لو عندى شجاعة كافية وقلب جرئ وجارح
ومراية حب شايفة كل شئ قدامها واضح
لو عندى شجاعة كافية هتخرج من حياتى
لكن شجاعتى غايبة وقلبى لسه باقى
لو عندى شجاعة كافية وعيون فى قلبى صاحية
ونار جوايا قايدة بتحرق اشتياقى
كنت افوق منك يا وهمى واصحى من الحلم اللى خانى
واقتل الحب اللى جابنى على المكان اللى انتا فيه
كنت هنسى ذكرياتى واتولد لحظة مماتى
وادفن الحب اللى باقى من عذاب احساسى فيه
لو عندى شجاعة قدك وقلب اسى زيك
ماكنتش يوم احبك ماكنتش يوم اسامح
لو عندى شجاعة لكن حنين جوايا ساكن
وحبك لسه داكن فى بحر كبير ومالح
لو عندى شجاعة كافية
كان دايما قلبى مادح غارق فى هواك وسارح
ناسى كل الجوارح فاكر قلبك ملاك
حقيقى بجد ناجح بغدرك كنت مانح
بحبى طلعت رابح وخدتنى للهلاك
لو عندى شجاعة كافية وعيون فى قلبى صاحية
ومشاعر تبقى ناسية حلمها اللى كان معاك
كنت اصدق كل ظنى واحبس الاحساس فى دمى
واعترف ان انتا همى اللى لسه عشقى فيه
كنت هكتب انسحابى وابعد البعد النهائى
بس لسه فيه فى حياتى قلب حاسه وروحى فيه
لو عندى شجاعة قدك وقلب اسى زيك
ماكنتش يوم احبك ماكنتش يوم اسامح
لو عندى شجاعة لكن حنين جوايا ساكن
وحبك لسه داكن فى بحر كبير ومالح
لو عندى شجاعة كافية .

والله يا جماعة انتو هتخلونى اتحطم كده
هى الكلمات وحشة ولا ايه
مافيش ولا رد واحد حتى
طب لو حد ماعجبوش الكلام يقولى ايه الوحش طيب

بداية موفقة جدا يا يا باشا
ولو من تأليفك هتبقى اجمل بأذن الله
استمر يا باشا