bosy .. mostafa
11-12-2008, 07:30 PM
بسم الله الرحمن الرحيم
السلام عليكم
دلوقتي انا اتفصلت من المدرسه !!
جالي جواب فصل مكتوب فيه كده
قـرار فصل
بناءً على اجتماع ادارة المدرسه المنعقد بتاريخ 2/12/2008 و الذي قرر فيه فصل الطالبه (العبده لله انا) بالصف الثالث
و لذلك لتغيبها عن المدرسه 30 منفصله
و ماضي عالجواب ييجي 27 مدرس و مدرسه ماتفهموش ليه
ياترى انا كده اتحولت منازل و مش هدخل الامتحان ولا ايه النظام؟
ولا الجواب ده مالوش اي لازمه
طيب لو حبيت اعمل اعادة قيد .. اعمل ايه؟؟
و شكراً مقدماً
Prof.Dr/A.T.M
11-12-2008, 09:20 PM
ياااااااااااه يا بوسى
انتى مدرستكم رخمة زينا
طيب كنتى نظمى غيابك
عموما انا مش اعرف هتعملى ايه روحى واسالى الادارة فى المدرسة
bosy .. mostafa
12-12-2008, 12:11 AM
إداره!
ده لو حد دخلها اصلاً يبقى المفروض يعمل فرح
ياريت اي مدرس في الموقع يفيدنا و جزاه الله خيراً
طـفـلـة الامـس
12-12-2008, 04:48 AM
طب ماتروحى تسالى يابوسى
انتى مستنية ايه؟
انا فى رايى
انتى تروحى تعملى اجازة مرضى وتمسحى شوية ايام غياب وتنتظمى بعد كده غصب عنك:006et4::p
او انك تعملى اعادة قيد لو مانفعش بس حاولى الاول
اصلهم كانوا بيقولولنا ان اعادة القيد اتلغت فمش عارفة ايه النظام بالضبط؟!!:confused:
فانتى شوفى الموضوع ده
وبعدين صحيح انا ناسية انك فى تلاتة
يعنى عادى جداااااااااااااااااااااااااااااا
هاتدخلى الامتحانات عادى زى اى طالبة والفرق الوحيد ان لو بعد الشر جالك كلية اقاليم مش هاينفع تدخلى مدينة جامعية
انما الموضوع كان هايبقى مش ظريف بالنسبة لسنة تانية وبس
فاهمانى
ماتشغليش بالك خلاص بالموضوع ده
وكويس انها جت منهم
مدرسة ايه بلا فقر
its about satisfaction
12-12-2008, 09:38 PM
انا نفس الموضوع بس مش جالى جواب فصل ورحت المدرسة قالولى لسه ما ودناش القرار الوزارة هاتى اجازة مرضى من مستشفى حكومة وبس يعنى بس لسه فى اعادة قيد
Eng. A'laa Salah
12-12-2008, 10:36 PM
لا مين قال مفيش اعاده قيد
لا موجوده لكن خلال 15 يوم تعمليها ومش مشكله موضوع اعاده القيد مش هياثر علي الامتحانات ولا اي حاجه
يارب سامحنى
15-12-2008, 03:01 AM
ولأ يهمك عادى جدااااااا هوبس البيفصل بيمتحن مع المنازل زمشبيدخل كليات عسكرية بس مش اكتر اى خدمة
CoMMaNdo
16-12-2008, 06:44 PM
عايز اقولك انا اتبعتلى بتاع خمس جوابات من دول قبل كدا
هههههههههه
بس عادى يعنى
هيا كلمتين مع الناظر من والدك هتخلص وهتعملى اعادة قيد عادى جدا
Taleba Me7tasa
16-12-2008, 07:02 PM
لا يابوسي ولا يهمك الموضوع يتحل باذن الله :)
هو بس لو اهلك يحاولو ف موضوع الاجازة المرضي دة
وبعدين انتى المفروض بيتبعتلك 3 انذارات قبل جواب الفصل
فانتى لو مش وصلولك ممكن تخلى باباكي يشتكي ف وكالة الوزارة
او اي حاجة اعلى من المدرسة
وايه حوار ال 27 مدرس دول
دة لو اجتماع ف المدرسة مش بيحضره العدد دة :d
ماتشغليش بالك خلاص بالموضوع ده
وكويس انها جت منهم
مدرسة ايه بلا فقر
يا مخلص انت :d
ميراج
16-12-2008, 10:13 PM
متقلقيش خالص يا بوسى
كلوه كلام مدراس والله بس انتى روحى واسالى واعرفى ازاى تعملى اعاده قيد
JusT DreaM
17-12-2008, 06:53 AM
انا جواب الفصل ده جالي من تانية واتحولت منازل عادي
وكتبت الاستمارة بتاعتي على اني منازل وامتحنا عادي بس في لجنات وحدنا
بس انتي لو في تالته يبقى المفروض تروحي المدرسة عشان تاخدي رقم جلوس جديد وتمتحني في لجن منازل
بالنسبة لاعاده القيد انا سمعت انها اتلغت السنادي
بس هي مش كويسة لانها بتضيع سنة من الاربع سنين اللي ليكي في الثانوية
وانتي كده كده مش بتروحي المدرسة يبقى المنازل افضل بكتير
طـفـلـة الامـس
18-12-2008, 12:18 AM
يا مخلص انت :d
ايوة طبعا يابنتى
مدرسة ايه بلا هم ووجع دماغ
احنا ناقصين