامى دا ان طلامة بتكلم ولاد تبقى مش كويسة لا انا اقصد ان الموضوع كبر وبقت الناس بتتكلم يعنى الموضوع مش سهل انا عن نفسى انصحك انك تسيبيها ومتحكميش عواطفك حكمى قلبك يارب اكون قدرت اوصلك رأيي ربنا يهدينا جميعا |
اقتباس:
جزانا وإياكى حبيبتى وياريت تشرفينا بردك الجميل على الموضوعين يارب اهدينا جميعا |
اولا جميل اووي موضوع الصداقة بين ولد وبنت لانه منتشر اووووي الاوقات دي بس انا شايفه انو مفهووم صديق دي غلط لانه ممكن يكون فيه زمالة بين ولد وبنت وده طبعا داخل الحدود سوااء طلبة جامعه او زملالاء عمل وده هيبقى في مرحلة من العمر يعني مش ثانوي واعدادي والكلام ده لان اصلا الانسان بيكون مش نضج اووووي وملهوووش القدرة على اختيار الشخص المناسب انا شابفه اني مش قادرة اختار بنت تكون صديقة بجد هرووح للولد اللي هو من جنس غيري واختاره ؟؟ هههههههههههه انا ممكن كلامي يكون كتييير وطويل بس انا طالبة ثانوي ونفسي بجد الاقي المجال اللي يخليني احكي عاللي بشووووفه واعرف احله مع غيري |
| جميع الأوقات بتوقيت GMT +2. الساعة الآن 08:47 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.