انا بجد محتاجه حد يساعدنى [الأرشيف] - بوابة الثانوية العامة المصرية

ميراج

16-11-2008, 02:05 AM

السلام عليكم ورحمه الله وبركاته

انا مش عارفه ابدء منين انا مش عايزه حد يساعدنى انا مش عارفه انا مالى السنه دى دايمن مخنوقه ومضيقه ومليش نفس اذاكر خالص مع انى والله مش بعيده عن ربنا خالص بالعكش انا ما بسبش فرض الا لمل بصلى فى وقته حتى لو فرحت شويا يبقى فرح من بره بس لكن بيبقى جوايه حزن كبير جدا مش عارفه انا حساسه زياده عن الزوم ولا زعلى ده طبيعى اى حد بيقولى كلمه تزعلنى لازم اعيط عليها بس والله بستحمل كتير وبكبر دماغى كمان يعنى بصريح العباره مفيش يوم بيعدى عليا كده لازم اعيط يعنى بقى عندى العياط ده عاده لازم اعملها كل يوم بجد اتخنقت حاسه ان الضغط عليه من كل حته مش عارفه اعمل ايه انا اساسا كنت علمى وفى اول الامر كان بابا يرفض دخولى علمى السبب ان البنت ملهاش غير كده البنت مش من حقها تحلم تكون دكتوره ليه مش عارفه والغريب ان بابا دكتور يعنى متعلم ليه بيقول كده معرفش للاسف ده تفكير المجتمع الشرقى بصراحه انا كنت عايزه ادخل علمى واجرب لنى كنت بحب المواد العلميه جدا وجت الامتحانات وزى ما شوفتوا كانت عامله ازاى بجد كانت مخالفه لكل المقاييس وعدت وجت النتيجه وجبت 80% بجد مكنتش مصدقه ان ده مجموعى ولا دى درجاتى ولا صحابى كانوا مصدقين بس هعمل ايه رضيت باللى ربنا كتبهولى وقلت الحمدلله وجت تالته وانا بجد محطمه نفسيا من اللى حصل السنه اللى فاتت من امتحانات وهم كان بجد كبير عليا اوى تغير مسار حياتى بعدما كنت احلم ان اكون دكتوره حه وزير التعليه حطم املى وضيع مستقبلى وجعلنى اشعر بالفشل دائما حتى اننى لااستطيع ان اذاكر ولم اقدر ان اتحمل اكتر من ذلك كان مجموعى دمار دمرنى ودمر خياتى واللى خلانى بجد زعلانه انى كنت بذاكر وحسيت بالظلم بجد لغايط ما اتضحلى ان الثانويه دى حظوظ والله العظيه حظوظ انا عارفه ان كلكم هتقولوا عليع حساسه بس والله انا بستحمل كتير اوى خلاص بجد مش قادره استحمل اكتر من كده بطلب منكم يا جماعه انكوا تدعولى ربنا يوفقنى ويعدى السنه دى على خير ويهدينى يا رب ويهدى الجميع معلش طولت عليكوا بس كان لازم اتكلم واقول علشان لو كنت استنيت اكتر من كده كان هيجرالى حاجه من البنوته الحزينه دائما

ีundertaker_2000

16-11-2008, 02:20 AM

استهدى بالله كدا وروقى بصى احنا كلنا مرينا بالمرحله دى من بعد النتيجه وكله حس بانه مخنوق ومتضايق وكلنا حسينا بالياس لكن مش دى نهايه الدنيا مينفعش لو فضلتى حاسه الاحساس دا يبئه مش هتتقدمى انا واحد من الناس دى اسوء سنه فى حياتى النتيجه مش حلوه خالص وغير كدا حصل حاجات تانيه كلها للسف كانت مش حلوه انا حاسس نفس احساسك دا على فكره بس بحاول اخرج نفسى بنفسى حاولى متفكريش فى الحجات دى انسيها وزى مبنقول الى فات مات هى صعبه بس لازم نعمل كدا يعنى حاولى متفكريش فى الحاجات الى مضاقاكى اما بالنسبه للثانويه ففى اساتذه كتير قالت لى ان انا ممكن اعوض مجموعى السنه دى انتى ذاكى واعملى الى عليكى وربنا يوفقنا ان شاء الله حاولى تخرجى اخر الاسبوع حتى لو ساعتين علشان متحسيش بالملل او انك متضايقه بجد والله مبهظر لان مينفعش على طول مذاكره هيحصل نوع من الملل وتبقى مش قادره تكملى مذاكره

بعدين انا من وجهه نظرى مش شايف ان فيها حاجه ان البنت تخش علمى وتخش طب حاولى تكلمى مع باباكى وتعرفى وجهه نظره انا عارف ان انتى مجموعك ميجبش طب بس لو اتكلمتى معاه وعرفتى وجهه نظره دا هيخفف عليكى كتير لانك اكيد بتفكرى هو مش عايزنى اخش طب ليه ؟ واكيد دا باذن الله هيخفف عنك كتير واقولك على حاجه كمان ادعى ربنا وانتى بتصلى وباذن الله كلوا تمام على فكره انتى كدا تمام فى غيرك عنده مشاكل واحباط اكتر انتى الى ناقصك بس تستريحى من التفكير فى الحجات الى تضايقك

وربنا يوفقنا باذن الله

احمد رضا

16-11-2008, 02:27 AM

السلام عليكم ورحمة الله وبركاته
هدى نفسك طيب ليه عامله ف نفسك كدا؟
أولا مشكلتك دي مش مشكلة أصلا
ده شئ عادي
وخصوصا للبنات
انا اعرف ناس كتير بالشكل ده
بالنسبة لمسألة العياط وعدم الاتزان والشعور بالضغط
شئ طبيعي ومفيش مشكلة خالص
لانك في مرحله عمرية انتقالية
ما بين عدم الإتزان إلي الإتزان الأكثر
ودي هتدرسيها السنادي في علم النفس
( حتما حولتي أدبي )
ان في المرحله دي الإنسان بيعاني من الضغط النفسي الشديد نتيجه انه مش عارف الحياة بتترسم ازاي
وبيفتكر انه مش عارف يرسم حياته
ولما بيحط ايده عشان يرسم طريق حياته
بيتلغبط
هضربك مثال
عارفه الطفل الصغير لما بيكون لسه بيتعلم الكتابه ؟
مش لما مامته تمسك ايده يبقي هو عايز يكتب لوحده
ولما تسيبه تلاقيه بيتلغبط وبيشخبط
والكلام مبيتظبطش غير لما بيشاورلها براسه كدا عشان تمسك ايده تاني
اهو الحل معاكي
انتي حاله نصه ماشاء الله
وهو القرب من ربنا
ده شئ جميل وربنا يثبتك يارب
ناقص بقي انك تسمعي كلام بابا وماما
حتي لو غلط
غمضي عيونك
واسمعي كلامهم
وربي وربي وربي لتبقي أحسن واحده ان شاء الله وهرتاحي حياتك كلها
تعرفي لو انتي قاعده مش بتعملي حاجة وماما قالتلي ذاكري يا " ميراااااج "
قوليلها حاضر وافتحي الكتاب وذاكري
حتي لو ملكيش نفس
صدقيني والله ما فيه كلمه من كلام ابويا وامي إلا ما طلعت صح
وبندم دلوقتي اني مسمعتش كلامهم
بسبب اني مسمعتش كلامهم
ضيعت من نفسي فرصه اني ابقي دكتور هندسه وراثيه ومن اشهر 100 ف العالم كمان
ومش غرور والله
بس انا لو كنت مشيت علي اللي هما بيقولوه كان زماني حاجة جامده اوي
وعشان مسمعتش كلامهم
صرفت في الفتره الاخيرة حوالي
10.000 جنيه
في فتره متزيدش عن خمس شهور
وبسبب اني مسمعتش كلامهم
لسه هتعب وهتعب وهتعب
ارجوكي غمضي عيونك
واسمعي كلام بابا وماما
والله دول اكتر ناس بيحبوكي
ونظرتهم صائبه بليون ف الميه
وده مش من تجربتي بس
ناس كتير اعرفهم والله بيضربوا نفسهم سوري بالجزمه
عشان مسمعهوش كلام اهلهم
ده الحل
وبالنسبه للحساسيه
متخليش حد يبوظلك حياتك وهو عايش سعيد
خدي الكلام بجانب مرح
وبصدر رحب
وربنا هيوفقك السنادي
ومتقلقيش من السنادي
ذاكري انتي بس وصدقيني كله هيعدي علي خير والله
بس ادعي ربنا واسمعي كلام بابا وماما
نصيحه من اخوكي
:)
ربنا يكرمك يارب ويوفقك ويحفظك ويسعدك ويخفف عنك الهم

ميراج

16-11-2008, 02:29 AM

ีundertaker_2000

16-11-2008, 02:33 AM

متشكره بجد على ردك الجميل ده

انا على فكره خلاص حولت ادبى واتكلمت مع بابا كتير ولكن مفيش فايده

متشكره بجد والله ردك ده ريحني كتير اوى

خلاص يعنى انتى كدا ما فيش مشكله يا بنتى اهدى كدا واعمليلك كوبايه لمون وهدى اعصابك وافتكرى غنيه شعبان عبد الرحيم بتاعه انفلونزا الطيور فكراها؟

بتشكرينى على ايه انا ماعملتش غير الواجب بس انا اعرف حاجه كدا سمعتها قبل كدا ان الواحد فى السن دا بيكون كدا بس متقلقيش كولوا هيكون تمام باذن الله

ميراج

16-11-2008, 02:34 AM

;898088']السلام عليكم ورحمة الله وبركاته

هدى نفسك طيب ليه عامله ف نفسك كدا؟
أولا مشكلتك دي مش مشكلة أصلا
ده شئ عادي
وخصوصا للبنات
انا اعرف ناس كتير بالشكل ده
بالنسبة لمسألة العياط وعدم الاتزان والشعور بالضغط
شئ طبيعي ومفيش مشكلة خالص
لانك في مرحله عمرية انتقالية
ما بين عدم الإتزان إلي الإتزان الأكثر
ودي هتدرسيها السنادي في علم النفس
( حتما حولتي أدبي )
ان في المرحله دي الإنسان بيعاني من الضغط النفسي الشديد نتيجه انه مش عارف الحياة بتترسم ازاي
وبيفتكر انه مش عارف يرسم حياته
ولما بيحط ايده عشان يرسم طريق حياته
بيتلغبط
هضربك مثال
عارفه الطفل الصغير لما بيكون لسه بيتعلم الكتابه ؟
مش لما مامته تمسك ايده يبقي هو عايز يكتب لوحده
ولما تسيبه تلاقيه بيتلغبط وبيشخبط
والكلام مبيتظبطش غير لما بيشاورلها براسه كدا عشان تمسك ايده تاني
اهو الحل معاكي
انتي حاله نصه ماشاء الله
وهو القرب من ربنا
ده شئ جميل وربنا يثبتك يارب
ناقص بقي انك تسمعي كلام بابا وماما
حتي لو غلط
غمضي عيونك
واسمعي كلامهم
وربي وربي وربي لتبقي أحسن واحده ان شاء الله وهرتاحي حياتك كلها
تعرفي لو انتي قاعده مش بتعملي حاجة وماما قالتلي ذاكري يا " ميراااااج "
قوليلها حاضر وافتحي الكتاب وذاكري
حتي لو ملكيش نفس
صدقيني والله ما فيه كلمه من كلام ابويا وامي إلا ما طلعت صح
وبندم دلوقتي اني مسمعتش كلامهم
بسبب اني مسمعتش كلامهم
ضيعت من نفسي فرصه اني ابقي دكتور هندسه وراثيه ومن اشهر 100 ف العالم كمان
ومش غرور والله
بس انا لو كنت مشيت علي اللي هما بيقولوه كان زماني حاجة جامده اوي
وعشان مسمعتش كلامهم
صرفت في الفتره الاخيرة حوالي
10.000 جنيه
في فتره متزيدش عن خمس شهور
وبسبب اني مسمعتش كلامهم
لسه هتعب وهتعب وهتعب
ارجوكي غمضي عيونك
واسمعي كلام بابا وماما
والله دول اكتر ناس بيحبوكي
ونظرتهم صائبه بليون ف الميه
وده مش من تجربتي بس
ناس كتير اعرفهم والله بيضربوا نفسهم سوري بالجزمه
عشان مسمعهوش كلام اهلهم
ده الحل
وبالنسبه للحساسيه
متخليش حد يبوظلك حياتك وهو عايش سعيد
خدي الكلام بجانب مرح
وبصدر رحب
وربنا هيوفقك السنادي
ومتقلقيش من السنادي
ذاكري انتي بس وصدقيني كله هيعدي علي خير والله
بس ادعي ربنا واسمعي كلام بابا وماما
نصيحه من اخوكي
:)
ربنا يكرمك يارب ويوفقك ويحفظك ويسعدك ويخفف عنك الهم

بجد انا متشكره جداااااااااااااااااا على الرد الجميل بتاعك ده

وانا والله بسمع كلامهم

واوعدك انى هفضل اسمع كلامهم

بجد متشكره جدااااااااااااااااااااااااااااااااااااااااا

ميراج

16-11-2008, 02:36 AM

خلاص يعنى انتى كدا ما فيش مشكله يا بنتى اهدى كدا واعمليلك كوبايه لمون وهدى اعصابك وافتكرى غنيه شعبان عبد الرحيم بتاعه انفلونزا الطيور فكراها؟

بتشكرينى على ايه انا ماعملتش غير الواجب بس انا اعرف حاجه كدا سمعتها قبل كدا ان الواحد فى السن دا بيكون كدا بس متقلقيش كولوا هيكون تمام باذن الله

متشكره جدااااااااااااااااااا بجد مش عارفه ارد على الكلام الجميل ده ازاى

ีundertaker_2000

16-11-2008, 02:43 AM

متشكره جدااااااااااااااااااا بجد مش عارفه ارد على الكلام الجميل ده ازاى

تانى متشكره يا بنتى انا معملتش غير الواجب بس يارب انتى تكونى بداتى تخرجى من الحاله الى انتى كنتى فيها

the black rose

16-11-2008, 05:46 PM

مالك يا مروة انتى سخنة ولا ايه :)
بصى يا بنتى باباكى عمره ما هيفكر كدا زى مانتى بتقولى
بدليل انه سابك على حريتك انك تدخلى علمى
و بعدين انتى مكلمتهوش ليه تفهمى منه
و بعدين يا مروة باباكى مش جاهل (سورى فى الكلمة) عشان يفكر كدا
باباكى عارف كويس هو بيقول ايه :slap1qk6:
و بالنسبة للمذاكرة ده شئ طبيعى جدا :romarioxp6:
انتى كنتى لسا بتسالينى عالفزيا شوفى قلتلك ايه
انا كمان مكنش ليا نفس اذاكر خالص
بس حاولت امبارح اضغط على نفسى و اذاكر
و الواحد لما بيذاكر بجد هتحسى ان نفسيتك احسن
و كنت فرحانة خالص لما ذاكرت :)
بجد يا مروة غيرى المود ده بقى انا زهقت :stickjo4:
و حاولى تفهمى مامتك و باباكى :039uw8:
يا بنتى لو مسمعوكيش اتكلمى مع مصطفى اخوكى يكلمهم :078111rg3:
و ارحمى نفسك بقى :giljotiiniug3:

متزعليش منى يا حبيبتى :wub:

ميراج

16-11-2008, 05:56 PM

مالك يا مروة انتى سخنة ولا ايه :)

بصى يا بنتى باباكى عمره ما هيفكر كدا زى مانتى بتقولى
بدليل انه سابك على حريتك انك تدخلى علمى
و بعدين انتى مكلمتهوش ليه تفهمى منه
و بعدين يا مروة باباكى مش جاهل (سورى فى الكلمة) عشان يفكر كدا
باباكى عارف كويس هو بيقول ايه :slap1qk6:
و بالنسبة للمذاكرة ده شئ طبيعى جدا :romarioxp6:
انتى كنتى لسا بتسالينى عالفزيا شوفى قلتلك ايه
انا كمان مكنش ليا نفس اذاكر خالص
بس حاولت امبارح اضغط على نفسى و اذاكر
و الواحد لما بيذاكر بجد هتحسى ان نفسيتك احسن
و كنت فرحانة خالص لما ذاكرت :)
بجد يا مروة غيرى المود ده بقى انا زهقت :stickjo4:
و حاولى تفهمى مامتك و باباكى :039uw8:
يا بنتى لو مسمعوكيش اتكلمى مع مصطفى اخوكى يكلمهم :078111rg3:
و ارحمى نفسك بقى :giljotiiniug3:

متزعليش منى يا حبيبتى :wub:

اصلك مش عارفه اقول ايه ايه يا بت هوه انتى لسه مش فهمه بابا يا :stickjo4:ولا ايه معلش يا روحى بس لما نتقابل ابقى احكيلك ممكن تكون سبب الخنقه انى من امبارح بس مشفتكيش يا مش عايوه اقول:abdoog8:

ميراج

16-11-2008, 05:57 PM

يا بت هوه انا كده قولت حاجه اه بابا سابنى على حريتى بس مكنش فى تشجيع ماااااااااشى لما اشوفك

ميراج

16-11-2008, 06:01 PM

يا بت هوه انا بتكلم مع حد غيرك الله يكرم اصلك على ردك اللى يخنق زياده ملقتيش غير مصطفى اللى هقولوا

the black rose

16-11-2008, 06:10 PM

يا بت هوه انا بتكلم مع حد غيرك الله يكرم اصلك على ردك اللى يخنق زياده ملقتيش غير مصطفى اللى هقولوا
ههههههههههه
ماله مصطفى
امال هتتكلمى مع عمر مثلا :av4056bb7jp3:

ميراج

16-11-2008, 06:11 PM

ههههههههههه
ماله مصطفى
امال هتتكلمى مع عمر مثلا :av4056bb7jp3:

ماله فى جيبه قومى يا بت مش عندك درس:slap1qk6:

marwa.m

16-11-2008, 06:40 PM

السلام عليكم ورحمه الله وبركاتة

بصى يامروة كل الى ردوا قبلى بجد قالوا كلام تمام قوى

بس انا هقلك حاجة من منطلق ان انا قدك

طبعا عدم تشجيع باباكى ليكى دى حاجة من العوامل الى تعباكى نفسيا بس بالذات فى النقطة دى لازم تعذرية وحولى تنسى كدة

لانة مهما كان باباكى وعايزك احلى وحد فى الدنيا

نيجى بقى للنقطة التانية وهى جزئية انك حزينة على مجموعك السنة الى فاتت وضياع حلمك

انا مش هقولك انى دى حاجة سهلة تنسيها او تتخطيها

بس الى لازم تكونى متاكدة منة ان حزنك دة مش هيقدم حاجة ولا هياخر حاجة

حولى تنسى السنة الى فاتت خالص وانتى بتقولى انك الحمد للة كويسة مع ربنا

فلازم تكونى متأكدة ان ربنا كتبلك كدة وشايلك حاجة حلوة
وربنا عمرة مابيبتليك بحاجة الا عشان بيحبك

حاولى تقاومى الشعور بالياس الى جواكى ولو عايزة اى حاجة

انا فى الخدمة :078111rg3:

hend ere

16-11-2008, 06:57 PM

السلام عليكم ورحمة الله وبركاته

هدى نفسك طيب ليه عامله ف نفسك كدا؟
أولا مشكلتك دي مش مشكلة أصلا
ده شئ عادي
وخصوصا للبنات
انا اعرف ناس كتير بالشكل ده
بالنسبة لمسألة العياط وعدم الاتزان والشعور بالضغط
شئ طبيعي ومفيش مشكلة خالص
لانك في مرحله عمرية انتقالية
ما بين عدم الإتزان إلي الإتزان الأكثر
ودي هتدرسيها السنادي في علم النفس
( حتما حولتي أدبي )
ان في المرحله دي الإنسان بيعاني من الضغط النفسي الشديد نتيجه انه مش عارف الحياة بتترسم ازاي
وبيفتكر انه مش عارف يرسم حياته
ولما بيحط ايده عشان يرسم طريق حياته
بيتلغبط
هضربك مثال
عارفه الطفل الصغير لما بيكون لسه بيتعلم الكتابه ؟
مش لما مامته تمسك ايده يبقي هو عايز يكتب لوحده
ولما تسيبه تلاقيه بيتلغبط وبيشخبط
والكلام مبيتظبطش غير لما بيشاورلها براسه كدا عشان تمسك ايده تاني
اهو الحل معاكي
انتي حاله نصه ماشاء الله
وهو القرب من ربنا
ده شئ جميل وربنا يثبتك يارب
ناقص بقي انك تسمعي كلام بابا وماما
حتي لو غلط
غمضي عيونك
واسمعي كلامهم
وربي وربي وربي لتبقي أحسن واحده ان شاء الله وهرتاحي حياتك كلها
تعرفي لو انتي قاعده مش بتعملي حاجة وماما قالتلي ذاكري يا " ميراااااج "
قوليلها حاضر وافتحي الكتاب وذاكري
حتي لو ملكيش نفس
صدقيني والله ما فيه كلمه من كلام ابويا وامي إلا ما طلعت صح
وبندم دلوقتي اني مسمعتش كلامهم
بسبب اني مسمعتش كلامهم
ضيعت من نفسي فرصه اني ابقي دكتور هندسه وراثيه ومن اشهر 100 ف العالم كمان
ومش غرور والله
بس انا لو كنت مشيت علي اللي هما بيقولوه كان زماني حاجة جامده اوي
وعشان مسمعتش كلامهم
صرفت في الفتره الاخيرة حوالي
10.000 جنيه
في فتره متزيدش عن خمس شهور
وبسبب اني مسمعتش كلامهم
لسه هتعب وهتعب وهتعب
ارجوكي غمضي عيونك
واسمعي كلام بابا وماما
والله دول اكتر ناس بيحبوكي
ونظرتهم صائبه بليون ف الميه
وده مش من تجربتي بس
ناس كتير اعرفهم والله بيضربوا نفسهم سوري بالجزمه
عشان مسمعهوش كلام اهلهم
ده الحل
وبالنسبه للحساسيه
متخليش حد يبوظلك حياتك وهو عايش سعيد
خدي الكلام بجانب مرح
وبصدر رحب
وربنا هيوفقك السنادي
ومتقلقيش من السنادي
ذاكري انتي بس وصدقيني كله هيعدي علي خير والله
بس ادعي ربنا واسمعي كلام بابا وماما
نصيحه من اخوكي
:)
ربنا يكرمك يارب ويوفقك ويحفظك ويسعدك ويخفف عنك الهم

على فكره احمد جابلك المختصر المفيد
وربنا معاك
وكلنا عدينا من الفتره دى
وحاولى مش تضغطى على نفسك لان ده هيأثر عليك سلبيا
وانشاء الله تجيبى مجموع حلو السنه دى وتدخلى جامعه كويسه

ميراج

16-11-2008, 07:08 PM

ميراج

16-11-2008, 07:10 PM

على فكره احمد جابلك المختصر المفيد
وربنا معاك
وكلنا عدينا من الفتره دى
وحاولى مش تضغطى على نفسك لان ده هيأثر عليك سلبيا
وانشاء الله تجيبى مجموع حلو السنه دى وتدخلى جامعه كويسه

بجد مش عارفه اقول ايه انتوا بتحرجونى بذقوا ده

شكرا على مرورك

ممدوح مصطفى الانصارى

17-11-2008, 01:11 AM

موفقة بامر الله .......خالص الدعوات بالتوفيق والفلاح وزوال الهموم واقبال السرور .

ميراج

17-11-2008, 02:14 AM

موفقة بامر الله .......خالص الدعوات بالتوفيق والفلاح وزوال الهموم واقبال السرور .

شكرا بجد ده شرف ليه ان حضرتك ترد على موضوعى شكرا لحضرتك

أ.مصطفي نور

20-11-2008, 10:12 PM

السلام عليكم ميراج
هذا الكلام لكي ولجميع من في سنك

أولا بسم الله الرحمن الرحيم (عسي أن تكرهوا شئ وهو خيراً لكم ) صدق الله العظيم

ثانيا : اللي عاوز اوصلهولك ان الزعل بيضيع منك الايام اللي بتتسرق منك وانتي حزينة

فانتي ان شاء الله لو دخلتي كليه عاديه جدا مثل الأداب أو التجارة أو اي كليه عاديه ممكن تحققي فيه تقدير وفرصه عمل ذهبيه

اللي معرفش يعمله بتوع الطب والهندسة

فمش مهم تدخلي كليه ايه
المهم هتتخرجي تبقي ايه ومن هنا السؤال اللي يطرح نفسه مرتين عند دخول الكلية والتخرج منها

وانا حصل موقف طريف جدا : لما دخلت أداب قسم اللغة الفرنسية كل صحابي سخروا مني جامد جدا

اللي دخل تجاره وهندسه وصيدله
أقسملك بالله العظيم كل واحد فيهم استنفذ سنتين وحولوا أداب وكنت أنا في ثالته وجايب تقدير وهما عايدين
وحتي اللي كملوا ربنا يكون في عونهم برده لانهم سواء طب هندسه صيدله بيدفعوا الوفات عشان يتخرجوا وياعالم
هيشتغلوا ازاي بمرتبات رمزيه
أما بالنسبالي ربنا فتحها علي دروس في المنصوره وفي القاهره

اسف طولت عليكي معلش ولكن لا تنسي ( ليس من الهام مقام الكلية ولكن الهام مابعد التخرج )
مع تحياتي

ميراج

22-11-2008, 10:26 AM

almalek-22

28-11-2008, 01:13 AM

اختى العزيزة أرد عليك ةببساطة شديدة
ادعى انتى الله وانتى متيقنة من الاجابة للدعاء اى على يقين
ادعيه ان يفرج همك وكربك
وقولى هذا الدعاء الوارد عن النبى صلى الله عليه وسلم
( اللهم انا عبدك ابن عبدك ابن أمتك ناصيتى بيدك ماض فيا حكمك عدل فيا قضاءك أسألك بكل اسم هو لك
سميت به نفسك او انزلته فى كتابك أو أستأثرت به فى علم الغيب عندك
ان تجعل القران الكريم ربيع قلبى
ونور بصرى
وجلاء همى وغمى
وذهاب حزنى)

يارب تكون الرسالة وصلت

ميراج

29-11-2008, 12:09 PM

بجد متشكره جدا على الدعاء الجميل ده

وشكرا على مرورك

ناجح اسماعيل

09-02-2009, 04:45 PM

السلام عليكم اخني في الله ميراج
لا املك الا الدعاء لك بالتوفيق والنجاح

ساره الالفي

09-02-2009, 07:56 PM

أختي في الله ميراج
أولا أنا طالبه في كلية علوم

حبيبتي متعمليش في نفسك كده , اللي انتي فيه ده شيء طبيعي جدا الملل والزهق والحاله النفسيه السيئه طبيعي موجوده لإنك تعبتي وللإسف ملقتيش اللي نفسك فيه بس مش المفروض تستسلمي للحاله دي أبدا

المفروض إنك أول ما تحسي بالحاله دي تذكري الله وتستعيذي بالله من الشيطان الرجيم وتوضي وتصلي ركعتين وترجعي تذاكري ومش تفكري في الموضوع ده كتير

وكمان المفروض يبقى عندك ثقه في الله إنه مش ممكن يضرك ومش بيقدرلك إلا الخير

أنا عن نفسي كان حلم عمري أدخل كلية صيدله وجبت مجموع 94.3 فرق 1 % عن مجموع صيدله بصراحه مكنتش زعلانه ولا فرحانه قلت الحمدلله وخلاص هعمل إيه قدر الله وماشاء فعل

بس عارفه إيه النتيجه الحمدلله ربنا كرمني وجبت التيرم الاول تقدير إمتياز رغم إني مكنتش أتخيل إني ممكن لو دخلت علوم أنجح فيها كنت متخيله إني أتدمرت وحياتي خلاص معدش فيها هدف

فأرجوكي أختي في الله خلي عندك ثقه بالله وربنا سبحانه وتعالى قال في الحديث القدسي ( أنا عند ظن عبدي بيأنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة)

أدعو الله لكِ بالتوفيق ولا تنسي أخيتي " إن الله لا يضيع عمل عامل منكم من ذكرٍ أو أنثى ... "

أختي دعواتي لكِ بظهر الغيب ربي يسعدك بالدارين

أختك في الله

حمادة الدماطي

11-02-2009, 08:07 AM

إذا أصابك همٌ فلا تقل يارب عندي همٌ كبير ، ولكن قل يا هم عندي ربٌ كبير.
ومن يتق الله يجعل له مخرجا

ميراج

13-02-2009, 12:44 PM

ميراج

13-02-2009, 12:46 PM

إذا أصابك همٌ فلا تقل يارب عندي همٌ كبير ، ولكن قل يا هم عندي ربٌ كبير.
ومن يتق الله يجعل له مخرجا

شكرا لمرور حضرتك

رونالدينهوو

13-02-2009, 01:57 PM

قولى يا رب
احنا كلنا مرينا بالفترة دى انا مثلا نفس الحكاية كنت علمى حولت ادبى لانى محققتش اللى كنت عايزة من علمى وتخبطت بعد النتيجة بتاعه تانية كنت يوم اقرر ادبى ويوم علمى لحد ما ربنا هدانى بانى حولت ومقلكيش كنت محبط جداااااااا بعد تانيه وكنت محول ادبى وعامل حسابى انى مذاكرش خالص بس الحمد لله تمالكت نفسى وذاكرت بعد ما لقيت صاحب وفى ليه وبدأنا نذاكر مع بعد ونتنافس مع بعض لحد ما الحمد لله ذاكرنا كويس وعدت السنة والحمد لله مجموعى الى حد ما كويس وراضى عنه
وبعدين حاولى تفكرى فى اللى بعد كده وان بكرة احسن من النهارده ولازم تعدى انهاردة علشان توصلى لبكرة
وان شاء الله لما تدخلى الجامعة هتبقى احسن بكتييييييير وحالتك النفسية مستريحة ومفيش ضغوط نفسيه عليكى

بالتوفيق ان شاء الله

حاولى تقربى من ربنا وادعيله

فى امان الله

اشراقة

13-02-2009, 02:52 PM

أختى " ميراج "

أنا فى أولى ثانوى لكن اتأخرت سنة و اطبقت عليا سادسة ابتدائى يعنى قدك فى العمر تقريبا
و أشعر بما تشعرين به الآن رغم ان ما حولى من ظروف تكاد تكون طبيعية و الترم الاول عدى على
خير و مجموعى جيد و الحمد لله

اللى عايزة اوصله ليكى هو ان الحالة النفسية اللى انتى فيها مش بسبب ظروفك الاجتماعية او الدراسية
بقدر ما هى بسبب تغيرات السن عندك و الدليل هو انى امر بما تمرين به تماما رغم ظروفنا المختلفة
لكن المرحلة العمرية واحدة

نصيحة من اختك فى الله لما تمرى بموقف مش حلو احمدى ربنا انك عديتى بيه لانك اتعلمتى منه و اكيد هيفيدك فى المستقبل
و لما تمرى بموقف حلو برده احمدى ربنا لانه زادك امل و شجعك

بالنسبة للعياط دى ما تفكرينيش
اصلها عادة يومية بالنسبة لى < قبل الاكل و بعده >:romarioxp6:
و من غير سبب

ميراج

18-02-2009, 09:24 PM

ميراج

18-02-2009, 09:26 PM

mohamadelhawary

20-02-2009, 06:39 PM

أبحثى عن هوايتك

Darsh_91

29-04-2009, 01:30 AM

كبر الدى وروق الجى الدى اللى هى الدماغ والجى اللى هى الجمجمة
انا برضو عامل زييك حسس بضيق وخنقة وخصوصا لما جبت ملحق فى الكيمياء فى تانية وذاكرتها وعديت وقولت الحمد لله
جات تالته جبت ملحق احياااااء قولت الحمد لله قولت اذاكرها فى البيت وبلاش مدرس نزلت فيها وكان صابح رمضاان ولغاية دلوقتى مش عارف اذاكرها ده كله غير المشاكل اللى بتقابلنى كل يوم شوفى بقى مين يستحمل كل ده
انا عاوز اقولك حاجة مهمة بلدنا دى بتمشى بالكوسة
هتقوليلى ايه الكوسه دى الكوسة انك تعدى بالغش بالفلوس بانك تشترى الامتحان وده ان شاء الله اللى هعمله السنة دى فى الامتحانات وان شاء الله لما اعدى هدخل واقولكم عملت ايه بالظبط
مافيش حاجة تستاهل هى الدنيا كده تاخد بس ماتدييييييييش