حبيتك يا بت

حبيتك يابت
وقلبى رفرف فى الفضا
لما إيديكى اتمكنت وتبتت على خيط دوباره
مربوط فى طرفه بسمتك
فوق شفتك
وقلبى طاير طيران فراشه
فوق غيطانك داخت يا بت
حبيتك يا بت لما بلادى ضلمت مالقيتشى نور
أو حتى سور أمشى بجواره
واروح معاه لمنتهاه لما صخوره اتهدمت والشمس طلعت
بعد ماسنين طويلة روحت
صحيت لقيتك
ولقيت عينيكى نورت
عمرى يا بت

حبيتك يا بت
واوعى تقولى عنى لابوكى والا لاخوكى
إنى شاعر وبتاع كلام عايش وباحلم فى الحقيقة وفى المنام
اوعى تقولى إنى كاتب 200 قصيدة
نصهم شعر ف عنيكى
اوعى تقولى ليحشوكى
ويحوشو طيفك عن منامى
ياللى كلامى ويا حروفى بيعشقوكى
اوعى تقولى ليحوشوكى
وابقى انا مت

هى حلوه
بس انا بصراحه مش عجبانى كلمة يا بت دى
الى الامام دائما

ههههههههههههههه


جميلة اوي بصراحة وهي صحيح كلمة يابت مش لطيفة بس اضافت ليها لسة كوميدية جميلة

يعني كنت حاسة بجو رومانسي وانا بقراها وف نفس الوقت بموت م الضحك



على فكرة يبدو انك ممكن تكون شاطر كأديب ساخر كمان

والله انا متشكر ولوفيه فرصه انك تقرى اكثر انا على استعداد اكتب كل قصايدى
ومره تانية باشكرك

شكراً أخي محمد .. على ذلك الزجل الذي يحمل لمسة خفيفة على النفس وتقبل تحيتي

شكرا يا أخى وبالتوفيق والى الأمام دائما

ولكن أود أن أوضح لسيادتك أنه ليس زجلاً بل شعراً

حبيتك يا بت

هههههههههههههههههه اية بت دى
بس جميل اوى:)

حبيتك يا بت
دى الكلمة صعبة اوى ومشكلتها انها اتكررت
فى قصيدة عندى فعلا بدايتها بحبك يابت
لكن متتكررتش تانى........ولو حاولت تكتب فصحى شويتين يبقى اجمل
بجد هى جميلة
بس انا مش بحب القصايد الغزلية من واحد لواحدة..........لكن لو صاحبه ماشى(تمدح فيه يعنى)
يعنى كل اللى بكتبه لصاحبتى بس

أشكر السمراء وفعلا الكلمه دى تكررت بس انا لقيت راحه فى نفسى وانا باقولها اشكر مرورك

مش حلوة ولا حاجة

لا طعم لها

مش حلوة ولا حاجة

لا طعم لها



اشكر حضرتك على مرورك الكريم وانا كان ذلك رأيك فسامحينى فى تقصيرى وياريت حضرتك تقرا قصيدتى الأولى فى هذا المنتدى بعنوان ساكت وقصيدتى أيضا بعنوان بقيت مقدرش استغنى عنك
زى انا بقيت مقدرشى استغنى عن جمهورى ومنهم انت طبعا
اهلا وسهلا بك وتقبل كلامى
أشكرك

مش حلوة ولا حاجة

لا طعم لها


طبعاً أنا أعتذر عن غيابي الفترة السابقة لظروف سفري .. وأنا أود من العضو الذي يريد أن ينقد عملاً أدبياً أن يكون نقده موضوعياً ومعنى كلامي أن يذكر ما الذي لم يعجبه في العمل وأسبابه .. وذلك حتى يتسنى لنا أن نصحح أخطاءنا إن وجدت .. وعلى كل حال أي عمل أدبي مشكور صاحبه .. بغض النظر عن الأخطاء والنقد الأدبي أولاً يعتمد على إبراز المزايا والعيوب والتحليل الدقيق للعمل الفني ولذلك أرد أن تلك المشاركة غير لائقة وأرجو أن يتنبه صاحب المشاركة لذلك الأمر فيما بعد .. وكل عام وأنتم بخير

نجم المشاعر حمد الله على سلامتك وكل عام وانت بخير

هى حلوة جدا
هى حبيتك يا بت مدخل مش اوي لقصيده تحفة بمعني الكلمة
جميلة جدا بانتظار المزيد

أشكرك وربنا يوفقك

حلوة اخي

اينعم كلمه يابت دي مش حلوة اوي

بس اضافت حس كوميدي

في تقدم باذن الله

انت عايز رأى بصراحه

كلمه يا بت دى مش اعجبتنى بالنسبه لقصيد رائعه كهذه
يعنى مثلا كان يمكن ان تقول يا حبيبتى او يا صغيرتى او يا محبوبتى
تكون حاجه فيها رومانسيه شويه بدل يا بت دى

ياريت لو كلمه يا بت دى تتغير

تقبل نقدى
والى الامام دائما:078111rg3:

كلمة يا بت هيا اختصار لكلمة يا بنت وأعتقد أنا لما حبيت حبيت بنت صح وعشان العصر وسرعته ومحدش فاضى حتى ينطق الاسماء كامله فاختزلت وأصبحت يا بت
بتقولى بحبك قولت لها ياريت
الحب عندى زى الغطا واللقمة والبيت
بتقولى بحبك
متعرفشى انى عايش للهوى والحب لولاه لا روحت ولا جيت

استاذ محمد
ايوة انا شابفة فيه اعتراض بس بقولك كانثى كثير بيعتبروا الكلمة دة نوع من الدلال والدلع من المحبوب شكرا على قصيدتك الجميلة

أشكر حضرتك أستاذتنا جميعا أمال عبد الهادى وحضرتك نورتى وشرفتى المنتدى كله وقصيدتى المتواضعه خاصةً
ويارب ترجعى لنا بالسلامه

رايت ان الكتيرين من الذين ردوا اعترضوا على كلمه بت
مع انها من صلب لهجتنا العاميه المصريه
ولو قال بنت اصبحت لغه فصحى
والقصيده من الشعر الحر بالعاميه
فالقصيده جميله بمفرداتها
وخيال الشاعر الذى جعلنا عندما نقرؤها كاننا ف الريف وعلى ضفاف النيل
حيث الحب العفيف
والغزل الظريف
حيث يكتم كل عاشق
اناته ......
حيث ينظر كل محب
ف مراته
فلا يرى سوى
حياته
وماهى الاحبيبته
التى ف خيالاته
وكأن ا محمد
يجسد ذلك بطريقته الخاصه جداااااا
فالقصيده جميله جداااا
وننتظر المزيد من الابداع

أشكر حضرتك جدا على ذلك وهذا ما يذكرنى بأول قصيده كتبتها بعنوان(بلد)
أشكر الأخوه جميعهم والدكتور
والشكر الكبير للمهندس أبو شوشه

سلامى للمهندس ابوشوشه وانا قرات قصيده بلد ف www.balad .com

انا لست معترضاً على كلمة (بت) لأنها العامية لكلمة (بنت) ولا يقصد بها الشاعر التقليل من شأن من يخاطبها ولكن غرضه الأول (الترخيم) أي التدليل .. كما يحدث في الفصحى عندما نرخم مثلاً كلمة (عبلة) فنقول (عبل) أو (عنتر) فنقول (عنترة) وهكذا

حبيتك يا بت الإيه