الفيديو اللي صوره عمرو الليثي وبتشيره الجزيرة بتاع مدرس الإعدادي سابقا
هرد على كذا نقطة وزي ماكان عندككم طولة بال وانتو بتسمعوه ، ياريت يبقى عندكم طولة بال وانتو بتقرو
الاخ سواق التوك توك بيسال عن السكر والرز ، واضح ان مفيش حد بلغه ان السكر والزيت والرز كان بيتلم من السوق في الشهور فاتت
ومباحث التموين قبضت على ناس مخزنيين ما يزيد عن 450 طن سكر في مخازن القاهرة واسكندرية والشرقية
يعني خلصنا من الانفاق ظهرت لنا المخازن
الاخ بيسال عن حال التعليم والصحة ووضع البلد
الاخ بيلقح كلام على الجيش والمؤسسات الامنية
حد يقولو بص حوليك وشوف اللي معندوش جيش عايش ازاي
الاخ بيقول مشروعات قومية مالهاش لازمة
حد يبلغه ان المشروعات دي شغلت اكتر من مليون شاب زيه وعائدها للدولة هيحس بيه في خلال كام سنة كمان وهيشتغل في المشروعات دي اد اللي بيشتغل فيها حاليا 5 مرات
الاخ بيقول كنا مسلفين بريطانيا ، حد يبلغه ان وقت ما كنا مسلفين بريطانيا كان عساكر الانجليز بيمشوا في شوارع مصر يضربوا اجدع واحد فيها بالقفا ويهينوا كرامة اي راجل وينتهكوا حرمة اي بيت ،
الاخ بيقول اليابان جات تتعلم مننا الحضارة
حد يبلغه ان اليابان منهضتش غير بالمشروعات العملاقة اللي هو في اول الفيديو قال انها مالهاش لازمة
قبل ما تصرخوا وتقولو مصر مش عجباكم
بصوا في مرايتكم واسالو نفسكم انتو بتعملوا ايه يعجب مصر
بترمو زبالة في الشارع بترتشي بتنصب بتزوغ من شغلك بتغش في تجارتك ، بتسرق زباينك ،، يا اخي ده انتو بترمو العيانين الغلابة برة المستشففيات وعلى الارصفة ،
ده الحيوانات بتعذبوها والحمير بتدبحوها ، بتعذبوا اطفال الملاجئ وتهينوا كبار السن والعجزة ، اديان ربنا بتسبوها وتلعنوها ، ناس معاها الافات وبتشتغل في التسول وتخطف عيال ، الحاجة تشرتيها ب 10 ومش عايز تبيعها باقل من 20
الغش والنصب بتعتبرو فهلوة ،
لما بيجيلك سايح بتبقى عايز تقلبه وتطلع اللي في جيبه
اشارة مرور مش عارفين تحترموها
مش بتعرفوا تكلموا بعض الا بالشتايم بالام والاب وسب الدين
ليه سكتوا لما جه شوية صيع عملاء منظمات حرقوا منشات الدولة وخربوها وباعوها في سوق النخاسة الاجنبية
وجه بعدهم جماعة ارهابية تاجرت بالدين والاعراض وخانت البلد دي وباعت ملفاتها واسرارها لقطر وتركيا وامريكا
اللي اتحملته البلد دي مفيش بلد تقدر تتحمله
بس محدش بيحس ولا حد بيقدر وارجع واقول اصلحوا من انفسكم لعل الله يصلح احوالنا جيمعا
لا وشوف مين اللي شغال على السوشيال ميديا بيندب بخته وزعلان على مصر
اللي بيكتب تويتات بوستات يقول للاجانب متجوش
اللي بيشتم بلده وبيقبض من منظمات اجنبية
اللي مرمي في حضن قطر وتركيا وبيصرف ملايين عشان يسلح مليشيات تخرب مصر ، اللي بيفرح لما جندي يموت او طيارة يحصل فيها حاجة
اللي بيشمت ويفرح ويدعي ربنا تخرب

هذا الشاب وصف فى البداية حالنا لكنه سار فى المسار المخالف بعد كدا

واضح أنه خريج تكتك من جامعة التيار الديمقرواطى الممزوج باللية الإخوانية

لأن أغلبهم بيموتوا فى وصف زمن الباشوات ومدحه

واللى زعلوا قوى لما المصريين العادين راحوا شرم الشيخ

شكلهم كانوا عايزين يورثوها من مبارك ويمنعوا دخول الحرافيش من الشعب

فالغلابه لديهم مجرد سلعة للإتجار بها حتى ينالوا المراد فى سلطتها أو خرابها

احنا غلابة وطالما راضيين نبقى غلابة يبقى من حق كل التجار المتاجرة فينا وبيتا

حسبنا الله ونعم الوكيل

شكرا للمرور أستاذنا الكريم / رضا الجوهري
كلنا بنعاني من مشكلات يمكن تفوق قدراتنا
وكلنا رأينا حالنا في وصف سواق التوك توك
لكن في لحظه إنحرف الدريكسيون منه وفق
التوجه المنشود .. إيه إللي زعل جنابه من
المشروعات القوميه .. مش عارف
ليه عايز زي جمهوره وجماعته يشيلوا الليله
للسيسي .. وللحكومه حتي لو بها كثير من
التقصير وحدهم .. مش عارف ..
هل بدأ بنفسه .. التوك توك ده مرخص ولا
بيدفع ضريبه عليه ولا تأمينات ..
هل شعبنا بقي بيعمل إللي عليه وشايف شغله
كلنا حالا .. مكلمنجيه ..... وإنتاج ......... مفيش
كلنا عايزين كل حاجه من غير مانتعب في حاجه
فعلا
اللي اتحملته البلد دي مفيش بلد تقدر تتحمله

هو السؤال الملح

قناة الحياة والنهار والسى بى سى والعاصمة عليهم برامج عن مشكلاتنا بالصوت والصورة

والمذيع لايترك المسئول حتى يتعهد أمام الناس بمقابلة صاحب المشكلة وحلها

لماذا لم يتفاعل الناس وخاصة الناس اللى هما إلا مع هذا الفيديو

اللى بدأه بنقد عسل ونهاه بزمن بصل

ويقول لك الملك كان بيرسل كساء الكعبة لأن مصر كانت غنية

طب مالخديو والسلطان والملك كانوا بيرسلوا الهدايا كل عام لاستانبول

هل هذا يدل على أن أجدادنا كانوا عايشين فى رخاء وسخاء

الناس دى وحشهم الاحتلال وزمن الحكام من خارج الديار المصرية ولا إيه ؟؟؟؟!!!!!!!!!!!!

ناس فاقدة للتاريخ والهوية


شكرا جزيلا

توك توك .. الثورة
---------------------------
بتحاسبوا الراجل على الدولار وأرتفاع الأسعار .. وماله .. طب ماتيجي نتحاسب ونفتح الكراسة ونشوف الحساب على مين .. لما عملتوا ثورة في 2011 كان أحتياطي النقد 35 مليار وسعر الدولار 5.80 جنيه .. بعد ثورتك المجيدة ووقفاتكم الاحتجاجية والفئوية اللي كانت بتتعمل بشكل شبه يومية السياحة أنضربت وأكتر من 5000 مصنع قفل وسرح عماله .. والنتيجة كانت أن اﻷحتياطي النقدي أنخفض ووصل إلى 15 مليار والدولار سعره نط ووصل إلى 6.20 جنيه .. في أيام المخفي مرسي نط الدولار تاني وبقى 7.30 جنيه .. دلوقتي الاحتياطي النقدي وصل 19 مليار وده بعد ما دفعنا فلوس قطر وجزء من ديونا اللي علينا .. وسعر الدولار في البنك الرسمي حتى اﻷن 8.80 جنيه والسوق السودة بيتقال داخل على 15 جنيه ومش هجادلك في صحتها .. بس متقولي كده يا فلتة عصرك وأوانك في رأيك أيه اﻷسباب .. أقولك أنا .. فاكر لما السياحة أنضربت تاني بسب الارهاب .. كنا بنعمل حملات ترويج وتشجيع للسياحة .. كان في عيل أبن حرام كان بيدخل على الحملات دي ويحط صور المجاري اللي طافحة والزبالة اللي في الشوارع ويقولهم متجوش مصر دي بلد معفنة وغير أمنه (طبعا عارف أبن الحرام ده يطلع مين) .. فاكر حادثة الشاب ريجيني .. كان نفس أبن الحرام ده هو اللي بيطلع على المواقع الاجنبية والاخبارية ويقولهم الحكومة بتاعتنا هي اللي ***ته ومتسبوش حقكم .. عارف أبن الحرام ده أتسبب في تعطيل كام مشروع والغاء كام صفقة تجارية كانوا ممكن يزودوا حجم النقد في البلد ده غير الاستثمارات اللي أتلغت .. فاكر ساعة حادثة الطائرة الروسية .. نفس أبن الحرام هو هو بتاع كل مرة اللي طلع يجري ويقول الطيارة وقعت بسبب أهمال الشرطة وراح على المواقع الروسية يقولهم متسيبوش حق ولادكم ومتبعتوش سياح تاني عشان مصر غير أمنه .. عارف أبن الحرام ده قفل كام بيت وشرد كام أسرة .. طب هنروح بعيد ليه فاكر من شهر فات لما الخرفان طلعوا أشاعة أن أمريكا منعت استيراد المحاصيل الزراعية من مصر عشان ملوثة بفيروسات وبتجيب أستبحث و***كة في اللابوريا .. أبن الحرام ده ماصدق وطلع يظيط في كل حتة ويقول أه أصلنا بنسقي الزرع بمية مجاري ومسبش موقع ولا خبر إلا وقعد يبوخ في سمومه والنتيجة كانت أن روسيا وحتى السودان ودول تانية وقفوا أستيراد المحاصيل الزراعية من مصر لحد ما يتطمنوا على سلامتها .. عارف ليه أبن الحرام ده كان بيعمل كده .. عشان بس يقول أن السيسي فاشل وخرب البلد حتى لو كان التمن أن أهل البلد دي كلهم هيشيلوا الطين وهيسفوا التراب وميلاقوش اللقمة .. الغريبة يا أخي أن نفس أبن الحرام ده هو اللي بيمصمص شفايفة دلوقتي وبيقولك الدولار أرتفع والناس جعانة ومش لاقية والبلد بتخرب .. لا وكمان بيقولك الحل أننا نعمل ثورة جديدة وياله بينا يا رمان على بعضتشينا .. عارف أبن الحرام ده نفسي بس يتحلى بنوع من الشجاعة ويقول للناس توقعاته للدولار هيبقى بكام بعد ثورته الميمونة ...

منقول من الفيسبوك

الله ينور على آرائك ... أؤيدك في وقت إللي يقول كلمة حق و تأييد لبلده يبقى غريب !!!!

و بعدين ... فعلا ناس ما بتحسش ... يدعوا الفقر أو فعلا منهم فقراء و تلاقيهم بيشربوا السيجارة بعد السيجارة ... و يقعدوا على القهاوي .... و يتكلموا في المخاميل ... و الحاجة الوحيدة إللي بنتجوها الخلفة الكتيرة لبني آدمين ماهومش لازمة إلا رميهم في الشوارع ... و الجوازات لاكتر من واحدة و رميهم في المحاكم ... كل ما أسمع شكوى لواحد منهم ألاقي وشه طخين و حواجبه غريبة و يزعق و يقول أأكلهم منين ؟؟؟ عندي سته و امهم !!! و ألاقي عينيه احولت ... حسبنا الله و نعم الوكيل ... حيودونا في داهية

لميس جابر تكتب
الحقيقة أن مصر مرهقة بالفعل.. لكن مَن فعل هذا بمصر يا عزيزى السائق أو المدرس أو المذيع؟ الذى فعل هذا بمصر هو الذى أحرق مائة وعشرين قسم شرطة غير المحافظات والمحاكم فى 48 ساعة فى يناير 2011.. الذى أشعل الحرائق واقتحم السجون وأخرج الحكام الجُدد ليهدموا مصر.. هو الذى هاجم مجلس الوزراء ومجلس الشعب والمتاحف وحرق المجمع العلمى.. هو الذى نزع بلاط الشوارع وحطم الأرصفة ولطخ الحوائط، هو الذى أوقف السياحة إلى يومنا هذا وطرد المستثمرين وأغلق المصانع وألقى بالعاطلين على المقاهى.. الذى فعل هذا بمصر هو الذى جاء بالإرهابيين ليحتلوا سيناء وينتشروا فى شوارعنا إلى يومنا هذا، يفجرون أبناءنا ويغتالون رجالنا من الشرطة والجيش والقضاء.. الذى فعل هذا بمصر هو الفوضى الخلاقة التى ارتدت رداء الثورة، والتى جعلت الفساد يستشرى ويتوغل أضعاف أضعاف الماضى فى غيبة الدولة وغفلة القانون، الذى فعل هذا فى مصر هم من خدعوا الشعب لينتخب الإخوان أنصار الديمقراطية الأمريكية وأصحاب مشروع النهضة، الذين دمّروا مصر وكادوا يبيعونها بالجملة والقطاعى، والذين تركوها تشتعل من شمالها إلى جنوبها ودمروا الطرق وحرقوا محولات الكهرباء وأظلموا حياة مصر.. الذى فعل هذا بمصر هو ثقافة الفهلوة والمكسب السهل السريع الذى يلقى بالأطفال إلى الهجرة ليموتوا غرقاً بحثاً عن كنز مدفون فى بلاد الخواجات.. الذى فعل هذا بمصر هو هذا «التوك توك» الذى يدخل البلاد خلسة، والذى يسوقه السيد المفوه بلا رخصة ولا ضريبة، ويستعمل البنزين المدعم ويُحدّد الأجرة حسبما يشاء، وربما يكون هو هو الشخص نفسه الذى يثور ويفور عندما يسمع عن زيادة سعر تذكرة المترو إلى جنيهين، بينما يأخذ هو من الناس ما يشاء من خمسة حتى خمسة عشرة جنيهاً.. من فعل هذا بمصر هم المتربصون معدومو الضمير صناع الأزمات الذين يجمعون السلع الأساسية، ويصنعون سوقاً سوداء للسلع الضرورية، التى سوف تتوالى مع الأيام المقبلة.. الذين يفعلون ذلك بمصر هم بعض من معدومى الضمير والوطنية من الإعلاميين وأصحاب الكلمة الذين يصدرون للشعب المرهق هذا الكم من التشاؤم والسواد والفشل

انا مش معارض للى بتقوله ولا انا اخوانى ولا بحب الاخوان من اساسه بس عايز اعرف حاجه الدولار فى البنك ب 8.80 طب هل موجود بكميات وهل تقدر تصرف من البنك زى مانت عايز؟؟

انا مش معارض للى بتقوله ولا انا اخوانى ولا بحب الاخوان من اساسه بس عايز اعرف حاجه الدولار فى البنك ب 8.80 طب هل موجود بكميات وهل تقدر تصرف من البنك زى مانت عايز؟؟
--------------------------------------------------
تساؤل منطقي جدا ياسير / محمود .. وإجابه متواضعه الدولار بالسعر ده في
البنك للسلع الإستراتيجيه .. لإستيراد الدوله .. لسد حاجه الشعب .. لكن
السعر في السوق الحره 15 جنيه لسلع إستفزازيه فوق مستوي معيشتنا
ويمكن طالت بعض سلعنا الضروريه .. زي الأجهزة الكهربائية .. وبعض السلع
الأخري .. نعترف أننا نعيش في أزمه .. لكن الحمد لله مازلنا نمتلك وطن

اللى بيردوا دول .. انتو بتتكلموا بجد :d

انا عارف اني اول ما حبتدي اتكلم حيتقالي انت اكيد اخوان
بس حقوله بردو ..

احنا بنعمل مشاريع قومية اه .. اغلبها وهمي زي قناة السويس اللى كانت السبب الاول ف تدمير الجنيه
لاننا مش بس ضيعنا 60 مليار جنيه بدون فايدة اقتصادية غير المبالغ اللى اتصرفت بعدها .. وكمان طلعنا عليها فايدة اعلى من فايدة البنك واحنا لسه مجبناش منها ربح

حاكمنا هشام جنينة لما فكر مجرد التفكير انه يتكلم عن فساد جهاز امن الدولة والاموال المهدرة داخل قصر الرئاسة
رغم اننا عارفين ومتأكدين وشايفين الفساد بعنينا في كل حتة

بنقول مصر مرهقة ولازم نستحمل وبنخصم من المرتبات (واغلبكم موظفين ومجربين ده) عشان نزود بيهم القضاة والمستشارين وظباط الجيش عشان يرجعوا يقولولنا بكل برود .. انت تقدر تعيش بجنيه واحد ف اليوم .. ف الوقت اللى العالم حدد فيه خط الفقر بـ1$ مش 1 جنيه !

محدش يرجع بعد كدا يقول اصل الشعب هو اللى ابن **** !

كوريا .. كانت بلد واحدة واتقسمت نصين
كوريا الشمالية دلوقتي بقت محل سخرية العالم كله
كوريا الجنوبية وصلت لمرحلة اقتصادية متقدمة جداً
هما مستوردوش شعب جديد .. هما كانوا نفس الشعب بس تحت ادارة محترمة

احنا دايماً بنبص تحت رجلينا ونقول الاهم منبقاش زي سوريا والعراق
طب ليه منبقاش زي ماليزيا ولا الصين
ياعم طب حتى نبقى زي رواندا اللى دلوقتي عاصمتها بقت الاولى افريقياً !!

احنا مش بس بقينا سايبين الفساد .. احنا بقينا مؤمنين بيه !

اللى بيردوا دول .. انتو بتتكلموا بجد :d

انا عارف اني اول ما حبتدي اتكلم حيتقالي انت اكيد اخوان
بس حقوله بردو ..

مين قال الكلام ده .. البلد دي .. محتاجه إللي ينتقدها عشان يصحح مسارها
هو ده النقد المحترم .. مش نقد لمجرد الهدم وتحقيق حاجه في أنفس البعض

احنا بنعمل مشاريع قومية اه .. اغلبها وهمي زي قناة السويس اللى كانت السبب الاول ف تدمير الجنيه
لاننا مش بس ضيعنا 60 مليار جنيه بدون فايدة اقتصادية غير المبالغ اللى اتصرفت بعدها .. وكمان طلعنا عليها فايدة اعلى من فايدة البنك واحنا لسه مجبناش منها ربح

العالم المصري فاروق الباز إنتقد كل من يهون أو يقلل من قيمه المشاريع القوميه
وهو بالتأكيد له نظره أفضل منا جميعا وإسمح لي بالرد علي ضياع 60 مليار جنيه
وبفايده أكبر من فايده البنك .. ( كلام غير صحيح ) القناه الجديده مش مشروع
فاشل .. الفشل في عقول من يسوق هذا المفهوم والمعني .. لضعف في قراءه
أول أحرف الإستثمار .. أما عن فائده القناه وهي 12% .. هناك فوائد الأن في
البنك تتجاوز ال 12.5% .. يعني معلومات حضرتك عايزة تصحيح في النقطه دي

حاكمنا هشام جنينة لما فكر مجرد التفكير انه يتكلم عن فساد جهاز امن الدولة والاموال المهدرة داخل قصر الرئاسة
رغم اننا عارفين ومتأكدين وشايفين الفساد بعنينا في كل حتة

فكره المحاكمه .. ده شيئ يرجع للقضاء .. والفساد كان موجود في فترته ليه
سيادته ماإتكلمش إلا لما عرف إن أيامه في الجهاز المركزي للمحاسبات كانت
في نهايتها .. وبرضه كل شيئ راجع للقضاء

بنقول مصر مرهقة ولازم نستحمل وبنخصم من المرتبات (واغلبكم موظفين ومجربين ده) عشان نزود بيهم القضاة والمستشارين وظباط الجيش عشان يرجعوا يقولولنا بكل برود .. انت تقدر تعيش بجنيه واحد ف اليوم .. ف الوقت اللى العالم حدد فيه خط الفقر بـ1$ مش 1 جنيه !

هي دي اللبانه إللي مابتخلصش .. مرتبات الجيش والقضاه .. ياريت حضرتك ولا
أي حد بيتكلم يشيل روحه علي كفه .. وهو بيحارب خونه من جوه أكتر من الخونه
إللي بره .. والقضاه إللي تاعبين ناس كتير قوي .. كلهم كام واحد .. ولازم
القاضي يعيش عيشه كريمه .. عشان يكون حكمه .. سليم .. النفس أماره
بالسوء .. ولو فسد القضاء فسدت مصر كلها .. وحكايه العيشه بجنيه ولا بدولار
خط الفقر شمل ناس كتير قوي .. بس ياتري الناس إللي بتخزن السكر والأرز
وبالكميات دي .. وتكثيف الأزمات قبل 11/11 .. ليه ممكن تجاوبني حضرتك

محدش يرجع بعد كدا يقول اصل الشعب هو اللى ابن **** !

كوريا .. كانت بلد واحدة واتقسمت نصين
كوريا الشمالية دلوقتي بقت محل سخرية العالم كله
كوريا الجنوبية وصلت لمرحلة اقتصادية متقدمة جداً
هما مستوردوش شعب جديد .. هما كانوا نفس الشعب بس تحت ادارة محترمة

كوريا الشماليه بفقرها إللي حضرتك بتتندر عليهم بيه .. أمريكا لاتستطيع أن تتنفس
معهم .. ( أكيد حضرتك عارف ليه ) .. وكوريا الجنوبيه متطوره نعم .. لكن ماركات
الأندر وير بتاع رجالتهم قبل حريمهم .. ومقاساتهم عند أمريكا بقواعدها إللي ماليه
كوريا الجنوبيه ( وأكيد برضه حضرتك عارف ليه )

احنا دايماً بنبص تحت رجلينا ونقول الاهم منبقاش زي سوريا والعراق
طب ليه منبقاش زي ماليزيا ولا الصين
ياعم طب حتى نبقى زي رواندا اللى دلوقتي عاصمتها بقت الاولى افريقياً !!

لما نرجع مصريين .. أمنا مصر ووطنا مصر .. ومانحرقش مصر .. ونستني أنها
تقع بفارغ الصبر .. وقتها بس إبقي حطنا في مقارنه مع راوندا .. وغيرها

احنا مش بس بقينا سايبين الفساد .. احنا بقينا مؤمنين بيه !
شكرا لوجهه نظر حضرتك .. وسأعتبرك ناقد لمواقف كلنا ننتقدها
ولكن
يبقي الفارق بيننا جميعا .. هدف النقد .. شكرا لحضرتك

العالم المصري فاروق الباز إنتقد كل من يهون أو يقلل من قيمه المشاريع القوميه
وهو بالتأكيد له نظره أفضل منا جميعا وإسمح لي بالرد علي ضياع 60 مليار جنيه
وبفايده أكبر من فايده البنك .. ( كلام غير صحيح ) القناه الجديده مش مشروع
فاشل .. الفشل في عقول من يسوق هذا المفهوم والمعني .. لضعف في قراءه
أول أحرف الإستثمار .. أما عن فائده القناه وهي 12% .. هناك فوائد الأن في
البنك تتجاوز ال 12.5% .. يعني معلومات حضرتك عايزة تصحيح في النقطه دي

هو ممكن يكون دلوقتي اه بس مكنش من سنتين
الناس سحبت فلوسها وودايعها من البنوك بفايدة 10% وحطتهم ف شهادات القناة بـ12%
والدي من ضمن الناس اللى عمل نفس الحركة
تقدر تقولي منين جابت فوايدها بعد 3 شهور وهي مكنتش لسه خلصت ؟؟!!


ياريت حضرتك ولا أي حد بيتكلم يشيل روحه علي كفه .. وهو بيحارب خونه من جوه أكتر من الخونه
إللي بره

حضرتك الجيش مبيحاربش حد بره .. اللى بيحاربوا هما المجندين الغلابة اللى بيتاخدوا كل سنة بعد ما بيخلصوا كلياتهم
هما اللى بيتهانوا وهما اللى بيموتو في سيناء والقيادات بتتاجر بدمهم !!
اسأل اي حد من اللى بيدخلوا الخدمة حديثاً واصحابي كلهم دخلوا
الجيش من بره منظر عالفاضي .. لا اسلحة متطورة ولا قيادات بتفهم وفساد للركب
لحد دلوقتي لسه منهم ناس مقتنعة بجهاز الكفتة بتاع عبدالعاطي
ولوا كبير مقتنع ان رياح مصر الشمالية شرقية حتخلي صواريخ اسرائيل ترجعلهم تاني لو اتضربت على مصر
ووزير دفاع برتبة رئيس جمهورية عايز يلم الفكة بتاعت الناس

والشعب الغلبان سخره ليك ف الجيش يموت مكانك ويشتغل مكانك
انت تعفي نفسك من الضرايب وتشغل البكالوريوسات عمالة عندك ببلاش
وانتج المكرونة وانتج لبن الاطفال واستورد المكيفات واستورد الادوية
وسيب الشركات جوه تقفل وتسرح العمالة وتزود البطالة المهم تدخل الفلوس ف جيبك
ولو في دين خد دين من بره يشيل فوايده الغلابة اللى تحت وتاخد انت ارباحه

الجيش بتاعنا اللى هو الظباط الكبار ميهمهش غير انهم يتفسحوا بس .. وحسيبلك الصورة دي
نفس المكان بنفس الشمسية بس الفرق اذا كنت ظابط ولا مدني !
اه حضرتك لو مش ظابط جيش فانت مجرد مدني !
حتى الطرق .. بقى يمتلكها الجيش وبتدفع عليه الكارتة للجيش لو كنت مدني !
الجيش بتاعنا وصل لمرحلة من التسيب والتدهور ان مجموعة مسلحين غير منظمين ي***وا قائد عسكري كبير قدام بيته
حدثني عن الجيش العاشر على مستوى العالم !
https://pbs.twimg.com/media/CpCmAm4XgAAV1r_.jpg

العالم المصري فاروق الباز إنتقد كل من يهون أو يقلل من قيمه المشاريع القوميه
وهو بالتأكيد له نظره أفضل منا جميعا وإسمح لي بالرد علي ضياع 60 مليار جنيه
وبفايده أكبر من فايده البنك .. ( كلام غير صحيح ) القناه الجديده مش مشروع
فاشل .. الفشل في عقول من يسوق هذا المفهوم والمعني .. لضعف في قراءه
أول أحرف الإستثمار .. أما عن فائده القناه وهي 12% .. هناك فوائد الأن في
البنك تتجاوز ال 12.5% .. يعني معلومات حضرتك عايزة تصحيح في النقطه دي

هو ممكن يكون دلوقتي اه بس مكنش من سنتين
الناس سحبت فلوسها وودايعها من البنوك بفايدة 10% وحطتهم ف شهادات القناة بـ12%
والدي من ضمن الناس اللى عمل نفس الحركة
تقدر تقولي منين جابت فوايدها بعد 3 شهور وهي مكنتش لسه خلصت ؟؟!!

تصحيح معلومه تانيه .. أرباح الشهادات البلاتينيه في نفس التوقيت 10.5% يعني
الفارق 1.5% .. والفلوس دي تم دفعها لخدمه قناه السويس تبقي قناه السويس
القديمه ..ملتزمه بدفع الأرباح

ياريت حضرتك ولا أي حد بيتكلم يشيل روحه علي كفه .. وهو بيحارب خونه من جوه أكتر من الخونه
إللي بره

حضرتك الجيش مبيحاربش حد بره .. اللى بيحاربوا هما المجندين الغلابة اللى بيتاخدوا كل سنة بعد ما بيخلصوا كلياتهم
هما اللى بيتهانوا وهما اللى بيموتو في سيناء والقيادات بتتاجر بدمهم !!
اسأل اي حد من اللى بيدخلوا الخدمة حديثاً واصحابي كلهم دخلوا
الجيش من بره منظر عالفاضي .. لا اسلحة متطورة ولا قيادات بتفهم وفساد للركب
لحد دلوقتي لسه منهم ناس مقتنعة بجهاز الكفتة بتاع عبدالعاطي
ولوا كبير مقتنع ان رياح مصر الشمالية شرقية حتخلي صواريخ اسرائيل ترجعلهم تاني لو اتضربت على مصر
ووزير دفاع برتبة رئيس جمهورية عايز يلم الفكة بتاعت الناس

لما تدخل الجيش إبقي إتكلم عنه .. لكن صحابك دول مش معيار نقيس عليه
هما محتاجين شويه علي مايعرفوا يعني إيه جيش الرجاله .. لكن ربنا هايكرمهم
إن شاء الله .. ووجه نظرك دي تروح تحطها في سوق النخاسه بتاعه بياعين
الدين والعرض .. مشكله البلد دي إن فيها جيش رجاله بيحافظ علي إللي
بيحبها وبنفس الدرجه إلخونه إللي عايشين تحت سماها ومعاهم جن سيه
مصريه .. إنت أقل من إنك تحكم علي جيش الرجاله .. خير أجناد الأرض
والأسلحه والقيادات والفساد .. كنت نفسك تلاقي الجيش الحر بتاع حبايبك
وهو ماسك السلاح .. مش لما يلبسوا أندر وير الأول .. يابني إنت لسه
صغير .. وبدايه مداخلتك الأولي قلت إننا هانتهمك إنك إخوان .. تفتكر هما
بيقولوا إيه غير كده .. تفتكر هما نفسهم البلد تقع بنفس درجه أمنيتك دي
الريس إللي بيلم الفكه .. عشان يأكل أنطاع .. ماتعرفش في حياتها غير
النقد .. وهي حياتها كلها .. ماتساويش أقل عمله من الفكه

والشعب الغلبان سخره ليك ف الجيش يموت مكانك ويشتغل مكانك
انت تعفي نفسك من الضرايب وتشغل البكالوريوسات عمالة عندك ببلاش
وانتج المكرونة وانتج لبن الاطفال واستورد المكيفات واستورد الادوية
وسيب الشركات جوه تقفل وتسرح العمالة وتزود البطالة المهم تدخل الفلوس ف جيبك
ولو في دين خد دين من بره يشيل فوايده الغلابة اللى تحت وتاخد انت ارباحه

ياخساره كنت فاهم إني بتكلم مع شخص بيحاول يفهم.. وكنت مقتنع لحد ما
بنقدك .. لكن واضح توجهاتك .. يابني مصر بلد الرجاله .. الرجاله إللي بتتحمل
الجيش أكبر من إني أدافع عنه ... لواحد بالتفكير ده

الجيش بتاعنا اللى هو الظباط الكبار ميهمهش غير انهم يتفسحوا بس .. وحسيبلك الصورة دي
نفس المكان بنفس الشمسية بس الفرق اذا كنت ظابط ولا مدني !
اه حضرتك لو مش ظابط جيش فانت مجرد مدني !
حتى الطرق .. بقى يمتلكها الجيش وبتدفع عليه الكارتة للجيش لو كنت مدني !
الجيش بتاعنا وصل لمرحلة من التسيب والتدهور ان مجموعة مسلحين غير منظمين ي***وا قائد عسكري كبير قدام بيته

الشمسيه والكرسي دول لسيادتك .. ولو الظابط ده شافهم إسبوع في السنه
يبقي قمه الرفاهيه .. إسمتع بحياتك يابني .. فيه رجاله بتموت .. للأسف عشان
ناس زيك تعيش .. والرد علي كلامك ده .. لمجلس الشعب
نعم للمحاكمات العسكريه
عشان الناس تعرف تتربي ..كويس
حدثني عن الجيش العاشر على مستوى العالم !
https://pbs.twimg.com/media/cpcmam4xgaav1r_.jpg
للأسف .. لست بالقيمه التي تستحق أن أحدثك عن
جيش مصر .. خير أجناد الأرض
فمثلك .. ليذهبوا .. غير مأسوفا عليهم

عن عبدالله بن عمر –رضي الله عنهما- قال سمعت رسول الله – صلى الله عليه وسلم - يقول: (مَنْ حَالَتْ شَفَاعَتُهُ دُونَ حَدٍّ مِنْ حُدُودِ اللَّهِ فَقَدْ ضَادَّ اللَّهَ وَمَنْ خَاصَمَ فِي بَاطِلٍ وَهُوَ يَعْلَمُهُ لَمْ يَزَلْ فِي سَخَطِ اللَّهِ حَتَّى يَنْزِعَ عَنْهُ وَمَنْ قَالَ فِي مُؤْمِنٍ مَا لَيْسَ فِيهِ أَسْكَنَهُ اللَّهُ رَدْغَةَ الْخَبَالِ حَتَّى يَخْرُجَ مِمَّا قَالَ) رواه أبو داود

للأسف .. لست بالقيمه التي تستحق أن أحدثك عن
جيش مصر .. خير أجناد الأرض
فمثلك .. ليذهبوا .. غير مأسوفا عليهم

-------------------------------------------------------------------
قال ابن القيم -رحمه الله-:

"والحق منصورٌ وممتحنٌ .... فلا تعجب فهذي سنّةُ الرّحمنِ

للأسف .. لست بالقيمه التي تستحق أن أحدثك عن
جيش مصر .. خير أجناد الأرض
فمثلك .. ليذهبوا .. غير مأسوف عليهم
-------------------------------------------