مشاهدة النسخة كاملة : مستقبلى بيضيع منى
marwa.m 15-12-2008, 10:36 AM السلام عليكم ورحمه الله وبركاتة
انا ثانوية عامة (تالتة ثانوى)
عندى حالة يأس واحباط وملل من كل المواد مبقتش اقدر افتح كتاب ابص فى كلمة ولما ادخل امسك اى كتاب اذاكر احس بحالة نفور
اروح رامية الكتاب
اول السنة كان عندى حماس لانى الحمد لله واخدة دافعة كويسة من السنة الى فاتت
لكن فجاة كل شىء اتبخر
وبقيت يدوبك احل الواجب بس ومذاكرش دلوقتى للاسف مبقتش
احل الواجب فى بعض الاوقات ومش عارفة اية السبب
عندى ادمااان للتلفزيون بتفرج على الحاجة الى شفتها مرة تانى
وافضل اقول لنفسى هقوم بعد نص سااااعة ولا ساعة
وساعة ورا ساعة واليوم يضيع
ومذاكرش
انا الحمد لله قريبة من ربنا وعندى هدوء اسرى
يعنى تقريبا مفيش مشكلة نفسى اعرف لية حالتى بقت كدة ونفسى بحل عملى اقدر اعتمد علية
لانى خايفة مستقبلى يضيع وكل الى بنيتة فى تانية يتهد على دماغى فى تالتة وساعتها هتكون الضربة القاضية والنهاية ليا
themoondream 15-12-2008, 10:46 AM بصي هو انا لسه في اولى
بس اقدر اقولك اقري قرآن واذكري الله كتير
وبعدين هو ممكن يكون من حسد مثلا انتى بتقولى ربنا كرمك في تانية وان شاء الله في تالتة احسن وتحققي اللى انتى عايزاه
وان الله لا يضيع اجر من احسن عملا
بس اتكلي على الله واعملي اللى عليكي
مش عارفة انا لسه في اولى بس اخواتي كانوا زيك كده انا اختى بعيد عنك عملك الزايده (عمليه)في تالتة والحمد لله ربنا كرمها
اللى اقدر اقولهولك ربنا يوفقك يا رب وتحققي الللى انتى عايزاه
كــارمن 15-12-2008, 11:12 AM اهدى بس يامروة وحاولى تنظمى وقتك واعتبرى ان اليأس دة زى عدو ليكى لازم تنتصرى علية
وقربى من ربنا اكتر
ومش مهم تذاكرى كتير المهم الى تذاكرية تستوعبية وهرجع تانى ارد عليكى عشان مشغولة دلوقتى
marwa.m 15-12-2008, 12:05 PM بصي هو انا لسه في اولى
بس اقدر اقولك اقري قرآن واذكري الله كتير
وبعدين هو ممكن يكون من حسد مثلا انتى بتقولى ربنا كرمك في تانية وان شاء الله في تالتة احسن وتحققي اللى انتى عايزاه
وان الله لا يضيع اجر من احسن عملا
بس اتكلي على الله واعملي اللى عليكي
مش عارفة انا لسه في اولى بس اخواتي كانوا زيك كده انا اختى بعيد عنك عملك الزايده (عمليه)في تالتة والحمد لله ربنا كرمها
اللى اقدر اقولهولك ربنا يوفقك يا رب وتحققي الللى انتى عايزاه
يارب شكرا على النصيحة
marwa.m 15-12-2008, 12:39 PM اهدى بس يامروة وحاولى تنظمى وقتك واعتبرى ان اليأس دة زى عدو ليكى لازم تنتصرى علية
وقربى من ربنا اكتر
ومش مهم تذاكرى كتير المهم الى تذاكرية تستوعبية وهرجع تانى ارد عليكى عشان مشغولة دلوقتى
اوك ياميسون مستنية ردك
كــارمن 15-12-2008, 04:57 PM بصى يامروة لازم تكونى متأكدة من حاجة انك مش هتاخدى غير نصيبك
ولازم تقوى اعصابك وتشيلى من عندك حتة الخوف والقلق
لان اعتقد مشكلتك سببها القلق الى عندك
bosy .. mostafa 15-12-2008, 07:18 PM بسم الله الرحمن الرحيم
مش لوحدك والله يا مارو
انا كمان زيك كده بالظبط و يمكن اوحش ... !
بهرب من الحياه بالنوم اللي مش بينتهي بصحى يا دوب اصلي و انام تاني
مع ان مافيش اي مشاكل نفسيه عندي اطلاقاً !
بس اقولك حاجه
انتِ استعيذي بالله من الشيطان الرجيم و صلي عالنبي كده
و صلي ركعتين صلاة حاجه و اطلبي من ربنا انه يسهلها عليكي و يفتح نفسك للمذاكره
و ربنا يعينا بقى
السنه دي شكلها صعبه كده و هترخم بقى :(
* dr.sara* 15-12-2008, 07:33 PM مروة يا حبيبة قلبى اهدى شوية بس مش بالطريقة دى انت كده هتضيعى فعلا نفسك
بصى يا مروة اولا :
اوعى تياسى من اى مادة لا ذاكريها مرة واتنين لحد ما تفهمى اسالى مدرسينك اسالى المدرسين هنا فى المنتدى لو فى حاجة صعبة عليكى لكن مش معنى ان فى حاجة صعبة انك تهربى منها لا لازم تحاولى صدقينى مفيش حاجة بتيجى من اول مرة وحبى المادة متذاكريهاش وانتى مش حابها والا مش هتستفيدى منها
ثانيا :
عايزاكى تنسى التليفزيون او تقلليه جدااااااااا واول لما يجيلك فكرة انك عايزة تشوفى التليفزيون قولى لاا انا هذاكر احسن
ولما ابقى اجيب مجموع كبير ابقى اتفرج فى الاجازة بعد ما اؤدى الواجب اللى عليا
فلازم تحطى فى بالك انك لازم تضحى عشان المذاكرة عشان تجيبى مجموع كبير وابقى اعملى اللى انتى عايزاه فى الاجازة بعد ما تخلصى لكن متخليش التليفزيون يضيع وقتك
ثالثا : يا ريت تعملى لنفسك جدول تمشى عليه و تخلى حد يتابعك سواء مامتك او اختك او اى حد كبير وتسمعيلهم وتخليهم يسالوكى كده يعنى حاولى انك تنوعى فى طرق المذاكرة شوية تحلى شوية حد يسالك شوية تشوفى اسئلة على المنتدى كده عشان متمليش
رابعا : لما تيجى تدعى ربنا ادعيه بصدق وثقة فى انه قادر على اجابة الدعاء ومتحاوليش ابدا تشككى فى قدرة الله
انتى اعملى اللى عليكى والباقى على ربنا
( انا لا نضيع اجر من احسن عملا )
ربنا معاكى يا قمر وان شاء الله نسمع اخبار كويسة عنك قريب يااااااا رب
ربنا معاكى ومع كل طلبة الثانوية ربنا يوفقكم جميعا ونشوفكم فى كليات القمة ان شاء الله
marwa.m 16-12-2008, 12:34 PM بسم الله الرحمن الرحيم
مش لوحدك والله يا مارو
انا كمان زيك كده بالظبط و يمكن اوحش ... !
بهرب من الحياه بالنوم اللي مش بينتهي بصحى يا دوب اصلي و انام تاني
مع ان مافيش اي مشاكل نفسيه عندي اطلاقاً !
بس اقولك حاجه
انتِ استعيذي بالله من الشيطان الرجيم و صلي عالنبي كده
و صلي ركعتين صلاة حاجه و اطلبي من ربنا انه يسهلها عليكي و يفتح نفسك للمذاكره
و ربنا يعينا بقى
السنه دي شكلها صعبه كده و هترخم بقى :(
ربنا يعديها على خير يارب وانا كمان زيك بقيت اهرب من الفيزيا والاحياء بالنوم والتلفزيون
بجد احساس صعب لما الواحد تبقى صعبانة علية نفسة
marwa.m 16-12-2008, 12:39 PM مروة يا حبيبة قلبى اهدى شوية بس مش بالطريقة دى انت كده هتضيعى فعلا نفسك
بصى يا مروة اولا :
اوعى تياسى من اى مادة لا ذاكريها مرة واتنين لحد ما تفهمى اسالى مدرسينك اسالى المدرسين هنا فى المنتدى لو فى حاجة صعبة عليكى لكن مش معنى ان فى حاجة صعبة انك تهربى منها لا لازم تحاولى صدقينى مفيش حاجة بتيجى من اول مرة وحبى المادة متذاكريهاش وانتى مش حابها والا مش هتستفيدى منها
ثانيا :
عايزاكى تنسى التليفزيون او تقلليه جدااااااااا واول لما يجيلك فكرة انك عايزة تشوفى التليفزيون قولى لاا انا هذاكر احسن
ولما ابقى اجيب مجموع كبير ابقى اتفرج فى الاجازة بعد ما اؤدى الواجب اللى عليا
فلازم تحطى فى بالك انك لازم تضحى عشان المذاكرة عشان تجيبى مجموع كبير وابقى اعملى اللى انتى عايزاه فى الاجازة بعد ما تخلصى لكن متخليش التليفزيون يضيع وقتك
ثالثا : يا ريت تعملى لنفسك جدول تمشى عليه و تخلى حد يتابعك سواء مامتك او اختك او اى حد كبير وتسمعيلهم وتخليهم يسالوكى كده يعنى حاولى انك تنوعى فى طرق المذاكرة شوية تحلى شوية حد يسالك شوية تشوفى اسئلة على المنتدى كده عشان متمليش
رابعا : لما تيجى تدعى ربنا ادعيه بصدق وثقة فى انه قادر على اجابة الدعاء ومتحاوليش ابدا تشككى فى قدرة الله
انتى اعملى اللى عليكى والباقى على ربنا
( انا لا نضيع اجر من احسن عملا )
ربنا معاكى يا قمر وان شاء الله نسمع اخبار كويسة عنك قريب يااااااا رب
ربنا معاكى ومع كل طلبة الثانوية ربنا يوفقكم جميعا ونشوفكم فى كليات القمة ان شاء الله
يارب يادكتورة
والله العظيم انا عندى حالة رعب واحساس رهيب بعدم الرضا
والدنيا بقت سودة على الاخر
thechampion 16-12-2008, 05:10 PM والله وانا كمان جالى الحالة دى
بس ععمل ايه اصلى انا ظروفى مختلفة عندى اخواتى الاتنين فى طب
ومش معقولة مدحت اللى هو انا يقل عن 99.5
وربنا معاكى يا مروة ويكرمك اخر كرم
وشكرا
dr.saeed 16-12-2008, 05:20 PM اسف يا مروة انى مش عارف أرد دلوقتى
أوعدك انى هارد عليكى ان شاء الله وربنا ييسر وترجعى أحسن من الاول
هابقى ادعيلك على ما أدخل ان شاء الله
فى امان الله
dr.saeed 17-12-2008, 12:53 AM السلام عليكم ورحمه الله وبركاتة
وعليكم السلام ورحمة الله وبركاته
انا ثانوية عامة (تالتة ثانوى)
عندى حالة يأس واحباط وملل من كل المواد مبقتش اقدر افتح كتاب ابص فى كلمة ولما ادخل امسك اى كتاب اذاكر احس بحالة نفور
اروح رامية الكتاب
اول السنة كان عندى حماس لانى الحمد لله واخدة دافعة كويسة من السنة الى فاتت
لكن فجاة كل شىء اتبخر
وبقيت يدوبك احل الواجب بس ومذاكرش دلوقتى للاسف مبقتش
احل الواجب فى بعض الاوقات ومش عارفة اية السبب
عندى ادمااان للتلفزيون بتفرج على الحاجة الى شفتها مرة تانى
وافضل اقول لنفسى هقوم بعد نص سااااعة ولا ساعة
وساعة ورا ساعة واليوم يضيع
ومذاكرش
انا الحمد لله قريبة من ربنا وعندى هدوء اسرى
يعنى تقريبا مفيش مشكلة نفسى اعرف لية حالتى بقت كدة ونفسى بحل عملى اقدر اعتمد علية
لانى خايفة مستقبلى يضيع وكل الى بنيتة فى تانية يتهد على دماغى فى تالتة وساعتها هتكون الضربة القاضية والنهاية ليا
اولا أحب أقولك حاجة
دافع المذاكرة فى تالتة ثانوى بيكون أقل بكتير من تانية
تانية بتكون سنة جديدة عليكى وعاوزة تثبتى فيها نفسك بقدر المستطاع وتثبتى انك تقدرى تجيبى مجموع عالى على الاقل يدخل المجال الى انتى عاوزاه
تيجى فى تالتة تكون فترة الاجازة قصيرة ومعظم الناس بيقضوها فى بيتهم ومش بياخدوا قدر كافى من الراحة
المهم
الى عندك دة على فكرة بيكون احساس زائد بالمسئولية ادام نفسك اولا وادام أهلك ثانيا
كل الى فيها انك مفروض تعرفى ان المواد الى عندك مهما كانت مش كبيرة وثانيا الامتحانات هما جات صعبة فهى بتكون فى مقدورك
وان الكلية الى انتى عاوزة تدخليها انى قادرة على انك تدخليها بأذن الله
اما الحالة ذات نفسها فهى حالة هروب من الواقع
ونصيحتى ليكى طالما بتصلى كويس ومواظبة
يبقى سيبك من التلفزيون واعرفى ان اغلبه اصلا حاجات مش كويسة بالذات لسنك
المطلوب منك انك تعمليه لو فعلا عاوزة تعالجى الموقف
أولا واظبى على اذكار الصباح والمساء بعد صلاتى الفجر والعصر
ثانيا لما تلاقى نفسك زهقانة اوى امسكى حتى الكتاب واقرى فيه مش عارفه اقعدى حلى فى اى مسائل سواء فيزيا او رياضة
ثالثا مش عارفه بقى خالص ادخل على الموقع اقعدى قلبى فى المواد التعليمية وتابعى مع المدرسين على الاقل لو مش هتذاكرى اديكى بتدخلى الغرفة بتسمعى كلمتين
رابعا حطى فى دماغك ان الله قدر مقادير الخلق من قبل خلق الخلق ب500000 عام
ولما سأل النبى انتكل على القدر
قال
كل ميسر لما خلق له
خلى قلبك يقول لعقلك انا ربنا ميسرنى وخالقنى لهدف كبير وعظيم وان شاء الله ربنا هاستعملنى انى اكون حاجة انفع غيرى وامتى ونفسى
خامسا لما تيجى تلاقى نفسك فاصلة اوى كدة من المذاكرة امسكى المصحف بدل ما تتصلى بحد
لانك مش هتلاقى غير ردود مشابهة ليكى وانا ضايعة زيك والكلام دة
ودة بيكون له تأثيرين
انك اولا بتبدى نفسك يقل عتابها ليكى لان لسان حالك بيقول ما كله كدة
انك ثانيا ترجعى تانى تقولى لنفسك ما كل واحد وله مستقبله وهو مسئول عن نفسه وترجعى لنفس المشكلة من الاول
سادسا استعينى بالله واعلمى ان الى جواكى دة من الشيطان وبيحاول يثبطك و يالا هو يغلبك يا انتى الى تغلبيه
ولو اى حاجة معلقة عليكى فى المنهج ممكن تسالى فيها عادى ان شاء الله نجاوبك ونساعدك فيها
وجزاكى الله خيرا
فى امان الله
marwa.m 17-12-2008, 12:41 PM شكرا لحضرتك دكتور سعيد انا استفدت اوى من كلامك
وربنا يقدرنى يارب واقدر امشى علية
جزاك الله كل خير
|