العغو
جزانا وإياكم

ياجماعة اي طالب عنده اي سؤال او جزئية معينة مش فاهمها في الفيزياء يقول وان شاء الله هحاول بقدر الامكان الاجابة علي الاسئلة او شرح الاجزاء الغير مفهومة بالمنهج ولو تطلب الامر اني أعمل مزكرة خاصة للناس الي مش بتاخد دروس خصوصية
ربنا يوفقكم
اخوكم م/محمد
طالب بالفرقة الرابعة هندسة ميكانيكية

مبروك ع السنة الجديدة 💖
ان شاء الله تكون سنه تحققوا فيها احلامكم كلها

الناس ماتت ولا ايه

انتو فين يا جماعة

ههههه كل فتره ادخل الاقي الناس ساكته مش زينا خاالص
اكيد بيذاكروا و مشغولين ربنا يعينهم

السلام عليكم ورحمة الله وبركاته.
لوسمحتم انا عندي استفسار بالنسبة للرياضة تأخذ وقت كبير لأنها طويلة وتحتاج إلى تمارين كثيرة ,وهذا يضيع معظم المواد وفي نفس الوقت لاتنتهي!فما الحل ؟

ذاكر كل مادة في ساعتين مش اكتر (طبعا انت هتبقى مقسم الدرس، مفيش درس هيخلص في ساعتين بس) كدة مش هتاثر على المواد التانية، وتعالى في اخر اليوم كمل مذاكرة الرياضة وطبعا قسمها متذاكرهاش كلها دفعة واحدة عشان تقدر تذاكر الحاجات التانية.

شرح النصوص بيتحفظ من كتاب المدرسة ولا عادي باسلوب المدرس؟

سوال
 

السلام عليكم
خلاص دخلنا على 11 والسنة اللى هنمتحن فيها على الابواب ربنا يقف معانا كلنا يارب ويرزق كل واحد اللى بيتمناه

انا كنت عايزة اسأل عن درجاتى اللى بجيبها ف المتحانات كويسة ولا انا كده مع السلامة فى الثانوية

انا فى امتحان الجيولوجيا الباب الاول جبت 31 من 35

على الباب الثانى 46.5من 50
عل الباب الثالث 37من40

فى العربى الانتحان الاول الوحة الاولى نحو+نص غربة وحنين واول درس ادب جبت 13.5 من 15

واللى بعده على المساء والثلنيى نحو وادب 23.5 من 25

بس كده محد بيعمل امتحانات تانى

بالنسبة للفيزياء احنا احنا دخانا فى الدرس الرابع الفصل الثانى وقربنا نخلصه وف مسائل كتييييير خالص مش بعرف احلها غير لو خدت الفكرة بتاعتها من الاجابات واكمل لوحدى مش عارفة ايه الحل

انا اسفة جداااااااا طولت عليكم

ازيك يا جميله ❤ فينك من زمان
ربنا معاكي حبيبتي ويسهلك كل صعب ويريح بالك يارب
بالنسبه لامتحانات الدروس ..نصيحه غاليه مني ياريت حد كان نصحني بيها من اول السنه ..امتحان الدرس كوني حريصه انتي طلعتي منه بإيه ..شوفي الغلطتين اللي غلطتيهم دول استقدتي منهم بمعلومه جديده او اتعلمتي ازاي تتعاملي مع الاسئله من النوع دا او قرأتي السؤال بسرعه وخدتيه بالشبه وكان المفروض تتأتي فيه شويه ...واكتبي جنب السؤال الغلط دا تصحيحه +انتي استفدتي ايه من الغلطه ..عشان ف ااخر السنه تبصي علي ورق الامتحانات دا ..بصي حبيبي انسي الدرجه بتاع الامتحان تمامااا طالما ذاكرتي كويس جدا للامتحان و طالما عملتي اللي قولتلك عليه خلاص انتي كدا perfect👌 عادي انا كنت مره امتحنت فيزيكس ونقصت فيها 12 درجه وفي اخر السنه نقصت درجه واحده

بالنسبه لمسائل الفيزيا عشان تتحل كويس
1-النظري لازم يتفهم كوويس جددددا و يتحفظ كويس جدا
2-القوانين تتفهم وتتحفظ كويس جدا جدا
3-شوفي المستر بيحل المسائل ازاي وتابعي معاه ف الحصه
4-لما تروحي حلي كل الامثله المحلوله اللي بتبقا بعد الشرح دي
5-بعد كدا ادخلي على المسائل ...وحلي بالترتيب كدا شوفي هو طالب ايه ..اكتبي كل القوانين اللي بيها ممكن نجيب اللي هو طالبه ..شوفي ايه اللي عاطيهولك ف المسئله ممكن يساعدك في المطلوب ..وواحده واحده مع المسائل خديها كانها لعبه كدا وبالراحه جدا ف الحل ..وامشي بالعقل والمنطق ومتتسرعيش

عادي باسلوب المدرس

جزاكى الله خيرا
شكرا ليكى جدا :022yb4::022yb4:

شكرا على الرد، حضرتك يعني تعرفي ناس عملوا كدة وجابوا درجة كويسة؟

شوفي حبيبي
شرح النص عمره ما بيتحفظ ابدا ..دي الحاجه اللي بتعبري عنها بفهمك واسلوبك
افهمي المستر وهو بيشرحه كويس .. بعدين لما تذاكريه اقراي الشرح من المصدر اللي بتذاكري منه ايا كان
لما تذاكري النص تاني وتالت و تقراي الشرح هيعلق ف ذهنك و هيبقا اسلوبك قريب جدا من الكتاب
بس لما تيجي تكتبي الشرح خلي اسلوبك لبق و دخلي مفردات اللي بتوع العربي بيحبوها دي 😄 افصلي بين العبارات بفصله مثلا .ابدأي شرحك بعبارة حلوه احفظيها على طول زي مثلا (أجاد الشاعر التعبير عن كذا ) وهكذا