ayoda
16-04-2020, 12:29 PM
قشة غريق
قالوا خون إلى يخون،
وكلام كتير ينعاد،
دة كلام مهوش مضمون
ولا ينحكم بمعاد
العشق سيف مسنون،
مش بالكلام ي ولاد،
لسة فاكر حضن ايدك بين ايديا ،
لسة عايشة وباقية فيا،
لسة شايف
صورتك الحلوة ف عنيا ،
ضحكتك وقت اما نفرح ،
لهفتك خوفك عليا ،
كل شئ جوايا باقى
كإنه ما عداش سنين ،
أو معشتش يوم حزين ،
بصى ف عيونى بتأنى ل ثانيتين ،
هزة حنين مبتنتهيش ،
قلب بينبض بالهوى ،
لكنه مش قادر يعيش،
بينادي فيكي ف غربته،
كل الليالي اتهمته،
قالوا عليه كائن لطيف،
لكن ضعيف،
عاش حب واحدة كام سنة ومعرفش ينسى، واما خانت جرأته معرفش يقسى،
والكل جة اتكاتر عليه،
جيش هموم على زكريات،
موتوا العقل إلى فيه،
عايش أمل مش ف الوجود،
جواه حريق،
والغريبة تشبثه،
في قشة بتنجيش غريق،
ماسك بقوة،
، والقصة خلصت،
بس عايشة ف قلبه هوة،
لساها اهي لمعة عنيه وقت اما يغفي ويفتكر، لساه مبيشوفش الأمان غير لما طيفها بيتزكر،
لساه بيسهر كل ليلة مع القمر،
ويقوله احكي لقلبها كل الي كان، ولا عنده إحساس بالزمن ولا بالمكان،
ملكوته تايهة ف عشقها،
لساه بيذكر اسمها، ييجي ألف مرة،
ويقولنا إنه معاديها
،وبعدها،
يحلف يقول انه ناسيها،
لساته مدمنها وهاويها،
ورغم بيعه بالرخيص، لساه شاريها،
ولا أي شيء فارق معاه،
لساها جوة بتنتصر على أي فرصة للنجاة، لساها حاكمة مسيطرة،
حالفة ل تملك بافترا،
واثقة تمام من نفسها ولا خايفة ولا متوترة،
لساها حالفة ل تسرقه، لساها حالفة تغرقه،
والزكريات ملهاش كبير،
سكاكين وجاية تنخزه،
ولعشقها، بتشجعه وتحفزه،
ييجي ألف إيد اتحركت بتهز فيه كي توقظه، وبيخرس إلى يكلمه، ويسكت إلى بيوعظه، حاكم على نفسه وكتب، حكم ويقين هينفذه، لو في أمل إنه يعيش،
فهى بس تنقذه،
قالوا خون إلى يخون،
وكلام كتير ينعاد،
دة كلام مهوش مضمون
ولا ينحكم بمعاد
العشق سيف مسنون،
مش بالكلام ي ولاد،
لسة فاكر حضن ايدك بين ايديا ،
لسة عايشة وباقية فيا،
لسة شايف
صورتك الحلوة ف عنيا ،
ضحكتك وقت اما نفرح ،
لهفتك خوفك عليا ،
كل شئ جوايا باقى
كإنه ما عداش سنين ،
أو معشتش يوم حزين ،
بصى ف عيونى بتأنى ل ثانيتين ،
هزة حنين مبتنتهيش ،
قلب بينبض بالهوى ،
لكنه مش قادر يعيش،
بينادي فيكي ف غربته،
كل الليالي اتهمته،
قالوا عليه كائن لطيف،
لكن ضعيف،
عاش حب واحدة كام سنة ومعرفش ينسى، واما خانت جرأته معرفش يقسى،
والكل جة اتكاتر عليه،
جيش هموم على زكريات،
موتوا العقل إلى فيه،
عايش أمل مش ف الوجود،
جواه حريق،
والغريبة تشبثه،
في قشة بتنجيش غريق،
ماسك بقوة،
، والقصة خلصت،
بس عايشة ف قلبه هوة،
لساها اهي لمعة عنيه وقت اما يغفي ويفتكر، لساه مبيشوفش الأمان غير لما طيفها بيتزكر،
لساه بيسهر كل ليلة مع القمر،
ويقوله احكي لقلبها كل الي كان، ولا عنده إحساس بالزمن ولا بالمكان،
ملكوته تايهة ف عشقها،
لساه بيذكر اسمها، ييجي ألف مرة،
ويقولنا إنه معاديها
،وبعدها،
يحلف يقول انه ناسيها،
لساته مدمنها وهاويها،
ورغم بيعه بالرخيص، لساه شاريها،
ولا أي شيء فارق معاه،
لساها جوة بتنتصر على أي فرصة للنجاة، لساها حاكمة مسيطرة،
حالفة ل تملك بافترا،
واثقة تمام من نفسها ولا خايفة ولا متوترة،
لساها حالفة ل تسرقه، لساها حالفة تغرقه،
والزكريات ملهاش كبير،
سكاكين وجاية تنخزه،
ولعشقها، بتشجعه وتحفزه،
ييجي ألف إيد اتحركت بتهز فيه كي توقظه، وبيخرس إلى يكلمه، ويسكت إلى بيوعظه، حاكم على نفسه وكتب، حكم ويقين هينفذه، لو في أمل إنه يعيش،
فهى بس تنقذه،