ده كلام قضا

شعر / سمير الأمير

......
لما فلاح يستريب
فى كلام معناه مريب
راح يقول ده "كلام قضا"
زي مية مضمضه
تفه من ودنك ياعم
مصر مش مرعة غنم
...
مصر أرض الفلاحين
منذ آلاف السنين
هيه هيه بالقناية
بالشقا ودم الضحايا
هيه هيه بالقدم

م اللي سموها إيلات
للجنوب غرب الوحات
م البحاير للجزاير
من شلاتين للهرم
...
يا جتت تشبه 'تيران،
جوه منها عقول 'سنافر"
الإهانة م الهوان
واللي باع الدم كافر
حتي لو أم اﻷئمه
وادعي إخلاص وهمه
قلة الدين النهارده
ضاربه دقن ولافه عمه
........
كل فلاح يبقي أبوك
علمك حدك ومالك
أوعي يا واد يبلفوك
تفتقر تغرق عيالك
......
كان ابوك فلاح قراري
فاقس الكدب الوزاري
لم رأي للظلم هيبه
كان يقول الكدب خيبه
والكلام ده.. كلام قضا..

رووووووووووووووووووووووووووعة