لساها ذكرى جميلة

لساها احلى ايام

لساها فكره كانت مجمعانا

لساها ثورة يناير

**************

فى كل مكان

وفى كل زمان

دم شهيد حقه مجاش

يحكى ان كنا بنتهان

فى عهد ضيع كرامة الانسان

عهد الظلم عهد الظلام

ثار الشعب ورفض الذل

قرر وقتها انه يبقى حر

عاوزين عيش عاوزين حرية

عاوزين حياتنا متبقاش ملغية

فين العدالة الاجتماعية

نزلنا هتفنا باسم بلدنا

لكن العسكر غير هتفنا

كنا نهتف ونقول حرية

يردوا علينا يابلطجية

سرق العسكر فكرتنا

اللى فيوم جمعتنا

راح الحق ومعاه وطنيتنا

لما العسكر زهق منا

ام لبسنا فى واحد خنا

قالوا كانوا معانا فى الميدان

الاخوان يادى الاخوان

ياموا هتفوا للمشير وعنان

ياما وقفوا ضد الجدعان

بعد سنة من التوهان

ثار الشعب على الاخوان

لكن العسكر سرق فكرتنا

سرق الثورة اللى جمعتنا

ثورة كانت او انقلاب

من بعديها حياتنا هباب

وبعد ما كنا بنحلم بكباب

اصبحنا وطن بيحارب الارهاب

لما اهتف واقول حرية

يقولوا بدعم الارهاب

انا مش هسكت وافضل اقول

مين ع الدم هنا مسئول

هطلب حقى وقولوا مجنون

لا هرضى بحكم الاخوان والفلول

مالك يامصر بتزبدى همى

وكل يوم بتهينى امى

فى طابور والعيش وطابور السكر

نفسى بس على سؤالى تجاوبى

اشتريكى بايه وارخص مافيكى دمى



http://klmty.net/news/1461521449-klmty.jpg