في الواقع ممكن يكون الموضوع مكانه مش هنا لكن انا محتاج مساعه بجد

دلوقتي انا باخد رياضه 2 عند مدرس لسه صغير و ما عندوش خبره...بس دي مش مشكلة

المشكلة كالآتي:

1-المدرس ده سارق مذكرات مدرس تاني و حاطط عليها اسمه و بيقول انها بتاعته...و انا شوفت الأصل بتاعها

2-المدرس ده بيحل الأمثله من المذكرة و بيعتبر بينقلها يعني مش بيشرح

3-المدرس ده لو حل المسألة من غير المذكرة بيغلط دايماً و بيشككني في نفسي

4-بيعارض اني احل اي تمارين من اي مصدر زي كتاب خارجي او مسائل من المنتدى الا لما اخد اذنه

5-بيغيب حصص كتير لأسباب تافهه

6-بيولي اهتمامه بشكل كبير لأولى ثانوي و تالته اعدادي...بس هل ده عشان تالته ثانوي عنده 2 بس؟؟

7-ده غير انه مغرور جداً جداً و بيجرح في المدرسين اللي ليهم خبره و بيعتبر انهم مالهومش قيمه

أنا عايز اخد رأيكم في صورة استفتاء و ردود "هل اسيب المدرس ده و انفد بجلدي ؟؟"

على حسب الكلام المكتوب مأظنش حد هيقولك كمل عنده
رأىّ أنت روحت عنده فى الأول ليه ؟
ورأى أصحابك و الناس التانية ايه فيه؟
ده هيحدد تكمل ولا لأ

أن عن نفسي عايز اسيبه بس البيت فاكرين اني بادلع حتى بعد اللي قولتو...بس هما موافقين اسيبه...ان شاء اخلص التفاضل بس و هاشوف واحد يبدأ معايا الاستاتيكا

و انا روحتله في الأول عشان واحد قريبي كان بياخد عنده و جاب مجموع كويس...بس اتضحلي انه بالفطره عبقرييييييي

ابحث عن مدرس يكون بيحل مسائل من جميع الكتب خاصة دليل التقويم

شكراً يا مستر محمد على مرورك الكريم...و انا كنت لسه هاقول انه كان عايز يحل معايا الدليل بس قال ايه كان عايز في حصة حل الدليل 20 جنيه

بعد كل الى انت قولتة لازم تسيبوه
اصل الرياضة عاوزة حل كتير
ازاى يقولك متحلش من كتب خارجية
انا المدرس بتاعى بيخلينى احل كتاب المدرسة والمعاصر والمحاضر كمان

انا المدرس الي بيديني قلنا حلوا النماذج وتعالوا ببلاش هحلها معاكوا والحصه ببلاش والي عايز حاجه واحنا بنراجع الباب يقول اانا رايي سيبه وروح لمدرس تاني بس اتاكد الاول من الي بيخدوا معاه انو كويس

والرياضه كزال حل معانا النماذج في يوم بلاش من غير فلوس خالص
يعني المفروض كل المدرسين في كل المواد يعملوا كده

على العموم رأيكم اثر تأثير كبير جداً على الموضوع...فبشكركم من خالص قلبي

انا هاروح لمدرس بيدي لواحد صحبي في البيت و الحصه مفتوحه لحد ما يفهم و يكون متأكد من فهمه تماماً...هاجرب حصتين معاه في الاستاتيكا و ساعتها هاشوف...بس صاحبي ده أكدلي انه مهتم بيه جداً و بيشرح من كتاب الوزارة و بيشجع على الحل من الكتب الخارجيه و دليل التقويم

بصراحه مشاركاتكم افادتني كتير يا جماعه

يا ريت تهتم بالرياضة بالذات لان كلية هندسة و علوم واخدة حاجات كتير اوى من رياضة 2
وبيعتمدوا ع ان اللى عندهم فاهمين الرياضة دى مش بيعيدوا شرحها تانى
وطبعا المدرس ده مينفعش لواحد هدفه هندسه واضح اوى يعنى
المهم اتصرف بسرعة ومتكسلش

انت بتقووووول عليه كل الكلام ده ومستنينا احنا اللى نقولك سيبه....!

انا عندي تذاكر مع صحابك احسن وتسيب المدرس ده

سيبوا طبعا
:slap1qk6::stickjo4:

من واقع خبرتي بالثانويه العامه اننا نذهب لمدرسين علي اساس اشخاص ذهبوا عندهم وحققوا المجاميع الضخمه في زمن امتحانات تافهه ونصيحتي لك اذهب عند مدرس يشرح لك المنهج ولايعارض اي مساله تعرضها عليه وان قال للكان مساله لاتاتي في الامتحان اتركه فورا لو تريد الحصول علي مجموع كبير في الرياضيات ولا تاخد كلام الناس في الحسبان

ياعم سيبو هيضرك

الاسم ده مش بتاعى وعايز اسجل اسمى معكم من فضلكم الولى اعل ايه لكى اسجل اسمى