|
الساعه دلوقت 1:40 سحورا ... ولسة يدوب راجع من الاجتماع في المحافظة ... كان الاجتماع مع اللواء يعقوب ووكيل الوزارة ابراهيم موافي ... وأخر كلام للناس كان بعقد بمرتب 500 جنيه تقريبا للمؤهل العالي و450 تقريبا للمتوسط وفوق المتوسط ... وتثبيت ال 3 سنين متى استوفو الشروط ... وتم عمل لائحة تنفيذية للعقد تنص لعى عدة بنود تجديد العقد تلقائيا ولا يجوز فصل المعلم المتعاقد معه وضم مدة الخدمة عند التثبيت ... مع انهم موضحوش ايه الشروط والناس مدايقة من كده ... وأنا أستخلص من اللقاء ... ان مفيش تثبيت بدون شروط زي الناس مهي طالبة وان دي أخر وأكتر حاجة ممكن نوصلها ... ده لو الناس نفذتها ورضيت بيها ... إيه رأيكم |
معنى الكلام ده انه ها ينزل عقد جديد بشروط جديدة فى الايام الجاية غير القديم يامسهل يارب |
حمد الله على السلامة
معنى كدة أنه هأيكون في عقد جديد ؟ |
منا كاتب مش هيكون فيه عقد جديد
العقد هو هو بس هيعملو لائحة تنفيذية بالبنود الجديدة لكن مينفعش يعدل في العقد نهائيا لانه جاي من التنظيم والادارة ولو عدل فيه أي حرف هيعتبر لاغي |
على فكرة الناس اللي كانت معاي زعلانين جدا من الاعداد القليلة اللي بتبقى موجوده معانا وبيطالبوني وكل الناس اننا مننشرش اي حاجة تاني عن اي لقاء بيتم وان كل اللي عاوز يعرف حاجة يروح يعرفها بنفسو وبالنسبة للقاء امبارح هما مدايقين جدا ورافضين اللي حصل فيه والظاهر كده هتبقى في وقفات جديده ياريت لو فيه اي اعتصامات تاني الناس اللي بتقعد وتسمع الاخبار من البيت تشارك |
يعني دلوقت برضه العقد النهائي اللي موجود في المديرية دلوقت وكل الناس هتمضي عليه هو اللي فيه بند 2\2 وفيه كلمة معلم مساعد
هو ده مش هيتغير وكل الناس هتمضي عليه كعقد نهائي خلاص كدة؟؟؟!!! طيب ده برضه فيه مشكلة إن مافيش تجديد تلقائي ولا في تثبيت لمن أمضى ال3 سنين ولا فيه حافز ال200% يعني برضه عقد مش تمااااام إيه الوضع دلوقت؟؟؟ والكلام اللي بيتقال ده اقتباس:
مابيحصلش ليه؟؟؟ وبالنسبة للناس اللي مش بتشارك دي ظروف حضرتك وإحنا في مجتمع صعيدي عاداته وتقاليده بتحتم عليه حاجات معينة كرفض وجود المرأة في تظاهرات وإعتصامات وحاجات من دي خوفا عليها طبعا من أي مشادات أو أي شئ يضرها إحنا مش في أمريكا هنا والله المستعان |
ردا على الأخت أبرار أحنا مبنعلبش .... خدي البشرى دي من عندي محافظ أسيوط. مديرية التربية والتعليم. مكتب وكيل الوزارة. ـــــــــــــــــــــــــــــــــــــــــــــــــ قرار رقم (1047) لسنة 2011م ________________________ محافظ أسيوط -------------- - بعد الإطلاع علي قرار رئيس الجمهورية رقم 43 لسنة 1979م بإصدار قانون نظام الإدارة المحلية ولائحته التنفيذية وتعديلاتهما. - وعلي القانون رقم 47 لسنة 1978م بإصدار قانون نظام العاملين المدنيين بالدولة ولائحته التنفيذية وتعديلاتهما. - وعلي القرار الوزاري رقم 75 بتاريخ 2/3/2011م والذي نص علي تثبيت العاملين المتعاقدين والعاملين بالحصة من حملة المؤهلات العليا والقائمين بخدمة العملية التعليمية من حملة المؤهلات المتوسطة وفوق المتوسطة ممن مضي عليهم ثلاث سنوات فأكثر. - وعلي ما تضمنه قرار وزير التربية والتعليم رقم 75 لسنة 2011 من موافقة وزارة المالية بتاريخ 1/3/2011 وموافقة الجهاز المركزي للتنظيم والإدارة بذات التاريخ. - وعلي موافقة السيد اللواء المحافظ بتاريخ 30/7/2011 علي إتخاذ إجراءات تثبيتهم تنفيذاً لقرار وزير التربية والتعليم رقم 75 لسنة 2011م. - وعلي الكتاب الدوري رقم 2 لسنة 2011 الصادر عم الجهاز المركزي للتنظيم والإدارة بشأن الإجراءات التنفيذية لتثبيت العمالة المؤقتة بوحدات الجهاز الإداري للدولة. - وعلي محضر لجنة شئون العاملين المتضمن الموافقة علي تثبيت العاملين المتعاقدين والعاملين بالحصة من حملة المؤهلات العليا والقائمين بخدمة العملية التعليمية من حملة المؤهلات المتوسطة وفوق المتوسطة ممن مضي عليهم ثلاث سنوات وكذا تثبيت العاملين بعقود مؤقتة في وظائف الخدمات المعاونة والذين مضي عليهم أيضاً ثلاث سنوات فأكثر والمعتمد محضرها من معالي اللواء الوزير المحافظ بتاريخ 3/7/2011م. ______________________________قــــــرر _______________________________ مادة (1): 1- تجديد العقود لهم تلقائياً. 2- تثبيتهم عند إستيفاء شروط التثبيت. 3- ضم مدة الخبرة العملية. 4- يتم صرف الراتب المنصوص عليه في العقد. مادة (2): علي الجهات المختصة تنفيذ هذا القرار. تحريراً في : 11/8/2011 م إمضاء : اللواء : سيد البرعي. محافظ اسيوط. ----------------------------------------------------- الكلام ده كان الساعة 2 بالليل يوم الخميس بعد طلعت عنينا معاهم |
ما هي الشروط الخاصة بالتثبيت وهل لنا الحق في امتحان الكادر
|
أيوة بس خلينا فعليا الكلام ده مااتنفذش لسة في الإدارات خالص
وكل اللي حصل آخر حاجة هو العقد اللي فيه بند 2\2 وفيه كلمة معلم مساعد زي ماحضرتك عارف اللي موجود دلوقت في الإدارات والناس كلها مضت عليه إنما نفس عيوب القديم!!!!!! |
اقتباس:
واضح ان كل حاجة بتتأخر عندكم |
طيب ياريت حضرتك توافيني بالجديد اللي عندكوا
إيه اللي بتمضوا عليه دلوقت؟؟؟ |
محافظ أسيوط يصدر قرارًا بالتعاقد مع معلمي الحصة بـ490 جنيهًا أصدر اللواء سيد البرعى محافظ أسيوط، قرارا بالتعاقد مع معلمي الحصة براتب قدره 330 جنيها فضلا عن 160 جنيها حوافز. بوابة الأهرام بتاريخ 13/8/2011 جاء ذلك خلال اجتماعه بعدد من معلمي الحصة بالمحافظة، بحضور اللواء يعقوب إمام سكرتير عام المحافظة، وإبراهيم الموافي وكيل وزارة التربية والتعليم، علي أن يشتمل القرار علي تثبيت المعلمين بعد استيفاء شروط التثبيت التي نص عليها قرار رئيس الوزراء، ووزير المالية. كما وعد المحافظ بمخاطبة رئيس الوزراء لصرف حافظ الـ 200% للمعلمين أسوة بالمحليات ودون النظر إلى كادر المعلمين أو مكافأة الامتحانات. |
اقتباس:
شوفتو انا بقلكم على الاخبار قبلها بيومين واها الاهرام بتأكد كلامي مع انا كنت معاهم في الاجتماع دلوقت مفيش امضاءات بنمضيها كل الحكاية هترفق اللائحة التنفيذية اللي اتفقنا عليها وجبناها يوم 11 / 8 / 2011 اللي بتتكلم عليها الاهرام دلوقت هنرفقها في العقد وبس |
|
اقتباس:
الرابط بتاع الاستاذ ايهاب بيشرح مفردات المرتب اللي هيقبضها العاملون بالتعاقد الجديد بالنسبة للصافي .... مظبوط ... 485 جنيه للعازب ... و 487 جنيه للمتزوج والكلام ده وصلت بيه نشرة للمدارس وبالمناسبة أحكيلكم قصة تخص الموضوع ده امبارح 17/8/2011 وبالتحديد في وقفة معلمين أسيوط بعد صلاة العشاء أمام المحافظة كانو مدرسين الحصة والاساسيين مع بعض وفجأة طلع واحد من الاساسيين وقال ... تعالوووو شوفوووو الفضيحة بتاعت ابراهيم موافي ( وكيل الوزارة ) المهم طلع مدير مدرسة اتكلم وقال ان الوزارة وصل بيها الفجور ( فيما معنى كلامه ) والاستهتار بينا انهم يعطو مدرسين الحصة مبلغ 485 المدرس ( بتاع الحصة ) ياخد 485 وهو اول مرة يشتغل وحنا ساعت لما اشتغلنا كل اللي قبضناهم 307 في الاول الكلام ده ميتسكتش عليييييييييييييه!!!!!!!!!! طبعا بالطرقية دي مدرسين الحصة شاطو فيه ومسكتلوش مع العلم ان الشخص اللي كان بيهتف بحق الاساسيين والناس كلها وراه كان مدرس بالحصة اسمو مصطفى ... طبعا كلام من اشخاص غير سوية وكلام يحرق الدم على الاقل انتا بدأت ب 307 هما بدأو ب 30 ا 40 جنيه ولمدة 9 سنوات على الأقل وهما من شهر 2 واقفين في اعتصامات عشان يوصلو للعقد الجديد ده محدش وقف معاهم من الاساسيين ومشينا من الاعتصام بعد مشادات كلامية ومحايلة منهم على مصطفى ( اللي بيهتف ) انو يقعد معاهم يهتفلهم شوية عاوز رأيكم |
| جميع الأوقات بتوقيت GMT +2. الساعة الآن 09:00 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.