مشاهدة النسخة كاملة : لو داخل اولي جامعة اسأل مجرب
vampire1188 05-09-2008, 04:29 AM مبروك يا عم إنك نفدت بجلدك من ثانوي .. ومبروك إنك هتبقا من طلاب الجامعة 1000 1000 مبروووك..
بص بقا يا أبو زُمل أنا زميل من زمايلك في الجامعة اسمي "مجرب" دخلت الجامعة قبلك وماعرفش مين فينا أنا ولا أنت هيخرج منها الأول ... المهم الزمن علمني حاجات – وأنت عارف إن الزمن ياما بيعلم- قلت لازم أعرفهالك علشان تبقا ماشي في الجامعة على نور .
بص يا سيدي! فتح دماغك معايا وخد نصيحة مجرب:
· طبعاً أنت خلصت ثانوي بهمه ومذاكرته وداخل الجامعة وأنت فاكر إن الجامعة دي صباح تكبير الدماغ من المذاكرة ..... لا لا أنت كده غلطان أوعا تفتكر الجامعة كلها فسح ولبس وخروج وأصحاب .. طبعاً الحاجات دي موجودة بس طبعاً المذاكرة الأول صحيح مش زي ثانوي بس مينفعش تخليها آخر حاجة ... قرب شويا كده أقلك على سر بيني وبينك ( أنت بجد ابتديت الدراسة المهمة في حياتك ) مواد ثانوي دي كانت أي كلام إنما دلوقتي هتدرس مواد تخصص وهي إلي هتشتغل بيها طول حياتك يعني علشان تبقى واد مخلص في شغلك لازم تبقى شاطر في المواد دي .
· في الجامعة الأصحاب بيكترو و هتلاقي ناس من كل صنف ولون المهم أوعى تنسا إن زي المثل مابيقول ( الصاحب ساحب) يعني إيه ؟؟!! يعني لازم تاخد بالك كويس لما تيجي تختار أصحابك .. طبعاً هتقلي: "و أنت مالك بيا وبأصحابي ؟؟!".... ساعتها هاأقولك أصلي ياما شفت ناس زمايلي كانوا طيبين و غلابة ولما صاحبوا ناس "نص كم" أتقلب حالهم وخد عندك إشي سقوط كام سنة وإشي إدمان على جواز عرفي و.................
· البنات ... هتقلي طبعاً فاكهة الجامعة !!!!! وطبعاً هقلك أنت مضحوك عليك ... الشاب من دول يدخل الجامعة وأول حاجة يفكر فيها إزاي أصاحب بنت - أي بنت – وبعد ما يحصل المراد تلاقي الاثنين عايشين مع بعض الوهم بالنهار في شوارع الجامع وبالليل ع التليفون وتكون النتيجة إيه ؟؟! الولد هو إلي بيدبلر ... سامعك متغاظ وبتقلي: "إشمعنا الولد؟!" هقلك طبعاً البنت ممكن تدبلر معاه بس ده بيحصل أقل لأن البنات بيذاكرو في الخباثة!!
· معلهش يا جماعة... الولاد شويا علي جنب ويغمضوا عنيهم.. الكلمتين الجايين للبنات وبس .. بصي يا ستي :الجامعة دي معرض كبيييير قوي للهدوم .. شويا بدي على جينز على أستريتش على... على... المهم هقولك كلمة في ودنك بس بشرط قبل ما أقولها توعديني ما تزعليش ............ اتفقنا؟؟ (متخليش نفسك فرجة للي يسوا واللي ميسواش ) لأن مفيش شاب هيبصلك بصة بريئة .... أنا شايف كام بنت نفسهم يطبقوا في زمارة رقبتي بس إحنا اتفقنا من الأول إن مفيش زعل.
· آخر كلمتين بقا علشان أنا حاسس أني بقيت غتت ... بقلكم إيه اسمحولي أنصحكم نصيحة لوجه الله ... الرسول (ص) بيقول كلام حلو ومهم قوي عن الشباب ..عارفين بيقول إيه " لن تزولا قدما عبد يوم القيامة حتى يُسأل عن أربع" ... ومنها عن "شبابه فيما أبلاه؟ " يعني كل واحد فينا ربنا هيسأله عن فترة الجامعة دي عمل فيها إيه .. طبعا دي كل واحد فينا هيجاوب عليها لوحده .. ودي بالذات مفيهاش غشّّ!!
اللهم قد بلغت .. اللهم فاشهد ..
شيماء شريف 05-09-2008, 05:07 AM كلام مضبوط انت عارف لما دخلت الجامعة لقيت فييها اشكال بنات مايعلم بيها الا ربنا اللى عملالى وشها فرح ولبسها راحة ترقص واللى لابسة اسدال ونقاب سبحان الله تيارين مختلفين تماما
wanda 05-09-2008, 05:09 PM طب ممكن تقولى نظام كل دكتور من اللى هيدولى يا مجرب :d
والحمد لله انا كل محاضراتى فى مدرج واحد هو مدرج د
:d
vampire1188 06-09-2008, 12:24 AM اه اتريقي اتريقي يااااااا واندا هانم !!
ماهو دا اللي احنا بناخده منكوا .. تريقة وبس ..
على العموم كله محتسب عند ربنا .. واحنا في شهر كريم ..
اني واي .. انتي بما انك مجموعة (ز) .. اللي هيا نفس مجموعتي ..
اللي هيا نفس المجموعة اللي هاتقندل على عيني واحضر فيها معاكوا للاسف .. معا اني تانية ..
بس عادي يعني ..
المهم .. بصي ياستي ..
اول انطباع .. ان الجدول فقري اوي .. هوا مش تشاؤم ..
بس مجرد ان محاضراتكوا كلها تبقي في اضيق مدرج في تجارة كلها .. يبقي دا ظلم يعني !!
ثانيا بقي .. نشوف الدكاترة كدا ..
اول واحد .. د/ هشام البحيري .. (ادارة)
راجل محترم وكويس ومخلص في شرحه جدا .. اي نعم هوا محبط شوية (طبعا مش زيي) .. بس هوا عموما بيحب اللي بيحضرله .. وبيقدر يميز دا في التصحيح اما بييجي يصحح الامتحان .. بيعرف الطالب دا حضرله ولا لأ .. بيعمل حركات قلة معا الطلبة ساعات .. يفضل يقولهم انا اقدر اسقطكوا ، انا اقدر ماخليكوش تحضروا الامتحان .. عاااااادي خالص .. ولا تاخدي بكلامه .. اهم حاجة تهتمي بمحاضرة وتركزي فيها جامد ..
تاني واحد .. د/ هشام سيد (سلوكية)
مممم يعني .. شغال .. هوا بصي من الاخر معظم الدكاترة بتوع ادارة الاعمال .. بيبقوا خنقة .. نادر اوي اللي بيبقي لذيذ .. بس عموما .. هوا د/ هشام السنة اللي فاتت كان بيدي مشتريات للفرقة التالته هـ .. اللي هيا (و) حاليا .. بس بيشد شوية ساعات .. سيبك من الحركات المملة اللي بيعملها .. تلاقيه يوطي صوته ويعليه مرة واحده .. عادي نوبروبليم .. اللي يهمك المحاضرة وبس ..
تالت بني ادم .. د/ اشرف على عبده ..
ماعرفش عنه حاجة .. انتي وحظك بقي !!
رابع شخصية .. د/ ناشد عبد السلام ..
زيه زي د/ مصطفي عبد الغني كدا .. راجل شخصية .. صوته عالي شوية بس محترم .. بيفهم كويس .. ساعات بيتنرفز بس بيهدي وبيكمل المحاضرة ولا كأن فيه حاجة حصلت .. وبرده من الاخر .. معظم الدكاترة بتوع قسم التامين ناس محترمين .. ودي بشهادة الطلبة بتوع تجارة .. وانا واحد منهم .. على العموم .. هوا كان بيدي مادة تأمين لتالته (د) السنة الي فاتت .. ونسبة كبيرة نجحت فيها يعني .. تفائلوا خير ان شاء الله !!
خامس دكتور .. صبري العطار ..
دا اقدر اقول عليه دكتور محترم .. بس مشكلته انه ماشي على نهج شوقي بشادي .. لإن الدكتورين دول عاملين كتاب واحد .. تقدروا تقولوا عامل اتفاقية شرح مشترك !! .. كان بيدي محاسبة مالية في مجموعة (هـ) السنة اللي فاتت ( اللي هيا و حاليا) وانا شخصيا اول محاضرة في حياتي احضرها في الجامعة كانت ليه .. هوا هاتتلاقوه بنضارة كدا وكلبوظة !! .. بس عادي .. محتاجله متابعة وتركيز .. وحل التطبيقات بتاعته .. بس الله اعلم بقي في الامتحان .. هل شوقي بشادي هوا اللي هايحطه ولا العطار ؟! .. الله اعلم ..
ودا كان ملخص عام للدكاترة بتوع سنة اولي مجموعة (ز) .. اللي هيا مجموعتي واعتز وافتخر انها مجموعتي ..
اما بالنسبة بقي للتوقيتات .. فهيا رخمة شوية .. بس عادي .. هاتاخدوا على كدا ..
lala_2002 06-09-2008, 12:49 AM موضوع بجد روعة
ربنا يكرمك يارب ويجعله فى ميزان حسناتك
وربنا يهدينا جميعا
على فكرة انا لسة حدخل كلية السنة دى ان شاء الله وربنا يستر
king mo7amed 06-09-2008, 12:53 AM والله النصائح دي مفيده جدا تحياتي ليك
wanda 06-09-2008, 01:09 AM ِكرا بس انا مش بتريق :d
المهم انا ولا فاهمة من جدولك حاجة ولا من اللى جيبته
المواعيد من كان لكام ده سؤال
والسؤال التانى
هو فية دراسه قبل العيد ؟؟
والسؤال الثالت
ينفع احضر مع اى مجموعه عادى يعنى بس بعد ما احضر مع مجموعتى
اصلى عايزة احضر فى العيوطى مرة :d
وشكررا بجد الدكاترة باين عليهم كويسين وانا اعتز انى فى (ز) طبعا
مجموعة الزلازال :P
ahmedovich 06-09-2008, 01:12 AM هو ايه العيوطى ده انا هحضر فيه يوم الاتنين شكله مدرج مش ولا بد
ahmedovich 06-09-2008, 01:16 AM هو الجدول فى رمضان ازاى
مكتوب ان فيه محاضرات من 5 ل 6.30
؟؟؟؟؟؟؟؟؟؟؟؟
vampire1188 06-09-2008, 01:20 AM اجاوبك واحده واحده ..
بالنسبة للمواعيد .. نتكلم فيها لاحقا .. لإن الجداول اكتشفت انه مشكوك فيها مؤخرا .. فبلاش نتكلم في النقطة دي
بالنسبة للسؤال التاني .. انا بقي مش عارف انتي ازاي اساسا تسألي سؤال زي دا !!
اكيد يعني فيه دراسة بعد العيد .. ولا انتي هاتخلصي رمضان والعيد وتأجزي وتاخدي الامتحان منازل ؟!!
ممكن يكون سؤالك غلط وكان قصدك فيه دراسة قبل العيد .. في تلك الحالة اقدر اقولك اه فيه ..
بس بتبقي خفيفة جدا .. المحاضرة بتبقي ساعة واحده بس .. والدكتور بيبقي جاي يتعرف مش اكتر .. والجو اصلا حر والناس مش طايقة نفسها .. فعاااادي .. عايزة تروحي روحي .. مش عايزة عادي مش هايشكلك مشكلة في الدراسة يعني .. هوا فيه نظرية بس بتقول انك بما انك لسه داخلة جامعة فيستحسن تروحي اول يوم عشان تخففي من رهبة الحضور وتعرفي الجامعة ومناطق المحاضرات واماكنها .. مناظر الدكاترة .. الخلق اللي هاتبقي معاكي في المدرج .. (اللي انا من ضمنهم ;) ) ..
بالنسبة لسؤالك التالت .. اه تقدري تحضري في اي مجموعة تعجبك .. ان شالله تحضري معا انتظام حتى .. مش فارقه .. بس المهم تكون الاولوية لمجموعتك ودكاترتك .. لإن هما اللي هايحطوا الامتحان مشاي حد تاني ..
ملحوظة بس بسيطة .. مالك يعني محموقة اوي على العيوطي كدا ؟! .. هوا اه شكله من بره حلو وشيك وضخم كمان .. دا غير انه مكيف الهواء .. رطب صيفا .. ثلج شتاءا !! .. بس عادي تعالي في اي محاضرة يكون باب المدرج فيها مفتوح .. واقفي بس على البوابة كدا من بره .. واتفرجي .. هاتشوفيه ..
vampire1188 06-09-2008, 01:29 AM هو الجدول فى رمضان ازاى
مكتوب ان فيه محاضرات من 5 ل 6.30
؟؟؟؟؟؟؟؟؟؟؟؟
الجداول يا عم الحاج في رمضان بتبقي كالاتي ..
تشوف مواعيد جدولك الاساسية .. وتقارنها بالموعيد دي ..
8.00 : 9.30 هاتبقي في رمضان >> 8.00 : 9.00
9.30 : 11.00 هاتبقي في رمضان >> 9.00 : 10.00
11.00 : 12.30 هاتبقي في رمضان >> 10.00 : 11.00
12.30 : 2.00 هاتبقي في رمضان >> 11.00 : 12.00
2.00 : 3.30 هاتبق في رمضان >> 12.00 : 1.00
3.30 : 5.00 هاتبقي في رمضان >> 1.00 : 2.00
5.00 : 6.30 هاتبقي في رمضان >> 2.00 : 3.00
6.30 : 8.00 هاتبقي في رمضان >> 3.00 : 4.00
wanda 06-09-2008, 01:30 AM لاء انا هدخل :p
انا هدخل هو شكله حلو ولما يكون فى محاضرات جوة هقعد على الشباك :d
vampire1188 06-09-2008, 01:36 AM شباك ايه دا اللي تقعدي ليه ؟!
العيوطي مالوش غير شبابيك طويلة وكبيرة ومايتقعدش عليها اصلا !
wanda 06-09-2008, 01:45 AM انا هقعد اصلى طويله هههههههههه
قصدى هشب واقعد رخامة بقى وهجيب معايا جلنكس علشان التراب :d
vampire1188 06-09-2008, 01:52 AM تراب ايه بس يا واندا حرام عليكي ..
اعمليها وانتي هاتلاقي المدرج كله بيضحك عليكي وربنا !!
وعشان تبقي عارفه المدرج مش بيشيل ميه ولا متين .. دا بيشيل مش اقل 3000 واحد !!
wanda 06-09-2008, 02:30 AM برخم عادى انا اصلا عمرى مبحب اقعد
حتى لما كنت فى ثانوى ديما واقفه
عادى بقى هو مدرج (د) بيشيل كام واحد ؟؟؟
واساسا مجموعه (ز) يجيلها قد ايه كده
vampire1188 06-09-2008, 02:37 AM ايه مولودة واقفة يعني ؟ .. يا سبحان الله !!
ماعلينا ..
بالنسبة لمدرج (د) اللي ان شاء الله مش هايكونلك نصيب تخشيه (ادعي)
بيشيل ممكن تلت مدرج العيوطي .. يعني ممكن الف بالكتير اوي ..
عشان كدا ممكن تلاقي ناس كتيره في اول محاضرات خاصة بتوع اولي .. بتتلاقيهم واقفين ..
اما بالنسبة لمجموعة (ز) .. مش عارف والله .. بس هاتتلاقيها في حدود ال 2000 او ال 2500 بني ادم ..
!!!دمعة حزن!!! 06-09-2008, 03:17 AM شكلكم فى جامعه واحده وقاعدين تتكلموا على ناس وحاجات انا معرفهش
يلا مفيش مشكله
فى حاجه كمان انت نسيت تقولها
لما تكون داخل كليه غصب عنك اكيد هتدبلر
vampire1188 06-09-2008, 03:28 AM ادبلر ؟ .. لا مش شرط يا كوكو والله
اهم حاجة العزم والصبر ..
والنظرية دي بتتطبق في اي كلية مهما كانت ..
حط في دماغك اني عايز ابقي حاجة ..
الناس اللي بتجيب امتيازات دي مش اقل مني ..
والمجموع اللي هوا دخل بيه الكلية دي .. انا برده داخل في نفس الكلية وبنفس المجموع ..
يبقي مافيش فرق .. اذاكر واكد واتعب لغاية ماوصل ..
وفي كلية زي تجارة دي ..عايزالها مذاكرة وتركيز جامد ..
واسف لو كنت ماستعملتش صيغة المؤنث .. ودا لإني مش عارف اساسا ولد ولا بنت ..
اني واي .. لو انتا مش تجارة .. قول انتا منين عشان نعرف
!!!دمعة حزن!!! 06-09-2008, 04:09 AM يمكن انا اتكلمت عن نفسى
انا لما دخلت كليه مبحبهاش وجامعه كارهها
كانت النتيجه انى منجحتش
بس الحمد لله على كل الاحوال
تانى حاجه انا بنت
وداخله اولى تجاره
ادعولى ربنا يوفقنى
vampire1188 06-09-2008, 04:13 AM مانجحتيش ؟ .. غريبة ..
اولا كويس انك قولتي انا بنت .. عشان تبقي الصيغة سليمة
ثانيا .. تقدري تنضمي لركب الجروب بتاع بنات تجارة هنا !!
ثالثا ..شكلك كدا والله اعلم على حسب استنباطي من كلامك .. انك دخلتي كلية وشيلتي السنة فيها
وحولتي منها .. لتجارة ..
بليز ياريت توضحي .. وابقي قوليلنا بالمرة داخلة تجارة جامعة ايه .. اهو بالمرة نعرف ..
CoMMaNdo 06-09-2008, 04:25 AM شكرا يا عمو فامبير على النصايح دى
شكلك خبره فى الجامعه
ههههههه
!!!دمعة حزن!!! 06-09-2008, 04:26 AM مانجحتيش ؟ .. غريبة ..
غريبه
مش غريبه ولا حاجه
اولا كويس انك قولتي انا بنت .. عشان تبقي الصيغة سليمة
اوكى
ثانيا .. تقدري تنضمي لركب الجروب بتاع بنات تجارة هنا !!
ان شاء الله
ثالثا ..شكلك كدا والله اعلم على حسب استنباطي من كلامك .. انك دخلتي كلية وشيلتي السنة فيها
وحولتي منها .. لتجارة ..
تمام انت كده جبت المفيد:d
بليز ياريت توضحي .. وابقي قوليلنا بالمرة داخلة تجارة جامعة ايه .. اهو بالمرة نعرف ..
انا وضحت اهو
عاوز توضيح فى اى حاجه تانى
جيت اخد الكلام اقتباس قالى عدد احرف الرساله اقل من عشر حروف
سبحان الله كل الكلام ده اقل من 10 حروف
!!!دمعة حزن!!! 06-09-2008, 04:27 AM اه نسيت اقول انا داخله جامعه قنا
بعيده صح
vampire1188 06-09-2008, 04:32 AM جامعة قنا ؟ .. لا اله الا الله ..
دانتي شكلك صعيدية بقي !!
وياتري الكلية اللي انتي كارهاها كانت ايه بقي ؟؟
!!!دمعة حزن!!! 06-09-2008, 04:35 AM ههههههههههههههههههههههههههههههههههههههههه
صعيديه
انا من اسوان وافتخر
رغم انى مش صعيديه الا انى افتخر انى من اسوان
كانت كليه اداب
الا يرحم ايامها
كانت ايام سوده
ماهينور 2 06-09-2008, 05:02 AM شكرا ليك يااخ فامبير علي النصائح الجميله دي
بس ممكن ابدي رايي في حاجه تانيه يعني اللبس مش هو اللي بيحدد نوع البنت كويسه ولا لا
مثلا ممكن بنت تكون لابسه لبس زي بنات اليومين دول بس تكون محترمه جدا يعني متكلمش صبيان ولا حاجه ولا تمشي ماشيه مش مظبوطه ولا الحركات دي
وممكن برضك واحده تكون لابسه محترم جدا وهي اللي تعمل كده مثلا تصاحب اولاد وتروح وتيجي
يعني مش اللبس هو اللي يحدد البنت
في حاجات تانيه كتير
وده كان مجرد راي مش اكتر
تقبل مروري
wanda 06-09-2008, 03:51 PM عندك حق فى كل كلمه قولتيها يا ريناد
وهو على حسب التعامل كمان
يعنى مش باللبس ما انا واحدة زميله لحد من الناس وهى لبسه اسدال
ومش كويسه خالص انا بصراحة استغربت قولت سابت ايه ديه للناس اللى
لبسه بدى وبنطلون ضيق ....
د_عبير 06-09-2008, 04:04 PM شكرا يا فامبير علي نصايحك الحلوة دي
رونالدينهوو 06-09-2008, 04:51 PM شكرا ليك يااخ فامبير علي النصائح الجميله دي
بس ممكن ابدي رايي في حاجه تانيه يعني اللبس مش هو اللي بيحدد نوع البنت كويسه ولا لا
مثلا ممكن بنت تكون لابسه لبس زي بنات اليومين دول بس تكون محترمه جدا يعني متكلمش صبيان ولا حاجه ولا تمشي ماشيه مش مظبوطه ولا الحركات دي
وممكن برضك واحده تكون لابسه محترم جدا وهي اللي تعمل كده مثلا تصاحب اولاد وتروح وتيجي
يعني مش اللبس هو اللي يحدد البنت
في حاجات تانيه كتير
وده كان مجرد راي مش اكتر
تقبل مروري
متنسيش بردة يا ريناد ان لو البنت لو لا بسة محترم مش هتشد الشباب ليها
ف دة احصن للبنت
وكمان الاحتشام ضرورى فى الاسلام
vampire1188 06-09-2008, 05:44 PM احب ادي بس تعليق صغير ليكي يا ريناد ..
اللبس بكل بساطة هوا عنوان الشخص قدام اللي حواليه ..
سواءا كان الشخص دا ولد او بنت ..
بس مش هاشكك في رأيك .. لأ انا بأيده كمان ..
وبأيد كمان رأي واندا في اللي قالته ..
انا فعلا تعاملت معا النوعين ..
النوع اللي بيلبس لبس فري خالص .. وناس في منتهي الاحترام في التعامل ..
والنوع اللي بيلبس محتشم .. وتتلاقيه استغفر الله العظيم ..
بس عموما .. زي مانا قولت .. اللبس عنوان الشخص ..
مش هاستحوذ رأيي على البنات بس ..
لا على الولاد كمان .. ممكن تشوفي واد مطول شعره على اخره ومسقط البنطلون وحالته نيلة ..
بس تييجي تتعاملي معاه تلاقيه واد كويس ودماغه حلوة .. بس زي ماتقولي عايشه في دور روشنه وقتي كدا ..
وواحد تاني تلاقيه لابس لبس عادي .. بس في منتهي قلة الادب .. وتعاملة بيئة معا الناس ..
زيها زي اللحية عند الرجاله .. والنقاب عند المرأة ..
انتي لو مشيتي في الشارع وشوفتي واحد مربي دقنه .. هاتقولي دا راجل كويس وعارف دينه .. بعد شوية تسمعي منه شتيمة وقلة ادب هاتقولي دا راجل مش محترم ..
واحد تاني مش مربي دقنه .. بس اوريجنال جدا في التعامل .. وبيتصرف تصرفات الادين بيحث عليها ..
برده نفس الحكاية في النقاب ..
بس انا كان مجرد تعليقي ان اللبس مجرد عنوان ليكي قدام الناس ..
وزي ما قولت برده .. انتي لو كنتي محترمة جدا .. ولابسه لبس مش ولا بد ..
وافتكري انك في جامعة .. يعني فيها شباب ..
لازم غصب عن الشاب لازم يبصلك .. شئ طبيعي .. وماتقوليش حرية ومش حرية ..
عشان انا واحد من الناس .. كنت في الجامعة من ييجي 3 اسابيع كدا ..
شوفت واحده لابسه حجاب (اشك انه حجاب اصلا) .. وسكيرت من اللي هيا بتبقي بحمالات فوق دي
بس مش عارف اسمها ايه .. المهم .. ولابسه تحتها بنطلون برمودا !!
طب والنبي انا راضي حكمك .. لو شاب شاف واحده زي دي .. هايقول عليها ايه ؟!
دا غير طبعا اللخبطة اللي في الوش اللي بيحطوها ..
طب تصدقي بالله .. لو ماحطتش ميكب .. انا بيتهيألي كانت هاتبقي احلي !!
الشاب يا ريناد انتي وواندا .. اما بيشوف واحده بيحكم عليها من مظهرها العام غالبا ..
هوا مش لسه هايروح يتعرف ويتعامل ويشوف دي كويسه ولا مش كويسه ..
ياريت تكون نظريتي وصلت ...
vampire1188 06-09-2008, 05:45 PM شكرا يا فامبير علي نصايحك الحلوة دي
مشكور على مرورك يا د/عبير ..
على فكرة انا عندي برد .. ياريت تشوفيلي دوا بما انك في صيدلة يعني !! :rolleyes:
مرمر وياقوت 07-09-2008, 12:00 AM لأ فعلا كلامك صح وجزاك الله خيرا على تلك النصائح
ماهينور 2 07-09-2008, 01:13 AM كلامك مظبوط يا استاذ فامبير بس انا طبعا مش قاصدي علي اللبس ده خالص خالص
يعني لبس عادي بس مش الايسدال والطرح الطويله عادي يعني مثلا بضي وجيبه طويله ده ممكن في نظر اي حد لبس مش اللي هو او تونيك وبنطلون برضه الحكم عليه مش دايما انه لبس كويس
ده اللبس اللي انا اقصده
مش طبعا البادي الضيق والبرموده او حتي البنتاكول
ولا الباضي اللي خلاص هيتفرتك وعليه جيب قصيره
الكلام للتوضيح
واشكرك اخي فامبير علي النصائح وتقبل مروري
wanda 07-09-2008, 02:24 AM والله ريناد عندها حق واحنا اساسا قصدنا على كده
البس جيبه وبدى يعنى هو محترم
اولالبس بنطلون ممكن يكون ضيق او واسع فوقيه تونيك تحت الركبه
يبقى كده نظرتكوا ايه؟؟
بس يعنى هو من الاخر بالتعامل واكيد انت جربت
الانسانه ديه ممكن تكون محترمة وممكن العكس ديما بالتعامل
بس يعنى وشكرا يا فامبير واكيد دلوقتى فهمت قصدها
wanda 07-09-2008, 02:26 AM اه نسيت مثل الاسدال ده بقولك لبس محترم اووووووىى وبتعمل ايه
طبعا البنت اللى لبسى بدى ضيق وهيفرتك من عليها او برتكوا
او برمودا وفوقيه حاجب ده اسمه استهبال
ومسموش حجاب واكيد يعنى البنت ديه مش محترم من الاخر...
ولا انا كلامى غلط؟؟!!
mostafa_music 07-09-2008, 02:31 AM السلام عليكم
كلامك ميه ميه ياواندا وانا مع فامبير فى الراى بتاعه
بس الانسان مش لازم يحكم على الشخص من مظهر لبسه على طول
وتذكر قول الله تعالى (ان بعض الظن اثم)
وشكرا
طمطومة 07-09-2008, 10:35 AM السلام عليكم ورحمة الله وبركاته
انا كنت داخلة اسال عن مواعيد رمضان
لاقتكم مشكورين سالين ومجاوبين يعنى مش مضيعين وقت:d
وصراحة ربنا يخليلك يافامبير ويكتر من امثالك خايفة فى الاخر تطلع عميد الكلية
وحلوالحوار اللى حصل فى الاخر ومش هاقول غير
الاناء ينضح بمافيه!!!!!!!!!!!!!!!
المهم شوفتكوا مجاوبتوش على على تقييم اشرف عبده كان بيدينى موارد هو ودكتور امال شاور
ربنا يعينكم عليه راجل لايطاق هو شاب او مش راجل كبير بيجى كدة بقميص وبنطلون مش بدلة يعنى ومش بيكتب فى المحاضرة بيجيب معاه ورق مكتوب وعلى البروجكتور ومش هتلحقى تنقلى:mad:
وهو مش بيشرح هو بيقرا الورق اللى جايبه عارفين ساعة المحاضرة كان اول مايدخل يفح باب المدرج وهو واقف تلت اربع المجموعة بيخرج قصاد عينه ومايفضلش غير الربع ال مجتهدين وانا كنت من ضمن:d
ومن الاخر لو اداكى لوحده مش هتجيبى اكتر من عشرة
وربنا معاكم بقى ومعانا ولسة برضه ماحدش ظهر من مجموعة ج
Dr.Abo Hassan 07-09-2008, 10:45 AM جزاك الله خيرا يا اخى المجرب حلو جامد يباركلك ربنا
Grand_Dreams 07-09-2008, 02:18 PM شكرا جدا على الموضوع المفيد جدا
انا لسه دخله تجاره طنطا انتساب
بس عايزة اعرف الجدول بتجبه قبل بداء الدراسه ولا اول يوم فى الدراسه
دمعة خشوع 07-09-2008, 02:45 PM السلام عليكم
انا عن نفسى مش عارفه اشكرك ازاى استاذ فامبير بجد جبيت من الاخر
يعنى انا لسه داخلة اداب وطبيعى انى روحت الكلية عشان التقديم وكدا اقسم بالله شوفت مناظر ما شاء الله ما شاء الله
بس انا بستغرب من حاجة اللبس ده بيدخل فيهم ازاى اكيد بالصابون
والله ربنا يهديهم يارب
انا الحمد لله مختمرة ولابسه اسدال ما لقيتش حد لابس خمار غير قلة قليلة جدا جدا
راحت زمن الخمار وجيه زمن البضيهات
يالا ربنا يهدينا ويهديهم
جزاك الله كل خير
ممكن اعرف مواعيد محاضرات اداب بنها
لو مش هتعبك يعنى
وشكرا
يوسف الشوري 07-09-2008, 07:47 PM شكرا جدا فعلا الكلام دا مهم جدا ولازم ناخد بالنا منه
وربنا يستر من الايام الجايه دي
sseess 07-09-2008, 08:31 PM انا متفقة معاك يا vampire1188 بس عوزة اقول حاجة انا كل اصحابى اما راحو يجيبو لبس الجامعة عقدونى قالولى مفيش غير الى البدى فكانو مطرين شراءة انا بحس ان السوق هو الى مسئول ممكن تقول لا بس هو المطر هى جيب طبعا مش الضيق الى انت بتقول علية لا معقول كمان بيتلبس على جيب طويلة
شكرا فامبير ع النصايح الجامده دي انت شكلك خبره بس انا لسه ف 3 ثانوي ادعيلي بقي بس من قلبك بالله عليك
General 07-09-2008, 08:56 PM مانجحتيش ؟ .. غريبة ..
غريبه
مش غريبه ولا حاجه
اولا كويس انك قولتي انا بنت .. عشان تبقي الصيغة سليمة
اوكى
ثانيا .. تقدري تنضمي لركب الجروب بتاع بنات تجارة هنا !!
ان شاء الله
ثالثا ..شكلك كدا والله اعلم على حسب استنباطي من كلامك .. انك دخلتي كلية وشيلتي السنة فيها
وحولتي منها .. لتجارة ..
تمام انت كده جبت المفيد:d
بليز ياريت توضحي .. وابقي قوليلنا بالمرة داخلة تجارة جامعة ايه .. اهو بالمرة نعرف ..
انا وضحت اهو
عاوز توضيح فى اى حاجه تانى
جيت اخد الكلام اقتباس قالى عدد احرف الرساله اقل من عشر حروف
سبحان الله كل الكلام ده اقل من 10 حروف
موضوع كده خارجى سورى يا vampire1188
جيت اخد الكلام اقتباس قالى عدد احرف الرساله اقل من عشر حروف
سبحان الله كل الكلام ده اقل من 10 حروف
ايوه أقل من 10 حروف :eek:
اقولك ازاى
انا كنت ناوى اشرح شرح تفصيلى بس انا هجبلك من الأخر عشان انا مش على جهازى
الكلام الى بيبقا بين كلمة
quote
اى كلام هنا مش محسوب
quote/
بعنى الكلام المقتبس مش محسوب
ياريت تكونى فهمتينى
تحياتى
http://www.getsmile.com/emoticons/funny-smileys-68129/sunglasses2.gif
vampire1188 07-09-2008, 11:19 PM يااااااااااااااااااه .. كل دي ردود وانا مش موجود ؟!!
اعذريني يا جماعة .. اصل مادخلتش امبارح على النت .. كان عندنا عزومة عقبال عندكوا ..
وكل سنة وانتوا طيبين جميعا ..
وبصراحة مش عارف الاحق مين ولا مين في الرد ..
مشكور ليكوا جميعا على مروركوا وعلى الردود اللي شرفتوني بيها ..
بس احب اسيب شوية تعليقات صغنونه كدا على الناس المحترمين اللي مرّوا هنا ..
> بالنسبة لكلامك يا ريناد اما قولتي مش طبعا البادي الضيق والبرموده او حتي البنتاكول
ولا الباضي اللي خلاص هيتفرتك وعليه جيب قصيره
فيه مثل بيقول .. كل اللي يعجبك والبس اللي يعجب الناس ..
> تعقيبا عليكي يا واندا .. لما قولتي بس يعنى هو من الاخر بالتعامل واكيد انت جربت
كلامك سليم وميه ميه .. بس سيبك من اللي بيتعامل .. فيه حب من اول نظرة .. وفيه برده حكم من اول نظرة .. وفيه برده حكم من اول لبسه !!
> تعقيبا على كلام مصطفي لما قال الايه الكريمة ان بعض الظن اثم
كدا انتاجيبت من الاخر .. المفروض ان البنت ماتسيبش خد يقول عليها نص كلمة ..
وكفاية ان القران قالها صريحة كدا .. ( يا ايها النبى قل لأزواجك وبناتك ونساء المؤمنين يدنين عليهن من جلابيهن ذلك ادني ان يعرفن فلا يؤذين وكان الله غفورا رحيما )
> انتبهوا للكلام اللي بالأحمر .. <
> فيه كلمة طمطومة قالتها وعجبتني اوي .. الاناء ينضح بمافيه
> العضوة Grand_Dreams سأل وقال بس عايزة اعرف الجدول بتجبه قبل بداء الدراسه ولا اول يوم فى الدراسه
فيه كليات في بعض الجامعات بتنزل قبل الدراسة .. وفيه بيبقي بعد .. جامعة القاهرة بتنزل غالبا قبلها بأسبوع .. الله اعلم بقي باقي الجامعات بتبقي ايه .. بس الأكيد انك بتروحي اول يوم بتسألي على الجداول محطوطة فين .. وبتروحي تنقليها وخلاص .. بس غالبا مابتعرفيش تنقلي حاجة عشان بتبقي زحمة !!
> العضوة الكريمة دمعة خشوع .. قالت حاجة ظريفة اوي راحت زمن الخمار وجيه زمن البضيهات
وتعليق تاني اظرف .. بس انا بستغرب من حاجة اللبس ده بيدخل فيهم ازاى اكيد بالصابون
انا عن نفسي .. بشاركك طرح السؤال دا على البنات اللي بيلبسوا البناطيل دي !!
> العضو nesso طبعا بوجهلك شكر خاص على الي انتا قولته بس تقدر تقول هيا مش خبرة ولا حاجة .. بس الواحد قعد في الجامعة وشاف كتير وعدي عليه بلاوي .. فابيتعلم .. وصدق اللي قال فعلا .. الدنيا بتعلم ..
> العضوة sseess قالت كلام كويس .. انا كل اصحابى اما راحو يجيبو لبس الجامعة عقدونى قالولى مفيش غير الى البدى فكانو مطرين شراءة
معاكي حق .. انا نفسي اما بنزل وسط البلد او العتبة او طلعت حرب .. وبتفرج على الفتارين .. بشوف اللي بيتعرض .. ونفس كلامك اللي انتي قولتيه دا .. بنت خالتي قالتهولي بالنص .. فعادي يعني .. مش عارف مشكلتكوا السودا يا بنات في لبسكوا .. لا وكمان السعر عالي !! .. بس هاقولك على حاجة .. اللي بتتقي ربنا صح .. وبتخاف من ان اي شخص يرمقها بنظرها وحشه او فيها شهوة .. هاتدور على اللبس المناسب .. لإنك اما تيجي قدام ربنا تقفي ويسألك انتي كنتي لابسه ايه اما كنتي في الجامعة أظن استحالة يعني هاتردي على ربنا وتقوليله يارب ماهو مكانش فيه غيره .. ولا ايه ؟!!
تعليق عام بقي احب اقوله ..
سيدنا محمد اللي كلنا بنؤمن بنبوته ورسالته .. قال حديث البعض منا يعرفه والبعض منا يجهله ..
قال الاتي .. ( صنفان من اهل النار لم أرهما : نساء كاسيات عاريات مائلات مميلات ، رؤوسهن مثل اسنمة البخت ، لا يدخلن الجنة ولا يجدن ريحها ...... )
حد فينا يرضى انه مايخشش الجنة ويتلهلب في النار ؟! (ولاحظوا الكلام اللي بالبرتقاني)
الرسول صلي الله عليه وسلم قال : ( لعن الله المتشبهات من النساء بالرجال والمتشبهين من الرجال بالنساء )
زي الرجل المتعارف عليه منذ بدء الخليقة .. انه بيلبس بنطلون .. مايجيش بقي في عهدنا الحالي تتقلب الاية ويبقي البنات هما اللي يلبسوا بناطيل .. والا يبقوا نفذوا اللي قاله سيدنا محمد وكدا هايخشوا في لعنة ربنا والعياذ بالله ...
انا مش شيخ .. ولا داعية .. ولا واحد من الزهاد .. لكن انا واحد زي اي واحد .. متطلع علي دينه .. عارف احكامه .. بحاول بقدر استطاعتي انفذ تعاليم الدين دا .. ولو اني عارف اني مش بنفذها كلية .. بس اهو ربنا غفور رحيم بقي ..
انا مش هاحول الموضوع يبقي ديني .. ولا انا عايزكوا تحولوه ويبقي ديني ..
عشان ماتنسوش .. انتوا في قسم تجارة هنا .. مش في قسم تاني ..
موضوعنا محدد وهوا نصايح للي داخلين جامعة عمووووووما ..
طمطومة 08-09-2008, 10:10 AM السلام عليكم ورحمة الله وبركاته
انا مش اولى بس عجبنى الموضوع
المهم ياجماعة ايه رايكم فى الناس اللى مش بتشترى الكتب وبتعتمد على الملازم الخارجية
صراحة انا السنة اللى فاتت جبتها وفادتنى فى بعض المواد ومااشترتش ليها ملازم واشتريت للمواد التانية المراجعات النهائية
وحد يقولى المصاريف امتى وكام
مشكورين
wanda 08-09-2008, 02:54 PM بص يا فامبير احنا فتحنا الموضوع علشان الاخت
دمعة خشوع بتقول ان فى قليل جداا لبسين الخمار
هو الخمار ايه مش كل اللى بيبلوة محترمين
واكيد معظمكوا هيشوفنى انا دلوقتى هتكلم عن نفسى
طرحتى مش قصيرة زى البنات بتاعت البدى والجيب الضيق
البدى كمان مش ضيق خالص وانتوا هتشوفوا
وانا لو لبست بدى بلبس عليه جيبه واسعه
لول لبست تونيك بلبسه فوق الركبه على كول
وتحته بنطلون
يا جماعه بجد اللبس ده مش محترم
ده اولا
ثانيا بقى انا عندى اخ ولد يعنى
وده لو كان لبسى مش محترم عمرة مكان هينزلنى بيه
ثالثا بقى انا مش ممكن اخلى حد يفتح بقه بنص كلمة عليا او
يقول اى كومنت يسى ليه
فا انا مؤمنه ان لبسى محترم ومحتشم
وكمان رينا بتلبس زيي
بالله عليكوا وارجو الرد من الولاد بالذات
ده لبس مش محتشم ؟؟؟؟!!
فى انتظار اجابتكوا
ثالثا النقاب مش فرض ده سنه وللبنت شديدة الفتنه
وانا مش جميله الجميلات يعنى ملامحى عادية خالص
ده اولا ثانيا الاخت دمعه خشوع
بتقول راح زمن الخمار
تعرفى ان تقريبا كل البنات دلوقتى
لبسين عبيات وتحطيها بنطيل جينز محترم اهوه
وديه كمان موضه ومش محترمين اساسا
وكمان لبسين اسدال وتصرفتهم مش كوييسه
سواء موضه ام لا
كل الناس دلوقتى بتلبس اسدال والاسدال زى الخمار على العبايه
مش هتكلم تانى
هستنى ارأكوا واجابتكوا اللى من وجهة نظركوا....
احمد الشرنوبى 08-09-2008, 03:05 PM لبس محترم
بس ده مايمنعش ان حد يضايقك
دلوقتى اللى لابسه خمار بتتعاكس
بقى حاجه طبيعيه
bondok fady 08-09-2008, 03:27 PM منى السلام الى كل من فامبير وده سلالالام خاااااص جدا وسلامى الى واندا وريناد وعلا اللى مش بتخش كلام واندا كله صح بجد انا عن نفسى لما اشوف بنت لبسه اسدال وتحته بنطلون جنيز ورافعه الاسدال لحد الركبه وبعدين لبسك كويس احسن من اللى بيليسوا بديهات هطق من ادام وورا وكل حته حاسس ان البدى بيشتكى من كتر الخنقه فبالتالى لبسك احسن الى حد ما البس اللى نازل السنه دى
bondok fady 08-09-2008, 03:35 PM انا كنت عايز اسال فامبير سؤال انا كنت وما زلت ان شاءؤ الله هحول السنه اللى جاية القاهرة انجليزى بس انا قدمت انجليزى بنها ويعنى انشاء الله انا ضامن اخش 100% تجارة انجليزى بنها بس وانا بقدم الملف لقيت ورقه غريبة اللى هى لاقرار عدم تحويل من الكليه الى كلية مناظرة اخرى انجليزى يعنى انا لو دخلت انجليزى مش هينفع احول القاهرة السنه اللى جاية وهدنى فى بنها ال 4 سنين وانا مش عايز كده خالص بس نفسى ادخل تجارة انجليزى
السؤال هو
تجارة انجليزى بنها احسن ولا تجارة عربى القاهرة
الرجاء من اللى يرد يرد صح ويكون فاهم بليز
اولا
انا موجودة يا بندق
بس مش برد مكتفيه بالقراءة
ثانيا
انا معرفش انت قصدك ايه ف حكاية التحويل دى
بس اللى اعرفه عموما
ان مستقبل تجارة e احسن من عربى
واحسنلك تدخل e
ثالثا
من ناحية اللبس انا لبسى زى ما واندا قالت كدا
وانا شايفه انه مش لبس صايع يعنى
وبرده الاحترام بيبقى م التعامل مش باللبس
LA STELLA 08-09-2008, 09:55 PM خلاص يا جماعة استهدوا بالله كدة ،، مش هنتخانق عشان اللبس :)
كل واحد وحسب مقدرته واستطاعته
وبخصوص حسب اللى فى السوق
فيه بنات ما بتصدق ان دا الموجود اصلا وبيتخذوا دا حجة !
بس فيه بنات بيحاولوا ينقوا ع اد ما يقدروا اكتر حاجة محتشمة يلاقوها وتليق ليهم
خلوا بالكم من تليق ليهم
كل واحدة بيليق لها حاجة غير اللى تليق للتانية ،، فيه الرفيعة والتخينة والقصيرة والطويلة
مش كلنا شبه بعض عشان كلنا نلبس لبعض ،
----------------------
موضوع جميل كنصايح
وفامباير بيوصل لكم نظرة الشباب للبنات بصفته شاب ومختلط طبعا بالشباب وعارف دا بيفكر ازاى ودا بيفكر فى ايه
وكفاية شد مع بعض :d
طالما كل واحد مقتنع بلبسه خلااص ،،
غير يعنى نشيل من دماغنا ان الجامعة مكان لعرض الازياء
عشان فيه ناس داخلة تلاقيها بتتفرج ع لبس دى ودى ودى وبس ،
الجامعة اولا واخيرا مكان لتلقى العلم ، والاستفادة ، والتخصص فى مجال معين
وياريت نفضل فاكرين دا كويس اوى :)
هتقولى لى امشى يا معقدة وكلام من دا
عاوزين يبقى لينا اصحاب بردو
ماشى اللى عاوز يخرج مع اصحابه وخلافه يبقى برة الجامعة بقى ،، مش نربط دا بالجامعة ، زى ما كان ليك اصحاب قبل كدة
هى بس يمكن الجامعة مكان مفتوح اكتر فبيتيح لك انك تتعرف ع ناس اكتر من المدرسة
--------------------------------
واحب افكركم بشوية حاجات من ديننا لازم نتذكرها دايما بما اننا مقبلين ع دراسة جديدة ،،
قال تعالى :{ يرفع الله الذين آمنوا منكم والذين أوتوا العلم درجات}
(المجادلة:11)
قال تعالى: {قل هل يستوي الذين يعلمون والذين لا يعلمون} [الزمر: 9]
قال رسول اللَّه -صلى الله عليه وسلم-(: (إن مثل العلماء في الأرض كمثل النجوم يهتدي بها في ظلمات البر والبحر، فإذا انطمست النجوم أوشك أن تضل الهداة) [أحمد].
وقد كانت أولى آيات القرآن الكريم دعوة للقراءة والمعرفة قال تعالى: (اقْرَأْ بِاسْمِ رَبِّكَ الَّذِي خَلَقَõ خَلَقَ الأِنْسَانَ مِنْ عَلَقٍ õاقْرَأْ وَرَبُّكَ الْأَكْرَمُ)
،،،،،،،،،،
تقبلوا مرورى ،، وفائق احترامى للجميع
vampire1188 08-09-2008, 11:11 PM ياااااا جماعة .. بكل بساطة وهدوء الموضوع مش مستاهل ..
الموضوع محسوم قضية وموضوعا وشكلا ومضمونا ..
القرآن قال .. (ولا يبدين زينتهن) .. النون اللي بالازرق دي نون النسوة ..
يعني الكلام موجه ليكوا .. لجنس النساء ...
معني انك تلبسي اي حاجة .. شوفي .. اي حاجة تلفت نظر الشاب او الراجل اللي يحللك ..
دي في حد ذاتها .. سيئة ليه .. وسيئة عليكي بالضعف .. لإنك انتي اللي سمحتي لنفسك بكدا ..
واحنا دلوقيت في زمن مايعلم بيه الا ربنا ..
زميلتي اللي في كلية تجارة العريقة .. واندا .. قالت كام تعليق كدا ..
نا مش ممكن اخلى حد يفتح بقه بنص كلمة عليا او
يقول اى كومنت يسى ليه
مافيش طرف اول بيسئ لطرف تاني الا اذا كان الطرف التاني عمل حاجة استفزت الطرف الاول ..
مش كل الولاد قلالاة الادب وبيعاكسوا .. ومش كل البنات محترمين برده ..
مراعاة المظهر العام للبنت في ظل اللي احنا عايشين فيه دلوقتي .. شئ واجب النظر ليه ..
واظن ان وسيلتك الوحيدة في انك تمنعي اي حد ينطق بنص كلمة عليكي .. هوا انك تقطعي الحبل اللي يخليهم يرموا كلمة عليكي من الاول .. انا مش بعيب فيكي .. بس بوضح وجة النظر العامة اللي انا بتكلم عليها ..
>> لنقاب مش فرض ده سنه وللبنت شديدة الفتنه
الموضوع دا اختلف فيه ناس كتييييييييره جدا .. وانا شخصيا حصلت بسبب موضوع النقاب دا مشاكل كتيره بس طبعا مش هاينفع اعلنها على الملأ كدا ..
>> تقريبا كل البنات دلوقتى
لبسين عبيات وتحطيها بنطيل جينز محترم اهوه
يانتي بتشوفي كل حاجة حلوة بالنسبة للبنات .. يانا اعمى !!
تعليقاً على سؤالك يا طمطومة ياللي شكلك دحيحة !! .. وحد يقولى المصاريف امتى وكام
في سنة اولي انتظام المصاريف 145 .. وانتساب كانت 438 على مافتكر ..
سنة تانية لغاية ماتتخرجي بقي وعليكي خير كدا .. بتدفعي 120 انتظام .. و 415 انتساب
والله اعلم .. ممكن تكون غليت .. ماهو مش بعيد يغلوها هيا كمان !!
زميلتي العنيدة .. اللي حبيت انكشها واقول عليها عنيدة .. علا .. قالت تعليق من ضمن التعليقات اللي في النص
وبرده الاحترام بيبقى م التعامل مش باللبس
انا موافقك في الرأي جداااااا .. بس اظن انا قولت قبل كدا .. الشاب مننا مش هايستني اما يشوف واحده لابسه لبس استغفر الله العظيم .. ويقول اتعامل وبعد كدا احكم !! .. ماهو الاشكال تعبر عن مكنونات السرائر .. ولا ايه ؟!! ..
طبعا فيه حالات شاذة .. ومر عليا منها ناس برده .. بس كنت دايما بقول لنفسي طب طالما انتي محترمة كدا في تعاملك .. طب ماتحترمي منظرك قدام الناس بالمرة عشان الصورة تكمل .. تبقي من جوا ومن بره كويسه ..
المشرفة حابي قالت تعليق برده .. الجامعة اولا واخيرا مكان لتلقى العلم ، والاستفادة
كلام موزون وميه ميه .. وبأيدك تماما في اللي اانتي قولتيه ..
لو كل واحد فينا حط في دماغه انه جاي يتعلم وبس .. اعتقد انه هايجيب تقديرات ماشاء الله يعني ..
صاحب ماشي .. اتعرف ماشي .. تعامل ماشي .. بس حط في اولويتك اني جاي اتعلم ..
انا مش معقد .. بس فعلا الجامعة زي ماقالت حابي مكان واسع .. لتلقي العلم .. عشان كدا بيبقي فيه فرصة لانك تتلاقي معا الناس وتصاحبهم وتتعرف عليهم ..
حبيت اشارككم التعليق .. وتقبلوا ارائي .. ولكن بدون زعل ..
انا مش عنصري .. لا بتحيز للولاد .. ولا بتحيز للبنات .. انا بحاول اوصل فكرة مش اكتر ..
vampire1188 08-09-2008, 11:31 PM انا كنت عايز اسال فامبير سؤال انا كنت وما زلت ان شاءؤ الله هحول السنه اللى جاية القاهرة انجليزى بس انا قدمت انجليزى بنها ويعنى انشاء الله انا ضامن اخش 100% تجارة انجليزى بنها بس وانا بقدم الملف لقيت ورقه غريبة اللى هى لاقرار عدم تحويل من الكليه الى كلية مناظرة اخرى انجليزى يعنى انا لو دخلت انجليزى مش هينفع احول القاهرة السنه اللى جاية وهدنى فى بنها ال 4 سنين وانا مش عايز كده خالص بس نفسى ادخل تجارة انجليزى
السؤال هو
تجارة انجليزى بنها احسن ولا تجارة عربى القاهرة
الرجاء من اللى يرد يرد صح ويكون فاهم بليز
بص يا بندق باشا ..
تجارة انجليش ماحدش يختلف عليها ..
مطلوبة في سوق العمل جدا .. ودا لإن الانجليش اللي انتوا بتدرسوا بيه دا .. هوا اللي بيخلوا كعبكوا اعلي من الناس اللي بتدرس في تجارة عربي ..
كونك انك تخش تجارة انجليش وتقول انا نفسي .. هوا مش بالنفس ..
لو انتا مالكش في الانجليش وميييييح فيه .. انصحك تخش عربي لإنك هاتتعب جامد ..
لكن لو انتا شغال فيه كويس .. هاتمشي فيه وهاتبقي بيس يعني ..
انا واحد من الناس اهو في تجارة عربي .. والحمدلله .. الحمدلله .. بيرفيكت في الانجليش .. وكنت جايب 48 في الانجليش في الثانوية العامة .. بس مادخلتش تجارة انجليش بسبب المجموع ..
تجارة انجليش .. مش هاقولك عليها بقي انها جامدة .. وابقي ناقص ارسملك جنينة و شوية فراشات واعيشك في دور فضل شاكر ويارا !! ..
زي ماقولتك . تجارة انجليش كعبها اعلي .. لسببين رئيسيين :
- عددكوا اقل من اعداد تجارة قسم عربي .. بالتالي المتخرجين منكوا بيبقالهم فرص عمل كويسه .. لو لاقيتوا يعني ..
- اللغة اللي بيتم بيها الدراسة مطلوبة جدا في سوق العمل .. خاصة في المجال الاستثماري ومجال البنوك وما الى ذلك ..
بس طبعا مش هاوصيك .. تجارة لوحدها سواء انجليش او عربي .. او انشالله حتى لاتيني !!
ماتنفعش لوحدها كدا .. يعني شهادتك اللي انتا بتاخدها دي في الاخر .. سوري .. تروح تلعب بيها كورة ..
عشان تلاقي شغل محترم وصح .. على الاقل يبقي معاك كام دبلومة .. على حسب تخصصك بقي .. غير دبلومة ال hr الاساسية .. غير شهادة ال icdl اللي هيا اساسية برده .. على كام كورس انجليش لو كنت واقع فيه .. طبعا هاتقولي كورس ازاي وانا طالع عيني اربع سنين في الانجليش .. هاقولك غيرك كتيييييير متخرجين ومابيعرفوش يكونوا جملة انجليش صح .. كل اللي هاتحتاجه انك تخش كورسات في الكونفرسيشن .. عشان تزود مهاراتك اللغوية في التحدث ..
نصيحة برده لوجه الله .. ماتضيعش اجازة الدراسة بتاعتك كدا هباءاً ..
روح اتدرب في اي حتة .. مكتب محاسبة .. شركة .. مصنع .. وات ايفر ..
المهم التدريب .. بحيث انك تكون عامل لنفسك بديل .. اول ماتتخرج تتلاقي مكان انتا معروف فيه .. وتروح تشتغل فيه .. على بال ماتجيلك فرصة احسن بمرتب احسن في مكان احسن ..
وربنا معاك .. :)
semsema_semsema 08-09-2008, 11:52 PM وطلب اخير بقى ياريت لما جدول اولى تجارة ينزل تبقى تجيبهولنا .. وياريت كمان اما تطلع نتيجة المعادلات فى تجارة تبقى تعرفنا بردو
وثانكس على الموضوع
مودي الجوكر 08-09-2008, 11:53 PM شكرا علي مساعدتك و علي النصيحه يا مان و علي العموم انت راجل فير و نضيف .
هو في حد هنا دخل تجاره الزقازيق انا حابب اتعرف عليه.
vampire1188 09-09-2008, 12:07 AM وطلب اخير بقى ياريت لما جدول اولى تجارة ينزل تبقى تجيبهولنا .. وياريت كمان اما تطلع نتيجة المعادلات فى تجارة تبقى تعرفنا بردو
حاضر عنيا .. بس انتي ماقولتيش نتيجة معادلات تجارة ايه بالظبط ؟ .. جامعة ايه يعني .. ابقي وضحي ..
ومشكور على مرورك ..
semsema_semsema 09-09-2008, 12:14 AM حاضر عنيا .. بس انتي ماقولتيش نتيجة معادلات تجارة ايه بالظبط ؟ .. جامعة ايه يعني .. ابقي وضحي ..
ومشكور على مرورك ..
تجارة القاهرة طبعا
vampire1188 09-09-2008, 12:40 AM ااااه القاهرة ؟ ..
هوا الله اعلم .. النتيجة بتنزل على النت ولا كشوفات في الجامعة .. مش عارف ..
بس لو نزلت على النت ان شاء الله هاجيبها ..
اما لو كشوفات .. ماوعدكيش !!
basmala 09-09-2008, 12:41 AM ربا يبارك فيكم كلكم وخصوصا صاحب الموضوع
vampire1188 09-09-2008, 12:42 AM ربنا يخليكي يا بسملة ..
شوفتك كتير على فكرة في جرس الفسحة .. وماكنتش اتوقع خالص انك تيجي هنا !
ومشكور مرة تانية لمرورك ..
ahmed_fathyy 09-09-2008, 01:09 AM hiiiiiiiiiiiii
wanda 09-09-2008, 02:44 AM انا زهقت يوووووووووووة
كل شويه حد يقولى الجدول صح وشويه الجدول غلط
ايه الصح فهمونى هتجنن واضيع منكوا:p
vampire1188 09-09-2008, 03:02 AM الجداول لغاية دلوقتي غلط ..
عشان جدول سنة تانية (د ، جـ) .. غلط .. بالتالي لازم نشك في باقي الجداول ..
استني على اخر الاسبوع واحنا نعرف الخبر اليقين ..
بس شخصيا .. انا مش معترف بيه لغاية اللحظة دي ..
ahmed_fathyy 09-09-2008, 03:07 AM طيب الجدول بيكون ازاى غالبا ادينا مثال يافامبير
vampire1188 09-09-2008, 03:17 AM اديك مثال ازاي يعني يا احمد ؟!
جدول زي اي جدول عادي يعني
الكلية بتحط جدول لكل ترم .. بيتحطلك فيه توزيع المواد ..
بحيث ان كل مادة .. بتاخد فيها محاضرتين في الاسبوع ..
> المحاضرة الواحده بتبقي مدتها ساعة في رمضان .. اما غير رمضان بتبقي ساعة ونص ..
> لكل مادة دكتور بيدرس ..
> عدد المواد كل ترم 5 مواد ..
> لكل مجموعة من مجموعات تجارة .. جدول محدد ..
> عندك يومين اجازة اسبوعياً .. غير يوم الجمعة ..
يعني بمعني اصح عندك 4 ايام دراسة في الاسبوع ..
> المواعيد : الجامعة بتبقي شغاله في رمضان من 8 الصبح ل 4 العصر ..
اما غير رمضان .. فابتبقي شغاله من 8 الصبح .. ل 8 بالليل ..
محاضراتك بقي بتتحط في الرينج دا .. على حسب توزيع جدولك بقي ..
طمطومة 09-09-2008, 05:27 AM السلام عليكم ورحمة الله وبركاته
ازيكم ياجماعة
انتوا هتنزلوا فى رمضان ولا هتطنشوا بس صراحة انا نفسى انزل لانى حاسة انهم هيشرحوا من اول محاضرة
وسؤال تانى بس ده بعيد شوية ايه افضل المحاسبة ولا ادارة الاعمال
انا باحب الادارة ونفسى تكون تخصصى بس لاقيه هجوم فظيع حد يفيدنى
bondok fady 09-09-2008, 10:42 AM انا عن نفسى اشكرك على الكلام الجميل والمفيد بس انا كان سؤالى اللى مفيش حد فهمه ان انا بقول ان كليه تجارة بنها مش معترف بيها بين جامعات مصر (من الاخر مش لها لازمه )فانا مش عارف وبعدين بعيده عنى اوووى ولو دخلت لازم ادنى فيها الاربع سنين كلهم وانا مش هستحمل انا ليه القاهرة وعين شمس بس المجموع
المهم انا عارف ان تجارة انجليزى حلوووة بس سألت ناس وبيقولوا ان تجارة القاهرة احسن من تجارة انجليزى بنها انت عارف فى كام مادة فى السنه فى بنها وبلا فخر (9 مواد فى السنه )شوفت الهبل
انا بصراحة رايك حيرنى لانى عارف ان تجارة انجليزى حلووة مفيش اختلاف على كده بس انا بفضل تجارة القاهرة انجليزى وكنت عايز احول السنه اللى جاية بس مش بينفع فى اى شعبةتحول الى كليه تانيه انت على فكرة مش قريت الموضوع اللى فات كويس ركز ياعم فامبير الله يخلك انت وعلالالالا
bondok fady 09-09-2008, 11:00 AM انا هاولك حاجة حلوة كان اسم الموضوع اسال مجرب انا ليه اتنين واحد خلص تجارة وواحد فى رابعه والاتنين واخدين محاسبه ليه لانى على حسب كلامهم ان محاسبه هتشتغلى كل حاجة فى اى حاجة وبعدين طبعا انتى هتكونوا مخلصة ادارة اعمال وهتشتغلى على طول ده مستحيل انا ليه اخ شغال فى شركه غاز طبيعى وكان نفسه يشتغل فى الادارةبس دى عايزه وسطه جامده انا كنت ام اجى اقوله انا هدخل تجارة وادارة اعمال حلوان عشان انا بحب الادارة احسن من المحاسبه الغلسه على حسب كلامه يقول ليه هههههههه انت بتحلم بقول له ليه ياعم يقول كان غيرك اشطر المكان كان بيقى فاضى واقدم طلب علشان يشتغل فى محاسب فى الادارة كانوا يسيبوا المكان فاضى لحد ام يكونوا عنده واسطه جامده
يعنى مش لها لازمه الادارة بدون واسطه جامده اووووووى
يعنى المحاسبه برده علشان تشغل عايزه واسطه برده هههههه
انا عارف ان الدنيا كلها ماشيه بالوسطه
وبلاش تعقيد اكتر من كده وسبينى فى الهم بتاعى
bondok fady 09-09-2008, 11:55 AM وبعدين الادارة صعبة وعايزة تقدير جامد يعنى لو هتذكرى مذاكرة طب ادخلى ادارة اعمال واقدرى فيها مش تدبلرى سورى يعنى مهى دى الترو
سورى ان كنت غتت عليكى
بقولك يا بندق
انا اول مرة اسمع ان بنها مش معترف بيها
عموما هى معترف بيها دى جامعه حكومية
وقسم محاسبة هو احسن قسم ف تجارة
وليه شغل حلو اوى
وتعرف تشتغل ف اى بنك كدا
او حتى مكتب محاسبة
مع انها رخمه وبكرهها ومعرفش انا بنجح فيها ازاى اصلا
بس انا ناوية ان شاء الله انى ادخل قسم محاسبة عشان الشغل
وبالنسبة لبنها ادخلها وخلاص
ادام مجموعك جايبها
وابقى حاول تحول للقاهرة
اعتقد انه ينفع يعنى
وان منفعش انت مش خسران حاجة
تجارة e جامدة اوى برده واحسن من عربى
وكلها 4 سنين وتطلع منها ابقى استحمل المشوار بقى
عشان المستقبل
سؤال بس محيرنى
مش التنسيق خلاص ظهر
والمفروض ان جاتلك كليه خلاص؟؟؟؟؟؟؟؟
انت جالك ايه ف التنسيق؟؟؟؟؟؟؟
lamar 09-09-2008, 04:50 PM شكرا لصاحب الموضوع على النصايح الحلوة دى
وان كنت مش فى تجارة ولا احس بالحياة الجامعية
لظروف كليتى وعدد دفعتنا اللى هو 34 طالب و طالبة و اللى لما شوفتهم
لقيتهم الحمد لله ناس طبيعية
اما بالنسبة لbondok fady وان كان مش ليا حق ادخل
والاستاذ فامبير يفيدك اكتر
لكن بشوف ان موضوع قاهرة بنها او حتى حلايب و شلاتين مش بتفرق
ما دام عندك واسطة هتشتغل
و لو معاك كورسات و دورات يبقى هاتشتغل شغل احسن ( بس طبعا مع الواسطة برده )
دا طبعا باذن الله لو ربنا كاتبلك كده
mogym 10-09-2008, 01:08 AM موضوع جميل
صحيح انا مش تجارة لكن
دخلت كده حب استطلاع
على العموم ربنا يوفقكوا
ويهدينا جميعا للى فيه الخير
ymymym 10-09-2008, 02:53 AM ادعوا يارب ادخل تجاره انجليزي لسه نتيجتي مظهرتش
ahmed610 10-09-2008, 12:56 PM ان شاء اللة تدخلى يا ymymym بس انتى جامعة اية على فكرة انا زميلك فى تجارة انجلش القاهرة
bondok fady 10-09-2008, 04:16 PM ايه ياعلالالالالالا امال انا بكلم فى ايه من الصبح
بصى ياستى انا جاتلى تجارة انتظام بنها وكنت مسافر السعودية ولما التحويل بتاع التغريب بدا انا مش كنت عارف انه بدا...... المهم رضيت بنصيبى وقلت اقضى سنه اولى تجارة انجليزى بنها وبعدين احول القاهرة او عين شمس او حتى حلوان اى حته المهم اقرب من بيتى ........المهم روحت اقدم انجليزى وانا بكتب وبملى الدوسيه لقيت ورقه اسمها (اقرار) !!!!! عدم تحويلى لمده ال4 سنين بتوع تجارة انجليزى الى اى كليه تانيه ودى كانت الطامه الكبرى!!!!...؟؟؟المهم قدمت ملف الشعبة وبعدين عرفت او بابا عرف ان انا قبلت فى تجارة انجليزى وانا كنت بدعى ان انا مش ادخلها لانى عايز احول القاهرة وبابا عامل يرزل عليه علشان ادخل وانا مش راضى لانى خايف لانى مرتحش للكليه دى ودنى اندم الاربع سنين وغير كده وكده انا عايز ابقه خريج القاهرة مش عارف ليه بس انا عايز كده علشان كده هقرر ان انا نش دافع المصاريف بتاعة الشعبة هتروح الكليه سحب الملف بتاعى من الشعبة وبكده اكون ارتحت شويه مع انى كنت بحلم ان ادخل الكيه دى بس مفيش حل غير كده !!!!
والله فهمت خلاص
بس نصيحه يعنى تدخل تجارة e
مستقبلها جامد اوى
ومش فارقة بقى جامعه ايه
لو مشيت فيها اول سنه كمل بنها عادى
ولو لا قدر الله ممشتش فيها ابقى حول اى جامعه تانية تجارة عربى
وهات الذنب على باباك وانت اللى صممت انى اخش e
semsema_semsema 10-09-2008, 09:39 PM بما انك ياعلا تقريبا فى تانية تجارةفياريت تفيدينى فى الموضوع دا
انا سمعت ان فى تجارة مجموعة للمتميزين للى جايبين مجاميع عالية عايزة اعرف اية نظام المجموعة دى
وانا صاحبتى جايبة 92,7 فهل هى هتبقى فى المجموعة دى ولا لاء ولو هتبقى فيها ياريت تقوليلى كل حاجة عنها
معلش ياجميل هتعبك معايا
ولا تعب ولا حاجة يا قمر
بس المجموعه دى بيخشها اللى جايبين مجاميع عاليه
وصاحبتك دى يا تلحقها يا متلحقهاش
بس هما بياخدوا منهج غير بتاعنا تقريبا
وحاجات اصعب وزياده عن بتاعتنا كمان
والدراسه فيها بالانجليزى
وهى مستقبلها احسن برده م العادية
انتى ادعيلها تلحقها بقى
وهما بياخدوا بالمجاميع العاليه ويبتدوا ينزلوا بيها
لحد ما يستكفوا بالعدد
semsema_semsema 10-09-2008, 09:54 PM يعنى تقريبا بياخدوا من كام وهى جايبة 92,7 يعنى تلحق ولا لاء
vampire1188 10-09-2008, 10:01 PM السلام عليكم ورحمة الله وبركاته
ازيكم ياجماعة
انتوا هتنزلوا فى رمضان ولا هتطنشوا بس صراحة انا نفسى انزل لانى حاسة انهم هيشرحوا من اول محاضرة
وسؤال تانى بس ده بعيد شوية ايه افضل المحاسبة ولا ادارة الاعمال
انا باحب الادارة ونفسى تكون تخصصى بس لاقيه هجوم فظيع حد يفيدنى
انا كنت هانزل ردي عليكي من ضمن ردود على ناس تانية ..
بس اتلاقيت سؤالك محتاجله رد لوحده ..
بصي .. انتي دفعتي .. يعني عارفه تاريخ الكلية زيك زيي ..
فا انا مش هاتفزلك ومش هاعمل فيها اني خبير تجاري في الشئون الجامعية !!
بالنسبة لإنك قولتي لانى حاسة انهم هيشرحوا من اول محاضرة
مممم .. ماعتقدش .. دائما المحاضرة الأولى بتبقي محاضرة تعريف عام بالمادة ..
بس انا كدا كدا نازل اول يوم برده زيك .. مش عشان محاضرات ..
بس تقدري تقولي جو الجامعة وحشني .. عايز اقعد معا صحابي زي قعدات زمان كدا !
اما عن سؤالك التاني بقي ايه افضل المحاسبة ولا ادارة الاعمال
لكل قسم خصائصه .. والخصائص دي بترجع ليكي انتي .. لمقومات تفكيرك ..
قسم المحاسبة .. عايزة واحد/واحده يكون دماغه حلوة في الرياضة ..
مش مسطول .. مصحصح .. فاهم .. اخر حاجة يلجأ ليها الحفظ ..
واللي اهم من دا كله .. مايكونش احول في نقل الارقام واظن انتي تلاقيكي مجربة دا في امتحان من الامتحانات !! .. خاصة اني شوفت امتحان السنة اللي فاتت (الشركات) بتاعكوا في مجموعة هـ .. كان سهل .. بس طويل شويتين .. بس سمعت ان اللي كان حاطط الامتحان كان اول مرة يحط امتحان اصلا !!
اما قسم الادارة .. فدا عايزله واحد يكون دماغة استراتيجية .. بيفكر صح ..
او لو نفع نصيغها بالعربية الفصحي .. راجل .. (مفكار!) .. بمعني انه بيفكر كتير ..
يكون جامد في الحفظ .. واللي اهم من دا برده كله ..
يكون عنده طموح عالي .. لإن من المتعارف عليه ان اللي بيشتغل شغل اداري .. بيوصل ..
بالنسبة بقي لمستقبل القسمين دول ..
المحاسبة .. لو كانلك واسطة تقيله اوي .. تشتغلي في بنك او شركة بترول ..
لو على قد حالك وهتاتاخديها سلمة سلمة .. يبقي مكتب محاسبة ..
لو مافيش خااااااالص .. يبقي اعتقد انك هاتشتغلي في مجال غير دراستك اصلا !! ودا اللي غالبا بيحصل !
الادارة .. عايزالها واسطة تقيله برده .. دا في مجالين .. مجال البنوك .. والمؤسسات الاستثمارية ..
زي موبينيل .. فودافون .. اتصالات .. بن لادن .. طلعت مصطفي ..
يعني اسماء مشهور زي دي .. بتجازي موظفينها ماليا حلو اوي .. بس طبعا بعد مابيطلع عينه ..
بس عموما .. شغل المحاسبة .. بيعتمد على التدريب ..
يعني مثلا .. لو روحتي لمكتب محاسبة وانتي تقديرك على قده .. بيبصوا للتدريب .. لو اتدربتي ولاقوا شغلك كويس .. بياخدوكي ..
اما الادارة .. فا لو روحتي شمال او يمين .. هاتتلاقيهم بياخدوا التقديرات العالية ..
بمعني ان تقديرك لا يقل عن جيد جدا ..
من الاخر .. نقدر نصيغ مستقبل تجارة في معادلتين ظراف اوي ..
خريج محاسبة + (تقدير/تدريب) + كورسات انجليش مكثفة + دبلومة محاسبة اذا امكن = شغل كويس ..
خريج ادارة + (تقدير) + واسطة تقيله + دبلومة hr + حسن المظهر والتعامل = شغل تمام ..
جيتي انتي بقي بعد دا كله وقولتي انا باحب الادارة ونفسى تكون تخصصى
وانا والله العظيم زيك بالظبط .. بس لغاية دلوقتي برده مش قادر احدد بالظبط ..
اللي هايحدد ان شاء الله فعلا .. السنة دي .. لو جيبت جيد جدا ان شاء الله السنه دي ..
اعتقد اني هابدأ افكر في قسم الادارة .. خاصة اني الحمدلله اتدربت الصيف دا ..
وكان تدريبي في قسم اداري .. مش محاسبي .. واتلاقيت ان شغلهم حلو وعجبني ..
ودا اللي خلاني اني ابدأ افكر في الادارة واميزها عن المحاسبة .. ;)
عموما اللي يجيبه ربنا خير ..
ما هو السنة الى فاتت خدوا من 92 او 93
مش فاكرة اوى
بس تنسيق السنة اللى فاتت غير تنسيق السنادى خالص يعنى
التنسيق نزل اوى
وهى ممكن تلحقها عشان كدا
وزى ما قلتلك على حسب المتقدمين
هيفضلوا ياخدوا بالمجاميع العاليه بعد كدا ينزلوا
وهى ممكن تلحقها ان شاء الله
عشان المجاميع اصلا قليلة
semsema_semsema 10-09-2008, 10:14 PM ميرسى ياعلا تعبتك معايا
vampire1188 10-09-2008, 10:20 PM بالنسبة ليك انتا بقي يا بندق .. هااااااااا
عشان كلامي موجهلك مش موجه لحد تاني ..
بالنسبة ليك .. احساسي بيقولي انك اتعقدت من الكلية من قبل ماتخشها !
هاقولك لأ .. استهدي بالله كدا وشغل الجمجمة ..
انتا لو استحملت اربع سنين اثناء مانتا بتدرس .. يعني بتاخد مصروفك .. مش شايل هم جواز ولا شغل ولا مصاريف ولا بيت ولا اي حاجة من دول .. احسن من اما تستحمل بعد ماتتخرج .. في انك تقعد تلف وتدور على شغل ..
واما ييجي يسألوك انتا بتشتغل ايه تقولهم من كتر مانا بدور على شغل مش فاضي اشتغل !!
المستقبل زي ماقولتلك قبل كدا مش وردي ..
يعني سواء اتخرجت من تجارة عربي او تجارة انجليش .. او تجارة ارميني !! ..
لازم برده هايطلع عينك في انك تلاقي شغل .. دا لو مكانلكش واسطة ..
لكن لو ليك .. يبقي تبوس ايدك وش وضهر وتحمد ربنا ...
عايزك تحط في دماغك ان من جامعة القاهرة بيتخرج بس 18 الف واحد سنويا من كلية تجارة عربي ..
و حوالي 1500 بس من تجارة انجليش ..
لو حسبت النسبة مابين تجارة عربي وتجارة انجليش .. هاتلاقي النسبة تقريبا 12 : 1
يعني كل واحد من خريج انجليش .. قصادة 12 واحد من خريج عربي ..
طب بالله عليك .. يفضلوا مين ؟ ..
انا مش هاجاوب .. هاسيبلك الاجابة ..
بس اللي اقدر اقولهولك .. انك ماتبقاش محبط ..
وماتسيبش حد يحبطك .. لإن الاحباط نفسه مقوم من مقومات الفشل ..
وعلى فكرة انتا اما تخش الجامعة هاتتلاقي من عينات المحبطين دي كتير اوي ..
دا حتى بقي فيه احباط من نوع تاني جديد ظهر ..
بس مش موضوعنا دلوقتي ..
انتا نصيبك كدا .. نصيبك انك في بنها ..
استحمل دلوقتي .. وانتا ان شاء الله بعد كدا ربنا يكرمك ..
ميرسى ياعلا تعبتك معايا
ولا تعب ولا حاجة يا قمر
بالنسبة ليك انتا بقي يا بندق .. هااااااااا
عشان كلامي موجهلك مش موجه لحد تاني ..
بالنسبة ليك .. احساسي بيقولي انك اتعقدت من الكلية من قبل ماتخشها !
هاقولك لأ .. استهدي بالله كدا وشغل الجمجمة ..
انتا لو استحملت اربع سنين اثناء مانتا بتدرس .. يعني بتاخد مصروفك .. مش شايل هم جواز ولا شغل ولا مصاريف ولا بيت ولا اي حاجة من دول .. احسن من اما تستحمل بعد ماتتخرج .. في انك تقعد تلف وتدور على شغل ..
واما ييجي يسألوك انتا بتشتغل ايه تقولهم من كتر مانا بدور على شغل مش فاضي اشتغل !!
المستقبل زي ماقولتلك قبل كدا مش وردي ..
يعني سواء اتخرجت من تجارة عربي او تجارة انجليش .. او تجارة ارميني !! ..
لازم برده هايطلع عينك في انك تلاقي شغل .. دا لو مكانلكش واسطة ..
لكن لو ليك .. يبقي تبوس ايدك وش وضهر وتحمد ربنا ...
عايزك تحط في دماغك ان من جامعة القاهرة بيتخرج بس 18 الف واحد سنويا من كلية تجارة عربي ..
و حوالي 1500 بس من تجارة انجليش ..
لو حسبت النسبة مابين تجارة عربي وتجارة انجليش .. هاتلاقي النسبة تقريبا 12 : 1
يعني كل واحد من خريج انجليش .. قصادة 12 واحد من خريج عربي ..
طب بالله عليك .. يفضلوا مين ؟ ..
انا مش هاجاوب .. هاسيبلك الاجابة ..
بس اللي اقدر اقولهولك .. انك ماتبقاش محبط ..
وماتسيبش حد يحبطك .. لإن الاحباط نفسه مقوم من مقومات الفشل ..
وعلى فكرة انتا اما تخش الجامعة هاتتلاقي من عينات المحبطين دي كتير اوي ..
دا حتى بقي فيه احباط من نوع تاني جديد ظهر ..
بس مش موضوعنا دلوقتي ..
انتا نصيبك كدا .. نصيبك انك في بنها ..
استحمل دلوقتي .. وانتا ان شاء الله بعد كدا ربنا يكرمك ..
انا معاك برده ف رأيك ده يا فامباير
vampire1188 10-09-2008, 10:59 PM طب كويس ..
اهو ياعم بندق .. علا رأيها من رأيها ..
اخواتك على عنينا وعلى راسنا ..
بس فيه اختراع اسمه طموح ..
اوعي تيأس .. حتى لو الدنيا كلها في وشك .. خليك على طريقك .. طالما انتا بتطلب حاجة مشروعة ..
وبعدين انا وعلا في تانية ..
يعني عارفين الكلام اللي بنقولهولك كويس ..
ومش هاننصحك من فراغ ..
تجارة انجليش فعلا بياخدوا مناهج ازيد من تجارة عربي ..
وهاتلاحظ دا في مواد الـ F.A الترم التاني
و الـ Economy في بعض الابواب ..
و الـ Business و الـ Management
اتكل على الله وسيبك من الكلام المحبط دا ..
minerva 11-09-2008, 12:57 AM يا جماعه كنت عايزه اعرف ايه مجموعه المتميزين ديه وهل انا بقدم فيها ولا هما بياخدوالمجمايع العاليه من
الكشوفات وانا جايبه 90.7 % فهل كده هبقى فيها ولا ايه ؟
بصى هو المفروض دى بتقدملها
بس هى ممكن متجلكيش
السنة اللى فاتت خدت من 92 او 93 تقريبا
يعنى يا تلحقيها يا متلحقهاش بقى
انتى وحظك
بس قدملها احتياطى
Hanoda 11-09-2008, 02:01 AM انا عاوزة اعرف كل حاجة عن المجموعة المميزة في تجارة ؟
وايه هي شروطها ؟
وهي ليها تنسيق داخلي ولا لأ؟
وبتاخد من كام تقريبا؟
وهي ليها تقديم ولا الكلية بترشحها علي حسب المجموع ؟
وهل دراستها بالانجليش؟
وايه مستقبلها؟
وهل هي زى تجارة عربي ولا افضل؟
انا جايبة 90% ادبي و45 درجة الانجليش
وقدمت تجارة انجليش القاهرة وفرقت معايا علي درجة فهل ممكن انضم للمجموعة دى
vampire1188 11-09-2008, 03:00 AM اهو .. قعدتي ترغي يا علا في المجموعة المميزة ؟!
اهو البشر كلها هاتقعد تسأل عليها بقي ..
عموما .. المجموعة المميزة دي حاجة كدا اسبيشال غير اي مجموعة تانية ..
بتاخد اعلي مجاميع اتقدمت للكلية .. بمعني اصح ..
بتاخد اعلي ناس في المرحلة الاولي بتاع التنسيق ..
عددهم كام ؟ .. مش فاكر والله ..
بس هيا اه .. ليها تقديم .. سواء للناس اللي لسه داخلين اولي ..
او اللي عايزين يحولولها في تانية او تالته ..
تقدميلها ازاي ؟ .. تروحي شئون الطلبة وتقوللهم عايزة استمارة المجموعة المتميزة ..
تمليها وتديهاله .. بس شرط الاستمرارية في المجموعة دي .. انك تجيبي جيد جدا على الاقل ..
او على حسب ماتحدد الكلية .. ممكن ياخدوا الاوائل .. وينزلوا بالمجاميع واحده واحده لغاية مايستكفوا ..
اما بالنسبة للغة الدراسة .. فهيا اللغة العربية .. بس محاضراتهم بتبقي في مبني انجليش ..
اما مستقبلها .. فزي الفل ..
يدوبك تخلصي البكالريوس بتاعك .. وتتخطفي ..خاصة انها بتبقي مكتوبة على شهادة التخرج مجموعة مميزة ..
تتخطفي دي مش مبالغة .. دا فعلا ..
في مرة د/عادل زايد العميد السابق للكلية .. دخل في محاضرة .. وقال ان في مرة واحد جاله طلب منه انه يختارله 20 واحد عشان ياخدهم يشتغلوا في البورصة .. خضعوا لكورسات تدريبة مكثفة مجانية .. وبيقولك مرتب الواحد فيهم لا يقل عن 15 الف دلوقتي في الشهر .. وبيقولك على الاساس دا عملوا المجموعة المميزة .. عشان مايبقاش فيه تواطؤ او واسطة ..
وهل هي زى تجارة عربي ولا افضل؟
هيا هيا تجارة عربي .. بس الفرق ان اللي بيدرسلهم دكاترة من الناس الجامدة يعني امثال د/البشبيشي ..
وفرق تاني .. انهم اثناء الاجازات هما اول ناس بترشحهم الكلية انهم يروحوا ياخدوا دورات تدريية ..
يعني بالبلدي كدا .. بيبقوا في الوش دايما .. ليهم الاولوية يعني ..
فهل ممكن انضم للمجموعة دى
مممممممم .. الله اعلم .. روحي استفسري في شئون الطلبة وهما يقولولك المفيد
بس معلومة بقي مني زيادة كدا ..
فيه قسم من اقسام تجارة القاهرة .. غير معروف لبعض الطلبة ..
وهوا قسم اسمه .. " القسم الاكتواري " ..
القسم الاكتواري دا .. احسن من اي قسم تاني موجود في اي كلية من كليات تجارة في مصر ..
لإن القسم دا معتمد اعتماد كلي .. على الرياضة .. جميع المواد اللي فيها رياضة ..
مميزات القسم دا .. ان عددهم كلهم على بعض لا يزيد على 20 واحد ..
اذن فمجال العمل فيه هايبقي واسع جدا جدا جدا .. ودا اول مابيتخرج بيتخطف خطف ..
غير ان الدراسة فيه كلها انجليش ..
>> عشان تخشه .. لازم تكون في الثانوية العامة انتظام .. وعلمي رياضة ..
بتخش امتحان تحديد مستوي فيه .. لو نجحت بتتاخد .. مانجحتش يبقي تشوف رزقك بقي !!
فيه طريقة تانية .. بس لبتوع تجارة انجليش فقط ..
تخش سنة اولي تخلصها .. وتقدم على امتحان تحديد المستوي فيه ..
نجحت خير وبركة .. مانجحتش .. كمل في انجليش عادي جدا ..
بس بجد خريج القسم الاكتواري دا .. ماشاء الله عليه ..
شغله مش في مصر اساسا .. دا يطلع يشتغل بره ..
يعني من الاخر .. خريج اكتواري تجارة (في الشغل) .. زي خريج هندسة طيران من الهندسة ..
sidof 11-09-2008, 03:28 AM انا انتساب علمى رياضه وجايب 45 انجليزى ماينفعش ادخله؟؟؟؟؟؟؟؟
vampire1188 11-09-2008, 03:36 AM انا انتساب علمى رياضه وجايب 45 انجليزى ماينفعش ادخله؟؟؟؟؟؟؟؟
مانا قولتلك الشروط ..
انتظام - علمي رياضة ..
لإنك بعد كدا بتخش امتحان تحديد مستوي .. ودا بيبقي شامل ..
انجليش ورياضة في نفس الوقت ..
عشان كدا اللي بيعديه بيبقي يستحق انه يخش القسم دا ..
مابياخدوش غير النوابغ في الرياضة ..
sidof 11-09-2008, 03:42 AM اوك
شكراا
wanda 11-09-2008, 03:48 AM انا جيت اقولكوا عايزين حاجة
واسلم عليكوا معليش مبقتش بدخل كتير علشان
مش فاضية اليومين دول
انتوا وصلتوا لحد التخصص كما
ام هند:d
هو فى قسم من تانيه لعلمى رياضه وبس ؟؟؟
ولو فية ايه اللى هيدرس فيه
ولو ممكن يعنى تنزلولى مواد اولى تجارة انتساب وكل مادة من كام
والمجموع الكلى كمان من كام لو فيها رخامة يعنى
هو ايه نظام جدول انتساب السنه اللى فاتت
كان كلةمحاضرات لحد المغرب ولا فية الصبح وعلى المغرب
يوم كده وويوم كده يعنى هشوف الرد بكرة بقى يلا سلام :p
sidof 11-09-2008, 03:54 AM فامبير ده هو اللى العمود الفقرى لمنتدى كلية تجاره
عارف كل حاجه
انا متهيألى لو واحد تانى متخرج من كلية التجاره مش هيعرف ربع المعلومات اللى عارفها
vampire1188 11-09-2008, 04:02 AM لا وبكره ليه ؟! .. انتي معاكي احسن خدمة عملا في النت !!
الرد فوري على طول !
بصي ياستي .. اول سؤال مش فاهمة بتاع تانية وقسم رياضة دا ..
تاني سؤال بتاع مواد اولي انتساب ..
الترم الاول : محاسبة مالية ، موارد اقتصادية ، تنظيم وادارة ، رياضة بحتة ، سلوك انساني ..
الترم التاني : محاسبة مالية e ، ادارة e ، قانون تجاري ، مبادئ اقتصاد ، محاسبة شركات اشخاص ..
كل مادة بقي من دول .. من 20 درجة ..
التقديرات .. من 6 ل 8 ضعيف جدا .. ومالوش رأفة ، من 8 ل 10 ضعيف .. وليه رأفة لو أزمت معاكي اوي ..
من 10 ل 12 مقبول .. من 13 ل 15 جيد .. من 16 ل 17 جيد جدا .. من 18 ل 20 امتياز ..
المجموع الكلي .. اللي بيتحط في شهادة التخرج 800 ..
كل ترم ب 100 درجة .. يعني السنة كلها ب 200 درجة ..
التقديرات .. من 100 ل 128 .. مقبول .. من 130 ل 158 جيد .. من 160 ل 188 جيد جدا ..
من 180 ل 200 امتياز .. يرزقنا ويرزقك بيه ربنا !!
بالنسبة للجداول عامة .. مابتثبتش على حالها ..
اللي محطوطلك هوا اللي بتتعودي عليه طول الترم ..
في الجداول بالذات .. اعملي بقول .. ارض بما قسمه الله لك !!
بس عامة .. في تجارة .. محترمين الناس في حاجة واحده ..
وهوا ان المحاضرات اللي بتبقي في يوم معين .. بتبقي ورا بعض .. وفي مدرج واحد ..
vampire1188 11-09-2008, 04:05 AM فامبير ده هو اللى العمود الفقرى لمنتدى كلية تجاره
عارف كل حاجه
انا متهيألى لو واحد تانى متخرج من كلية التجاره مش هيعرف ربع المعلومات اللى عارفها
ربنا يخليك يا sidof .. دا من زوقك والله .. :rolleyes:
wanda 11-09-2008, 04:06 AM طب التقدير اللى بيتخد فى التحويل من انتظام لانتساب
التقدير العامل ولا لازم كل المواد جيد:d
وسؤالى سمعت ان فى قسم فى تانيه لعلمى رياضة وبس
هل فعلا موجود والدراسه فيها ايه الفرق بينها وبين اللى من علمى رياضه:D
vampire1188 11-09-2008, 04:16 AM اولا .. هني نفسك لإن مشاركتك هيا المشاركة ال 100 في الموضوع !!
ثانيا .. عشان تحولي من انتظام لإنتساب لا بد من تحقق عاملين ملازمين لبعض ..
> العامل الاول ان تقديرك العام في نهاية السنة يكون لا يقل عن جيد ..
> العامل التاني انك تكوني طالعة صافي .. بمعني انك ماتشيليش اي مادة ..
معا العلم .. ان ممكن بكل بساطة يتحرق دمك ازاااااااااااي ؟!
ممكن ماتجيبيش جيد .. دانتي تجيبي جيد جدا كمان .. بس تكوني شايله مادة ..
في تلك الحالة .. مش هاتحولي .. والعكس صحيح برده ..
عشان كدا قولتلك من الاول ماتحوليش انتساب .. ركبتي دماغك برده .. انتي حرة بقي ..
بس ملحوظة .. مش معني ان تقديرك العام يكون جيد انك تكوني جايبه جيد في كل مادة ..
لا مش مشكلة .. المهم ان مجموعك العام مايقلش عن 130 في السنة او 65 في الترم ..
بالنسبة لسؤالك التااني عن قسم في تانية لعلمي رياضة بس .. ماسمعتش انا صراحة عن قسم كدا في الكلية خالص !
غير قسم اكتواري دا .. ودا بيبقي زي ماقولت التخصص من اولي على طول ..
بس طبعا بعد المرور بامتحان ال placment ..
او انك تكوني داخلة تجارة انجليش سنة اولي (وات ايفر بقي علمي او ادبي) ..
وتخشي امتحان ال placment بتاع القسم وانتي ورزقك بقي ..
alaaoeldin1 11-09-2008, 08:21 AM شكرا على المعلومات القيمة
انا ان شاء الله اولى انجليش القاهرة 96% ادبى
س1 هل يتم نقسيم المجموعات حسب الاسم فى تجارة انجليش
بمعنى لو كان هناك 50 اسم احمد تكون المجموعة كلها احمد بفتراض ان العدد الاجمالى 50 اسم يعنى مفيش
فى هذة المجموعة بنات (مش قصدى حاجة)
س2 ماهو العدد لكل مجموعة
س3 انا ممكن ادخل اكتوارى مع انى ادبى وامتى يتم دخولة
bondok fady 11-09-2008, 02:47 PM شكرا ليك يافامبير انت وعلالا انتوا بتفيدونى اوووووووى ولله :)
انا مش عارف اقول ليك ايه انت وعلالالا
بس انشاء الله هنتقابل فى الجامعة بعد العيد معه اصاحبى اللى فى الجامعةعندكوا وابقى لقوللك امته هنزل علشان نتشرف بمعرفيك انت وعلالالا انشاء الله:lol:
وانا فى حكاية بنها اخوية نازل من السعودية الاسبوع اللى جااااااااى وهو الى هيقول لدنى فى بنها ولااحول السنه اللى جاية انشاء الله وشكرا ليك انت وعلالالالالالالالالالا مرة اخرى.......
minerva 11-09-2008, 03:04 PM مرسى ليك يا فامبير اوووووووووووى انا اعدت اتصل بالكليه النهارده من الساعه 10 ل 12 و طبعا لا حياه لمن
تنادى ففعلا اسرع خدمه نت
وبصراحه ما فضلش غير انك تتبنانا:d
وانا ممكن مثلا اققدم فيها السنه الجايه لو مقبلتش فيها السنه ديه ؟
alaaoeldin1 11-09-2008, 03:58 PM شكرا على المعلومات القيمة
انا ان شاء الله اولى انجليش القاهرة 96% ادبى
س1 هل يتم نقسيم المجموعات حسب الاسم فى تجارة انجليش
بمعنى لو كان هناك 50 اسم احمد تكون المجموعة كلها احمد بفتراض ان العدد الاجمالى 50 اسم يعنى مفيش
فى هذة المجموعة بنات (مش قصدى حاجة)
س2 ماهو العدد لكل مجموعة
س3 انا ممكن ادخل اكتوارى مع انى ادبى وامتى يتم دخولة
مستنى ردك والف شكر in advanced
wanda 11-09-2008, 04:04 PM اوك شكراا بس انا عنادية وعايزة اثبت لنفسى حاجة مش مهم تعرف
انا حولت ليه من انتظام لانتساب عايزة اثبت حاجة وان شاء الله
هثبتها :d
ام هند
شكررا على المعلومات ومبروك ليا انى كنت المشاركة ال100 فى الموضوع فين الهداية :p
hero_paradise 11-09-2008, 04:06 PM كلاااااااااااااام زى العسل . بس الناس هتجرب برده
bondok fady 11-09-2008, 04:30 PM بس نصيحه يعنى تدخل تجارة eولو لا قدر الله ممشتش فيها ابقى حول اى جامعه تانية تجارة عربى
وهات الذنب على باباك وانت اللى صممت انى اخش e
ايه ياعلا انتى ناويه تخللينى فى الجامعة اللى انا مش طايقها ولا ايه وبعدين الواحد نفسه يخلص بقه من الهم الهو شيله بقى ويبدا حياته العمليه
الذنب على بابا ولكن العمر عليه ان ولا ايه
ابقى قوليلى رايك
وانت ياعم فامبير انت مش فى الموضوع ولا ايه مت صلى ع النى وقول رايك
سلالالالالالالالالالالالالالالالالالام والى لقاء اخر انشاء الله
منا قلتلك يا ابنى ادخل تجارة e
عشان مستقبلك
ومتتخللش فيها بس ابقى اطلع صافى منها
بقولك ايه يا فامباير
يلا ما هو كله بيسالك
يعنى جت عليا
المهم
ايه حكايه القسم الاكتوارى ده؟؟؟؟؟
انا علمى رياضة وانتظام
انا ينفع ادخله دلوقتى ولا لأ؟؟؟؟؟؟؟
والمفروض ف سنة اولى بس
!DreAmeR! 11-09-2008, 06:00 PM بسم الله الرحمن الرحيم
الاجابة هى سيد
والسلام عليكم ورحمة الله وبركاته
realman0129 11-09-2008, 07:00 PM علي فكرة يا وندا نزلي كل الجداول اللي في الموقع التاني انا نزلت الجامعة وكل الجداول اللي انتي نزلتيها صح الجداول اتعلقت خلاص قدام باب الكلية انا قلتلكم عشان اللي يحب ينزل يجيب الجدول قبل الزحمة في اول يوم
wanda 11-09-2008, 07:57 PM اقول فيك ايه يا فامبير وااااااااااااااء
الجدول صح شوفت بقى انا مش بهرج
وهما صح يا بنى متعلقه فى الجامعه كده
انا بنت خالى نزلت بردو النهارده وشافتها
وقالتلى صح زى مابعتهولى
رجعى بقى تانى يا هابى الموضوع من
wanda 11-09-2008, 08:16 PM معلش النت فصل واتبعت الرد لوحدة
ابقى نزل انت بقى الجداول تانى يا فامبير
علشان انا تعبت فيهم وفى الاخر ضاعت فى الهوا
مش بلومك بص هى طلعت صح انت اللى هتنزلهم بردك :p
alaaoeldin1 11-09-2008, 09:43 PM مستنى ردك والف شكر in advanced
اين انت ياجميل
مستنى ردك بفارغ لصبر
طمطومة 12-09-2008, 12:27 AM السلام عليكم ورحمة الله وبركاته
وميرسى لردك يافامبير
قسم المحاسبة .. عايزة واحد/واحده يكون دماغه حلوة في الرياضة
انا اصلا علمى رياضة وجبت فى الرياضة 20
بس انا شايفة انهم مالهمش علاقة ببعض غير الارقام
انا مش باحبها وهاكره نفسى هاعيش عمرى كله بعد الدراسة وسط ارقام انا عايزة حاجة فيها حياة
اما قسم الادارة .. فدا عايزله واحد يكون دماغة استراتيجية .. بيفكر صح ..
لما اخدنا ادارة السنة اللى فاتت طبعا هى كانت مبادى بس حسيت انى بادرس شئ مفيد او بمعنى اصح مش هامل من دراسته بالرغم انى باكره الحفظ بس اقدر احفظ يعنى
بالنسبة للواسطة بقى معانا ربنا
على فكرة انا بعد مااخلص ان شاء الله فى مكان مرموق احتمال اشتغل فيه بس انتوا ادعولى
يلا بقى اسالكم سؤال
هى مادة الحاسب الالى اللى فى تانية دى هتكون عن ايه يعنى هتبقى دراسة محاسبة ولا اى سى دى ال ولا عن مكونات الحاسب
ولو كدة هتبقى نظرى ايه فايدتها بالنسبة لينا
vampire1188 12-09-2008, 01:47 AM ايه يا جدعان .. هوا انا كل مرة ماخشش فيها النت يوم ..
ارجع الاقي ردود قد كدا ماشاء الله ؟!
بالراحة عليا يا جماعة .. واحده واحده ..
نرد ونشوف بقي ..
بسم الله .. احم احم ..
> طبعا حطيتك يا alaaoeldin 1 عشان باين عليك متابع .. وبعتذرلك لو كنت اتاخرت في الرد يعني ..
بالنسبة لسؤالك س1 هل يتم نقسيم المجموعات حسب الاسم فى تجارة انجليش
مممم .. اللي اعرفه ان تجارة انجليش بتتقسم لمجموعتين رئيسيتين ..
مجموعة A ودي محاضراتهم داخل الجامعة في مبني الكلية بتاع الشعبة ..
مجموعة B ودي محاضراتهم خارج مقر الجامعة الرئيسي ..
وبياخدوا المحاضرات في مقر الجامعة في الشيخ زايد (6 اكتوبر)
غير كدا .. ماعتقدش ان فيه تقسيم داخلي .. كله سداح مداح في بعضه ..
س2 ماهو العدد لكل مجموعة
قولنا ان مافيش غير مجموعتين A و B قبل كدا ..
بالتالي .. فإن عدد تجارة انجليش .. مثلا لو كان 1500 ..
يبقي مجموعة (A) هاتبقي 750 طالب .. ومجموعة (B) هاتبقي 750 طالب برده ..
س3 انا ممكن ادخل اكتوارى مع انى ادبى وامتى يتم دخولة
انا الشروط قولتها واضحة قبل كدا ..
بما انك في تجارة انجليش .. ممكن تحولها بس بعد السنة الاولي وتقديرك مايكونش اقل من جيد ..
بتخش امتحان ال placment لو عديته خلاص بتخشه .. ماعديتوش بتكمل عادي في الشعبة بتاعتك ..
> بالنسبة ليكي يا minerva .. طبعا اشكرك على مجاملتك دي .. وربنا يخليكي ..
بس سؤالك مش واضح المعالم .. ياريت تبقي توضحيه اكتر شوية فيما بعد ..
> بالنسبالك يا علا .. ايه حكايه القسم الاكتوارى ده؟؟؟؟؟
غريبة يعني ! .. ان ماكنتيش دفعتي .. ايه قاعدة ولا عارفه حاجة عن الكلية كدا ؟!
ماعلينا .. انتي رياضة وانتظام ؟ .. طب والله كويس ..
اعتقد انه ينفع .. بس فيه شرط ممكن يكون مش جاي عليكي .. وهوا حكاية الجيد دي ..
عشان ماضللكيش وتسيحيلي بعد كدا هنا في المنتدي .. اتأكدي من شئون الطلبة اكتر ..
بس عموما .. امتحان ال placment بتاعهم .. في منتهي الغباوة ..
عشان انا فيه واحد جاري في سنة رابعة فيه دلوقتي .. وبيقولي دراستها من اغبي مايمكن !!
بس ملحوظة صغيرة لكل اللي جاي بيسأل بقي عن قسم الاكتواري دا ..
هيا مش موضة ..
بمعني ان علا قالت وسط الكلام .. المجموعة المتميزة .. قومتوا كلكوا سائلين على المتميزة ..
شوية قومت انا قايل الاكتواري .. قومتوا كلكوا عايزين تعرفوا ايه الاكتواري دا !!
انا واحد من الناس اهو .. عارف والحمدلله زواريق الكلية .. معا اني لسه في تانية ..
بس الحمدلله بلف وبسأل .. كان في امكاني اني اخش اي قسم من دول ..
بس عشان اخشه .. لازمله شروط .. والشروط مش سهلة .. والا كان القسم فتح للكل بقي !
الشروط انا قولتهالكوا اهي .. وواضحة وضوح الشمس ..
عموما .. نصيحة بقي مقدمة مني لبتوع اولي اللي لسه داخلين جداد .. سواء انجليش او عربي ..
اول ماتخشوا الدراسة بعديها بإسبوعين كدا .. اسألوا على مركز البحوث التجارية ..
خشوه .. واسألوا على الكورس التدريبي بتاع البورصة ..
هوا رخيص .. ب 50 جنيه بس .. ومدته تقريبا اسبوعين ..واخر 3 ايام بتروحوا البورصة وتتعاملوا هناك بنفسكوا ..
واحد صاحبي دخله وقالي عليه انه كويس .. بس للاسف مادخلتوش انا عشان كان عندي ظروف مرضية منيلة ..
بس ان شاء الله هابقي اخشه معاكوا بقي ..
فيه برده حاجة تانية وهيا حكاية كورسات الانجليش ..
اسألوا على مبني اسمه مركز خدمة المجتمع ..
في امكانكوا انكوا تاخدوا كورسات انجليش او فرينش اثناء الدراسة هناك ..
الكورس الواحد مدته شهر تقريبا .. وب 150 جنيه .. ومدعوم من ال IBI (المعهد البريطاني)
فيه برده عندكوا مبني البحوث والدراسات الافريقية .. بيقدم كورسات كويسه في التنمية البشرية ..
فيه بلاوي كتيره جدا في الجامعة غير اللي قولته دا .. بس اللي يسعي ويدور بقي ..
vampire1188 12-09-2008, 01:57 AM يالنسبة ليك يا بندق يا تاعبني معاك !! ..
قبل اي حاجة .. جامدة اوي الصورة اللي انتا حاطتها في الصورة الرمزية دي !!
يابني حرام عليك .. هوا انا بتكلم ياباني ؟! ..
شرحتلك الوضع قبل كدا .. عايزني اعملك ايه بقي ؟ .. انقلك جامعة القاهرة عندكوا في بنها عشان تستريح ؟!
يابن الناس .. جامعة القاهرة شعبة انجليش .. في 2007 كانوا واخدين 700 واحد بس ..
في 2008 السنة اللي فاتت كانوا واخدين 1500 .. وقسموهم مجموعتين .. اللي في القاهرة كانوا 750 بس ..
يابني انتا لو نفضت لأي مميزات تانية .. وبصيت للعدد بس .. هاتقول الله يحرق شعبة العربي على اللي اخترعها ..
طب انا عايزك تتخيل انك في اول يوم دخلت شعبة انجليش .. واتلاقيت ان عددهم 700 واحد بس ..
وكلهم حاضرين .. واليوم اللي بعده حولت شعبة عربي .. ولاقيت ان نص الشعبة (في مجموعتك بس) هيا اللي حاضرة .. وسألتهم انتوا كام يا جماعة هايقولولك احنا 2000 او يزيد .. والنبي هاتعمل ايه ؟!!
يعني عايزني اقنعك بأي طريقة بعد كدا ؟؟؟؟ .. :mad: :mad:
اوكـ يا فامباير باشا
يعنى مش مستاهلة اسأل
انا مش جايبه جيد
ولو انى فرويد ف الرياضة
وامنية حياتى انى اخش كليه كلها رياضة
المادة الوحيدة اللى جبت فيها امتياز كانت الرياضة ف امتحان مهبب زى بتاعنا
ومجموعتى كلها شايلاها
vampire1188 12-09-2008, 02:54 AM بالنسبالك يا واندا بقي ..
انا عن نفسي .. لغاية دلوقتي .. مش واثق من صحة الجداول ..
ومعا ذلك .. انا سايبهالك ياستي ..
نزليها لو حبيتي او اطلبي من حابي انها ترجعها تاني ..
بس عشان انا مش واثق .. فماقدرش انزلها ..
ماقدرش انزل حاجة انا مش واثق انها صح ..
vampire1188 12-09-2008, 02:57 AM يلا بقى اسالكم سؤال
هى مادة الحاسب الالى اللى فى تانية دى هتكون عن ايه يعنى هتبقى دراسة محاسبة ولا اى سى دى ال ولا عن مكونات الحاسب
ولو كدة هتبقى نظرى ايه فايدتها بالنسبة لينا
والله يا طمطومة ..
انا زيي زيك في الحكاية دي ..
انا لسه طلع تانية زيي زيك .. ومش خبير اوي يعني في المواد ..
بصي .. هيا جارتي جنبيا هنا في تانية تجارة القاهرة برده ..
بس مكسل اسألها .. بصي .. لو صادف اني قابلتها هابقي اسألهالك ..
بس كدا كدا مستعجلة على ايه يعني .. ماحنا هايطلع عيننا فيها لا محالة !!
vampire1188 12-09-2008, 03:00 AM اوكـ يا فامباير باشا
يعنى مش مستاهلة اسأل
انا مش جايبه جيد
ولو انى فرويد ف الرياضة
وامنية حياتى انى اخش كليه كلها رياضة
المادة الوحيدة اللى جبت فيها امتياز كانت الرياضة ف امتحان مهبب زى بتاعنا
ومجموعتى كلها شايلاها
استغفر الله العظيم من كل ذنب عظيم ..
يخربيت الدح اللي فيكوا يا بنات ! ..
ايه دا ؟! ..
واحده اسمها علا .. جايبه امتياز .. والتانية اسمها طمطومة جايبه 20 ..
ايه يا جدعان دا ؟ ..
ايه يعني .. الخورازمي في الرياضة سيادتك ؟!
اما ناس دحيحة دح :huh:
ولا دح ولا حاجة
يا ريتنى ابقى دحاحه
الرياضه دى حبيبتى عشان مفهاش دح
كلها فهم
ده انا ايام الثانوية مكنتش ماسكة حاجة الا الرياضة ومسائل الفيزيا وبس
vampire1188 12-09-2008, 03:21 AM ربنا يسهلك .. ويسهل لأمثالك قادر يا كريم !!
ymymym 12-09-2008, 03:33 AM لبنات... هتقلي طبعاً فاكهة الجامعة !!!!! وطبعاً هقلك أنت مضحوك عليك ... الشاب من دول يدخل الجامعة وأول حاجة يفكر فيها إزاي أصاحب بنت - أي بنت – وبعد ما يحصل المراد تلاقي الاثنين عايشين مع بعض الوهم بالنهار في شوارع الجامع وبالليل ع التليفون وتكون النتيجة إيه ؟؟! الولد هو إلي بيدبلر ... سامعك متغاظ وبتقلي: "إشمعنا الولد؟!" هقلك طبعاً البنت ممكن تدبلر معاه بس ده بيحصل أقل لأن البنات بيذاكرو في الخباثة!! والله يا خويا احنا غلابه خالص
· معلهش يا جماعة... الولاد شويا علي جنب ويغمضوا عنيهم.. الكلمتين الجايين للبنات وبس .. بصي يا ستي :الجامعة دي معرض كبيييير قوي للهدوم .. شويا بدي على جينز على أستريتش على... على... المهم هقولك كلمة في ودنك بس بشرط قبل ما أقولها توعديني ما تزعليش ............ اتفقنا؟؟ (متخليش نفسك فرجة للي يسوا واللي ميسواش ) لأن مفيش شاب هيبصلك بصة بريئة .... أنا شايف كام بنت نفسهم يطبقوا في زمارة رقبتي بس إحنا اتفقنا من الأول إن مفيش زعل. لأ طبعا مفيش زعل لانها نصيحه لوجه الله
· آخر كلمتين بقا علشان أنا حاسس أني بقيت غتت ... بقلكم إيه اسمحولي أنصحكم نصيحة لوجه الله ... الرسول (ص) بيقول كلام حلو ومهم قوي عن الشباب ..عارفين بيقول إيه " لن تزولا قدما عبد يوم القيامة حتى يُسأل عن أربع" ... ومنها عن "شبابه فيما أبلاه؟ " يعني كل واحد فينا ربنا هيسأله عن فترة الجامعة دي عمل فيها إيه .. طبعا دي كل واحد فينا هيجاوب عليها لوحده .. ودي بالذات مفيهاش غشّّ!! ياربتبقي كلها تبقي حاجات كويسه
اللهم قد بلغت .. اللهم فاشهد .. ميرسي فامبير علي الموضوع
vampire1188 12-09-2008, 03:39 AM نورتي التوبيك يا ymymym
بس الاهم .. ابقي اتسلي كدا في ردود الموضوع .. واكيد هاتستفيدي
ماهينور 2 12-09-2008, 10:35 PM السلام عليكم
اولا احب اشكر الابروفيسور فامبير علي المعلومات الرائعه دي
ثانيا هو كان ليه سؤال كده بسيط مش هاصول
بالنسبه لقسم الاكتواري انا سالت قبل ما حضرتك تعمل الموضوع وعرفت اني ممكن ادخله بس في ثانيه مش اولي
انا انتساب علمي رياضه وكان املي في كليه تجاره القسم ده وفعلا قالولي اني هامتحن امتحان في تقريبا 30\8 بعد مااخلص اولي
بس انت جيت شككتني وانا بجد كان املي في القسم ده
فياريت تقوللي انه الكلام الصحيح عشان ارتاح
معلش طولت علي حضرتك
Queen_dona 13-09-2008, 05:28 AM هاي يا جماعه
ازيكم كلكم
انا بس عايزه اطلب منكم طلب الجداول كانت موجوده من حوالى اربع ايام بس اتمسحت او انا مش لاقياها
ولو حد يعرف حاجه يا ريت ينزلها تانى
ولكم جزيل الشكر
bondok fady 13-09-2008, 12:04 PM ماشى ياعم فامبير لحقت زهت منى هههههه
ليه بس كده ده انا بحبك اقوووى الله اعلم انا بحبك اديه لانى دماغك نفس الاستيل بتاعى بيوتوفل
على العموم انا مش هزعل منك لانك حبيبى بس حاجة غربية مش معنه انت زهت و علالالالا لحد دلوقتى مش زهت منى شكرا ياعلالالالا
المهم اب ادخل على البروفيل بتاعى هتلاقى الايميلات بتاعتى ابقى سجلها علشان عوزك ضرورى و انت مش كاتب الايميلات بتاعتك على البروفيل بتاعك
على العموم سلالالالالالالالالالالالام مؤقت
minerva 13-09-2008, 09:51 PM يا جماعه انا عرفت ان انا مجموعه (د) وجبت الجدول بس عيزه اعرف ايه نظام الدكاتره اللى هتدينى يعنى من حيث
1_ الشرح
2_ وهل بيحبوا الطلبه ولا
3_ وامتحانتهم ايه اخبارها
4_ وبينجحوا الطلبه ولا بيفترو عليهم
مش هطول عليكوا بقى وهما دول الدكاتره
1_ سلوكيه (نفيسه بشرى _ و كامل عمران )
2_ موارد (عاطف معتمد )
3_ محاسبه (منصور حامد )
4_ اداره (احمد فهمى )
5_ رياضه (مصطفى عبد الغنى )
مصطفى كريم 13-09-2008, 11:21 PM ياجماعة حد يعرف جدول محاضرات تجارة حلوان الرجاء الرد سريعاااااااااااااااااااااااااااااااااااااااااااااا ااا
OWN_style1 13-09-2008, 11:27 PM الموضوع ده جميل جدا لان ده اللى بيحصل فعلا
بلوتو 13-09-2008, 11:45 PM ممكن واحد كان في سنة اولي انتساب و جاب جيد جدا و حول لانتظام يدخل المجموعة المتميزة ؟
(ايه هي مميزات المجموعة المتميزة)
bondok fady 14-09-2008, 07:00 AM انت فين ياباشا
minerva 14-09-2008, 02:12 PM انت فييييييييين يا فامبيررررررررررررر:wacko:
:rolleyes::rolleyes::rolleyes::rolleyes::rolleyes: :rolleyes::rolleyes::rolleyes::rolleyes::rolleyes: :rolleyes::rolleyes::rolleyes::rolleyes::rolleyes: :rolleyes::rolleyes::rolleyes::rolleyes::rolleyes: :rolleyes::rolleyes::rolleyes::rolleyes:
CoMMaNdo 14-09-2008, 10:19 PM هوا فين فامبير ؟؟؟
الراجل دا على فكره بيحاول ينصح الناس وبيفهمهم يعملوا ايه فى اول يوم وفى اول سنه
شكله كدا مشى
طفشتوه خلاص !!!
ربنا يجازى الى كان السبب
Alextoday 14-09-2008, 11:30 PM هوا فين فامبير ؟؟؟
الراجل دا على فكره بيحاول ينصح الناس وبيفهمهم يعملوا ايه فى اول يوم وفى اول سنه
شكله كدا مشى
طفشتوه خلاص !!!
ربنا يجازى الى كان السبب
هههههههههههههههههههههههههههه
باين كده:lol::lol::lol:
بلوتو 14-09-2008, 11:50 PM ايه يا جماعة محدش عارف ولا ايه
wanda 14-09-2008, 11:56 PM انا السب ائا ائا
ههههههههههههه
شكلة مشغول وعلا كمان مش تدخل
لما يظهر حد منهم قولولى علشان اسلم عليهم :d
bondok fady 15-09-2008, 12:46 PM علالالالالالالالا شكلها بتجهر فى لبس الجامعه والمك اب بتاعها سبوها فى حاله البنت راحة الجمحه
وفامبير هتلاقى من حلاوووووه النصائح بتاعتوا والحكومه عرفت ان هو بيفيد الناس بالنصائح بتاعته هتلاقى ودوه المعتقل فى السلوم اما يجوا ابوا سلمولى عليهم علشان انا احتمال كبير اسافر اسبوع وابقى اجى بعدها ابقى وصللهم سلامى ياواندا
ahmed610 15-09-2008, 03:22 PM لازم تسأل يا بلوتو فى شئون الطلبة عشان تعرف معلومات اكيدة
minerva 15-09-2008, 04:17 PM فامبيييييييييييييييييييييييييييييييييييييييييييييي ييييييييييييييير
تاااااايه يا ولاد الحلال :p
كل واحد يراجع نفسه كده عايزين نعرف مين اللى طفشه ؟
واوعى حد يفكر ان انا اللى تفشته انا لسه مش متأكده :d
بلوتو 15-09-2008, 10:28 PM انا هسأل بس ياريت اي حد عندو معلومة ميبخلش بيها علينا
bondok fady 16-09-2008, 09:17 AM ايه يافامبير انت فين النت فصل عندك ولا ايه انتى مش بتدخل على المنتدى ليه انت وعلالالالالالالالا طيب علالالالالالالالالا لسه بتجهز فى لبس الجمحة انت بقه بتجهز فى ايه :p:p:p
CoMMaNdo 16-09-2008, 05:44 PM فامبير شكله اتخنق
عشان ناس ضايقوه فى قسم تانى :d
شكله كدا مش هيخش تانى تقريبا يعنى هو حلف بكدا
هاحاول اخليه يخش
wanda 16-09-2008, 09:13 PM فى ناس كتير بيسئلوا اسئله
هو فين مش يجى يساعدنا هو وعلا
يا جماعه المنتديات ياما بيحصل فيها مشاكل
بس فى الاول والاخر فككوا من المشاكل دية
ملهاش لزمة انت دخلت تفيد اللى اصغر منك
تكمل مسيرتك بقى
ومستنينين رجعكوا
Tomorrow might not come 16-09-2008, 09:17 PM شكلك واخد مواعظ ومطبات لسما فى الجامعة ربنا يستر بس وان شاء الله الكل يخرج منها على خير
CoMMaNdo 17-09-2008, 03:35 AM فامبيييييييييييييييييييييييييييييييييييييييييييييي ييييييييييييييير
تاااااايه يا ولاد الحلال :p
كل واحد يراجع نفسه كده عايزين نعرف مين اللى طفشه ؟
واوعى حد يفكر ان انا اللى تفشته انا لسه مش متأكده :d
اه ياريت كل واحد يراجع نفسه
وياريت بقى فامبير يدخل
فيه شعب مستنيه :d
sallyadel 17-09-2008, 03:47 AM يا جماعه هى المجموعه المميزه دى تبقى تجاره انجلش ولا دى حاجه تانيه
more work 17-09-2008, 03:57 AM لا حاجة تانية
هندساوي 17-09-2008, 04:55 PM موضوع لذيذ فعلا
دة انتوا كرهتوا الراجل في عيشته
دلوقتي يجي,,,,يا مسهل
mostafa_music 17-09-2008, 05:21 PM لا حول ولا قوه الا بالله
فينك فامبير
فين لياليك
فين ايام زمان
والله الغربه مابقتش تنفع
تعالى هنا لبلدك ..وطنك..حبيبك
ارجع يالى نسيناااا
ااااااااااهن على فراقك
sallyadel 17-09-2008, 08:14 PM هو تقسيم المجموعات فى تجاره انجلش بيبقى حسب الاسم ولا المجموع؟؟؟؟؟؟:confused::confused:
sallyadel 17-09-2008, 08:20 PM يا جماعه كان فى واحد بيقول ان تجاره انجلش بتتقسم لمجموعتين هو تقسيم المجموعات دى بيبقى حسب الاسم وكده ولا المجموع
sallyadel 18-09-2008, 07:30 AM anyway thx alot
vampire1188 18-09-2008, 05:52 PM كان فيه واحد ؟!!
اه دا اللي هوا انا يعني ..
اه يا سالي تقسيم المجموعات عندكوا بيبقي مجموعتين .. A و b .. وسبق اني شرحتهم قبل كدا لإن باين انك كنتي متابعة ..
والتقسيم بيبقي على اولوية المجاميع زي ماشرحت قبل كدا برده ..
ahmed610 18-09-2008, 07:09 PM اولا حمد اللة على السلامة يا vampire اية يا عم الغيبة الطويلة دى على فكرة تقسيم المجموعات عندنا بقى مختلف مبقاش aوb بس لا بقى فى a .b.c.d.e. لحد i # والتقسيم كمان بقى ابجدى يعنى انا عشان احمد بقيت فى مجموعة A ومعايا ثلاثين احمد تانى# كل سنة وانتم طيبين جميعا وان شاء اللة كلنا نجيب امتياز السنة الجاية # وانت يا عم vampire متبقاش تغيب تانى
sallyadel 18-09-2008, 07:21 PM hehehehehe sorry wallahy msh 3arfa 2smk w thx enk rdet 3ala so2aly w sorry lw kont t3btk wana 3rft en fe groups ktera awi w el gdwl zbala awi shklna hantrba b3d ma kona mdl3en fel madrsa rbna yostor
vampire1188 18-09-2008, 08:58 PM اولا قبل اي حاجة .. هاطلب منك طلب صغنون يا سالي .. ودي من المرات القليلة جدا اللي بطلب فيها ..
بليز ياريت ماتكتبيش فرانكوا اراب تاني .. ياتكتبي عربي وهارد عليكي بالعربي .. ياتكتبي انجليش وهارد عليكي بالانجليش ..
عشان بجد .. عنيا بتتعب اوي لما بقرا اللغة دي ..
اتفقنا ؟ ..
ثانياً .. اانتي اسمك على اسم انتيمي على فكرة ..
ثالثا .. لا هاتتربوا ولا حاجة .. الجامعة مش زي مانتي فاكرة .. حرية بقي وتقضيها وخروجات وفسح ولبس ..
لا خالص .. هيا الحرية اتس اوكي فيها بعض من الحاجات دي .. بس فيها مذاكرة .. زي ماقولت في الموضوع في الاول خالص ..
عموما .. تقدري تقولي على اي الكلية وات ايفر هيا كانت ايه .. الحرية المقيدة
بمعني ان اللي بيشيل قربة مخرومة بتقع على دماغه .. واللي بيشيل قربة تقيلة يتحمل تقلها .. لو ماتحملش تقلها يبقي يتحمل اللي هايقع منها على دماغه ..
طبعا انا عارف انك مش فاهمة اخر حاجة ..
المهم انك خليكي ايزي .. وتابعي المحاضرات .. لإن عندكوا مختلف عن عربي شوية ..
لان انتوا عندكوا فيه ميد تيرم و بارتيسيبيشن وما الى ذلك ..
فانتبهي وتابعي كويس .. وعارفي اللي ليكي واللي عليكي ..
وربنا معاكي ،،،،
حسن زغلول 18-09-2008, 10:02 PM انا حسن زغلول في كليه الحقوق بشارك هنا ..بس النهارده معاكم صاحبي في تجاره وعايز يستفسر عن حاجه هنا في تجاره...... معاكم صاحبي zikas ..
السلام عليكم كل سنه وانتم طيبين...لو سمحتم يا جماعه انا ليه شويه استفسارات بما اني داخل اولي تجاره القاهره :d
اولا:::::انا عايز اعرف هل تقدير امتياز صعب حد يحققه ؟او ايه الشروط اللي تخليني اجيب امتياز في الكليه واكون متفوق؟؟؟؟
ثانيا ::::انا سمعت ان السنه اللي فاتت في تجاره القاهره ان اللي بجيب امتيازات او تقدير عالي بيبقي ليه الحق انه يحول تجاره انجلش وبتبقي في شركات راعيه لكده بتتحمل مصاريفه وتحوله لتجاره انجلش؟ هل الكلام دا مظبوط ولا لاء؟بالعلم ان الموضوع دا والفرصه دي لطلاب الفرقه الاولي بس ......
ثالثا:::::::هل علشان اجيب تقديرات لازم احضر المحاضرات طول السنه ولا مش شرط؟؟؟
شكرا انا خلصت اسالتي وياريت شباب التجاره الخبره يفيدو اخوهم الاصغر
مع السلامه حتي نلتقي بالكليه:p
vampire1188 18-09-2008, 10:45 PM اهلا وسهلا بيك يا زيكاس في جامعة القاهرة ..
بس حلو اوي نظام الانترفيو اللي انتوا عاملينه دا !!
المهم .. نخش في المضمون بقي ..
انا عايز اعرف هل تقدير امتياز صعب حد يحققه
هاقولك على حاجة .. فيه فارق كبير مابين الصعوبة .. والاستحالة
عشان تجيب امتياز عايزلك عنصرين هامين جدا لازم ييجوا معا بعض
1- انك تذاكر جامد جدا وتتابع اول بأول المحاضرات بتاعتك
2- ان يكون حظك في الدكاترة اللي بيدوك حلو .. بمعني ان فيه بعض المجموعات (طلبة يعني) بيخنقوا جامد على الدكتور .. فيقوم الدكتور حاطط في دماغه النقطة دي .. وتشوف الكلام دا بقي في النتايج .. غير كدا بقي فيه دكاترة بيكونوا مش ظراف خالص .. بمعني انه الدكتور كدا كدا رخم .. فشمال او يمين .. هوا رخم .. وبيرخم .. ودا بقي انتا ونصيبك معاه !
انتا هاتتعب اي نعم .. بس صدقني .. طعم النجاح والتفوق حلو اوي ..
انا سمعت ان السنه اللي فاتت في تجاره القاهره ان اللي بجيب امتيازات او تقدير عالي بيبقي ليه الحق انه يحول تجاره انجلش وبتبقي في شركات راعيه لكده بتتحمل مصاريفه وتحوله لتجاره انجلش؟
ماعتقدش ان فيه .. او تقدر تقول ماسمعتش عن الكلام دا قبل كدا ..
بس حكاية شركات راعية دي .. مش بتبقي في جامعة القاهرة .. دي ممكن تلاقيها في الجامعة الامريكية .. زي شركة جنرال موتورز مثلا بتقدم هناك منحة تعليمية كل سنة لطالب وطالبة .. طبعا بشروط
اما القصة بتاعت تحويل لتجارة انجليش .. وشركات راعية وكدا .. لا ماسمعتش انا عن الكلام دا خالص
بس اللي متأكد منه .. انك لو جيبت تقدير جامد .. زي امتياز او جيد جدا .. ممكن تحول لما يسمي بالمجموعة المميزة اما تجارة انجليش دي .. فالرابع مرة ماعتقدش انها موجودة ..
هل علشان اجيب تقديرات لازم احضر المحاضرات طول السنه ولا مش شرط؟؟؟
هههههههههههههههههه .. ضحكني اوي السؤال دا !!
طبعا انتا قايل السؤال دا عشان بتمسع كتير من ناس بره ان بتوع تجارة مقضينها طول السنة وييجوا اخر اسبوعين ويمتحنوا وينجحوا ..
هاقولك خدعوك ..
اللي بينجحوا دول .. بيبقوا مقضينها اه .. بس بيبقوا متابعين هما خدوا ايه في المحاضرات .. ممكن يكونوا مابيحضروش مش مهم .. بس المهم انهم عارفين الدكتور قال ايه وشرح ايه .. بأي طريقة من الطرق بقي سواءا كانت انك تسأل زميل ليك حضر المحاضرة او تشتري ملازم من بره ..
وحكاية المتابعة دي طبعا بتبقي مقتصرة على المواد النظري .. اما مواد العملي فربنا معاك فيها ..
لااااااااااااااااازم تحضرها .. او على الاقل تجيب ملازم فيها .. المحاسبة والرياضة مش سهلين ..
وهكررها تااااااني .. المحاسبة والرياضة مش سهلين ..
اما الناس بقي اللي انتا بتشوفهم مقضينها دول .. لأ دول غالبا بيشيلوا الليلة ..
ومابيكتشفوش كدا الا في الاسبوعين الاخرنيين ..
الواحد فيهم تلاقيه يقولك ياعم اخر اسبوعين وعيش حياتك .. تلاقيه ييجي اخر اسبوعين فعلا يتزنق زنقة منيلة ..
ومايعرفش يجمع ولا كلمة من كتر الضغط اللي عليه .. وفعلا تلاقيه داخل الامتحان وعارف انه ساقط ساقط لا محالة
ياريت تنتبه للنقطة دي كويس ..
سياسة تجارة >>
فيه اولويات لا بد من متابعتها اللي هيا المحاضرات والشرح .. بعد كدا اعمل اللي انتا عايزه في الجامعة ..
sallyadel 19-09-2008, 01:17 AM اوك نديها عربى بقى بلاش انجلش بكره نزهق منه وعايزه اقولك فعلا ان الجامعه عذاب مش زى المدرسه كنا مدلعين اوى ومش بنروح بس مش مشكله بقى هنتعود ان شاء الله وكنت عايزه اسالك على حاجه انتوا عندكوا الاجازه يومين ولا 3
vampire1188 19-09-2008, 01:38 AM مهتمة اوي انتي بالاجازات ؟!
طب اسألي الاول عن نظام الجامعة والكلية .. لكن اول ماتسألي تسألي عن الاجازات ؟
يا سبحان الله ..
اه ياستي عندنا 3 ايام اجازة في الاسبوع .. بس شاملة يوم الجمعة طبعا ..
بمعني ان الدراسة في الاسبوع .. بتبقي 4 ايام بس ..
يومين بناخد فيهم 3 محاضرات .. ويومين بناخد فيهم محاضرتين ..
يومين بيكونوا غالبا الصبح .. ويومين تانيين بيبقوا بعد الضهر او بالليل ..
doody2 19-09-2008, 01:41 AM السلام عليكم دي اول مشاركه ليا هنا وعجبني اوي التعاون اللي بينكم انا برضه في تجارة القاهرة وانتساب بس انا مجموعه (و)
وهابقي في مدرج (د) وعايزة اعرف ايه اخبار الدكاترة:mellow: اللي في المجموعه دي وعايزة برضه اعرف ازاي اعامل الدكاترة وانا كمان للاسف اصحابي كلهم دخلوا كليات تانيه يعني بقيت لوحدي فانا مش عارفه اصاحب ازاي انا خايفه اصاحب اي واحدة وتطلع يعني مش قد كدة اعمل ايه بجد في كل اللي انا سالته دة بس انا مرعوبه جداااااااا:(
علالالالالالالالا شكلها بتجهر فى لبس الجامعه والمك اب بتاعها سبوها فى حاله البنت راحة الجمحه
وفامبير هتلاقى من حلاوووووه النصائح بتاعتوا والحكومه عرفت ان هو بيفيد الناس بالنصائح بتاعته هتلاقى ودوه المعتقل فى السلوم اما يجوا ابوا سلمولى عليهم علشان انا احتمال كبير اسافر اسبوع وابقى اجى بعدها ابقى وصللهم سلامى ياواندا
ايه ده يا بندق
انت عرفت منين؟؟؟؟
انى بجهز لبس الجامعه والميكاب كمان
ده انا ظبطت كله ف الاجازة اللى خدتها م المنتدى دى
شكلك كدا مكشوف عنك الحجاب
يلا تسافر وترجع بالسلامة
minerva 19-09-2008, 02:23 AM علا انتى جيتى !
منوره يا جميل ايوه كده المنتدى بقه لو طعم
ومبروك ع اللبس الجديد :d
sallyadel 19-09-2008, 02:59 AM اه طبعا اهم حاجه الاجازات طب اشمعنى بقى عندكوا 3 احنا عندنا 2 بس ده حرام والله ومرسى اوى انا تعبتك معايا كتير و ربنا يوفقك
الله يبارك فيكى يا حبيبتى
وده نورك انتى اكيد
vampire1188 19-09-2008, 02:59 AM ايوا اقعدوا انتوا بقي هزروا معا بعض وباركوا لبعض ونفضوا للموضوع الاساسي !
عموما اشمعنه انتوا ؟ .. مبروك يا علا اللبس .. ههههههههههههههههه
المهم خلينا بقي في موضوعنا
اهلا وسهلا بيكي يا دودوي وكويس ان اولي مشاركاتك تبقي مشرفانا هنا في القسم دا
ودي بشرة خير .. مستنيين تعاونك وجهدك وتفاعلك معانا بقي في المنتدي ..
بالنسبة لأسئلتك نستعرضها ونشوف ..
اولا .. مجموعتك باين عليها كوول اوي اوي اوي ..
لكذا سبب ..
اولا عندكوا يوم الخميس في العيوطي .. ودي حاجة كويسة لإن مدرج العيوطي اكبر مدرج ومن الاخر كدا يفتح نفس الواحد انه ينتبه .. لكن باقي المدرجات تجيب رعاش الميتين .. ايه رعاش الميتين دا مش عارف صراحة !!
ثانيا .. اخبار الدكاترة بقي .. بصي ياستي
السنة اللي فاتت مجموعتك دي كانت اسمها مجموعة هـ .. بس بعد التغيير اللي حصل بقيتوا مجموعة (و)
السنة اللي فاتت .. كنتوا مجموعة كئيبة في الطلبة والدكاترة . بس السنة دي مش باين خالص ..
بالنسبة للدكاترة .. انتوا عندكوا دكاترة ميت فل وعشرة
> اول واحد .. دكتور حلمي البشبيشي .. الراجل دا واخد السمعة والصيت الممتازين يعني ..
درجاته ميه ميه .. ولو كنتوا كويسين معاه .. بيديكوا الامتحان وماتستغربيش ..
شرحة ممتاز .. ولو لاحظتي انهم حاطينه في ال stuff اللي بيدي المجموعة المميزة لسنة اولي
> تاني واحد دكتور محمد صبري .. اسمع انه خنيق .. بس بيني وبينك ماجربتوش .. فامش هافتي
> تالت واحد .. دكتور على الديب .. الراجل دا على مافتكر كان بيدي مجموعة هـ السنة اللي فاتت وكان بيدي احصا لتالته هـ برده .. مش عارف شكله بيحب حرف ال هـ اوي !! ..
اني واي .. راجل محترم .. ودمه خفيف .. درجاته معقوله .. بس مصيبته ان امتحانه شامل كاسح .. مابيسيبش نقطة في المنهج الا مابيسأل فيها .. ودي رخامته بقي .. من الاخر ماشي بنظام من كل بستان زهرة ..
انتبهي معاه .. وركزي .. وهاتي التطبيقات بتاعته وحليها كويس .. وماتنفضيش للمادة .. راجعيها اول بأول .. واعملي حسابك انه وكيل الكلية .. ها ؟؟؟؟
> رابع واحد .. محمد المحمدي .. الراجل دا كان بيدي مجموعة ز اللي هيا (و) سابقا السنة اللي فاتت .. وانا من ضمن الناس اللي مروا بيها ..
رغاي اوي .. صوته مش واضح .. بيعتمد على اسلوب اللاب توب اللي بيتوصل بالبروجيكتور .. حاجة شلل من الاخر .. عامل فيها شيخ .. بيفصل البنات عن الولاد .. يقولك الولاد ياخدوا الن اليمين والبنات النص الشمال !! ..
كتابه نضيف جدا .. بس مصيبته السودا .. انه 18 شابتر !! .. يعني هايطلع روحك فيهم بإذن الله ..
نصيحة اخوية .. تابعي المادة دي اول بأول معا الراجل دا .. احسن دا راجل شراني وانا عارفه !!
اما بالنسبة لتصحيحة .. فاتصحيحة حلو وشغال .. بس احتمال كبير يسيبكوا ويروح يحج زي ماعملها السنه اللي فاتت !
> خامس واحد .. دكتور عبد الغني عبد العزيز .. ماسمعتش عنه صراحة ..
> سادس واحد .. دكتور محمد عنتر .. ماكدبش عليكي .. ماعرفوش برده
فانا مش عارفه اصاحب ازاي انا خايفه اصاحب اي واحدة وتطلع يعني مش قد كدة اعمل ايه بجد
في النقطة دي بقي انا ماقدرش افيدك فيها بجد ..
بس اللي اقدر اقولهولك .. صاحبي على قد ماتقدري .. بس خليكي واعية وماتبقيش ساذجة ..
ويارب تفهمي بقي الكلمتين اللي قولتهوملك دول عشان الكلمتين دول هما اساس التعامل معا الصحاب في الكلية دي ..
وربنا معاكي
بصى يا دوودى
انا هقدر افيدك ف محمد عنتر بس
لأنى اعرفه وكان بيدينى السنة اللى فاتت
هو كويس اوى ف الشرح
وبيديكى اسئله المفروض انه جاى منها الامتحان
بس عمل فينا مقلب السنة اللى فاتت
وجابلنا سؤال كامل رخم ولافف
ما علينا المهم
ان فى عيب وحش اوى
انا متهيألى انه مش بيعلم الامتحان اصلا
مع ان مادته تافهة وعبيطة
بس بيشيل الطلبه المادة بتاعته
بس انا الحمد لله المفروض اجيب جيد جدا
ادانى 10 بالعافيه
يلا ربنا معاكى
مع ان ف كلامه كدا ف المحاضرة تحسى انه هيدى تقديرات للدفعه كلها
بس يلا منه لله
انتىت وحظك بقى معاه
doody2 19-09-2008, 03:49 AM بجد يافامبير انت وعلا انا مش عارفه اشكركم قد ايه بجد انا فرحانه اوي اني معاكم هنا وربنا يارب يوفقكم ويوفقني معاكم ويطمنكم كدة زي ماطمنتوني وانا ان شاء الله هاخد بنصايحكم كلها ومش هافرط في اي نصيحه منهم شكرا تاني مليوووووووون مرة:dوبجد انا مبسوطه جداااااااا اني عرفت اخوات زيكم كدة ودة شرف كبير اوي ليا وياريت تقبلوني اخت ليكم:mellow:
vampire1188 19-09-2008, 03:58 AM ربنا يخليكي ... اكيد طبعا يا دودي ..
اي حد بيخش القسم هنا .. اكيد بيبقي اخ/ اخت لينا .. الا اذا هوا مكانش حابب بقي
عموما .. كلنا اخوات هنا وكلنا بنساعد بعض وبنشد من أزر من بعض ..
واي سؤال تاني انا وعلا تحت امرك ..
اه طبعا اهم حاجه الاجازات طب اشمعنى بقى عندكوا 3 احنا عندنا 2 بس ده حرام والله ومرسى اوى انا تعبتك معايا كتير و ربنا يوفقك
ياااه يا سالي عليكي . من اولها حقد كدا ؟!
على فكرة سالي انتيمتي مش حقودية زيك كدا خاااااااااالص !!
انا بهزر طبعا .. لا عادي .. والله العظيم يا لولا اليومين اللي انتي باصالنا فيهم دول بيطيروا هوا كدا ..
وبعدين اهو الواحد يتسريح من عناء الجامعة شويتين .. عايزانا نروح كل يوم يعني ؟
الرحمة حلوة برده .. ولا ايه ؟؟؟؟؟؟؟؟؟
doody2 19-09-2008, 04:04 AM ربنا يخليك يافامبير وانا فعلا مبسوطه جدا اني في وسطكم وانا بجد كسبت اخوات في منتهي الروعه:)
vampire1188 19-09-2008, 04:08 AM ربنا يخليكي .. وميرسي اوي على مجاملتك وزوقك الرقيق دا
:rolleyes:
بالنسبة ليكى يا سالى
اطمنى يا حبيبتى
احنا مش اجازة 3 ايام ولا حاجة
اولا منهم يوم الجمعه ومش محسوب
ثانيا وده الاهم
احنا بنعد اسبوعين كدا وبينزل جدول للسكاشن
وبيشيلولنا يوم م الاجازة
وبيصفصفوا كدا على يوم واحد بس
ثالثا والحمد لله
بينزل مجاميع ف الكليه كدا
وبننزل الجامعه ف اليوم الاجازة ده
يعنى مش بناخد غير الجمعه بس
يعنى انتى هتاخدى اجازة اكتر مننا
وبالنسبة ليكى انتى بقى يا دووووووودى
متشكريناش ولا حاجة يا بنتى
انتى من ساعه ما دخلتى القسم ده
وانتى خلاص بقيتى اخت لينا كلنا
ولا انتى بقى عندك مانع؟؟؟؟؟؟
vampire1188 19-09-2008, 04:19 AM ههههههههههههههههههه
اه تصدقي عندك حق .. في حكاية المجاميع دي
فعلا .. بيغتتوا ويعملوها في يوم اجازة ..
ويخلوا الواحد ينزل مخصوص الصبح من بيته الساعة 7 عشان يوصل هناك 8 بدري عشان يحضرها
حاجة شلل والله .. بس نعمل ايه بقي .. مصلحتنا اهم من اي حاجة :(
doody2 19-09-2008, 04:33 AM اولا يافامبير انا مش بجامل والله انا فعلا كسبت اخوات
ثانيا ياعلا انا مش عارفه اقولك ايه غير انك قمر وبجد انا حبيتك جداااااااااااااا
ايه يا فامباير
شكلك كدا كنت ناسى حكاية السكاشن والمجاميع دى
ويا عم احمد ربنا انك بتنزل 7
والله ساعات بنزل 6.15 كمان
وبتبقى الدنيا ضلمة
ده غير انى بركب ميكروباس للمترو
وبيبقوا شاربين ومتنيلين يعنى
وببقى البت الوحيدة اللى ماشية ف الشارع
ما علينا
وعلى فكرة
الكل دلوقتى هيدخل يسأل ع المجاميع دى
وايه نظامها
واستلق وعدك بقى يا جميل
ميرسى ليكى يا دووودى
بجد انتى لذيذة اوى
وان شاء الله تحبى المنتدى كله
وبالاخص بتوع تجارة
اجدع ناس طبعا
دموع القمر77 19-09-2008, 04:52 AM انا اسف يا جماعه انا معهد خدمه اجتماعيه يعنى مش معكم خالص بس كان لزم ارد انا حاولت اقراء الردود بس لقيت الموضوع روعه طبعا بس الردود خاصه بيكم يلا انا كان لزم ارد بس ربنا يوفقكم ويوفقنا بس على فكرة اخر حاجة عايز اقولها انى بجد والله حاسس ان مفيش فرق بين الكليه والمعهد لان الاتنين فى تعليم لكن الفرق الواحد ان كل شى قسمه ونصيب عارف ان فى ناس ممكن يقولها مين اللي جاى على اخر الزمان دة بتاع خدمه اجتماعيه وحاشر نفسه وسطنا بس الحمد الله انا فى عينى خدمه اجتماعيه دى احسن حاجة لانها بجد افضل حاجة تلائمنى وتنسبنى انا طبعا مش حكذب انى لو كنت دخلت حقوق كنت هكون مبسوط بس الحمد الله بجد والله انى مش دخلتها علشان انا مش مستريج ليها والدى كان عايزنى اخشها بس لله الحمد انها مش جتلى لان خدمه اجتماعيه فيها علم نفس حبيبى وعلم اجتماع الحاجان اللى الواحد يفهمها بجد اللي دراسها فى ادبى اخر حاجة معلشى عارف انى طولت ان بجد فى الاخر كلنا بكالوريسات واللي هيثبت نفسها هو اللي هيعدى بتقدير يعنى لو كنت دخلت جامعه وبلطت احسن ولا لما ادخل معهد ونا فاهمه العبره بالنهايه يلا ربنا يوفقك ويوفقنا يارب وكلنا نحقق مانتمنى يارب
elbahzy 19-09-2008, 04:59 AM هاى انا ايهاب اولىتجاره اول مره اشارك عايز اعرف يعنى ايه مجموعات وسكاشن ومين بيديها
sallyadel 19-09-2008, 05:00 AM ايه ده يا جماعه انتوا كلكوا عليا ولا ايه انا والله مش اصدى ار خالص وربنا يكتر من الاجازه وبعدين عيب عليكوا انا بردو هحسدكوا وانتوا اخواتى
اهلا بيك يا دموع القمر هنا ف تجارة
وانت اكيد تنور اى توبيك تدخله
وعلى رأيك بقى مش فارقه كليه من معهد
كله زى بعضه
يلا ربنا يوفقك ويوفقنا
بس انت ايه رأيك بقى ف الجروب بتاعنا
مش جروب يجنن برده؟؟؟؟؟؟
dr.zomba 19-09-2008, 05:06 AM سلامو عليكو
انا تجارة انتساب القاهره
وكنت عايز اعرف لو جبت تقدير ممكن ادخل انجلش ولا كل اللي اقدر عليه انتظام بس وانجلش دي في الباي باي:huh:
هل من مجيب:d؟
هاى انا ايهاب اولى تجاره اول مره اشارك عايز اعرف يعنى ايه مجموعات وسكاشن ومين بيديها
شفت يا فامباير
اهى الاسئلة ابتدت من دلوقتى
ثانيا انت ف جامعه ايه يا ايهاب؟؟؟؟؟؟؟
لو القاهرة
يبقى السكاشن دى بتبقى مرة ف الاسبوع يوم الاجازة
واللى بيديها المعيدين
وبتتاخد بعد الدراسة بأسبوعين تلاته كدا بالكتير
وبتبقى يوم واحد ف الاسبوع
والمعيدين بيشرحوا فيها المنهج م الاول
وبيطبقوا بأمثله
عشان اللى مخضرش المحاضرات او مفهمش
يبقى يفهم م السكاشن
وحكاية المجاميع دى
بتتاخد اخر شهر او اخر شهر ونص بالكتير
بس دى بفلوس
والسنة اللى فاتت
كانت الماده 80 جنيه الترم الاولانى
وخلوها 90 جنيه الترم التانى
ونصيحه يعنى لو هتاخد مجموعه
ابقى خدها ف المواد العلمية
زى المحاسبة والرياضة
وهى مفيدة اوى والله
ايه ده يا جماعه انتوا كلكوا عليا ولا ايه انا والله مش اصدى ار خالص وربنا يكتر من الاجازه وبعدين عيب عليكوا انا بردو هحسدكوا وانتوا اخواتى
لأ طبعا يا سالى
مش كلنا عليكى ولا حاجة
احنا بنهزر بس
واحنا فعلا يعتبر مش عندنا اجازة
هما بس بيفرحونا اسبوعين كدا
وبيرجعوا ياخدوها مننا تانى
وبعدين ما يحسد المال الا صحابه
فما بالك باخوات اصحابه بقى؟؟؟؟؟؟؟؟
طبعا بهزر
اوعى تزعلى
sallyadel 19-09-2008, 05:24 AM ماشى يا جميل وطبعا انا مش زعلانه انا افتكرتكوا انتوا اللى زعلتوا و على العموم حصل خير
سلامو عليكو
انا تجارة انتساب القاهره
وكنت عايز اعرف لو جبت تقدير ممكن ادخل انجلش ولا كل اللي اقدر عليه انتظام بس وانجلش دي في الباي باي:huh:
هل من مجيب:d؟
اكيد فيه مجيب
بص على حسب معلوماتى يعنى
انك ممكن تحول انتظام
لكن مسمعتش عن التحويل لانجليزى دى اصلا
وعلى حسب اعتقادى انه مينفعش اصلا
لأن دى كليه ودى كليه
بس اسأل ف شئون الطلبه برده
ahmed610 19-09-2008, 05:43 AM يا sally مين قال ان احنا عندنا يومين بس اجازة احنا عندنا يومين غير الجمعة يعنى ثلاثة وانا شخصيا عندى الجمعة والسبت والاربع اجازة رجعى الجدول تانى هو صحيح احنا عندنا سكاشن بردة
sallyadel 19-09-2008, 06:05 AM لا يومين بس انا عندى خميس وجمعه وعلى العموم انا هروح اشوف يوم السبت تانى
!DreAmeR! 19-09-2008, 06:08 AM السلام عليكم يا جماعة اولا انا شايف وجوة جديدة معانا ف المنتدرى ربنا يوفقهم ويكون معاهم فى الكلية ويبقوا من الاوائل (امنيتك يا نور) ههههههه وانا كمان اشوف نفسى من الاوائل امين يا رب العالمين وتصور جنب العميد بقى واقف كده ومش عارف وصورى تنزل فى الجرايد(على اسساس ان انا اول واحد اطلع الاول)بس الحمدلله صحيت من الحلم قبل ما العميد كان هيضربنى بالقلم عشان التورتة وقعت على هدومة ويبقى منظرة ايه قدام مراتة التانية وهدومة متبهدلة تورتة وشكرا
jonna 19-09-2008, 07:08 AM انا تجارة e جامعة اسكندرية بس بصراحة الموضوع شدني جدا و اقدت اقراه من الاول لحد الاخر لان ده اول يوم ادخل المنتدى فيه المهم
الاول بشكر vampire1188 &3ola
ليا تعليق صغنطط اوي هو مش اوي يعني بس عشان ما حدش يمل مني
انت بتقول ان (مواد ثانوي دي كانت أي كلام إنما دلوقتي هتدرس مواد تخصص وهي إلي هتشتغل بيها طول حياتك يعني علشان تبقى واد مخلص في شغلك لازم تبقى شاطر في المواد دي )
احب اقول لك انك اكيد و اللي عرفته من الناس اللي قبل كدة و ف اي جامعة مش شرط تجارة ان اللي بتدرسة ف الكلية مالهوش لازمة (مش اوي يعني) الدليل انك بتطلع مش فاهم حاجة ف اللي انت بتشتغلة بس حنعمل ايه ده قدرنا اننا عايشين ف بلد نظامها التعليمي فاشل
و عجبني اوي
رابع واحد .. محمد المحمدي .. الراجل دا كان بيدي مجموعة ز اللي هيا (و) سابقا السنة اللي فاتت .. وانا من ضمن الناس اللي مروا بيها ..
رغاي اوي .. صوته مش واضح
سوري انا طولت اوي و كان نفسي اقول حاجات تانية بلاش احسن تفتكروني زيه
ميروو1022 19-09-2008, 07:09 AM ياجماعة انا جالى تجارة عين شمس يعنى لسة اول سنة كنت عايزة اعرف الفرق بين الشعبة والفرقة واية اخبار الدكاترة والمدرجات
يعنى عايزة اخبار حلوة كدة معلش هزعجكم جديدة بقى وربنا هيسهلها علينا كلنا بإذن الله
vampire1188 19-09-2008, 04:39 PM ياااااااااه ..
دا كله دي اسألة ؟!!!
لالا ماقدرش اسد كدا انا بجد ..
لا بصوا .. بليز يا جماعة .. واحده واحده عليا عشان انا فعلا مابعرفش اجاوب على الردود الكتير اللي ورا بعض دي ..
بس على قد ماقدر هاقول اللي عندي ..
اولا احب ارحب بالناس الجديدة اللي لسه دخلين القسم والمنتدي هنا .. سالي وايهاب وجونا وميرو والمشرف الجامد اوي زومبا .. نورتوا اموضوع كلكوا يا جماعة ..
صراحة انا حاليا .. طبعا لضيق الوقت عشان انا ماقولكوش ورايا بلاوي متلتله بكتبها على الوورد دلوقتي ..
فانا برد والله العظيم بالعافية وسامحوني لو هاقصر في كلامي .. بس الايام ان شاء الله جايه كتير
فيه رد من الردود شدني .. وهوا رد دكتور زومبا لما قال وسأل وكنت عايز اعرف لو جبت تقدير ممكن ادخل انجلش ولا كل اللي اقدر عليه انتظام بس وانجلش دي في الباي باي:huh:
بص ياسيدي ..
لو جيبت تقدير ان شاء الله .. قدامك 3 اختيارات ظريفة اوي ..
1- لو جيبت جيد وصافي (يعني مش شايل مواد) تقدر تحول انتظام .. بس دا بيبقي بفلوس والتحويل انتا اللي بتعمله بنفسك
2- الرينج اللي مابين جيد جدا وامتياز .. دا يديلك الحق انك تخش المجموعة المميزة .. وبرده بتحويل .. زي انتظام كدا
3- في حالة واحده بس تقدر تحول تجارة انجليش .. بس ساعتها هاتتخصص لقسم اسمه قسم الاحصاء الاكتواري ..
والكلام دا اما تخلص سنة اولي .. ويكون بتقدير .. طبعا مش بتخشها سبهلله كدا !
لا بتخضع لامتحان تحديد مستوي Placment Test ولو نجحت فيه بتخش القسم دا ..
والقسم دا بياخد ماكسيمم .. 20 وطالب فقط لا غير .. وفي سنة من السنين كانوا واخدين 17 بس
سوري بقي لو كنت هاقصر معاكوا في الرد المره دي
بس اوعدكوا المرة الجايه ان شاء الله .. هابقي اقول اللي عندي بوفرة شوية
وربنا معاكوا ،،،
vampire1188 19-09-2008, 07:35 PM لكل الناس بقي الـ Freshmen اللي لسه على عتبة سنة اولي ..
كل سنة وانتوا طيبيبن بمناسبة بدأ الدراسة .. وحبيت انوه على بعض الحاجات كدا عشان ابقي تميت جميلي بقي
> شيك على محفظتك وشيكي على شنطتك كويس .. واتأكد ان يكون معاك ورقة وقلم على الاقل عشان لو فيه حاجة كتبها الدكتور تكون متابعة اول بأول
> كل واحد ياريت يقوم دلوقتي حالا يحط بطاقة الترشيح بتاعتة في جيبه عشان ماينساش .. عشان السنة اللي فاتت كان الدخول ببطاقة الترشيح .. لازم يكون مرفق معاها اي اثبات شخصية (بطاقة شخصية او انشالله حتى كارنيه تأمين صحي) عشان السكيوريتي بتاع الجامعة بيبقي خنيق اوي اول يوم .. فلو سيادتك نسيتها .. يبقي تسمعني سلام سواح !!
> كل واحد يراجع جدول محاضراته تاني .. ويتأكد من صحته .. خاصة في المواعيد .. عشان مايتسوحش ..
> البعض منكوا ان مكانش معظمكوا هايبقي داخل خايف وكاشش .. اول ماتخش قول باسم الله الرحمن الرحيم يارب اجعلها سنة كويسة عليا وعلى اللي زيي .. عشان الملايكة ترد عليك وتقولك ولك مثل هذا ..
> البعض منكوا هايخش هايتلاقي نفسه سايح في الجامعة ومش عارف يروح فين ولا ييجي منين .. متخافش .. اقرب حد اسأله وماتتكسفش .. احنا كلنا طلبة في الجامعة واللي عارف بيقول اللي مش عارف .. فيه ناس ممكن تسألها وتبصلك بإستحقار .. دول ناس عندهم امراض نفسية .. ماتكتأبش .. واللي بعده واسأله وهكذا لغاية ماتوصل للحتة اللي انتا عايزها ..
> بالنسبة للناس اللي في جامعة القاهرة (داخل الحرم الجامعي) "تجارة/حقوق/اداب/دار علوم" .. اول ماهتيجوا تخشوا .. هاتتلاقوا ناس نضيفة كدا لابسه لبس الكشافة لو تعرفوه (قميص ابيض وحاجة كدا زي الكرافته خضرا) .. ولاد وبنات من كلا الجنسين ..
المهم .. الناس دي تبع فريق اسمه فريق الجوالة .. الفريق دا بيختص بالرحلات والانشطة الثقافية والاجتماعية ومايتصل بذلك من مواضيع .. الناس دي دائما ما بتستلم الناس بتوع اولي ويروحوا لكل واحد ويسمعوه الاسطوانه المشروخة بتاعة مزايا الجماعة ونشاطاتها .. ومن ضمن المزايا اللي تجذبك انه هايقولك هانديك كارنية عضوية لمدة سنة في نادي البحرية اللي في الجيزة .. طبعا انتا هاتفرح اوي .. كارنية نادي بقي وكدا .. هايقولك عهشان تشترك معانا لازم تحرر استمارة .. الاستمارة دي بكام ياعم الحاج ؟ بجنيه واحد فقط .. هاتروح زي الزبون تدفع الجنيه ويقولك تعالانا بكره ومعاك صورة .. هاتيجي بكره ومعاك الصورة .. هايخدها منك ويقولك تعالانا بعد شهر بقي .. يعدي الشهر .. وتيجي تدور عليهم ماتلاقيهومش !!
هما مش نصابين عشان ماظلمش حد .. بس اللي عايز يعيش في دور الانشطة والرحلات وكدا الطريق مفتوح قدامه من خلال المجموعة دي .. ومجموعة تانية اسمها المجموعة العلمية
> بنبه كتير اوي على أهمية حضور المحاضرة الاولي .. لإنك ماتنساش انك لسه جديد .. ماشوفتش منظر المدرج حتى .. فحاول بقدر الامكان تحضر اول محاضرة عشان تكسر حاجز الرهبة الاولاني دا ..
محاضرة في التانية في التالته هاتبدأ تتعرف على ناس وتكون جروب .. ويبدأ عصر دراسة جديد معاك وهوا عصر الدراسة الجامعية
> بالنسبة لإجرائات الدفع بتاعة المصاريف والكارنيه ..
مصاريف انتساب وانتظام .. ممكن تكون اتغيرت .. عشان مابقاش بقولكوا معلومات غلط روحوا واسألو في شئون الطلبة عشان تبقي المعلومة موثوقة منها ...
ازاي تدفع المصاريف ؟ .. بتروح مكاتب شئون الطلبة للفرقة بتاعتك .. بتقول الموظف المسئول .. انا عايز اذن دفع مصاريف .. هايقولك هات بطاقة الترشيح بتاعتك .. هاتديهاله .. هايتأكد من المعلومات اللي في البطاقة ويكتب اسمك على ورقة كبيرة كدا .. هاتاخدها وتروح بيها للخزنة .. هاتدفع المصاريف هناك .. بعد ماتدفع .. تستني شوية هايديك وصل استلام (اثبات دفع المصاريف) .. ولعلمكوا الوصل دا مهم جدا .. لإنه مالوش بدل فاقد .. عشان لو ضاع انسوا !!
المهم هتاخد الوصل بتاع الخزنة دا وترجع بيه لشئون الطلبة تاني .. وتدي الموظف اللي قاعد الوصل ومعاه صورة شخصية ليك .. وياريت تنقوا صورة عدلة والنبي .. صور الثانوية العامة العار دي سيبوكوا منها !!
هاتديله صورتك وتستني مدة اسبوعين كدا .. لغاية مالكارنية بتاعك يطلع .. هاتروح بعد كدا تقوله انا عايز الكارنيه بتاعي .. هاتقوله اسمك .. هايدور عليه ويديهولك بس طبعا بعد مايتأكد من ان وشك مطابق للصورة اللي في الكارنيه ..
وطول مانتا معاكش الكارنيه .. الدخول والخروج من اي باب في حرم الجامعة لأي كلية .. ببطاقة الترشيح
> وانتا قاعد في اول محاضرة .. ياريت ورجاء تعمل الموبايل سايلنت وتبطلوا حركات المعيلة بتاعة ان واحد مزنوق في اغنية وحبك معاه يسمعها اثناء المحاضرة .. عشان بتيجي فوق دماغ الناس اللي معاك لو الدكتور سمع الموبايل .. عشان فيه دكاترة بيتلككوا من اول محاضرة .. وفيه ناس بتتطرد من اول محاضرة .. عادي يعني .. هاتقولولي ازاي واحنا ماعناش كارنيهات .. هايقولك هات البطاقة الشخصية .. معاكش ؟ .. يبقي تتشمس بره معا امن المدرج بقي !!
انا الكلام اللي قايله دا خاص بالفترة الاولي بتاعة اول اسبوع ..
هوا بالظبط بعد مرور اسبوعين .. هاتكونوا بدأتوا تتأقلموا على الجامعة وبقي الحال ماشي ميه ميه ..
وساعتها بقي ماتحتاجونيش :unsure:
كل سنة وانتوا طيبين يا جماعة .. ويارب تكون سنة سعيدة علينا وعليكوا يارب ..
حسن زغلول 19-09-2008, 08:20 PM ههههههههه.. ازيك يا فامبير الاول انا zikas ...علي فكره كلامك دا هو الصح الصح يعني مافيش كلام انت عامل زي مايكون قريت دماغي فيها ايه...وعمتا شكرا علي الاستفاده دي شكلك كده والله اعلم مجرب وخبره اووووي ...شكرا علي الرد واهتمامك وربنا يفوق بقي....واي دكتور هيقصر معايا ولا يظلمني هو عارف هيحصله ايــــــــــه.هههههههههههههه :p بجد شكرا يا فامبير:d
حسن زغلول 19-09-2008, 08:39 PM هتجنن هتجنن هتجنن يا فامبير وربنا :confused::(انا مكنتش بخش المنتدي دا بس بقيت اخشه علشان الناس المحترمين اللي زيك يعني كده فيه ...انا تقلت علي صحبي حسن زغلول عايز اعملي بروفيل ليا انا واشترك...بس بقالي اسبوع بحاول اشترك والموقع مش بيخليني اسجل شويه يقولي البريد متكرر مع اني عامله مليون بريد مختلفين وشويه الاسم ...خلاني احس اني اول مره اشترك في منتدي ...متشوفلي ايه الحل للمنتدي دا......:mad:
انا هستنا ردك اوك يالا سلام :rolleyes:
vampire1188 19-09-2008, 08:46 PM ربنا يكرمك ويخليك يا زيكاس يا زوق ..
والحمدلله ان ربنا جعلني سبب انك تتابع معانا .. وعلى فكرة .. انا مستمر معاكوا اثناء الدراسة ان شاء الله لو انتوا عايزين يعني مافيش مشاكل .. اي نعم انا ممكن يكون دخولي هايقل بنسبة 30 % ولا حاجة .. طبعا عشان محاضراتي ومذاكرتي ..
مانا زيي زيكوا .. ولا انتوا عايزين تنجحوا وانا اشيل الليلة بقي ؟ :blink:
عموما .. انا حكاية التسجيل على المنتدي دي اساسا ماخدتش مني 3 دقايق ..
انا مش عارف بقي انتا مش مسجل معاك ليه .. حاول تاني ..
او جرب تخش من جهاز حد تاني .. ممكن يكون عيب جهاز او الواير بتاعة النت عندك
جرب وحاول تاني .. وانضم لفريق تجارة 2009 .. واكيد هاتستفيد ان شاء الله ..
ربنا معاك ،،،
dr.zomba 19-09-2008, 10:55 PM ياااااااااه ..
دا كله دي اسألة ؟!!!
لالا ماقدرش اسد كدا انا بجد ..
لا بصوا .. بليز يا جماعة .. واحده واحده عليا عشان انا فعلا مابعرفش اجاوب على الردود الكتير اللي ورا بعض دي ..
بس على قد ماقدر هاقول اللي عندي ..
اولا احب ارحب بالناس الجديدة اللي لسه دخلين القسم والمنتدي هنا .. سالي وايهاب وجونا وميرو والمشرف الجامد اوي زومبا .. نورتوا اموضوع كلكوا يا جماعة ..
صراحة انا حاليا .. طبعا لضيق الوقت عشان انا ماقولكوش ورايا بلاوي متلتله بكتبها على الوورد دلوقتي ..
فانا برد والله العظيم بالعافية وسامحوني لو هاقصر في كلامي .. بس الايام ان شاء الله جايه كتير
فيه رد من الردود شدني .. وهوا رد دكتور زومبا لما قال وسأل
بص ياسيدي ..
لو جيبت تقدير ان شاء الله .. قدامك 3 اختيارات ظريفة اوي ..
1- لو جيبت جيد وصافي (يعني مش شايل مواد) تقدر تحول انتظام .. بس دا بيبقي بفلوس والتحويل انتا اللي بتعمله بنفسك
2- الرينج اللي مابين جيد جدا وامتياز .. دا يديلك الحق انك تخش المجموعة المميزة .. وبرده بتحويل .. زي انتظام كدا
3- في حالة واحده بس تقدر تحول تجارة انجليش .. بس ساعتها هاتتخصص لقسم اسمه قسم الاحصاء الاكتواري ..
والكلام دا اما تخلص سنة اولي .. ويكون بتقدير .. طبعا مش بتخشها سبهلله كدا !
لا بتخضع لامتحان تحديد مستوي Placment Test ولو نجحت فيه بتخش القسم دا ..
والقسم دا بياخد ماكسيمم .. 20 وطالب فقط لا غير .. وفي سنة من السنين كانوا واخدين 17 بس
سوري بقي لو كنت هاقصر معاكوا في الرد المره دي
بس اوعدكوا المرة الجايه ان شاء الله .. هابقي اقول اللي عندي بوفرة شوية
وربنا معاكوا ،،،
طيب معلش بس هرخم عليك شويه عندي استفسار:d
دلوقتي التقدير اللي بتقول عليه عشان الانجلش بيكون ايه؟
وبالنسبه للقسم اللي هتخصص فيه دا قسم كويس ولا اي كلام وبيعادل حاجه في اقسام تجارة عربي؟
سؤالي التالت والاخير تجارة انجلش كام قسم وايه احسنهم وايه اسوأهم؟
معلش طولت عليك وهتعبك معايا:)
vampire1188 19-09-2008, 11:09 PM شكلك يا دكتور زومبا مش متابع معانا التوبيك من الاول ..
بس هاريحك واجاوبك يا سيدي
دلوقتي التقدير اللي بتقول عليه عشان الانجلش بيكون ايه؟
هوا الدراسة فيه بالانجلش .. وهوا قسم تبع تجارة انجليش ..بس يحقلك انك تخشه .. ولازم تكون انتظام .. وعلمي رياضة في ثانوية عامة كمان .. يعني مش بالساهل .. اما التقدير اللي انتا بتقول عليه دا .. غالبا مابيبقي يتراوح مابين برده جيد جدا لإمتياز والله اعلم .. انا مش متأكد من المعلومة دي اوي .. بس دا اللي عندي مكن معلومات متوافرة حاليا .. اما اروح الجامعة بكره ان شاء الله هابقي اسالك واجيبلك المفيد النهائي .. بس من الاخر .. القسم دا مابيدخلش الا بامتحان .. وامتحان مش سهل ابداً ..
وبالنسبه للقسم اللي هتخصص فيه دا قسم كويس ولا اي كلام وبيعادل حاجه في اقسام تجارة عربي؟
القسم اللي هاتتخصص فيه .. مش اي كلام خاااااااااالص .. عايزك تعرف ان دا احسن قسم في تجارة على مستوي مصر كلها .. وعلى فكرة القسم دا مش موجود في اي جامعة في مصر تاني الا في القاهرة .. الايه يو سي نفسها ماعندهاش غير 3 تخصصات (اقتصاد/ادارة اعمال/محاسبة) .. وشغلها في مصر .. في اعلي الشركات .. و90 % من الخريجين فيها بيطلعوا يشتغلوا برا مصر اصلا ، اولويتهم في الشغل بيبقي في البورصات وشركات السمسرة .. والشركات دي الساليري بتاعها اعلي من السحاب !!
سؤالي التالت والاخير تجارة انجلش كام قسم وايه احسنهم وايه اسوأهم؟
> تجارة انجليش .. زي تجارة عربي بالظبط .. الفرق فيه شوية حاجات بسيطة في المناهج .. وطبعا اللغة بتاعة الدراسة ..
> نفس الاقسام بتاعة تجارة عربي هيا هيا بتاعة تجارة انجليش .. 3 اقسام
محاسبة Accounting / ادارة اعمال Business Administration / تأمين Insurance
احسنهم واسوأهم .. دا بقي انتا اللي تحدده مش انا ..
والسنة الاولي مش كافية انك تحدد انتا عايز ايه .. عشان انا سألت ناس متخرجة وقالتلي انتا بتبدأ تحدد اتجاهاتك من اول ماتخلص سنة تانية والرؤية تبدأ تظهرلك بقي ..
dr.zomba 19-09-2008, 11:18 PM والله بامانه جزاك الله كل خير تعبتك معايا بس معلش اخر حاجه عشان الموضوع كان ماشي كويس لحد الحته دي:(
وعلمي رياضة في ثانوية عامة كمان
انت متاكد من الحته دي اصل لو كدا يبقي مفيش امل نوهائي:(
wanda 19-09-2008, 11:21 PM طب بانسبالى انا وكام واحدة من صحابى كلنا لما قدمنا سحبوا بطاقة الترشيح
مع التقديم وسمعنا اشاعه بتقول اننا ندخل بالوصل والبطاقة الشخصيه
عايزة رد اروح ولا خلينى فى بيتنا عقبال ميطلع الكارنية :(
كريسبو 19-09-2008, 11:22 PM اه شىء الحفاظ على ذكر الله والمذاكره
vampire1188 19-09-2008, 11:23 PM انت متاكد من الحته دي اصل لو كدا يبقي مفيش امل نوهائي:(
اعتقد اه ..
كدا كدا اساسا ابقي قابلني لو عديت من امتحان التقييم بتاعهم ..
يابني انا جاري في القسم دا .. في سنة رابعة وعايد السنة دي كمان ..
كان معايا بيحكيلي في مرة قبل كدا .. بيقولي امتحان طلاسم .. حاجات معقدة
اشكال طالعة واشكال نازلة .. وارقام ومتتابعات
و علاقات هندسية ورياضية وقوانين ما انزل الله بها من سلطان !!
دا غير كمان ان الامتحان دا بالانجليش مش بالعربي ..
يعني فعلا اللي بيخش القسم دا بيبقي صاروخ رياضة ..
عشان كدا الشركات بتبقي مقدرة خريج القسم دا اوي
vampire1188 19-09-2008, 11:29 PM طب بانسبالى انا وكام واحدة من صحابى كلنا لما قدمنا سحبوا بطاقة الترشيح
مع التقديم وسمعنا اشاعه بتقول اننا ندخل بالوصل والبطاقة الشخصيه
وصل ايه وبطاقة شخصية ايه بس ؟!
صبح صبح يا واندا .. في ايه مالك ؟ ماتصلي ع النبي كدا وفوقي
انتي مش كنتي قولتي انك عملتي نسخة من بطاقة الترشيح تاني؟
عاملة ازمة ليه بقي ؟؟؟؟
عموما انا قولت على اللي انا مريت بيه خلال السنة اللي فاتت .. الله اعلم بقي السنه دي هايبقي ايه
بس انا قولتلكوا اللي حصل السنة اللي فاتت عشان يبقي الاحتياط واجب برده
بصي لو أزمت معاكي اوي اوي اوي يعني ومادخلتيش من باب مترو اللي بتيجي منه دايما دا .. امرك لله بقي ولفي الجامعة بطولها من بره .. وحاولي معا الراجل بتاع باب تجارة .. اي نعم عارف انه رخم وصعيدي .. بس حاولي معاه .. ماعرفتيش .. خشي اوعي تخشي من باب اداب لإنك عمرك ماهاتخشي منه .. عقبال عندك بيبقي واقف عليه ظباط مش حرس !!
خدي في وشك بقي طوالي .. واطلعي ع الرئيسي .. ان شاء الله هاتخشي منه .. دا لو قفلت خالص يعني
dr.zomba 19-09-2008, 11:35 PM اعتقد اه ..
كدا كدا اساسا ابقي قابلني لو عديت من امتحان التقييم بتاعهم ..
يابني انا جاري في القسم دا .. في سنة رابعة وعايد السنة دي كمان ..
كان معايا بيحكيلي في مرة قبل كدا .. بيقولي امتحان طلاسم .. حاجات معقدة
اشكال طالعة واشكال نازلة .. وارقام ومتتابعات
و علاقات هندسية ورياضية وقوانين ما انزل الله بها من سلطان !!
دا غير كمان ان الامتحان دا بالانجليش مش بالعربي ..
يعني فعلا اللي بيخش القسم دا بيبقي صاروخ رياضة ..
عشان كدا الشركات بتبقي مقدرة خريج القسم دا اوي
شكرا يا باشا تعبتك معايا
جزاك الله كل خير :)
على فكرة بقى يا جماعه
الدخول من باب المترو سهل اوى
انا بدخل عادى
يا دوبك اسلم ع الحرس اللى واقف
واقوله سلام عليكم
يدخلنى هوا
حتى لو ميعرفنيش
وساعات بدخل من غير ما اسلم كمان
مجرد انى ابص قدامى ومعبرش اللى واقف
بيخلينى ادخل عادى
اهم حاجة بس وانتى داخله كدا يا واندا
متبقيش تبصى للحرس خالص
وخشى واكنك بتقولى يا ارض اتهدى ما عليكى ادى
vampire1188 20-09-2008, 12:57 AM هههههههههههههههههههه
والنبي اما بيبقوا عايزين يخنقوا بيخنقوا يا علا ..
عندك مثلا الباب الرئيسي .. لو ماعكيش الكارنيه انسي تخشي منه .. الكلام دا اثناء ايام السنة العادية
اما اول يوم فابيبقوا فاتحين البووابة الكبيرة وبيدخلوا الناس .. بحس انه عامل زي فتح مكة كدا !
سيبك من كلامها يا واندا .. خدي بكلامي انا .. انا اسمي مكتوب على كل ابواب الجامعة !!
وبعدين واندا اساسا زمانها راحت تنام دلوقتي .. البنت وراها جامعة بكره ..
سيبيها تقوم تشوف مستقبلها .. عايزة تحرضيها على الفشل ؟
عيب عليكي .. دي Newcomer يعني لازم نوعيها .. مش نفشلها !!
vampire1188 20-09-2008, 02:00 AM اه بالمناسبة يا جماعة .. قبل مانسي
احب اقول للناس بتوع تجارة القاهرة ..
مبني الامتحانات بكره ان شاء الله هايكون متأفور ومقفول ..
بسبب امتحانات سنة رابعة بتوع الاعادة (دور سبتمبر) ..
وكل سنة وانتوا طيبين
يا عم هى بس تظبط الحرس دول
وهيدخلوها عادى
انا بحب اظبط بتوع الامن اللى على اى باب عموما
بينفعوا ساعات والله
واخس عليك يا فامباير يالى اتفمبرت على كبر
انا بفشلها
ماشى يا متفمبر باشا
بس خليك فاكرها
يا سلام عليك يا فامباير
لازم تقول كل معلومة كدا
ولا متبقاش فامباير المتفمبر بن مفمبرارا باشا
vampire1188 20-09-2008, 02:24 AM ليه وهاينفعوا ليه ؟
انا مش معايا الكارنيه بتاعي ؟ .. يبقي سوري في الكلمة طز فيه
وهايدخلني غصب عن عينه .. ولو مادخلنيش هاعمله فضيحة .. زي ماعملتها مرة قبل كدا
مرة قبل كدا ياستي .. روحت في يوم عادي جدا .. بخش من باب مترو .. الاقيلك الباب مقفول ويقولي ممنوع حاليا ..
قولتله نعم ؟ .. ليه الجامعة اتشمعت ولا مادفعتوش اقساط كهربة التكييف بتاعة المدرجات لشركة الكهربا فرفعوا عليكوا قضية حجز ممتلكات !!!!!
قالي انتا بتهزر يا افندي ؟ .. قولتله ليه شايفني لابس طربوش وبقولك يا كاظم بيه ؟!
وكنت هادب معاه .. وكان معايا طبعا ناس ورايا بيزعقوا .. المهم شوية وقالنا طب نظموا نفسكوا طابور ..
فضحكت . قولتله نعم ؟ ليه حد قالك ان فيه مخبز عيش جوا بيبع عيش مدعم ؟ .. ياعم صلي ع النبي بقي ورايا محاضرة كمان 10 دقايق والباب هايتقفل ومش ناقصة تعكيير دماغ هيا ع الصبح ..
شوية وقام فاتح الباب ودخلنا .. اخش عند العمدة كدا جوا الاقيلك صف عربيات بي امات ومرسيدسات واقفة ..
فيه ايه يا جدعان ؟ .. اصل احمد نظيف مشرف جوا في المكتبة المركزية !!!!
ربنا يخليهولنا يارب !!
اهو اليوم ده الوحيد اللى مروحتهوش
تصدق رحت كل الايام الا اليوم ده بالذات
صدغه يعنى
بس حصلت مرتين قبل كدا
كانت المحاضرة الساعه 8
وانا كنت عند الباب
الساعه 8 بظبط
ورايحه مخنوقه م المترو
عشان الميعاد ده زباله اوى ف المترو
وبضطر اروح اركب م المرج
عشان اعرف بس اركب المترو
وساعتها كانوا قافلين الباب
وودونا من باب لباب لحد الباب الرئيسى
وكنا افواج بقى ماشية ف الشارع
والمحاضرة ضاعت الحمد لله
وعلى فكرة يا فامباير
انا مش قصدى اظبطه انى اقبضه يعنى
انا اقصد انى بظبطه بالكلام
بلوتو 20-09-2008, 11:51 AM يظهر يا جماعة في تحويل انا اصلي روحت سألت :rolleyes:
! MedOo 20-09-2008, 04:00 PM جود افتر عصر على احلى نااس
انا قريت الموضوع من اوله وجاله شلل فى عينى ^_^
ههههههه
انا محمد من رايح اولى تجارة انجليزى شبين الكوم جامعة المنوفية
عايز بس اعرف
لينا مكان معاكم ولا ايه ؟؟
وعلى فكرة بجد انتو شلة جااامدة جداا
وادعولى بقى انا اول يوم بكرة
ahmed610 20-09-2008, 04:47 PM كل سنة وانتم طيبين الدراسة رجعت تانى واكيد كلكم نزلتم الجامعة يوم السبت بأستثنائى انا عايز كل واحد يقولى انطباعة اية عن اليوم الاول وهل فى اعضاء فى المنتدى قبلو بعض النهارد مش عايز اطول عليكم عشان انتو خلاص مبقتوش فاضيين زى زمان
اهلا بيك يا ميدوووووو معانا هنا
ويا ريت تدخل شلتنا ونبقى اجمد شلة
bondok fady 20-09-2008, 05:25 PM ايه يافامبير ايه الاخبار احلى سلالالام لاجدع ناس
وبعدين ايه ياعلالالالالالا انا مش اقوتلك ان تدخلى على جوجل وتكتبى بس بندق هتلاقى بلاوى امال بروح السعودية اعمل ايه هناك انا قلت ان انتى بجهزى فى المك اب ولبس الجمحة مش تاليف لالالالالالا والف لالالالالا انا عارف بقول ايه ........
ههههههههههههه انا بظهر معاكى دى انا غلبان وواد اهبل اووووى وطيب بس اما تشوفينى فى الجمحههتلاقى بلاوى غرقان فى هدومى انا لبسى بيقى فلانات واسعة اووووووووووووووى وبناطيل اوسع بكتير زى الزنجوج بالضبط المهم انا نازل القاهره اقريب اوووووووى
ahmedmaxamm 21-09-2008, 09:15 AM ازيكوا يا شباب انا دخلت كلية التجاره جامعة عين شمس الحمد لله
وشفت الجدول بتاع القسم العربى لايتو متقسم 4 مجموعات
وكل مجموعه بيدولها دكاتره مختلفيين خالص عن المجموعه التانيه هل ينفع انى احضر
فى اى مجموعه منهم انا انتساب مثلا وفى مجموعتين انتساب ينفع احضر فى اى مجموعه منهم
وهما مقسمين الطلبه بالحروف الابجديه قسمين ينفع احضر فى اى مجموعه عايز الرد بسرعه لو سمحتوا
amrspider 21-09-2008, 09:03 PM اولا ازيك يا أحمد علي فكرة انا معاك في الكليه وفي نفس الجامعه وبرضه انتساب ومعاك في نفس المجموعة لأنه بيتاخد بالابجديه وانا اسمي عمرو . وطبعا بيقولو ان من ( أ ) الي ( ع ) في مجموعه 3 .
من الاخر مش هينفع تحضر للأسف مع اي مجموعه تانيه . هاتقوليه ليه . طبعا ده مش كلامي ده كلام الدكاترة اللي قالو ان مش هينفع السنة دي بالذات . السنة دي مختلفه عن بقيه السنين اللي فاتت وعايزين يعدلو في النظام ويقللو الاعداد والحوارات دي . وان كل مجموعه ليها دكاترة مخصصين وامتحان مخصص غير بقيه المجموعات . وطبعا لازم تحضر مع الدكتور بتاعك لانه هو اللي هيحط الامتحان ولازم تحل بطريقته عشان ينجحك ان شاء الله .
اي سؤال تاني ياباشا انا موجود سلام . خلاص احنا بقينا زمايل .
vampire1188 21-09-2008, 09:48 PM اه بالمناسبة يا جماعة
بالنسبة للناس بتوع الفرقة الاولي مجموعة (ز)
الجدول اتغير النهارده ..
يوم السبت ويوم الاحد .. بقي مكان محاضراتهم في مدرج العيوطي .. وباقي الجدول زي ماهوا
الف مبروك يا جماعة .. :d
! MedOo 21-09-2008, 09:59 PM مبروكلكم
^_^
عماد العمدة 23-09-2008, 10:07 PM ميرسى قوى على المعلومات الجامدة دى
wanda 23-09-2008, 11:05 PM لإامبير يوم الاحد وبس شطبوا السبت وخلوة د تانى انتى ملحظتش التغيير ولا ايه
انا عايزة اسئل عن الجمعيه العلمية
ايه لزمتها واية نشاطهاااااااااااااااااااااااااااااااااا
اصل اخويا كان مش مشترك فيها بس كان بيستفاد منها
فانهى احسن ... لو مش ليها لزمة مش هشترك فى اى حاجة تانيه
ولا حتى الجواله طلعت بايخة :d
vampire1188 23-09-2008, 11:17 PM والله يا واندا ؟ .. طب كويس
لأ اصل انا كنت واقف عند الاستيدج بتاع المدرج العيوطي تحت .. وكنت بتفرج على بتوع الاخوان وهما بيعلقوا اللوح بتاعة الجدول .. فسألت واحد فيهم .. قالي انه التعديل هوا دا ..
بس بما انك متابعة يبقي خلاص .. اتس اوكي
اسمعوا كلام واندا يا جماعة ونفضولي ..
جدول اولى (ز) .. زي ماهوا ماعدا يوم الاحد هايبقي في مدرج العيوطي ..
انا عايزة اسئل عن الجمعيه العلمية
الجمعية العلمية حلوة اوي .. وتعتبر من انشط الاسر اللي شغاله على مستوي جامعات مصر كلها ..
وليها السبق في انها تعمل اول موقع منعزل خاص .. لكلية في مصر كلها .. وهوا شباب تجارة ..
اما بالنسبة بقي لأنشطتهم .. فهما ليهم باع كبير في :
- تقديم الخدمات الطلابية
- انشطة رياضية ، ثقافية ، اجتماعية .. بس سياسية ( لأ والف لأ )
- ساعات بيقوموا بعمل supporting لبعض المنح ..
- المجموعة الاولي في الكلية اللي محتكرة حكاية الـ ICDL .. والتسجيل بيبقي تبعهم وعن طريقهم
عموما .. هيا مجموعة ظريفة جدا .. بس الاشتراك فيها .. الله اعلم بقي .. لإن انا ماحاولتش اشترك فيها
صراحة .. اصلي مش فاضي !!!!!!!!!!
wanda 23-09-2008, 11:31 PM اوك شكررا اصلى ادعيت ليها
ومعرفش بقى ممكن اشترك وانفضلهم :d
realman0129 24-09-2008, 12:58 AM السلام عليكم
هو انا لو اشتركت في لعبة تنس الطاولة كمسابقة ينفع اشترك في اي مسابقة تاني ولا هي لعبة تنس الطاولة بس
vampire1188 24-09-2008, 01:08 AM قصدك ايه بالظبط ؟ .. في الانشطة بتاعة اتحاد الطلبة ؟؟
لو كان سؤالك كدا .. يبقي تروح تسأل في في كشك اتحاد الطلبة اللي قدام مدرج جـ و د احسنلك ..
على فكرة .. السنة اللي فاتت الكشك دا كان جربان اوي !! .. بس السنه دي بيضوه بالالوان وظبطوه ..
عتبتكوا حلوة يا بتوع اولي السنة دي :d
realman0129 24-09-2008, 01:33 AM شكرا علي ردك يا فامبير
ahmedmaxamm 24-09-2008, 05:39 PM اوكى يا عامر دا احنه هنتبهدل اخر بهدله
المهم سؤال كمان معلشش طيب احنا نبتدى نروح من امته بقى الكليه يعنى فى محضرات لينا بدات ولا لسه
vampire1188 24-09-2008, 09:50 PM بص يا كابتن احمد ..
انتوا عندكوا في عين شمس .. 4 مجموعات ..
الاولي والتانية >> انتظام ، التانية والتالته >> انتساب
لكن للاسف .. لا يحق ليك انك تلتزم في محاضرات مجموعة تانية غير مجموعتك
ولاحظ اني قولت تلتزم مش تحضر ..
لإن كل مجموعة وليها دكاترة محددين .. وكل دكتور من دول مطالب انه يحط الامتحان بتاع المجموعة بتاعته
بمعني انك ممكن تحضر معا مجموعة تانية .. وتيجي في مجموعتك الاساسية .. تكتشف ان الامتحان غير الامتحان
وساعات بتحصل ان بيبقي كمان المنهج غير المنهج .. لإن فيه دكاترة بتحذف حاجات وتقرر حاجات
بالتالي دا بيختلف من دكتور لدكتور ..
وربنا معاك في معتقل عين شمس اللي انتوا فيه دا !!
king2008 25-09-2008, 09:59 AM شكرا على النصائح الغاليه ديه
king2008 25-09-2008, 10:01 AM انا كنت عاوز اسئل على حاجه هو ايه نظام المجموعه المميزه
king2008 25-09-2008, 01:18 PM يا ريت لو حد يعرف يجاوبنى علشان انا عاوز اعرف عن المجموعه المميزه
minerva 25-09-2008, 02:47 PM انا هقولك ايه هى المجموعه المتميزه دى
هى دراستها هى دراسه تجاره عربى بالظبط
بس بيخدوا 200 واحد بس لاعلى مجموع وبيتقسوا ال 200 دول على مجموعتين يعنى بيبقى عدد المجموعه
الواحده قليل اوى وبناخد فى مدرجات تجاره انجليزى
بس شرط الاستمرار فيها انك تجيب جيد جدا وكمان بيدينا احسن الدكاتره
amrspider 25-09-2008, 08:23 PM ازيك يا أحمد . أنا عن نفسي مش هروح الا بعد العيد ان شاء الله . انا روحت اول اسبوع ده بعد 20_9 لحد الخميس وبعد كده هعد الكام يوم لحد العيد وكل سنة وانتي طيب يا أحمد . وعلي فكرة كله هيعمل كده حتي الدكاترة .و عادة كليه تجارة عين شمس بتستضيف الناس المهمة . فيوم الخميس جه أ . مصطفي حسني (الداعيه الاسلامي) طبعا عارفه . وكان يوم جميل والمدرج كان مليان علي اخره من كل الفرق وكل المجوعات ومع ذلك المدرج شال كل دول فده معناه ان في ناس كتير مجتش ومش هتيجي لحد العيد . بس طبعا لازم تيجي بعد العيد علي طول وللأسف مش هينفع تفوت محاضرات وتحضرها مع دكتور تاني في مجموعة تانيه . لأني زي ماقولتلك السنة غير السنة اللي فاتت .
ملحوظة ____ اسمي عمرو مش عامر في فرق يا معلم . وكل سنة وانتي طيب وتقبل مروري .
vampire1188 25-09-2008, 10:24 PM ياجماعة
للناس اللي دايما بتسأل على نتايج المعادلة بتاعة جامعة القاهرة
انا روحت شئون الطلبة النهارده .. وسألتهم
قالولي الميعاد من الاخر .. 15 / 10
والله اعلم ،،،،،،،
king2008 25-09-2008, 11:47 PM طب ازاى بنخشها من اولى
minerva 26-09-2008, 01:38 AM بص يا كنج انت بتروح الشؤن وبتقدم طلب هناك ولو مجموعك جبها بتدخلها بس هو ميعاد التقديم انتهى بس
اسأل بردوا فى الشؤن
vampire1188 26-09-2008, 01:52 AM يا منيرفا خلاص .. ميعاد التقديم انتهي .. والعدد استكفوا بيه
عوضك على ربنا بقي .. :(
شد حيلك السنة دي وحاول تجيب جيد جدا صافي عشان تحول للمميزة دي
minerva 26-09-2008, 02:10 AM مانا قولتله ان ميعاد التقديم انتهى يا فامبير بس يمكن يكون فى جديد بردو يسأل فى الشؤن برده
علشان نبقى عملنا اللى علينا
vampire1188 26-09-2008, 02:15 AM خلاص هوا حر .. احنا مالنا ..
بس اصلا هايروح الشئون مش هايلاقي حاجة .. هايعاملوه معاملة خدامين !!
هههههههههههههههههههههه زي ماعملوا معايا !!
king2008 26-09-2008, 02:43 AM شكرا على رضدكوا وانا هروح الشئون واسال
Queen_dona 26-09-2008, 06:16 AM بص يا كابتن احمد ..
انتوا عندكوا في عين شمس .. 4 مجموعات ..
الاولي والتانية >> انتظام ، التانية والتالته >> انتساب
لكن للاسف .. لا يحق ليك انك تلتزم في محاضرات مجموعة تانية غير مجموعتك
ولاحظ اني قولت تلتزم مش تحضر ..
لإن كل مجموعة وليها دكاترة محددين .. وكل دكتور من دول مطالب انه يحط الامتحان بتاع المجموعة بتاعته
بمعني انك ممكن تحضر معا مجموعة تانية .. وتيجي في مجموعتك الاساسية .. تكتشف ان الامتحان غير الامتحان
وساعات بتحصل ان بيبقي كمان المنهج غير المنهج .. لإن فيه دكاترة بتحذف حاجات وتقرر حاجات
بالتالي دا بيختلف من دكتور لدكتور ..
وربنا معاك في معتقل عين شمس اللي انتوا فيه دا !!
هو الكلام ده عين شمس بس ولا فى القاهره برضه
لأ يا كوين
النظام ده كمان ف القاهرة
يعنى انتى لازم تحضرى مع مجموعتك
عشان الامتحان مختلف
والمقرر مختلف
والملغى بيختلف
وعلى فكرة
ممكن يكون الدكتور بتاعك بيدى مجموعه تانية
بس مش معنى كدا
انك تحضرى مع المجموعه التانية
لأن برده ممكن يلغى حاجة عندك وميلغيهاش هناك
والعكس برده
wanda 26-09-2008, 10:54 PM يا سلام
ولا حتى سكاشن لانتظام
مع نفس الدكتور اللى بيدينى
انا سمعت غير كده اه المقرر بيختلف من مجموعة لمجموعه
بس طالما الدكتور واحد يبقى خلاص عادى ممكن احضر
يعنى مثلا تقريبا عندنا دكتور ناشد بيدى المجموعة المميزة
ممكن انا احضر معاهم سكاشن
ولا كلامى غلط حد يوضح ؟؟؟
vampire1188 26-09-2008, 11:06 PM لا طبعاً .. السكاشن ممكن تتقفشي فيها !!
لكن المحاضرات لأ ..
بس المميزة صعب يتهيألي ان حد يحضر فيها .. لإنهم معدودين على الصوابع يعني
يعني لو حد غريب دخل فيهم .. ممكن يتعرف .. ويتفضح !
عموما .. زي ما علا قالت ..
دلوقتي دكتور ناشد الكلبوظة بتاعكوا دا .. بيدي في مجموعتين اولي (ز ، المميزة)
المجموعة (ز) ممكن يقرر مثلا .. الفصل الاول والتاني والتالت .. ويحذف الرابع
في المميزة بقي .. ممكن يحذف الاول.. ويقرر الباقي ..
دا مجرد بس تصوير نموذجي .. انما واقعيا دا مابيحصلش في مادة زي الرياضة
الرياضة اصلا صعب اي دكتور يلغي فيها شابتر كامل .. هوا ممكن يلغي جزئيات صغيرة جدا
يعني مثلا شابتر زي بتاع الاستنتاج الرياضي دا .. المفروض الشابتر دا بييجي فيه طريقتين لحل المسالة
المنطق الاستقرائي و المنطق القياسي .. واحد زي ناشد دا ممكن يلغي واحده فيهم .. معا انه استحالة
بس ممكن يلغي .. لو عايز يلغي هايلغي .. وممكن يلغي الاتنين معا بعض
شابتر تاني زي بتاع المصفوفات .. دا ليه طريقتين .. التخفيض المحوري والمحددات ..
ممكن يطبق الطريقتين .. وممكن يلغي واحده فيهم
عموما .. انتي يمكن ماتعرفيش الحاجات دي .. بس قدام هاتعرفيها كويس وهاتتمرني عليها
TAREK KEWAN 28-09-2008, 12:38 PM ههههههههههههههههههههههه دا انا لو قعدت اقرأ كل اللى انتوا كاتبينه هكون خلصت سنه رابعه بس بصراحه الكلام ده كويس جدا ياعم المشرف اصل انا لثا اول سنه بس تجاره انجليش اللى انا مش فاهم فيها حاجه بس دخلتها عشان اعوض هندسه اللى ضاعت منى على درجه
|