مشاهدة النسخة كاملة : ممكن مساعدة ارجوكوا ؟؟
zlabia11 18-09-2008, 02:28 PM ممكن مساعدتكوا انا جالي هندسة المطرية ..ودلواتي عندي خيارين ::
1. اما ادخل هندسة وخلاص
2. او ادخل اسنان جامعة خاصة 6 أكتوبر او الفيوتشر مثلا
يا ربت تقولولي اعمل اية مع العلم اني كان نفسي ادخل اسنان وفرقت معايا ع درجات قليلة
وتفتكروا مين هيبقي شغلها احسن بعد كدة
معلش هتعبكوا بس كنت عايزة اخد رايكوا .. شكرا لكل اللي هيرد
medozok 18-09-2008, 02:32 PM دلوقتي هما فاتحين التحويل من الكليات
طيب كلها سنة وممكن تحولي
بس منصحكيش تروحي جامعة خاصة
كيلوبترا 18-09-2008, 02:33 PM بص أنا رأيي انك تدخل الهندسة أحسن بالنسبة للشغل وأفضل وعلى فكرة مش لوحدك أنا كنت حموت على طب الأسنان بس ودوني هندسة بردو و اهو حروح وحمشي حالي المشكلة انهم ودوني أقاليم...وحروح أقعد في سكن خاص أو بيت مغتربات أو بيت طالبات ..حاجة من الثلاثة
zlabia11 18-09-2008, 02:41 PM دلوقتي هما فاتحين التحويل من الكليات
طيب كلها سنة وممكن تحولي
بس منصحكيش تروحي جامعة خاصة
طيب معلش اية عيوبها يعني؟؟
zlabia11 18-09-2008, 02:43 PM بص أنا رأيي انك تدخل الهندسة أحسن بالنسبة للشغل وأفضل وعلى فكرة مش لوحدك أنا كنت حموت على طب الأسنان بس ودوني هندسة بردو و اهو حروح وحمشي حالي المشكلة انهم ودوني أقاليم...وحروح أقعد في سكن خاص أو بيت مغتربات أو بيت طالبات ..حاجة من الثلاثة
ع فكرة يا كيلو بترا انا بنت...
يعني هندسة شغلها متوفر اكتر من اسنان ؟؟؟
معلش كلها سنة وتحولي انتي جتلك فين؟؟
ميرسي خالص ع ردك
zlabia11 18-09-2008, 02:45 PM قطراات الندى ممكن رأيك؟
كيلوبترا 18-09-2008, 02:50 PM ااه جاتلي في القاهرة وحتى لو كلها سنه وأحول حقعد ازاي من غير أهلي السنة دي كلها؟؟؟
أساسا واللي وداني القاهرة هو 0.02 % يبقى ظلم ولا لا ؟؟؟!!
medozok 18-09-2008, 02:54 PM طيب معلش اية عيوبها يعني؟؟
الحامعة الخاصة معروفة
اولا مفيش فرص عمل للخاص او اقل من الحكومة
وبعدين مش معترف بيها
وبعدين فرص عمل الهندسة كتيرة انا اختي في هندسة قسم مدني
وفرص العمل ليها كتير
zlabia11 18-09-2008, 02:58 PM ميرسي خالص ع ردك انا والله مش عارفة اعمل اية .. بس ربنا يسهل
zlabia11 18-09-2008, 03:41 PM ااه جاتلي في القاهرة وحتى لو كلها سنه وأحول حقعد ازاي من غير أهلي السنة دي كلها؟؟؟
أساسا واللي وداني القاهرة هو 0.02 % يبقى ظلم ولا لا ؟؟؟!!
معلش انا حاسة بيكي والله بس هتتأقلمي مع الوقت وجامعة القاهرة حلوة جدا متألقيش .. وبعد سنة تحولي
OMAR TAMER 18-09-2008, 03:51 PM ونا كمان اتقبلت هندسة القاهرة وظلم والله :) الفرق بيني وبين هندسة اسكندرية 0.05 :) بس المشكلة انها فالشيخ زايد عشان اعدادي ويارب اعرف احول اسكندرية :(
zlabia11 18-09-2008, 04:37 PM يا رب تعرف تحول
zlabia11 18-09-2008, 05:26 PM يا جماعة فين الردووووووووووووود
مبروك..
الهندسة طبعا..
علي فكرة أنا كمان في هندسة المطرية..وهي كويسة جدااااااااااا...
مبروك مرة تانية
علي
قطرات ندى 18-09-2008, 10:27 PM قطراات الندى ممكن رأيك؟
والله انا اسفه جدا اني شوفت موضوعك متأخر :(
عموما ردي هيكون لو انتي حابه مجال الطب وتكوني دكتورة وتتعاملي مع مرضى وتحبي تكوني شخصية الدكتور اللي هو بيكون رحمة للناس فبشجعك انك تختاري طب الاسنان وموضوع انها خاصة وكدا متهيالي مش بتفرق هي ايوا مكلفه شويا بس انتي كدا هتبني المستقبل اللي بتحلمي بيه ومش هييجي عليكي يوم تندمي وتقولي يا ريتني وبعدبن لو عندك طموح اكتر اسالي لو ينفع تحضري الماجستير من جامعات حكومية ؟؟ بجد لو ينفع يبقى تمااااام انا من رايي انك مش تفكري في الجانب المادي نهائي لانك ان شاء الله هتعوضيه ومش تخليه عائق يعوق طريقك وفي الاخر انتي بنت مش مطلوب منك توفري دخل للاسرة زي الولد يعني اللي انتي بتعمليه ده لنفسك انتي انما الولد بيعمل لنفسه ولبيته مستقبلا ^_^
انما لو انتي ميولك رياضة ورسم والامور ديه وتحبي تكوني باشمهندسة وعينك على قسم معين فيها زي الكمبيوتر او الاتصالات او العمارة او مدني او كيمياء او اي حاجه يعني هما دول اللي فاكراهم وقسم الاتصالات ده تقريبا بينقسم لقسمين تانيين كهربا ومش عارفه ايه تاني كدا يعني لو حابه المجال ده فخليكي هندسة وربنا يوفقك ان شاء الله انا اعرف ان الاقسام اللي ليها شغل في هندسة الكمبيوتر طبعا ده اعلى قسم ولازم تجيبيله تقدير عالي والاتصالات بعديه والعمارة كويسه للبنات اما المدني متهيالي مش هتحبي تنزلي في الشمس وتروحي تتابعي المواقع وكدا يعني تحسي المدني مناسب للاولاد اكتر ومش بياخد تقدير عالي مقبول تقريبا
العمارة بقى انا اعرف ان بيكون فيه امتحان للطلبه اللي عايزين القسم ده ولازم يجتازوا الامتحان ده الاول عشان يدخلوا قسم عمارة ويكونوا ناجحين في مادة الهندسة الوصفية اللي بيدرسوها في اول سنه اعدادي انما قسم الكيمياء اسمع ان مش ليه شغل ومعظم اللي بيدخلوه بنات وبيشتغلوا معيدين في الكليه غير كدا مفيش
فيه طبعا اقسام تانيه انا مش اعرفها بس دول اللي انا كنت عارفاهم من اختي هي في هندسة اسكندرية:rolleyes:
بصي موضوع انك تلاقي شغل ولا لاء ده برده مش تحطيه في بالك اوي ركزي على ميولك وشوفي انتي تحبي تكوني ايه؟؟
بتمنى اكون افدتك بحاجه وفي الاول والاخر ده مستقبلك وانت اللي هتختاريه وتحدديه :wub:
zlabia11 19-09-2008, 03:52 AM ميرسي خالص يا قطرات الندى .. انا مش عارفة اشكرك ازاي ..بس انتي لو مكاني هتعملي اية؟؟
يا ريت تكتبيلي ايميلك عشان اضيفك ونبقى اصحاب دا لو عايزة يعني .. وع فكرة انا جاية من عمان ( البريمي )...
انشودة القمر 19-09-2008, 04:01 AM نفسي حد يبدل معايا هندسة اسكندرية وادخل اسنان او صيدلة اسكندرية بس الظاهر ان بقى حلم مستحيل تحقيقه في الزمن ده ...............
zlabia11 19-09-2008, 05:23 AM هاااا ردوا بليز ؟؟؟؟
قطرات ندى 19-09-2008, 09:16 AM لو كنت مكانك هدخل طب أسنان لاني حابه مجال الطب
ان شاء الله هبعتلك ايميلي في رسالة خاصة ويشرفني اننا نكون أصحاب
zlabia11 19-09-2008, 12:41 PM ميرسي يا قطرات الندى
keros 19-09-2008, 01:53 PM انا شايف ان ارادتك وبعد كدة سوق العمل لازم تكون هيه الدافع ورا ء اختيارك لاى كلية.
zlabia11 19-09-2008, 04:40 PM انا شايف ان ارادتك وبعد كدة سوق العمل لازم تكون هيه الدافع ورا ء اختيارك لاى كلية.
بس بردوا حبيت اخد رأيكوا
|